မယ်သီဟင်း

တစ်ပတ်တစ်ရက်တော့ သက်သတ်လွတ်စားဖြစ်တယ်။
ဘာမှတော့ ကြီးကြီးမားမား အယူမရှိပါဘူး။
မွေးနေ့မှာ အသားငါးရှောင်ချင်တဲ့ သဘောသက်သက်ကလေးပါ။
ဒီနေ့လဲ မနက်ပိုင်း ပေါင်မုန့်မီးကင် ထောပတ်သုတ်ပြီး ကော်ဖီနဲ့ စားပါတယ်။ နေ့လည်ပိုင်းအတွက် ပဲပြုတ်သုပ်စားဖုို့ ဖရီဇာထဲက ထုတ်ထားပါတယ်။
နေ့လည်စာကို ထမင်းဖြူနှင့် ပဲပြုတ်ဆီဆမ်း နှယ်ဖတ်ပြီး ရေနွေးကြမ်းနဲ့ပဲ
မျိုချတော့မယ်ပေါ့။
.
နေ့လည် ၁၁ နာရီထုိုးတော့ နေ့လည်စာစားဖုို့ အောက်ထပ်ဆင်းတယ်။ ပဲပြုတ်ကို မုိုက်ခရုိုဝေ့လဲထည့်ပြီး အပူပေးတယ်။ ပြီးတော့ ကြက်သွန်လှီးပြီး ပဲပြုတ်ကုို သုတ်တယ်။
.
အိမ်ရှင်အဘုိုးအုိုက သူကြီး ပဲပြုတ်သုပ်နေတာကို မမြင်ဘူး။
သူ့အခန်းထဲကနေ လှမ်းအော်တယ်။
မောင်ရင်ရေ... ဒီနေ့ သက်သတ်လွတ်နေ့မဟုတ်လား။ မောင်ရင့်အတွက်
ပဲဟင်း double လုပ်ထားတယ် တဲ့။ ပဲဟင်းနှစ်မျိုးပေါ့။
ဟာ... ဟုတ်လား အဘုိုး.... ကျနော်လဲ ပဲပြုတ်သုပ်ထားတယ် အဘုိုး ဆုိုတော့။
အေးကွာ ဒါဖြင့်လဲ ပဲ Triple ဖြစ်သွားတာပေါ့။
ပဲဟင်းသုံးမျိုးရယ်၊ ပြီးတော့ မယ်သီဟင်းရယ်ပေါ့ကွာ။ မနက်က ဈေးသွားတော့ မယ်သီလေးတွေ လတ်လတ်ဆတ်ဆတ်တွေ့လုို့ ၀ယ်လာပြီး သတ်သတ်လွတ်ချက်ထားတာ။
.
အဘုိုးအိုပြောတဲ့ ပဲဟင်းသုံးမျိုးထက် ဟုို မယ်သီဟင်းဆုိုတာလေးကို သိချင်စိတ်က ပြင်းပြနေမိတော့တယ်။
ထမင်းစားပွဲပေါ် သွားကြည့်လုိုက်တော့မှ သိသွားတယ်။ အဘုိုးအုိုပြောတဲ့ မယ်သီဟင်းဆုိုတာ ဟုို စိမ်းစိမ်းစုိုစုို ဟင်းခွက်လေးကုို ပြောတာကုိုး။
.
မောင်ရင်ရ... မယ်သီက ခါးသက်သက်နဲ့ စားလုို့ အလွန်ကောင်းတယ်။ ပြီးတော့ ဆေးဖက်လဲ ၀င်တယ်။ ဒါကြောင့် အင်္ဂလိပ်တွေဆုို မယ်သီကို လွတ်ကြိုက်ကြတာ...။
.
သူကြီးကတော့ ဘိလတ်ရောက်တာ ကြာပေမဲ့ ဟင်းသီးဟင်းရွက်တွေရဲ့ နာမည်တွေကို ခုထက်ထိ မရင်းနှီးသေးပါဘူး။ အဘုိုးအုိုက မယ်သီဆုိုတော့လဲ သူကြီးလဲ မယ်သီပဲပေါ့။ မှန်မမှန်တော့ မသိဘူး။ အဘုိုးအုိုက အသက်ကြီးပြီဆုိုတော့ စိတ်စွဲရာ ပြောတတ်တယ် မဟုတ်လား။
.
ဘာပဲပြောပြော စားကြည့်လုိုက်တော့လဲ တကယ့်ခါးသက်သက်နဲ့
ခံတွင်းတွေ့သား။
ဒါပေမဲ့
အဘုိုးအုိုပြောတဲ့ မယ်သီဟင်းဆုိုတဲ့ စိမ်းစိမ်းစုိုစုိုဟင်းလေးကို စားနေရပေမဲ့
သူကြီးမျက်စိထဲမှာတော့ အစိမ်းရောင်ပေါ်လုိုက် ပန်းရောင်ပေါ်လုိုက်နဲ့ အမြင်တွေ ဖောက်ပြန်နေမိတော့တယ်။း)

(၁၆ သြဂုတ်လ ၂၀၁၆)