မိန်းမရှားသလား

"ကျနော့်အသက်က ၈၄ နှစ်၊ ကျနော်ယူထားတဲ့ မိန်းမက ၈၆ ယောက်။
သားသမီးတွေကတော့ ၁၇၀ ကျော်ပြီ။ ကျနော့်ကို မြာပွေတယ်လို့ မထင်လိုက်ပါနဲ့ ၊ ကျနော်က သူတို့ကို ယူခဲ့တာမဟုတ်ပါဘူး။
သူတို့က ကျနော့်ကို လာယူကြတာပါ"

ကျောင်းဆရာဟောင်းလဲဖြစ် မွတ်စလင်တရားဟောဆရာလဲဖြစ် သမားတော်လဲဖြစ်တဲ့ မိုဟာမက် ဘဲယ်လို အဘူဘကာ (Mohammed Bello Abubakar) လူသိရှင်ကြားပြောခဲ့တဲ့စကားပါ။ သူက နိုင်ဂျီးရီးယားနိုင်ငံ နိုင်ဂါပြည်နယ်မှာ နေတယ်။ အသက်ကြီးနေပေမဲ့ တက်တက်ကြွကြွ သန်သန်မာမာပါဘဲ။

အစ်စလာမ်ဘာသာဝင်တိုင်း ယောက်ျားတစ်ယောက်ကို မိန်းမ ၄ ယောက်ဘဲ ယူခွင့်ရှိတယ် ဒီထက်ပိုယူလို့မရဘူး လို့လက်ခံထားကြတယ်။ ဒါကြောင့်မို့ အစ်စလာမ်ဘာသာရေးခေါင်းဆောင်တွေက သူ့ကိုဘာသာရေးအရ အပြင်းအထန်ပြစ်တင်ရှုပ်ချကြတယ်။

ဒီပြစ်တင်မှုကို သူက ဒီလိုချေဖျက်ပစ်တယ်---
"ကျွန်ုပ် ကိုရအန်ကျမ်းစာအုပ်ကို ဖတ်ပြီးပြီ၊ မိန်းမ လေးယောက်ထက်ယူတဲ့သူကို အပြစ်ဒဏ်ပေးရမယ်ဆိုတဲ့ ပညတ်ချက်မပါဘူး။ အမှန်ဆိုရင် မိန်းမ ၁၀ ယောက်ရှိတဲ့ ယောက်ျားတစ်ယောက်ရဲ့ ဘ၀ဟာ ပြိုလဲကျသွားနိုင်တယ်။ အခု အလ္လာအရှင်မြတ်ပေးတဲ့ အင်အား (Power)နဲ့ မိန်းမ ၈၆ ယောက်လုံးကို ထိန်းချုပ်ထားနိုင်တာပါ" တဲ့။

သူက သမားတော်ဖြစ်တဲ့အတွက် သူ့ဆီကို ဆေးကုဖို့လာကြတဲ့ အမျိုးသမီးလူနာတွေဟာ များသောအားဖြင့် သူ့ဇနီးဖြစ်သွားကြတာချည်းဘဲ။
ရှာရိဖတ် ဆိုတဲ့ အမျိုးသမီးတစ်ယောက်ကပြောတယ်--

"As soon as I met him the headache was gone= သူ့ကိုတွေ့တွေ့ချင်းဘဲ ကျွန်မရဲ့ ခေါင်းကိုက်ရောဂါ ပျောက်ကင်းသွားတော့တာပါဘဲ" တဲ့။

အဲဒီအချိန်တုန်းက ရှာရိဖတ်က ၂၅နှစ်၊ မိုဟာမက် ဘဲယ်လို အဘူဘကာက ၇၄ နှစ်ပါ။ ဒါနဲ့ဘဲ ရှာရိဖတ်က "ဘုရားက လက်ထပ်ခိုင်းတယ်"ဆိုပြီး ယူလိုက်တာပါ။

သူ့ရဲ့ မိန်းမ အများစုဟာ သူ့ရဲ့  သားသမီးတွေထက် အသက် ပိုငယ်ကြပါတယ်။
သူအပါအ၀င် အားလုံး ဘာအလုပ်မှ မလုပ်ကြပါဘူး။ အိပ်လိုက် စားလိုက်ပါဘဲ။
သူတို့အားလုံးအတွက် တစ်နေ့တာ အစားအသောက်အတွက် အမေရိကန်ဒေါ်လာ ၉၁၅ ကုန်ကျတယ်။
ဒါပေမဲ့ အဲဒီပိုက်ဆံတွေကို ဘယ်ကရသလဲဆိုတာကိုတော့ မိုဟာမက် ဘဲယ်လို အဘူဘကာက မပြောပြပါဘူး။
အဲဒါ လျှို့ ဝှက်ချက်ပါတဲ့ခင်ဗျာ။
.................

ဒီသတင်းလေး ဖတ်ပြီး ကျနော်တို့အင်္ဂလိပ်စာကျောင်းက မွတ်စလင်ကျောင်းသားတစ်ယောက်
ဝမ်းနည်းပက်လက် ညီးညူပြခဲ့တာကို သတိရမိလိုက်တယ်။
သူက ဘာပြောတယ်မှတ်လဲ--
"ငါ့မှာ မိန်းမ ၄ ယောက်ဘဲရှိတယ်၊ စိတ်အရမ်းညစ်တာဘဲ" တဲ့။