Tuesday 18 November 2008

အလံနီတိုင်ဘက်မှာ.......

တစ်ခါတုန်းက
စစ်တပ်ကြီးတစ်တပ်မှာ အစည်းအရုံးကြီးတစ်ခုဖြစ်သတဲ့။
အဲဒီအစည်းအရုံးအလည်တည့်တည့်မှာ တိုင်နှစ်တိုင်ထောင်ထားတယ်။
အလံနီတိုင်နှင့် အလံဖြူတိုင်။

ဗိုလ်ချုပ်ကြီးရဲ့ အသံက ကျယ်လောင်စွာထွက်ပေါ်လာတယ်။
"မယားကြောက်တဲ့သူတွေ အလံဖြူတိုင်ဘက်မှာထိုင်ပါ။
မယားမကြောက်တဲ့သူတွေ အလံနီတိုင်ဘက်မှာ ထိုင်ကြ။ အမိန့်။
မရှင်းတာရှိလား။"

"မရှိပါ"

"ကဲ ဒါဖြင့် ဆက်လုပ်"

ရဲဘော်တွေအားလုံးညာညှိပြီး တန်းဖြုတ်ကြတယ်။
ပြီးတော့ အားလုံးအလံဖြူတိုင်ဘက်မှာ သွားထိုင်ကြတယ်။

ဒါပေမဲ့
စစ်ဗိုလ်လေးတစ်ယောက်က အလံနီတိုင်ဘက်မှာ သွားထိုင်နေတယ်။
အားလုံးကသူ့ကို ၀ိုင်းကြည့်ပြီး ချီးကျူးနေကြတယ်။
တစ်ယောက်တစ်မျိုးစကားသံတွေထွက်လာတယ်။

"သတ္တိအရမ်းကောင်းတာဘဲ"

"မိန်းမကို ဘယ်လိုကိုင်တွယ်လို့ အနိုင်ယူမှန်းမသိဘူး"

"အားကျလိုက်တာ"


အထက်ကစကားသံတွေ အားလုံးကြားပြီး စစ်ဗိုလ်လေး ပြန်ပြောလိုက်တဲ့ စကားကြောင့် ရဲဘော်တွေအားလုံး ငြိမ်ကျသွားတယ်။ စစ်ဗိုလ်လေးပြောလိုက်တာကတော့--

"ငါ့မိန်းမက အလံနီတိုင်ဘက်မှာ ထိုင်ရမယ်လို့ မှာလိုက်တဲ့အတွက် ဒီအလံနီတိုင်ဘက်မှာ ထိုင်ရတာပါကွာ" တဲ့

No comments: