တွေ့ မှသိမဲ့အရသာ

မနေ့တုန်းက
အင်တာနက် Website တစ်ခုထဲဝင်ကြည့်နေတုန်း ကျနော့် Mobile လေးအသံမြည်လာလို့ ဘယ်သူ့ဆီကပါလိမ့်ဆိုပြီး ကိုင်ကြည့်လိုက်တော့ မိတ်ဆွေတစ်ယောက်ဆီက။

ခါတိုင်းဆို ကျနော့်အခန်းနေသူငယ်ချင်းဆီကိုဘဲ သူဆက်နေကျ၊
ဒီနေ့ မှ ဘာဖြစ်လို့ ကျနော့်ဆီဆက်ပါလိမ့်။
သူ့အသံကြားလိုက်ရုံနဲ့ သူအရမ်းပျော်ရွှင်နေတယ်ဆိုတာ သိသာတယ်။
သူ့ဆီက အပျော်တွေတောင် ကျနော့်ရင်ထဲ ကူးစက်သွားတယ်။
Visa extension တင်ထားတာ နှစ်နှစ်လောက်ရတယ် တဲ့။

အရမ်းဝမ်းသာစရာကောင်းတဲ့ သတင်းကောင်းလေးပါဘဲ။
သူ Visa အခက်အခဲ ဖြစ်နေတုန်း ကျနော်တို့ သူငယ်ချင်းတွေ စိတ်မကောင်းဖြစ်ခဲ့ရတယ်။
အခု အဆင်ပြေသွားလို့ သူငယ်ချင်းတွေအားလုံးကို ၀မ်းသာရအောင် ဆက်တာပါ တဲ့။
ကျနော်လဲ အတော်လေး ၀မ်းသာသွားတယ်။
ဒါပေမဲ့ ကျနော့်အပျော်ဟာ ကာယကံရှင်လောက်တော့ မီမယ်မထင်ပါဘူး။
ကျနော်မှ Visa အခက်အခဲ မဖြစ်ဖူးသေးတာကိုး။

သူဘယ်လောက်ပျော်လဲဆိုတာ
သူ့နေရာမှာ ကိုယ်ကိုယ်တိုင်ဖြစ်နေမှ
ဗီဇာရလို့ပျော်တဲ့အပျော်ဟာ ဂလိုကိုးလို့ သဘောပေါက်နိုင်မှာပါ။
...............................................



ရွာတစ်ရွာမှာ ဘုန်းတော်ကြီးကျောင်းတစ်ကျောင်းရှိတယ်။
ဥပုသ်နေ့တစ်နေ့မှာ ကျောင်းထိုင်ဆရာတော်က နိဗ္ဗာန်ဆိုတာ အရမ်းငြိမ်းအေးတယ်လို့ အစချီပြီး နိဗ္ဗာန်အကြောင်းတရားဟောတယ်။

ဒကာတစ်ယောက်က
"နိဗ္ဗာန်ဟာ အရမ်းအေးချမ်းတယ်လို့ ဆရာတော်ဟောခဲ့တယ်၊ ဘယ်လို အေးချမ်းခြင်းမျိုးနဲ့ အေးချမ်းတာလဲဘုရား၊ သစ်ပင်ရိပ်လိုအေးချမ်းတာလား၊ စိမ့်စမ်းရေလို အေးချမ်းတာလား၊ ဆောင်းရာသီလိုအေးချမ်းတာလား"လို့ မေးလျောက်သတဲ့။
ဆရာတော်က အဲဒီဒကာကို ပုံပြင်တစ်ခုပြောပြတယ်။
.................................

မှတ်ချက်။ ။
ပုံပြင်ကိုမဖတ်ခင် တင်ပြပုံ ရိုင်းသွားသလိုဖြစ်ရင် ခွင့်လွတ်ပေးကြပါလို့ ကြိုတင်တောင်းပန်ပါတယ်။


တစ်ချိန်တုန်းက
တောရွာလေးတစ်ရွာမှာ ပစ္စည်းအသင့်အတင့်ရှိတဲ့ မိသားစုတစ်ခုရှိတယ်။
အဲဒီမိသားစုမှာသမီးနှစ်ယောက်ရှိတယ်။
အရွယ်ရောက်လာတာကြာပေမဲ့ အိမ်ထောင်မပြုကြဘူး။

တစ်နေ့မှာ
ညီမဖြစ်သူက အရင်အိမ်ထောင်ကျသွားတယ်။ အမဖြစ်တဲ့အပျိုကြီးက ညီမကိုမေးတယ်။
"ညီမရယ် အမတို့ အိမ်ထောင်မပြုဘဲ အတူနေခဲ့ကြတာ ပျော်စရာ အရမ်းကောင်းခဲ့ပါတယ်၊ ငါတောင်အိမ်ထောင်မပြုဘဲ နင်က ဘာဖြစ်လို့ အရင်အိမ်ထောင်ပြုသွားရတာလဲ"

"အိမ်ထောင်ပြုတာ ကောင်းတယ်အမရဲ့  ပျော်စရာကြီး"

"နင်ကောင်းတာက ဘယ်လိုကောင်းတာလဲ၊
ထမင်းဟင်းစားသောက်ရသလို ချို ချဉ် ဖန် ငန် စပ် ခါး အရသာခြောက်မျိုးလို ကောင်းတာလား"

"အဲဒီလိုမဟုတ်ဘူး အမရဲ့  အဲဒီအရသာကို သိချင်ရင် အမကိုယ်တိုင် အိမ်ထောင်ပြုမှ သိရမှာ၊ သူများပြောပြရုံနဲ့  အိမ်ထောင်ပြုတဲ့အရသာကို အမ မသိနိုင်ဘူး"

ညီအမနှစ်ယောက် အပြန်အလှန်ပြောနေကြတဲ့ စကားကို တစ်နေရာက ကြားနေကြရတဲ့ မိဘနှစ်ပါးကတော့
နိဗ္ဗာန်ကို ကိုယ်တိုင်ရောက်ဖူးဟန်နဲ့  ပြုံးဖြီးဖြီးကြီးတွေ ဖြစ်နေကြသတဲ့။
.................................


ဆရာတော်က
"ဒကာလဲ နိဗ္ဗာန်ရဲ့ အေးချမ်းပုံ အေးချမ်းနည်းကို သိချင်ရင် ဒကာကိုယ်တိုင်သာ နိဗ္ဗာန်ရအောင် ကြိုးစားပေတော့၊ ငါဟောပြ ပြောပြရင်လဲ ကျွဲပါးစောင်းတီးသလို ဘယ်တော့မှ ဒကာနားလည်မှာ မဟုတ်ဘူး" ဆိုပြီး ပုံပြင်ကိုလဲ အဆုံးသတ် နိဗ္ဗာန်ရဲ့ အဓိပ္ပါယ်ကိုလဲ ပေါ်လွင်အောင်ပြောပြလိုက်တယ်။
အဲဒီဒကာလဲ "ဆရာတော့်ပုံပြင်လိုဆိုတော့လဲ ဟုတ်တုတ်တုတ်ဘဲ" လို့ပြောပြီး ဦးသုံးကြိမ်ချ ပြန်သွားသတဲ့။
................................


အခုလဲ
ဗီဇာရလို့ ပျော်တဲ့ အရသာကို ကျနော်ကိုယ်တိုင် ဗီဇာသက်တမ်းတိုးလို့ရမှ ဂလိုကိုး လို့ သဘောပေါက်မှာ သေချာပါတယ်။
မကြာခင် ကျနော်သဘောပေါက်တော့မှာပါ။
ဟဲ ဟဲ ကျနော်လဲ ဗီဇာကုန်ခါနီးနေပြီလေ။