အများအတွက် ကိုယ်ကဘာလဲ?

"Ask not what your country can do for you;
ask what you can do for your country"
"သင့်အတွက်သင့်နိုင်ငံက ဘာလုပ်ပေးနိုင်လဲလို့ မမေးပါနဲ့။ သင်က သင့်နိုင်ငံအတွက် ဘာလုပ်ပေးနိုင်လဲလို့ဘဲမေးပါ"
၂၀.၁.၁၉၆၁ သောကြာနေ့မှာ ပြောခဲ့တဲ့ ၃၅ဆက်မြောက် အမေရိကန်သမ္မတ John F. Kennedy (ဂျွန်ကနေဒီ)ရဲ့  မိန့်ခွန်းလေး တစ်ခုပါ။
...............................

အများအားဖြင့်တော့ လူတွေဟာ အသိဥာဏ်ရှိပြီး ထက်မြက်မှုတွေ တီထွင်ကြံဆမှုတွေ စဉ်းစားတွေးခေါ်မှုတွေရှိတဲ့အတွက် တိရစ္ဆာန်တွေထက် ဘ၀အဆင့်အတန်းမြင့်မားကြပါတယ်။ ဒါပေမဲ့ လူတွေမိုက်မဲ ကောက်ကျစ်ပြီဆိုရင် တိရစ္ဆာန်တွေထက် အဆထောင်သောင်းမက ပိုပြီးဆိုးဝါးညစ်ပတ်တတ်ကြပါတယ်။

ကျားဟာ သားစားသတ္တ၀ါဖြစ်တဲ့အတွက် သူစားဖို့ သူ့အင်အားကိုသုံးပြီး သားကောင်တွေလိုက်ဖမ်းကိုက်တတ် စားသောက်တယ်၊ ဒါပေမဲ့ သဘာဝရင်းမြစ်သယံဇာတကို မဖျက်ဆီးကြပါဘူး။

သမင်ဟာ သစ်ရွက် မြစ်ပင်ကိုသာ စားတဲ့အတွက် မြက်ပင် သစ်ပင်ကလေးတွေကို ကိုက်ဖြတ်စားသောက်တယ်။ ဒါပေမဲ့ ဘယ်သူ့ကိုမှ အန္တရာယ်မပေးပါဘူး။

ဒီ့ပြင်မက ဥပမာတွေ အများကြီးရှိပါသေးတယ်။ တိရစ္ဆာန်တွေဟာ သူ့ တို့လိုအပ်ချက် (need)အရ သူတို့လုပ်လိုက်ကြတာဘဲရှိတယ်။ သူတို့မှာ လိုချင်မှု(want)အတွက်နဲ့ ဘယ်သူ့ကိုမှ ဒုက္ခမပေးပါဘူး။
သူတို့ဗိုက်ပြည့်ရင် အေးအေးဆေးဆေးဘဲ နေတတ်ကြတယ်။
.............................

လူတွေက အဲဒီလိုမဟုတ်ကြဘူး။ Need နှင့် Want ကို မခွဲတတ်ကြဘူး။ များသောအားဖြင့် Want လို့ခေါ်တဲ့ Desire အတွက်ဘဲ ပင်ပန်းခံပြီး ဥစ္စာရဖို့ အမဲလိုက်ရှာသလို သဲသဲမဲမဲ ရုန်းကန်နေကြတယ်။ ဒါပေမဲ့ လိုချင်မှုတွေ ပြည့်ဝသွားတယ်လို့ ဘယ်တုန်းကမှ မရှိခဲ့ပါဘူး။ သူငယ်ချင်းတစ်ယောက်ပြောတာဘဲ အမှတ်ရမိတယ်--
မလိုချင်တော့ဘူးဆိုရင် အရာအားလုံးပြည့်စုံသွားပြီတဲ့။
.............................

