သူဌေးဖြစ်ခါနီးကျနော်

ကျနော်က လူကောင်သေးပေမဲ့ လမ်းလျောက်ရတာ အားစိုက်ပြီးအလုပ်လုပ်ရတာတွေ အရမ်းကြိုက်တယ်။ ဘာမှလုပ်စရာမရှိရင် ကျနော့်အိမ်မှာ လေ့ကျင့်ခန်းလုပ်နေလေ့ရှိတယ်။

မနေ့ကပေါ့။
နေရောင်ခြည်လေးပွင့်တုန်း လေကောင်းလေသန့်လေးရှူရှိုက်ရင်း တစ်ယောက်ထဲ လမ်းထွက်လျောက်ဖြစ်တယ်။ လမ်းလျောက်ရင်း လမ်းပျောက်သွားတဲ့အတွက် ညနေ နေ၀င်တဲ့အထိ ဘယ်ဘက်ကို ဦးတည်သွားနေမှန်း ကျနော်ကိုယ်တိုင်မသိတော့ဘူး။ သူငယ်ချင်းတွေဆီ ဖုန်းဆက်မယ်လုပ်တော့လဲ ကျနော့် Moblieက ဘက်ထရီ ဒေါင်းနေပြီ။ ဒုက္ခဘဲ... မိုးအရမ်းချုပ်သွားပြီ။
လျပ်စစ်မီးတွေ လင်းထိန်နေကျမြို့ တော်ဖြစ်ပေမဲ့ ဒီနေ့ ဘာဖြစ်လို့ လျပ်စစ်မီးရောင်ကို မတွေ့ရတာပါလိမ့်။

လပြည့်ကျော်ရက်ပိုင်းတွေဆိုတော့ လရောင်ကလုံးဝမရှိ။ ကြယ်ရောင် ဖျော့တော့တော့အောက်မှာဘဲ မျက်စိကိုဖွင့် နားကိုစွင့်ပြီး ဆက်လျောက်ရင်း ကျနော် လျောက်လာတဲ့လမ်းက နှစ်ခွဖြစ်သွားတယ်။ ဘုရား.. ဘုရား.. ဘယ်လမ်းကိုရွေးပြီးသွားရပါ့မလဲ။ ငယ်ငယ်တုန်းက ကြားဖူးတယ် လမ်းမသိရင် ဘယ်ဘက်လမ်းကိုရွေးချယ်ပါတဲ့။ ဟုတ်ပြီ ကျနော် ဘယ်ဘက်ကိုသွားတဲ့ လမ်းကိုဘဲ ရွေးချယ်ပြီး ဆက်လျောက်သွားလိုက်တယ်။

ဒီအတိုင်းထင်ရာအရပ်ကို ရမ်းလျောက်သွားနေလို့တော့ မဖြစ်ချေဘူး။ ကြာလာရင် ပျောက်သောလမ်းမှာ စမ်းတ၀ါးဝါးဖြစ်နေရင် ဒုက္ခ။ တွေ့တဲ့သူဆီမှာ အကူအညီတောင်းမှ ဖြစ်တော့မယ်။ ဟာ.. ဟိုရှေ့ မှာမီးရောင်မြင်တယ်။ ဟန်ကျလိုက်တာ။ သေချာကြည့်လိုက်တော့မှ အိမ်ပြတင်းပေါက်တစ်ခုက လျံကျလာတဲ့ ဆီးမီးရောင်။ မတတ်နိုင်ဘူး။ အိမ်ထဲဝင်ပြီး အကျိုးအကြောင်းပြောပြမှဖြစ်တော့မယ်။

အိမ်ဝင်းထဲဝင်လိုက်တဲ့ အခါမှဘဲ ရဲတိုက်အိုကြီးဖြစ်နေမှန်းသိတော့တယ်။ ကြယ်ရောင်မှုန်ဝါးဝါးအောက်မှာ ရဲတိုက်အိုကြီးကထီးထီး။ ပေါင်းမြက်နွယ်သစ်ပင်တွေ ရဲတိုက်နံရံတစ်ခုလုံးကို ရစ်တွယ်နေကြတယ်။

ဒေါက် ဒေါက်...
ကျနော်တံခါးခေါက်လိုက်တယ်။ မကြာလိုက်ပါဘူး။ ကျလိ ဆိုတဲ့ အသံရှည်ကြီးမြည်ပြီး ဧရာမသစ်သားတံခါးကြီးပွင့်သွားတယ်။

အစ်...အစ်.. ရှဲ... ရှဲ..
တံခါးဖွင့်လိုက်ပြီဆိုရင်ဘဲ လင်းနို့အော်သံ ဟိုမှဒီမှ ပျံသန်းသံတွေကြားလိုက်ရတယ်။ ထွီး... နံလိုက်တဲ့ လင်းနို့ ချေး။

