ကျောင်းမှန်မှန်တက် စာမခက်

ကျောင်းမှန်မှန်တက်၊ စာတွေခက်၊ ကျောင်းသားဦးဏှောက်ပျက်။
ကျောင်းမှန်မှန်ပြေး၊ စာနဲ့ဝေး၊ ကျောင်းသားဦးဏှောက်အေး။

ဒီစာကြောင်းလေးတွေကို မြို့ တစ်မြို့ က အထက်ကျောင်းတစ်ကျောင်းရဲ့ နံရံပေါ် မှာ တွေ့ခဲ့တာပါ။ ကျောင်းသားတွေ လက်ဆော့ပြီး မြေဖြူတောင့်နှင့်ရေးထားတာဖြစ်ကောင်းဖြစ်နိုင်ပါတယ်။ ဆရာ ဆရာမတွေများ မြင်သွားရင် ကျောင်းသားတွေ လွယ်မှာမဟုတ်ဘူး။
ကျောင်းမှန်မှန်တက်ရင် အိမ်စာတွေများလာမယ်။ စာတွေအများကြီးလုပ်ရမယ်။ ဦးဏှောက်ခြောက်ပြီး စာတွေပိုခက်ခဲလာမယ်။ ကျောင်းပြေးရင်တော့ စာလုပ်စရာမလိုတော့တဲ့အတွက် ဦးဏှောက်အေးသွားပြီပေါ့။ ကျောင်းသားတွေက ဒါကိုရည်ရွယ်တာဘဲ ထင်ပါတယ်။

ကျနော်လဲ ဒီစာပိုဒ်ကို အမှတ်တမဲ့ဘဲနေလိုက်တယ်။

ကျနော် လန်ဒန်ရောက်ပြီး ကျနော်ကိုယ်တိုင်ကြုံတွေ့ခဲ့ရတဲ့အဖြစ်အပျက်ကလေးတစ်ခုကြောင့် ဒီစာပိုဒ်ကလေးကို ပြန်ပြီးသတိရခဲ့မိတာပါ။ ကိုယ်တိုင်တွေ့ကြုံရတော့လဲ အော်..ဒီစာပိုဒ်လေးက ဟုတ်တုတ်တုတ်ဘဲ လို့ စဉ်းစားမိလိုက်တယ်။

ကျနော်လန်ဒန်ရောက်ပြီး နောက်တစ်ပတ်မှာဘဲ အင်္ဂလိပ်ကျောင်းတစ်ကျောင်းကို တက်ပါတယ်။ နေ့တိုင်းကျောင်းမပျက်အောင်ကြိုးစားပြီး အတန်းမှန်မှန်တက်ခဲ့ပါတယ်။ အင်္ဂလိပ်စာနှင့်ပတ်သက်လို့ Four skills လုံး ဗဟုသုတ အများကြီးရရှိခဲ့ပါတယ်။ ကျောင်းတွင်းမှာကျင်းပတဲ့ စာမေးပွဲမှာလဲ အမှတ်မနည်းခဲ့ပါဘူး။
ဒီပုံစံအတိုင်း Ielts ဖြေရင်တော့ ကျိန်းသေပေါက် Band ကောင်းကောင်းရမယ်လို့ ယုံကြည်ချက်ရှိလာတယ်။

အင်္ဂလိပ်စာကျောင်းမှာ သုံးလတိတိသင်ယူပြီးတဲ့အခါ ကျနော် Ielts စာမေးပွဲကို ဖြေဆိုခဲ့ပါတယ်။ Westminster University မှာ ဖြေဆိုခဲ့တာပါ။ ခေါင်းကို မူးခြာလိုက်သွားတာပါဘဲ။
Listening, Reading, Writing သုံးမျိုးကို ဆက်ရက် တစ်ခါတည်းဖြေဆိုရတာဆိုတော့ ခေါင်းအတော်လေးခြောက်သွားတယ်။ ကျနော့်ဘ၀မှာ Ielts စာမေးပွဲကို ပထမဦဆုံးအကြိမ်ဖြေဆိုဖူးတာပါဘဲ။
Speaking ကိုတော့ အလှည့်ကျစနစ်နဲ့ စစ်ဆေးတယ်။ ဖြေဆိုသူတွေများတဲ့အတွက် Examiner သုံးလေးယောက်လောက်ထားပြီး စစ်ဆေးကြတယ်။

စာမေးပွဲဖြေပြီးလို့ နှစ်ပတ်တိတိပြည့်တဲ့နေ့မှာ အောင်ဂဇက်တွေ စာတိုက်ကတစ်ဆင့်ရောက်လာတယ်။
Band ဘယ်လောက်ရမယ်ထင်လဲ။ ကျောင်းမှန်မှန်တက်ပြီးဖြေထားတာလေ။ GP လုပ်ဖို့ ဆေးခန်းသွားရတဲ့ ရက်တစ်ရက်ကလွဲရင် ကျောင်းကို မှန်မှန်တက်ခဲ့တာ။ ဂဇက်စာရွက်ကို ကြည့်လိုက်တော့ Overall 5.0 ဆိုတာကိုလဲ တွေ့လိုက်ရရော စိတ်အတော်လေးညစ်သွားတယ်။

