နာဂစ်အလွန် သံဝေဂ

သူ
ငါ သတ္တ၀ါ
ခန္ဓာပြိုလဲ တဖွဲဖွဲနဲ့
ငိုရှိုက်ကြေကွဲ တသဲသဲနဲ့
သေပွဲဝင်ခဲ့ကြရရှာပြီ။

ပုန်းကွယ် လျိုးကွယ် ရှောင်မရ
နောင်တစ်နေ့မှာ
ငါ့ခန္ဓာလဲ ဒီလိုပွဲ
ဝင်နွှဲရလိမ့်ဦးမည်။

စည်းစိမ်ခုံသူ စည်းစိမ်ခွါ
ဂုဏ်ပကာမက်သူ ဂုဏ်ကိုသိမ်း
စိမ်းကားလှတဲ့ မရဏ
အချိန်ကျလာရင်တော့
ဖော်ရွှေဝါ လက်ပြခေါ်နေလေရဲ့ ။

အပြေးသွားရင်း အပြေးမှားခဲ့ကြပြီ
အဆွေးပွါးရင်း အဆွေးများခဲ့ရလေပြီ
အတွေးများရင်း အဝေးသွားခဲ့ကြရှာပြီ
ပြေးရင်း ဆွေးရင်း တွေးရင်း ဝေးရင်းနဲ့
ကျနော်လဲ
ကလေးတစ်ယောက် မဟုတ်တော့ဘူး။

အရင်သေမလား နောက်ကြွေမလား
အကင်းကြွေကျမလား အမှည့်မြေခမလား
အလှည့်ကျရင်တော့
မရဏတရားဆိုတာ အဝေးကြီးမှာမဟုတ်ဘူးနော်
သို့သော်ငြားလဲ
ကံချော်ပါးလို့ စောစီးစွာ မရဏအ၀ါးခံ့ခဲ့ကြရတဲ့
အရင်သွားနှင့်သူတို့ကို
ကြည်ကြည်ဖြူဖြူ ကုသိုလ်အမျှ ပေးလှူကြရအောင်လား။

......

ဆက်လျောက်ဆဲ

မိုင်များဘယ်လိုပင်
ဝေးဝေးသွားလည်း
ရင်ခွင်ချင်းအပ်
လက်ထပ်ထားမြဲ။

ခရီးကြမ်းလမ်း
ဆုံရန်ခဲလည်း
အသည်းထဲ မင်းနာမည်
ရေးထွင်းထားဆဲ။

သံသရာလမ်း
ဘယ်လိုပင်ကျရှုံးလည်း
နှလုံးသားရပ်ဝန်းထဲ
မင်းက နေရာယူထားမြဲ။

အချိန်တွေပြောင်း
နေ့နှင့်ညတို့
တစ်လှည့်စီရွှေ့ လည်း
အချစ်တို့တည်နေမြဲ။

သတိရတုန်း
ကွပ်လပ်တို့ ဖြည့်ရင်း
လွမ်းလျက်နဲ့
ငါ.... ဆက်လျောက်နေဆဲ။ ။

.......

အ၀ါတွေနဲ့အပြိုင်

ချစ်သူရေ
သကြန်လက်ဆေးမိုး ပက်ဖျန်းစရာ မလိုပါဘဲ
ဒီဧပြီမှာ
ငုဝါတွေလှိုင်နေပြီလေ
ကြည့်လေရာမြင်လေရာမှာ ငုဝါတွေမြေခကြွေကျပေမဲ့
ငုဝါရနံ့ကတော့ မူးမေ့သွားမတတ်ပါဘဲ။


ချစ်သူရေ
ငုဝါနဲ့အပြိုင်
မြိုင်မြိုင်ဆိုင်ဆိုင်ပွင့်နေတဲ့ ပန်းပိတောက်တွေလည်း
ဖျန်းပက်နေတဲ့ တဖြိုက်ဖြိုက်မိုးစက်တွေကြား
အပြေးးအလွား ကြည်နူးလှုပ်ရှားပြီး
နှစ်အကူးမှာ အဖြစ်ထူးစွာ ခယ၀ပ်တွားလျှက်ပါဘဲ
စောင့်မျှော်နေတဲ့ ပိတောက်ရနံ့တွေလည်း
သင်းပျံ့ ပျံ့  ရနံ့သစ်ကလေးတွေကို မျှဝေပေးနေကြလေရဲ့။


ချစ်သူရေ
အ၀ါရောင်တွေကြားထဲက သင်္ကြန်ပွဲနှင့်အတူ
မင်းလေးလဲ ကို့ရင်ထဲမှာ နွယ်လျှက်ရှိနေမြဲပါဘဲ။


ချစ်သူရေ
စွယ်တော်ပွင့်ဖတ်လွှာလေးတွေ
ရန်ကုန်မှာ
ဆီးနှင်းတွေမြေမကျပေမဲ့ ပွင့်ဆဲပွင့်မြဲ ပွင့်နေလျက်ပါဘဲဆိုတာ သိနေတယ်
စွယ်တော်ရနံ့တွေလည်း
တမ်းတမှုတွေနဲ့အတူ
မမေ့နိုင်အောင် လှိုင်နေမှာ သေချာပါတယ်။


ချစ်သူရေ
လွမ်းမောခြင်း အမှတ်တရအဖြစ်
အချစ်သစ်ပင်လေး ကိုစိုက်ခဲ့တယ်
အခန်းထောင့်ဘေးက တေးသံသာထွက်ပေါ်လာတဲ့အခါ
ချစ်လေပြင်းလေး ကျေးဇူးနဲ့
ချစ်သစ်ပင်ကညာအလှ ယိမ်းကလို့ နေလေရဲ့။

...

ချစ်သူ

ချစ်သူ

ဒေါသတွေဖြစ်လာရင်
မျက်လုံးလေးမှိတ်လိုက်ပါ
အသက်ကို ဖြေးညှင်းစွာ ရှုသွင်းလိုက်ပါ
ဒါဟာ
ကောင်းကင်ကြီးရဲ့  အနံ့ကို ရှူသွင်းလိုက်ခြင်းဘဲ
ကောင်းကင်ကြီးကို အိပ်မက်ထဲကို ထည့်ကြည့်လိုက်ခြင်းဘဲ
ဒါဆိုရင်
အရာအားလုံးဟာ အသေးအမွှားလေးတွေဆိုတာ နားလည်သွားပြီလေ။

ချစ်သူ
သတိရစရာတွေ ရှိလာရင်
မျက်လုံးလေးကို မှိတ်လိုက်ပါ
နှလုံးသားလေးကို ဖွင့်လိုက်ပါ
ဒါဟာ
အမှတ်တရတွေကို ရင်ဘတ်ထဲ ထည့်ကြည့်လိုက်ခြင်းပါဘဲ
ဒါဆိုရင်
နူးညံ့နေတဲ့ အထိအတွေ့တွေကြား စည်းချက်ကျစွာ ပြေးလွှားနေတဲ့
သတိရအောက်မေ့ခြင်းတွေ ဘယ်တော့မှ မရိုးနိုင်ဘူးဆိုတာ
နားလည်သွားပြီလေ။

ချစ်သူ
လွမ်းစရာတွေ ရှိလာရင်
မျက်လွှာလေးတွေကို ပိတ်လိုက်ပါ
နားကလေးကို စွင့်လိုက်ပါ
အေးမြစွာ စီးဆင်းနေတဲ့ ဂီတသံစဉ်ကို နားဆင်ကြည့်ပါ
ဒါဟာ
မြူးတူးစွာ ကခုန်နေတဲ့ ရင်ခုန်သံကို ခယ၀ပ်တွားလိုက်ခြင်းပါဘဲ
ဒါဆိုရင်
သာယာမိန်းမူးခြင်းတွေနဲ့ အချစ်ရဲ့  သင်းပျံ့ မှုတွေ
ဘယ်အခါမှ
မက်မပြေဘူးဆိုတာ သိသွားနိုင်ပြီလေ။

