Friday, 19 September 2014

~~~ထုိုတည၀ယ်~~~

"အအိပ်မက်သော သူအဖုို့  ညဥ့်တာတုို့သည် တိုလွန်းလှချေ၏"

နဂါးမြူးသော နှစ်မုို့လားမသိ အိပ်လုို့ အလွန်ကောင်းသည်။ အိပ်ရင်းနဲ့ စာကြည့်မယ်၊ အိပ်ရင်းနဲ့ တရားနားထောင်မယ်လုို့များ စိတ်ကူးမယဉ်လေလင့်။ "တရားဆုံး တုံးလုံးစက်တော်ခေါ်" ဆုိုသလုို ဖြစ်မှာ အမှန်ပင်။

စိတ်ဖိစီးမှုများလေ အအိပ်ပျက်အစားပျက်ဖြစ်လေ ဖြစ်ရမဲ့အစား နင်းကန်အိပ်ကောင်းနေသည်။ အဆုိုတော် ဒေါ်မာမာအေးရဲ့ အိမ်ရှင်မ အလုိုက်ကလေးနဲ့  "ခေါင်းအုံးပေါ် ခေါင်းကို ချလုိုက်ရာ၊ သမ္ဗုဒ္ဓေမှ မဆုံးရှာ၊ အိပ်ပျော် သွားပါသတဲ့ခင်ဗျာ" ဆုိုပြီး ဟစ်အော်ရမလုိုလုိုပင်။

ညပိုင်းအိပ်ချင်စိတ်မရှိအောင်ဆုိုပြီး ကျွဲရိုင်းဗူးသောက်ပေမဲ့လဲ ကျွဲရိုင်းဗူး သောက်လုို့မပြီးသေးခင် စာကြည့်ရင်း အိပ်ပျော်သွားတတ်ပြန်ရော။ တစ်ရေးနုိုးမှ လက်ကျန်တစ်ဝက်ကို ထသောက်ရတဲ့အဖြစ်။ မနေ့တုန်းကလဲ တနေကုန်ထုိုင်ပြီး စာကြည့်စာရေးလုပ်နေရတဲ့အတွက် တကုိုယ်လုံး ညောင်းညာနွမ်းရိကုိုက်ခဲလုို့။ ဒါနဲ့ မာဆတ်တုို့ စပါးတုို့လဲ ၀ါသနာမပါလေတော့ အိမ်မှာရှိတဲ့  Bathtub ထဲ ရေနွေးနွေးလေး ပြည့်အောင်ဖြည့်ပြီး တကိုယ်ကောင်လုံး နစ်မြုပ်ကာ အညောင်းပြေစိမ်နေရင်း မှေးကနဲ အိပ်ပျော်သွားလုိုက်တာ အိမ်ပေါ်မှာ ရေနစ်မှု ဖြစ်ခါနီးနီးရယ်။ အဲလောက်တောင်ဖြစ်တာ။ အဲဒီလုိုနဲ့ ညဘက်ရောက်တော့ မဖြစ်ချေဖူး သံပုရာသီးခြမ်းလေး ပါးစပ်ထဲငုံထားမှ တော်ရာကျတော့မယ်၊ ကြည့်စရာစာတွေက အတော်များနေတယ် ဆုိုပြီး မျက်လုံးကျယ်လာအောင် ချဉ်လှပါတယ်ဆုိုတဲ့ သံပုရာသီးခြမ်းလေးး တစ်ခြမ်း ပါးစပ်ထဲငုံပြီး စာကြည့်စာဖတ်လုပ်ပါတယ်။ ဘယ်လုိုက ဘယ်လုို ဖြစ်သွားလေသည်မသိ။ ငိုက်ကနဲ ရှိုက်ကနဲ။

နေ့စဉ် အခန်းတွင်းအောင်း စာဖတ်စာကြည့် အင်တာနက်ဝင်နဲ့ လူလဲ နုံးချိချိ ဖြစ်လာသည်။ ဒါနဲ့ ညနေခင်းဘက် အညောင်းလဲပြေ စာရေးဖုို့လဲ ကုန်ကြမ်းတစ်ခုခု ရပါစေတော့ဆုိုပြီး ဟုိုနားဒီနား လမ်းလျှောက်ထွက်ဖြစ်သည်။

ဆောင်းဦးဝင်ခါနီးမုို့ မုိုးချုပ်တာလဲ နဲနဲစောလာသည်။ ညနေ ခုနာရီခွဲ ရှစ်နာရီဝန်းကျင်လောက်တွင် နေရောင်က မရှိချင်တော့။ သုို့သော် အလင်းရောင်ဖျဖျတော့ ရှိနေသေးသည်။ လမ်းလျောက်ရင်း အချိန် အလဟဿ မဖြစ်ရအောင် ဟန်းဆက်မှတဆင့် နားကြပ်တပ်ဆင်ပြီး ဘီဘီစီရေဒီယုို နားထောင်ရင်း စည်းချက်မှန်မှန် လမ်းလျှောက်ဖြစ်သည်။ သုို့သော် လမ်းလျှောက်သွားရာလမ်းနှင့် လေယာဉ်ဆင်းသက်ရာ  လမ်းကြောင်းတုိုက်ဆုိုင်နေ၍ လေယာဉ်သံက နားကြပ်နဲ့ နားထောင်နေသည့် ရေဒီယုိုသံကုို ကျော်လွန်သွားမြဲပင်။ လေယာဉ်က သုံးမိနစ်နှစ်စီး ပျံသန်းနေတာဆုိုတော့ ဆူညံလွန်း၍ ရေဒီယိုဘက် အာရုံ သိပ်မရောက်ဖြစ်တော့။ လေယာဉ်သံကြားတုိုင်း ဘယ်အဲယားလုိုင်းက လေယာဉ်ပါလိမ့်ဟူသော အတွေးဖြင့် မော့မော့ ကြည့်ဖြစ်နေတော့၏။ 

နေရောင်ပျောက်သွားပြီမုို့ လမ်းမီးတွေက ထိန်ထိန်သာလာ၏။ ကြည်လင်ပြတ်သားသော ကောင်းကင်၊ တန်းစီ ပျံသန်းနေသာ လေယာဉ်ကြီးများ။ အင်းးး အင်တာနက်နဲ့ ဒီလေယာဉ်ကြီးတွေကြောင့် ကမ္ဘာကြီး ကျဉ်းသွားတာ ကျုံ့ သွားတာ။ ကျဉ်းလွန်းကျုံ့ လွန်းတော့လဲ စိတ်လှုပ်ရှားမှုမျိုးတွေ ဆိတ်သုဉ်းကုန်သည်။ စိတ်ချမ်းသာဖုို့ထက် စိတ်ဆင်းရဲဖုို့ သတင်းတွေက ချက်ချင်းဖြစ် ချက်ချင်းကြားသိရသည်။ တုိုက်ပွဲပေါင်းစုံ၊ ပြဿနာပေါင်းစုံ၊ အလိမ်အညာပေါင်းစုံ၊ ပြစ်မှုပေါင်းစုံ၊ ပြီးတော့ ရောဂါပေါင်းစုံ။ 

တောင်တောင်အီအီစဉ်းစားရင်း တနေရာအရောက်မှာ အမှတ်မထင် လေယာဉ်လမ်းကြောင်းရဲ့ အခြားတဘက် ကောင်းကင်ပေါ်သုို့ မော့ကြည့်လုိုက်မိ၏။ ဖရဲသီးအကြီးသုံးလုံးစာခန့်ရှိသော အလုံးနီနီကြီး တစ်လုံး ကောင်းကင်ပေါ်၌ ပျံဝဲနေသည်ကို တွေ့ရလေ၏။ ထိုအလုံးကြီးသည် ကျွနု်ပ်ဦးတည် လမ်းလျှောက်ရာ အရပ်ဆီသုို့ တဖြည်းဖြည်း နိမ့်ဆင်းလာလေ၏။ မြေပြင်သုို့ ရောက်ခါနီးလေ အလုံးကြီးကို ထင်ထင်ရှားရှား မြင်ရလေဖြစ်၏။ ထုိုအလုံးကြီးပေါ်၌ အရုပ်တစ်ခု ရေးဆွဲထားသည်ကို တွေ့ရ၏။ ပူးတုိုက်ဂါး ရုပ်ကြီး။ 

"အင်း... ဖန်ဖဲယား တစ်ခုခုကနေ မိုးပျံပူပေါင်း လွှင့်စင်ခဲ့တာ ဖြစ်မယ်။ ရှေ့ နား ပြုတ်ကျလာရင်တော့ ကောက်ယူခဲ့မှ။ တော်တော်လှတဲ့ အရုပ်ကြီး"

ကျွနု်ပ်၏ မိတ်ဆွေမိသားစုမှာ မူကြိုအရွယ် သမီးလေးတစ်ယောက်ရှိ၏။ ထုိုသမီးလေးသည် ပူးတုိုက်ဂါးရုပ်ကို အလွန်ကြိုက်၏။ ကျွနု်ပ်ထံသုို့ အလည်လာသောအခါတုိုင်း ကျွနု်ပ်၏ ကွန်ပျူတာဖြင့် ပူးတုိုက်ဂါးဗီဒီယုိုဖုိုင်ကုို ယူကျုကနေ ကြည့်လေ့ရှိ၏။ ကြည့်သည့်အခါတုိုင်း တဟင်းဟင်း ရယ်မောလေ့ရှိ၏။ သူရယ်မောဟန်လေးက အပြစ်ကင်းကင်းနဲ့ တကယ့်ချစ်စရာလေး။ သူ့ကုိုသာ ဒီပူးတုိုက်ဂါးရုပ်ကလေး လက်ဆောင်ပေးလုိုက်ရင် ပျော်လုိုက်မဲ့ ဖြစ်ခြင်း။

ထုိုပူးတုိုက်ဂါးရုပ်ပါရှိသည့် အနီလုံးကြီးသည် မြေပြင်သုို့ တစတစ နိမ့်ဆင်းလာလေသည်။ ကျွနု်ပ်သည်လည်း ခြေလမ်းသွက်သွက်ဖြင့် ထုိုအလုံးကြီး ကျလောက်ရာနေရာကုို မှန်းဆပြီး မပြေးရုံတမယ် သွားလေ၏။ သုို့သော် ထုိုအလုံးကြီး မြေပြင်သို့ ကျရောက်ခါနီးအချိန်လောက်မှာ ပတ်ဝန်းကျင်တစ်ခွင်ကို သတိပြုမိလုိုက်တော့ ထုိုအလုံးကြီးနောက် လုိုက်လာကြသော လူပေါင်း လေးငါးဆယ်ကို အံ့သြစွာ တွေ့ရလေ၏။ အင်း.... အကြံတူ ရန်သူတွေ။

ထုိုအလုံးကြီးကုို ကျွနု်ပ်ရယူဖုို့ရန်မှာ မလွယ်ကူတော့ချေ။ ကျွနု်ပ်သည် ပြိုင်ဆုိုင်ချင်သူမဟုတ်။ ဘ၀တလျှောက်လုံး တခါမှ ပြိုင်ဆုိုင်ဖူးခဲ့ခြင်းမရှိ။ ပညာရေး စီးပွါးရေး အချစ်ရေး။ ဘာအရေးမှ ပြိုင်ခဲ့သူမဟုတ်။  ပြိုင်ဆုိုင်ခြင်းတွေမှာ ကောင်းကျိုးထက် ဆုိုးကျိုးကို ပုို ဖြစ်စေတတ်သည် မဟုတ်ပါလား။ အခန့်မသင့်ရင် ဘ၀ပါ ဆုံးပါးသွားနိုင်သည်လေ။ ဒီတော့ ဒီလူအုပ်ကြီးနဲ့ ဒီအလုံးကြီးကုို ယှဉ်လုဖုို့ ကျွနု်ပ်မစဉ်းစားတော့။ သုို့သော် မိတ်ဆွေ၏ သမီးလေးကို ထုိုအရုပ်ကြီး လက်ဆောင် မပေးလုိုက်နိုင်သည်ကိုတော့ စိတ်မကောင်း။

