ဘီစီခြောက်ရာစုခန့်က အိန္ဒိယပြည်မှာ ထူးထူးခြားခြား အထူးပညာရှင်ကြီး တစ်ယောက် ပေါ်ပေါက်ခဲ့ဖူးတယ်။သူ့ငယ်နာမည်က သိဒ္ဓတ္ထတဲ့။ အမှန်တရားကို သိရှိဖို့  ခြောက်နှစ်တိုင်တိုင် သုတေသနလုပ်ငန်းကြီးကို ပြုလုပ်ခဲ့တယ်။
နောက်ဆုံးတော့လဲ အင်းကောင်းတစ်ကွက် ဆေးကောင်းတစ်စက် အကြံကောင်းတစ်ချက် ကံကောင်းတစ်သက် ဆိုသလို အောင်မြင်စွာနဲ့ဘဲ အမှန်တရားကို ဖော်ထုတ်နိုင်ခဲ့ပါတယ်။ အမှန်တရားကို သိရှိပြီးတဲ့နောက်မှာ သူ့ကိုယ်သူ ဘွဲ့ တံဆိပ်တစ်ခု အပ်နှင်းလိုက်တယ်။ (ဂေါတမ)ဗုဒ္ဓတဲ့။ သူဖော်ထုတ်ပြခဲ့တဲ့ အမှန်တရားက တစ်ပါးထဲမဟုတ်ဘူး။ လေးပါးကြီးများတောင်။
၁။ဖြစ်ပျက် မွေးသေ စတဲ့ ဆင်းရဲ
၂။ဆင်းရဲရဲ့ ရင်းမြစ်မူလ
၃။ဆင်းရဲမှရှောင်ကွင်းနိုင်ခြင်း
၎။ဆင်းရဲမှရှောင်ကွင်းရာလမ်းကြောင်း။
အဲဒီ အမှန်တရားလေးပါးကိုသိဖို့ ဒီဘ၀မှာတင် ခြောက်နှစ်တိုင်တိုင်ရှာကြံခဲ့ရတာ။ သုတေသနလုပ်ခဲ့တဲ့ အတိတ်ဘ၀တွေပါပေါင်းလိုက်ရင် လေးသင်္ချေနှင့်ကမ္ဘာတစ်သိန်း။ သူ့ရဲ့ ဘ၀ပေါင်းများစွာ ပြုလုပ်ခဲ့တဲ့သုတေသနလုပ်ငန်းကြီးအတွင်းမှာ စည်းစိမ်ဥစ္စာရတနာကို မဆိုထားနဲ့ သားသမီးဇနီးကြင်ယာ ခြေလက်အင်္ဂါ မျက်စိ (ယုတ်စွအဆုံး) အသက်ပါ အဆုံးခံခဲ့ရတဲ့ ဘ၀ပေါင်းကလဲ အများကြီး။ တကယ်ကို လေးစားစရာကောင်းတဲ့ ပုဂ္ဂိုလ်ကြီးပေါ့ဗျာ။ ဟုတ်တယ်လေ။ ခင်များတို့ ကျနော်တို့ Master လေး Doctorate လေးရဖို့ လေးငါးနှစ်ကလေး သုတေသနစာတမ်းပြုစုရတာကိုတောင် အသက်ထွက်မတတ်ညီးညူခဲ့ကြတာမဟုတ်လား။
...................................
အမှန်တရားလေးပါးကိုတော့ အကျယ်ချဲ့ လို့မရေးတော့ပါဘူး။ လေးပါးထဲဆိုပေမဲ့ အကျယ်ချဲ့ လိုက်ရင် ရေကန်ပေါင်း ရှစ်သောင်းလေးထောင် ရေတွင်းပေါင်း ရှစ်သောင်းလေးထောင် ဖြစ်ကုန်မှာစိုးရိမ်ရတယ်။
လောကဥပမာလေးတစ်ပေးမယ်။
အလွန်တစ်ရာလှပသဘောကောင်းချောမွတ်နူးညံ့တဲ့ မိန်းခလေးတစ်ယောက်ကို ခင်များကြိုက်မိပြီဆိုပါတော့။
သူ့ကိုချစ်နေကြိုက်နေတဲ့အတွက် သူ့အတွက်စိတ်ပူရမယ်။ ကြော်တော့လှေသူကြီး ညားတော့လှေထိုးသားဖြစ်မှာ လဲစိုးရိမ်ရပြန်ရော။ ရည်စားလူလု အူနုကျွဲခတ်ဆိုသလို သူများလက်ထဲရောက်သွားမှာလဲ စိုးရိမ်ရ။ နေထိုင်မကောင်းဖြစ်မှာလဲ ပူပန်ရ။ အိပ်လို့ မရတဲ့ ညပေါင်းတွေလဲ မရေတွက်နိုင်။ အဲဒါ အားလုံးဒုက္ခတွေချည်းဘဲ။
အဲဒီကောင်မလေးက ညကလပ်တက်မယ်။ ရှုပ်မယ်။ ပွေမယ်။ ဘာမှလေးလေးနက်နက်မထားဘူး။ ငွေအသုံးအဖြုန်းကြီးမယ်။ ပထမကတော့ ချစ်လွန်းလို့ စိတ်ဆင်းရဲရတာပေါ့။ နောက်ကြာလာတော့ ဒီကောင်မလေးကိုချစ်နေလို့ ဘာမှမထူးပါဘူးလေ။ မေ့ပစ်လိုက်တာဘဲကောင်းပါတယ်။ လမ်းခွဲလိုက်တာဘဲကောင်းပါတယ်ဆိုပြီး။ ခင်များလမ်းခွဲလိုက်မယ်။
နောက်တော့
ယဉ်ကျေးသိမ်မွေ့ပြီး တည်ငြိမ်မှုအပြည့်ရှိတဲ့ မိန်းခလေးတစ်ယောက်ကို ခင်များတွေ့မယ်။ တိုတိုပြောရရင် အဲဒီမိန်းခလေးနဲ့ဘဲ လက်ထပ်ပြီး အေးအေးချမ်းချမ်းနှင့် ဘ၀သစ်တစ်ခုထူထောင်လိုက်ကြမယ်။ အိမ်ထောင်ရေးသုခ ပြည့်ပြည့်၀၀ဘဲပေါ့။
ဆိုလိုတာက
၁။ပထမရည်းစားအတွက်စိတ်ဒုက္ခရောက်ခဲ့ရတယ်။ အဲဒါ ဆင်းရဲ။
၂။သူ့ကိုချစ်ကြိုက်ခဲ့တယ်။ အဲဒါ ဆင်းရဲရဲ့ ရင်းမြစ်မူလ။
၃။ဒုတိယရည်းစားအတွက် စိတ်ချမ်းသာခဲ့ရတယ်။ အဲဒါ ဆင်းရဲမှရှောင်ကွင်းနိုင်ခြင်း။
၎။ပထမရည်းစားကိုပစ်ပြီး ဒုတိယရည်းစားကို လက်ထပ်ခဲ့တယ်။ အဲဒါ ဆင်းရဲမှရှောင်ကွင်းရာ လမ်းကြောင်း။
အဲဒီလို လွယ်လွယ်လေးဘဲ မှတ်ထားလိုက်ပေါ့ဗျာ။ ဥပမာပေးရုံပေးတာပါ။ အဓိပ္ပါယ်ကတော့ တခြားစီဘဲ။
.........................................
ဗုဒ္ဓလောက်တော့ ဘယ်သူကမှ မကြိုးစားနိုင်ဘူး။ ဘာဖြစ်လို့လဲဆိုတော့ ဖြစ်ချင်တဲ့စိတ်ဆန္ဒ သူ့လောက် ဘယ်သူမှ မပြင်းပြကြလို့ဘဲ။ ဒါပေမဲ့ သူ့ကို အားကျ အတုယူသင့်တယ်။
အမှန်တရားလေးပါးကို သိဖို့အတွက် ကမ္ဘာပေါင်းများစွာ နှစ်ပေါင်းများစွာမှာ အသက်သွေးချွေးပေါင်းများစွာ ပေးဆပ်ခဲ့တယ်မဟုတ်လား။
ဒီတော့
ကျနော်တို့ ဖြစ်ချင်တဲ့ ရည်ရွယ်ချက်တစ်ခုကို ရရှိဖို့ကြိုးစားနေတဲ့အခါမှာ....
အိပ်ရေးပျက်တာလေးကို ညီးညူနေကြမှာလား
အစားအသောက်ပျက်တာလေးကို ပုံကြီးချဲ့ နေကြမှာလား
ညောင်းကိုက်အောင်ထိုင်နေရတာလေးကို ပင်ပန်းတယ်လို့ထင်နေကြမှာလား
စရိုက်ချင်းမတူတဲ့သူတွေနှင့်ဆက်ဆံနေရတာကို စိတ်ညစ်နေကြမှာလား
လုပ်ငန်းကို မနိုင်မနှင်းဖြစ်တဲ့အခါ သေဘဲသေလိုက်ချင်တော့တယ်လို့ ညီးတွားနေကြမှာလား
လုပ်ငန်းအတွက်ပြေးရလွှားရလုပ်ရတာလေးကို သေလုမတတ်မြည်တွန်နေကြမှာလား
ပညာရှင်ကြီး ဂေါတမဗုဒ္ဓကြားသွားရင် ပြုံးတော်မူလိမ့်မယ်နော်။
သူကိုယ်တိုင်က အမှန်တရားကို သိရှိဖို့အတွက် နှစ်ပေါင်း ကုဋေကုဋာချီပြီး သုတေသနလုပ်ငန်းကြီးကို အသက်ရင်းပြီး ပြုလုပ်ခဲ့တာ။ ဒါကြောင့်မို့ ကျနော်တို့ ပါးစပ်ဖျားမှာ အမှန်တရားတွေ ရေပန်းစားနေတာပေါ့ဗျာ။
ကျနော်တို့လဲ
သူ့ဆီက ၀ီရိယလေးကို တစိတ်တဒေသ(အပုံအသင်္ချေပုံ တစ်ပုံ)လောက် ယူကြရအောင်လား။
1 comment:
Thanks you so much. I'll remember these words whenever I want to give up something.
Thanks as well for the explanation abuut 'The Four Noble Truths'.
Actually you make 'The Lord Buddha', to become friendly to us.
Really thanks for that.....
Post a Comment