ချစ်သူ
အောက်မေ့တွယ်တာမှုတွေ ရှိလာရင်
မျက်လုံးကလေးတွေကို ပိတ်လိုက်ပါ
တွယ်တာနေတဲ့ သံယောဇဉ်တွေကို တွေးတောလိုက်ပါ
နှုတ်ခမ်းတွေရဲ့  ချော့မြူမှုတွေ ခဏလောက် ခံစားကြည့်လိုက်ပါ

သောကကင်းနေတဲ့ ဘ၀ရဲ့  ပင့်သက်မှုတွေ တဆိတ်လောက်ရှုထုတ်ကြည့်ပါ
မောပန်းနေတဲ့ လောဘအနမ်းတွေ တသသနမ်းရှိုက်ကြည့်ပါ။

ပူနွေးနေဆဲ
ရင်ခွင်ထဲက ရင်ခုန်သံကို
တစ်ဘ၀စာ နားဆင်ကြည့်လိုက်တော့ ချစ်သူ
ဘ၀စာမျက်နှာသစ်တွေနဲ့အတူ မြူးတူးကခုန်လိုက်တော့ ချစ်သူ
အမြဲတမ်း မနွမ်းသော လန်းဆန်းသော အနမ်းများဖြင့်
လောကကြီးရဲ့  သံစုံတေးသံသာကို နာယူလိုက်ပါတော့ ချစ်သူ။ ။

.....

စိုးစိတ်

အချစ်ဆိုတာ ဘာမှန်းမသိတဲ့...
အချစ်ဆိုတာကို ကျကျနနသဘောပေါက်တဲ့...
မာနတွေတစ်လွင့်လွင့်အလံထူနေတဲ့...
မာနတွေဆို ဘာမှ မရှိတော့တဲ့...
ရဲရင့်တက်ကြွနေတဲ့...
သိမ်မွေ့နူးညံ့နေတဲ့...
မျက်နှာတည်တည်ကြီးနေတတ်တဲ့...
ဖော်ဖော်ရွှေရွှေပြုံးပြနေတတ်တဲ့...
...တဲ့...
...တဲ့...
ချစ်သူတစ်ယောက် ကျနော့်မှာ ရှိတယ်။

အဲဒီ ချစ်သူကပြောတယ်
သူ့ရဲ့ မာနတွေဟာ
အချစ်ဆိုတဲ့ ခေါင်းစဉ်အောက်မှာ
ပျောက်ဆုံးသေကြေသွားတာ ကြာပြီတဲ့။

အပြောင်းအလဲတွေကြား
ထားခဲ့ရင်လဲ နေခဲ့ပါ့မယ်
လိုက်ခဲ့ဆိုလည်း ကြိုးစားပါ့မယ်တဲ့။

မိဘကို ချစ်တဲ့ချစ်သူလေးမို့
ချစ်သူကို ချစ်တဲ့စိတ်နဲ့ အနာဂါတ်ကိုတွေး
ခံစားမှုကို စတေးပြီး မိဘကျေးဇူးဆပ်နေတဲ့မင်းလေး
ကိုယ်တကယ်မဆွေးစေချင်ပါဘူး။

ဒါပေမဲ့..
အတ္တတွေ ကိုယ့်ရင်မှာစွဲနေပြီမို့
ဆင်းရဲသောကကို ဆက်မမွေးချင်လည်း
သညာအသိနှင့်ယှဉ်
ပညာပကတိကို ကြဉ်ပြီး
မင်းလေး (မိဘ)ကျေးဇူးတွေ ပြန်မဆပ်နိုင်ခင်မှာ
အနာဂါတ်အတွက်
ကြယ်တွေ ကြွေမှာ ကြောက်လှတယ်။

....

