Monday 20 September 2010

ကိုကိုမောင် ကိုယ်ရည်သွေးဘွဲ့ (ရတုပိုဒ်စုံ)

ဘုန်းတောက်တေဇာ၊ ဖြစ်လေရာ၌၊ စိတ်မှာထင်ဟပ်၊ လွန်မြင့်မြတ်ဟု၊ အတတ်ထွေထွေ၊ တတ်ရလေကား၊ လွန်ထင်ရှား၍၊ ကျော်ကြားဘ၀ဂ်၊ အထက်သို့တိုင်၊ ကြိုင်လှိုင်ဂုဏ်ရောင်၊ ကိုကိုမောင်ဟု၊ ခေါ်ဆောင်သမုတ်၊ ရှေ့ သို့ထုတ်၍၊ အလုပ်ထွေဖြာ၊ ပေးလေရာမှာ၊ ဥာဏ်ပညာဖြင့်၊ ထင်ရာလျှောက်ခြစ်၊ ရှေ့ ဖြစ်နောက်ပြန်၊ ဖော်ထုတ်လှန်၍၊ အကြံတွေပေး၊ ဥာဏ်ဖြင့်တွေးသည်၊ ကျမ်းရေးသေချာ လင်းစေသော်


ကုန်းကောက်ဖွေရှာ၊ ဥာဏ်ပညာကို၊ ငယ်ခါဘ၀၊ သင်ကာစ၌၊ တစ်ခဏ၀ယ်၊ အာဂအာဂုံ၊ ပြန်ဆိုတုံ၍၊ တဟုန်ကျော်ကြား၊ လူအများသိ၊ ဟိုသွားဒီလာ၊ နှုတ်ဆက်ရာတွင်၊ စဉ်လာဂုဏ်ဆောင်၊ ကိုကိုမောင်ဟု၊ တောင်တောင်မြောက်မြောက်၊ နောက်နောက်ရှေ့ ရှေ့ ၊ တွေ့တွေ့သမျှ၊ မနုဿတို့၊ ဒါနပွါးစီး၊ ထင်တွေကြီး၍၊ သမီးကညာ၊ ဆက်လေရာဝယ်၊ လက်တွေခါချ၊ ငြင်းနေရသေး၊ ဘ၀င်အေးသည်၊ လွမ်းဆွေးဝေဒနာ ကင်းစေသော်


ရုံးရောက်စေရာ၊ မှုတကာတို့၊ ဝေးစွာရှောင်ရှား၊ တစ်ဖ၀ါးမျှ၊ ဟိုနားဒီနား၊ လျှောက်မသွားဘဲ၊ ယောက်ျားမာန်ချဉ်း၊ အံကိုတင်း၍၊ အဖျင်းကိုရှောင်၊ အလင်းဆောင်ပြီး၊ တောင်တောင်အီအီ၊ တီတီတာတာ၊ မာယာ သာဌေ၊ ကင်းလတ်ပေ၍၊ ထွေထွေပညာ၊ ဘိလပ်ရွာ၌၊ သင်ကာမွှေနှောက်၊ လျှမ်းလျှမ်းတောက်ဖို့၊ လမ်းဖောက်ထွက်ကာ၊ ပညာတော်သင်၊ တပင်တပန်း၊ ဇွဲဖြင့်လှမ်း၍၊ အောင်ပန်းကိုဆောင်၊ ကိုကိုမောင်က၊ ဘ၀ဖြစ်ရေး၊ ဖွင့်လှစ်ပေးသည်၊ မှန်းတွေးစေရာ ရှင်းစေသော်

..

Saturday 18 September 2010

အို..အို...အို..

"ငိုပါနဲ့လား
သက်ထားရယ်"
အားပေးနေရပေမဲ့
စိတ်ကတော့ ခပ်ငယ်ငယ်။

"မျက်ရည်ဥတွေ
စုမထားပါနဲ့"
ပြောသူ့ပါးပြင်ဆီ
မျက်ရည် ဥနေလေရဲ့။

တကယ်ဆို
ဝန်မတိုတတ်သူပါ။

ရောဂါကုရင်း
ရောဂါကူးခံရပါစေ။

မီးငြိမ်းရင်း
မီးစွဲခံရပါစေ။

ရေနစ်သူ ဆွဲကူရင်း
ရေနစ်ခံရပါစေ။

နွယ်အရစ်ဖြေရင်း
နွယ်ရစ်ခံရပါစေ။

...ရပါစေလေ။

ရောဂါသဘော
မီးသဘော
ရေသဘော
နွယ်သဘော
စောကြောမနေတော့ပါဘူး
သောသောရယ်သံလေးကြားရရင်
နားဝမှာ အားရလှပါပြီ။

..

Tuesday 14 September 2010

ရှေ့ သို့သာ...


တင်းထား တင်းထား
ပျင်းမသွားနဲ့
အငြင်းမပွါးဖို့အတွက်။

တော်ထား တော်ထား
ပျော်မပါးနဲ့
မော်ကြွားနိုင်ဖို့အတွက်။

ခဲထား ခဲထား
လဲမသွားနဲ့
အမြဲ သွားနိုင်ဖို့အတွက်။

လုပ်ထား လုပ်ထား
ငုပ်မသွားနဲ့
လှုပ်ရှားနိုင်ဖို့အတွက်။

တွေးထား ရေးထား
ငေးမသွားနဲ့
ပြေးလွှားနိုင်ဖို့အတွက်။

ကြိတ်ထား ကြိတ်ထား
အိပ်မသွားနဲ့
ထိပ်ဖျားရောက်ဖို့အတွက်။

လှမ်းထား လှမ်းထား
လမ်းမမှားနဲ့
ပန်းများပွင့်ဖို့အတွက်။
...


ခြေတစ်လှမ်းအလို
မပြိုစေနဲ့။

လက်တစ်ကမ်းအရောက်
မမှောက်စေနဲ့။

မပြို မမှောက်၊ မှန်မှန်လျောက်က
တောင်မြောက်ခရီး၊ အလွန်နီး၍
ခရီး ရှေ့ နောက်၊ အမြန်ရောက်လိမ့်
အခေါက်မှန်စွာ၊ ရှေ့ သို့သာလျှင်
ချီကာဆက်၍ တက်ပါလေ။

.