Tuesday 28 October 2008

ခေါင်းစဉ်ပျောက်နေတဲ့ စာတစ်ပုဒ်



ကြုံတုန်း
ကျနော် ရိုးအခဲ့တဲ့အကြောင်းလေးပြောပြရဦးမယ်။ တောသားဆိုတော့ ရိုးအချက်ကတော့ ကမ်းကုန်ပေါ့ဗျာ။
မြို့ ကြီးသားတွေကို အထင်ကြီးတတ်တဲ့ ရောဂါလဲ ကျနော့်မှာ စွဲကပ်နေတော့ ပိုဆိုးတာပေါ့။

ရန်ကုန်ဆိုတာ ကြားရုံကြားဖူးတာ ဘယ်နေရာမှာတည်ရှိနေမှန်းကောင်းကောင်းသိတာမဟုတ်ဘူး။
မှတ်မိသေးတယ် ကျနော်ရန်ကုန်ကို စရောက်ဖူးကာစတုန်းကပေါ့။ သူငယ်ချင်းတစ်ယောက်က အင်္ဂလိပ်စာသင်တန်း တက်နေတယ်။ အင်္ဂလိပ်စာဆိုကထဲက ကျနော်က အထင်ကြီးပြီးသား။ ကိုယ်မှ မတတ်တာကိုး။ ဒါပေမဲ့ အခြေခံအင်္ဂလိပ်စာကိုတော့ သင်ထားဖူးတယ်။

"ငါ U.M.A မှာ အင်္ဂလိပ်စာတက်နေတာ"
သူက ဂုဏ်ယူဝင့်ကြွားစွာနဲ့ဘဲ ပြောတယ်။ ကျနော်ကလဲ U ဆိုတဲ့ စာလုံးပါနေမှတော့ University တစ်ခုခုဖြစ်ရမယ်ဆိုပြီး ကျနော်တတ်ထားသလောက်တွေးကြည့်လိုက်တယ်။ သေချာမေးကြည့်လိုက်တော့မှ U.M.A ဆိုတာ U Mya Aung (ဦးမြအောင်)ကိုပြောတာတဲ့။ ဆရာကြီးဦးမြအောင်သင်ပေးတဲ့ သင်တန်းကို U.M.A လို့နာမည်မှဲ့ထားတာပါတဲ့ခင်များ။
.................................

ဒီအကြောင်းကို တခြားသူငယ်ချင်းတစ်ယောက်ကို ပြောပြလိုက်တဲ့အခါမှာ "မင့်ဟာက ငါတွေ့ ဖူးတဲ့ ဟို လူတစ်ယောက်လို ဖြစ်နေပြီ" လို့ဆိုပြီး အဲဒီလူအကြောင်းကို ပြောပြတယ်။

ဘယ်ကိုဘဲသွားသွား ဂျတ်ကော့လွယ်အိတ်ကြီးတကားကားလွယ်ပြီး လျောက်သွားနေတဲ့လူတစ်ယောက်ရှိတယ်။
အဲဒီလွယ်အိတ်ပေါ်မှာ M.B.B.S ဆိုတဲ့ စာလုံးကို ကင်းချေလိုက်ပြီးထိုးထားတယ်။ တစ်နေ့မှာ လမ်းလျောက်ရင်း လူတစ်ယောက်က သူ့ကိုအကူအညီတောင်းတယ်။
"ဆရာရယ်.. အိမ်ထဲခဏ၀င်ပြီး ကျနော့်အမျိုးသမီးကိုကြည့်ပေးပါ၊ အရမ်းနေမကောင်းဖြစ်နေလို့ပါ"

"ဟာ.. ငါက ဘုရားသွားမလို့ကွ။ လူနာအတွက် ဒေါက်တာသွားခေါ်ပေါ့"

"ဆရာက ဒေါက်တာမဟုတ်ဘူးလား"

"ပေါက်ပေါက်ရှာရှာ မောင်ရင်ရာ၊ ငါက လက်သမားဆရာကွ။ အခု အလုပ်ပြတ်တုန်းလေး ဘုရားသွားမလို့။ ငါ့လွယ်အိတ်ထဲမှာလဲ ပုတီးနှင့်ဘုရားရှိခိုးစာအုပ်ဘဲရှိတယ်"

"ဒါဖြင့် ဘာဖြစ်လို့ M.B.B.S ဆိုပြီး ဒေါက်တာဘွဲ့ကို ဆရာ့လွယ်အိတ်မှာရေးထားရတာလဲ"

"ဟ.... ကောင်လေးရ.. အဲဒါဒေါက်တာဘွဲ့မဟုတ်ဘူးကွ။ ငါ့နာမည်ကိုရေးထားတာ။ မသိရင်လဲ မှတ်ထားလိုက်ဦး ငါ့နာမည်က မောင်ဘိုဘိုစိန်" လို့ပြောလိုက်သတဲ့။
....................