ဆုံဆည်းခွင့်

မင်းမျက်နှာလေး

မမြင်ရချိန် မြင်ချင်တယ်

ဒါပေမဲ့..

မြင်ခွင့်မရှိ။


မင်းအသံလေး

မကြားရချိန် ကြားချင်တယ်

ဒါပေမဲ့..

ကြားခွင့်မရှိ။


မင်းရဲ့ ဘေးနား

အချိန်တိုင်း နေချင်တယ်

ဒါပေမဲ့..

နေခွင့်မရှိ။


တစ်ရက်လေးမှ မဝေးချင်

ထွေးနှောင်ပတ်ရစ်

ကိုယ်ချစ်ခဲ့မိသောမင်းလေး

ဆုံဆည်းခွင့်ပေးပါ။

...

လက်ကမ်းလို့ကြို

မင်းနေထိုင်ရာ အဝေးကမြို့လေး

တစ်ရေးးရေး ကိုယ်တိုင်မှန်းမျှော်ရင်း

တင်းထားတဲ့ ဦးနှောက်အသိတွေက လမ်းပိတ်ထားပေမဲ့

နှလုံးသားရပ်ဝန်းထဲ မင်းလေးနေရာယူနေခဲ့ပြီ။


စွဲလမ်းခြင်းရဲ့ တပ်မက်မှုတွေနောက်

တကောက်ကောက်လိုက်ရင်း

မှားမှန်းသိသိနဲ့

ငါ့ကိုဆက်လျှောက်ခွင့်ပေးပါဦး။


တင်းထားတဲ့သံမဏိစိတ်ဓါတ်တွေ

အရည်ပျော် သံလိုက်ဖြစ်သွားပြီး

ငါ့ဒူးတွေ မင်းလေးရဲ့  ရုပ်ပုံလွှာအောက်မှာ

ဘာကြောင့် ညွတ်ကျသွားရတာလဲ

ငါ စဉ်းစားနေဆဲဘဲ။


ငါ့ရင်မှာလှိုင်းတွေထန်နေပြီ

အောက်မေ့ခြင်း လွမ်းဆွတ်ခြင်းတွေ

မနိုင့်တနိုင်သယ်ဆောင်ရင်း

ကျိန်စာတွေရဲ့  အောက်မှာ

ဆန္ဒွရဲ့ တောင့်တမှုက ကိုက်ဝါးချိုးဖဲ့နေလေရဲ့ 

ငါ့သီလတွေလည်း

ဖရိုဖရဲတစ်စစီဖြန့်ကြဲနေခဲ့ရပြီလေ။


စွဲလမ်းမှုရဲ့ရှို့ တဲ့မီး တစ်ဟီးဟီးလောင်ကျွမ်းနေပေမဲ့

ဆန်းပြားစွာ ရှုပ်တဲ့ကြိုးနဲ့နှောင်ရစ်

တုန်နေအောင် ချစ်သမို့

ခုန်သောရင် တုန်သောလက်ဖြင့်

မင်းလေးကို ကမ်းလင့်လို့ကြိုနေဆဲပါဘဲ။


.....

ထင်ကျန်ရစ်စေ

အချစ်ကလေးတွေ ရင်ခံ

ပြည့်အန်တော့ မျက်ရည်ဖြစ်တယ်။


အချစ်ကလေးတွေ လေခံ

ပွင့်အန်တော့ ရန်ဖြစ်တယ်။


ဆန္ဒတွေ ပြည့်လျံ

အပွေ့သန်တော့ ၀မ်းသာလှတယ်။


အနမ်းငယ် သင်းပြန်

နှင်းကန်လေသွေးတော့ ရနံ့မွှေးတယ်။


ချစ်သူရယ်

သံယောဇဉ်ကြိုးမျှင်ချည်

မင်းဆီနှောင်တွယ်ရစ်တော့

ချစ်ခြင်းတစ်စုံသာ ထင်ကျန်ရစ်စေ။


....

