မသိဘဲနဲ့ သိချင်ယောင်ဆောင်တာက ပိုပြီးခက် (၃)

မသိဘဲနဲ့ သိချင်ယောင်ဆောင်ရတာလဲ အရသာတစ်မျိုးဘဲလားမသိဘူးနော်။
ဘာမှမသိဘဲနဲ့ လူတွေရှေ့  မှာ သိချင်ယောင်ဆောင်ပြီး ပြောပြနေရတာကိုက ကိုယ့်ကိုကိုယ်အထင်ကြီးနေတတ်ကြတယ်။ လူကြီးတစ်ယောက်ပြောတာကြားဖူးတယ်။
"ကိုယ့်ကိုကိုယ်အထင်ကြီးတာဟာ နေလို့ထိုင်လို့အကောင်းဆုံးဘဲ" တဲ့။

တတိယအဖြစ်အပျက်။
ဒီတတိယအဖြစ်အပျက်ကလေးကို မပြောပြခင်မှာ
ကျနော် တွေ့ကြုံခဲ့တဲ့ အဖြစ်အပျက်တွေထဲက မသိတာကိုသိတယ်ထင်လို့ (သိချင်ယောင်ဆောင်လို့မဟုတ်ပါဘူး) မှားခဲ့တဲ့ အမှားလေးတစ်ခုကို ပြောပြချင်ပါတယ်။

ကျနော့်ရဲ့ ဝမ်းကွဲညီမလေးတစ်ယောက် ရန်ကုန်မှာ ဘွဲ့လာယူစဉ်တုန်းကပါ။ သူနှင့်သူ့သူငယ်ချင်းမိန်းခလေးတစ်ယောက်ပါလာတယ်။
အဲဒီမိန်းခလေးရဲ့ ရည်းစားလဲပါလာတယ်။
တိုတိုပြောရရင်တော့ ဘွဲ့ယူပြီးတဲ့နောက်ရက်မှာ ထုံးစံအတိုင်း လေးယောက်သား ဘုရားဖူးလည်ကြတာပေါ့။
ကျန်တဲ့ဘုရားအားလုံးအဆင်ပြေပါတယ်။ အာလိန်ငါးဆင့်ဘုရားကိုအသွားမှာ အတော်လေးပင်ပန်းသွားကြတယ်။

လှည်းတန်းမှတ်တိုင်မှာဘတ်စ်ကားစောင့်တယ်။ အမှတ် ၄၅ ဘတ်စ်ကားလာတော့ "လာတက်ကြမယ်"ဆိုပြီး
အားလုံးစီးလိုက်သွားကြပါတယ်။ ကျနော်က ၄၅ဘတ်စ်ကား အာလိန်ငါးဆင့်ဘုရားမှာ ဂိတ်ဆုံးတယ်လို့ထင်ထားတယ်။ အရင်ကလဲ သွားဖူးပြီးသားပါ။ ကျန်တဲ့သုံးယောက်ကတော့ ရန်ကုန်ကို ပထမဦးဆုံးရောက်ဖူးကြတာဆိုတော့ ကျနော်ဖြူဆို ဖြူမဲ့လူတွေဘဲလေ။

အဲဒီ အမှတ် ၄၅ ဘတ်စ်ကားက တညင်းကုန်းမှာ သွားဂိတ်ဆုံးတယ်။ ကျနော်တို့လဲ ဂိတ်ဆုံးအထိလိုက်သွားလိုက်ကြတယ်။ ဂိတ်အဆုံးမှာ ကျနော်တို့ဆင်းပြီး(ဘယ်သူ့ကိုမှမမေးဘဲ) အာလိန်ငါးဆင့်ဘုရား ရှိမယ်ထင်တဲ့နေရာကိုမှန်းဆပြီး လမ်းလျောက်လိုက်တာ နှစ်မိုင်ကျော်သွားတယ်။
ဘယ်နေရာတွေရောက်သွားမှန်းကို မမှတ်မိတော့ဘူး။ မသိတဲ့အဆုံးမှ ကွမ်းယာဆိုင်တစ်ဆိုင်ဝင်ပြီးမေးကြည့်လိုက်တယ်။ ကွမ်းယာဆိုင်လူတောင်မှ အာလိန်ငါးဆင့်ဘုရားကို မသိပါဘူး။ ဒါဆိုရင် အတော်လေးဝေးလာပြီဆိုတာ သဘောပေါက်လိုက်တယ်။

ဒီလိုနဲ့ဘဲဆက်လျောက်ရင်း လူတွေ့တိုင်းမေးကြည့်ရင်းနှင့်အဖြေမှန်တစ်ခုရလာတယ်။ "ဘတ်စ်ကားပြန်စီးပြီး ဘီအိုစီမှတ်တိုင်မှာဆင်း၊ ပြီးရင် အမှတ် ၄၄ ဘတ်စ်ကားလာတဲ့အခါ အဲဒီကားကိုဘဲစီးသွား။ အာလိန်ငါးဆင့်မှာ ဂိတ်ဆုံးမယ်" ဆိုပြီး လူတစ်ယောက်ရဲ့  လမ်းညွန်ချက်ကြောင့် နောက်ထပ် ဘတ်စ်ကားနှစ်ဆင့်ပြန်စီးပြီးမှ အာလိန်ငါးဆင့်ဘုရားကို ဖူးခွင့်ရခဲ့ပါတယ်။

ကျနော့်ညီမ၀မ်းကွဲက ကျနော့်ကို စိတ်ဆိုးနေပေမဲ့ စုံတွဲနှစ်ယောက်ကတော့ အပြုံးမပျက်ပါဘဲ။ ဖိုးသူတော်လမ်းမှားရင် ဆန်များများရတယ် ဆိုတဲ့ပုံပြင်လိုဘဲ ကျနော်တို့လမ်းမှားသွားတော့ သူတို့လဲ လမ်းမှာ လက်ချင်းယှက်ပြီး အကြာကြီးလမ်းလျောက်ခွင့်ရသွားကြတာပေါ့ခင်မျာ။
အဲဒါကတော့ အမှတ် ၄၄ ဘတ်စ်ကားကို အမှတ် ၄၅ ဘတ်စ်ကားနဲ့ မှားပြီး မျက်စိလည်ခဲ့တဲ့ အဖြစ်အပျက်ကလေးပါဘဲ။ မသိဘဲနဲ့သိချင်ယောင်ဆောင်လို့ မှားခဲ့ရခြင်းမဟုတ်ရပါဘူး။ သိတယ်ထင်လို့ မှားခဲ့တဲ့ အမှားပါ။ ဒါကြောင့် ဒီအဖြစ်အပျက်ကိုတော့ မသိဘဲနဲ့သိချင်ယောင်ဆောင်တာက ပိုခက် ဆိုတဲ့ ခေါင်းစဉ်အောက် မထည့်တော့ပါဘူး။
........................


အခုမှ မသိဘဲနဲ့သိချင်ယောင်ဆောင်ခဲ့တဲ့အကြောင်းလေးကို စရေးမှာပါ။ ဒီအဖြစ်အပျက်ကလေးက အရမ်းရယ်စရာလဲကောင်းတယ်။ ကြောက်တတ်ရင်ကြောက်စရာလဲကောင်းတယ်။ ဒါပေမဲ့ ကျနော်တို့ ဘာအန္တရာယ်မှ မဖြစ်ခဲ့ကြပါဘူး။ ပိုက်ဆံလေးနဲနဲပိုကုန်ခဲ့တာဘဲရှိတယ်။

စင်္ကာပူမှာ တစ်ပတ်လောက်လည်ပတ်ပြီးတော့ ကျနော်နှင့်သူငယ်ချင်းတစ်ယောက် မလေးရှားဘက်ကို ခရီးဆက်ခဲ့ကြပါတယ်။ စင်္ကာပူ-ပီနန်ဘတ်စ်ကားလက်မှတ်ဖြတ်ပြီး ပီနန်ကိုအရင်သွားတာပါ။ စင်္ကာပူမှာကျန်ခဲ့တဲ့သူငယ်ချင်းက "ပီနန်ရောက်ရင် မြန်မာဘုန်းကြီးကျောင်းကို အရင်သွား Sleeping Buddha ဆိုရင် Taxi driver တွေအားလုံးသိတယ်။ Taxi ဖိုးတစ်ဆယ်ဘဲပေး။ အရောက်ပို့ပေးလိမ့်မယ်။ ပိုမပေးနဲ့နော်" ဆိုပြီး သေချာမှာလိုက်တယ်။ ကျနော်တို့လဲ ဘာလိပ်စာမှယူမသွားကြဘူး။ ဖုန်းနံပါတ်လဲ ယူမသွားဘူး။ Sleeping Buddha တစ်ခုဘဲ မှတ်သွားလိုက်တယ်။

စင်္ကာပူက ညနေ ၇ နာရီမှာကားထွက်ပြီး နောက်တစ်နေ့ မနက် ၇ နာရီလောက်မှာဘဲ ပီနန်ကိုရောက်သွားတယ်။
ပီနန်ကားဂိတ်မှာ Taxi တွေရပ်ထားတာ အများကြီးဘဲ။

"Taxi,, I want to go to the Sleeping Buddha. Do you know that place?"

"Yes, Sir, it is 15 ringgits."

"သူငယ်ချင်းက ရိန်းဂစ် ၁၀ဘဲပေးလို့မှာခဲ့တာ။ အခု ၁၅ ရိန်းဂစ်တောင်းတယ်ဆိုတော့ သက်သက်မဲ့ညစ်ပတ်တာဘဲ"ဆိုပြီး "ကျနော်တို့ ၁၀နဲ့သွားနေကျဘဲ။ ၁၅ ရိန်းဂစ်မပေးနိုင်ဘူး။ ၁၀နဲ့ရရင် သွားမယ်"လို့ ပြောလိုက်တယ်။ မသိဘဲနဲ့ သိချင်ယောင်ဆောင်ပြီး ပြောလိုက်တာပါ။ ဒါပေမဲ့ ဘယ် Taxi မှ တစ်ဆယ်နဲ့မရဘူး။ ဒါနဲ့ သူငယ်ချင်းနှစ်ယောက် ယောင်လည်လည်နဲ့ဘဲ ကားဂိတ်ထဲက ထွက်ပြီး အပြင်ဘက်မှာ လမ်းသွားလမ်းလာ Taxi ကိုစောင့်နေလိုက်ကြတယ်။

မကြာလိုက်ပါဘူး။ Taxi တစ်စီးလာတယ်။ မောင်းတဲ့လူက မလေးရှားကုလားတစ်ယောက်ပါ။ ဈေးမေးကြည့်လိုက်တော့ ၁၀ ရိန်းဂစ် တဲ့။ ဟာ ဟုတ်ပြီ လိုက်မယ် ဆိုပြီး ကားပေါ်တက် လိုက်သွားလိုက်တယ်။ ကားပေါ်မှာတော့ "ကားဂိတ်က Taxi တွေ ဈေးတင်ထားကြတာဘဲ။ အခုမှ ဈေးမှန်တဲ့ Taxi ကိုတွေ့ရတယ်"ဆိုပြီးနှစ်ယောက်သား ခပ်ပြုံးပြုံးပေါ့။
၄၅ မိနစ်လောက်မောင်းပြီးတဲ့အခါမှာ Taxi driver က "ကဲ ကဲ ရောက်ပြီ ဆင်းတော"့ဆိုပြီး ဘုန်းကြီးကျောင်းတစ်ကျောင်းရှေ့ မှာ ကားကိုရပ်ပေးတယ်။ ကျနော်တို့လဲ ကားခ ၁၀ ရိန်းဂစ်ပေးပြီး ကျောင်းဝင်းထဲဝင်သွားလိုက်တယ်။ ကျောင်းကြီးက အကောင်းစား အပျံစားဘဲ။

အမျိုးသမီးကြီးတစ်ယောက်ထွက်လာတယ်။

Is it the temple of Sleeping Buddha?
ဒါ လျောင်းတော်မူကျောင်းပါလားခင်များ။

"No, no,,,, this is a chinese temple."
"မဟုတ်ပါဘူး။ ဒါ တရုတ်ဘုံကျောင်းတစ်ခုပါ"

အဲဒီအမျိုးသမီးကြီးဟာ Sleeping Buddha ကို ရောက်ဖူးဟန်မတူပါဘူး။ အတော်လေးစဉ်းစားပြီးမှ "အဲဒီဘုရားကို ကြားဖူးတယ်၊ ဒီကနေသွားရင် အဝေးကြီးဘဲ။ ခင်များတို့က ဆန့်ကျင်ဘက် အရပ်ဘက်ကို လာခဲ့ကြတာကိုး။ Taxi ထပ်ငှားသွားပါ" လို့ပြောတယ်။
ကျနော်တို့လဲ တစ်ခါမှ မရောက်ဖူးတဲ့အရပ်မှာ ယောင်ချာချာဖြစ်နေပြီး ကားလမ်းတစ်လျှောက် လမ်းလျောက်ပြီး Taxi လာနိုင်မဲ့နေရာလိုက်ရှာနေမိတယ်။ အပေါ့အလေးသွားချင်တဲ့ကိစ္စကလဲ ရှိနေသေးတော့ အတော်လေးကသိကအောက်ဖြစ်ခဲ့ရတယ်။

တစ်နာရီလောက် ကားလမ်းဘေးလမ်းလျောက်ရင်း Taxi တစ်စီးရောက်လာလို့ တားပြီးဈေးမေးလိုက်တယ်။
သူက ပြန်မေးတယ်။ ဘယ်လောက်ပေးမလဲတဲ့။ ကျနော်တို့လဲ "ကားဂိတ်ကနေပြီး ဆန့်ကျင်ဘက်အရပ်ဘက်ကိုလာခဲ့တယ်ဆိုတော့ အတော်လေးဝေးသွားပြီ" လို့စဉ်းစားမိပြီး
"၁၅ ရိန်းဂစ်ပေးမယ် "လို့ပြောလိုက်တယ်။ ကားဆရာကလဲ "အိုကေ" လို့ပြောတယ်။
သူက မလေးရှားတရုတ်ပါ။

ဒါနဲ့ဘဲ အဲဒီ Taxi လေးနဲ့ Sleeping Buddha ရှိတဲ့အရပ်ကို ဦးတည်သွားလိုက်ရပါတယ်။ ကားပေါ်မှာ ကျနော်တို့ နှစ်ယောက် တစ်ယောက်မျက်နှာ တစ်ယောက်ကြည့်ပြီး ငါတို့ကို ဘယ်နေရာတွေထပ်ပို့ပြန်ဦးမလဲဆိုပြီး ရင်တစ်ထိပ်ထိပ်နဲ့ပေါ့။ လူကြောက်လို့ရင်ထိတ်တာမဟုတ်ပါဘူး။ အပေါ့အလေးသွားချင်လွန်းလို့ တစ်ထိပ်ထိပ်ဖြစ်နေကြတာပါ။ ကိုယ်မရောက်ဖူးတဲ့နိုင်ငံဆိုတော့လဲ အပေါ့အလေးကိစ္စကစပြီး ဘယ်နေရာမှာ ဘယ်လိုဖြေရှင်းရမှန်းမသိဘူးလေဗျာ။

အဲဒီ Taxi လေးနဲ့ဘဲ ကံအားလျော်စွာ Sleeping Buddha ဘုန်းကြီးကျောင်းကိုရောက်ရောက်ရှိခဲ့ပါတယ်။
ဘုရားနှင့်ဘုန်းတော်ကြီးတစ်ပါးကို ပုဆိန်ပေါက်ဦးချပြီး အိမ်သာဘယ်အနားမှာပါလဲဘုရားလို့ တစ်ဆက်ထဲမေးလျောက်လိုက်ရတယ်။မရှက်နိုင်ကြတော့ဘူး။ အရေးကြီးလာပြီကိုး။
ကြိုက်မရှက်၊ ငတ်မရှက်၊ ငိုက်မရှက်ဆိုတဲ့ မရှက်ကြီးသုံးပါးထဲကို အိမ်သာတက်ချင်ရင်လဲ မရှက်နိုင်တဲ့အတွက် နောက်ထပ် မရှက်ကြီးတစ်ခုတိုးပြီး မရှက်ကြီးလေးပါးရှိတယ်လို့သာပြောလိုက်ချင်တော့တယ်။

ပထမ Taxi ခက ၁၀။ ဒုတိယ Taxi ခက ၁၅ ရိန်းဂစ်။ စုစုပေါင်း ၂၅ ရိန်းဂစ်ကုန်သွားတယ်။ အမှန်တကယ်ကုန်သင့်တာက ၁၅ ရိန်းဂစ်ထဲပါ။ မသိတာကိုသိချင်ယောင်ဆောင်မိ တဲ့အတွက် ၂၅ ရိန်းဂစ်ကုန်သွားတာပါ။

နောက်မှ ကားဂိတ်ကပြောင်းထားတာမကြာသေးဘူးလို့သိရတယ်။ ကားဂိတ်အဟောင်းကနေပြီး Sleeping Buddha ကိုသွားရင် ၁၀ ရိန်းဂစ်ထဲဆိုပေမဲ့ ကားဂိတ်ပြောင်းထားတဲ့အတွက် နဲနဲပိုဝေးသွားလို့ ၁၅ ရိန်းဂစ်ဟာ ဈေးနှုန်းအမှန်အကန်ပါတဲ့ခင်မျာ။
"မှားတဲ့အခါလဲ မှားပေမပေါ့" လို့ စုံထောက်ကြီး ဦးစံရှားစကားနဲ့ ညီးတွားရင်း မသိဘဲနဲ့ သိချင်ယောင်ဆောင် ခဲ့မိတဲ့ ကျနော်တို့ အတွက် သင်ခန်းစာ တစ်ပုဒ်လို့ဘဲ သဘောထားလိုက်ပါတော့တယ်။

မိတ်ဆွေများလဲ အတုယူကြပါလေကုန်။ ။