အငိုမျက်လုံး အပြုံးမျက်နှာ

လပေါင်းများစွာ မရပ်မနား တလစပ် ဆင်နွဲလာခဲ့တဲ့ ပါးစပ်စစ်ပွဲဟာ (၄.၁၁.၀၈)မနေ့က အဆုံးသတ်သွားပါပြီ။
တိုက်ပွဲဖြစ်ရင် နှစ်ဦးနှစ်ဘက် ဒဏ်ရာကိုယ်စီရကြစမြဲပါ။ သူတို့မှာ ဒဏ်ရာတွေ ဗလပွနဲ့။ နာလန်ထူအောင်တော့ ထပ်ပြီး ကြိုးစားကြရဦးမယ်။ ပိုက်ဆံတွေအရမ်းကုန်တဲ့ဒဏ်ရာကိုပြောတာပါ။ သွေးသံရဲရဲတွေကို မြင်ယောင်မနေကြနဲ့ဦး။ ဒေါ်လာတွေ ထောင်ချီပြီးကုန်တာ။ သန်းပေါင်းထောင်ချီတာကိုပြောတာနော်။

အခုတော့ တိုက်ပွဲက အဖြေပေါ်သွားပြီ။ အသားမဲမဲလူသားတစ်ဦး အိမ်ဖြူဖြူကြီးအပေါ်မှာ ပထမဆုံးနေခွင့်ရသွားတယ်။
သူကတော့ Barack Obama.
အမေရိကရဲ့  ၄၄ဆက်မြောက်သမတဖြစ်သွားပါပြီ။
မဲအပြတ်အသတ်နဲ့ နိုင်သွားတာပါ။
မြန်မာလူမျိုးတွေကတော့ ဘာရက်ခ် အိုဗားမားကို မဲပေးကြတယ်ဆိုဘဲ၊ သူ့ရဲ့ နာမည်နောက်ဆုံးအလုံးက ဗားမားဖြစ်နေလို့တဲ့။ သိတယ်မဟုတ်လား၊ မြန်မာလူမျိုးလေ။ မရှိရင် ရှိတဲ့ဟာလေးကို ကြံဖန်ကျေနပ်နေတတ်ကြတယ်။

တစ်ရက်ကြီး တစ်နည်းသာ ဆိုပေမဲ့ John McCain ဆိုတဲ့ အဘိုးကြီးကတော့ ဒီတိုက်ပွဲမှာ ပက်ပက်စက်စက် အရှုံးကြီးရှုံးပြီး
သူရည်မှန်းထားတဲ့ အိမ်ဖြူတော်ကြီးအတွင်း ချဉ်းကပ်ခွင့်မရရှာတော့ဘူးပေါ့။ ဒါပေမဲ့ သူ့စိတ်ဓါတ်က အရမ်းခိုင်တယ်။ ဒီလောက်ရှုံးနေတာတောင် အပြုံးမပျက် အမုန်းမစွက်ဘဲ သူပြောတာက
"ငါတို့နိုင်ငံကြီးအတွက် အတူတူ အလုပ်လုပ်ကြရမယ်" တဲ့။

သူရဲကောင်းကိုချစ် သူရဲကောင်းကိုမြတ်နိုးကြသူချင်းပီပီ အကြီးမားဆုံးရန်သူနှစ်ဦးဟာ တိုက်ပွဲအပြီးမှာတော့ အခင်မင်ဆုံး မိတ်ဆွေတွေ ဖြစ်သွားကြပြီး ရန်ကိုရန်ချင်း မတုန့်နှင်းကြတော့ဘဲ ကြည်ကြည်ဖြူဖြူနဲ့
"Congratulation" တွေလုပ်နေကြလေရဲ့ ။

ရှုံးရင် ငါခံ၊ နိုင်ရင်တော့ မင်းတို့ဘဲ စံ ဆိုပြီး ရွယ်ရည်ခဲ့ကြသလားမသိဘူး။
သူ့လူတွေကို "အခုရှုံးနိမ့်မှုဟာ ခင်များတို့ရဲ့ ရှုံးနိမ့်မှုမဟုတ်ပါဘူး။ ကျုပ်တစ်ယောက်ထဲရဲ့ ရှုံးနိမ့်မှုပါ" လို့ မက်ကိန်းပြောကြားသလိုဘဲ-