ကျွနု်ပ်နဲ့ မလှမ်းမကမ်း လူသွားကွန်ကရိလမ်းပေါ်သုို့ ထုိုအလုံးကြီး ကျရောက်လာ၏။ အပေါ်က ကျလာသည့်အရှိန်နဲ့ လေနဲနဲတုိုက်နေသည့် အရှိန်တုို့ကြောင့် ထုိုအလုံးကြီးသည် ကွန်ကရိလမ်းပေါ်၌ လှိမ့်နေလေ၏။ လူအုပ်ကြီးကလဲ အပြေးအလွှား သူ့ထက်ငါ ရယူဖုို့ တာစူနေကြလေ၏။  သုို့သော် သုို့သော်။ ထုိုအလုံးကြီးအနား လူအုပ်ကြီး ရောက်သွားသောအချိန်၌ ထုိုအလုံးကြီးသည် လမ်းပေါ်ရှိ ကွန်ကရိအစွန်းစ၊ သဲစတုို့ဖြင့် ပွတ်တုိုက်မိကာ အမှတ်မထင် ဖောင်းကနဲ ပေါက်ကွဲလေတော့၏။ အေးရော။ 

သို့သော် မအေးနိုင်ပါ။ ဖောင်းကနဲ ပေါက်ကွဲသံနဲ့အတူ ထုိုအလုံးကြီးတွင်းမှ ပုရွက်ဆိတ်ငယ်များကဲ့သိုို့သော အနက်ရောင် အကောင်များ ထောင်ပေါင်းများစွာ ဖြာထွက်လာသည်။ ထုို့နောက် တမုဟုတ်အတွင်း ရှေ့နောက်ဝဲယာသုို့ ပျံ့နှံ့သွားကာ ထုိုအကောင်လေးများ ရိပ်ကနဲ ရိပ်ကနဲ ပျောက်ကွယ်သွားကြကုန်လေ၏။ ခဏလေးမှ တကယ့်ခဏလေး။ ထုို အဖြစ်အပျက်ကို ကြည့်ပြီး ထုိုလူအုပ်ကြီးသည်လည်း မှင်တက်မိကာ ပါးစပ်အဟောင်းသား ဖြစ်နေကြလေတော့၏။ 

ကျွနု်ပ်သည်လည်း မုိုးအတန်ချုပ်နေပြီ ဖြစ်သည့်အတွက် နေအိမ်သုို့ နောက်ကြောင်း ပြန်လှည့်လာခဲ့လေ၏။   အသွားတုန်းက ရပ်ကွက်လမ်းထဲ ကွေ့ပတ်သွားခဲ့သော်လည်း အပြန်မှာမူ အေဖုိုး လမ်းမကြီးအတုိုင်း လျှောက်ပြီး ပြန်လာခဲ့၏။ ကျွနု်ပ်ပြန်လှည့်လာပြီး နာရီဝက်ခန့်ကြာသောအခါ အေးဖုိုးလမ်းမကြီးအတုိုင်း ထုိုအလုံးကြီးကျရောက်ရာ အရပ်ဘက်သုို့ လူနာတင်ကားများ ရဲကားများ မီးသတ်ကားများ တ၀ီဝီဖြင့် ဖြတ်သန်းသွားနေကြသည်ကုို သတိထားမိလေ၏။ ကျွနု်ပ်ပင် နေအိမ်သုို့ ပြန်မရောက်သေးချေ။

ဒါကလဲ အဆန်းတော့မဟုတ်။ ဒီနုိုင်ငံမှာက အရေးအကြောင်းတစ်ခုပေါ်တုိုင်း ရဲကား၊ မီးသတ်ကား၊ လူနာတင်ယာဉ်တုို့ သွားရောက်ကြမြဲဖြစ်လေ၏။ အခုလဲ တနေရာရာမှာ အရေးပေါ်ကိစ္စတစ်ခုခုရှိနေလုို့ ဖြစ်မှာပါဆုိုပြီး ပုံမှန်ထက်မပုိုသော စဉ်းစားမှုမျိုးဖြင့် စဉ်းစားပြီး လာလမ်းအတုိုင်း အေးဆေးစွာ လျှောက်မြဲ လျှောက်နေမိလေ၏။ သုို့သော် အရေးပေါ်ကားတွေက များသထက် များလာသည်။ တစ်စီး.. နှစ်စီး.. သုံးစီး.. မရေတွက်နုိုင်တော့။ အနည်းဆုံး အစီး သုံးဆယ်လောက်တော့ ရှိမည်။ တစ်ခုခုတော့ တစ်ခုခုပေဘဲ။

တုိုးတုိုး တုိုးတုိုး ပြောနေကြသည့် လမ်းသွားလမ်းလာများထံ စနည်းနာမိသည်။ ကြားရသည့် သတင်းက ကြက်သီးဖြန်းချင်စရာ။ လူပေါင်းသုံးလေးဆယ်လောက် အုပ်စုလုိုက် ချက်ချင်း ခန္ဓာကုိုယ် ယားယံပြီး အဖုအပိန့်တွေ တကုိုယ်လုံးထွက်လာလုို့တဲ့။ အဖုအပိန့်တွေကနေ သွေးတွေလဲ တလစပ် ထွက်ကြတယ်တဲ့။ အန်လဲ အန်ကြတယ်တဲ့။ မျက်လုံးတွေလဲ နီမြန်းလာကြတယ်တဲ့။ ခန္ဓာကုိုယ်တွေလဲ ခြစ်ခြစ်တောက် ပူလောင်ကြသတဲ့။ ဘုရား ဘုရား။ 

""အီဘုိုလာ""

ဟုတ်သည်။ သူတုို့တတွေ အီဘုိုလာရောဂါ ကူးစက်ခံရချေပြီ။ သူတုို့ အငမ်းမရ လိုချင်လွန်းသည့် ကောင်းကင်မှ ကျလာသည့် အလုံးနီကြီးသည် အီဘုိုလာရောဂါပုိုးများစွာကုို သယ်ဆောင်လာပြီး သူတုို့ ရှေ့မှောက်မှာပင် ပေါက်ကွဲလေ၏။ ထုို့နောက် ထုိုရောဂါဗုိုင်းရပ်ပုိုးများသည် နီးစပ်ရာလူအုပ်ကြီးဆီသုို့၎င်း အခြားအရပ်များသုို့၎င်း ပျံ့ နှံ့ကူးစက်သွားလေတော့၏။ ထုိုသုို့ဆုိုလျှင် ကျွနု်ပ်သည်လည်း ထိုအနီလုံးကြီး ကျရောက်ပေါက်ကွဲရာ အနီးအနား၌ တည်ရှိခဲ့သည် မဟုတ်ပါလား။ ပြန် စဉ်းစားမိသောအခါမှ ဗိုက်နာသလုို ခန္ဓာကုိုယ် ယားယံလာသလုို စစ်ကနဲ စစ်ကနဲ ဖြစ်လာလေ၏။

အီဘုိုလာဟူသော စကားလုံးသည် အလွန်လှပလေ၏။ သူ့လုို လှပသောအမည်နဲ့ သည်ရောဂါဆုိုးမျိုးနဲ့ မထုိုက်တန်ပေ။ သုို့သော် အလှအပတုိုင်း၏ နောက်ကွယ်၌ အလွန်ကြီးမားသည့် အန္တရာယ်များ အမြဲရှိနေတတ်၏ ဟူသော နီတိတစ်ခုကို မွေးဖွားပေးလေသယောင် ရှိလေ၏။ အန္တရာယ် အလွန်ကြီးပါပေစွ။ အမှန်မှာ ထုို အီဘုိုလာ ဟူသော အမည်သည် ထုိုရောဂါ၏ ကို်ယ်ပုိုင်အမည် မဟုတ်ချေ။ ဒီမုိုကရက်တစ်ကွန်ဂိုပြည်သူ့သမ္မတနုိုင်ငံအတွင်းရှိ အီဘုိုလာ ဟူသော မြစ်၏ အမည်ကို ယူသုံးထားခြင်းဖြစ်၏။ အဘယ်သို့ ယူသုံးထားသနည်းဟူမူ ထုိုရောဂါအား ပထမဆုံး ခြေရာခံနုိုင်ခဲ့သော နေရာသည် ထုိုအီဘုိုလာမြစ်ဝှမ်းဒေသတ၀ိုက်၌ ဖြစ်သောကြောင့်ဖြစ်၏။

တိတိကျကျဆုိုရပါမူ ထုိုရောဂါအား ၁၉၇၆ခုနှစ် သြဂုတ်လ ၂၆ ရက်နေ့၌ စတင်တွေ့ရှိပြီး အတည်ပြုနိုင်ခဲ့၏။ ပထမဦးဆုံး ထုိုအီဘုိုလာရောဂါကို ခံစားရသူမှာ ကျေးရွှာကျောင်းအုပ်ကြီး မာဘလုို လုိုကဲလာ ဖြစ်လေ၏။ ထုိုကျောင်းအုပ်ဆရာကြီးသည် ထုိုအီဘုိုလာမြစ်ကမ်းတလျှောက် ၁၉၇၆ခု သြဂုတ်လ ၁၂ ရက်မှ သြဂုတ်လ ၂၂ ရက်နေ့အထိ ခြေဆန့်ခရီးထွက်လေ၏။ ခရီးထွက်ရင်း ရောဂါဆန်းတစ်ခုရရှိကာ ထုိုနှစ် စက်တင်ဘာ ၈ ရက်နေ့၌ ကွယ်လွန်လေ၏။ ထုိုအခါမှစ၍ ထုိုရောဂါနာမည်ကို အီဘုိုလာမြစ်ကမ်းဘေးမှာ ဖြစ်ပွါးခဲ့သောကြောင့် အီဘုိုလာရောဂါဟု ခေါ်တွင်ပြီး ထင်ရှားခဲ့လေ၏။ 

ထုိုရောဂါကူးစက်ခံရသူသည် နှစ်ရက်မှ သုံးပတ်အတွင်း အပူဖျားခြင်း၊ လည်ချောင်းနာခြင်း၊ ကြွက်သားနာခြင်း၊ ခေါင်းမူးခေါင်းကိုက်ခြင်း၊ အော့အန်ခြင်း၊ ၀မ်းလျောဝမ်းပျက်ဖြစ်ခြင်း နှင့် အသဲ အဆုတ်တုို့ အလုပ်မလုပ်တော့ခြင်း၊ ခန္ဓာကုိုယ်တွင်းပြင်သွေးယုိုစီးခြင်းစသည့် လက္ခဏာများ ဖြစ်လာလေတော့၏။ ထုိုရောဂါရှိနေသော လူ သုို့မဟုတ် တိရစ္ဆာန်တုို့၏ သွေး ချွေး စသည်တုို့မှလည်း ကူးစက်နိုင်သည်ဟု ၀ီကီ၌ ဆုိုထားလေ၏။ (အကျယ်သိလုိုပါက ၀ီကီ သုို့သွားပြီး ရှုကြပါလှည့်)။ ထုိုရောဂါသည် ယခုအခါ အနောက်အာဖရိကနိုင်ငံများဖြစ်သည့် ဂီနီယာ၊ ဆီရလီယွန်၊ လုိုက်ဘေးရီးယားနှင့် နိုင်ဂျီးရီးယားနိုင်ငံတုို့၌ ဖြစ်ပွါးနေလေ၏။ လွန်ခဲ့သည့် မတ်ခ်ျလကစပြီး ယခုအချိန်အထိ ထုိုရောဂါဖြင့် လူပေါင်း ၂၄၀၀ ကျော် သေဆုံးပြီး ဖြစ်လေ၏။

ဥပါဒါန်ကြောင့် ဥပါဒ်ရောက်ဆုိုသကဲ့သုို့ ကျွနု်ပ်သည်လည်း အသက်ရှုမ၀သလုိုလုို တကုိုယ်လုံး ယားယံလာသလုိုလုို ဗုိုက်ထဲက နာလာသလုိုလုို ဖြစ်လာလေ၏။ ဒါဆုို သေချာပြီ အီဘုိုလာ။ အီဘုိုလာဆုိုရင်... ဆက်ပြီးမတွေးရဲတော့။ တကုိုယ်လုံး တောင့်တင်းလာသည်။ ခြေတွေလက်တွေ လေဖြတ်သလုိုဖြစ်လာသည်။ ပါးစပ်တွေလဲ ထုံကျင်လာလေသည်။ သွားတွေလဲ ကျိန်းစပ်လာလေသည်။ ငါ ဒီအတုိုင်း အရှုံးပေးလုို့ မဖြစ်သေးဘူး။ လုပ်စရာတွေ အများကြီး ရှိသေးတယ်။ ငါ ဘာမှ မဖြစ်စေရဘူး။ ငါ ဘာမှ မဖြစ်ဘူး။ ငါ ငါ ငါ။ ဂါးးးးးးးးးး။

မျက်လုံးဖွင့်ကြည့်လုိုက်တော့ ညဥ့် တစ်နာရီ။ လန့်နုိုးလာမှ ပါးစပ်ထဲက သံပုရာသီးခြမ်းကုို ထွေးထုတ်ပြီး ပါးလုပ်ကျင်းလုိုက်ရသည်။ ကျင်လိုက် ကျိန်းလုိုက်သည့်ဖြစ်ခြင်း။ အင်း.... မုိုးမလင်းသေးဘူး။ အချိန်ရှိသေးတယ်။ ထပ် နှပ်လုိုက်ဦးမှ။

"ကဲ အစက မပြောလား။ အအိပ်မက်သော သူအဖုို့ ညဉ့်တာတုို့သည် တိုလွန်းလှချေ၏" လုို့။  ။


သဗ္ဗေသတ္တာ အဝေရာ ဟောန္တု။
သူကြီးမင်း (တုံးဖလား)
(၁၉၊၀၉ ၊၂၀၁၄ သောကြာနေ့ ၀၀း၄၀ နာရီ)


မှတ်ချက်။
ဝီကီပီဒီယားမှ အချက်အလက် အနည်းငယ် ယူထားပါသည်။


BPP Challenge
.


Monday, 8 September 2014

ကမ္ဘာကျော် ကုိုယ်ဝန်သည်


ဒီနေ့ တော်သလင်း လပြည့်နေ့။ ဒါမှမဟုတ် ဂရုဓမ္မအခါတော်နေ့။ ဂရုဓမ္မဆုိုတာ ငါးပါးသီလကို ပြောတာပါဘဲ။ ဒါဆုို ဒီနေ့ ငါးပါးသီလနေ့ပေ့ါ။ ဇာတ်တော်ထဲမှာတော့ ရှင်ဘုရင်ကစပြီး ပြည့်တန်ဆာထိ ငါးပါးသီလစောင့်ထိန်းကြတယ်တဲ့။ အကျိုးကျေးဇူးကတော့ မုိုးလေ၀သမှန်ကန်ပြီး ကပ်ကြီးသုံးပါးက လွတ်မြောက်တယ်တဲ့။ ဗုဒ္ဓဘာသာကို အမွန်မြတ်ထားတဲ့ ရှေးမြန်မာမင်းများလဲ ၀ါတွင်းကာလတွေမှာ ဂရုဓမ္မသီလစောင့်ထိန်းလုိုက်နာကြဖုို့ အမိန့်တော်ပြန်တမ်းထုတ်ပြီး မြို့ထဲလှည့်လည်နုိုးဆော်ကြသတဲ့။ သာဓု သာဓု သာဓု။

အမှန်က ဂရုဓမ္မအခါတော်နေ့အကြောင်း ရေးချင်တာ မဟုတ်ပါဘူး။  မင်းသမီးကိတ် ဂရုဓမ္မအခါတော်နေ့မှာ ကုိုယ်ဝန်ရတဲ့ အကြောင်းလေး နဲနဲ တုို့ထားမလုို့ပါ။ ဒီကလေးဟာ မင်းသားဝီလျံနှင့်မင်းသမီးကိတ်တို့ရဲ့ ဒုတိယကလေး ဖြစ်သလုို ဗြိတိန်နိုင်ငံရဲ့ လေးယောက်မြောက် နန်းညွန့်လျာလေး ဖြစ်လာမှာပါ။ တုိုက်ဆုိုင်မှုလုို့ ဆုိုလေမလား၊ ပုဗ္ဗနိမိတ်လုို့ ဆုိုလေမလား မသိ။ သူတုို့ရဲ့ ပထမကလေးကို မနှစ်က ၀ါဆုိုလပြည့်နေ့ကြီးမှာ မွေးဖွားလာပြီး မုိုးချုန်းသံ မုိုးကြိုးပစ်သံ တညံညံနဲ့ သဘာဝတရားရဲ့ ကောင်းချီးတွေ အပြည့်နဲ့ပေါ့။ အခုလဲ ဒုတိယကလေးကုို ဒီနေ့ တော်သလင်းလပြည့်နေ့ကြီးမှာ ကိုယ်ဝန်ရပြန်ပြီတဲ့။ ကိုးလလွယ် ဆယ်လဖွားဆုိုရင်တော့ လာမဲ့နှစ် ၀ါဆုိုလပြည့်နေ့မှာ မွေးဖွားပြန်လေမလား မသိ။ ဘယ်လုိုဘဲ ဖြစ်ဖြစ် ပထမကလေးကို ၀ါဆုိုလပြည့်ဓမ္မစကြာအခါတော်နေ့မှာ မွေးဖွားခဲ့ပြီး အခုဒုတိယကလေးကို တော်သလင်းလပြည့်နေ့ ဂရုဓမ္မအခါတော်နေ့မှာ ကိုယ်ဝန်တည်နေတာကတော့ သူတုို့လေးတွေရဲ့ ထွန်းတောက်မဲ့ နိမိတ်ကောင်းတွေ ဖြစ်လာနိုင်ပါတယ်။ 

မင်းသားဝီလျံက ဒုတိယမြောက်ကလေးကို လူ့လောကထဲ ဆွဲခေါ်ဖုို့ ပြင်ဆင်နေပေမဲ့ သူ့ရဲ့ တစ်ဦးတည်းသော ညီတော်မောင် မင်းသား လူပျိုကြီး ဟယ်ရီကတော့ ကဲလုို့ကောင်းတုန်း ပျော်လုို့ကောင်းတုန်း။ သူ့ပုံစံကုိုက ခပ်နောက်နောက် ခပ်ပျော်ပျော် ပုံစံရယ်။ အခုလဲ ကြည့် သူ့အကိုရဲ့ ဒုတိယကိုယ်ဝန်အတွက် ဘယ်လုို ခံစားရလဲ ဆုိုတော့ သူဖြေတာက "I can't wait to see my brother suffer more" တဲ့။ အဲဒီလုို ခပ်နောက်နောက် ခပ်ပျော်ပျော်ကောင်။ သူ့အဖေ ချားလ်စ်မင်းသားကြီးအတုိုင်းဘဲ။ ဒါပေမဲ့ သူပြောတာလဲ အဓိပ္ဗါယ်တွေ အပြည့်အ၀ ရှိပါတယ်။ ကလေးတစ်ယောက် တုိုးလာလေ သံယောဇဉ်များလာလေ ပိုပြီးပူပန်ရလေလေ မဟုတ်လား။ 

တော်ဝင်မင်းသမီး ကုိုယ်ဝန်ရပြီတော့ စိတ်ထဲပါတာ မပါတာ အသာထား မိတ်ဖက်နိုင်ငံတွေက ၀န်ကြီးချုပ်တွေ သမ္မတတွေ သက်ဆုိုင်ရာနုိုင်ငံခေါင်းဆောင်တွေဆီက ကွန်ဂရက်ကျူလေးရှင်းတွေ သောသော ညံပြန်ဦးမှာပါဘဲ။ သူကြီးမင်းလဲ တုံးဖလားရွာထဲက ဆွေမျိုးအရင်းချာကြီးတွေဖြစ်တဲ့ အေးတုတ်တုို့ ဘုတ်ဆုံတုို့ ကိုယ်ဝန်ရရင်သာ ကွန်ဂရက်ကျူလေးရှင်း မလုပ်ရင် ရှိမယ်။ ဒီစုံတွဲနှင့် ပတ်သက်လုို့ကတော့ ကွန်ဂရက်ကျူလေးရှင်း လုပ်ခဲ့ရပေါင်း မနည်းခဲ့ဘူး။ သူတုို့နှစ်ယောက် မင်္ဂလာဆောင်တုန်းကလဲ ကွန်ဂရက်ကျူလေးရှင်းဘဲ။ မင်းသမီးကိတ် ပထမကုိုယ်ဝန်ရတဲ့ သတင်းကြားတုန်းကလဲ ကွန်ဂရက်ကျူလေးရှင်းဘဲ။ ပြီးတော့ သူတုို့ရဲ့ ပထမသားဦးလေး ဂျော့ဂ်ျကို မွေးဖွားတုန်းကလဲ ကွန်ဂရက်ကျူလေးရှင်းပါဘဲ။ ကဲ အခုလဲ ကြည့်။ သူတုို့ ဒုတိယရင်သွေးလေးကို ဆောင်ယူပြန်ပြီတဲ့။ ဒါလဲ ကွန်ဂရက်ကျူလေးရှင်းပါဘဲ။ 

ဒါပေမဲ့ သူကြီးမင်းက အပေါ်ယံ ပါးစပ်ဖျားလေးတင် ကွန်ဂရက်ကျူလေးရှင်း လုပ်တာ မဟုတ်ပါဘူး။ ရင်ထဲက တကယ်ကို လှိုက်လှိုက်လှဲလှဲ ကွန်ဂရက်ကျူလေးရှင်း လုပ်တာပါ။ အားပေးရမှာပေါ့။ ကုိုယ်မှ သူတုို့လုို မတတ်နုိုင်တာ။ ပထမကလေး ဒုတိယကလေးမှ မဟုတ်ပါဘူး။ သူတုို့ ရလာမဲ့ တတိယကလေး စတုတ္ထကလေး ..အုို... ကုန်ကုန်ပြောရရင်  ဒါဇင်လောက် မွေးလေ့ပစေ ကွန်ဂရက်ကျူလေးရှင်းတွေ လုပ်နေဦးမှာပါ။ သူတုို့ ပုံစံကြည့်ရတာလဲ ဆက်မွေးဦးမဲ့ ပုံစံတွေဘဲလေ။ ပထမကလေးမွေးလုို့ ၁၄လဘဲ ရှိသေးတယ်။ အခု ဒုတိယကလေး ကိုယ်ဝန်ရပြန်ပြီတဲ့။ အားပေးလျှက်ပါ ၀ီလျံနှင့်ကိတ်တုို့ရေ။ ဆက်သာကြိုးစားကြပါ။ အခုလဲ ဒီကုိုယ်ဝန်လေးအတွက်...

"မဲနီး ကွန်ဂရက်ကျူလေးရှင်းစ်" ပါ။ 


စိတ်ဝင်စားသေးရင်..

.

Saturday, 6 September 2014

ချန်ပီယံများသုို့ ဂုဏ်ပြုတေးထပ်



ဖလားတွေ ဆင် ဆင် ဆင့်
မြင် မြင် မြှင့်တင်ပုံ။
ရင် ရင် ရင့်အခုန်
ကြင်ကြင့်စုံ ရွှေဘော။
ပျော် ပျော် ပျော့် မော် မော့ မော်တယ်
ကျော် ကျော့် ကျော် နိမိတ်အဟော။

ရွှေ ရွှေ ရွှေ့  ရွှေပြည်ခွင်မယ်
ဆွေကြည်ရွှင် မနော။
နေခြည်ဆင် အစောထတော့
သဘောကျ လန်းပုံ။
ရွှင် ရွှင့် ရွှင် ရွှင်မဆုံး
ခင်ခင့်ပြုံး ဇောကပ်လုို့ တုန်။

တင်တင့်လုို့  ညင်ညင့်ခုန်သည်
လျင်လျင့်ပုံ အပြုံးနဲ့။
မရှုံးကွဲ့ မြန် မြန့် မြန်
ငါတုို့ရဲ့ စံ။
အောင်ပွဲရ မှန် မှန့် မှန်တယ်
ချန် ချန့် ချန် ပီယံတဲ့လေး။  ။


(တုံးဖလားရွာစား သူကြီးမင်း)း)



မဒမ်ကုိုး(ဒေါ်စိန်တင်) ရဲ့ BPP Challenge ကုို အောင်ပွဲရ မြန်မာဘောလုံးချန်ပီယံနှစ်သင်းအတွက် ဂုဏ်ပြုတေးထပ်ဖြင့် ပြန်လည်တုန့်ပြန်ပေးလုိုက်ပါတယ်။ အောက်ပါ ဘလော့ဂါများကိုလည်း ထပ်မံ၍ BPP Challenge  လုပ်ပေးလုိုက်ပါတယ်။ အချိန်လေး အနည်းငယ်ရှိရင်ဖြင့် ဘကုန်းရွာကြီးအား မစတော်မူကြပါ ခင်ဗျား။း)


.


Monday, 1 September 2014

ဘလော့ပုို့စ်တင်ရန် စိန်ခေါ်ခြင်း




ခုတလော ကမ္ဘာတ၀ှမ်းလုံး ခေတ်စားနေသည့် Ice-Bucket-Challenge ကုို စိတ်ဝင်စားနေမိသည်။ တစ်ယောက်နှင့်တစ်ယောက် စိန်ခေါ်ပြီး ရေခဲရေဖြင့် ဦးခေါင်းပေါ်မှ နေပြီး တကုိုယ်လုံးသုို့ လောင်းချရသည်။ သုို့မဟုတ် ရေခဲရေ ပျော်ဝင်နေသည့် ရေချိုးကန်၊=ရေကန်၊ ချောင်း၊ မြစ်၊ ပင်လယ် စသည်တုို့ထဲသို့ ခန္ဓာကုိုယ်ကို စိမ်နစ်ရသည်။ ထုိုကဲ့သို့ လုပ်ခြင်းသည် အချီးနှီးအလဟဿတော့မဟုတ်။ Amyotrophic Lateeral Sclerosis အမည်ရှိ ရောဂါ ခံစားနေရသူတုို့ကုို ကိုယ်ချင်းစာ နားလည်ပေးဖုို့နှင့် ရောဂါရှာဖွေကုသရေးသုတေသန အသင်းအဖွဲ့အတွက် ရံပုံငွေ ရှာပေးခြင်းဖြစ်၏။ ထုို Ice-Bucket-Challenge ကို အစပျိုးခဲ့ရာနိုင်ငံမှာ အမေရိကန်နိုင်ငံဖြစ်သည်။

ထုိုရောဂါသည် သွက်ချာပါဒမျိုးဖြစ်ပြီး ကြွက်သားများ သေသွားကာ လမ်းလျှောက်ခြင်း၊ စကားပြောခြင်း၊ စားမျိုခြင်း၊ အသက်ရှူခြင်းတုို့ ခက်ခဲလာပြီး နောက်ဆုံး၌ သေဆုံးရသည်အထိ ဖြစ်ပွါးတတ်ပါသည်။ ထုိုရောဂါ၏ ခံစားမှုတုို့မှာ ရေခဲရေဖြင့် နာရီများစွာ အလောင်းခံရခြင်း အစိမ်ခံရခြင်းကဲ့သုို့  ခံစားရသော ပုံစံမျိုးဖြစ်ပါသည်။ ထုို့ကြောင့် ထုိုရောဂါ ဝေဒနာရှင်တုို့ကို သနားညှာတာနားလည်မှု ရှိစေရန် ရည်ရွယ်၍ ထုို  Ice-Bucket-Challenge ပြုလုပ်ခဲ့ကြခြင်းဖြစ်သည်။ ထုို Ice-Bucket-Challenge သည် ၂၀၁၄ ဂျူလုိုင်-သြဂုတ်လများတွင် ကမ္ဘာတ၀ှမ်း ရေပန်းစားလာခဲ့သည်။ 

စိန်ခေါ်ပုံမှာ မိမိကိုယ်ကုို ရေခဲရေဖြင့် လောင်းပြီး သုို့မဟုတ် အလောင်းခံပြီး သုို့မဟုတ် ရေခဲရေစိမ်ပြီး မိမိရင်းနှီးကျွမ်းဝင်သူ သို့မဟုတ် ဆွေမျိုးတုို့ကို နာမည်ထုတ်ဖော်ပြီး စိန်ခေါ်ရသည်။ ဥပမာအားဖြင့်... ကျနော် အန်တီတင့် ဆရာဟန် ကမုိုးသက် တုို့ကို စိန်ခေါ်ပါတယ်.. ဆုိုပြီး မိမိကုိုယ်ကုို ရေခဲရေလောင်းရန် သုို့မဟုတ် ရေခဲရေထဲ ဆင်းစိမ်ရန် ဖြစ်ပါသည်။ ထုိုကဲ့သုို့ စိန်အခေါ် ခံရသူတုို့သည် ၂၄ နာရီအတွင်း မိမိ ထပ်မံစိန်ခေါ်လုိုသူများကို နာမည်ထုတ်ဖော် စိန်ခေါ်ပြီး ကိုယ်တုိုင်လည်း ရေခဲရေဖြင့်လောင်းခြင်း သုို့မဟုတ် ရေခဲရေထဲစိမ်ခြင်းတုို့ကို ပြုလုပ်ခြင်းဖြင့် ပြန်လည်တုန့်ပြန်ရမည်ဖြစ်သည်။ သုို့မဟုတ်ပါက ရံပုံငွေ ပေးလှူရမည် ဖြစ်သည်။ 

အမှန်မှာ စိန်ခေါ်ခံရသူသည် စိန်ခေါ်သည့်အတုိုင်း ပြုလုပ်နုိုင်ပါက အမေရိကန် ဒေါ်လာ တစ်ဆယ်သာ ပေးလှူရမည် ဖြစ်ပြီး အကယ်၍ စိန်ခေါ်မှုအတုိုင်း မပြုလုပ်နိုင် (ရေခဲရေဖြင့် မလောင်းနိုင် မစိမ်နုိုင်) ပါက  အမေရိကန် ဒေါ်လာ တစ်ရာတိတိ ပေးလှူရမည် ဖြစ်သည်။ ဆုိုလုိုသည်မှာ စိန်အခေါ်ခံရသူသည် စိန်ခေါ်မှုအတုိုင်း လုပ်နိုင်သည် ဖြစ်စေ မလုပ်နိုင်သည်ဖြစ်စေ ရံပုံငွေ ပေးလှူရမည် ဖြစ်သည်။ အနည်းနဲ့ အများသာ ကွာသည်။ သုို့သော် စေတနာအလျှောက် အလှူငွေများစွာ လှူဒါန်းလုိုကလည်း လှူဒါန်းနိုင်ပါသည်။ 
......

BPP (Blog-Post-Published) Challenge ဖြစ်ပေါ်လာပုံ..
ထုိုအထက်ပါ Ice-Bucket-Challenge ကို အတုယူပြီး  ဘကုန်းရွာ (မြန်မာဘလော့) လေး စည်ကားတုိုးတက်လာရန် စဉ်းစားမိလာသည်။ ဘကုန်းရွာလေးသည် ၂၀၀၈-၂၀၁၁ လောက်ထိ စည်းကားသိုက်မြိုက် လာခဲ့သမျှ ထုိုကာလ နောက်ပုိုင်း၌ တစတစ ခြောက်သွေ့၍ လာလေသည်။ ဖဦးထုပ်ရွာ (ဖေ့ဘုတ်စ်) လေး စည်ကားလာပြီး နောက်ပြီး ဘကုန်းရွာသူ ရွာသားများ ဖဦးထုပ်ရွာသုို့ ရေကြည်ရာ မြက်နုရာ ရွှေ့ပြောင်းကုန်ကြသည်မှာလည်း ဘကုန်းရွာ ဆုတ်ယုတ်ရခြင်း၏ ကြီးမားလှစွာသော အကြောင်းတစ်ခု ဖြစ်ပေသည်။ 

မည်သူ့မည်သူ့ကိုမှ အပြစ်မပြောလုိုပါ။ အဆင်ပြေရာဒေသ၌ ကျက်စားကျင်လည်တတ်ကြသည်မှာ တိရစ္ဆာန်အစ လူနတ်ဗြဟ္မာအဆုံး=သတ္တ၀ါအားလုံးတုို့၏ ဓမ္မတာကြီးတစ်ခု မဟုတ်ပါလော။ သုို့သော် မိမိမွေးဖွားရာဒေသ ဘကုန်းရွာလေးကုို မေ့ထားကြသည်ကိုတော့ ပြောမပြတတ်အောင် ၀မ်းနည်းကြေကွဲမဆုံး  ဖြစ်ရလေသည်။ နိုင်ငံအသီးသီး၌ ကြီးပွါးတုိုးတက်နေကြသည့် ဘကုန်းရွာသူ ရွာသားများကို လွမ်းဆွတ်သတိရ၍လည်း ဖြေမဆည်နုိုင်ဖြစ်ရသည်။ အတိတ်က သူတုို့၏ လက်ရာလှလှများကို တဖန်ခံစားထိတွေ့ လုိုမိသည်။ သူတုို့၏ အနုအရွအလှတုို့နှင့် ဝေးကွာနေရသည့်အတွက် စာပေရသသွက်ချာပါဒ ဖြစ်နေမိသည်။ ဘကုန်းရွာချစ်သူပီပီ ဘကုန်းရွာသူရွာသားတုို့၏ လက်ရာမွန်လေးများကုို မစားသုံးရသည့်အတွက် အကန်းကဲ့သုို့ အဆွံ့ကဲ့သုို့ အအကဲ့သုို့ အရူးကဲ့သုို့ ဖြစ်နေပေသည်။

ထုိုကဲ့သုို့ ဘကုန်းရွာဖြစ် လက်ရာလှလှများ ရှားပါးလာမှုအတွက် စာပေရသသွက်ချာပါဒ ခံစားနေရခြင်းသည် "စာတတ်မြောက်ချင်ပါလျှက် အခြေအနေ အချိန်အခါ အရပ်ဒေသ ဆင်းရဲမွဲတေမှုတုို့ ကွာဟချက်အရ စာပေမတတ်မြောက်ရှာလေသော သူတုို့နှင့်  အဆင့်နိမ့်စာသင်ကျောင်း အဆောက်အဦအတွင်းတုို့၌ ပင်ပန်းဆင်းရဲစွာ ပညာသင်ကြားနေကြသော မြန်မာ့ရင်သွေးငယ်လေးများ၏ သိမ်ငယ်ဝမ်းနည်း နေရသည့် ခံစားမှု" တုို့နှင့် ထပ်တူကျလေသည်။ ထုို့ကြောင့် ထုိုကဲ့သုို့ ပညာရေးချို့တဲ့ ရှာလေသော ရင်သွေးငယ်များကို ကုိုယ်ချင်းစာ နားလည်ပေးနိုင်ရန်အတွက် ဤ BPP-Challenge အစီအစဉ်ကို စတင်လုိုက်ခြင်းဖြစ်ပါသည်။ 

စီစဉ်ပုံမှာ မိမိကိုယ်တုိုင် ဘလော့ပေါ်၌ ပုို့စ်တစ်ပုဒ်တင်ပြီး မိမိနှစ်သက်ရာ ဘလော့ဂါများကို အများဆုံး ဆယ်ယောက်အထိ စိန်ခေါ်ရန်ဖြစ်ပါသည်။ စိန်ခေါ်ခံရသူတုို့သည်လည်း ဘလော့ပေါ်၌ ပုို့စ်တစ်ပုဒ်တင်ခြင်းဖြင့် ပြန်လည်တုန့်ပြန်ရမည် ဖြစ်သည်။ ထုိုကဲ့သုို့ တုန့်ပြန်ရာ၌လည်း မိမိနှစ်သက်ရာ ဘလော့ဂါ အများဆုံး ဆယ်ယောက်အား ထပ်မံ၍ စိန်ခေါ်နိုင်ပါသည်။ အချိန်မီ မတုန့်ပြန်နိုင်ပါက ကလေးပညာရေးအသင်းအဖွဲ့တစ်ခုခုအား အလှူငွေ ၅၀၀၀ ကျပ် ပေးလှူရမည်ဖြစ်သည်။ ထုိုကဲ့သုို့ ပြုလုပ်ခြင်းဖြင့် ဘကုန်းရွာလေးစည်ကားလာပြီး ပညာရည်သောက်သုံးနေသော မြန်မာ့ရင်သွေးငယ်များအတွက်လည်း ပညာရေး ရံပုံငွေ အထောက်အပံ့ ဖြစ်စေသည်ဆုိုလျှင် ၀မ်းသာမဆုံး တပြုံးပြုံး ဖြစ်နေမိမှာ သေချာပါတော့သည်။

သတ်မှတ်ချက်များကို အောက်ပါအတိုင်း အကြမ်းဖျင်း ပြုလုပ်ထားပါသည်။ လုိုအပ်သည်များကို ထပ်ဖြည့်ပေးကြရန်လည်း တောင်းခံပါသည်။ 


၁။ ဘလော့ဂါတစ်ယောက် တစ်ခါ BPP-Challenge လုပ်လျှင် ဆယ်ယောက်ထက် ပုိုပြီး မလုပ်ရ။

၂။ BPP-Challenge လုပ်ထားကြောင်း အချိန်မီ အကြောင်းကြား၍ ရနုိုင်သည့် ဘလော့ဂါတုို့ကုိုသာ BPP-Challenge လုပ်ရမည်။

၂။ BPP-Challenge အလုပ်ခံရသူသည် BPP-Challenge လုပ်ပြီး နှစ်ပတ်အတွင်း ဘလော့ပေါ်၌ ပို့စ်တစ်ပုဒ် တင်ရမည်။

၃။ BPP-Challenge အလုပ်ခံရသူသည် မိမိနှစ်သက်ရာ ခေါင်းစဉ်၊ မိမိနှစ်သက်ရာ အကြောင်းအရာတုို့ကို ရေးနိုင်သည်။

၎။ နှစ်ပတ်ကျော်လွန်ပြီး ပုို့စ် မတင်နိုင်ပါက မိမိနှစ်သက်ရာ  ပညာရေးလုပ်ငန်းသုို့ မြန်မာကျပ်ငွေ ၅၀၀၀ နှင့် ညီမျှသော သက်ဆုိုင်ရာငွေကြေး အလှူငွေကုို ပေးလှူရမည်။ (ထုိုထက်ပုို၍ ပေးလှူလုိုပါကလည်း လက်ခံပါသည်)။ (မြန်မာမုဒိတာအဖွဲ့ဝင်ပီပီ ဦးစွာအနေဖြင့် မြန်မာမုဒိတာသုို့ ပေးလှူရန်ဟု အကြံပြုချင်သည်)။း)

၅။ လှူဒါန်းမှု ပြုလုပ်ပြီးသော ဘလော့ဂါများကိုလည်း နှစ်ပတ်ကျော်လွန်ပါက ထပ်မံ၍ BPP-Challenge လုပ်နုိုင်သည်။

၆။-BPP-Challenge လုပ်ခြင်းကို တစ်ခုမက များစွာ ပြိုင်တူ ခံရလျှင် အားလုံးအတွက် ပုို့စ်တစ်ပုဒ် ရေးပြီးတုန့်ပြန်ပါက အလုပ်ပြီးမြောက်သည်ဟု မှတ်ယူပါမည်။ 

၇။-မိမိ BPP-Challenge လုပ်ထားသူများကို အသိပေးရာ၌ တဂ်(Tag) လုပ်ထားသည်ဟု မသုံးဘဲ ချဲလင့်  (Challenge) လုပ်ထားသည်ဟု အသုံးပြုရန် ဖြစ်ပါသည်။

၈။ ပုို့စ်တင်ပြီးကြောင်း အသိပေးရာ၌ ပိုမုိုမြန်ဆန်စွာ စာဖတ်သူထံ အချိန်နဲ့ တပြေးညီ ရောက်ရှိစေရန် https://www.facebook.com/groups/mbcdays/ သုို့ သွားရောက်ပြီး အသိပေးစေလုိုပါသည်။ ထုိုဖေ့စ်ဘုတ်ကိုလည်း မိမိတုို့ကိုယ်ပိုင် ဖေ့စ်ဘုတ်နဲ့ ချိတ်ဆက်ထားစေလုိုပါသည်။

၉။ မိမိကတဖန် ပြန်ပြီး ချဲလင့်ပြန်လုပ်ရာတွင် ချဲလင့်လုပ်ခံထားရသူများ အချိန်မီ သိရှိစေနုိုင်ရန်အတွက် အထက်ပါ ဖေ့စ်ဘုတ်၌သော်လည်းကောင်း၊ ထုိုသူတုို့၏ ဘလော့စီဘောက်စ်၌သော်လည်းကောင်း၊ ထုိုသူတုို့၏ ဘလော့နောက်ဆုံးပုို့စ်၌ ကွန်မင့်ပေး၍သော်လည်းကောင်း အသိပေးကြစေလုိုပါသည်။

၁၀။=Ice-Bucket-Challenge နှင့်BPP-Challenge တုို့၏ ကွာခြားချက်မှာ Ice-Bucket-Challenge အလုပ်ခံရသူသည် ပြန်လည်တုန့်ပြန်နုိုင်လျှင် ၁၀ ဒေါ်လာ၊ မတုန့်ပြန်နုိုင်လျှင် ဒေါ်လာ ၁၀၀ ပေးလှူရမည်ဖြစ်သော်လည်း BPP-Challenge အလုပ်ခံရသူမှာ ပြန်လည်တုန့်ပြန်နိုင်လျှင် အလှူငွေ ပေးလှူရန် မလုိုပေ။ မတုန့်ပြန်နုိုင်မှသာ ၅၀၀၀ ကျပ် ပေးလှူရန် ဖြစ်ပါသည်။

၁၁ ။ လုိုအပ်ပါက အများစု သဘောတူညီမှုဖြင့် စည်းကမ်း အလျော့အတင်း ပြုလုပ်နိုင်သည်။
.....


သူကြီးမင်းအနေဖြင့် ဦးစွာ ပထမ ဈေးဦးပေါက် အောက်ပါ ဘလော့ဂါများအား BPP-Challenge လုပ်ပါသည်။ ကျေးဇူးပြု၍ တုန့်ပြန်ပေးကြစေလုိုပါသည်။  


သဘောမတူပါကလည်း မည်သုို့မျှ စိတ်တွင်းမရှိပါ။ အတင်းအကြပ်သဘောမျိုး ဖြစ်သွားပါကလည်း တောင်းပန်ပါသည်။ ဘကုန်းရွာလေး စည်ကားဖုို့လုိုရင်းသာ ဖြစ်ပါသည်။

မေတ္တာဖြင့်
သူကြီးမင်း (တုံးဖလား)

.

Sunday, 31 August 2014

"ဘလော့ဒေးမုို့" ထပ်ကွန့်တေးထပ်


ဘလော့ဂါ ဖြစ်ကာစ၊ ထစ်မာန ပုံပုံပင်
ဖြစ်တာက စုံစုံလင်သည်၊ ပုံပြင်တွေ မနဲ။
နှစ်ထောင့်ရှစ် သက္ကရာဇ်မှာ၊ စလှစ်ခါ ရေးဖြစ်ဖုို့ ခဲ။ 
အင်တာနက် အွန်လုိုင်းပေါ်ဝယ်၊ ထင်တုိုင်းပျော် နေမြဲ။ 
မြင်မဆုိုင်း ကြွေအသဲ ဟာမုို့၊ တွေဝေဆဲ ချိန်ခါ။
မြှောက်ပင့်ဆုို ထုိုကွန်မင့်တွေက၊ လွန်အတင့် ပျော်ဆင့်သည်သာ။
ခုများတော့ တုမှားစရာကုို၊ မုသားဆုို ရှက်လွန်းလုို့
ထက်နန်းမှာ စာပုလွေ၊ ရေးကြစုို့လေ။
ဘလော့အရေးမုို့ အသော့ပေးနေသည်၊ မလျော့ရေးကာ နေဦးကွဲ့လေး။
ဘလော့ရေးဖုို့ အသော့ပေးပါသည်၊ အလျော့ပေးကာ နေဦးနဲ့လေး။
ဘလော့ဒေးမုို့ အသော့ရေးချင်သည်၊ အလျော့ပေးကာ နေဘူးကွဲ့လေး။ ။



.

Wednesday, 27 August 2014

"ဘလော့ဂါပေါင်းစု" တေးထပ်



ဘလော့ရွာ  မာန်ချီဝင့်၊ အန်တီတင့်  ချစ် မေဓာ
ဟန်ကြည် နှင့် ဂျစ် ဧရာရယ်၊ နှစ်ဖွေရှာ နေ မြဲ။
မဒမ်ကုိုးတုို့  မယ်ကုိုး အိမ်မှာ၊ ကြယ် မုိုးကာ  လည်ဖြစ်ဖုို့ ခဲ။
စော ၀ါ ငဘ  ချောကလျာ၊ မျော သဒ္ဓါ ဖတ်မြဲ။
မစ် မာယာ  မှတ်မလွဲစေနဲ့၊ ထပ်ကဲ၍ ဖတ်ပါ။
ရွှေစင်  တ်တဲ့  ချစ် စံအိမ်မှာ၊ ပစ် ပြန်ချိန်  ကန်ဒီလွမ်းတော့
ဥာဏ်မီ မန်း မုို့  မောင် ဒု ပျော်၊ သူကြီးနုိုးလုို့ဆော်။
မုိုး သက်တုို့  ပျိုး လက်မျှော်သည်၊ တုိုးဖက်ခေါ် ရေးဦးစုို့လေး။


တေးထပ်ထဲ မပါခဲ့ကြည့်သည့် ဘလော့ဂါများအားလည်းကောင်း ခွင့်မတောင်းဘဲ တေးထပ်ထဲ ထည့်ဖြစ်ခဲ့သူတုို့အားလည်းကောင်း ခွင့်လွတ်ပေးကြပါဟု တောင်းပန်ပါသည်။ ကာရန်ကုို ငဲ့ထားရပါသောကြောင့် ဦးဦး ဒေါ်ဒေါ် ကိုကို ညီညီ နှမ အမ အကုို ဆရာ စသည့် လေးစားသမှုဝိသေသနာမ်ပုဒ်များ မထည့်နိုင်ခဲ့တာကိုလည်း နားလည်ပေးကြပါဟု တောင်းပန်ပါသည်။  ကာရန်သင့်သည့် ဘလော့ဂါ ၄၃ ယောက် ထည့်သွင်းထားပါသည်။ အိုးနင်းခွက်နင်း ရေးသားသည်မုို့ အဆင်ပြေသလုို ဖတ်ရှုစေလုိုပါသည်။ အဆင်ပြေလျှင် ဘလော့ရွာလေး၌ ပုို့စ်လေးများ ရေးပေးကြပါဟုလည်း တောင်းဆုိုပါသည်။
အားလုံးကို ချစ်ပါသည် ခင်ပါသည် တွယ်တာပါသည် မြတ်နုိုးပါသည်။ (သူကြီးမင်း)

.

Tuesday, 5 August 2014

မတူရင် မတုကြပါနဲ့




ဘိလပ်တိုင်းပြည်၏ အထင်ကရမြို့တော်ကြီးမှာ ဘိလပ်သားစစ်စစ်ဦးရေက ချိနဲ့နဲ့ ဖြစ်နေသည်။ ဟင်းလေးအိုးကြီးဟု အမည်ခံထားသည်နဲ့အညီ နိုင်ငံပေါင်းစုံမှ ကျက်စားကျင်လည်လာကြသည့် ဆူ ကြုံ နိမ့် မြင့် အဖြူ အမဲ စသူတို့ဖြင့် လန်ဒန်မြို့ကြီးကား ခန့်ခန့်စန့်စန့်ကြီးပင်။ စီစစ်ကြည့်လုိုက်တော့ မြို့တော်ပေါ်မှာ ဘိလပ်သားစစ်စစ်က ၄၀၊ ကျန်တာက ၆၀။ (ရန်ကုန် မန္တလေးထက် ပိုဆိုးနေသလား မှတ်ရသည်)။ ကျွန်ုပ်တို့ နေထိုင်ရာ အရပ်သည်ကား ကုလားမြို့တော်ဟု နာမည်ကြီးလှသည့် ဆောက်(သ်)ဟောရပ်ကွက်ကြီးနဲ့ ကပ်လျက်တည်ရှိသည့် ဟောင်းစလိုးအမည်ရှိသော အရပ်ဖြစ်၏။ ကျွန်ုပ်တို့အိမ် ပတ်ဝန်းကျင်၌လည်း အဖြူအိမ် တစ်လုံးနှစ်လုံးမှ တစ်ပါး ပန်ချာပီ ဟိန္ဒူစသည့် အိန္ဒိယကုလားများ၏ နေအိမ်များဖြင့်သာ စည်ကားနေလေ၏။ မူလပထမ မြို့အတွင်း နေရာယူထားကြသည့် ဘိလပ်လူမျိုးတို့မှာ ကုလားများ၏ ပဲညှော်နံ့၊ မြန်မာတို့၏ ငါးပိညှော်နံ့တို့ကြောင့် မြို့ပြင်ရောက်ကုန်ကြသောဟူ၏။ ခံပေဦးတော့ မစ်စတာ ကိုလိုနီတို့ရေ။ တစ်လှည့်စီပေါ့။ 

အနံ့ချင်းမတူပေမဲ့ အနံ့ပြင်းတာချင်း တူညီနေသည့် ရွှေလူမျိုးတို့နှင့်ကုလားလူမျိုးတို့သည်ကား သူတော်ချင်းချင်း သတင်းလွေ့လွေ့ အနံ့ပေါင်းစုံတို့ဖြင့် ပေါင်းသင်းပျော်မွေ့ကြလေကုန်၏။ ငါးပိနဲ့ပဲ ပဲနဲ့ငါးပိ ပြိုင်သူမရှိ နိုင်သူမရှိ ကရောဟိ သဘောရှိ။ ချက်ချင်သလိုချက်၊ ပြုတ်ချင်သလုိုပြုတ်။ ကြော်ချင်သလိုကြော်။ လှော်ချင်သလုိုလှော်။ စောဒကတက်မည့် ရွာဆော် တစ်ယောက်မှ မရှိ။ သို့သော် အနံ့ထုံခံရတာ များလာပြီး ထုိုအနံ့ကို ကျင့်သားရလာသည့် ရွှေမြန်မာလူမျိုးတို့မှာ နဂိုကထဲကမှ ပဲနဲ့ ဆွေမျိုးတော်ပြီး ဖြစ်နေရကား ပဲကြိုက်ခင်များ ဖြစ်သွားကြလေ၏။ ထိုကုလားများအဖုို့ ငါးပိကြိုက်ခင်များ ဖြစ်မဖြစ်ကိုမူကား မသိတော့။ ရှိစေတော့။ ဘုရားတောင်မှ သူတို့နိုင်ငံထွက် ဘုရားကို ကိုးကွယ်ရသည်ကိုး။ 

ကိုကိုပဲ ပျိုပျိုပဲ ဘိုးဘိုးပဲ ဘွားဘွားပဲ ဦးလေးပဲ အဒေါ်ပဲ စသည်တို့ဖြင့် ရောပြွမ်းနေရသည့်အတွက် အိမ်ရှင်အဘိုးအိုကြီးသည်လည်း ဘိုးဘိုးပဲ ဖြစ်သွားလေ၏။ ပဲဟင်းမပါရင် ထမင်းတစ်လုပ် သူမ၀င်။ ဘာဟင်းချက်ချက် ပဲဟင်းလေးတော့ပါမှ။ ပဲဟင်းကြိုက်သည့် ဘိုးဘိုးပဲက သူကြိုက်သည့်  ပဲရာဇ၀င်ကို ခင်းပြလေ့ရှိ၏။

