ဆေးကိုဘယ်လိုပုံစံနဲ့သောက်ကြမလဲ။
တန်ဆေး လွန်ဘေးလို့ ဆိုရိုးစကားရှိတယ်လေ။
ဆေးဆိုပေမဲ့လဲ အတိုင်းအရှည်အထိသောက်သုံးရုံဘဲကောင်းပါတယ်။
များများအသုံးပြုရင်တော့ တကယ့်အဆိပ်သက်သက်ဖြစ်သွားတော့တာပါဘဲ။
ပြီးတော့ ဆေးကို မူးယစ်ဆေးအနေနဲ့လဲ မသုံးသင့်ပါဘူး။
အမှန်တကယ်ဆိုရင် ဆေးဆိုတာ အဆိပ်ပေါင်းစုံနဲ့ ပြုလုပ်ထားတဲ့ အစိုင်အခဲလေးတစ်ခုရယ်ပါ။
ဒါကြောင့် အချိုးကျဘဲ သောက်သုံးသင့်ပါတယ်။
ဥပမာ
တစ်ရက်ကို တစ်လုံးသောက်ရမဲ့ဆေးကို ဒေါက်တာက တစ်လစာ ပေးခဲ့တယ်ဆိုကြပါစို့။ တစ်ရက်ကို တစ်လုံးဘဲ သောက်ပါလို့ ဒေါက်တာကမှာခဲ့တယ်။ ဒါပေမဲ့ လူနာက ရက်သုံးဆယ်တိတိ တစ်ရက်ကို တစ်လုံးသောက်ရမှာ ပျင်းလို့ တစ်ရက်ထဲနဲ့  အလုံးသုံးဆယ်လုံး တစ်ကြိမ်ထဲ သောက်ပစ်လိုက်တယ်ဆိုရင် ဒီလူနာ ဘာဖြစ်သွားမလဲ။
သွားပြီပေါ့။ သေရွာကို သွားမှာကို ပြောတာ။ မသေရင်တောင် အနည်းဆုံး ဆေးရုံမှာ အတွင်းလူနာအဖြစ်ရောက်သွားမှာ သေချာတယ်။
ကျနော်တို့မြို့ မှာ အမျိုးသမီးတစ်ယောက်တွေ့ဖူးတယ်။ သူ့အမျိုးသားနှင့်အိမ်ထောင်ရေးအဆင်မပြေလို့ ဘာမီတွန် (ဘီပီအိုင်ထုတ်)ကို အလုံး များစွာ တစ်ခါထဲ သောက်ချလိုက်တယ်။ ပြီးတော့ အိပ်ရာထဲမှာ လဲတော့တာပါဘဲ။ သူ့ယောက်ျားသိသွားတဲ့အခါမှာ အစိုးရိမ်လွန်ပြီး ဘယ်နှစ်လုံးကြီးတောင် သောက်လိုက်တာလဲလို့ မေးတယ်။ သူက အလုံးသုံးဆယ်တိတိသောက်လိုက်တယ်လို့ ဖြေတယ်။
အဲဒီဘာမီတွန်ဆေးတွေကို အန်ထုတ်ဖို့ ဆေးရုံချက်ချင်းတင်တယ်။ ဆားရည်တွေ ၀မ်းထဲကို သွင်းတယ်။ ဘာမီတွန်ဆေးတွေ အန်ထွက်လာတယ်။ ဒါပေမဲ့ အန်ထုတ်လာတဲ့ ဆေးဟာ အလုံးသုံးဆယ်ပမာဏမရှိသေးဘူး။
ဒါကြောင့် ဆားရည်တွေကို ထပ်သွင်းတယ်။
"တော်ကြပါတော့၊ ကျွန်မ သောက်လိုက်တဲ့ ဘာမီတွန်က ငါးလုံးထဲပါ"
အမျိုးသမီးက ဆားရည်ဒဏ်ကို မခံနိုင်တော့လို့ ရှင်းပြတယ်။ ဒါပေမဲ့ ယောက်ျားလုပ်တဲ့သူက မယုံကြည်ဘူး။ အလုံးသုံးဆယ်တိတိသောက်ထားတယ်ဘဲ ထင်နေတယ်။ ဒါကြောင့် ဆားရည်တွေကို ၀မ်းခေါင်းထဲ အတင်း သွင်းစေတယ်။ နောက်ဆုံးတော့ အဲဒီ ဆားရည်သွင်းတဲ့ ဒဏ်ကြောင့်ဘဲ အမျိုးသမီးဟာ ဆုံးပါးသွားခဲ့တယ်။
