Monday, 9 February 2009

တပို့တွဲလပြည့်နေ့မှာ ထမင်းနဲစားခွင့်ကြုံခြင်း


တပို့တွဲလပြည့်နေ့။
ဟုတ်တယ် ဒီနေ့ဟာ တပို့တွဲပြည့်နေ့ဘဲ။ မြန်မာနိုင်ငံနှင့်ကင်းကွာနေပြန်တော့လဲ ပြက္ခဒိန်ကြည့်ပြီးမှ တပို့တွဲလမှန်းသိရတယ်။ နှာရည်ယိုရွဲ တပို့တွဲ လို့ ဆိုရိုးရှိတယ်မဟုတ်လား။ တပို့တွဲလမှာ ချမ်းလွန်းလို့ နှာရည်တောင် ကိုယ်တိုင် မသိလိုက်ဘဲ သူ့အလိုလို ယိုစီးကြတယ်တဲ့။ ဒီမှာက အမြဲတမ်းအေးခဲနေတော့ နှာရည်လဲ မကြာခဏယိုစီးကျတာ များသွားလို့လားမသိ။
စီးကျစရာ နှာရည်လက်ကျန်တောင်မရှိတော့သလောက်ဘဲ။

တပို့တွဲလမှာ အေးတာ မဆန်းပါဘူး။ မြတ်စွာဘုရားရှင်ကိုယ်တော်မြတ်ကြီးတောင်မှ တပို့တွဲလမှာ လက်တော်ကို မီးကင်(နွေးအောင်လုပ်)ရတယ်ဆိုဘဲ။ အရမ်းအေးစက်လှတဲ့ သဘောဘဲပေါ့လေ။

မြန်မာ့ရိုးရာဓလေ့အရ တပို့တွဲလမှာ ဘာပွဲတော်ကျင်းပပါလိမ့် ???????

"တန်ခူးလ၊ သင်္ကြန်ပွဲ"
"ကဆုန်လ၊ ညောင်ရေသွန်းပွဲ"
".................."
"တပို့တွဲလ၊ ထမင်းနဲထိုးပွဲ"

အော်.. သိပြီ။ သိပြီ။ တပို့တွဲလမှာ ထမင်းနဲထိုးပွဲရှိတာမေ့နေလိုက်တာ။

မြန်မာနိုင်ငံမှာဆိုရင်တော့ တပို့တွဲလရောက်တိုင်း ထမင်းနဲထိုးပွဲကို အတီးအမှုတ် အိုးစည် ဗုံမောင်းနဲ့ စည်ကားသိုက်မြိုက်စွာ ကျင်းပကြစမြဲဘဲ။ ဒီမှာကတော့ အိုးစည်ဗုံဗောင်းသံကြားရဖို့ဝေးစွ။ ထမင်းနဲနံ့လေးရဖို့တောင်မှ အနိုင်နိုင်ရယ်။

ကျနော်တို့နှင့်တစ်အိမ်ထဲ အတူနေတဲ့ ဦးလေးကြီးတစ်ယောက် ထမင်းနဲကို ကြိုးစားထိုးတယ်။ တစ်နေ့လုံး အိုးထဲကဆန်ထမင်းတွေကို ယောက်မနှင့်မွှေနေတာတော့ တွေ့သားဘဲ။ ထမင်းနဲလား ဘာလား ကျနော်တော့မပြောတတ်တော့ပါဘူး။ စားကြည့်လိုက်တော့ ကောက်ညှင်းပေါင်းလိုလို ကောက်ညှင်းဆန်ပြုတ်လိုလို ခပ်ပြစ်ပြစ်အနေအထားနဲ့ အရသာက ချိုတိုတိုရယ်။
သူ့ကို မေးကြည့်လိုက်တော့ တပို့တွဲလမို့ ထမင်းနဲထိုးတာပါတဲ့။ ရာသီစာလေးကို အခွင့်ကြုံတုန်းစားထားဆိုလို့ ကျနော်လဲ မြည်းကြည့်ဖြစ်ခဲ့ပါတယ်။ ချိုချိုလေးဘဲ။ အုန်းနို့ထည့်ထားတာတဲ့။ အုန်းဆံလေးတွေလဲထည့်ထားတာဆိုတော့ အနံ့ကတော့ ထမင်းနဲနံ့နဲ့ နဲနဲတော့ တူပါတယ်။ ဒါကြောင့်မို့ ထမင်းနဲ နံ့လေးရဖို့ တောင်မှအနိုင်နိုင်ရယ်လို့ ကျနော်ရေးလိုက်တာပါ။

အဲဒီထမင်းနဲတွေ အခုထက်ထိ မိုးဖိုချောင်ထဲမှာ ရှိသေးတယ်။ ဦးလေးကြီးကတော့ မိတ်ဆွေပေါတဲ့သူဆိုတော့ မိတ်ဆွေတွေအတွက် Take away တွေပေးတယ်။ ကျနော်တို့ကိုလဲ ကျွေးတယ်။ သူ့စေတနာတွေလေ။ လေးစားဖို့ကောင်းပါတယ်။ ထမင်းနဲထိုးတယ်ဆိုတာ ပင်ပင်ပန်းပန်းထိုးရတာ မဟုတ်လား။ အချိန်လဲကုန်တယ်။ အားလဲကုန်တယ်လေ။
ဒါပေမဲ့ ဂက်စ်မီးဖိုနဲ့အိုးတည်ရတာရယ်၊ အဆာပလာ မပြည့်စုံတာရယ၊် ရေနဲနဲများသွားတာရယ်တွေကြောင့် ထမင်းနဲက အဆင်းမလှခဲ့ရရှာတာပါ။ ထမင်းနဲက တစ်မျိုးထဲမကဘူး။ နှစ်မျိုးတိတိကြီးများတောင်။ အဖြူကတစ်မျိုး။ အမဲကတစ်မျိုး။
တစ်မျိုးနှင့်တစ်မျိုး မရိုးရအောင်ပေါ့ဗျာ။

ဘာဘဲပြောပြော လန်ဒန်မှာ နေထိုင်ရင်း ကျနော်ကတော့ ထမင်းနဲကို ပထမဆုံးအကြိမ် ဦးဦးဖျားဖျား စားခွင့်ကြုံလိုက်ပါတယ်ခင်များ။


ဆုတောင်း။
ထမင်းနဲထိုးတဲ့ ဦးလေးကြီးနှင့်တကွ စာဖတ်သူအပေါင်း ကျန်းမာချမ်းသာ အသက်ရာကျော်ရှည်ပါစေဗျာ။

1 comment:

flower.poem said...

ကိုကိုမောင်ရေ ဒီမှာတော့ ထမနဲပွဲတွေနဲ့ လပြည့်နေ့မှာ ထမနဲ ဆွမ်းတော့ကပ်ဖြစ်ပါတယ်.. စားလည်းစားတာပေါ့ရှင်..