5.0 နဲ့ M.A, Ph.D ကို ဘယ်တက္ကသိုလ်ကမှလက်မခံဘူး။ အနည်းဆုံး Band 6.0 ရမှအဆင်ပြေမှာပါ။
ကျနော် နောက်တစ်ကြိမ် ထပ်ကြိုးစားရတာပေါ့ဗျာ။ ဒီအကြိမ်မှာတော့ ကျနော် အင်္ဂလိပ်ကျောင်း လုံးဝမတက်တော့ဘူး။ အိမ်မှာဘဲ အင်္ဂလိပ်စာ အေးအေးဆေးဆေး ကြည့်တယ်။ နားထောင်တယ်။
နှစ်လကျော်ကျော်လောက်မှာ Ielts ကို ထပ်ဖြေတယ်။လန်ဒန်မှာ Ielts ဖြေလို့ရတဲ့ ဌာနတွေအများကြီးရှိပေမဲ့ အရင်တက္ကသိုလ်မှာဘဲဖြေခဲ့တာပါ။

ထုံးစံအတိုင်းဘဲ စာမေးပွဲပြီးလို့ နှစ်ပတ်တိတိပြည့်တဲ့နေ့မှာ အောင်ဂဇက်စာရွက်တွေ စာတိုက်ကတစ်ဆင့် ရောက်လာတယ်။ စာအိတ်ကိုဖောက်ကြည့်ရမှာတောင် ခပ်လန့်လန့်ဖြစ်နေပြီ။ ခဲမှန်ဖူးတဲ့စာသူငယ်လို ဖြစ်ခဲ့ဖူးတာကိုး။ စာအိတ်ကိုဖောက်ပြီးဖွင့်ကြည့်လိုက်တော့။ Overall 6.0 တဲ့။
ကျနော် အတော်လေးဝမ်းသာသွားတယ်။ ဒါဆို တက္ကသိုလ်တက်လို့ရပြီပေါ့။

ကျနော်စဉ်းစားလိုက်တယ်။ ကျောင်းမှန်မှန်တက်ပြီး ဖြေဆိုခဲ့တုန်းက 5.0 ဘဲရတယ်။
အခု ကျောင်းလုံးဝမတက်ဘဲ ဖြေဆိုတဲ့အခါ 6.0 ရတယ်။ ဒါဘာကြောင့်လဲ ပေါ့။

အဲဒီအဖြစ်အပျက်ကလေးကြောင့်ဘဲ
အထက်မှာဖော်ပြခဲ့တဲ့ စာပိုဒ်လေးနှစ်ပိုဒ်ကို ပြန်လည်သတိရမိခြင်းရယ်ပါ။
ကျနော်ကိုယ်တိုင်တောင် ဒီစာပိုဒ်ဟာ မှန်ကန်တယ်လို့ ရုတ်တရက်ကောက်ချက်ချမိခဲ့သေးတယ်။

ဒါပေမဲ့
သေချာစဉ်းစားကြည့်လိုက်တော့မှ စာနဲ့ဝေးလို့ ဦးဏှောက်အေးပြီး အမှတ်များများရခဲ့တာမဟုတ်မှန်း သဘောပေါက်ခဲ့ပါတယ်။ လန်ဒန်ရောက်ရောက်ချင်း Ielts ဖြေပုံဖြေနည်းကို မသိရှိခဲ့ပါဘူး။ အင်္ဂလိပ်စာကျောင်းမှာ ပြည့်ပြည့်စုံစုံသင်ပေးလို့ သိခဲ့ရတာပါ။ ကျောင်းမှန်မှန်တက်ပြီး လေ့ကျင့်ခန်းတွေပုံမှန်လုပ်ခဲ့လို့ အင်္ဂလိပ်စာတိုးတက်လာတာပါ။

ပထမဦးဆုံးဖြေဆိုစဉ်က အတွေ့အကြုံမရှိသေးလို့ စိတ်မငြိမ်ဖြစ်ပြီး အမှတ်နည်းခဲ့တာပါ။ ဒုတိယထပ်ဖြေတဲ့အခါ စိတ်လှုပ်ရှားမှုက သိပ်မရှိတော့ဘူး။ ပြီးတော့ ကျောင်းတက်ခဲ့စဉ်က လေ့ကျင့်ခန်းတွေပြန်လုပ်၊ အသံသွင်းစီဒီတွေ ပြန်နားထောင်ပြီး ဖြေဆိုခဲ့လို့သာ အမှတ်ပိုကောင်းလာတာပါ။ စာမလုပ်ဘဲဖြေဆိုရင် ဘာမှအဆင်မပြေနိုင်ပါဘူး။ ကျောင်းမှန်မှန်တက်ခဲ့တဲ့ ကျေးဇူးကြောင့်သာ အမှတ်တွေပိုကောင်းလာတာပါလို့ ဆိုလိုက်ပါရစေ။

ဒါကြောင့်
ကျောင်းမှန်မှန်တက် စာမခက် ဆိုတဲ့ ဆောင်ပုဒ်ကလေးသာ အမှန်အကန် ဖြစ်ကြောင်းပါခင်မျာ။