"ငါက ဒုတိယကမ္ဘာစစ်အတွင်းကထဲက ပဲနဲ့ ကြီးပြင်းလာတာကွ။ နေ့တိုင်း ပဲဟင်းမပါရင် ထမင်းဝိုင်းမဖြစ်ဘူး။ ဘိလပ်နယ်ချဲ့တွေကို တော်လှန်ဖို့ စစ်ထဲရောက်ပြန်တော့လဲ ပဲဟင်းဘဲ။ မင်းကြားဖူးမှာပေါ့။ ငါတို့ စစ်သားတွေရဲ့ မိုတိုတွေကိုလေ"

"ပြောပြပါအဘိုး"

အဘိုးအိုသည် ပြောပြောဆိုဆိုနဲ့ ခေါင်းကိုမော့ ရင်ကိုကော့ပြီး အောက်ပါမိုတိုတို့ကို သံကုန်ဟစ်အော်လေတော့၏။

"ဘာလုပ်နေလဲ (လေ့ကျင့်နေတယ်)"
"ဘာလုပ်ဖို့လဲ (တိုက်ပွဲဝင်ဖို့)"
"ဘယ်သူ့အတွက်လဲ (ပြည်သူ့အတွက်)"
"ဘာဟင်းစားလဲ (ပဲနဲ့ချဉ်ပေါင်)"
"ဘာ့ညော် ဘာ့ညော် ဘာ့ညော်"

"အော်.. ဒါဖြင့် အဘိုးက ပဲဟင်းစားပြီး အင်္ဂလိပ်တွေကို တော်လှန်ခဲ့တာကိုး။ ချီးကျူးပါတယ် အဘိုး။ အဲဒီလုို စားသောက်ပြီး အဲဒီလုို နုိုင်ငံတော်ကုို အသက်ပေးခဲ့ကြတဲ့အတွက် ဗမာ့သွေးကို နှမပေးချင်ပါတယ် ဆိုပြီး သီချင်းနဲ့ ဂုဏ်ပြုထားတာကိုး"

"ငါက ချီးကျူးခံချင်လုို့ မဟုတ်ပါဘူး။ ပဲရာဇ၀င်ခင်းပြရုံသက်သက်ပါ။ ဘိလပ်ရောက်မှ ပတ်ဝန်းကျင်ကြောင့် ပဲကြိုက်မောင် ဖြစ်သွားရတာ မဟုတ်ကြောင်း သိစေချင်လို့ပါ"

ထိုကဲ့သို့ ရာဇ၀င်ဖြင့် ပဲကြိုက်ခဲ့သည့် အိမ်ရှင်အဘိုးအိုသည်  နေ့တိုင်း ပဲတစ်မျိုးမျိုးကို ချက်ပြုတ်ကြော်လှော်လေ့ ရှိ၏။ ပဲနီ ပဲဝါ ပဲမဲ ပဲဖြူတိုဖြင့် တစ်နေ့တစ်မျိုး မရိုးစေရပေ။ မနေ့ကလဲ ပဲဟင်းချက်၏။ ဒီနေ့လဲ ပဲဟင်းချက်၏။ မနက်ဖန်လဲ ပဲဟင်းချက်ဦးမည်ပင်ဖြစ်၏။ 

တစ်နေ့။
အစာစားချိန်ကို လူထက် ဗိုက်က ပိုသိနေသည့်အတွက် ဂွီ ဂွီအသံများ ၀မ်းတွင်းက ညံထွက်လာသောခဏ၌ ကျွန်ုပ်သည် အောက်ထပ်သို့ ဆင်းကာ မီးဖိုခန်းထဲ ၀င်ပြီး တစ်ခုခု ကြံဖန် ချက်ပြုတ်စားဖို့ ကြံစည်ရင်း ဟိုဒီကြည့်မိသောအခါ အဘိုးအို၏ ဟင်းအိုးကို မီးဖိုပေါ် အစွင့်သားကြီး တွေ့ရလေ၏။

"အဘိုး.. ဒယ်အိုးကင်းထဲမှာ ဘာတွေ ထည့်ချက်ထားတာလဲ မီးတူးပြီး မဲညစ်နေပြီ"

"မောင်ရင်... အဲဒါ မီးတူးနေတာမဟုတ်ဘူး။ ပဲနက်တွေကြော်ထားတာ။ မင်းက ငါ ဟင်းချက်တိုင်း မီးတူးမယ်ချည်းထင်နေတာကိုး။ မင်းမှာလဲ အဲဒီအထင်နဲ့ တဒုက္ခ"

"သိပါဘူး အဘိုးရာ။ အဘိုးကလဲ ပြောမယ်ဆို ပြောစရာကိုး။ မီးမတူးတဲ့ရက်မှ မရှိတာ။ ဒါနဲ့ ဘာဖြစ်လို့ ဒီလောက်မဲတူးနေတဲ့ ပဲကိုမှ ကြော်စားရတာလဲ အဘိုး။ ပဲဖြူ ပဲဝါ ပဲနီတွေဆို တော်သေး"

"မင်းကတော့ လုပ်ပြီ။ အပြစ်တွေချည်း မြင်နေတော့တာဘဲ။ အမှန်ဆို ပဲထဲမှာ ပဲနက်ကမှ ဆေးဖက်အ၀င်ဆုံးကွ။ ပဲမှ မဟုတ်ပါဘူးကွာ။ အမဲရောင်မှန်ရင် ဘာဖြစ်ဖြစ် ပိုပြီး ဆေးဖက်ဝင်တာတွေချည်းပါဘဲ"

"အာ.. အဘိုးကလဲ ဟုတ်သေးပါဘူး။ ကျနော် ကြားဖူးတာကတော့.. မျက်စိမှာရည်၊ နားမှာဆီ၊ ဒန္တီမှာဆား၊ ၀မ်းမှာခါး.. လို့သာ ကြားဖူးပါတယ်။ ၀မ်းကောင်းဖို့အတွက် အခါးဓာတ်ကသာ ဆေးဖက်ဝင်မှာပါ။ ဘယ့်နှယ် အမဲရောင်က ဆေးဖက်ဝင်ရတယ်လို့"

"မောင်ရင်.. ထင်တာတွေ လျောက်ပြောမနေနဲ့။ မင်းသိထားတာက ပါးပါးလေးရယ်။ အမှန်က အမဲရောင်ဆိုတာ အပူဒဏ်ကို ခံနိုင်ရည် ပိုရှိပြီး အပူဓာတ်တွေကိုလဲ စုပ်ယူထားလေ့ရှိတယ်။ အ၀တ်အစားဆိုရင်တောင်မှ အမဲရောင် အ၀တ်အစားက ပိုနွေးနေတာကို မင်းသတိထားမိကောင်း ထားမိနိုင်တယ်။ ဒါကြောင့် အလွန်အေးလွန်းလှတဲ့ နေရာမှာ နေထိုင်ကြတဲ့ တော်ပေါ်သူ တောင်ပေါ်သားတွေ အနက်ရောက် အ၀တ်အစားကို အ၀တ်များကြတာလေ။ အဲဒီ အနက်ရောင် အ၀တ်အစားတွေက နေ့လည်ဘက်မှာ အပူတွေ စုပ်ယူထားပြီး ညဘက်အေးတဲ့အခါမှာ ပြန်ထုတ်လွှင့်ပေးလေ့ ရှိတယ်။ ဒါကြောင့် အပူဓာတ်တွေ သိုလှောင်ထားတဲ့ အမဲရောင်က ပိုပြီး ဆေးဖက်ဝင်တယ်လို့ ပြောတာ။ မောင်ရင်ဘဲ စဉ်းစားကြည့်လေ။ ရောဂါအတော်များများကို အပူနဲ့ ကုသရတာမဟုတ်လား။  ဆေးထိုးဆေးသောက်ပြီးရင် ချွေးတွေထွက်လာပြီး နေကောင်းလာကြတာ မဟုတ်လား။ အဲဒါ ဆေးထဲမှာ အပူဓါတ်တွေ ပါဝင်လုို့ပေါ့။ အမဲနဲ့အပူဆုိုတာ လင်မယားလုို တပူးတွဲတွဲတွေ မဟုတ်လား။ ဆုိုတော့... အမဲမှန်ရင် ဘယ်အမဲဖြစ်ဖြစ် တနည်းနည်းနဲ့တော့ ဆေးဖက်ဝင်တာပါဘဲ"

"သဘောပေါက်ပြီ အဘိုး။ ဒါကြောင့်မို့  ဒီက အဖြူမတွေ ကပ္ပလီအမဲကောင်ကြီးတွေကို ယူကြတာ။ အစတော့ စဉ်းစားလို့ မရခဲ့ဘူး။ အခုတော့ သဘောပေါက်သွားပြီ။ အမဲကောင်ကြီးတွေက ဆေးဖက်ဝင်တာကိုး ဟီး ဟီး ဟီး"

"မင်း မဟုတ်မဟတ်တွေ ပြောမနေနဲ့ ငါက အတည်ပြောနေတာ။ တခြားဟာတွေ စဉ်းစားမနေနဲ့ဦး။ နွားတွေကိုဘဲကြည့်။ နွားနက်တွေရဲ့ ကျင်ငယ်ရည်က ကျန်တဲ့နွားတွေရဲ့ ကျင်ငယ်ရည်တွေထက် ပိုပြီး ဆေးဖက်ဝင်တယ်တဲ့။ ရှေးလူကြီးတွေဆို အဲဒီ နွားနက်ကျင်ငယ်ရည်နဲ့ ဖန်ခါးသီးကို နှစ်ပေါက်အောင် စိမ်ထားပြီး စားလေ့စားထရှိကြတယ်။ အညောင်းအညာ ထုံကျင်ကိုက်ခဲတာတွေ ယူပစ်လိုက်သလိုဘဲတဲ့"

"ဟုတ်မယ်နော် အဘိုး။ ဒါကြောင့် မန်လန်ဆရာတော်ဘုရားကြီးက...ရေသီတာ  နွားနက်ဓါတ်၊ ဆားစွက်ခတ်သောက်ပါ။ ဖျားငှက်ပြတ်ပျောက်ကွာသည်၊ နောင်မလာ ပျက်သုဉ်း။ မန်လည်မြို့နဂရာပေါ်မှာ၊ ဆရာတော်စွဲသည့် လက်သုံး... စသဖြင့် တေးထပ်စပ်ဆိုထားခဲ့တာမဟုတ်လား"

