Sunday 19 July 2009

အနက်ရှိုင်းဆုံးလေးနက်မှုဖြင့်....


အမှောင်ထုကို
အလင်းဖြစ်လာအောင်


မှောက်ထားတဲ့အရာ
ပြန်လှန်လာအောင်


မြှုပ်နေတဲ့အရာ
ပြန်ပေါ်လာအောင်


ချုပ်ထားတဲ့အရာ
ပြန်လွတ်လာအောင်


မှိတ်ထားတဲ့မျက်လုံး
ပြန်ပွင့်လာအောင်


အိပ်ပျော်နေတဲ့စိတ်
ပြန်နိုးထလာအောင်


မက်ထားတဲ့အိပ်မက်
အကောင်အထည်ပေါ်လာအောင်


သိမ်ငယ်နေတဲ့စိတ်
ပြန်တက်ကြွလာအောင်


အငိုမျက်လုံးများ
အပြုံးနဲ့အစားထိုးနိုင်အောင်


ဆိတ်သုဉ်းနေတဲ့ပန်းများ
ပြန်ပွင့်လန်းလာအောင်


သူတို့(အာဇာနည်တွေ)က
ပျော်ပွဲစားထွက်ရင်း
သက်တောင့်သက်သာ ရယူပေးခဲ့တာမဟုတ်ဘူး။


လက်နက်မျိုးစုံ
ရောဂါမျိုးစုံ
ရန်သူမျိုးစုံကို ကြံ့ကြံ့ခံ တွန်းလှန်ရင်း
ချွေးတွေ..သွေးတွေ.. အသက်တွေနဲ့
အလဲအလှယ်လုပ်ပြီး
ကမ္ဘာ့မျက်နှာမှာ
ပွဲလယ်တင့်စေခဲ့တာပါ။


.......
မှတ်ချက်။
ဤကဗျာဖြင့် အာဇာနည်များကို လေးလေးနက်နက် ဂုဏ်ပြုလိုက်ပါတယ်။

....

Saturday 18 July 2009

ဆွိုင်းဖလူးရယ်... ရက်စက်တယ် (ရှစ်လုံးဖွဲ့ကဗျာ)


ကပ်ဆွိုင်းဖလူး..............ထူးလှရောဂါ
ကမ္ဘာအနှံ့.....................ကြောက်လန့်နေတာ
ကိုကိုမောင်လဲ................ကြောက်ကဲနေရှာ
ကျောင်းအတက်.............ပျက်ကွက်ချင်စရာ။


ကျောင်းအတက်ပျက်......ရတက်ပူအင်
မပျက်မကွက်.................ဆက်တက်လျက်ပင်
ကျောင်းစာအခက်..........ထည့်တွက်ပူပင်
ကျောင်းအပျက်..............ကင်းလျက်ပျော်မရွှင်။


မပျော်ရွှင်ဘဲ................သွားမြဲနေတာ
သွားတာသွားရ..............စိတ်ကမပါ
ရထားကကြပ်................ပူးကပ်နေရာ
ကြောက်တဲ့စိတ်............ယိုဖိတ်နေကြရှာ။


ကြောက်ရတဲ့အထဲ.........၀မ်းနည်းချင်စရာ
ကြားရသတင်း...............ချက်ချင်းဗျာပါ
ဆရာမတစ်ယောက်......ကျောင်းရောက်မလာ
ဆွိုင်းဖလူး.....................ကူးစက်ခံရရှာ။


ကူးစက်သတင်း.............ကြားချင်းရင်တုန်
ကျောင်းသားအများ.......ကြောက်ပွါးစုံစုံ
ငရဲပြည်လား.................ရောက်သွားသည့်ပုံ
မျက်နှာပျက်.................ကျောင်းတက်နေလေကုန်။

.....

Thursday 16 July 2009

ပြန်ရေးဦး


ညဥ့်တစ်ချက်ကျော်
စက်တော်တောင်မခေါ်သာဘူး
အိမ်စာတွေပြည့်ကြပ်သမို့
ထပ်ထပ်ရေးခဲ့။


အရုဏ်တက်အစမှာ
ဆရာမကို ပေးစစ်တော့
Academic မဖြစ်သေးဘူး
ပြန်ရေးဦးတဲ့။

.....

Wednesday 15 July 2009

ထီးဝယ်လိုက်ရခြင်း



အပြေးအလွားကဆုန်ပေါက်နဲ့
မြေအောက်ရထားကိုစီး
ထီးကမပါ။


ဘူတာအထွက်ကွေ့အချိုးမှာ
မိုးတွေအရမ်းကြီးလို့
ထီးဝယ်လိုက်ရရှာ။

...

Thursday 9 July 2009

မစိုးရိမ်ပါနဲ့


ပညာရှာဖွေခိုက်မို့
အလိုက်အထိုက်နေရာယူ
ချစ်သူနဲ့ဝေး။

သခင့်အပေါ်သာ တွယ်ငင်ရစ်
အချစ်တွေ တိုးဆင့်သမို့
စိုးထင့်နဲ့လေး။ ။

......

Wednesday 8 July 2009

ကြပ်တယ်


Tube ရထားဝင်အလာမှာ
နေရာတစ်ခု ရဖို့အကြံနဲ့
အမြန်တက်လို့ပြေး။


တွဲထဲအရောက်မှာတော့
လူတကာ မတ်တပ်ရပ်
ကြပ်လှတယ်လေး။ ။

....

Tuesday 7 July 2009

ပန်ကြားခြင်း

ကျောင်းစအတက်မှာ
ကောင်းကွက်ကို ဖွေရှာရင်း
သတင်းအချက်အလက်တွေကများ။


ဘလော့ဂ်တွေ မလည်ဖြစ်ရင်
ကြင်ကြင်နာနာ အပြုံးတွေနှင့်
အမုန်း ကင်းကြစေသား။

............

