ဆေးသောက်သောခါဝယ်...

လူတိုင်း (သို့) လူအတော်များများဟာ နေ့စဉ်စားသုံးနေကြ ဆေးကောင်းတစ်လက် ရှိနေတတ်ကြပါတယ်။
မြန်မာလူမျိုးတစ်ချို့ ဆို သောက်သုံးနေကြ ဆေးကို မူးယစ်ဆေးလောက်ထိ စွဲကပ်နေကြလေရဲ့ ။ အဲဒီ ဆေးလေးမှ မသောက်လိုက်ရရင် အဲဒီနေ့ဟာ နေထိုင်မကောင်းသလုို ၀မ်းချုပ်ချင်သလို ယားယံချင်လာသလို စတဲ့ ဝေဒနာ အသေးစားလေးတွေ ဖြစ်ပေါ်လာတတ်ပါတယ်။ စိတ်အစွဲကြောင့်လဲ ပါတာပေါ့လေ။
ဒါ့ကြောင့် သူတို့ တစ်တွေ ပြည်ပခရီးသွားတဲ့အခါမှာဘဲဖြစ်ဖြစ် ပြည်ပမှာ အခြေချ နေထိုင်ကြတဲ့အခါမှာဘဲဖြစ်ဖြစ် သူတို့ စားသုံးနေကြ ဆေးတွေကို မရရအောင် ယူဆောင်လာတတ်ကြပါတယ်။ ဆေးကုန်သွားတဲ့အခါလဲ တစ်နည်းနည်းနဲ့ မှာယူပြီး ရအောင် ကြိုးစားလေ့ရှိကြပါတယ်။

ဘာဘဲဖြစ်ဖြစ်ပေါ့လေ။ ဆေးကောင်းတစ်လက်ရှိတာတော့ လူတိုင်းအတွက် ကောင်းပါတယ်။ ဒါပေမဲ့ သောက်ပုံသောက်နည်းက လိုအပ်နေဆဲဘဲ။ ဆရာဝန်ကောင်းတွေရဲ့  ညွန်ကြားမှုကို လိုက်နာကြတာ မှန်ကန်တဲ့နည်းလမ်းပါ။

"ဆေးကို သောက်တဲ့အခါမှာ ရေနဲ့ သောက်တာက အန္တရာယ် အကင်းရှင်းဆုံးပါဘဲ" လို့ သမားတော် ဘယ်ရီရှုတာ (Barry Shooter) က သူ့ရဲ့  သုတေသနပြုချက်ကို သေချာစွာ ရှင်းပြခဲ့ပါတယ်။

တစ်ချို့ လူတွေက ဆေးခါးခါးကို ကြောက်တဲ့အတွက် အဖျော်ရည် (သို့) ကော်ဖီစတဲ့ လျာကို အရသာတွေ့စေမဲ့ အရည်တစ်မျိုးနှင့်ရောပြီး သောက်လေ့ရှိကြတယ်။ ဒါ့ကြောင့် အဲဒီ တစ်ခြားအရည်တစ်မျိုးမျိုးနှင့်ရောစပ်ပြီး သောက်တဲ့ ဆေးဟာ ဘယ်လိုအကျိုးသက်ရောက်မှုရှိနိုင်လဲဆိုတာ သမားတော်ကြီး ဘယ်ရီရှုတာက အောက်ပါအတိုင်း ရှင်းလင်းဖော်ပြပေးခဲ့ပါတယ်။


ဆေးကို ကျွဲကောသီးဖျော်ရည်နှင့်သောက်ခြင်း
နှလုံးဆေး၊ စိတ်ကျဝေဒနာသက်သာဆေး၊ မှိုခြေဖျက်ဆေးတို့ကို ကျွဲကောသီးဖျော်ရည်နှင့်သောက်လျင်
ဇီဝကမ္မပြောင်းလွဲမှုကို ဟန့်တားစေပါတယ်။ ဆေးရဲ့  အာနိသင်ကိုလဲ ယုတ်လျော့စေပါတယ်။ နောက်ပြီး ဘေးထွက်ဆိုးကျိုးပိုများစေပါတယ်။


ဆေးကို ကော်ဖီ လဘက်ရည် ကိုလာနှင့်သောက်ခြင်း
ပန်းနာရင်ကြပ်ဆေးကို ကက်ဖင်န်ဓါတ်ပါတဲ့ ကော်ဖီ လဘက်ရည် ကိုလာတို့နှင့်သောက်သုံးလျင် ဘေးထွက်ဆိုးကျိုး ပိုပြီးတိုးလာနိုင်တယ်။ ဗိုက်ထဲ မအီမသာဖြစ်စေတယ်။ အထူးသဖြင့်တော့ အယောင်အတင်းပျောက်ဆေးကို စားသုံးတဲ့အခါမှာ ပိုပြီး သတိထားသင့်ပါတယ်။


ဆေးကို နို့နှင့်သောက်ခြင်း
ပဋိဇီဝဆေးသောက်ပြီး နှစ်နာရီအတွင်းမှာ နို့တစ်ခုခုကို သောက်ရင် နို့ထဲမှာ ပါတဲ့ထုံးဓါတ်က ပဋဇီဝဆေးရဲ့  အစွမ်းအာနိသင်ကို လုံးဝတားမြစ်ထားတတ်ပါတယ်။


ဆေးကို မူးယစ်ဆေးနှင့်သောက်သုံးခြင်း
မူးယစ်ဆေး (ဥပမာ။ အရက်၊ ဘီယာ) ပုံမှန်သောက်စားနေတဲ့ သူတစ်ယောက်ဟာ ပါရာစီတမော့ဆေးကို သောက်သုံးပြီဆိုရင် သူ့ရဲ့  အသဲဟာ အစိပ်စိပ်အမြွာမြွာကြေမွမကွဲရင်တောင်မှ အခြေအနေဆိုးရွားစွာ အသဲရောဂါ ရနိုင်ပါတယ်။ ပြီးတော့ အဲဒီမူးယစ်ဆေးဝါးဟာ စိတ်ကျဝေဒနာသက်သာဆေးအစွမ်းကိုလဲ ခြေဖျက်တတ်ပါတယ်။ တစ်ခြားဆေးဝါးတွေကိုသောက်သုံးတဲ့အခါမှာလဲ ဘေးထွက်ဆိုးကျိုး အရမ်းတိုးပွါးလာစေပါတယ်။


ဆေးကို ခရန်းဘယ်ရီ (Cranberry)ဖျော်ရည်နှင့်သောက်သုံးခြင်း
သွေးကျဆေးကို ခရန်းဘယ်ရီဖျော်ရည်နှင့်သောက်သုံးလျင် သွေးမကျတဲ့အပြင် သွေးကို ပိုပြီး စီးဆင်းစေတတ်ပါတယ်။
.............................


ကျနော်ငယ်ငယ်တုန်းကနေမကောင်း အရမ်းဖြစ်ဖူးတယ်။ ခြူခြာတယ်။ အဲဒီတုန်းက အင်္ဂလိပ်ဆေး မြန်မာဆေး အမျိုးမျိုး သောက်သုံးခဲ့ရပါတယ်။ ပရတ်လေငန်းဆေးတို့ ဆင်တုံးမနွယ်ဆေးတို့ ပါရာစီတမော့တို့ ဘာမီတွန်တို့ ကရိုကွင်းတို့ စတဲ့ စတဲ့ ဆေးတွေ အမျိုးမျိုးပါဘဲ။ မြန်မာဆေးက အမှုန့်လေးတွေဆိုတော့ ရေဖျော်ပြီး သောက်ရတယ်။ အင်္ဂလိပ်ဆေးက အလုံးတွေဆိုတော့ ကျနော့်အမေက ဆေးလုံးကို စာရွက်ခေါက်ထဲ ထည့်ထားပြီး ပုလင်းဘူးနှင့်ကြိတ်ခွဲပေးတယ်။
ပြီးတော့ ရေကျက်အေးနှင့်တိုက်တယ်။

ကျနော် အကြောက်ဆုံးက ဆင်တုံးမနွယ်ဆေးဘဲ။ အရမ်းခါးတယ်။ အဲဒီဆေးတိုက်ရင် ကျနော် မသောက်ချင်ဘူး။
ဒါကြောင့်မို့ အမေက ထန်းလျက်ခဲကလေးတွေကို အဆင်သင့်ယူထားပေးတယ်။ ဆေးသောက်ပြီး ထန်းလျက်ခဲကို ကျနော်ယူစားလေ့ရှိတယ်။ လက်တစ်ဘက်က ဆင်တုံးမနွယ်ဆေး၊ ကျန်တဲ့ လက်တစ်ဖက် ထန်းလျက်ခဲ ကိုင်ထားတယ်။ ကျနော်ခါးမှာ စိုးလို့ အမေက စေတနာနဲ့လုပ်ထားပေးတာပါ။
အခုတော့ ကျနော် အဲဒီလို မဟုတ်တော့ပါဘူး။ ဆေးကို ဆေးသက်သက်ဘဲ ရေအေး (သို့) ရေနွေးနဲ့ဘဲ သောက်နေပါပြီ။

မိတ်ဆွေ ညီအစ်ကို နှမ အမများအားလုံးလဲ ဆေးသောက်ရင် (အထူးသဖြင့်တော့ ဓါတုဗေဒဆေးကိုသောက်တဲ့အခါ)အရသာခါးမှာကို ကြောက်လို့ အဖျော်ရည်တို့နှင့်ရောပြီး မသောက်တာ အကောင်းဆုံးပါဘဲ။

ဆရာဝန်တစ်ယောက်က ပြောဖူးတယ်။ အဖျော်ရည်မှန်ရင် ဘာအဖျော်ရည်မှ မကောင်းဘူး။ အာဟာရလဲ မဖြစ်ဖူး တဲ့။
ဒါ့ကြောင့် အဖျော်ရည်ကို အားရှိတယ်ထင်ပြီး အရမ်းမသောက်ကြဖို့လဲ ကျနော် အကြံပြုချင်ပါတယ်။

အားလုံး
အာလုံး ကျန်းမာ ချမ်းသာ အသက်ရာကျော်ရှည်ကြပါစေ။


မှတ်ချက်။
February, 2006 ထုတ် Reader's Digest: P 151- Don't Swallow Your Pills With....... ကို ဘာသာပြန်ပြီး ရေးသားပေးလိုက်ခြင်းဖြစ်ပါတယ်။