မဆုံတဲ့လမင်း

တစ်ချို့ ကပြောကြတယ်

"ဘ၀အောင်မြင်မှုကအရေးကြီးတယ်

အချစ်ကအသေးအဖွဲပဲ"တဲ့။

ဒါပေမဲ့

အောင်မြင်ဖို့အခွင့်အလမ်းကိုအသဲအမဲရှာဖွေနေသူမှာ

ဒီအချစ်က အသက်ကယ်ဆေးလို တန်ဖိုးရှိတယ်ဆိုတာ

ချစ်သူ...မင်းလေးတကယ်မသိခဲ့ပါဘူး။

ကမ္ဘာမြေရဲ့  တစ်နေရာမှာတော့

မင်းလေးဟာ

ဖြစ်ချင်တာကို ဖြစ်ခွင့်ရသူ တစ်ယောက်အဖြစ် ရပ်တည်နေပြီး

ငါကတော့

ကမ္ဘာမြေရဲ့  အခြားတစ်နေရာမှာ

ဖြစ်ချင်တာတွေ ဖြစ်မလာမှာ စိုးရိမ်သူတစ်ယောက်အဖြစ်

ရပ်တည်နေရပြီ။

ချစ်သူရေ

ဖြစ်နိုင်မယ်ဆိုရင်

ကမ္ဘာမြေရဲ့  မင်းလေးရှိနေတဲ့နေရာတိုင်းမှာ

မင်းလေးသိနိုင်မြင်နိုင်စေဖို့

ငါကလေ

လမင်းရဲ့ မျက်နှာပြင်အနှံ့

"ငါ နင့်ကို အရမ်းလွမ်းနေတယ်"လို့

စာတက်ရေးချင်နေမိတယ်။

ငါကိုယ်တိုင်တောင် မသိနိုင်တဲ့

တမ်းတမှုပေါင်းများစွာ သတိရခြင်းပေါင်းများစွာ

မွတ်သိပ်မှုပေါင်းများစွာ လွမ်းဆွတ်ခြင်းပေါင်းများစွာ

ချစ်ခြင်းရနံ့သင်းပျံ့ ခြင်းပေါင်းများစွာ

တောင့်တမှုပေါင်းများစွာ

ဆန်းပြားအနမ်းပေါင်းများစွာ။

များစွာ... များစွာ

မျှော်လင့်မှုဆန္ဒပေါင်းများစွာနဲ့

ရင်ခွင်ထဲက ငါ့ချစ်သူလေး

လရိပ်အောက်မှာ အေးမျှစေကြောင်း

အခါခါတောင်းဆု ပြုနေလျက်ပါဘဲ။

........

မင်းမရှိရင်......

မျက်ဝန်းတွေမှိတ်

အိပ်မသွားပါနဲ့

မျက်ဝန်းနက်ရဲ့ 

အကြည့်မှာ

တွယ်ငြိခြင်းသံယောဇဉ်

ရှာချင်နေသူမို့ပါ။

နှုတ်ခမ်းတွေပိတ်

ဆိတ်မသွားပါနဲ့

နှုတ်ခမ်းချိုတွေရဲ့ 

အဖွင့်မှာ

တွယ်ငြိခြင်းသံယောဇဉ်

ရှာချင်နေသူမို့ပါ။

ရယ်သံတွေတိမ်

ငြိမ်မသွားပါနဲ့

ရယ်သံ တိုးတွေရဲ့ 

အကြားမှာ

တွယ်ငြိခြင်းသံယောဇဉ်

ရှာချင်နေသူမို့ပါ။

ကြင်နာတာတွေလျော့

ပေါ့မသွားပါနဲ့

အကြင်နာတွေရဲ့ 

နူးညံ့မှုမှာ

တွယ်ငြိခြင်းသံယောဇဉ်

ရှာချင်နေသူမို့ပါ။

အနမ်းတွေရပ်

တန့်မသွားပါနဲ့

အနမ်းတွေရဲ့ 

မထိတတိမှာ

တွယ်ငြိခြင်းသံယောဇဉ်

ရှာချင်နေသူမို့ပါ။

အမုန်းတွေစွက်

ဆက်မသွားပါနဲ့………cheri အချစ်ရယ်

အငြိုးတွေရဲ့ ကြားမှာ

ရပ်တည်နိုင်စွမ်းမရှိတော့လို့ပါ။

သေချာတယ်

မင်းမရှိတဲ့ငါ့ဘ၀

တစ်ခဏလေးတောင်

တည်တံ့နိုင်မှာ မဟုတ်တော့လို့ပါ။

နှစ်ဦးသဘောတူ

နှစ်ဦးသဘောတူ

ကြည်ဖြူစွာလျောက်လှမ်း

မောပန်းစရာ အခက်အခဲ

ဘယ်လောက်ဘဲ ကြုံဆုံပါစေ

လက်တွဲမဖြုတ်ကြေးနော်။

အချစ်စစ်ရဲ့ မေတ္တာရိပ်အောက်

မကြောက်မရွံ နောက်မတွန့်ဘဲ

ရဲဝံ့စွန့်စား

ခါးသက်မှုတွေဖယ်ခွါပြီး

ကြင်နာစွာဖေးမကြမယ်။

မသေခင် ဘ၀တစ်ခုလုံး

အဆုံးမရှိတဲ့လှေငယ်လေး အတူတူလှော်ရင်း

အချင်းချင်း အချစ်ရေစင်ကို

ကြင်နာစွာ သောက်သုံး

အမုန်းဆိုတာ မေ့ထားစို့။

စကားလေးတွေကြမ်းတဲ့ခါ

အမူအရာလေးတွေလွဲတဲ့ခါ

သဘောထားလေးတွေကွဲတဲ့ခါ

ရန်ဖြစ်နေကြတဲ့ခါ

ဝေးနေကြတဲ့ခါ

လွမ်းနေကြတဲ့ခါ...