အလုပ်လုပ်စရာမရှိရင် အတင်းအဖျင်းတွေထိုင်တုတ်တတ်ကြတယ်။ အတင်းဆိုမှတော့ သူများမကောင်းကြောင်း ကိုယ်ကောင်းကြောင်းတွေပေါ့။ ကိုယ်ရည်တွေးတတ်ကြတာ လူ့သဘာဝဘဲလေ။ တိရစ္ဆာန်တွေမှာ ကိုယ်ရည်တွေးတတ်ကြတယ်လို့ ဘယ်ဇာတ်တော် နိပါတ်တော်တွေထဲမှာမှ မဖတ်ခဲ့ဖူးပါဘူး။

လူသိရှင်ကြားအိမ်ထောင်ရေးဖောက်ပြန်ပြီးအလေလိုက်နေတဲ့ အမျိုးသမီးတစ်ယောက် တွေ့ဖူးတယ်။ သူက ရုံးတစ်ရုံးမှာ အလုပ်လုပ်တယ်။ ဒါပေမဲ့ တစ်ရက်ကို ပုတီးကိုးပတ်လောက် သူစိပ်တယ်။ အရဟံဂုဏ်ပွါးပြီးပုတီးစိပ်တာဆိုဘဲ။ တနေ့.. ရုံးမှာ ပြဿနာတစ်ခုပေါ်တယ်။ သူအလုပ်ပြုတ်လုလုအခြေအနေအထိ ပြဿနာကကြီးမားတယ်။ အဲဒီအချိန်မှာ သူညည်းညူသံလေးကြားပြီး ကျနော် မပြုံးဘဲ ၀ါးလုံးကွဲ ရယ်လိုက်မိတယ်။
"ဒီလောက်ကုသိုလ်ကောင်းမှုတွေလုပ်နေတာ၊ ဘာဖြစ်လို့ပြဿနာတွေ ငါ့ဆီလာနေရတာလဲ"တဲ့။
....................

လူတွေဟာ ကိုယ့်အတွက်ဘဲ ကြည့်တတ်ကြတယ်။ ကိုယ်လုပ်တဲ့အလုပ်မှကောင်းတယ်လို့ထင်တတ်ကြတယ်။
ဥစ္စာရှိတဲ့သူက ဆင်းရဲတဲ့သူတွေကို အထင်သေးတယ်။ ပညာရှိတဲ့သူတွေက ပညာမဲ့တဲ့သူတွေကို ခက်မာမာဘဲ။
ပြီးတော့...
ဘယ်သူက ဘာဖြစ်လို့ ဘာဖြစ်သွားတာပါ။
ငါက ဘာဖြစ်နေလို့ ဘာဖြစ်သွားရတာ။
တကယ်ဆို ငါက ဘာဖြစ်သင့်တာပေါ့။
ငါကူညီထားလို့ ဒီကောင်ကြီးပွါးနေတာ။ ငါ့ကိုပြန်ပြီးကြည့်သင့်တာပေါ့။ ခုတော့ ဒီကောင် ဘ၀မေ့သွားပြီ။
ငါက သူ့အတွက် ဘယ်လောက်ထိလုပ်ပေးခဲ့ရတာ။
အဲဒီလို စကားတွေလဲ မကြာမကြာရက်ကွက်ထဲမှာ ကြားနေရတယ်။

အဲဒီလို လူတွေမျိုးအတွက် ကျနော် ဂျွန်ကနေဒီ ရဲ့ စကားလေးကို
အတုယူပြီး ဒီလိုလေး ပြောလိုက်ချင်ပါတယ်။
"Ask not what others can do for you;
ask what you can do for others"
သူများကကိုယ့်အတွက်ဘာလုပ်ပေးနိုင်သလဲလို့ မမေးနဲ့။
ကိုယ်က သူများအတွက် ဘာလုပ်ပေးနိုင်သလဲလို့ဘဲ (ကိုယ့်ကိုကိုယ်) မေးကြည့်ပါ။