အသက်ရှည်လိုသူများအတွက်... သုံးဆယ်... သုံးခါ

မအိုချင်ရင် သေရမယ်၊ မသေချင်ရင် အိုရမယ်။

ဒီလိုအတွေးအခေါ်တွေကို လက်ခံပေမဲ့
အသက်ရှည်ရှည်ကျန်းကျန်းမာမာနေရတဲ့လူကြီးတွေကိုတော့ အားကျမိသား။
အသက်ငယ်ငယ်နဲ့ အိုသွားကြတဲ့သူတွေ
အသက်ကြီးရက်သားနဲ့ နုပျိုနေဆဲသူတွေလဲ ဒီလောကမှာ ဒုနဲ့ဒေးပါ။

အသက် ၃၅နှစ်အရွယ် မောင်ပိုဆိုတဲ့လူအိုကလေးကို တွေ့ဖူးတယ်။ အိမ်ထောင်ကျလို့ အိုတယ်လို့ပြောတာမဟုတ်ပါဘူး။ သူ့ပုံစံကြည့်ရတာ တကယ့်ကို အသက် ၇၀ ကျော် အဖိုးအိုကြီးကို ကြည့်ရသလိုပါဘဲ။ သူလုပ်တဲ့ လုပ်ရပ်တွေကိုလဲ ကြည့်ဦးလေ။ အရက်သောက်တယ်၊ ခေါင်ရည်သောက်တယ်၊ ဆေးလိပ်သောက်တယ်။ ဆေးခြောက်သုံးတယ်။ အချိန်မှန်မှန် မအိပ်ဘူး မစားဘူး။

ဦးဘတင်ဆိုတဲ့ အသက် ၈၀ ကျော်လူကြီးတစ်ယောက်ကိုတွေ့ဖူးတယ်။ အသက်ကြီးပေမဲ့ မပျက်စီးသေးတဲ့ လူကြီးပေါ့။ သန်မာဖျတ်လတ်ဆဲပါဘဲ။ သူက စောစောအိပ် စောစောထပြီး လမ်းများများလျောက်တယ်။ အစားအသောက်မှန်တယ်။

ဦးဟန်ဆိုတဲ့ အသက် ၈၀ ကျော် လူကြီးတစ်ယောက်ကိုလဲ တွေ့ဖူးတယ်။ တက်တက်ကြွကြွနဲ့နုပျိုဆဲပါဘဲ။
သူက နောက်ကျမှအိပ်တယ် နေမြင့်မှထတယ်။ အလုပ်များများလုပ်တယ်။ တရားဘာဝနာပွါးများတယ်။

အမျိုးမျိုးပေါ့ဗျာ။ အိုပေမဲ့ပျို ပျိုပေမဲ့အိုဆိုတဲ့ကိစ္စရဲ့ နောက်ကွယ်မှာ အကြောင်းတွေကတော့ ရှိမြဲချည်းပါဘဲ။
......................................

ကျနော်ဖတ်ဖူးခဲ့တဲ့ စာအုပ်ထဲက အသက်ရှည်ပြီးကျန်းမာတဲ့နည်းလမ်းလေးကို တင်ပြချင်ပါတယ်။ လူပေါင်းထောင်ကျော်ကို သုတေသနလုပ်ပြီးမှ ဒီနည်းလမ်းလေးကို ဖော်ပြခဲ့တာပါ။
ဒီနည်းလေးအတိုင်း ကျင့်သုံးခဲ့ကြတဲ့ လူတွေထဲက ၈၀ ရာခိုင်နှုန်းလောက် အသက်ရှည်တာတွေ့ရတယ်လို့ဆိုပါတယ်။

နည်းလမ်းလေးကတော့......
သုံးဆယ်....သုံးခါ.. တဲ့။

၁။အိပ်ပျော်ရာကနိုးနိုးချင်းမထလိုက်ပါနဲ့။ စက္ကန့်သုံးဆယ်စောင့်ပြီးမှ ငုတ်တုတ်ထိုင်ပါ။
၂။ထိုင်ရာကချက်ချင်းမတ်တတ်မရပ်လိုက်ပါနဲ့။ စက္ကန့်သုံးဆယ်စောင့်ပြီးမှ မတ်တတ်ရပ်ပါ။
၃။မတ်တတ်ရပ်ပြီး ချက်ချင်းလမ်းမလျောက်လိုက်ပါနဲ့။ စက္ကန့်သုံးဆယ် စောင့်ပြီးမှ လမ်းစတင်လျောက်ပါ။

အဲဒီသုံးနည်းပါဘဲ။
တနည်းကို စက္ကန့်သုံးဆယ်၊ သုံးခါတိတိ လို့ဆိုထားတဲ့အတွက်
သုံးဆယ်... သုံးခါ လို့ နာမည်ပေးလိုက်တာပါ။

အသက်ပိုရှည်လိုတဲ့ မိတ်ဆွေများ....
သုံးဆယ်.. သုံးခါကို စမ်းသပ်ကြည့်စေချင်ပါတယ်။

ကျနော်ကိုယ်တိုင်ကတော့
နောက်ကျမှအိပ် နောက်ကျမှဘဲထပြီး
သုံးဆယ်.. သုံးခါ ကိုတော့ မကျင့်သုံးရသေးပါဘူးခင်များ။