သတို့သား သတို့သမီးလောင်းများ သိရှိရန်

"အမေ.. အဖေ..လာကြပါဦး... အမမရှိတော့ဘူး။ ဖိုးထောင်နောက်ခိုးရာလိုက်ပြေးသွားပြီထင်တယ်"

မိစံရဲ့ ညီမ မိကြည်ရဲ့  ညဥ့်နက်တစ်ကောင် အလန့် တကြား အော်ဟစ်သံ ကြောင့် တစ်အိမ်သားလုံး အိပ်ရာမှ
လန့် နိုးကြကုန်ကြတယ်။

"အိမ်တံခါးမကြီးတွေ အားလုံးပိတ်ထားတာဘဲ ဘယ်လိုနည်းနဲ့ လိုက်ပြေးသွားတာလဲ"
..............

ကျနော့်ညီမ၀မ်းကွဲတစ်ယောက်ပါ။ သူ့နာမည်က မိစံ။ ဖိုးထောင်နှင့်မိစံ ချစ်ကြိုက်နေကြတာကြာပြီ။ မိစံက ရိုးရိုးအေးအေး။ ဖိုးထောင်က သာမန်အချိန်မှာ ကောင်းသယောင်ရှိပေမဲ့ အရည်လေးပါးစပ်ထဲဝင်သွားရင် အတော်လေးဆိုးတဲ့ကောင်။ သောက်လိုက်တာကလဲလွန်ရော။ တခါတခါ တနေကုန်။
သွေးဆိုးတဲ့အပြင် အာဠာဝကဆေးပါ ထပ်ထိုးထားလိုက်သေးတယ်။ အဲဒီအရည်အချင်းတွေကြောင့် မိစံရဲ့ မိဘတွေက ဖိုးထောင်နှင့် လုံးဝ သဘောမတူ။

ချစ်သူတွေဆိုတော့လဲ အခက်သား။ မိစံကလဲ ဖိုးထောင်ကိုမှ မရရင် သေလုမတတ်။ ဖိုးထောင်ကလဲ မိစံကိုတန်းတန်းစွဲ။
မိစံရဲ့ မိဘတွေချုပ်ချယ်တဲ့ကြားက သူတို့နှစ်ယောက်ခိုးပြေးကြတယ်။ မိစံအိပ်ခန်းရှေ့ တည့်တည့်မှာ သရက်ပင်တစ်ပင်ရှိတယ်။ မိစံတစ်ယောက် မိသားစုအားလုံးအိပ်မောကျနေချိန်မှာ အိပ်ခန်းပြတင်းပေါက်ပေါ်တက်ပြီး သရက်ကိုင်းကို လှမ်းဆွဲတယ်။ သရက်ကိုင်းကမှတဆင့် သရက်ပင်ကိုကူးသွားတယ်။ အပင်အောက်မှာ ဖိုးထောင်က အဆင်သင့်။ နှစ်ယောက်သား စက်ဘီးတစ်လက်ကို အတူစီးပြီး ညတွင်းချင်း တခြားတရွာကို ခိုးပြေးကြတယ်။

တိုတိုဘဲပြောမယ်။ သူတို့နှစ်ယောက် စရိုက်ချင်းမတူတော့ ခဏခဏရန်ဖြစ်တယ်။ ဖိုးထောင်အရက်တွေပိုသောက်လာတယ်။
မိစံတစ်ယောက် မိဘအိမ်ပြန်လာနေတဲ့အကြိမ်ပေါင်းလဲ မနည်းတော့ဘူး။ နှစ်ဦးသဘောတူအိမ်ထောင်ပြုခဲ့ကြပေမဲ့ အသွင်မတူတော့ မကြာခဏပြဿနာတက်တယ်။ ကွဲလိုက် ပြန်ပေါင်းလိုက်နဲ့ ကလေးသုံးယောက်ရှိပြီ။ ရန်ဖြစ်လိုက် ပြန်ချစ်လိုက်နဲ့ မိစံခန္ဓာကိုယ်ပေါ်မှာ ဒဏ်ရာတွေလဲ မနည်းတော့ဘူး။ အခုထက်ထိ နေ့စဉ် အော်ဟစ်သံ ဆဲဆူသံတွေ သူတို့အိမ်က
ပျံ့ လွင့်ဆဲပါဘဲ။ သူတို့နှစ်ယောက်ကို တစ်ရွာလုံးက ဖယ်ကြဉ်ထားသလောက် ဖြစ်နေပါပြီ။
...........................

ဆိုလိုတာကတော့ သတို့သားဘဲဖြစ်ဖြစ် သတို့သမီးဘဲဖြစ်ဖြစ် အိမ်ထောင်ပြုတော့မယ်ဆိုရင် ကွာသုံးကွာ ပါသုံးပါ ချာသုံးချာ ဆိုတဲ့သဘောတရားလေးတွေကို နားလည်တတ်ဖို့အရေးကြီးပါတယ်။ အဲဒါလေးတွေကို ဓမ္မစာပေများမှထုတ်နှုတ်ပြီး ကျနော်တင်ပြလိုက်ပါတယ်။

ကွာသုံးကွာ
၁။တိုင်းပြည်နှင့်လူမျိုးကွာလျှင်
၂။အယူဘာသာကွာလျှင်
၃။စိတ်ဓါတ်ချင်းကွာလျှင်

ပါသုံးပါ
၁။အနာရောဂါပါလာလျှင်
၂။အကြွေးပါလာလျှင်
၃။အပိုစားမယ့်လူပိုတွေပါလာလျှင်

ချာသုံးချာ
၁။ပညာရေးချာလျှင်
၂။စီးပွါးရေးချာလျှင်
၃။လူမှုရေးချာလျှင်
....................

သတို့သားနှင့်သတို့သမီးအချင်းချင်း ကွာသုံးကွာ ပါသုံးပါ ချာသုံးချာထဲက တခုခုနှင့်ညှိစွန်းနေတယ်ဆိုရင်
တစ်ယောက်နှင့်တစ်ယောက် အိမ်ထောင်မပြုသင့်ပါဘူးလို့ ဆိုလိုက်ပါရစေ။