"မင်း.. အခုတော့ သဘောပေါက်သွားပြီမဟုတ်လား။ ရှေးတုန်းက လူတွေဆို မနက်စောစော နွားနက်ကျင်ငယ်ရည်လိုချင်လွန်းလို့  နွားနက်ရှိတဲ့နေရာကိုသွားပြီး ဗိုက်အောက် ခွက်ထိုးခံထားကာ... ဆရာကြီး မ စ ပါဦး... ဆိုပြီး ကျင်ငယ်ရည် တောင်းလေ့ရှိကြလေရဲ့။ အံမယ်.. နွားကလဲ ပေါက်ချလိုက်တာ ခွက်တစ်လုံး ခဏလေးနဲ့ ပြည့်ဆိုဘဲ"

"ဒါနဲ့ အဘိုး။ အဲဒီ နွားနက်ကျင်ငယ်ရည်က နွားနက်မကျင်ငယ်ရည်လား၊ နွားနက်ထီးကျင်ငယ်ရည်လား မသိဘူးနော်"

"မင်းကတော့ မေးလိုက်ရင် ကပ်ကပ်သတ်သတ်တွေချည်းဘဲ။ အထီးဖြစ်ဖြစ် အမဖြစ်ဖြစ် ဆေးဖက်ဝင်လောက်ပါတယ်ကွ"

"အင်း... ဒါဖြင့် နွားနက်မကျင်ငယ်ကို လိုချင်ရင်တော့... ဆရာကြီး မ စ ပါဦးလုို့ ပြောရမဲ့အစား ဆရာမကြီး မ စ ပါဦး လို့ ပြောရတော့မှာပေါ့နော်"

"ဒါပေမဲ့ မင်း သေချာစဉ်းစားကြည့်ရင် သိလိမ့်မယ်။ နွားထီးကျင်ငယ်နဲ့ နွားမကျင်ငယ် ဘယ်ဟာက ပို ခံယူရတာ လွယ်သလဲ ဆိုတာ"

"နွားထီးကျင်ငယ်ရည် ခံယူရတာကို ပိုလွယ်ပါတယ် အဘိုး။ နွားမကျင်ငယ်ရည်ခံယူမယ် ဆိုရင်တော့ ဗြဲလျန်းကြီး ဖြစ်နေမှာသေချာတယ်"

"အေးပေါ့ကွ။ မင်း ဟို သင်္ဂဇာဆရာတော်ဘုရားကြီးရဲ့ မတူရင် မတုကြနဲ့ ဆိုတဲ့ ပုံပြင်ကို ကြားဖူးတယ် မဟုတ်လား"

"အဘိုးပြောပြမှ သိရမှာပေါ့"

"အေးဒါဖြင့် ပြောပြမယ်။ ဟိုရှေးရှေးတုန်းက အိမ်တစ်အိမ်မှာ ခွေးနှစ်ကောင်မွေးထားတယ်တဲ့။ တစ်ကောင်က အထီး၊ တစ်ကောင်က အမပေါ့။ ဒါပေမဲ့ အိမ်ရှင်က အမြဲတမ်း ခွေးထီးကို အသားတွေကျွေးပြီး ခွေးမကိုကျတော့ အရိုးတွေဘဲ နေ့စဉ်ကျွေးသတဲ့။ ဒါနဲ့ ခွေးမက လုံးဝ မကျေနပ်ဘူးပေါ့။ သူ့သခင်က ဇာတ်ခွဲခြားတယ် ဘာညာပေါ့။ ကျားကျားမမ ခွေးဟာ ခွေးဘဲပေါ့။ ညီတူမျှတူ ရှိသင့်တယ် ဆိုပြီးတော့ရောပေါ့။ အဲဒီ ခွေးမဟာ မသိမသာရော သိသိသာသာရော ခွေးထီးနဲ့ ပြိုင်ဆိုင်နေသတဲ့။ ခွေးထီးမှာ ရှိတဲ့ အရည်အချင်းတွေအားလုံး သူ့ဆီမှာ ရှိတယ်ဆိုပြီး အရိုးနဲ့အသားခွဲကျွေးခြင်းကို မကျေနပ်တဲ့အတွက် သူလုပ်နိုင်တာကို သက်သေပြတဲ့ သဘောပေါ့"

"ခွေးမာနပေါ့နော် အဘိုး"

"ဆိုပါတော့ကွာ။ ဒါနဲ့ ခွေးထီးက ပြေးရင် ခွေးမလဲ အတူလိုက်ပြေးတယ်။ ခွေးထီးက ခုန်ရင် ခွေးမလဲ ခုန်ပေါက်တယ်။ အတူတူ လုပ်နိုင်တာချည်းပါဘဲ။ ခွေးထီးက ပိုသာတယ်ဆိုတာ ယုတ္တိမရှိဘူးပေါ့။ ဒါပေမဲ့ တစ်ရက်ကျတော့ ခွေးထီးက နောက်ခြေတစ်ဖက်မြှောက်ကာ သစ်ပင်တစ်ပင်ကို သေးပန်းလိုက်သတဲ့။ ဒက်ထိကွက်တိဘဲပေါ့။ မလွဲဘူး။  ခွေးမလဲ အားကျမခံ အဲဒီသစ်ပင်ဆီသွားပြီး ပေါင်ကို မြှောက်ပင့်ကာ ရှူရှူးပန်းလိုက်သတဲ့။ ဒါပေမဲ့ အဲဒီရှူရှူးတွေက သူ့ရှေ့က သစ်ပင်ကို မထိဘဲ သူ့နောက်ကနေဘဲ ရှီးးးးကနဲ နောက်ပြန် ထွက်သွားတော့သတဲ့"

"ဟား ဟား ဟား အဘုိုးပြောမှဘဲ မျက်စိထဲ ကွက်ကွက်ကွင်းကွင်းမြင်တော့တယ်"

"ဒါကြောင့် မတူရင် မတုကြနဲ့ ဆိုတဲ့ ဆိုရိုးစကား ပေါ်ပေါက်လာတာပေါ့ မောင်ရာ"

"ကဲ ဟုတ်ပါပြီ အဘုိုးရေ။ ကျနော်လဲ မတူတာကိုတော့ မတုတော့ပါဘူး။ တူတာလေးဘဲ တုတော့မယ်။ ဒီတော့ အဘုိုးအုို ကြော်ထားတဲ့ ပဲမဲကြော်လေးကို ထမင်းကြမ်းခဲလေးနဲ့ ကော်ဖီလေးနဲ့ ဗုိုက်ဖြည့်လုိုက်ဦးမယ်။ ကျနော်က ဗိုက်ဆာလာတာနဲ့ အောက်ထပ်မီးဖုိုချောင်ကုို ခဏ ဆင်းလာကြည့်တာ။ အဘုိုးကြော်ထားတဲ့ ပဲကြော်နဲ့ ကွက်တိဘဲ။ အဘုိုးနဲ့ အကြိုက်ချင်းတူအောင်လို့ တုကြည့်လုိုက်တဲ့သဘောပါဘဲ။ နဲနဲ ယူစားမယ်နော် အဘုိုး"

"အေးအေး စားစား။ မင်းကတော့ အတော်လူလည်ကျတဲ့ကောင်ဘဲ။ ဒီ ပဲကြော်လေး စားချင်တာနဲ့ ဇာတ်ကွက်တွေ ဆင်နေလုိုက်တာ။ ဘာမှ မပြောဘဲ ယူစားလုိုက်လဲ ပြီးတာဘဲကို။ ဟုိုချီပါသား ပခန်းသား ပုံပြင်ထဲက... အရှင်ဘုရား မနေ့က စွန့်ခဲ့တဲ့ ကြက်ဟင်းခါးသီးကြီးက ကြီးလွန်းလုို့ တပည့်တော်တုို့ နှစ်ယောက် အတော်လေး ချက်စားလုိုက်ရတယ်။ ဒါပေမဲ့ အခွံတော့ အတော်မာသားနော် ဘုရား... ဆုိုပြီး ဘုန်းတော်ကြီးကို မြှောက်ပြောပြီး နောက်ထပ်ပိန္နဲသီးအမှည့်တစ်လုံး ထပ်ရဖုို့ ကြံဖန်သလုိုမျိုး ဇာတ်ကွက်တွေနဲ့ ငါ့ကို လာကပြပြီး ပဲကြော် လာအလှူခံတာ မဟုတ်လား။ မသိရင်ခက်မယ် မင်းကတော့"

"အဘုိုး ပြောချင်သလုိုသာ ပြောပေတော့ အဘုိုးရေ။ ကျနော်ကတော့ ၀ါးနေပြီ ဟဲ ဟဲ ဟဲ"

အဘုိုးအုို၏ ပဲကြော်လေးကို မြည်းရင်း တကုိုယ်တော် စဉ်းစားခန်းဝင်နေမိသည်။ ဟုတ်သည်။ အဘုိုးအုို ပြောသလုို မတူရင် မတုတာဘဲ ကောင်းသည်။ ကျားကျားမမ တူတာကုိုဘဲ တုကြတာ ကောင်းသည်။ လူတစ်စုနဲ့တစ်ခု တူတာကုိုဘဲ တုကြတာ ကောင်းသည်။ လူမျိုးစုတစ်ခုနှင့်တစ်ခု တူတာကုိုဘဲ တုကြတာကောင်းသည်။ နိုင်ငံတစ်ခုနဲ့တစ်ခု တူတာကုိုဘဲ တုကြတာ ကောင်းသည်။ အုပ်ချုပ်မှုစနစ် တစ်ခုနဲ့တစ်ခု တူတာကိုဘဲ တုကြတာ ကောင်းသည်။ ယဉ်ကျေးမှုတစ်ခုနဲ့တစ်ခု တူတာကိုဘဲ တုကြတာ ကောင်းသည်။ ဘာသာတစ်ခုနဲ့တစ်ခု တူတာကုိုဘဲ တုကြတာ ကောင်းသည်။ ဒါကြောင့် တူတာကိုသာ တုကြစေချင်ပါတော့သည်။

.