မာနတွေဖယ်ပါ

ပိုကြင်နာပါ

ဒါမှ

ဘ၀လှပမှာ။

အချစ်ကလေးရေ... ကျေးဇူးပြုပြီး

အချစ်ကလေးရေ

ကျေးဇူးပြုပြီး

မင်းလက်ကိုမကမ်းလိုက်ပါနဲ့

ဖမ်းဆုပ်မိတော့မယ့်ငါ့လက်တွေက

ပြန်လွှတ်ဖို့မှမဟုတ်တာ။

အချစ်ကလေးရေ

ကျေးဇူးပြုပြီး

မင်းရင်ခွင်မှာနေပါလို့မခေါ်လိုက်ပါနဲ့

ခိုဝင်မိတော့မယ့်ငါ့ကိုယ်လေးက

ရုန်းထွက်ဖို့မှမဟုတ်တာ။

အချစ်ကလေးရေ

ကျေးဇူးပြုပြီး

မင်းကိုချစ်လားလို့မမေးလိုက်ပါနဲ့

အကြိမ်ကြိမ်ညိတ်နေတဲ့ငါ့ခေါင်းလေးက

ငြင်းလွှတ်ဖို့မှမဟုတ်တာ။

အချစ်ကလေးရေ

ကျေးဇူးပြုပြီး

မင်းကိုကြင်နာပါလို့မပြောလိုက်ပါနဲ့

ထွေးပွေ့ထားချင်နေတဲ့ငါ့ရင်ခွင်လေးက

အေးစက်ဖို့မှမဟုတ်တာ။

အချစ်ကလေးရေ

ကျေးဇူးပြုပြီး

မင်းကိုနမ်းပါလို့မဖိတ်ခေါ်လိုက်ပါနဲ့

ချိုမြိန်စွာနွေးထွေးနေတဲ့ငါနှုတ်ခမ်းလေးက

ကြမ်းတမ်းဖို့မှမဟုတ်တာ။

အချစ်ကလေးရေ

ကျေးဇူးပြုပြီး

မင်းကိုယုယပါလို့မတမ်းတလိုက်ပါနဲ့

မွတ်သိပ်နေတဲ့ငါ့ဆန္ဒတွေက

ချုပ်တည်းဖို့မှမဟုတ်တာ။

အချစ်ကလေးရေ

ကျေးဇူးပြုပြီး

မင်းအတူနေချင်တယ်လို့မပူဆာလိုက်ပါနဲ့

ဘ၀နဲ့ထပ်တူကျနေတဲ့ငါ့သွေးသားတွေက

တားဆီးဖို့မှမဟုတ်တာ။

အချစ်ကလေးရေ

ကျေးဇူးပြုပြီး

လက်လျော့နေလင့်တော့လို့မနောက်လိုက်ပါနဲ့

မင်းမရှိတော့တဲ့ငါ့ဘ၀က

ရပ်တည်ဖို့မှမဟုတ်တာ။

အချစ်ကလေးရေ

ကျေးဇူးပြုပြီး

မေ့လိုက်တော့လို့မကျီစားလိုက်ပါနဲ့

ရင်မှာစိုက်နေတဲ့ငါ့အချစ်မျှားက

ဆွဲထုတ်ဖို့မှမဟုတ်တာ။

အချစ်ကလေးရေ

ကျေးဇူးပြုပြီး

မုန်းတယ်လို့မဆိုလိုက်ပါနဲ့

အခါခါချစ်ချင်နေတဲ့ငါ့မေတ္တာတွေက

ရပ်တန့်ဖို့မှမဟုတ်တာ။

အချစ်ကလေးရေ

ကျေးဇူးပြုပြီး

လမ်းခွဲကြရအောင်လို့မဖွင့်ဟလိုက်ပါနဲ့

တသက်တာအတွက်ငါ့အလင်းတန်းတွေက

ပျောက်ဆုံးဖို့မှမဟုတ်တာ။

မင်္ဂလာပါချစ်သူ

ရန်ဖြစ်ကြတဲ့အခါ
ပိုကြင်နာပါ။

အိမ်မက်တွေကို
ထပ်ခါထပ်ခါ
မက်ခွင့်ရဖို့အရေး
ညတွေရှိနေဖို့ လိုတယ်လေ။

ဒါ့ကြောင့်
ဘ၀ကို
အိပ်စက်ခွင့်ပေးပါ ချစ်သူ။

ဒါပေမဲ့…
မိုးမသောက်ခင်
ကိုယ့်ကိုသွားခွင့်ပြုပါ။

ခိုဝင်ဖူးတဲ့
ရင်ခွင်ဦးဆိုတာ
ကိုယ်မဟုတ်ခဲ့လို့ပါ။

မနက်ဖန်

လောကကြီးကို

စိတ်ကုန်တယ်။

ဒါပေမဲ့....