တိုက်ပွဲအပြီးမှာ ပြည်သူတွေကို အိုဗားမားပြောတာကတော့
"အခုအနိုင်ဟာ ကျုပ်ရဲ့ အနိုင်မဟုတ်ပါဘူး။ ခင်များတို့အားလုံးရဲ့ အနိုင်ပါ" တဲ့။

သူရဲကောင်းမှန်ရင် အဲဒီစကားတွေကို မှတ်သားထားသင့်တယ်။ တော်ကြာ "ငါဟာသူရဲကောင်းတစ်ယောက်ပါ"ဆိုပြီး အခါခါ ကြွေးကြော်ပေမဲ့ သေချာ ဆန်းစစ်ကြည့်လိုက်မှ Hero ကနေပြီး Zero ဘ၀အပြောင်းခံရရင် ရှက်စရာကြီး။
...................................


အမေရိကန်နိုင်ငံကြီးဟာလဲ လက်ရှိသမတ ဘွတ်ရှ် ရဲ့ မူဝါဒကြီးကို မနိုင့်တနိုင်နဲ့ သယ်ဆောင်ခဲ့ရတာ ရှစ်နှစ်နီးနီးရှိပြီဖြစ်တဲ့အတွက်
အသက်ရှူမြန်မြန်လာပြီး အရမ်းမောပန်းနေပါပြီ။ ပြည်သူပြည်သားအပေါင်းကလဲ နိုင်ငံရဲ့ မူဝါဒရေးရာတွေကို ပြောင်းလဲပစ်ချင်နေကြတာကြာပါပြီ။
ဒါကြောင့်မို့ အခု အိုဗားမားရဲ့ အနိုင်ဟာ နိုင်ငံရဲ့ ပြောင်းလဲမှုကြီးလို့ဘဲပြည်သူတွေက ယူဆထားကြပါတယ်။
ဒါပေမဲ့ အိုဗားမားကတော့ ပြည်သူတွေကို ဆန္ဒသိပ်ပြီးမစောဖို့ စကားလေးတစ်ခွန်းပြောလိုက်တယ်။
"This victory alone is not the change we seek - it is only the chance for us to make that change"
"အခုတိုက်ပွဲလေးရဲ့ အနိုင်သက်သက်ဟာ ကျုပ်တို့ရှာနေတဲ့ ပြောင်းလဲမှုမဟုတ်ပါဘူး၊ ပြောင်းလဲမှုအတွက် အခွင့်အရေးလေး တစ်ခုမျှသာပါ" တဲ့။
.......................

သူရဲကောင်းဆိုတာ တိုက်ပွဲမရှိရင် ပျင်းနေတတ်တယ်။
ဒါကြောင့်--
သူရဲကောင်းမှန်ရင် ဒဏ်ရာနဲ့ ဘယ်တော့မှ မကင်းပါဘူး။
ဒဏ်ရာတွေနဲ့ ပျော်တတ်ဖို့ဘဲ အရေးကြီးပါတယ်။

အခုဆို
အိုဗားမားလဲ ဒဏ်ရာတွေနဲ့ ပျော်နေပါပြီ။
မက်ကိန်းလဲ ဒဏ်ရာတွေကိုဆေးထည့်ရင်း တိုက်ပွဲမှာ ရှုံးနိမ့်ခဲ့ပေမဲ့
တိုက်ရဲခဲ့တဲ့ သူ့သတ္တိအတွက် ဂုဏ်ယူနေလေရဲ့ ။

အနိုင်ရခဲ့တဲ့ အိုဗားမား အရမ်းမပြုံးခဲ့သလို
ရှုံးနိမ့်ခဲ့တဲ့ မက်ကိန်းလဲ ဘယ်တော့မှ (အိုဗားမားအပေါ်) အမုန်းမပွါးခဲ့ပါဘူး။
ဒါပေမဲ့...

ဒါပေမဲ့
သူတို့ရင်ထဲမှာရှိတဲ့ နှလုံးသားတစ်ခုစီရဲ့ မျက်လုံးလေးတွေကတော့ သူတို့ရဲ့ ခံစားမှုကို ဖော်ပြနေမှာပါ။
တစ်ယောက်က နာကျင်မှု ကြေကွဲမှု အပြည့်နဲ့မျက်လုံး...
တစ်ယောက်က ကြည်နူးမှု ကျေနပ်မှု ပကတိအပြုံး...

ဒါကြောင့် ကျနော်က သူတို့နှစ်ယောက်ကို ဒီလိုလေး နာမည်ပေးလိုက်ချင်တယ်
"အငိုမျက်လုံး အပြုံးမျက်နှာ" လို့။ ။