Friday 6 February 2009

ကိုကိုမောင့်အမျက် အပြင်ထွက်သလား (၁) ...???

အော်။
လောက.. လောက။
သက်ရှိလောကကြီးရှိနေတာကိုက သိပ်ပြီးအဆင်မပြေဖြစ်နေတာကလား။ သက်မဲ့လောကထဲမှာ သက်မဲ့ အရာဝတ္ထုလေးတစ်ခုဖြစ်ရင် သိပ်ကောင်းမှာဘဲ။ ဒါဆို စိတ်ပူပန်စရာလဲ မလိုဘူး။ လောဘ ဒေါသ မောဟတွေနဲ့ ပြည့်နက်နေစရာလဲ မလိုတော့ဘူး။

အထူးသဖြင့်တော့ ဒေါသ။
အတတ်နိုင်ဆုံး ချုပ်တည်းထားပေမဲ့လဲ တစ်ခါတစ်လေကျပြန်တော့ ချုပ်တည်းလို့ မရအောင် ဖြစ်ရတယ်။
ကိုယ်တိုင်က သက်ရှိလောကထဲက သက်ရှိလူတစ်ယောက် ဖြစ်နေပြန်တော့လဲ သက်ရှိသတ္တ၀ါတွေရဲ့  ထုံးစံအတိုင်း လောဘ ဒေါသ မာန်မာနတွေနဲ့ ပြည့်နက်နေတာပေါ့လေ။ ဒါ သဘာဝ ကျပါတယ်။

ဘယ့်နှယ်ဗျာ
ကျနော်က အတတ်နိုင်ဆုံး အိမ်တွင်းသန့်ရှင်းရေး အမြဲလုပ်တယ်။ သူက မလုပ်တဲ့အပြင် အမြဲတမ်းနှောက်ယှက်နေတယ်။ အမှိုက်တွေ ဖွတယ်။ အသုံးအဆောင်တွေကို ရိုက်ချိူးဖျက်ဆီးပြီး ဖြန့်ကြဲထားတယ်။ ပထမကတော့ သူ့ကာယကံ သူ့ထံပြန်မှာပါလေဆိုပြီး ဥပေက္ခာပြုနေလိုက်သေးတယ်။
ကျနော်ကိုယ်တိုင် ဗုဒ္ဓဘာသာဆိုတော့ ကံတရားကို လက်ကိုင်ထားတယ်လေ။ လက်ကိုင်ထားလို့လဲ သူ့ကို ဘာမှ မတုန့်ပြန်ခဲ့တာပါ။

ကာကကံကို ကိုယ်နှင့်လုပ်သည်။ ကိုယ်နှင့်လုပ်တာ ကာယကံ။
ဝစီကံကို နှုတ်နှင့်ပြောသည်။ နှုတ်နှင့်ပြောတာ ၀စီကံ။
မနောကံကို စိတ်နှင့်ကြံသည်။ စိတ်နှင့်ကြံတာ မနောကံ။

ကိုယ့်ကာယကံ ကိုယ့်ဆီပြန်။
ကိုယ့်ဝစီကံ ကိုယ့်ဆီပြန်။
ကိုယ့်မနောကံ ကိုယ့်ဆီပြန်။

အဲဒီဆောင်ပုဒ်လေးတွေကို ဘုန်းဘုန်းတစ်ပါးဆီမှာ တရားနာရင်း အလွတ်ရခဲ့တာပါ။ တကယ်လဲ အလွန်ကောင်းပြီး အလွန်ထိရောက်တဲ့ လင်္ကာဆောင်ပုဒ်ကလေးတွေပါ။
ဒါကြောင့်မို့လဲ
မကောင်းတဲ့ကာယကံ ၀စီကံ မနောကံတွေကို ကြိုးစားပြီး မကျူးလွန်မိအောင် ထိန်းသိမ်းပြီး နေလာခဲ့တာပါ။
အရာရာတိုင်းကို ကြောက်လို့ ကုတ်နေတာမဟုတ်ပါဘူး။ ဟိုစကားနဲ့ပြောရရင်တော့ တိုင်းပြည်မကောင်းလို့ ရူးချင်ယောင်ဆောင်နေတာ၊ အတယ်မထင်နဲ့ လို့ပြောရမလိုလိုဘဲ။

ဒီလောက်စော်ကားမော်ကားလုပ်တာကို ဒီအတိုင်းငြိမ်နေရတာ ကြာလာပြီ။ လက်တုန့်ပြန်ချင်စိတ်တွေ ခဏခဏပေါ်ပေါက်လာတယ်။ လက်တုန့်ပြန်ချင်စိတ်ပေါက်တိုင်းလဲ အနန္တသူရိယအမတ်ကြီး ရဲ့  တုန့်မယူလို ဆိုတဲ့ လင်္ကာလေးက ခေါင်းထဲ အလိုလိုရောက်ရောက်လာတယ်။ ဒါနဲ့ဘဲ လက်တုန့်မပြန်ဖြစ်ခဲ့ပါဘူး။


မိတ်ဆွေတို့လဲ စဉ်းစားကြည့်ကြပေါ့ဗျာ။ ကျနော် ဒီလိုရေးတာ လွန်လွန်းသလားလို့။

၁။ကျနော်တို့က အိမ်ကို အတတ်နိုင်ဆုံး သန့်ရှင်းရေးလုပ်တယ်။ သူက နေရာတိုင်းမှာ အညစ်အကြေးစွန့်တယ်။

၂။ကျနော်တို့က အမှိုက်တွေကို စနစ်တကျ ထုပ်ပိုးပြီး နေရာသီးသန့်မှာ သေသေသပ်သပ်စုပုံထားတယ်။ သူက အမှိုက်ထုပ်တွေကို ဖျက်ဆီးထိုးဖောက်ပြီး ဖြန့်ကြဲပစ်တယ်။

၃။ကျနော်တို့က ဘုရားစင်ကို သန့်သန့်ရှင်းရှင်းထားပြီး ညောင်ရေအိုးတွေကို စနစ်တကျ ပန်းထိုးပြီး ပူဇော်ထားတယ်။ သူက ပန်းတွေကို အပွင့်ရင်းကနေ ညှပ်ဖြတ်ပြီး ဘုရားစင်ပေါ်မှာ ဖွထားတယ်။

၎။ကျနော်တို့ ဘုရားစင်ပေါ်မှာ ဗုဒ္ဓရုပ်ပွါးတော်နှင့်အတူ ပူဇော်ထားတဲ့ အဂ္ဂမဟာသာဝကနှစ်ပါးထဲက
တစ်ပါးရဲ့ ရုပ်တုကို ခေါင်းဖြတ်ပစ်တယ်။ (အဲဒါ ကျနော် သည်းမခံနိုင်ဆုံးဘဲ။ ကျနော်တို့ ဘာသာကို ကိုယ်ထိလက်ရောက် စော်ကားတာ။ တောက်)


ရေးရင်း ဒေါသထွက်လာလို့ ခဏနားလိုက်ဦးမယ်။ ပြီးမှ ထပ်ရေးပြီး ဒေါသတွေ ထပ်ပေါက်ကွဲပြလိုက်ဦးမယ်။
တောက်......
တစ်ခါထဲသာ သူ့ခန္ဓာကိုယ်ကို အပိုင်းပိုင်း အစိပ်စိပ် ဖြတ်တောက်ပစ်လိုက်ချင်တော့တယ်ဗျာ။


(ဆက်ရေးမယ်)

1 comment:

Anonymous said...

မြောက်ပေးရမလား တားရမလား စဉ်းစားလိုက်တော့
သူ့ကိုရှင်းလိုက်တာက ၁ခါပဲ စိတ်ဆင်းရဲရမယ် လို့ထင်တယ် ငရဲကြီးမှာဆိုးလို့ မရှင်းပဲထားရင် ခဏခဏထွက်နေမယ့် ဒေါသက ပိုပြီး စိတ်ညစ်ရမယ်ထင်တယ်