Monday 29 March 2010

ဟိုတစ်စ ဒီတစ်စ၊ ကျွန်တော် ကျွန်မ


ကျနော့်ရဲ့ မန္တလေးသားစစ်စစ်ကြီးပါဗျာ ဆိုတဲ့ တစ်ခန်းရပ်ပြဇာတ် အမည်ရှိ ပို့စ်အောက်မှာ ကွန်မင့်ပေးခဲ့ကြတဲ့ ကိုဂျစ်တူးနှင့်မဖြူစင်မြတ်နိုးတို့ရဲ့ ကွန်မင့်လေးတွေက ကျနော့်အတွက် အမှန်ဘဲ အကျိုးရှိပါတယ်။ သူတို့ကို အထူးကျေးဇူးတင်ပါတယ်။ အမှန်ဆို မန္တလေးသူတွေ ကျနော် ကျနော်လို့ သူတို့ကိုယ်သူတို့ သုံးနှုန်းနေကြတဲ့ သမိုင်းအစစ်အမှန်ကို ကျနော် တကယ် မသိရရိုးအမှန်ပါ။ သူငယ်ချင်းတစ်ယောက်က ရယ်စရာမောစရာအဖြစ်ပြောပြလို့ ကျနော်လဲ ရယ်စရာအဖြစ်ရေးလိုက်မိတာပါ။ ဒါပေမဲ့... အဲဒီရယ်မောစရာ စကားဟာ အမှန်တကယ် အဖြစ်အပျက်မဟုတ်ဘူးလို့လဲ ဆိုလို့မရပါဘူး။ ဘာဖြစ်လို့လဲဆိုတော့ မြန်မာ့ရာဇ၀င်မှာ မင်းတုန်းမင်းဟာ မိဖုရားအများဆုံး ယူခဲ့တဲ့ မင်းတစ်ပါး ဖြစ်လို့ပါဘဲ။ ကျနော်လဲ ပြည်ပကို ရောက်နေတဲ့အတွက် မြန်မာသမိုင်းစာအုပ်တွေကို ကောင်းကောင်းလက်လှမ်းမမီနိုင်လို့ ကိုးကားချက်တွေကို ရှာဖွေဖို့ ခက်ခဲပါတယ်။ ပြီးတော့ အွန်လိုင်းမှာ ရှာပြန်တော့လဲ လိုချင်တဲ့အချက်အလက်တွေက မရှိပြန်ဘူး။ ဒါကြောင့် ကျနော်ဖတ်ဖူးမှတ်ဖူးခဲ့တဲ့ စာတိုပေစလေးတွေထဲကဘဲ ထုတ်နှုတ်ယူပြီး ဟိုခြစ်ဒီခြစ် ခြစ်လိုက်ပါတယ်။
.....

မင်းတုန်းမင်းလက်ထက်က စာတတ်ပေတတ် ဘုန်းကြီးတွေ အတော်များခဲ့ကြပါတယ်။ (စာတတ်ငခုံ၊ စာစုံ မန်ကျည်းတော၊ စာပြော(ဟော) သဲအင်း) ရယ်လို့ စာဆိုရှိခဲ့တဲ့အတိုင်းဘဲ စာတတ်တဲ့နေရမှာ ငခုံဆရာတော်က ထိပ်ဆုံး၊ စာစုံ(စာကုန်)တဲ့နေရာမှာ မန်ကျည်းတောဆရာတော်က ပြိုင်စံရှား၊ တရားဟော(ပြော)တဲ့ နေရာမှာ သဲအင်းဆရာတော်က နာမည်ကြီး။ တစ်နေ့မှာ ငခုံဆရာတော်နှင့် မန်ကျည်းတော်ဆရာတော်တို့ ဘုရင့်နန်းတော်ကို ဆွမ်းစားကြွကြသတဲ့။ မင်းတုန်းမင်းက ဖိတ်ကြားလို့ပေါ့။ ငခုံဆရာတော်က တရားချီးမြှင့်ဖို့ တာဝန်ကျတယ်။ မန်ကျည်းတော ဆရာတော်က ငခုံဆရာတော်ကိုပြောသတဲ့။ အရှင်ဘုရား ဘာတရားဘဲ ဟောဟော တပည့်တော် မသိတဲ့အကြောင်းအရာမပါအောင် မဟောနိုင်ပါဘူးလို့ ပြောသတဲ့။ ဒါနဲ့ ငခုံဆရာတော်လဲ ပညာပြလိုက်ဦးမယ် ဆိုပြီး စိတ်ထဲ ကြံစည်ထားသတဲ့။

ဒါနဲ့ နန်းတော်ထဲရောက်ပြီး ဆွမ်းဘုဉ်းပေးပြီးတဲ့အခါမှာ မင်းတုန်းမင်းကြီးက "အရှင်ဘုရား နိဗ္ဗာန်ရောက်ကြောင်းတရားကောင်းလေး ဟောပြပေးတော်မူပါဘုရား"လို့ လျောက်တင်သတဲ့။ ဒါနဲ့ ငခုံဆရာတော်ကလဲ "ဒကာတော်မင်းမြတ် နိဗ္ဗာန်တကယ်လိုချင်ရင်တော့ လွယ်လွယ်လေးဘဲ။ ဒကာမင်းမြတ်ခန္ဓာကိုယ်မှာရှိတဲ့ အရိုးမပါတဲ့ အရာနှစ်ခုကိုသာ ထိန်းသိမ်းပါ" လို့ မိန့်တော်မူသတဲ့။ ရသတဏှာနှင့်ကာမတဏှာကို ရည်ရွယ်ပြီး ဟောလိုက်တာပါဘဲ။ အရိုးမပါတဲ့အရာနှစ်ခုကို လူတိုင်းသိလောက်မယ်ထင်ပါရဲ့။ လျာနှင့်ဟ၀ှါလေ။ တယ်လဲ ထိန်းရသိမ်းရခက်သကိုး။ မန်ကျည်းတော ဆရာတော်လဲ "ငခုံတို့ကတော့ လုပ်လိုက်ရင် မှတ်သားစရာချည်းဘဲ" ဆိုပြီး ချီးကျူးမဆုံးဖြစ်နေသတဲ့။

ဒီပုံပြင်မှာ ငခုံဆရာတော်ဟာ မန်ကျည်းတောဆရာတော်ကိုသာ ပညာပြရုံမကဘဲ မိဖုရား အများကြီး ယူထားတဲ့ မင်းတုန်းမင်းကြီးကိုလဲ သာသာနဲ့နာနာနှက်လိုက်တာပါဘဲ။ စဉ်းစားကြည့်ကြပေါ့လေ။ မိန်းမတွေ တစ်တွေကြီးယူထားပြီးတော့ နိဗ္ဗာန်ကို လိုချင်သေးတယ်တဲ့။း)
.......

တစ်နေ့မှာ..
မင်းတုန်းမင်းကြီးဟာ ရဟန်းသံဃာတော်တွေအတွက် သီးသန့်စည်းကမ်းထုတ်ဖို့ ပြင်ဆင်ပါတယ်။ ဒါကို ဗန်းမော်ဆရာတော်က ကြားသိတော့ "တောင်နှစ်လုံးကြားမှာ ဓမ္မနှင့်ပျော်မွေ့သူက ပေါင်နှစ်လုံးကြားမှာ ကာမနှင့်ပျော်မွေ့နေသူရဲ့ စည်းကမ်းကို လုံးဝမလိုက်နာနိုင်ဘူး"လို့ ပြတ်ပြတ်သားသား မိန့်တော်မူဖူးသတဲ့။

ဒီအဖြစ်အပျက်ကလဲ မင်းတုန်းမင်းကြီး မိန်းမကိစ္စမှာ စိတ်များတယ်ဆိုတာ ပေါ်လွင်စေပါတယ်။ ဗန်းမော်ဆရာတော်ကိုယ်တိုင် သတ္တိရှိတာလဲ ပါတာပေါ့လေ။ ဘုရင့်မျက်စောင်းဟာ အကြောင်းမရွေးမှန်းသိသိကြီးနဲ့ ဆော်ပစ်လိုက်တာကိုး။ ဒါပေမဲ့ မင်းတုန်းမင်းကြီးကလဲ ဗန်းမော်ဆရာတော်ပြောတာ မှန်ကန်နေတဲ့အတွက် ငြိမ်နေလိုက်ရသတဲ့။
....

မန္တလေး မဟာကုသိုလ်တော် ဘုရားဝင်းအတွင်းမှာ ကမ္ဘာ့အကြီးမားဆုံးစာအုပ်လို့ နာမည်ကျော်ကြားခဲ့တဲ့ ပိဋကတ်ကျောက်စာတိုက်တွေ ရှိပါတယ်။ ကျောက်စာတစ်ချပ်ကို ကျောက်စာတိုက်တစ်ခုပြုလုပ်ပြီး သေသေချာချာ ထိန်းသိမ်းထားပါတယ်။ အဲဒီ ပိဋကတ်ကျောက်စာတိုက်ရေဟာ ၇၂၉ ခု ရှိပါတယ်။ ပါးစပ်ရာဇ၀င်အရ မင်းတုန်းမင်းကြီးဟာ အဲဒီ ပိဋကတ်ကျောက်စာတိုက်အရေအတွက်နှင့်အမျှ မိဖုရားရှိပါတယ်တဲ့။

ဒါကလဲ မင်းတုန်းမင်းကြီး မိဖုရားများတယ် ဆိုတာကို လူတွေ ပြောဆိုနေကြတာပါ။ အဲဒီအရေအတွက်လောက် မရှိရင်တောင်မှ အလွန်အကဲ မိဖုရားတွေကောက်ယူထားလို့ လူတွေပါးစပ်ကနေ လျံထွက်လာတဲ့ စကားလုံးတွေ ဖြစ်မှာပါ။ သက်သက်မဲ့ စော်ကားချင်လို့ ပြောဆိုကြတဲ့ စကားလုံးဟုတ်မယ်မထင်ပါဘူး။
...

လွင်မိုးခရီးသွားနေသည်ဆိုတဲ့ Documentary video file တွေထဲမှာ ချင်းတောင်တန်းကို သူသွားပါတယ်။ ပြီးတော့ အင်တာဗျူးသဘောမျိုးပြုလုပ်ပါတယ်။ အဲဒီမှာ ချင်းမလေးတွေကို လွင်မိုးက "ဘာဖြစ်လို့ ပါးရဲနားရဲ ထိုးထားကြရတာလဲ" လို့ မေးတော့ ချင်းမလေးတွေက ဖြေတယ် "ဘုရင့်တော်ကောက်ခံဘ၀က လွတ်မြောက်အောင်လို့ အလှပျက်အောင်ပြုလုပ်တဲ့အနေနဲ့ ပါးရဲနားရဲ ထိုးထားတာပါ" တဲ့။ ဒီနေရာမှာ မေးစရာရှိလာပါတယ်။ ဒါဖြင့် ဘာဖြစ်လို့ မန္တလေးသူတွေသာ ကျနော် ကျနော်လို့ပြောပြီး ချင်းပြည်နယ်စတဲ့ ကျန်ဒေသက မိန်းခလေးတွေ ကျနော် ကျနော်လို့ မပြောရပါသလဲ ပေါ့။ ဒါက ရှင်းပါတယ်။ ဘုရင့်နန်းတော်က မန္တလေးမှာတည်ထားတာပါ။ မန္တလေးသူတွေဟာ ပိုပြီး တော်ကောက်ခံရများနိုင်ပါတယ်။ တိုင်းခန်းလှည့်လည်တဲ့အခါမှာမှ နယ်ကို ရောက်မှာဆိုတော့ နယ်ကသူတွေကတော့ ကျနော် ကျနော်လို့ အမြဲတမ်း ပြောစရာမလိုတော့တဲ့သဘောဘဲပေါ့။ ဒါတောင်မှ မန္တလေးသူတွေ မဟုတ်တဲ့ အချို့မိန်းခလေးတွေတောင် ကျနော် ကျနော်လို့ ပြောနေကြသေးတယ်။ ဧကန္တတော့ အဲဒီနယ်ဘက်ကို မင်းတုန်းမင်းကြီးရောက်ခဲ့ပုံရတယ်း))။
...

အမှန်ဆိုရင်တော့ ကျွန်တော် ကျွန်မဆိုတဲ့ နာမ်စားတွေဟာ မိမိကိုယ်ကို နိမ်ချပြီး ဂါရ၀ နိဝါတ မင်္ဂလာနှင့်အညီ ပြောဆို သုံးနှုံးနေကြတာပါ။ စကားပြောတဲ့အခါမှာ ကျွန်တော် ကျွန်မ ဆိုပြီး တစ်ဘက်လူ နားချမ်းသာအောင်ပြောတဲ့ နာမ်စားမျိုးပါ။ အခုခေတ် အပြင်မှာ တစ်ယောက်နှင့်တစ်ယောက်တွေ့တဲ့အခါ ဆရာ ဆရာ ဆိုပြီး နှုတ်ဆက်လေ့ရှိသလိုမျိုးပေါ့။ အမှန်ဆို ဆရာအခေါ်ခံရတဲ့သူက ခေါ်တဲ့သူကို ဘာပညာမှ သင်ပေးခဲ့တဲ့သူမဟုတ်ဘူးလေ။ ဒါဖြင့် အခေါ်ခံရတဲ့သူက စိတ်ဆိုးသွားရောလား။ မဆိုးရေးချ မဆိုးပါ။ ကျေနပ်လို့တောင် နေသေး။ ကျွန်တော် ကျွန်မ သုံးတဲ့ ကိစ္စကိုလဲ ဒီအတိုင်းဘဲလို့ ကျနော်ကတော့ မြင်တယ်ဗျာ။ မြန်မာစာရဲ့ အစလို့ ယူဆရတဲ့ ပုဂံခေတ်မှာကတည်းက မိမိကိုယ်ကို ကျွန်ဆိုတဲ့ စကားလုံးနဲ့ သုံးနေပါပြီ။ အုပ်ချုပ်သူ လူတန်းစားနှင့် အအုပ်ချုပ်ခံလူတန်းစားကြား သုံးနှုံးခဲ့တဲ့ စကား ဖြစ်ကောင်းဖြစ်နိုင်ပါတယ်။ ကျောက်စာတွေထဲမှာ ပုရှသခင်(ဘုရားသခင်)၊ အတို့ကျွန်ဆိုတဲ့ စကားလုံးတွေရှိပါတယ်။
...