အမှန်တကယ် အမျိုးသမီး သောက်ထားတဲ့ ဘာမီတွန်လဲ ငါးလုံးထဲပါ။ ယောက်ျားကို ရွဲ့ ချင်လို့ လိမ်ညာလိုက်တာပါ။ ဒါပေမဲ့ သူ့ခမျာ မသေသင့်ဘဲ သေဆုံးသွားရရှာတယ်။ သူ့ယောက်ျားကတော့ အခု အချိန်မှာနောက်မိန်းမနှင့်ပျော်လို့မော်လို့။
ဒီဇာတ်လမ်းလေးက တကယ်ဖြစ်ပျက်ခဲ့တာပါ။ ကြာတော့ကြာခဲ့ပါပြီ။ အဲဒီအချိန်တုန်းက ကျနော် အသက်ငယ်လွန်းနေသေးတဲ့အတွက် အတိအကျတော့ သူတို့ဖြစ်ပျက်ပုံကို မသိလိုက်ရပါဘူး။ ရပ်ကွက်ထဲက ပြောစကားအရကတော့ ကျနော် အထက်မှာ တင်ပြခဲ့တဲ့အတိုင်းပါဘဲ။
စာရေးဆရာကောင်းတစ်ယောက်ဆိုရင်တော့ ကြေကွဲဆို့နင့်စရာကောင်းတဲ့ ဖြစ်ရပ်မှန်ဝတ္ထုတစ်ပုဒ်ဖြစ်လာမှာ မလွဲပါဘူး။ ကျနော်ကတော့ ၀ါသနာအဆင့်ဘဲ ရှိသေးတာမို့ ဇာတ်ကွက်ပေါ်ရုံလောက် ဖော်ပြပေးလိုက်တာပါ။
အဓိကကတော့ ဆေးကို ဆေးအဖြစ်နဲ့ဘဲ သောက်သုံးဖို့ ပြောပြချင်တာပါ။ အိမ်ထောင်ရေး ပညာပေး ပုံစံမျိုး မဟုတ်ပါဘူး။ အိမ်ထောင်ရေး ပညာပေးတဲ့အနေနဲ့ ရေးသားရအောင်လဲ ကျနော်ကိုယ်တိုင်က လူလွတ်ဆိုတော့ အိမ်ထောင်ရေး အကြောင်း ကောင်းကောင်း မသိသေးပါဘူး။ ဒါကြောင့် ဘုန်းကြီးစာချ၊ မိချောင်းမင်း ရေခင်းပြ ဖြစ်နေမှာလဲ စိုးရိမ်ရသေးတယ်လေ။
ဆေးကို ဒေါက်တာညွန်ကြားချက်အတိုင်း (သို့) ဆေးအညွန်းအတိုင်းသာ သောက်သင့်ပါတယ်။
ဆေးညွန်းဆိုရာမှာလဲ မိတ်ဆွေတို့ ဥာဏ်ရှိသလို သံပုရာသီး ပျားရည် အရက် စသည်တို့နှင့်ရောစပ်၍သောက်သုံးနိုင်ပါသည် ဆိုတဲ့ ဆေးညွန်းမျိုးကို ဆိုလိုတာ မဟုတ်ပါဘူး။ အတိအကျညွန်းထားတဲ့ ဆေးညွန်းကိုဘဲ ဆိုလိုတာပါ။
ဥစ္စာကံစောင့် အသက်ဥာဏ်စောင့် ၊ သတိတမံ ဥာဏ်မြေကတုတ် ဆိုတဲ့ ဆောင်ပုဒ်အတိုင်း
ဥာဏ်နှင့်ဆင်ခြင်ပြီး
အားလုံးဆေးကို ဆေးအဖြစ်နဲ့ဘဲ သောက်သုံးနိုင်ကြပါစေလို့ ဆန္ဒပြုလိုက်ပါတယ်။
No comments:
Post a Comment