Monday 6 July 2009

လွမ်းတတ်သူအဖို့

တက္ကသီလာမြေ
ခြေစအချမှာ
မျက်နှာတွေကစိမ်း။


ခိုးငွေ့တွေ သူဆင်ပါလို့
လေငင်ရာသစ်ပင်တွေ ယိမ်းအထိုးမှာ
မိုးတွေကခြိမ်း။

.....

Sunday 5 July 2009

လွမ်းတယ်


မိုင်ပေါင်းကုဋေချီ
ကိုယ်စီအတွေးတွေနဲ့
အဝေးဆီ မှန်းဆ
တမ်းတတဲ့တေး။


သခင့်ကို တစ်ရက်မတွေ့ရရင်
တစ်ရက်ကို တစ်ကမ္ဘာထင်လို့
ဒီရင်မှာ အသဲကျွမ်း
လွမ်းလှတယ်လေး။

...

Saturday 4 July 2009

သီပေါနှင့်စုဖုရား ပြန်ဝင်စားခြင်း

ရာဇ၀င်ဆို စိတ်ဝင်စားတတ်လို့
ဦးကုလား မှန်နန်း
ကျနော် တမ်းတမ်းစွဲ ဖတ်ခဲ့တယ်။

သီပေါ စုဖုရားလတ်အကြောင်း
အထပ်ထပ်ဖတ်ရှု
တစ်ခုခုတော့ သတိထားမိလိုက်သလိုလိုဘဲ။

ခပ်အေးအေး သီပေါရှင်လူထွက်
ခပ်ထက်ထက် စုဖုရားလတ်နဲ့
လက်ထပ်ထိမ်းမြှား
တစ်လင်တစ်မယား စနစ် ထူထောင်ခဲ့တယ်။

သီပေါက ဥသျှောင်
ဦးဆောင်ခဲ့တာက စုဖုရား
အမှားတွေ အများကြီးလုပ်ခဲ့ပေမဲ့
အများအမြင်မှာတော့
သူတို့က
ဘုရင်နှင့်မိဖုရားပါဘဲ။
......

ကျနော်က အေးအေးလူလူ
ချစ်သူက ထက်သထက် ထက်
ချစ်ရက်တွေ ကုန်ဆုံးမှာကို ကြောက်
သေမလောက် ချစ်နေကြတယ်။

ချစ်သူရဲ့  အပြုံးချိုချိုအောက်မှာ
ကျနော်တစ်ယောက် အလူးအလိမ့်နဲ့
သိမ့်သိမ့် ရူးမတတ်
အချစ်ဓါတ်တွေ တိုးပွါးခဲ့ရတယ်။

အေးဆေးမှုနှင့်ထက်မြက်မှု
နှစ်ခုကို အတူတူယှဉ်ပေါင်း
အကြောင်းထူးတော့ ရှိရမယ်
မဟုတ်မှ လွဲရော........
(ကျနော်တို့)
ဘ၀ကူး သီပေါနှင့်စုဖုရား
ဖြစ်များ ဖြစ်လေရော့သလား မသိ။


......

အညမညအချစ်

ကျနော့်အသံကြားရမှ
သူ အားရှိသတဲ့။

ကျနော့်စာ ဖတ်ရမှ
သူ ကျေနပ်သတဲ့။

ကျနော့်ကို မြင်ရင်
သူ ရင်ဖို ရပါသတဲ့။

သူ့အသံ သူ့စာ သူ့ ရုပ်သွင်
(ကျနော်လဲ)
ရင်ခုန်တာပါဘဲ။

....

Wednesday 1 July 2009

ခွင့်လွတ်ထာဝစဉ်


(၁)
ချစ်သူအိပ်မက်....
အရိပ်အမြွက်ပြသယောင်.....
အမောင်ဘယ်သို့လဲ။

ဖီလင်တွေမယိုဖိတ်....
တိတ်တိတ်ကလေးတစ်ရေးနိုးတော့....
ကြိတ်မှိတ်အဆွေးလေးပိုခဲ့ရပေါ့......
အတွေးတွေဆင့်ကဲ။
..............


(၂)
အပြင်မှာ....
တစ်ပင်မရှာချင်သူမို့....
သခင်ကြင်နာပါလှဲ့။

အိပ်မက်တွေ....
နှိပ်စက်ခွင့်မရအောင် စောင်ခြုံကာကွေး....
(ကို့အကြောင်း)တွေးတွေးပြီး တစ်ရေးအိပ်လှဲ့ပါကွဲ့။
.............


(၃)
လောဘကြီးသူမို့....
လောကကြီးကို အလှဆင်....
ယဉ်ယဉ်လေးပြုံး။

ချစ်အိပ်မက်ထဲ....
စွဲမက်စရာ ကို့ပုံရိပ်အပေါ်....
ဖီလင်တွေယိုဖိတ်ရင်ပေါ့....
ဘယ်တော့မှ မမုန်း။
..............


(၄)
အချစ်တွေ အချစ်တွေ....
နှစ်တွေသာ ကုန်သွားစမ်းပါစေ....
ခန်းခြောက်အံ့မထင်။

အပြစ်တွေ အပြစ်တွေ....
လှစ်ဖွေကာ တွေ့ရင်လဲ....
ချစ်ဗွေမှာ အပြစ်တွေ မရှိလေတော့....
ဖြစ်လေသမျှ အချစ်တွေဆင့်....
ခွင့်လွတ်ထာဝစဉ်။

.......