ဝုတ်..၀ုတ်..၀ုတ်
ရဲတိုက်ကြီးအတွင်းက ခွေးဟောင်သံထွက်ပေါ်လာတယ်။ အသံကြီးက ကြက်သီးထချင်စရာ။

တံခါးဖွင့်ပေးတဲ့သူကို သေချာကြည့်လိုက်တယ်။ အဖြူရောင်မုတ်ဆိတ်မွေးနှင့်ပါးသိုင်းမွေးတွေရောယှက်နေတဲ့ အဖိုးအိုကြီးတစ်ယောက်။ သူ့လည်ပင်းမှာ ပုတီးနက်ကြီးတစ်ကုံး။ သူ့အနားမှာက သွားရည်တမြားမြားနဲ့ခွေးနက်ကြီးတစ်ကောင်။ ခွေးချည်ထားတဲ့ကြိုးကို သူကိုင်ထားတယ်။ သူ့မျက်နှာမှာက ရင့်ကျက်မှုတွေအထင်းသား။ အသက်က အတော်လေးကြီးနေပြီ။ ကြည့်ရတာ သူတစ်ယောက်ထဲ ဒီရဲတိုက်ကြီးထဲနေပုံရတယ်။ တော်တော်သတ္တိကောင်းတဲ့လူကြီးဘဲ။ ကျနော် ကျိတ်ပြီးချီးကျူးမိတယ်။ ကျနော်ကတော့ ကျောထဲခပ်စိမ့်စိမ့်။

Please come in , my guy= ဟေ့ကောင်လေး.. ၀င်ခဲ့လေ။
ကျနော်ဝင်သွားလိုက်တယ်။ အမည်ဖော်လို့မရတဲ့ ရုပ်တုကြီးတစ်ခုရှေ့ မှာ ဆီးမီးခွက် သုံးခုထွန်းတာတွေ့ရတယ်။

မောင်ရင်လာမှာကြိုသိလို့.. တမင်စောင့်နေတာ..

ခင်မျာ... ဘယ်လို..

ကဲ.. ကဲ ခင်မျာတွေလုပ်မနေနဲ့ ၊ ထိုင်ပြီးမှ ပြောကြတာပေါ့။

ကျနော်က လမ်းမှားပြီး မျက်စိလည်နေလို့ လာအကူအညီတောင်းတာပါ ခင်မျာ။

ငါသိပါတယ်ကွ၊ ငါကလဲ မင်းကို ကူညီရအောင်လို့ စောင့်နေတာ။ ကဲ ပြောနေတာကြာတယ်။ မင်းအင်္ကျီတွေချွတ်လိုက်စမ်း။
ငါ မင်းရဲ့ ကျောပြင်ကိုကြည့်ချင်တယ်။

ကျနော်လဲ ကူရှင်ပြတ်တစ်ခုပေါ် ထိုင်ချလိုက်ပြီး ခပ်ကြောက်ကြောက်နဲ့ ဘဲ အင်္ကျီတွေ အကုန်ချွတ်ပစ်လိုက်တယ်။ အေးလိုက်တာဗျာ မပြောပါနဲ့တော့။

ငါက ဗေဒင် အင်္ဂ၀ိဇ္ဇာ အကြားအမြင် ရှေ့ ဖြစ်နောက်ဖြစ် အကုန်သိတယ်ကွ။ မင်းဟာ တစ်နေ့ကျရင် အရမ်းချမ်းသာလာမယ်။ အတော်လေးကို ငွေကံကောင်းတယ်။ ဒါပေမဲ့ ဘာဖြစ်လို့ ခုထိ မချမ်းသာရတာလဲဆိုတာ သိချင်လို့ မင်းကိုစောင့်နေပြီး စစ်ဆေးကြည့်မလို့ ကွ။ ကဲ.. မင်းရဲ့ ကျောပြင်ကြီး ငါ့မျက်စိနားကပ်ပေးစမ်း။ မီးရောင်က ခပ်မှိန်မှိန် ငါကလဲ မျက်စိခပ်မွဲမွဲဆိုတော့ သိပ်ပြီးမမြင်ရဘူး။

အဖိုးကြီးက ကျနော့်ကျောပြင်ကြီးကို ကပ်ကြည့်ပြီး
အော်.. ဒါကြောင့်ကိုး... လို့ပြောကာ စားပွဲပေါ်က ဇာဂနာတစ်ချောင်းကို ဆွဲယူလိုက်တယ်။
ပြီးတော့ ဒီလိုပြောတယ်--
"မင်းကျောပြင်မှာ သူဌေးဖြစ်မဲ့ အမွေးတွေ အများကြီးရှိတယ်။ ဒါပေမဲ့ ၁၀ပေါင်တန် ပေါင် ၁၀၀တန် အမွေးတွေက ကြိုကြားကြိုကြားပေါက်နေတာ တွေ့ရတယ်။ အဲဒီ ၁၀ပေါင်တန် ပေါင်၁၀၀တန် အမွေးတွေကြောင့် မင်းမချမ်းသာတာ။ အဲဒါတွေကို ငါနှုတ်ပေးမယ်"
ပြောပြောဆိုဆိုဘဲ ကျနော့်ကျောပြင်က အမွေးတစ်ချို့ ကို ဗြုတ်ကနဲ ဗြုတ်ကနဲ မြည်အောင် ဇာဂနာကြီးနဲ့အားရပါးရနှုတ်ပစ်လိုက်တယ်။ ကျနော့်မှာတော့ အတော်လေး ကြက်သီးမွေးညှင်းထလို့။

ကဲ.. ပြီးသွားပြီ.. မင်းကျောပြင်မှာ မီလျံနာဖြစ်မဲ့ အမွေးတွေဘဲ ကျန်တော့တယ်။ မင်းမကြာခင် ချမ်းသာတော့မယ်။
တစ်ခုတော့ မမေ့နဲ့။ မင်းချမ်းသာလာတဲ့အခါ ငါ့ကို အမျှဝေပေးပါ။ ငါစောင့်မျှော်နေမယ်။ ကဲ.. ကဲ မင်းပြန်တော့။
အဲဒီ ဘယ်ဘက်လမ်းကိုဘဲ ဆက်လျောက်သွား။ မကြာခင် မင်းအိမ်ကိုရောက်လိမ့်မယ်။ မင်း ငါ့စကားကို မယုံကြည်ရင် လမ်းမှာတွေ့တဲ့ ထီဆိုင်ကိုဝင်ပြီး ထီသာထိုးသွားပေတော့။ ဒီနေ့ထီထိုး၊ မနက်ဖြန်ကစပြီး သူဌေးကြီး ဦးကိုကိုမောင် ဖြစ်ပြီပေါ့ကွာ။

ကျနော်လဲ အဖိုးအို ညွန်ခဲ့တဲ့လမ်းအတိုင်းလိုက်လာခဲ့ပြီး မကြာခင်မှာဘဲ ကျနော်နေတဲ့ အိမ်နားရောက်လာတယ်။
ကျနော့်အိမ်နားမှာက ထီဆိုင်ရှိတယ်လေ။ အဲဒီဆိုင်က ညဥ့်နက်တဲ့အထိဖွင့်တယ်။ ကွက်တိပါဘဲ။ သူဌေးဖြစ်ကိန်းဆိုက်ပြီပေါ့။
ထီးထိုးမယ်ဆိုပြီး ထီဆိုင်နားအရောက်မှာဘဲ လန်ဒန်မိုးက သဲကြီးမဲကြီးရွာချလိုက်တယ်။ ကျနော့် တစ်ကိုယ်ကောင်လုံး ရွှဲရွှဲစိုလို့။
ချမ်းလိုက်တာဗျာ။ အရမ်းချမ်းတာဘဲ။ အဲဒီ အချမ်းဒဏ်တွေကြောင့်ဘဲ ကျနော်အိပ်ရာက လန့်နိုးသွားတယ်။ စောင်တွေအားလုံးက ကျနော့်ကိုယ်ပေါ်မှာမရှိတော့။ နာရီလှမ်းကြည့်လိုက်တော့ မနက်လေးနာရီခွဲခါနီး။

ကျနော်လဲ ထပ်အိပ်ဦးမယ်ဆိုပြီး ကျနော့်ကိုယ်ပေါ်က လွတ်ကျနေတဲ့ ဂွမ်းကပ်စောင်ကြီးကို မျက်နာထိအောင်ဆွဲတင်ဖုံးလိုက်ပြီး ထပ်အိပ်ဖို့ကြိုးစားလိုက်တယ်။ ဒါပေမဲ့ အိပ်လို့မပျော်တော့ဘူး။ အိပ်မက်ကိုဘဲ သတိရနေပြီး ရယ်ချင်သလိုလို ဖြစ်လာတာနဲ့.. ခွိ.. ကနဲ အသံတိတ်ကလေးနဲ့ဘဲ ကျိတ်ရယ်ရင်း..
အော်.. ငါ့အဖြစ်အပျက်က.. ဂလိုကိုး.. လို့ရေရွတ်ပြီး အချိန်စောနေသေးတဲ့အတွက် မျက်စိကို ဇွတ်မှိတ်ပြီး ထပ်အိပ်ဖို့ ကြိုးစားလိုက်ရပါတော့တယ်။