ကျနော် လန်ဒန်ရောက်ခါစတုန်းကလဲ တောသား ရန်ကုန်တက်လာသလိုမျိုးနှင့်ခပ်ဆင်ဆင်။
မသိတာတွေကများ၊ အရင်ရောက်တဲ့သူတွေကလဲ ကြားဖူးနားဝနဲ့ရှင်းပြဆိုတော့ မျက်စိခပ်လည်လည်ရယ်။

တစ်နေ့
လန်ဒန်မြို့ ထဲ သူငယ်ချင်းတွေနဲ့လျောက်လည်ကြတယ်။ လန်ဒန်မြို့ အနှံ့ နေရာတော်တော်များများမှာ CCTV ဆိုတဲ့စာလုံးတွေ အများကြီးတွေ့တယ်။ သိတယ်မဟုတ်လား ကျနော် မောင်စပ်စုလေ။ ဘယ်ရမလဲ။ လန်ဒန်ကို အရင်ရောက်နေတဲ့ သူငယ်ချင်းတစ်ယောက်ကို မေးကြည့်လိုက်တယ်။ CCTV ဆိုတာ ဘာလဲပေါ့။ ရှင်းရှင်းပြောရရင် ကျနော်က CCTV ကို တရုတ်ရုပ်မြင်သံကြားအသံလွင့်ဌာနလောက်ဘဲ သိတာ။

Criminal Control TV (ပြစ်မှုတားဆီရေးရုပ်မြင်သံကြားကင်မရာ)ကို ခေါ်တာပါတဲ့။
ယုတ္တိရှိတဲ့အတွက် ယုံလိုက်တယ်။ CCTVဆိုတဲ့ ကင်မရာကြီးတွေလဲ တပ်ဆင်ထားတာကိုး။
.......................

နောက်တနေ့
မြေအောက်ရထားပေါ်မှာ သူငယ်ချင်းတစ်ယောက်က ကျနော့်မျက်နှာကိုကြည့်ပြီး ပြောတယ်။
"ကိုကိုမောင်... မင့်မုတ်ဆိတ်နှင့်နှုတ်ခမ်းမွေးတွေ ရိတ်ပစ်လိုက်ရင် ပိုကောင်းမယ်။ အဲဒါတွေ ရှိနေတာ လူကြီးလူကောင်းမဆန်ဘူး"

ကျနော်လဲ အိမ်ပြန်ရောက်ရောက်ချင်းဘဲ မုတ်ဆိတ်ကျင်စွယ် နှုတ်ခမ်းမွေး အကုန်ရိတ်ပစ်လိုက်တယ်။
........................

နောက်သူငယ်ချင်းတစ်ယောက်က လူတွေရှေ့ မှာ စကားကျယ်ကျယ်မပြောရဘူး။ ရိုင်းတယ်ဆိုလို့ မြို့ ထဲသွားရင် ပါးစပ်ကပိတ်ပြီးသား။
နောက်တစ်ယောက်က ဘယ်ကိုဘဲသွားသွား ခြေအိတ်စွပ်ပြီးသွား။ ခြေအိတ်မစွပ်ရင် လူယဉ်ကျေး မဟုတ်ဘူး လို့ ပြောတဲ့အတွက် နေဘယ်လောက်ဘဲ ပူပူ ကျနော်ကတော့ ခြေအိတ်စွပ်ပြီး လန်ဒန်မြို့ ကြီးကို လှည့်လည်တာပေါ့ဗျာ။ စီနီယာတွေပြောတဲ့စကားတွေကို မြေ၀ယ်မကျပါဘဲ။
..........................

အခုဆိုရင်
ကျနော် လန်ဒန်ရောက်တာ တစ်နှစ်ပြည့်ခါနီးပြီ။
CCTV ဆိုတာ Closed-circuit TV (ကင်မရာနဲ့ ရိုက်ပြီး Main station ဆီကို ၀ါယာနှင့်ပို့လွတ်တဲ့ကိရိယာ)ကို ခေါ်တယ်ဆိုတာလဲ သိသွားပြီ။
မုတ်ဆိတ်ကျင်စွယ်နှုတ်ခမ်းမွေး ဗလဗျစ်နဲ့လူတွေကိုလဲ မကြာမကြာရထားပေါ် ကားပေါ်တွေမှာ တွေ့ ဖူးပြီးပြီ။
လူကြပ်ကြပ်မြေအောက်ရထားပေါ်မှာ စကားတွေ ခုနစ်အိမ်ကြား ရှစ်အိမ်ကြား အော်ပြောနေကြတဲ့ လူတွေကိုလဲ တွေ့ ဖူးပြီးပြီ။
ခြေအိတ်လုံးဝမစွပ်ဘဲ လမ်းလျောက်နေတဲ့လူတွေလဲ အသင်္ချေ အနန္တ။
................................

ကျနော်ဘာတွေရေးနေမှန်း မသိတော့ဘူး။ ဘယ်လိုခေါင်းစဉ်တပ်ရမယ်ဆိုတာလဲ စဉ်းစားလို့မရသေးဘူး။
ဒီတော့.... မိတ်ဆွေများ အားလပ်ရင် ကျနော့်ကို ကူညီပြီး ဒီစာတစ်ပုဒ်အတွက် ခေါင်းစဉ်တပ်ပေးကြပါလား။
ကျေးဇူးပါဘဲဗျာ။ ။

No comments: