ဆရာတော် ခွဲပေး (ပိုင်းပေး)ထားခဲ့တဲ့ စာတွေ ကျက်အံပြီး အာဂုံရသွားတဲ့အခါမှာ ကျနော်တို့ အဖွဲ့ ဘောလုံး ခိုးကန်ကြတယ်။ ကိုရင်တွေရော ကျောင်းသားတွေရောပေါ့။ အဖိတ်နေ့ရောက်တဲ့အထိ ကျနော်တို့ မစောင့်နိုင်ကြတော့ဘူး။ ခိုးလုပ်ရတဲ့အရသာက သိပ်ပြီးကောင်းတယ်မဟုတ်လား။
(ဒါကြောင့်မို့ မိန်းမခိုးပြေး၊ ယောက်ျားနောက် ခိုးရာလိုက်ပြေးကြတယ်ထင်ပါရဲ့ ။ )
အဖိတ်နေ့ ဥပုသ်နေ့မှာ ဘောလုံးကစားရင် အပြစ်မရှိပေမဲ့ စာကျက်ရမဲ့ရက်တွေမှာ ခိုးကစားရင်တော့ ဆရာတော် ဒေါသချောင်းချောင်းထွက်လေ့ရှိတယ်။ ကျနော်တို့ကတော့ ဆရာတော်မရှိရင် ဘောလုံးခိုးကစားနေကြ။ ခေါက်ရိုးကျိုးနေပြီ။
နှစ်ရက်မြောက်နေ့မှာ ဆရာတော် ပြန်ကြွလာတယ်။ ကျနော်တို့ကတော့ ခပ်တည်တည်ပေါ့။
ခွဲပေးထားခဲ့တဲ့စာကလဲ ကျေညက်နေအောင် ကျက်ထားပြီးလေတော့ တာဝန်ကို ကျေပွန်စွာ ထမ်းဆောင်ပြီးတဲ့ ပုံစံနဲ့ပေါ့လေ။ ညဘက်မှာ ဆရာတော်ဆီ စာပြန်ရတယ်။ အားလုံး ချောချောမောမောပါဘဲ။ အိပ်ရာဝင်တဲ့အထိ အဆင်ပြေတုန်း။
"ဟေ့ကောင်....ကိုကိုမောင်.. ဒီဘက်ပေးခဲ့လေကွာ။ ကိုရင်တေဇနိယ ထွန်းမောင်ဘက် ကန်ပေးလိုက်....
စိန်ညွန့်... ဂိုးရှေ့ ဖြတ်တင်လိုက်... တင်ဌေး..... ခေါင်းတိုက်... ခေါင်းတိုက်လိုက်.. ဂိုး...ဂိုး..............."
အိပ်မက်ယောင်ပြီး တင်မောင်တစ်ယောက် အော်ဟစ်နေတဲ့အသံတွေပါ။ တစ်ကျောင်းလုံး ကြွက်ကြွက်ညံသွားတော့တာပါဘဲ။ ဒါပေမဲ့ သူက အိပ်ပျော်လို့ ကောင်းနေတုန်း။ နေ့လည်တုန်းက ဘောလုံးခိုးကစားခဲ့တဲ့ သူတွေရဲ့ နာမည်တွေကို တစ်ယောက်ချင်းစီ သူအော်ဟစ်နေလေရဲ့ ။
နောက်တစ်နေ့
ဆရာတော်က ကိုရင် ကျောင်းသားတွေအားလုံးကို သူ့ရှေ့ ခေါ်လိုက်တယ်။ ပြီးတော့ ကျန်တော်တို့ မထင်မှတ်တဲ့ စကားကို စပြောလိုက်တယ်။
"မနေ့က ဘောလုံးကန်တဲ့ကောင်တွေ ရှေ့ ကို လာခဲ့ကြ"
