စိဿီရေ ( Mind, the Water)

ညဥ့်နက်နေပြီ။ အိပ်ချင်စိတ်မရှိသေးဘူး။ စိတ်ထဲ တစ်ခုခု ခံစားနေမိတယ်။ စာတစ်ပုဒ်ပုဒ်ရေးဖုို့ တစ်စုံတစ်ယောက်က တုိုက်တွန်းနေသလုိုမျိုး။ နှလုံးရဲ့ အပေါ်ဘက်ပုိုင်းက ပူနေပြီး အောက်ပုိုင်းက အေးမြနေတယ်။ အဲလုို အပူတစ်ခြမ်း အအေးတစ်ခြမ်း ဖြစ်နေတဲ့ အခါမျိုးမှာ စိတ်တွေ တက်ကြွနေပြီး တစ်ခုခုကို လုပ်ချင်နေမိတယ်။ မအိပ်ရရင်နေပစေ။
............

နေပူပူကုို အံတုပြီး ရထားသံလမ်းပိုင်းအတုိုင်း လမ်းလျှောက်လာခဲ့တယ်။ ကောလင်းနဲ့ဝန်းသုိုကြားက ရထားလမ်းပိုင်းမှာပါ။ အသိမိတ်ဆွေ ရွာတစ်ရွာကနေ ပြန်လာခဲ့တာပါ။ ဦးတည်ရာက ၀န်းသုိုမြို့ကုိုပါ။ လမ်းတစ်ဝက်ရောက်တော့ ရထားသံလမ်းနဲ့ ဆယ်ကုိုက်လောက်အကွာမှာ အကိုင်းအခက် ခပ်အုပ်အုပ် အရိပ်ကောင်းကောင်း ခရေပင်လေးတစ်ပင်ကို တွေ့ပါတယ်။

ခရေပင်နဲ့ ၀ါးတစ်ပြန်လောက်မှာ ရေတွင်းလေးတစ်တွင်းရှိပါတယ်။ ရေတွင်းဘောင်ပေါ်မှာ နုို့ဆီခွက်ကုို ဘေးနှစ်ဘက် အပေါက်ဖောက်ပြီး ကြိုးလေးသုိုင်းကာ ၀ါးတုတ်တံရှည်ရှည်လေးနဲ့ ချည်သုိုင်းပြီး အဆင်သင့် ရေခပ်သောက်ဖုို့ တင်ပေးထားတာတွေ့ရပါတယ်။ အဆင်သင့်လုိုက်ခြင်း။ ရေတွင်းလေးဆီ သွားလုိုက်ပါတယ်။ နေ့လည်အချိန် နေပူပူမှာ ရေအေးအေးတစ်ခွက် ရေတွင်းထဲက ခပ်သောက်လုိုက်ရတာ တကယ့် အရသာဘဲ။ ဒါမှ အုိုအေစစ် စစ်စစ်။

ရေလေးသောက်ပြီး တစ်ယောက်ထဲ ခရေပင်အောက် ၀င်ပြီး နေရိပ်ခုိုပါတယ်။ ချွေးထွက်တတ်လွန်းတဲ့အတွက် အသင့်ဆောင်ထားလေ့ရှိတဲ့ ပုဝါပုိုင်းလေးနဲ့ မျက်နှာကုို သုတ်ပြီး အပူတောမှ ခဏကင်းလွတ်ခွင့်ရခြင်း အေးငြိမ်းမှုကို ခံစားနေပါတယ်။ ဟူးးးးး။ တကယ့်အေးချမ်းမှုပေဘဲ။ နေပူက သံသရာ၊ ငါက သံသရာခရီးသည်ဆုို ခရေရိပ်ကလေးက အေးနိဗ္ဗာန်ဘဲပေါ့။

အေးရိပ်လှုံနေတုန်း တဝေါ၀ါနဲ့ မီးရထားတစ်စင်း ကောလင်းဘက်ကနေ ၀န်းသုိုဘက် ဖြတ်သန်းလာပါတယ်။ ရထားပေါ်က လူတစ်ချို့ လက်ဝှေ့ယမ်းပြတာကုို ပြန်ဝှေ့ယမ်းပြနေမိတယ်။ ရထားပေါ်မှာ လူတွေ ပြွတ်လုို့ ကြပ်လုို့။ အော်... သံသရာခရီးသည်တွေ။ ငါက လမ်းလျှောက် ခရီးသည်။ သူတုို့က ယာဉ်စီးခရီးသည်။ နှေးပေမဲ့ တစ်ယောက်ထဲ လျှောက်ရတာ အေးသည်လေ။

ရထားကို မျက်စိတစ်ဆုံး ငေးကြည့်ကောင်းနေတုန်း လူတစ်စု ရထားသံလမ်းပိုင်းအတုိုင်း ၀န်းသုိုဘက်ဆီ လမ်းလျှောက်လာကြတာကို တွေ့ရတယ်။ ခေါင်းဆောင်တစ်ယောက်နဲ့ နောက်လုိုက် လေးယောက်။ စုစုပေါင်း ငါးယောက်။ ဒီခေါင်းဆောင်ကို ငါမြင်ဖူးသလုိုလုိုဘဲ။

ခေါင်းဆောင်လုပ်သူက...ဟေ့လူ..ကြို့ကုန်းကို ဘယ်လုို သွားရမလဲဗျ...ဆုိုပြီး အင်္ဂလိပ်ကို လှမ်းမေးတယ်။ ပြီးတော့ ပြုံးပြတယ်။ ပြီးတော့ လက်ဆွဲနှုတ်ဆက်တယ်။ ရင်းရင်းနှီးနှီးပါဘဲ။  သူဘယ်သူလဲဆုိုတာ ချက်ချင်းသတိရသွားတယ်။ ဟာ... ခင်ဗျား အုိုဘားမားကြီး မဟုတ်လား။

တော်သားဘဲ။ ဟုတ်တယ် အိုဘားမားပါ။ ခုနကလော်ကယ်ရထားနဲ့ ကောလင်းက လုိုက်လာတာ။ ဟုိုဘက်နားက ဇီးဖြူပင်ဆုိုတဲ့ ရွာလေးမှာ ဆင်းပြီး လမ်းလျှောက်လာပါ။ ကြို့ကုန်းမှာ လုပ်စရာ ကိစ္စလေးရှိလုို့ပါ။ အဲဒါ ကြို့ကုန်းကို ဘယ်လမ်းက သွားရင် ရောက်မလဲဆုိုတာ ပြောပြပေးလုို့ ရမလား။

စဉ်းစားမနေတော့ပါဘူး။ ကျနော့်နောက်လုိုက်ခဲ့ဆုိုပြီး သူတုို့ကုို ဦးဆောင်ခေါ်သွားလုိုက်တယ်။ သူတုို့လဲ နောက်က တကောက်ကောက်ပါလာကြတယ်။ လမ်းပြလုပ်ဖူးခဲ့သမျှ သူတုို့ကုို လမ်းပြလုပ်ပေးရတာ ပီတိအဖြစ်ဆုံး။

ကြို့ကုန်းရွာရောက်ခါနီးမှာ ချောင်းတစ်ခုတွေ့ပါတယ်။ ချောင်းကို ဖြတ်ဆောက်ထားတဲ့ ချောင်းကူးတံတားက အလည်တည့်တည့် ကျိုးပျက်ပြီး ချောင်းထဲကုို ဇောက်ထုိုးကြီးတွေ ဖြစ်နေပါတယ်။ ချောင်းရေက ဒူးလောက်ဘဲ နက်တာပါ။

ခင်ဗျားတုို့ ရွေးစရာ လမ်းမရှိတော့ဘူး။ ဒီတံတားကျိုးအတုိုင်း ချောင်းထဲ တွယ်ကပ်ဆင်းပြီး ချောင်းကို ဖြတ်ရပါမယ်။ ဟုိုဘက်ကမ်းရောက်ရင်လဲ တံတားကျိုးကိုဘဲ တွယ်ဖက်ပြီး ပြန်တက်ရမှာပါ။ လုပ်နိုင်မယ် မဟုတ်လား ဆုိုတော့ အေးဆေးပါတဲ့။ ကျနော်က ရှေ့ကနေ တွယ်ကပ်ဆင်းတယ် သူတုို့က နောက်ကနေ တွယ်ကပ်လုိုက်တယ်။ ချောင်းကို အတူတူ ကူးကြတယ်။ ဟုိုဘက်ကမ်းရောက်တော့ အုိုဘားမားကြီးက တံတားကျိုးကုို တွယ်မတက်တတ်တော့ဘူး။ တံတားကျိုးရဲ့ ပျဉ်ချပ်တွေကုို ဟုိုကိုင် ဒီကိုင်လုပ်ပြီး စမ်းတ၀ါးဝါး ဖြစ်နေလေရဲ့။

ရော့ဗျာ.. ကျနော့်လက်ကုိုသာ ဆွဲထားပြီး နောက်ကနေ တွယ်ကပ်လုိုက်ခဲ့ပေတော့..ဆုိုပြီး လက်တစ်ဖက် ကမ်းပေးလုိုက်တယ်။ ချောင်းကမ်းပါးက အတော်လေးမြင့်တော့ တံတားကျိုးကုို တစ်ဆင့်ချင်းစီ တွယ်တက်ရတယ်။ သူ့လက်က မေတ္တာဓါတ်အပြည့်ပါတဲ့ လက်ဘဲ။ ခွန်အားသတ္တိတွေ ငြိမ်းချမ်းမှုတွေ သူ့လက်ကတစ်ဆင့် ကျနော့်ခန္ဓာကုိုယ်ထဲ စီးဆင်းသွားတယ်။ လက်တစ်ဘက်ကုို အားပြုလုိုက် တစ်ဆင့်တက်လုိုက် သူ့ကို ဆွဲတင်လုိုက်နဲ့ နောက်ဆုံးတော့ အားလုံး တစ်ဘက် ကမ်းပါးပေါ် အောင်မြင်စွာ ရောက်ရှိသွားတယ်။ ကမ်းပေါ် ရောက်ရောက်ချင်းဘဲ ကြို့ကုန်းရွာက ဘွားကနဲ ပေါ်လာတယ်။

ခင်ဗျား ပြန်လုို့ရပြီ။ ကျနော်တုို့အဖွဲ့ ဒီတံတားကို ပြင်ဖုို့ လာခဲ့တာ။ လမ်းပြပေးတဲ့အတွက် ကျေးဇူးပါ။ လုိုအပ်တာရှိရင် အကြောင်းကြားပါ တဲ့။

ကျနော် နှုတ်ဆက်ပြီး ပြန်လာတယ်။ ကမ္ဘာကျော်လူတစ်ယောက်ကုို လမ်းပြပေးခဲ့ရတဲ့ ပီတိရဲ့ ငြိမ်းအေးမှုက နွေခေါင်ခေါင်နေ့လည်ပူပူကြီးမှာတောင် ချွေးတွေသိပ်ပြီး အေးမြလုို့။
...........
နောက်တစ်ရက်ကျတော့
ခန်းနားကြီးကျယ်လှတဲ့ ဘုရားပရိဝုဏ်တစ်ခုထဲ ကျနော် ရောက်သွားတယ်။ ရည်ရွယ်ချက်တော့ ကောင်းကောင်း မရှိပါဘူး။ ဘုရားပရိဝုဏ်ထဲ ခဏချွေးသိပ်ချင်ယုံသက်သက်ပါ။ ဘုရားပရိဝုဏ်ထဲ ရောက်တော့ ဟောခန်းကြီးတစ်ခုတွေ့တယ်။ ဧရာမဟောခန်းကြီးပေဘဲ။ ဟောခန်းကြီးရဲ့ ထိပ်ပုိုင်းမှာ ဘုရားရုပ်တုတွေ ထားရှိတဲ့ ဘုရားခန်းကြီးတစ်ခု ရှိနေတယ်။ အဲဒီအထိတော့ မသွားလုိုက်တော့ဘူး။

ဟောခန်းကြီးရဲ့ အလယ်ဘယ်ဘက်နံရံနား ကပ်ပြီး နေရာယူလုိုက်တယ်။ ပြီးတော့ ဘုရားရုပ်တုတွေကို ဦးတုိုက်လိုက်တယ်။ အလုို... ဒီလောက်ကျယ်ဝန်းတဲ့ ဟောခန်းကြီးထဲ ငါတစ်ယောက်တည်းပါလား။

ခန္ဓာကုိုယ်မှာ ၀တ်ဆင်ခဲ့တဲ့အ၀တ်တွေဟာ ၀တ်ဖြူစင်တွေမှန်း အဲဒီဟောခန်းကြီးထဲ ရောက်မှ သိလုိုက်တယ်။ လည်ပင်းတလျှောက် ကုိုင်စမ်းကြည့်လုိုက်တော့ ပုတီးတစ်ကုံး ဆွဲထားမှန်း သိလုိုက်ရတယ်။ ဒါနဲ့ နံရံကုို ကျောပေးပြီး ကျကျနန ထုိုင်ကာ လည်ပင်းက ပုတီးကုို ဖြုတ်ပြီး မျက်စိမှိတ် ပုတီးစိပ်နေဖြစ်တော့တယ်။ အရဟံဂုဏ်တော်တွေနဲ့ပါ။ ပုတီးမစိပ်ခင် နာရီမော့ကြည့်ဖြစ်လုိုက်သေးတယ်။ နံနက် ၈ နာရီ။

သူကြီးမင်း သူကြီးမင်းဆုိုတဲ့ ကလေးခေါ်သံလုိုလုို ဘာလုိုလုို အသံကြားတာနဲ့ မျက်လုံး ဖွင့်ကြည့်လုိုက်တော့ နာရီက နံနက် ၁၁ နာရီ ထိုးနေပြီ။ ဟာ... မြန်လုိုက်တာ ငါက ငါးမိနစ်လောက်ဘဲ ရှိသေးတယ် ထင်နေတာလုို့ စိတ်ထဲ ရေရွတ်ရင်း နာရီမော့ကြည့်နေရာမှ ရှေ့တူရူကုို ကြည့်လုိုက်တော့. အလုိုလေး... ၀တ်ဖြူစင်ကြယ်နဲ့ ကျက်သရေရှိလှတဲ့ အမျိုးသမီးကြီး တစ်ယောက်ပါလား။ ဒူးလေးတုတ်ထုိုင်ပြီး ပြုံးနေလေရဲ့။ ကျက်သရေအရှိဆုံး အပြုံးလေးကို အခုထက်ထိ ခံစားလုို့ ရနေသေးတယ်။

သိပ်မှတ်မိတာပေါ့။ သူမှသူဘဲ။ ဒေါ်အောင်ဆန်းစုကြည်မဟုတ်လား..လုို့ မမေးလုိုက်တော့ပါဘူး။ သူ့ကုို သိနေတယ်ဆုိုတာကုို သူသိပါတယ်။ နေကောင်းလား အဆင်ပြေလား အလုပ်တွေ ထိရောက်မှုရှိလားဆုိုတဲ့ လောကွတ်စကားလေးအချို့က လွှဲလုို့ ဘာတွေ ပြောလုိုက်မိမှန်း ဘာတွေ ဆွေးနွေးခဲ့ကြမှန်း မမှတ်မိတော့ဘူး။

သူကြီး လိုအပ်တာရှိရင် အကြောင်းကြားလုိုက်နော်။ အားမနာနဲ့။ လုံးဝ အားမနာပါနဲ့။ ကူညီပေးဖုို့ အဆင်သင့်ပါ။ ဖုန်းနံပါတ် ရှိတယ်မဟုတ်လား..ဆုိုပြီး နှုတ်ဆက် ထွက်ခါသွားတယ်။ ဟုတ်သားဘဲ သူ့ဖုန်းနံပါတ် ငါ့ဆီ ရှိနေသားဘဲ။ လုိုအပ်တဲ့အခါမဟုတ်ရင်တောင် အလ္လာပသလ္လာပလေးတွေ ပြောဖုို့ သူအားလပ်မဲ့အချိန်လေး ရွေးပြီး ဖုန်းဆက်ဦးမှပါလုို့ စဉ်းစားပြီး ငုတ်တုတ်ထုိုင် မျက်စိမှိတ် ပုတီးဘဲ ထပ်စိပ်နေဖြစ်တော့တယ်။
..........
အဲဒီအဖြစ်အပျက် အဲဒီ အိပ်မက်တွေ နှစ်ရက်ဆက်တုိုက် အစဉ်အတုိုင်း မက်နေလေတော့ မိတ်ဆွေတစ်ယောက်ကုို ဖွင့်ပြောဖြစ်တယ်။ ဗေဒင်တွေကုို ယုံတတ်တဲ့ မိတ်ဆွေက ပြောတယ်။ သူကြီး ကြီးပွါးမယ် ချမ်းသာမယ် အေးချမ်းမယ် ခေါင်းဆောင်ဖြစ်မယ် နာမည်အရမ်းကြီးလိမ့်မယ် တဲ့။ သူတုို့က ငြိမ်းချမ်းရေး နုိုဘယ်လ်ဆုရှင်နှစ်ယောက်တဲ့။ အဲဒီအထဲက အင်အားကြီးတစ်ယောက်ကုို လမ်းပြပြီး ဖေးမတွဲခေါ်ပေးရတယ်၊ နောက်တစ်ယောက်က ရုိုရုိုသေသေနဲ့ လုိုအပ်တာရှိရင် ပြောပါလုို့ ဖိတ်ခေါ်ထားတယ်ဆုိုတော့ တဲ့။

ကျနော် လန့်သွားတယ်။ ကြောက်လဲ ကြောက်သွားတယ်။ ကျနော်လုိုချင်တာ အဲဒါတွေ မဟုတ်ဘူး။
"ငါတောင့်တနေတာက High Profile Life မဟုတ်ဘူး။  ငါတကယ် ဖြစ်ချင်တာက  Low Profile Life ပါ" ဆုိုပြီး စိတ်ထဲ ကုိုယ့်ဘာသာ ပြောနေမိတယ်။ ဒီခေတ်ကြီးမှာ အေးအေးချမ်းချမ်း အန္တရာယ်ကင်းကင်းနဲ့ ပုံမှန် စားသောက်သုံးစွဲနေရရင် နေပျော်ပြီ မဟုတ်လား။ လူပျင်းအတွေးဆုိုစေဦးတော့ လောဘတွေ အတော်အတင့်  ငြိမ်းမယ်လေ။
ဒါနဲ့ နာမည်ကြီးကြောင်းတွေ ဘာမှ မလုပ်တော့ဘဲ စာလေးဖတ်လိုက် စာလေးရေးလုိုက်နဲ့ အေးအေးလူလူ နေခဲ့လုိုက်တာ ဒီနေ့အထိပါဘဲ။

ဒါပေမဲ့ အခုရက်ပုိုင်းအတွင်း
နည်းနည်းလေးတော့ တုိုးပြီး ကြိုးစားမှု လုပ်ပေးလုိုက်ပါဦး ဆုိုပြီး တစ်စုံတစ်ယောက်က အနားနား ကပ်ပြောသလုို ခံစားနေမိတယ်။ အင်း နည်းနည်းဘဲနော် ဆုိုပြီး ပြန်ပြန်ပြောဖြစ်တယ်။ စိတ်နဲ့ကြားပြီး စိတ်နဲ့ဘဲ ပြောလုိုက်မိကြတာပါ။ ဘယ်သူဘယ်ဝါက လာပြောမှန်း မသိပေမဲ့ နည်းနည်းတော့ တုိုးပြီး ကြိုးစားလိုက်ဦးမယ်လုို့ သန္နိဋ္ဌာန်ချမိရက်သား ဖြစ်သွားပါတော့တယ်။

တုံးဖလားသူကြီးမင်း
(၂၂၊၀၈၊၂၀၁၅ စနေနေ့ နံနက် ၃ နာရီ မတ်တင်း)

.