သာသနာ့လောကမှာ အသုံးပြုကြတဲ့ ပါဠိစာပေတွေမှာတောင် ကိုယ့်ထက်ကြီးတဲ့သူတွေ ဘန္တေ၊ ကိုယ့်ထက်ငယ်တဲ့သူကို အာဝုသောဆိုပြီး ခေါ်ဝေါ်သုံးစွဲလေ့ရှိပါတယ်။ အဲဒါကို မြန်မာတွေက ဘန္တေ(အရှင်ဘုရား)အာဝုသော (တပည့်တော်) လို့ မြန်မာမှု ပြုထားကြပါတယ်။ ဒါပေမဲ့လဲ အချင်းချင်းရိုသေမှုအနေနဲ့ အခုခေတ်မှာတော့ ငယ်ငယ်ကြီးကြီး အချင်းချင်းစကားပြောကြတဲ့အခါမှာ မိမိကိုယ်ကို ညွန်းဆိုရင် တပည့်တော် လို့ဘဲ သုံးနှုံးကြပါတယ်။ မိမိကိုယ်ကို နှိမ်ချပြီး ပြောဆိုကြတဲ့ သဘောပေါ့။ စကားကို နှိမ်ချပြောဆိုတာဟာ ရှေးစဉ်လာ မြန်မာ့ရိုးရာယဉ်ကျေးမှု စစ်စစ်ပါ။ ဘယ်လောက်ထိ အဲဒီအသုံးအနှုံး တွင်ကျယ်သလဲဆိုရင် အချင်းချင်းအခန့်မသင့်လို့ စကားများရန်ဖြစ်တဲ့အခါမှာတောင် အသက်နဲနဲကြီးရင် မင်း၊ ငါ ဆိုတဲ့ စကားလုံးအစား ခင်များနော်၊ ကျနော် မပြောချင်ဘူးဗျာ။ ခင်များကို သတ်ပစ်မယ်။ ကျနော့်ကိစ္စ၀င်မစွက်နဲ့။ ကျနော် သတ်မိလိမ့်မယ်။ အဲဒီလို ပြောလေ့ပြောထရှိကြတယ်မဟုတ်လား။
....

ဒီနေရာမှာ စဉ်းစားစရာတစ်ခု ပေါ်လာတယ်။ အဲဒီ ကျွန်တော် ကျွန်မ ဆိုတဲ့ နာမ်စားတွေကို ဘာဖြစ်လို့ စတင်အသုံးပြုခဲ့ကြသလဲ ဆိုတဲ့အကြောင်းပေါ့။ ကျနော်ကတော့ ဒီလိုလေးတွေးမိတယ်။ မြန်မာလူမျိုးတွေဟာ ရှေးပဝေသဏီကထဲက အချင်းချင်းတိုက်ကြခိုက်ကြဖို့ဘဲ သိပုံရတယ်။ ပုဂံကနေ သထုံကို သွားတိုက်လိုက်၊ အင်းဝကနေ ဟံသာဝတီကို သွားတိုက်လိုက်၊ ယိုးဒယားဘက်သွားတိုက်လိုက်၊ နန်းတွင်းမှာ အချင်းချင်းတိုက်ခိုက်လိုက်နဲ့ တိုက်ခိုက်မှုတွေနဲ့ဘဲ မြန်မာနိုင်ငံကြီးကို တည်ဆောက်ခဲ့ရတယ်။ စကားပုံတောင် ရှိသေး။ ဘာတဲ့။ ယောက်ျားဓါးသွေး၊ မိန်းမ သားမွေးတဲ့။ ရှင်းရှင်းပြောရရင်တော့ ရှေးမြန်မာလူမျိုးတွေဟာ အလွန်ရိုင်းစိုင်းကြပုံရပါတယ်။ ဒါကြောင့် အဲဒါကို နံနှိမ်တဲ့အနေနဲ့ ကျွန်တော်၊ ကျွန်မဆိုပြီး နာမ်စားတွေကို ပညာရှိတွေ တီထွင်ပေးခဲ့ကြပုံရပါတယ်။ ဥပမာအားဖြင့် စနေသား မွန်းတည့်ချိန်မှာမွေးတဲ့ ယောက်ျားလေးကို ကြီးလာရင် ဆိုးသွမ်းမှာ စိုးတဲ့အတွက် မိဘတွေက သူ့ကို မိန်းခလေးနာမည် ပေးထားသလိုမျိုးပေါ့။
...

ဒါပေမဲ့လဲ.. မိမိကိုယ်ကို ကျွန်သဖွယ် နှိမ်ချပြီး သုံးနှုံးပြောဆိုကြတဲ့ မြန်မာလူမျိုးများဟာ ကျွန်နှင့်အနှိုင်းခံရမှာကိုတော့ အတော်လေးကြောက်ကြပါတယ်။ ကျနော် အပါအ၀င်ပေါ့။ ပြီးတော့ မာနလေးတွေ ကိုယ်စီကိုယ်ငှလဲ ရှိနေကြတယ်လေ။ အမှိုက်မပစ်ရဆိုတဲ့ နေရာမှာ အမှိုက်ပုံကြီး ဖြစ်နေသလိုမျိုး၊ မြက်ခင်း ဖြတ်မလျောက်ရဆိုတဲ့နေရာမှာ လိုက်တမ်းပြေးတမ်းကစားနေကြသလိုမျိုးပေါ့။ ကျွန်တော် ကျွန်မ လို့ နှိမ်ချစွာသုံးနှုံးပေမဲ့ ကျွန်အဖြစ်ကိုတော့ အလွန်စက်ဆုပ်ခဲ့ကြပါတယ်။ ဒါကြောင့်မို့လဲ မြန်မာတွေဟာ ကျွန်တော် ကျွန်မ ဆိုတဲ့ အသုံးအနှုံးကို အသုံးပြုပြီး ကျွန် မဖြစ်ခဲ့ကြတာပါ။ ဆိုရိုးစကားတောင်ရှိပါသေးတယ်။ မြင်းအုန်းခွံ၊ ကျွန်ကုလား၊ မယားတောသူ တဲ့။ ကျွန် မြန်မာလို့ စကားပုံမရှိခဲ့ဘူး။ တော်သေးတယ်။း))
...

အင်္ဂလိပ်စာကို ကျွန်ပညာရေးဆိုပြီး ကြွေးကြော်ခဲ့ကြတာလဲ မြန်မာတွေပါဘဲ။ ပြီးတော့ အင်္ဂလိပ်စာတတ်မှ လူရာဝင်မယ်လို့ ထင်နေကြတာလဲ မြန်မာတွေဘဲလေ။ ခက်တော့ ခပ်ခက်ခက်ရယ်။ ကျနော်ကိုယ်တိုင်လဲ အင်္ဂလိပ်စာတတ်မှ လူတောသူတော တိုးနိုင်မယ်ဆိုတဲ့ အယူရှိနေတာပါဘဲ။ ဗမာစာသည် ဒို့စာ၊ ဗမာစကားသည် ဒို့စကား၊ သခင်မျိုးဟေ့ ဒို့ဗမာ။ ကြွေးကြော်ခဲ့ကြတဲ့အသံတွေပါ။ အမှန်တကယ်က အင်္ဂလိပ်ကသခင်နေရာက အုပ်ချုပ်ခဲ့ပြီး မြန်မာတွေက ကျွန်နေရာက ရုန်းကန်လှုပ်ရှားခဲ့ကြရတာပါ။ ဆိုလိုတာကတော့ လည်ပင်းအညှစ်ခံထားရတဲ့ အောက်ကလူက အပေါ်ကလည်ပင်းညှစ်နေတဲ့သူကို ငါ့ကို ကြောက်ပြီလား ဘာမှတ်လဲ လို့ မေးနေတဲ့ပုံမျိုးလို ဖြစ်နေတယ်။ ကျွန်ဆိုတဲ့ စကားလုံးကို ကြောက်ကြပုံပြောပါတယ်။

အင်္ဂလိပ်တွေ အုပ်ချုပ်စဉ်ကာလက မြန်မာတွေကို ဘယ်လို ဆက်ဆံခဲ့ကြသလဲတော့ ကျနော်လဲ မပြောတတ်ဘူး။ အခုမျက်မှောက်မှာ ဗီဒီယိုဇာတ်ကားတွေ ကြည့်ရတာကတော့ အင်္ဂလိပ်က နှိပ်စက်တာထက် အသားထဲက လောက်ထွက်တဲ့ မြန်မာအချင်းချင်းနှိပ်စက်တာက ပိုများတယ်။ ပိုလဲ ဆိုးတယ်။ အင်္ဂလိပ်အရေးပိုင်မင်းကြီးက ရာဇ၀တ်မှုကျူးလွန်တဲ့သူကို စစ်ဆေးတဲ့အခါမှာ "မောင်မင်း၊ မှန်မှန်ပြောစမ်း။ အမှန်အတိုင်းမပြောရင် မောင်မင်းကို ထိရောက်တဲ့ အပြစ်ပေးရလိမ့်မယ်" ဆိုပြီး မောင်မင်းဆိုတဲ့ နာမ်စားကိုတောင် ယဉ်ယဉ်ကျေးကျေးပြောသေးသဗျား။ အင်္ဂလိပ်တွေနား ကပ်ဖားဖားနေတဲ့မြန်မာတွေကမှ "ဟေ့ကောင် ခွေးမသား၊ သေချင်ပြီလား။ ငါ့တို့ သခင်မေးတာကို ကောင်းကောင်းဖြေ။ မဟုတ်ရင် မင်းကို သတ်ပစ်မယ်" အဲဒီလို ပြောကြသေးတယ်။ တော်လှန်ရေးဇာတ်ကားတွေထဲက ကြည့်ဖူးခဲ့တဲ့ ကြားဖူးခဲ့တဲ့ အသုံးအနှုံးတစ်ချို့ ပါ။ အဲဒီလို အဖေထက် သားတစ်လကြီးခဲ့ကြတာလဲ သစ္စာဖောက် မြန်မာတွေပါဘဲလေ။
....

အကယ်၍သာ မင်းတုန်းမင်းကြီးအုပ်ချုပ်စဉ်ကာလက ဗုဒ္ဓသာသနာနှစ် ၂၄၀၀ ပြည့်နှစ်နှင့်မကြုံကြိုက်ခဲ့ရင် ပဉ္စမသင်္ဂါယနာတင်ပွဲကြီးလဲ ဖြစ်ပေါ်ခဲ့မယ်မထင်ဘူး။ (ဗုဒ္ဓသာသနာနှစ် ၂၅၀၀ ပြည့်နှစ်မှာ ၀န်ကြီးချုပ်ဦးနု က ဆဋ္ဌသင်္ဂါယနာတင် ၀န်ကြီးဖြစ်ခဲ့ပါတယ်။ ဗုဒ္ဓသာသနာနှစ် ၂၆၀၀ပြည့်နှစ်မှာလဲ ပြောလို့မရပါဘူး။ တက်လာတဲ့ နိုင်ငံတော်အုပ်ချုပ်သူတစ်ယောက်ယောက်က သတ္တမသင်္ဂါယနာကို ပြုလုပ်ကောင်းပြုလုပ်နိုင်ပါတယ်။ ) အကယ်၍သာ မင်းတုန်းမင်းကြီးက ပဉ္စမသင်္ဂါယနာတင်မင်းကြီးမဖြစ်ခဲ့ရင် သူ့ကို ဘယ်သူမှ အခုလောက် အသိအမှတ်ပြုကြမှာ မဟုတ်ပါဘူး။ ဘာဖြစ်လို့လဲဆိုတော့ အောက်က အချက်လေးချက်ထဲနဲ့တင် သူ့ကိုအပြစ်မြင်လို့ ရနေပါပြီ။
၁။ရတနာပုံနေပြည်တော်(မန္တလေး)ကြီးကို စတင်တည်ထောင်ခဲ့တဲ့အတွက် တိုင်းသူပြည်သားများ ပင်ပန်းရခြင်း
၂။မိန်းမအများကြီးယူထားခြင်း
၃။ကနောင်မင်းသားကြီးစမ်းသပ်ပြုလုပ်တဲ့ ရေမြှပ်ဗုံးတီထွင်မှုကို တားမြစ်ခြင်း
၎။သူ့စကားကို အကျအနကောက်ပြီး မြင်ကွန်းမြင်းခုန်တိုင် အရေးပေါ်လာရခြင်း။
အဲဒီ လေးချက်ထဲနဲ့တင် မင်းတုန်းမင်းကြီးကို ပြည်ဖုံးကား ချလို့ ရနေပြီလေ။ ဒါပေမဲ့ မင်းကြီးက ဘာသာရေးကိုင်းရှိုင်းတယ်၊ ပဉ္စမသင်္ဂါယနာတင်မင်းတရားကြီးဖြစ်တယ်။ ပိဋကတ်ကျောက်စာတွေကို စီမံပြုလုပ်ခဲ့တယ်။ အဲဒီအချက်တွေကြောင့်ဘဲ သူက နာမည်ကောင်း ကျန်ရစ်ခဲ့တာပါ။ ပြီးတော့ ကျနော်ထင်တယ်။ အဲဒီလို ကုသိုလ်တွေလုပ်ခဲ့တဲ့အတွက်ကြောင့် သူ့လက်ထက်ကထဲက မြန်မာနိုင်ငံကြီး အင်္ဂလိပ်လက်အောက် မရောက်ခဲ့ရတာဖြစ်မယ်။ ဘာဖြစ်လို့လဲဆိုတော့ နာမည်ကတောင် မင်းတုန်း(မင်းတုံး)၊ မင်းသုဉ်း။ အဲဒီလို မဟုတ်လား။

သူ မိဖုရားအများကြီးယူခဲ့တာကိုတော့ အပြစ်ပြောလို့ မရလောက်ပါဘူးလေ။ ယူလို့ရတဲ့အခြေအနေကိုး။ ပြီးတော့ ယူခဲ့ကြတဲ့အစဉ်အလာလဲ ရှိခဲ့ကြတာကိုး။ သီပေါမင်းတောင်မှ စုဖုရားလတ်ကို ကြောက်လို့ တစ်လင်တစ်မယားစနစ်နဲ့ ကြီးပြင်းလာခဲ့ရတာပါ။ ဒါတောင်မှ ဒိုင်းခင်ခင်နှင့် ညှိခဲ့သေးတယ်လေ။ မိန်းခလေးတွေ စုဖုရားလတ်ကို ကျေးဇူးတင်သင့်တယ်။ နို့မဟုတ်ရင် မဗေဒါတွေက တစ်ရာနှစ်ရာ၊ ဘဲအုပ်က တစ်ကောင်ထဲ။ အဲဒီလိုဖြစ်နေဦးမယ်။

ဟဲ ဟဲ။ ရေးရင်းနဲ့ ဘယ်ရောက်သွားပါလိမ့်။ ဟိုတစ်စ ဒီတစ်စ ဆိုတဲ့အတိုင်း ဟိုရောက်ဒီရောက်ဖြစ်ကုန်ပြီ။ အဲ... သတိရပြီ။ မန္တလေးသူတွေ ကျနော် ကျနော်လို့ ပြောတဲ့ကိစ္စ။ ကျွန်တော် ကျွန်မ လို့ ပြောခဲ့ကြတာကတော့ မန္တလေးမြို့ကြီး မပေါ်ပေါက်ခင်ကထဲက ပြောဆိုခဲ့ကြတဲ့ မြန်မာလူမျိုးအားလုံးရဲ့ ယဉ်ကျေးသိမ်မွေ့တဲ့ အသုံးအနှုံးတွေပါ။ မြန်မာ့စွယ်စုံကျမ်း၊ မြန်မာ့သတ်ပုံကျမ်း၊ မြန်မာ အင်္ဂလိပ်အဘိဓာန်။ အဲဒီထဲမှာကတော့ ကျွန်တော် ကျွန်မလို့ဘဲ ရေးထားပါတယ်။ ကျနော် ကျမလို့ မရှိပါဘူး။ ဒါကြောင့် အဆင့်ရှိရှိ စာရေးတဲ့အခါ ၊ စာမေးပွဲဖြေတဲ့အခါတွေမှာကတော့ ကျွန်တော် ကျွန်မဆိုတဲ့ စာလုံးတွေကမှ မြန်မာစာပေရဲ့ တကယ့် သတ်ပုံအမှန်ဖြစ်တဲ့အတွက် ကျွန်တော် ကျွန်မလို့ ရေးမှဘဲ အမှန်ဖြစ်ပါလိမ့်မယ်။ စကားပြောတဲ့အခါ ၊ စကားပြောစတိုင်လ်ကို ရေးတဲ့အခါ၊ အချင်းချင်း ပေးစာပြန်စာရေးတဲ့အခါ (ဘလော့ဂ်မှာ အပျော်တမ်းရေးတဲ့အခါ)တွေမှာကတော့ ကြိုက်သလို ရေးနိုင်ကြပါတယ်။ မြန်မာလက်ကွက်က ခက်တာကိုး။

ကျွန်တော်လို့ဘဲပြောပြော၊ ကျနော် လို့ဘဲဆိုဆို၊ ကျွန်မလို့ဘဲ သုံးနှုံးသုံးနှုံး၊ ကျမလို့ဘဲ ရေးရေး ၊ ဘယ်စာလုံးကမှ သခင်ကို ကိုယ်စားမပြုပါဘူး။ ကျွန်ကို ကိုယ်စားပြုတဲ့ နာမ်စားတွေချည်းပါဘဲ။ ဒါပေမဲ့ ကျွန်လို့သုံးထားတဲ့အတွက် ကျွန်အစစ်တော့မဟုတ်ပါဘူး။ ယဉ်ကျေးသိမ်မွေ့နူးညံ့မှုကို ဖော်ဆောင်တဲ့ ယဉ်ကျေးမှုကိုယ်စားပြု စကားလုံးလေးရယ်ပါ။ အဲဒီစာလုံးတွေကို ငြင်းပယ်လို့ မရဘူးလေ။ ကိုယ်ပိုင်စာလုံးတွေဖြစ်နေပြီ။ အရှေ့ ကနေ ထွက်ပေါ်လာတဲ့နေကို အနောက်ဖက်ကနေ ထွက်ခိုင်းလို့ မရသလိုမျိုးပေါ့။ ဒါပေမဲ့... မကြိုက်ဘူး ပြောင်းကိုပြောင်းမှာဘဲဆိုရင်တော့ ဆရာမြစ်ကျိုးအင်းရဲ့ ဘလော့ဂ်ဂါနှင့်အဏ္ဏ၀ါ ထဲက ၀ူးရှူး ၀ူးရှူး ဂမူးရှူးထိုး ဆိုတဲ့ ပုံစံမျိုး (ကျွန်တော်၊ ကျွန်မဆိုတဲ့ စကားလုံးအစား) ကိုယ်ပိုင်စကားလုံးအသစ်တီထွင်ကြရုံဘဲ ရှိပါတော့တယ်။။

အားလုံးကို ခြုံကြည့်လိုက်တဲ့အခါမှာ မန္တလေးသူတွေ ကျနော် ကျနော်လို့ ပြောတဲ့ ကိစ္စဟာ မင်းတုန်းမင်းကြီးက အဓိကတရားခံ ၅၀%၊ ကျန်တဲ့ ရာခိုင်နှုန်းက ၅၀%။ အဲဒီလိုဆိုရင် ကျေနပ်ကြမလားမသိဘူး။ :D :D :D ။ မကျေနပ်ရင် ကွန်မင့်မှာ အကြံပြုစေလိုပါတယ်။ ကျေနပ်ရင်လဲ အကြံပြုစေလိုပါတယ်။ ကျေနပ်တစ်ဝက် မကျေနပ်တစ်ဝက်ဆိုလဲ အကြံပြုပေးကြပါလို့။ :D :D ။ ။


ဝန်ခံချက်။
ကိုဂျစ်တူးနှင့်မဖြူစင်မြတ်နိုးတို့ကို အထူးဘဲ ကျေးဇူးတင်ပါတယ်။ ကျနော့်ရဲ့ မန္တလေးသားစစ်စစ်ကြီးပါဗျာ ဆိုတဲ့ တစ်ခန်းရပ်ပြဇာတ် အမည်ရှိ ပို့စ်အောက်မှာ သူတို့ပေးခဲ့တဲ့ကွန်မင့်လေးတွေကြောင့် ဒီပို့စ်ကို ရေးဖြစ်ခဲ့တာပါ။ ဒါပေမဲ့ သူတို့ကို တန်ပြန်ချေပချင်လို့ ရေးခဲ့တာတော့မဟုတ်ပါဘူး။ သူတို့ရဲ့ကွန်မင့်ကို မြင်မှ ဒီပို့စ်ကို ရေးဖို့ သတိရခဲ့လို့ပါ။ ဒီပို့စ်ထဲမှာ အမှားတွေပါကောင်းပါနိုင်ပါတယ်။ တိတိကျကျ ဘယ်စာအုပ်ကိုမှကိုးကားလို့ ရေးတာမဟုတ်ဘဲ ကြားခဲ့ဖူး ဖတ်ခဲ့ဖူး မှတ်ခဲ့ဖူးတဲ့ အသိဥာဏ်လောက်နဲ့ ရေးသားလိုက်ခြင်းသာဖြစ်ပါတယ်။ တကယ်လို့ သမိုင်းအမှား၊ အချက်အလက်အမှား၊ တင်ပြပုံအမှားများကို တွေ့ရှိခဲ့ရင် ကိုဂျစ်တူး၊ မဖြူစင်မြတ်နိုးနှင့်တကွ အားလုံးသော စာဖတ်ပရိသတ်ကြီးကို တောင်းဆိုချင်ပါတယ်။ ခပ်နာနာလေးရေးပြီး မှတ်လောက်သားလောက်အောင် ကျနော့်ကို ကွန်မင့်ပေးကြပါလို့။ ပြီးတော့ ကျနော်လဲ အဲဒီလို ကွန်မင့်တွေထဲကမှ ဗဟုသုတပြန်ယူပါရစေ။

....


Friday 26 March 2010

မန္တလေးသားစစ်စစ်ကြီးပါဗျာ ဆိုတဲ့ တစ်ခန်းရပ်ပြဇာတ်


မန္တလေးသား စစ်စစ်ကြီးပါဗျာ ဆိုတဲ့ တစ်ခန်းရပ်ပြဇာတ်ကို ကြည့်ပြီး မန္တလေးကိုတော့ လွန်းမိသားဗျာ။ မြွေကြီးနှစ်ကောင်ရှိတဲ့ မန္တလေးတောင်၊ ငါးရံ့မင်းရှိတဲ့ ရန်ကင်းတောင်၊ မဟာမြတ်မုနိ၊ မင်းကွန်း၊ အင်းဝ၊ စစ်ကိုင်းတောင် စတဲ့ ရှေးအတိတ်ကို သမိုင်းဝင်အောင်ပြုလုပ်ပေးထားခဲ့ကြတဲ့ နေရာတွေကို ပြန်ပြီး ပြေးမြင်ယောင်နေမိတယ်။ ၀ါသနာအရ ကျနော်သွားခဲ့တဲ့အဲဒီနေရာတွေမှာ ကျနော့်ခြေရာတွေတောင် အခုထိရှိနေဦးမလားဘဲ။

တစ်ခန်းရပ်ပြဇာတ်ကလေးက အရမ်းကိုကောင်းပါတယ်။ အရမ်းလဲ ထိမိပါတယ်။ ၂၃ မိနစ်နှင့် ၅၅ စက္ကန့်အတွင်း မန္တလေးနှင့်ပတ်သက်တဲ့ သမိုင်းတွေကို စုံစုံလင်လင်သိခွင့်ရလိုက်ပါတယ်။ မန္တလေးမဟာမြတ်မုနိဘုရားအကြောင်း၊ မန္တလေးနန်းတော်ကြီးအကြောင်း၊ ဈေးချိုအကြောင်းအစရှိတဲ့ သိသင့်သိထိုက်တာမှန်သမျှကို ကျကျနနရှင်းပြထားပါတယ်။ တကယ်ကြည့်သင့်တဲ့ တစ်ခန်းရပ်ပြဇာတ်ပါ။

ဒါပေမဲ့ မန္တလေးနှင့်ပတ်သက်ပြီး ဒါရိုက်တာ ဦးချစ်စရာ သတိမထားမိလိုက်တဲ့အရာတစ်ခုတော့ ရှိနေသေးတယ်။ အဲဒါကတော့ မန္တလေးသူတွေ သူတို့ကိုသူတို့ ညွန်းဆိုစကားပြောရင် ဘာဖြစ်လို့ ကျနော် ကျနော် လို့ ထည့်ပြီး ပြောရသလဲ ဆိုတဲ့ အကြောင်းပါ။ ကျနော်တို့ မြန်မာလူမျိုးတွေမှန်သမျှ ယောက်ျားလေးဆို သူ့ကိုယ်သူ ညွန်းဆိုရင် ကျနော် ဆိုပြီး ရိုသေလေးစားမှုနှင့်စကားပြောလေ့ရှိတယ်။ မိန်းခလေးတွေကတော့ ကျွန်မ ဆိုပြီး ကျိုးနွံစွာသုံးနှုန်းကြပါတယ်။ ဒါပေမဲ့ အဲဒီ ရိုးရာ အစဉ်အလာကို ဖျက်ပြီး မန္တလေးသူတွေက ဘာဖြစ်လို့ ကျနော် ကျနော်လို့ သူတို့ကိုယ် သူတို့ ညွန်းဆိုရပါလဲ။

အဲဒီ မန်းသူတွေ ကျနော် လို့ပြောရတဲ့ ကိစ္စကို ဆရာဦးချစ်စရာ သတိမပြုမိခဲ့တာလား။ ဒါမှမဟုတ် တမင်သကာ ချန်ရစ်ထားခဲ့တာလားဆိုတာကိုတော့ သူကိုယ်တိုင်မှ သိမှာပါ။ မြွေကြီးနှစ်ကောင်၊ ငါးရံ့မင်း၊ ကျန်စစ်သားခြေရာတွေကို သူပြက်လုံးထုတ်သွားပါသေးတယ်။ ဒါဆိုရင် ဒီ မန်းသူတွေ ကျနော်လို့ပြောတဲ့ အသုံးအနှုန်းကိစ္စကိုလဲ သူ တစ်ခုခုတော့ ပြောခဲ့သင့်တယ်လို့ ထင်ပါတယ်။

ကျနော် ဘလော့ဂ်စပြီး ရေးဖြစ်စက မန်းသူတွေ ကျနော် ကျနော် လို့ ဘာ့ကြောင့်ပြော ဆိုတဲ့ ခေါင်းစဉ်နဲ့ ပို့စ်တစ်ခု တင်ခဲ့ဖူးပါတယ်။ မနှစ်တုန်းကပေါ့။ ကျနော်ကိုယ်တိုင်လဲ ကြားဖူးနားဝနဲ့ အဲဒီပို့စ်ကို ရေးခဲ့တာပါ။ တကယ်အမှန်အကန်လား အကြံအဖန်လားဆိုတာကိုတော့ ကျနော် မသိရရိုးအမှန်ပါ။ ကျနော်ရေးခဲ့တာကို ဖတ်ကြည့်ချင်ရင်တော့ ဒီ မန်းသူတွေ ကျနော် ကျနော်လို့ ဘာ့ကြောင့်ပြော ဆိုတဲ့ စာလုံးလေးတွေကိုဘဲ ကလစ်ကြည့်လိုက်ရုံဘဲပေါ့ (ဟဲ ဟဲ ကြော်ငြား))။ ဆရာဦးချစ်စရာ ပမာဒလေခ (ပညာရှိ သတိဖြစ်ခဲ ဆိုသလို) ဖြစ်ပြီး ကျန်ရစ်ထားခဲ့တဲ့ ပါးစပ်ရာဇ၀င်လိုလို၊ ရယ်မောစရာ ဟာသလိုလို အကြောင်းအရာလေးတစ်ခုကို စိတ်ဝင်စားတယ်ဆိုရင်တော့ ဖတ်ကြည့်ကြပေါ့ဗျာ။ ကျနော် ဘလော့ဂ်စရေးခါစတုန်းက ရေးခဲ့တဲ့ပို့စ်ဆိုတော့ တောင်ရောက်မြောက်ရောက်တော့ဖြစ်မှာ သေချာတယ်။



ပြီးတော့ အပေါ်က ဗီဒီယိုဖိုင်ကိုလဲ အချိန်ရရင် ကြည့်စေလိုပါတယ်။ မကြည့်ရသေးတဲ့ သူတွေအတွက်ပါ။ ကြည့်ပြီးတဲ့သူတွေကို မဆိုလိုပါဘူး။ တကယ်လဲ ကြည့်သင့်ပါတယ်။ ဖိစီးမှုတွေ အလွန်ပေါကြွယ်ဝတဲ့ ခေတ်ကာလကြီးထဲမှာ မန်းသူတွေ ကျနော် ကျနော်လို့ ဘာ့ကြောင့်ပြော ဆိုတဲ့ ကျနော့်ပို့စ်အဟောင်းလေးနှင့် အပေါ်ကဗီဒီယိုဖိုင်လေးကို ကြည့်ပြီး အတိုင်းအတာတစ်ခုအထိ ရယ်မောချင်စိတ်ပေါက်သွားတယ်ဆိုရင် ကျနော်လဲ ထပ်တူ ပျော်ရွှင်ကြည်နူးမိမှာ သေချာပါတယ်။


မှတ်ချက်။
ဓါတ်ပုံကို ဒီနေရာက ယူပြီး ဗီဒီယိုဖိုင်ကို ငွေအိမ်စံရဲ့အီးမေးလ်ထဲမှာတွေ့တဲ့ လင့်ခ်လေးမှ ယူထားပါတယ်။

...

Tuesday 23 March 2010

သူဌေးလောင်းလျာ ကိုကိုမောင်


ကျနော်က လူကောင်သေးပေမဲ့ လမ်းများများလျောက်ရတာဝါသနာပါတယ်။
အားစိုက်ပြီးလုပ်ရတဲ့အလုပ်တွေကို အရမ်းနှစ်သက်တယ်။ ဘာမှလုပ်စရာမရှိရင်တော့ ကျနော့်အိမ်မှာဘဲ အေးအေးဆေးဆေး လေ့ကျင့်ခန်းလုပ်နေလေ့ရှိတယ်။

မနေ့ကပေါ့။ ညနေခင်းမှာ နေရောင်ခြည်လေးပွင့်တုန်း လေကောင်းလေသန့်လေးရှူရှိုက်ရင်း တစ်ယောက်ထဲ လမ်းထွက်လျောက်ဖြစ်တယ်။ လမ်းလျောက်ရင်း လမ်းပျောက်သွားတဲ့အတွက် ညနေ နေ၀င်တဲ့အထိ ဘယ်အရပ်ဘက်ကို ဦးတည်သွားနေမှန်း ကျနော်ကိုယ်တိုင်တောင်မသိတော့ဘူး။ သူငယ်ချင်းတွေဆီ ဖုန်းဆက်မယ်လုပ်တော့လဲ ကျနော့် Moblieက ဘက်ထရီ ဒေါင်းနေပြီ။ အဲဒါမှ ဒုက္ခ... မိုးကအရမ်းချုပ်သွားပြီ။ ပတ်ဝန်းကျင်ကို စူးစမ်းလေ့လာကြည့်လိုက်ပြန်တော့လဲ မှောင်မှောင်မဲမဲ။ လျပ်စစ်မီးတွေ လင်းထိန်နေကျမြို့ တော်ဖြစ်ပေမဲ့ ဒီနေ့ ဘာဖြစ်လို့ လျပ်စစ်မီးရောင်ကို မတွေ့ရတာပါလိမ့်။ လပြည့်ကျော်ရက်ပိုင်းဖြစ်တဲ့အတွက် လရောင်ကလုံးဝမရှိ။ ကြယ်ရောင် ဖျော့တော့တော့အောက်မှာဘဲ မျက်စိကိုဖွင့် နားကိုစွင့်ပြီး ဆက်လျောက်ရင်း ကျနော် လျောက်လာတဲ့လမ်းက နှစ်ခွဖြစ်သွားတယ်။

"ဘုရား.. ဘုရား.. ဘယ်လမ်းကိုရွေးပြီးသွားရပါ့မလဲ။ ငယ်ငယ်တုန်းက ကြားဖူးတာရှိတယ်။ လမ်းမသိရင် ဘယ်ဘက်လမ်းကိုရွေးချယ်ပါတဲ့။ ဟုတ်ပြီ။ ဒီလိုဘဲ လုပ်ရတော့မယ်"

ဆုံးဖြတ်ချက်ချပြီး ဘယ်ဘက်ကိုသွားတဲ့ လမ်းကိုဘဲ ရွေးချယ်ပြီး ကျနော် ဆက်လျောက်သွားလိုက်တယ်။ ဒီအတိုင်းထင်ရာအရပ်ကို ရမ်းလျောက်သွားနေလို့တော့ မဖြစ်ချေဘူး။
ကြာလာရင် ပျောက်သောလမ်းမှာ စမ်းတ၀ါးဝါး ဖြစ်နေမှ ပိုဆိုးမှာ။ တွေ့တဲ့သူဆီမှာ အကူအညီတောင်းမှ ဖြစ်တော့မယ်။

"ဟာ.. ဟိုရှေ့ မှာမီးရောင်မြင်တယ်။ ဟန်ကျလိုက်တာ"

သေချာကြည့်လိုက်တော့မှ အိမ်ပြတင်းပေါက်တစ်ခုက လျံကျလာတဲ့ ဆီးမီးရောင်။ မတတ်နိုင်ဘူး။ အိမ်ထဲဝင်ပြီး အကျိုးအကြောင်းပြောပြမှဖြစ်တော့မယ်။
အိမ်ဝင်းထဲဝင်လိုက်တဲ့ အခါမှဘဲ ရဲတိုက်အိုကြီးဖြစ်နေမှန်းသိတော့တယ်။ ကြယ်ရောင်မှုန်ဝါးဝါးအောက်မှာ ရဲတိုက်အိုကြီးကထီးထီး။ ပေါင်းမြက်နွယ်သစ်ပင်တွေ ရဲတိုက်နံရံတစ်ခုလုံးကို ရစ်တွယ်နေကြလေရဲ့။

"ဒေါက် ဒေါက်..."

ကျနော်တံခါးခေါက်လိုက်တယ်။ မကြာလိုက်ပါဘူး။
ကျလိ ဆိုတဲ့ အသံရှည်ကြီးမြည်ပြီး ဧရာမသစ်သားတံခါးကြီးပွင့်သွားတယ်။

"အစ်...အစ်.. ရှဲ... ရှဲ.."

တံခါးဖွင့်လိုက်ပြီဆိုရင်ဘဲ လင်းနို့အော်သံ၊ ဟိုမှဒီမှ ပျံသန်းသံတွေကြားလိုက်ရတယ်။
ထွီး... နံလိုက်တဲ့ လင်းနို့ ချေး။

"၀ုတ်..၀ုတ်..၀ုတ်"

ရဲတိုက်ကြီးအတွင်းက ခွေးဟောင်သံထွက်ပေါ်လာတယ်။ အသံကြီးက ကြက်သီးထချင်စရာ။ ငရဲခွေးတွေများလား။ တံခါးဖွင့်ပေးတဲ့သူကို သေချာကြည့်လိုက်တယ်။ အဖြူရောင်မုတ်ဆိတ်မွေးနှင့်ပါးသိုင်းမွေးတွေရောယှက်နေတဲ့ အဖိုးအိုကြီးတစ်ယောက်။ သူ့လည်ပင်းမှာ ပုတီးနက်ကြီးတစ်ကုံး။ သူ့အနားမှာက သွားရည်တမြားမြားနဲ့ခွေးနက်ကြီးတစ်ကောင်။ ခွေးကို ကြိုးခတ်တုတ်တုတ်နဲ့ ချည်နှောင်ထားတယ်။ ခွေးချည်ကြိုးကို သူကိုင်ထားတယ်။ သူ့မျက်နှာမှာက ရင့်ကျက်မှုတွေအထင်းသား။ အသက်က အတော်လေးကြီးနေပြီ။ ကြည့်ရတာ သူတစ်ယောက်ထဲ ဒီရဲတိုက်ကြီးထဲနေပုံရတယ်။ တော်တော်သတ္တိကောင်းတဲ့လူကြီးဘဲ။ ကျနော် စိတ်ထဲကျိတ်ပြီးချီးကျူးမိတယ်။ ဒါပေမဲ့ ကျနော်ကိုယ်တိုင်ကတော့ ကျောထဲခပ်စိမ့်စိမ့်ရယ်။

"Please come in , my guy= ဟေ့ကောင်လေး.. ၀င်ခဲ့လေ"

ကျနော်ဝင်သွားလိုက်တယ်။ အမည်ဖော်လို့မရတဲ့ ရုပ်တုကြီးတစ်ခုရှေ့ မှာ ဆီးမီးခွက် သုံးခုထွန်းတာတွေ့ရတယ်။

"မောင်ရင်လာမှာကြိုသိလို့.. တမင်စောင့်နေတာ.."

"ခင်မျာ... ဘယ်လို.."

"ကဲ.. ကဲ ခင်မျာတွေ ဘာတွေ လုပ်မနေနဲ့ ၊ ထိုင်ပြီးမှ ပြောကြတာပေါ့"

"ကျနော် ဒီကို တမင်သကာ လာလည်တာမဟုတ်ရပါဘူး။ လမ်းမှားပြီး မျက်စိလည်နေလို့ အကူအညီတောင်းဖို့ ရောက်လာတာပါ ခင်မျာ"

"ငါသိပါတယ်ကွ၊ ငါကလဲ မင်းကို ကူညီရအောင်လို့ စောင့်နေတာ။ ကဲ ပြောနေတာကြာတယ်။ မင်းအင်္ကျီတွေ အကုန်လုံး ချွတ်လိုက်စမ်း။
ငါ မင်းရဲ့ ကျောပြင်ကိုကြည့်ချင်တယ်"


"ခင်များးးး"

"ကဲပါ.. ချွတ်မှာသာ ချွတ်စမ်းပါ"

ကြောက်လန့်စရာ သူ့အသံနက်ကြီးကြောင့် ကျနော်လဲ ကူရှင်ပြတ်တစ်ခုပေါ် ထိုင်ချလိုက်ပြီး ခပ်ကြောက်ကြောက်နဲ့ ဘဲ အင်္ကျီတွေ အကုန်ချွတ်ပစ်လိုက်တယ်။ အေးလိုက်တာဗျာ မပြောပါနဲ့တော့။ ကြောက်တာရော အေးတာရော ရောစပ်ပြီး ခန္ဓာကိုယ်တောင် ဘယ်လိုဖြစ်နေမှန်းမသိတော့ပါဘူး။ ဒီလူထူးဆန်းကြီး ဘာအကြံအစည်တွေရှိနေပါလိမ့်။

"ငါက ဗေဒင် အင်္ဂ၀ိဇ္ဇာ အကြားအမြင် ရှေ့ ဖြစ်နောက်ဖြစ် အကုန်သိတယ်ကွ။ မင်းဟာ တစ်နေ့ကျရင် အရမ်းချမ်းသာလာမယ်။ အတော်လေးကို ငွေကံကောင်းတယ်။ ဒါပေမဲ့ ဘာဖြစ်လို့ ခုထိ မချမ်းသာရတာလဲဆိုတာ သိချင်လို့ မင်းကိုစောင့်နေပြီး စစ်ဆေးကြည့်မလို့ ကွ။ ကဲ.. မင်းရဲ့ ကျောပြင်ကြီး ငါ့မျက်စိနားကပ်ပေးစမ်း။ မီးရောင်ကလဲ ခပ်မှိန်မှိန်၊ ငါကလဲ မျက်စိခပ်မွဲမွဲဆိုတော့ သိပ်ပြီးမမြင်ရဘူး"

ကျနော်လဲ ကျနော့်ကျောပြင်ကြီး သူ့မျက်နှာနား တိုးကပ်ပေးလိုက်တယ်။ အဖိုးကြီးက ကျနော့်ကျောပြင်ကြီးကို ကပ်ကြည့်ပြီး

"အော်.. ဒါကြောင့်ကိုး...
" လို့ပြောကာ စားပွဲပေါ်က ဇာဂနာတစ်ချောင်းကို ဆွဲယူလိုက်တယ်။

ပြီးတော့ ဒီလိုပြောတယ်--

"မင်းကျောပြင်မှာ သူဌေးဖြစ်မဲ့ ပေါင်မီလျံတန် အမွေးတွေ အများကြီးရှိတယ်။ ဒါပေမဲ့ ၁၀ပေါင်တန် ပေါင် ၁၀၀တန် အမွေးညံ့တွေက ကြိုကြားကြိုကြားပေါက်နေတာ တွေ့ရတယ်။ အဲဒီ ၁၀ပေါင်တန် ပေါင်၁၀၀တန် အမွေးတွေကြောင့် မင်းမချမ်းသာတာ။ အဲဒါတွေကို ငါအကုန်လုံးနှုတ်ပေးလိုက်မယ်"

ပြောပြောဆိုဆိုဘဲ ကျနော့်ကျောပြင်က အမွေးတစ်ချို့ ကို ဗြုတ်ကနဲ ဗြုတ်ကနဲ မြည်အောင် ဇာဂနာကြီးနဲ့အားရပါးရနှုတ်ပစ်လိုက်တယ်။ ကျနော့်မှာတော့ အတော်လေး ကြက်သီးမွေးညှင်းထလို့။ စဉ်းစားသာ ကြည့်ကြတော့ဗျာ။ ချမ်းကချမ်း ကြောက်ကကြောက် ကျောပြင်က အမွေးတွေကို ဇာဂနာကြီးနဲ့ တလစပ်အနှုတ်ခံနေရမှတော့ ဒီထက်ဆိုးတာ ဘာရှိသေးလို့လဲ။

"ကဲ.. ပြီးသွားပြီ.. ဆင်းရဲမဲ့ အမွေးတွေ တစ်ပင်တစ်လေမှ မင့်ကျောပြင်မှာ မရှိတော့ဘူး။ မီလျံနာဖြစ်မဲ့ အမွေးတွေဘဲ ကျန်တော့တယ်။ မင်းမကြာခင် ချမ်းသာလာတော့မယ်။ အဲ.. ဒါပေမဲ့ တစ်ခုတော့ တောင်းဆိုချင်ပါတယ်။ အဲဒါကိုတော့ မင်း မေ့မပစ်ပါနဲ့။ အဲဒါက ဘာလဲဆိုတော့ မင်းချမ်းသာလာတဲ့အခါ ငါ့ကို အမျှဝေပေးဖို့ပါ။ ငါစောင့်မျှော်နေမယ်။ ဆက်ဆက် အမျှဝေပေးနော်။ ကြားလား။ ကဲ.. ကဲ အခု ပြန်လို့ရပြီ။ မင်း ပြန်တော့။ အဲဒီ ဘယ်ဘက်ကလမ်းကိုဘဲ ဆက်လျောက်သွားပါ။ မကြာခင် မင်းအိမ်ကိုရောက်ပါလိမ့်မယ်။ မင်း ငါ့ပြောခဲ့တဲ့စကားတွေကို မယုံကြည်ရင် လမ်းမှာတွေ့တဲ့ ထီဆိုင်မှာ ၀င်ပြီး ထီသာထိုးသွားပေတော့။ ဒီနေ့ထီထိုးရင် မနက်ဖြန်ကစပြီး သူဌေးကြီး ဦးကိုကိုမောင် ဖြစ်ပြီပေါ့ကွာ"

ကျနော်လဲ
လွတ်ပြီ ကျွတ်ပြီလို့ စိတ်ထဲကအော်ဟစ်ရင်း အဖိုးအို ညွန်ပြခဲ့တဲ့လမ်းအတိုင်းလျောက်လာခဲ့ပါတယ်။ မကြာခင်မှာဘဲ ကျနော်နေတဲ့ အိမ်နားကို ရောက်လာပါတော့တယ်။ ကျနော့်အိမ်နားမှာက ထီဆိုင်ရှိတယ်လေ။ အဲဒီဆိုင်က ညဥ့်နက်တဲ့အထိဖွင့်တယ်။ ကွက်တိပါဘဲ။ သူဌေးဖြစ်ကိန်းဆိုက်ပြီပေါ့။ ဒါနဲ့ဘဲ ထီးထိုးမယ်ဆိုပြီး ထီဆိုင်ရှိတဲ့နေရာကို ခတ်သုတ်သုတ်ကလေး လျောက်သွားလိုက်တယ်။ ဖြစ်ချင်တော့ ထီဆိုင်နားအရောက်မှာဘဲ လန်ဒန်မိုးက သဲကြီးမဲကြီးရွာချလိုက်တယ်။ ဆိုင်ထဲကိုမရောက်ခင်မှာ ကျနော့် တစ်ကိုယ်ကောင်လုံး ရွှဲရွှဲစိုလို့။ ချမ်းလိုက်တာဗျာ။ လွန်ရောဘဲ။ အဲဒီ အချမ်းဒဏ်တွေကြောင့်ဘဲ ကျနော်အိပ်ရာက လန့်နိုးသွားတယ်။ စောင်တွေအားလုံးက ကျနော့်ကိုယ်ပေါ်မှာမရှိကြတော့ဘူး။ နာရီကို လှမ်းကြည့်လိုက်တော့ မနက်လေးနာရီခွဲခါနီး။

ကျနော်လဲ ထပ်အိပ်ဦးမယ်ဆိုပြီး ကျနော့်ကိုယ်ပေါ်က လွတ်ကျနေတဲ့ ဂွမ်းကပ်စောင်ကြီးကို မျက်နာထိအောင်ဆွဲတင်ဖုံးလိုက်ပြီး ထပ်အိပ်ဖို့ကြိုးစားလိုက်တယ်။ ဒါပေမဲ့ အိပ်လို့မပျော်တော့ဘူး။ အိပ်မက်ကိုဘဲ သတိရနေပြီး ရယ်ချင်သလိုလို ဖြစ်လာတာနဲ့..
ခွိ.. ကနဲ အသံတိတ်ကလေးနဲ့ဘဲ ကျိတ်ရယ်ရင်း..
"အော်.. ငါ့အဖြစ်အပျက်က.. ဂလိုကိုး.." လို့ရေရွတ်ပြီး အချိန်စောနေသေးတဲ့အတွက် မျက်စိကို ဇွတ်မှိတ်ပြီး ထပ်အိပ်ဖို့ ကြိုးစားလိုက်ရပါတော့တယ်။


.....

Thursday 18 March 2010

ရင်လေးမိခြင်း


ချက်ရေး ပြုတ်ရေး
ဤနှစ်ရေးထက်

စားရေး သောက်ရေး
ဤနှစ်ရေးထက်

သွားရေး လာရေး
ဤနှစ်ရေးထက်

ချစ်ရေး မုန်းရေး
ဤနှစ်ရေးထက်

တိုက်ရေး ခိုက်ရေး
ဤနှစ်ရေးထက်

ခွဲရေး တွဲရေး
ဤနှစ်ရေးထက်

အက်ဆေး အရေး
ပိုရင်လေး၏။

...

Tuesday 16 March 2010

ရင်ထဲရှိတာတွေ (တဂ်ပို့စ်)


ရင်ထဲရှိတာတွေဆိုတဲ့ ခေါင်းစဉ်ကို မြင်လိုက်ကထဲက တကယ်လက်တွေ့ မဖြစ်သေးဘူးဆိုတာ ထင်ရှားပါတယ်။ ရင်ထဲမှာ ကိန်းအောင်းနေတဲ့ အတွေးလေးတွေ တစ်ချို့ ကို မချောရဲ့ တဂ်ကြွေးဆပ်ရင်း ရေးသားဖော်ပြလိုက်ခြင်းရယ်ပါ။ အတ္တဆန်တယ်လို့ ပြောချင်လဲ ပြောစေတော့။ မတတ်နိုင်ဘူး။ ကျနော့်ရွာအကြောင်းကိုဘဲ ဖောက်သည်ချရတော့မှာပါဘဲ။

စိတ်ကူးနဲ့ ဘုရားတည်၊ ကောင်းမှုတော်ထက် မငယ်စေနဲ့ ဆိုတဲ့ စကားပုံလောက်တော့ ကျနော့်စိတ်ကူးက မကြီးမားပါဘူး။ ရိုးရိုးရှင်းရှင်းလေးပါဘဲ။ ကျနော့်ရွာ့နာမည်က တုံးဖလားတဲ့။ ပင်လည်ဘူးမြို့နယ်ထဲက ရွာလေးတစ်ရွာပါ။ အရှေ့အနောက်တောင်မြောက် ဘယ်ဘက်ကိုဘဲ ကြည့်ကြည့် တောင်တန်းနှင့်တောအုပ်တွေ ချည်းပါဘဲ။ အဲဒီလို တောင်တွေကာရံထားတဲ့ လျှိုမြှောင်ထဲမှာ တုံးဖလားရွာလေးကို တည်ထားတာပါ။ ဘယ်အချိန်က စတည်ခဲ့သလဲ၊ ဘာဖြစ်လို့ တုံးဖလားလို့ နာမည်ပေးရသလဲဆိုတာကိုတော့ ဘယ်သူမှ မသိကြတော့ပါဘူး။ ဟိုရှေးရှေးတုန်းက ရှမ်းလူမျိုးတွေ နေထိုင်သွားခဲ့ကြပုံရတယ်ဆိုတဲ့ ထင်မြင်ချက်မှတစ်ပါး ဘာသမိုင်းမှ မကျန်ရစ်ခဲ့ပါဘူး။

ရွာရဲ့အဓိကလုပ်ငန်းကတော့ လယ်ယာမြေပါဘဲ။ ဒါကြောင့် မိုးခေါင်တဲ့နှစ်ဆို သိပ်မလွယ်ကူလှဘူး။ ရွာသူရွာသားတွေ အရမ်းပင်ပန်းကြတယ်။ လယ်ယာမြေတွေကလဲ လျှိုရိုးတစ်လျောက် တည်ထားကြတာဆိုတော့ စပါးထွက်နှုန်းကတော့ အောက်အကြေအရပ်တွေလောက် ထွက်အားမကောင်းပါဘူး။ ဘုန်းကြီး ဖိုထိုး၊ နွား ချိုကျိုး၊ လယ် လျိုရိုး ဆိုတဲ့ စကားပုံအတိုင်းပါဘဲ။ သိပ်ပြီးတော့ အသုံးမ၀င်လှပါဘူး။ ( ရေးရင်းနဲ့ ဇာတိတွေ ပေါ်ကုန်တော့မှာဘဲးဝ)။ ဒါကြောင့်မို့ ပွင့်လင်းရာသီရောက်ရင် တစ်နယ်တစ်ကြေးကို အလုပ်ထွက်ရှာလေ့ရှိကြပါတယ်။ အထူးသဖြင့်တော့ ကချင်ပြည်နယ် ကျောက်စိမ်းနယ်မြေတစ်လျောက်ကိုပေါ့။ ဒါပေမဲ့ ဒီနေ့ထိ အရမ်းချမ်းသာသွားတဲ့ သူ တစ်ယောက်မှ မရှိသေးပါဘူး။

တစ်ရွာလုံးမှာ အိမ်ခြေက စုစုပေါင်းမှ သုံးဆယ်လောက်ဘဲရှိပါတယ်။ ဒါကြောင့်မို့ စာသင်ကျောင်းမရှိဘူး။ ဆေးပေးခန်းမရှိဘူး။ ဈေးဆိုင်မရှိဘူး။ စာကြည့်တိုက်ဆို ဝေလားဝေးပေါ့။ အရေးအကြောင်းဆို အိမ်နီးချင်းရွာတွေကို သွားပြီး ၀ယ်ခြမ်းကြရတယ်။ ပွဲလမ်းသဘင်အတွက်ဆိုရင်တော့ မြို့တက်ပြီး စားသောက်ကုန်တွေသွားဝယ်ရတယ်။ ပင်လည်ဘူးမြို့နယ်ထဲမှာတည်ရှိပေမဲ့ အဆင်အပြေဆုံးဖြစ်တဲ့ ကောလင်းမြို့ကိုဘဲ သွားပြီးဝယ်ရတာပါ။ ရွာရဲ့အဆိုးထဲက အကောင်းတစ်ခုကတော့ ကောလင်းနှင့်ပင်လည်ဘူးပြေးဆွဲတဲ့ ဘတ်စ်ကားလမ်းကြောင်းနှင့် ကပ်လျက်တည်ရှိတာပါဘဲ။

ကျနော်တို့ ကလေးဘ၀တုန်းက ရွာမှာ ဘုန်းတော်ကြီးကျောင်းလဲ မရှိခဲ့ပါဘူး။ တစ်မိုင်လောက်ဝေးတဲ့ ရွာသာယာရွာမှာရှိတဲ့ ဘုန်းတော်ကြီးကျောင်းကိုဘဲ ကိုးကွယ်ကြရတာပါ။ နေ့စဉ် ပို့မဲ့ဆွမ်းတွေအားလုံးကို တစ်အိမ်အိမ်မှာ စုပြီး အလှည့်ကျ သွားပို့ရတာပါ။ လွန်ခဲ့တဲ့ ၁၅ နှစ်ကျော်လောက်က အဲဒီရွာသာယာ ဘုန်းတော်ကြီးကျောင်းကို ပြန်မွမ်းမံတယ်။ ဘုရားတည်တယ်။ ဘုန်းကြီးကျောင်းဝင်းထဲမှာရှိတဲ့မြေဂမူတွေကို လူအားနဲ့ ညှိကြတယ်။ အလှူငွေတို့ လုပ်အားပေးတို့ကို ကျနော်တို့ရွာကလဲ ရွာသာယာရွာသားတွေနဲ့ အညီအမျှ ပါဝင်ထည့်ကြရပါတယ်။ ဒါနဲ့ဘဲ ကျနော်တို့ရွာလူကြီးတစ်ချို့တိုင်ပင်ဆွေးနွေးကြတယ်။ တစ်ခြားရွာက ဘုန်းတော်ကြီးကျောင်းမှာ ပါဝင်လှူဒါန်း လုပ်အားပေးရမဲ့ ပမာဏထဲကို နဲနဲလောက် ထပ်ဖြည့်လိုက်ရင် ကျနော်တို့ရွာမှာလဲ ကိုယ်ပိုင် ဘုန်းတော်ကြီးကျောင်းတစ်ကျောင်း ရနိုင်တယ်ဆိုတဲ့ အဖြေကို အားလုံးသဘောတူလက်ခံပြီး ရွာသာယာရွာမှ ခွဲထွက်လိုက်ပြီး ကိုယ်ပိုင်ဘုန်းတော်ကြီးကျောင်းကို တစ်ပိုင်တစ်နိုင်နဲ့ တည်ထောင်ခဲ့ကြပါတယ်။

လူအင်အား ငွေအင်အား အခြေအနေကြောင့် ဆယ်စုနှစ်ကျော်လာမှ ဘုန်းတော်ကြီးကျောင်းဟာ ရုပ်လုံးပေါ်လာခဲ့ပါတယ်။ ဒါတောင်မှ ရုပ်လုံးပေါ်ရုံလောက်ပါဘဲ။ အထဲက ကလီစာတွေ ဘာမှမဖြည့်ခဲ့နိုင်ကြဘူး။ လွန်ခဲ့တဲ့ သုံးလေးနှစ်လောက်ကတော့ ကျောင်းမျက်နှာကျက်အချို့နှင့် ဘုရားခန်းမျက်နှာစာ ပိဋကတ်တိုက်တို့ကို ကျနော်လှူဒါန်းဖြစ်ခဲ့ပါတယ်။ ပြီးတော့ အဆိုးဆုံးက ကုဋီအိမ်(အိမ်သာ)ပါ။ ရေလောင်းကုဋီပေမဲ့ ကျင်းတူးပြီး ကျင်းပေါ်မှာ ကုဋီကို ဆောက်လုပ်ထားတယ်။ ရှေးစတိုင်လ်ပေါ့။ ကြွေခွက်လဲ မပါဘူး။ အောက်ကကျင်းကိုလဲ အလုံပိတ်မထားဘူး။ ဒီထက်ပိုဆိုးတာက တစ်ကျောင်းလုံးမှ ကုဋီအိမ်က တစ်လုံးထဲ ရှိတဲ့အတွက် ကျောင်းထိုင်ဘုန်ကြီးလဲ ဒီကုဋီ၊ ကိုရင်ကျောင်းသားလဲ ဒီကုဋီ၊ ကပ္ပိယလဲ ဒီကုဋီဘဲ သုံးနေကြရတယ်။ ဒါနဲ့ဘဲ ကျနော် ဒီကို မလာခင်လေးမှာ သူငယ်ချင်းတွေနဲ့ တိုင်ပင်ပြီး သုံးခန်းတွဲရေလောင်းကုဋီအိမ်တစ်လုံး (မြို့စတိုင်လ်)ဆောက်လုပ်လှူဒါန်းခဲ့ပါတယ်။ (ဒါကတော့ ကျနော့်ရွာအကြောင်း အကျဉ်းချုပ်အနေအထားပါ)။

အခုမှ စိတ်ထဲ ရှိတာတွေကို ရေးမလို့ပါ။
ကျနော် ဒီကို မထွက်ခဲ့ခင်လေးမှာ ရွာထဲက လူကြီးတစ်ယောက်က.... "လူလေး.. ဘကြီးတို့ မသေခင် ရွာဦးကျောင်းဝင်းထဲမှာ ထုံးဖြူဖြူသုတ်လိမ်းထားတဲ့ မြေစိုက်ဘုရားတစ်ဆူလောက်တော့ ဖူးမြှော်သွားချင်သေးတယ်" လို့ အားကိုးတစ်ကြီး ပြောပြရှာတယ်။ အဲဒီစကားကို အခုထိ ကျနော်ကြားယောင်နေဆဲပါဘဲ။ အသက်ကြီးသူတွေ ဘ၀နေမ၀င်ခင် မီးအိမ်လေးထွန်းပေးချင်စိတ် တစ်ဖွားဖွား စိတ်ကူးထဲမှာ ပေါ်ပေါက်နေမိပါတယ်။ ပြီးတော့ ရွာသူရွာသားတွေကို (အထူးသဖြင့်) ကလေးတွေကို ဘာသာရေး ယဉ်ကျေးမှုတို့နှင့် မဝေးရလေအောင် စာကြည့်တိုက်အသေးစားလေးကို ဘုန်းတော်ကြီးကျောင်းဝင်းထဲမှာ တည်ဆောက်ပေးချင် နေမိပါတယ်။

နောက်ပြီး နှစ်စဉ်နှစ်တိုင်း (တစ်နှစ်တစ်ကြိမ်) တစ်ပိုင်တစ်နိုင်ဘာသာရေးသင်တန်းလေးတွေဖွင့်ပြီး စာမေးပွဲလေးတွေ ကျင်းပပေးချင်တယ်။ အောင်မြင်သူတွေကို ဆုချမယ်။ မအောင်မြင်တဲ့သူတွေကို ကြိုးစားချင်စိတ်ပိုရှိလာအောင် ပြုလုပ်ပေးမယ်။ နှစ်တွေကြာလာတဲ့အခါ ရွာသူရွာသားတွေအားလုံး ပရိတ်ကြီးပါဠိနှင့်အနက် ဓမ္မပဒ၊ ဗုဒ္ဓ၀င်၊ ဇာတ်တော်၊ ဓမ္မစကြာသုတ်၊ အနတ္တလက္ခဏသုတ်စတဲ့ အဓိကကျတဲ့ ဘာသာရေးစာပေတွေကို ရင်းနှီးပြီးသားဖြစ်စေရမယ်။ အခြေခံအဘိဓမ္မာတွေကို သိပြီးသားဖြစ်စေရမယ်။ အလိမ္မာ စာမှာရှိ ဆိုတဲ့စကားအတိုင်း လိမ္မာယဉ်ကျေးမှု ပိုရှိလာစေရမယ်။ အမြင်ကျယ်လာစေရမယ်။ ပြီးတော့ ခေတ်ပညာအတွက် အင်္ဂလိပ်စာအခြေခံကို နားလည်ပြီးသားဖြစ်စေရမယ်။

အဲဒါတွေကတော့ ကျနော့်ရွာနဲ့ ပတ်သက်ပြီး ကျနော်စိတ်ကူးကြည့်မိတာလေးတွေထဲက အချို့ ပါ။ ကျနော်ကိုယ်တိုင် ကျနော့်ရွာမှာ အခြေချပြီး မနေထိုင်နိုင်ပေမဲ့ စိတ်ကူးလေးတွေအကောင်အထည်ဖော်ဖို့တော့ တစ်ဖက်တစ်လှမ်းကနေပြီး ကျနော် ကြိုးစားနေမှာပါ။ ကျောင်း ကန် ဘုရား သိမ် ဇရပ် စာကြည့်တိုက်တွေ ပြည့်ပြည့်စုံစုံရှိပြီး ယဉ်ကျေးမှုနှင့်ဘာသာတရားကိုင်းရှိုင်းတဲ့ တက်လူငယ်တွေ စုဝေးနေထိုင်ကြမဲ့ နောင်အနာဂါတ်ကာလ တုံးဖလားရွာလေးကို စိတ်ကူးယဉ်ပုံဖော်ရင်း ကျနော်ကြည်နူးစွာ ပြုံးလိုက်မိပါတယ်။

ကဲ.. အဲဒါကြောင့်ပြောတာပေါ့။ ကျနော် အတ္တကြီးနေသလိုများ ဖြစ်နေပြီလားလို့။ ဘာဖြစ်လို့လဲ ဆိုတော့ တစ်ခြားဒေသတွေနှင့်တစ်ခြားသူတွေ ကောင်းစားရေးထက် ကျနော့်ရွာ သာယာလှပရေးကိုသာ တွေးတောနေမိတဲ့ အတွက်ကြောင့်ပါဘဲ။

မချောရေ...
တဂ်ပို့စ်လေး ရေးလိုက်ပြီနော်။ အဓိပ္ပါယ်ရှိမရှိတော့ မသိဘူး။ စိတ်ထဲ ပေါ်လာတာကိုဘဲ တန်းရေးချလိုက်မိတယ်။

......

Saturday 13 March 2010

Laptop Computer ASUS ရောင်းရန်ရှိသည်။ တန်ဖိုး ငါးကျပ်။


သြော်.. လောဘ.. လောဘ.. လောဘ။
ထိုလောဘကြောင့် ဘ၀ကိုရ၏။ ထို့နောက် ဘ၀ကို ထိုလောဘဖြင့်ပြန်စ၏။ လောဘနဲ့စခဲ့သည့် ဘ၀သည် လောဘပင်လယ်ကြောဝယ် အသောမတတ်နိုင်ဖြစ်၏။ မိုက်မလင်းနိုင်ဖြစ်၏။ ကူးကာယက်ကာနေ၏။ လူသားတစ်ယောက်ဖြစ်သည့်ကျွန်ုပ်သည်လည်း ထိုလောဘဖြင့်ပင် ကြီးပြင်းလာခဲ့ရ၏။ မထင်မရှားတောရွာလေးမှာ မွေးဖွားခဲ့သည့်ကျွန်ုပ်သည် ထိုတောရွာလေး၌ မကြီးပြင်းလိုခဲ့ပေ။ ထိုတောရွာလေးထက် ကြီးမားပြီး လူစည်ကားသည့် မြို့၌သာ လက်ကျန်ဘ၀ကို ဖြတ်သန်းလို၏။ ထို့ကြောင့်ကျွန်ုပ်သည် အနီးဆုံးမြို့တစ်မြို့ဖြစ်သည့် ၀န်းသိုမြို့လေးသို့ ချီတက်လာခဲ့၏။ ထိုမြို့လေးသည် အေးချမ်း၏။ သာယာ၏။ လှပ၏။ မြို့နေလူထုတို့သည်လည်း ရိုးသား၏။ ဖြူစင်၏။ သိမ်မွေ့၏။ သို့သော် ထိုမြို့၌ ကျွန်ုပ်သည် ရေရှည်မနေလိုခဲ့ပေ။ အဘယ့်ကြောင့်ဆိုသော် ထိုမြို့ထက်ကြီးမားသည့် မြို့ကြီးတစ်မြို့သို့ လှမ်းမျှော်ကြည့်မိလေသောကြောင့်ပင်ဖြစ်၏။

ထိုသို့သော လောဘနှင့်ဆန္ဒတုိ့ကြောင့် ကျွန်ုပ်သည် မန္တလေးသို့ ရောက်ရှိခဲ့ပြန်၏။ ပျင်း ပျော် ပျက် ပြေး၊ မန္တလေး ဟု ဆိုရိုးစကားရှိသည့် မန်းနေပြည်တော်ကြီး၌ ကျွန်ုပ်သည် မပျင်း မပျော် မပျက် မပြေးခဲ့ဘဲ ပုံမှန်အနေအထားဖြင့် နေပူ လမ်းဝေး မန္တလေး၏ဒဏ်ကို ကြံ့ကြံ့ခံရင်ဆိုင်ရင်း အချိန်အတိုင်းအတာတစ်ခုကို ဖြတ်သန်းခဲ့ရ၏။ ထိုကဲ့သို့ ဒုတိယမြို့တော်မှာ နေထိုင်ရခြင်းကို ကျွန်ုပ်ကျေနပ် ရောင့်ရဲနေမည်လော။ အဖြေသည် နိုး ဟူ၍ဖြစ်၏။

ထို့ကြောင့် ပထမမြို့တော်ဖြစ်သည့် ရန်ကုန်သို့ ဦးတည်လာခဲ့၏။ ရန်ကုန်သည် ရေမြေသဘာဝကောင်း၏။ ပျော်စရာများ၏။ ကြည်နူးဖွယ်တို့ဖြင့် ပြည့်နှက်နေ၏။ ၀င်းဝင်းထိန်ထိန် ငွါးငွါးစွင့်စွင့် ဖြစ်နေသည့် ရွှေတိဂုံဘုရားကြီးသည် ကျွန်ုပ်၏စိတ်ဓါတ်တို့ကို အလင်းရောင်ပေး၏။ အအေးဓါတ်ဖြစ်စေ၏။ ဖော်မပြနိုင်သည့် စိတ်ချမ်းသာမှုမျိုး ဖြစ်ပေါ်စေ၏။ သို့သော်.. သို့သော် လောဘသည် ကြောက်စရာကောင်းလှ၏။ ထိတ်လန့်ဖွယ်ကောင်း၏။ တုန်လှုပ်ဖွယ်ကောင်း၏။ မထင်မရှား တောရွာလေး၌ ဘ၀ကို စတင်ခဲ့သည့် ကျွန်ုပ်သည် ထင်ထင်ရှားရှားဖြစ်နေသည့် ပထမမြို့တော် ရန်ကုန်မြို့ကြီးကိုပင် ခြေစုံကန်ပစ်ချင်နေလေပြီတည်း။

လူနေခြုံကြား၊ စိတ်နေဘုံဖျား ဆိုသည့် စကားပုံသည် မှန်ကန်လှ၏။ တိကျလှ၏။ ထိမိလှ၏။ မြန်မာနိုင်ငံအစွန်အဖျား တောရပ်ချောင်ပေါ်မှာ မွေးဖွားလာခဲ့သည့်ကျွန်ုပ်သည် မြန်မာနိုင်ငံကို ဥပေက္ခာပြုပြီး နိုင်ငံခြားဟူသည့် စိတ်ကူးယဉ်နိဗ္ဗာန်ဘုံကြီးဆီသို့သာ နေ့စဉ်အိပ်မက် မက်နေလေပြီကော။ အိပ်မက်ထဲက နိုင်ငံခြားသည် အိမ်နီးချင်းနိုင်ငံမဟုတ်။ လူဦးရေအများဆုံးနိုင်ငံလည်းမဟုတ်။ လူဦးရေ အနည်းဆုံးနိုင်ငံလည်းမဟုတ်။ လောဘ၏ ကြီးကျယ်ခန်းနားပုံသည် အံသြဘနန်းပင်တည်း။ ကျွန်ုပ် ကြိတ်ပြီး စိတ်ကူးယဉ်နေသည့် နိုင်ငံများသည် လက်ချိုးရေတွက်၍ရ၏။ စက္ကန့်ပိုင်းအတွင်းရေတွက်၍ရ၏။ တစ်ဘရိတ်ထဲရေတွက်၍ရ၏။ ထိုနိုင်ငံတို့မှာ ဂျပန် အမေရိကား အင်္ဂလန် သြစတြေးလျ ဟူ၍ဖြစ်၏။

လှံထမ်းလာတာကို မြင်နိုင်သည်၊ ကံထမ်းလာတာကို မမြင်နိုင် ဆိုသည့် စကားပုံသည် ကျွန်ုပ်အတွက်ဖြစ်ချေ၏။ စားရကံကြုံတော့ မုတ်ဆိတ်ပျားစွဲ ဖြစ်လာ၏။ ကျွန်ုပ်၏ အိပ်မက်သည် အကောင်အထည်ပေါ်လာ၏။ အထင်အရှားဖြစ်လာ၏။ ရုပ်လုံးပေါ်လာ၏။ ကံတရားဖေးမ၍ ကျွန်ုပ် အင်္ဂလန်သို့ ရောက်ရှိခဲ့လေပြီတည်း။
.....

ငယ်စဉ်ကျောင်းသားဘ၀၌ စာရေးဖို့ ကျောက်သင်ပုန်းကို အားကိုးရ၏။ ကျောက်တံကို အားကိုးရ၏။ တိုတုတ်တုတ်ဖြစ်သွားသည့် ကျောက်တံကို ကျူရိုးမှာ သားရေကွင်းနဲ့ရစ်ချည်ပြီး ရှည်အောင်လုပ်ခဲ့ရ၏။ ထိုစဉ်က ကျွန်ုပ်၏ စိတ်သည် အများနည်းတူ ဗလာစာအုပ်ထဲ၌ စာရေးချင်ခဲ့၏။

ခေတ်အခြေအနေနှင့်အသက်အခြေအနေအရ ဗလာစာအုပ်နဲ့ရေးခွင့်ရသည့်အခါ၌လည်း လက်နှိပ်စက်ဖြင့် ရိုက်ရိုက်ပြီး ရေးရသည်ကို အားကျလာ၏။ ထို့ကြောင့် လက်နှိပ်စက်တစ်လုံးဝယ်ဖြစ်ခဲ့၏။ ထိုအချိန်၌ ကမ္ဘာကြီးသည် တိုးတက်လာ၏။ ဖွံ့ဖြိုးလာ၏။ ခေတ်မီလာ၏။ ကွန်ပျူတာဟူသည့် ဆန်းကြယ်သည့်အရာတစ်ခု ခေတ်စားလာ၏။ ထို့ကြောင့် လောဘ၏ ဦးဆောင်မှုဖြင့် ကျွန်ုပ်သည်လည်း လက်နှိပ်စက်မှကွန်ပျူတာသို့ ပြောင်းပစ်လိုက်၏။ Desktop computer တစ်လုံး ဖြစ်ညှစ်ဝယ်လိုက်၏။ ထို့နောက် ကွန်ပျူတာထဲ၌ပင် စိတ်အ၀င်စားကြီး ၀င်စားနေတော့၏။

လောဘသည် ဤမျှဖြင့် ရပ်တန့်မနေခဲ့ပေ။ အခန်းအတွင်း၌ Desktop သုံးပြီး Space အများကြီးယူထားသည်ကို မတန်ဟုထင်လာ၏။ ထို့ကြောင့် ပေါ့ပေါ့ပါးပါးနဲ့ နေရာယူနည်းသည့် Laptop တစ်လုံးဝယ်လိုစိတ်ပေါ်လာ၏။ ထိုလောဘ၏ခိုင်းစေမှုကို လန်ဒန်ရောက်ပြီးပြီးချင်း ကျွန်ုပ်လိုက်နာလိုက်၏။ ASUS အမည်ရှိ Intel Core 2 Duo, (HD160GB, Memory 2GB, Display 15.4 WXGA, T5250@1.50 GHz, Wireless 802.11b/g) Windows Vista အမျိုးအစားLaptop ကွန်ပျူတာလေးတစ်လုံးကို လက်တုန်တုန်ယင်ယင်ဖြင့် ၀ယ်ယူလိုက်၏။

ဟန်အတော်ကျလေပြီ။ ကွန်ပျူတာအသေးလေးဖြင့် တစ်ကမ္ဘာလုံးသို့ ဆက်သွယ်ရအဆင်ပြေလေပြီ။ ကျောင်းသင်ခန်းစာနှင့်အက်ဆေးစသည်တို့ကို အေးအေးဆေးဆေး ရေး၍ ရလေပြီ။ ကျေနပ်မဆုံး တစ်ပြုံးပြုံးဖြစ်ခဲ့၏။ ကွန်ပျူတာထဲသို့ အဘိဓာန်ပေါင်းစုံ Install လုပ်ထားလိုက်၏။ အင်္ဂလိပ်-မြန်မာအဘိဓာန်၊ Oxford Dictionary, Longman Dictionary, Collins Dictionary စသည်တို့ဖြစ်၏။ ထို့ပြင် Online ၌လည်း Cambridge Dictionary, Wikipedia, Online Dictionary တို့ကို ကြည့်ရှု၍ရလေ၏။ သတင်း ရုပ်ရှင် စာပေပေါင်းစုံ တရားပေါင်းစုံ အားလုံးအားလုံး တစ်ထိုင်တည်းဖြင့် ကြည့်ရှုနားထောင်၍ရလေ၏။ ဘ၀သည် ကျေနပ်ဖွယ်လိလိပင်တည်း။

သို့သော်.. ရုပ်ဝတ္ထုသဘောသည် ဖြစ်တတ်၏။ ပျက်တတ်၏။ ဖောက်ပြန်တတ်ချေ၏။ ကျွနု၏ လက်စွဲတော် ကွန်ပျူတာလေးသည် အရေးကြီးနေသည့်အခါမှ ဆန္ဒပြလာ၏။ အက်ဆေး Deadline နီးကာမှ ဖောက်ပြန်လာ၏။ အားကိုးအားထားပြုနေရသည့် Oxford 7thedition, Longman, Collins Dictionary တို့ကို Install လုပ်၍ မရတော့ပေ။ Wireless စနစ်သည်လည်း ပြတ်တောင်းပြတ်တောင်းဖြစ်လာ၏။ အင်တာနက်မှာ မရှိမဖြစ်လိုအပ်သည့် Flash player ကိုလည်း Install လုပ်သည့်အခါတိုင်း Firefox က ကန့်ကွက်နေ၏။ Internet Explorer လည်း Work offline ဖြစ်နေ၏။ ကွန်ပျူတာကို Recovery လုပ်ပြန်တော့လည်း DVD Drive က အလုပ်ကောင်းကောင်းမလုပ် ဖြစ်နေ၏။

ဒုက္ခ.. ဒုက္ခ။
လောကနိယာမအရ အကျိုးရှိလျင် အကြောင်းရှိရမည်ဖြစ်၏။ ဒုက္ခရှိလျင် ဒုက္ခဖြစ်ကြောင်းရှိရမည်ဖြစ်၏။ ထို ဒုက္ခ၏ အကြောင်းသည်ကား ဇာတ်လိုက်ကျော်ကြီး လောဘပင်လျင်ဖြစ်ချေတော့၏။ သူငယ်ချင်းများ၏တိုက်တွန်းချက်နှင့်ကျွန်ုပ်ကိုယ်တွင်း လောဘတို့ကြောင့် ကျွန်ုပ်၏ လက်ရှိကွန်ပျူတာကို ပိုပြီးခေတ်မီလာဖို့ Windows Vista မှ Windows 7 သို့ ပြောင်းပြီး တင်လိုက်ခြင်းသည် ထိုဒုက္ခဖြစ်ခြင်း၏ မှန်ကန်သည့် အကြောင်းပင်ဖြစ်ချေတော့၏။ Windows 7 ကိုလည်း တင်၍မရ၊ Windows Vista သည်လည်း စိတ်ကောက်ပြီး နွဲ့ဆိုးဆိုးနေလေတော့၏။

ကွန်ပျူတာကြိုက်သည့် ကျွန်ုပ်သည် ကွန်ပျူတာနှင့်ကင်းကွာနေ၏။ အင်တာနက်ခရေစီဖြစ်သည့် ကျွန်ုပ်သည် အင်တာနက်အဆက်အသွယ်ပြတ်နေ၏။ ထိုအခိုက် ကျွန်ုပ်၏အဖြစ်သည် အရက်သမား အရက်ပြတ်တောက်နေသည်နှင့်တူ၏။ အိမ်ထောင်သည်များ ဇနီး ခင်ပွန်းနှင့် ဝေးကွာနေသည်နှင့်တူ၏။ ပျားပိတုန်းများ ပန်းပွင့်ဆိတ်သုဉ်းနေသည်နှင့်တူလှ၏။ ကျွန်ုပ်သည် ကျောင်းစာဖက်သို့လည်း စိတ်မရောက်၊ ဘလော့အိမ်များသို့လည်း မလည်ပတ်နိုင်၊ ရေးနေကျ ပို့စ်များကိုလည်း မတင်အားတော့ဘဲ ထိုကွန်ပျူတာ ပြန်ကောင်းလာရေးသို့သာ စိတ်အစဉ်ကပ်လျက်ရှိနေလေတော့၏။

ကွန်ပျူတာကျွမ်းကျင်သည့် မိတ်ဆွေနှစ်ယောက်သည်လည်း စေတနာထားကာ သူတို့အလုပ်ကို ခဏမေ့ထားပြီး ကျွန်ုပ်၏ ကွန်ပျူတာကို နည်းပေါင်းစုံဖြင့် ပြုပြင်ပေးကြ၏။ အတုSoftware များကို အစစ်ဖြစ်အောင် Crack လုပ်ကြ၏။ ကွန်ပျူတာ သုံးစွဲရတာ ပိုပြီးအဆင်ပြေအောင် ပြုလုပ်ပေးကြ၏။ သို့သော် ကျွန်ုပ်၏ကွန်ပျူတာသည် ၇၀ ရာခိုင်နှုန်းလောက် ပြန်ကောင်းသွားသည်မှတစ်ပါး စိတ်ဆိုးစိတ်ကောက်မပြေနိုင်ဘဲဖြစ်နေလေ၏။ Software အချို့ ကို ကန့်ကွက်မြဲကန့်ကွက်နေ၏။ ဗိုင်းရပ်တွေ စွဲကပ်နေပြီထင်ရ၏။ ထိုအခိုက် ကျွန်ုပ်သည် ငယ်စဉ်ဘ၀ကို ဖြတ်ခနဲ ပြေးသတိရမိလိုက်၏။
......

ပင်လည်ဘူးမြို့နယ်ရှိ ကျွန်ုပ်တို့ တုံးဖလားရွာကလေးသည် အိမ်ခြေသုံးဆယ်ခန့်သာရှိ၏။ အားလုံး တောင်သူလယ်သမားတွေချည်းဖြစ်၏။ အိမ်တိုင်း၌ စပါးကျီ(တိုက်)များရှိကြ၏။ အချို့က စပါးကျီကို အိမ်ပုံစံမျိုး သစ်သားတို့ဖြင့် ကျကျနန ခိုင်ခိုင်ခန့်ခန့်တည်ဆောက်ထားကြ၏။ အချို့ကမူ ၀ါးများဖြင့်ရက်လုပ်ကာ နွားချေး(နောက်ချေး)တို့ဖြင့် သုတ်လိမ်းပြီး နေလှန်းအခြောက်ခံ၍ စပါးကျီပြုလုပ်ကြ၏။ ကျွန်ုပ်၏နေအိမ်ရှိ စပါးကျီသည် အိမ်ပုံစံအမျိုးအစားဖြစ်၏။ ရွာသူရွာသားများသည် စပါးရိတ်သိမ်းပြီးသည့်အခါ စပါးများကို စပါးကျီထဲသို့ ထည့်သိမ်းထားလေ့ရှိကြ၏။

တစ်ရွာလုံး၏ ဘုံရန်သူသည် ကြွက်ဖြစ်၏။ ကြွက်သည် စပါးမှည့်ချိန်၌ လယ်ယာထဲမှာ တွင်းတူးပြီးအခြေချနေထိုင်ကာ စပါးနှံများကို အားရပါးရ ဖျက်ဆီးစားသောက်လေ့ရှိ၏။ စပါးသိမ်းပြီးသောအခါ၌လည်း နေ့ညမရွေး စပါးကျီထဲသို့ ၀င်ရောက်မွှေနှောက်တတ်၏။ စပါးကျီထဲကစပါးများကို စားပြီး စပါးကျီထဲ၌ပင် မစင်စွန့်ထားလေ့ရှိကြ၏။ အိမ်မွေးကြောင်တို့သည်လည်း ကြွက်အင်အားကို နှိမ်နှင်းခြင်းငှါမစွမ်းနိုင်ခဲ့ပေ။ နည်းပေါင်းစုံဖြင့် ကြွက်နှိမ်ကြသော်လည်း သားပေါက်များသော ကြွက်တို့၏ အင်အားကား ပို၍သာ ကြီးမားလျက်ရှိလေတော့၏။

ထိုစဉ်က.. ဘယ်ဝယ်ဘယ်ဆီက စတင်တီထွင်လိုက်မှန်းမသိတဲ့ အယူတစ်ခုသည် ကျွန်ုပ်တို့ရွာအား လွှမ်းမိုးသွားလေ၏။ ထိုအယူမှာ ကြွက်နှိမ်နှင်းရေးအတွက် ပေါ်ပေါက်လာသည့် အယူဖြစ်၏။ တစ်ရွာသားလုံး ကျင့်သုံးကြ၏။ လိုက်နာကြ၏။ ပြုလုပ်ကြ၏။ ထိုအယူအတွက် ငွေအင်အား လူအင်အား သုံးရန်မလိုပေ။ မြေဖြူတောင့်လေးတစ်ခုဖြင့် ကိစ္စပြီးနိုင်၏။ ထိုအယူအဆမှာ စပါးကျီတိုင်းတွင် စာလုံးလေး ငါးလုံးမျှ မြေဖြူခဲဖြင့် ရေးရန်ဖြစ်၏။
(အချို့ မီးသွေးခဲဖြင့်လည်းရေးကြ၏)။ ကြွက်ရောင်းရန် ရှိသည် ဟူ၍ဖြစ်၏။ အချို့ မှာ ထပ်ကွန့်ပြီး တန်ဖိုးပါ ထည့်လိုက်သေး၏။
သတိ၊
ကြွက်ရောင်းရန်ရှိသည်။ တစ်ကောင် ငါးပြား ဟူသတည်း။

ကျွန်ုပ်တို့သည်လည်း မူလတန်းကျောင်းနေကာစ ပီပီ စာတတ်ပြီဟု အထင်ခံရစေရန် ထိုစာကြောင်းကို စပါးကျီတွင်မကဘဲ အိမ်နံရံ အိမ်တိုင် စသည်တို့မှာပင် ရေးသားပြီး လက်စွမ်းပြကြလေ၏။ အိမ်ညစ်ပတ်အောင်လုပ်ရကောင်းလား ဆိုပြီး အဘိုးက ဆူပူအော်ဟစ်တော့မှ ကျွန်ုပ်တို့အရေးရပ်ကြ၏။
ထိုစာကြောင့်လော ဘာကြောင့်လောမသိ။ ကြွက်များ စပါးကျီထဲ အလာကျဲသွားသည်ဆို၏။ သူတို့ကို တကယ်ရောင်းမည်ထင်၍လော၊ သူတို့ကို ဈေးနှိမ်ထားသည့်အတွက်ကြောင့်လော (အမှန်ဆို သူတို့မှ စာမဖတ်တတ်တားဝ)၊ ဖြူဖြူစာလုံးကြီးကို လန့်၍လော၊ မြေဖြူအနံ့ မခံနိုင်၍လော။ စဉ်းစားကြည့်လျင် အဖြေမရှိနိုင်ဘဲ ဖြစ်ရ၏။ အဖြေကို တိတိကျကျ မသိရသော်လည်း ကြွက်များမလာစေရန် ယခုတိုင်အောင် အချို့သူများ ၄င်းစာကြောင်းကို ရေးထားသည်ကို တွေ့ရတတ်၏။ ယုံကြည်မှုပင်တည်း။
....

ယခုလည်း ကျွန်ုပ်၏ ကွန်ပျူတာသည် ဗိုင်းရပ်ကိုက်နေပြီဟုထင်ရ၏။ ဗိုင်းရပ်အတွက် ဆော့ဖ်ဝဲတင်ထားသည့်တိုင်အောင် အချို့ဗိုင်းရပ်တို့သည် စိုးမိုးမင်းမူနေကြဆဲဖြစ်၏။ ကွန်ပျူတာကို ဒုက္ခပေးမြဲပေးလျက်ဖြစ်နေ၏။ အဆိုးဆုံးမှာ သတင်းနှင့်ဗီဒီယိုဖိုင်များကို ကြည့်ဖို့ Flash player နှင့် အင်္ဂလိပ်စာအတွက် Oxford 7th Dictionary ကို Install လုပ်၍မရခြင်းပင်ဖြစ်၏။ ထို့ကြောင့် စိတ်ကူးပေါက်ပေါက်ဖြင့် ကျွန်ုပ်သည်လည်း အကြံကုန် ဂဠုန်ဆားချက် လုပ်ရလေတော့၏။ ငယ်စဉ်ဘ၀က ကြွက်များမလာရောက်စေရန် ကြွက်ရောင်းရန်ရှိသည် ဟူ၍ ရေးခဲ့သလို ယခုလည်း ကွန်ပျူတာထဲမှာ ရှိသည့် အနှောင့်အယှက်များ ထပ်ပြီးမနှောင့်ယှက်နိုင်အောင် စာတစ်ခုခုရေးချင်စိတ်ပေါ်ပေါက်လာ၏။ သို့သော် အဘယ်၌ရေးရမည်နည်း။ အိမ်နံရံမှာလား။ အခန်းနံရံမှာလား။ ကွန်ပျူတာတင်ခုံပေါ်မှာလား။ ခက်သည်မှာ စည်းကမ်းပြည့်ဝသည့်နိုင်ငံ၌ ကိုယ့်အိမ်ဆိုပြီး ညစ်ပတ်ချင်သလို ညစ်ပတ်၍မရနိုင်ပေ။ အတန်တန်စဉ်းစားပြီးသကာလ နောက်ဆုံး၌ ကျွန်ုပ်အကြံတစ်ခု ရလိုက်၏။ အင်္ဂလန်နိုင်ငံမှာ နေထိုင်ကြသည့်သူများတင်မကဘဲ တစ်ကမ္ဘာလုံးမှာ ရှိသည့်လူတွေ ကျွန်ုပ်စာကို ဖတ်နိုင်အောင်ရေးသားလိုက်ရရင်ကောင်းမယ် ဟူသည့်အကြံပင်တည်း။ ထို့ကြောင့် ထိုစာကို ကျွန်ုပ်၏ Gtalk Custom message ၌ ရေးလိုက်လေတော့၏။

Laptop Computer ASUS ရောင်းရန်ရှိသည်။ တန်ဖိုး ငါးကျပ်။ ဟူ၍ဖြစ်၏။

တိုက်တိုက်ဆိုင်ဆိုင်ပင် ထိုစာရေးပြီး မကြာခင်မှာပင် Flash player ကို Install လုပ်ကြည့်လိုက်ရာ ရှောရှောရှူရှူပင် Installation completed ဟူသည့် Boxကလေး ကျလာလေ၏။ ထို့နောက် Oxford 7th Dictionary ကို Install လုပ်ကြည့်ပြန်ရာ မယုံကြည်နိုင်လောက်အောင် အဆင်ပြေသွားလေတော့၏။

ယခုဆိုလျင် ကျွန်ုပ်သည် လက်စွဲအချစ်တော်ကြီး ကွန်ပျူတာ အင်တာနက်နှင့်အတူတကွ သတင်းဖတ်ခြင်း၊ သတင်းကြည့်ခြင်း၊ ဗီဒီယိုဖိုင်များ ကြည့်ခြင်း၊ အင်္ဂလိပ်စာများလေ့လာခြင်း၊ အက်ဆေးရေးခြင်း၊ ကြိုက်သည့်ဖိုင်များကို ဒေါင်းလုပ်ဆွဲခြင်း စသည့်စသည့် အခွင့်အရေးများကို တွင်တွင်ကြီး အသုံးချကာ ပြုံးဖြီးဖြီးကြီးဖြစ်နေလေပြီတည်း။

ဂါထာ ဆေးဝါး မန္တရားတို့ဖြင့် မကုသလိုက်ရဘဲ စာကြောင်းလေးတစ်ကြောင်း Gtalk ပေါ်တင်လိုက်သည်နှင့် ကွန်ပျူတာတွင်းရှိ ရောဂါဘယတို့ ပျောက်ကင်းသွားသည်မှာ တောင်ထိပ်မှာကြာပေါက်ပြီး အနောက်က နေထွက် သကဲ့သို့ မယုံနိုင်ချင်စရာ ဖြစ်၍နေပေ၏။ သို့သော် ထိုအဖြစ်အပျက်သည် ယုံတမ်းစကားလည်းမဟုတ်သလို ပုံပြင်လည်းမဟုတ်ပေ။ အဖြစ်အပျက် အမှန်ပင်ဖြစ်ချေတော့၏။ ထို့ကြောင့်ပင် ကျွန်ုပ်၏ ပို့စ်အား
Laptop Computer ASUS ရောင်းရန်ရှိသည်။ တန်ဖိုး ငါးကျပ်။ ဟူ၍ အမည်ပေးလိုက်ရခြင်း ဖြစ်ပေတော့သတည်း။ ။


....

Sunday 7 March 2010

ကညာပျို


ကညာပျို
ရွှန်းလဲ့ပါတဲ့ ကညာပျို
လွမ်းဖွဲ့ပါတဲ့ ကညာပျို။

သူ့မူယာ ကြူကာလျှမ်းပါတဲ့
ကညာပျို ပျိုစင်ဖျန်းကိုလ
နမ်းရှိုက် ရင်ဖို။

လှမ်းအပွေ့ မှာလ
ဆန်းအတွေ့ကြောင့် ဘ၀င်ပျော်
တွေးခေါ်မိ စိတ်မှန်း။

ဆွေ့မြူးစရာ
တွေ့ထူးမှာ ဟန်မာယာနဲ့
ပျို့ အချွဲမှာ ကိုယ့်သဲလှိုက်သမို့
ယှဉ်တွဲကာ ကြင်ဆဲမောင်နှံသို့
ကညာပျို ဇရာအိုဆုံးထိအောင်
မမုန်းကြစတမ်း။

မှတ်ချက်။
(ဆရာမင်းသုဝဏ်ရဲ့ သပြေညို အလိုက်ဖြင့်) ခံစားရေးဖွဲ့ထားခြင်းဖြစ်ပါသည်။

...

Saturday 6 March 2010

ဂြိုဟ်


ဂြိုဟ်ခွင် ဂြိုဟ်နှုတ်၊ ဂြိုဟ်စုပ် ဂြိုဟ်ညံ့
ဂြိုဟ်မသန့်က၊ ဂြိုဟ်ကန့်လန့်တိုက်
ဂြိုဟ်မိုက် ဂြိုဟ်မဲ၊ ဂြိုဟ်ငနဲတို့
ဂြိုဟ်ထဲရောက်ပြီး၊ ဂြိုဟ်စီး ဂြိုဟ်နင်း
ဂြိုဟ်တိမ်ဖျဉ်း၍၊ ဂြိုဟ်ချင်း ယှဉ်ပြီး
ဂြိုဟ်ရန်ကြီး၏။

ဂြိုဟ်ကြီးကိုးလုံး၊ ဂြိုဟ်ဖြင့်ဖုံးကာ
ဂြိုဟ်မုန်း ဂြိုဟ်မှောင်၊ ဂြိုဟ်ကောင် နှိပ်စက်
ဂြိုဟ်တွေသက်ပြီး။ ဂြိုဟ်ပျက်တစ်စွာ
ဂြိုဟ်မာယာတည့်။

ဂြိုဟ်ညစ်ရိပ်မှောင်၊ ဂြိုဟ်ကိုရှောင်ပြီး
ဂြိုဟ်အောင်နိမိတ်၊ ဂြိုဟ်အတိတ်ဖြင့်
ဂြိုဟ်တံဆိပ်ခတ်၊ ဂြိုဟ်မြတ် ဂြိုဟ်ကောင်း
ဂြိုဟ်အောင်ကြောင်းကို၊ ဂြိုဟ်မောင်း မင်္ဂလာ
ဂြိုဟ်ကမ္ဘာမှာ၊ ဂြိုဟ်အောင်ရာဟု
ဂြိုဟ်တွေစုပြီး၊ ဂြိုဟ်တုဖယ်ရှား
ဂြိုဟ်ကောင်းထားသည်၊ ဂြိုဟ်များသည့်ထက်ကောင်းစေသော်။


...

Tuesday 2 March 2010

ဂုဏ်


ဂုဏ်ကို ဂုဏ်လွှမ်း၊ ဂုဏ်ညစ်ညမ်း၏။
ဂုဏ်ကို ဂုဏ်ပြိုင်၊ ဂုဏ်စစ်ယိုင်၏။
ဂုဏ်ကို ဂုဏ်ဖုံး၊ ဂုဏ်ဖြစ်ရှုံး၏။
ဂုဏ်ကို ဂုဏ်တု၊ ဂုဏ်မပြုသင့်။

ဂုဏ်တစ်ခုကို၊ ဂုဏ်ပြုလိုလျှင်၊
ဂုဏ်ကိုချီးကျူး၊ ဂုဏ်ကျေးဇူးဖြင့်၊
ဂုဏ်ထူးဆောင်ကာ၊ ဂုဏ်ကိုရှာလော့။

သူ့ဂုဏ်ဖော်ဆောင်၊ ကိုယ့်ဂုဏ်အောင်ပြီး၊
ဂုဏ်ရောင်ထိန်ဝါ၊ ဂုဏ်လင်းရာဖြင့်၊
ဂုဏ်ဝါလင်းရောင်၊ ဂုဏ်တောက်ပြောင်၏၊
ဂုဏ်ဆောင်သူများ၊ ဂုဏ်ကျိုးအားကြောင့်၊
ဂုဏ်များတိုးမြှင့်၊ ဂုဏ်တွေဆင့်ကာ၊
ဂုဏ်တင့်စေလို၊ ဂုဏ်ပြုဆိုသည်၊
ဂုဏ်ပျိုနုလို့ လင်းစေသတည်း။ ။

...