အိပ်မက်၊ နှိပ်စက်
ငါ့မှာတော့ အိပ်ပျက်။
လူရယ်လို့ဖြစ်လာရင် ရှောင်လွဲလို့ မရတဲ့အရာတစ်ခုရှိတယ်။ အဲဒါကတော့ အိပ်မက်ဘဲ။
မြန်မာလိုဘဲ အိပ်မက်လို့ ခေါ်ခေါ် အင်္ဂလိပ်လိုဘဲ Dream လို့ပြောပြော နာမည်လေးက အရမ်းလှတယ်။
အရမ်းလှသလောက် တစ်ခါတစ်ရံ လူတွေကို အတော်လေးလှည့်စားတတ်တယ်။
-မစားဖူးသေးတဲ့ အစားအစာကိုလဲ စားခဲ့ရတယ်။
-မရောက်ဖူးသေးတဲ့ အရပ်ကိုလဲ ရောက်ခဲ့တယ်။
-အတောင်မရှိပေမဲ့လဲ ကောင်းကင်မှာ ပျံနိုင်ခဲ့တယ်။
-ကျွတ်ဘောမပါပေမဲ့လဲ ရေပေါ်မှာ လမ်းလျောက်နိုင်ခဲ့တယ်။
-သေနတ်မပစ်တတ်ပေမဲ့လဲ တိုက်ပွဲတွေ အများကြီး အောင်မြင်ခဲ့ဖူးတယ်။
-အရည်အချင်းမရှိပေမဲ့လဲ မယ်စကြာဝဠာနှင့် လက်ထပ်ခဲ့ဖူးတယ်။
-အသက်သေပြီးမှလဲ ပြန်ရှင်သန်လာခဲ့ဖူးတယ်။
-ချောက်ကမ်းပါးပြတ်က ပြုတ်ကျပြီး လေဟာနယ်ထဲမှာလဲ တ၀ဲလည်လည် နေခဲ့ဖူးတယ်။
အဲဒါ အိပ်မက်တွေဘဲပေါ့။
ဆိုးတဲ့ အိပ်မက်တွေမက်တိုင်း လန့်နိုးခဲ့ပြီး ချွေးစေးတွေပြန်ခဲ့ဖူးတယ်။ နောက်တစ်ခါ အဲဒီအိပ်မက်မျိုး ထပ်မမက်ဖို့ ဆုတောင်းရတာလဲ အမော။ အိပ်မက်ဆိုပေမဲ့ အိပ်မက်ထဲမှာတော့ တကယ်ဖြစ်နေတာကိုးဗျ။ ကြောက်တာပေါ့။ အိပ်မက်မကောင်းရင် မနက်မိုးလင်းတဲ့အခါ အိပ်ရာခင်း စောင် ခေါင်းအုံး ခြင်ထောင်စတဲ့ အိပ်ခန်းအသုံးအဆောင်တွေကို ဖွပ်လျော်လေ့ရှိကြတယ်။ ညစ်ပတ်သွားလို့ မဟုတ်ဘူးနော်။ ထပ် မက်မှာ ကြောက်လို့။
အိပ်မက်လှလှလေးမက်ပြန်တော့လဲ အိပ်မက်ကနေ နိုးထလာမှာကိုတောင် စိုးရိမ်မိတတ်ကြသေး။
တကယ်လို့ နိုးထလာရင်လဲ အဲဒီအိပ်မက်ကို အခန်းဆက်ဇာတ်လမ်းဆန်ဆန် ပြန်မက်ဖို့ ခေါင်းအုံးကို ပြောင်းပြန်လှန် နှစ်ချက်လောက်ပုတ်ပြီး ထပ်အိပ်တတ်ကြပြန်တယ်။ ကြားဖူးနားဝနဲ့ လုပ်လိုက်ကြတာလေ။
ရှေးလူကြီးသူမတွေက ပြောထားခဲ့ကြတယ်။ မက်ပြီးသားအိပ်မက် ထပ်မက်ချင်ရင် ခေါင်းအုံးကို လှန် နှစ်ချက်လောက် လက်နှင့်ပုတ် ပြန်အုံးပြီး အိပ်ပါ တဲ့။ မှတ်သားစရာတွေပေါ့ဗျာ။ သက်ကြီးစကား သက်ငယ်ကြားလို့ ဆိုထားတယ်မဟုတ်လား။
တစ်ခါတုန်းက
သူငယ်ချင်းတစ်ယောက် အိပ်ပျော်နေတာကို အလုပ်ရှိလို့ သွားနိုးတော့ သူက ကျနော့်ကို မျက်ထောင့်နီကြီးနဲ့ ကြည့်ပြီး ပြောတယ်။
"မင်းဟာ ဒေ၀ဒတ်ဘဲ" တဲ့။
အချောင်သက်သက် အစော်ကားခံလိုက်ရတယ်။ သူကဘဲ အလုပ်လုပ်ချိန်ရောက်ရင် နိုးပါလို့ပြောထားရက်သားနဲ့။
"ဘာဖြစ်လို့ ငါက ဒေ၀ဒတ်ဖြစ်ရမှာလဲ။ ဖြစ်ချင်းဖြစ်ရင် ငါက ဘုရားအလောင်းဖြစ်မှာပေါ့။ မင်းကို ကူညီပြီး လာနိုးရတာလေ"
"မင်းမသိပါဘူးကွာ။ အခု အရမ်းချောတဲ့ ကောင်မလေးတစ်ယောက်နဲ့ အဆင်ပြေခါနီးလေးကွ။ မင်းနှောင့်ယှက်လိုက်လို့ သူထွက်ပြေးသွားပြီ"
"ဘုရားရေ... ဘာဆိုင်လို့တုန်း"
"ငါ အိပ်မက် မက်နေတာကွ။ ကောင်မလေးက နတ်သမီးလောက်လှတယ်။ နှမြောလိုက်တာကွာ။ သူက ငါ့လက်ကို ဆွဲကိုင်လိုက်တယ်။ ငါလဲ သူ့လက်ကို ပြန်ဆွဲကိုင်ပြီး မွှေးမွှေးပေးမယ်အလုပ်မှာ မင်း လာနိုးတာကိုးကွ။ တောက်"
သူကဘဲတောက်ခေါက်ရတယ်ရှိသေး။ အမှန်တကယ် သူ့လက်ကို ကိုင်လိုက်တာက နတ်သမီးလို လှပတဲ့ ကောင်မလေး မဟုတ်ပါဘူး။ သူ့ခြေထောက်ကို လှုပ်ပြီး သွားနိုးရင် လန့်ကန် ကန်မှာ ကြောက်လို့ သူ့လက်ကိုတို့ထိပြီး ကျနော်နိုးလိုက်တာပါ။
ကောင်းတဲ့ အိပ်မက်ဆို လူတွေ အရမ်း စွဲလန်းတတ်ကြတယ်မဟုတ်လား။
(အိပ်မက် အမှတ် ၂ ဆက်ဖတ်ပါ)
2 comments:
အိပ်မက်အကြောင်းကို အိပ်မက်လေး က လာဖတ်တယ်
ဦးဦးကလည်း စိတ်ဝင်စားလာပြီဆိုရင် မြ၀တီကပြတဲ့
ဇာတ်လမ်းတွဲကြနေတာပဲ.. ဆက်ရန်တဲ့
ဟွင့်.. :(
:P :P
ဆက်ရန်ကို မျှော်နေမယ်နော်.. မြန်မြန်လေး
မှတ်သားစရာရသွားပါတယ်
ဖတ်သွားပြီဗျို့..
ကျေးဇူးပါ ကိုမောင်ရေ...
Post a Comment