ကျနော်တို့ တစ်ယောက်မှ ဆရာတော်ရှေ့ ကို မသွားကြပါဘူး။ ကျနော်တို့ ဘောလုံးခိုးကစားတာကို ဆရာတော်သိမယ်လို့မှ မထင်ထားခဲ့တာကိုး။
"တင်မောင်... မင်းနှင့်အတူ ဘောလုံးကစားခဲ့တဲ့ကောင်တွေကို ခေါ်လိုက်"
တင်မောင်က ခပ်ကုတ်ကုတ်နှင့် ကြောင်ကြည့် ကြည့်နေတယ်။ ဘယ်သူ့ကိုမှလဲ မခေါ်ရဲဘူး။
"ကိုကိုမောင်၊ တေဇနိယ၊ စိန်ညွန့်.................... ရှေ့ ကို ထွက်ခဲ့"
စာရွက်ခေါက်ကလေးကို ကြည့်ပြီး ဆရာတော် ခေါ်လိုက်တယ်။ စာရင်းတွေက အတိအကျဘဲ။
ညတုန်းက တင်မောင် အိပ်မက် မက်ပြီး အော်ဟစ်နေတဲ့ နာမည်တွေ အားလုံးကို ဆရာတော် မှတ်ထားတာကိုး။ အတော်တော်တဲ့ ဆရာတော်ဘဲ။ ဒါကြောင့်လဲ ဆရာတော် ဖြစ်နေတာ။
လိမ်လို့မရတဲ့အဆုံး ကျနော်တို့လဲ ၀န်ခံလိုက်တယ်။ ဘောလုံးခိုးကန်တဲ့သူတွေအားလုံး ဆရာတော့်ကြိမ်လုံးအောက်မှာ... အား...အား.. နောက်မလုပ်တော့ပါဘူးဘုရား.... လို့ အော်ဟစ်ငိုယိုပြီး အလူးအလဲ ခံနေရရှာပါတော့တယ်။ ဆရာတော်လဲ အတော်လေး မောသွားပုံဘဲ။ ရေတစ်ခွက်ထသောက်လိုက်တာတွေ့ရတယ်။
ပြီးတော့ တစ်ချက်လွန်အမိန့်ချမှတ်လိုက်တယ်။
"ဘောလုံးခိုးကစားတဲ့သူတွေအားလုံး ထင်းခွဲ ရေခပ် ကျောင်းဝင်းသန့်ရှင်းရေးလုပ်"
တင်မောင်ရဲ့  အနုဘူတပုဗ္ဗအိပ်မက် ကောင်းမှုကြောင့် ကျနော်တို့တင်ပါးတွေမှာ အလျိုးရာတွေထင်ပြီး လူတွေလဲ ဖလက်ပြသွားကြတော့တာပါဘဲ။
အဲဒီအိပ်မက်မျိုးကို အနုဘူတပုဗ္ဗအိပ်မက်လို့ ခေါ်ဆိုပါတယ်။ ရှေ့ က ဖြစ်ပျက်ခဲ့တဲ့အာရုံတွေကိုယူပြီး မက်တဲ့ အိပ်မက် မှန်သမျှ အနုဘူတပုဗ္ဗအိပ်မက်လို့ မှတ်လိုက်ရုံပါဘဲ။ မိတ်ဆွေတို့လဲ အခုလိုမျိုး အိပ်မက် မက်ဖူးလိမ့်မယ်လို့ ကျနော်ယုံကြည်တယ်။ ကျနော်ကိုယ်တိုင်လဲ အနုဘူတပုဗ္ဗ အိပ်မက်တွေကို ရှယ်မက်ဖူးပါတယ်။ ဒါပေမဲ့ စာဖတ်သူတွေ ငြီးငွေ့သွားမှာစိုးလို့ မဖော်ပြတော့ပါဘူး။ ကျန်တဲ့ အိပ်မက် နှစ်ပါးအကြောင်းကိုဘဲ ဆက်ကြတာပေါ့။
(အိပ်မက် အမှတ် ၅ ဆက်ဖတ်ပါ)
No comments:
Post a Comment