မနက်ဖြန်တွေကို

စိတ်မကုန်နိုင်ဘူး။

မင်းနဲ့ချစ်မိမှ

ကိုယ့်ဘ၀မှာ

မနက်ဖြန်တွေကိုမျှော်တတ်နေပြီ။

မနက်ဖြန်တိုင်း

ရင်ခွင်ချင်းအပ်

လက်ထပ်ဖြစ်ကြရင်ကောင်းမယ်။

ဒါပေမဲ့………

အဲဒီမနက်ဖြန်တွေကို

သင်ကြားတတ်မြောက်ဖို့

ကိုယ်မယုံရဲတော့ဘူး။

ကိုယ့်ဘ၀ထဲမှာ

ချစ်ဒေါသကလွဲရင်

အခြားဒေါသမရှိတော့ဘူး။

မင်းနဲ့ကွေကွင်းရမဲ့

သောကကလွဲရင်

ဘာသောကမှမရှိတော့ဘူး။

ကိုယ့်ဘ၀ရဲ့

အကြီးမားဆုံးအရာ

ပေးထားခဲ့ပါတယ်။

ရော့

ယူတတ်ရင်ယူလိုက်ပါ။

ချစ်သစ်ပင်

အချစ် ဆိုတာ

ကိုယ့်အတွက်

အာဟာရပြည့်စေတဲ့

သစ်သီးတစ်လုံးနဲ့တူတယ်။

ကိုယ့်အနီးနားမရှိပေမဲ့

ရင်ထဲမှာမင်းရှိနေခြင်းက

ကိုယ့်အတွက်

ထာဝရသီးနေတဲ့

အချစ်သစ်ပင်ရိပ်အောက်

ချစ်တဲ့အချစ်သီးတွေ

သီးနေခြင်းနဲ့တူတယ်။

ပမာပြောရရင်

ဆားတွေအရည်ပျော်ကျသွားလို့

ဆားပွင့်လေးတွေမရှိတော့ပေမဲ့

ဆားအရသာကတော့

မပျောက်မပျက်

ကျန်ရှိနေသလိုမျိုးပေါ့။

တစ်ခါမှာ တစ်ဘ၀

တစ်ဘ၀မှာ တစ်ခါသာ

စွဲစွဲမြဲမြဲ ရူးတတ်တဲ့

ဒီလောကီဘုံသားတွေရဲ့ 

သမုဒယနှောင်ကြိုး

တိုးတိုးလို့ ရစ်ပတ်

ဖြတ်ပစ်ဖို့ ခက်လှချည့်။

စွယ်တော်ချစ်သူသို့

ဘက်အညီလမ်းမှာလ
အရွက်စီစီ စွယ်တော်ပင်တန်းတို့
စိမ်းညှို့ ယှက်နွယ်။

လေအနှင် ဒီမြေစခန်းကို
ခြေဦးတည် မြန်းမိလေတိုင်း
သည်ရင်ခွင်နန်းမှာ
ပန်းပျိုးလက်အစုံကို
ရင်ခုန်သတိရမိတော့တယ်။

တစ်ညှာမှာ တစ်ရွက်
တစ်ရွက်မှာ နှစ်လွှာယှက်ပါလို့
ချစ်ဖက်ပြိုင် ၀ိုင်းစုသော်လည်း
နှိုင်းတုလို့ ဘယ်မမှီ။

တစ်ညှာမှာ တစ်လွှာကြွေရင်
ကျန်အလွှာတစ်ခြမ်းမှာ
တစ်ကိုယ်သာ လှမ်းရရင်ဖြင့်
လွမ်းပေါ့ကိုယ့်ရင်ဆီ။

ဒီဘ၀စခန်းဗွေမှာ
ဆွေနှစ်လွှာချစ်ရယ်က
တကယ်မေတ္တာစစ်ပေမို့
အကုသိုလ်ကြမ္မာ ခရင်တော့
ဆွေနှစ်လွှာ ညှာကကြွေလိမ့်။

အချစ်ဆန်းသက်ပိုင် ဆွေးတတ်သူကို
ဖက်မပြိုင် ဖယ်ခွါပြေးရင်ဖြင့်
ရွက်နှစ်လွှာ တောင်ပံခတ်သလို
ရွှေရင်လွှာ ဗလောင်ဆူရခြိမ့်။

စွယ်တော်မျိုးပေမို့
စွယ်တော်ပျိုးလက်အစုံကို
တကယ်နော် ခါခါတမိပါရဲ့ 
မှန်းဆရည်ရော်
စခန်းက တစ်မျှော်တစ်ခေါ်
ကျနော် ဆုတောင်းခန်းဖွင့်ရရင်ဖြင့်
စုပေါင်း တစ်နန်းတည်ဆောက်ရအောင်
မြန်းခဲ့.... ချက်ချင်းရယ်လေး။ ။

ခေါင်းစဉ်ပျောက်တဲ့သူ

တကယ်တော့
လောကကြီးရဲ့  ငါကလေ
နိယာမအမှန်တွေကိုအရည်ဖျော်သောက်
မှောက်ပစ်ခဲ့သူတယောက်ပေါ့
မောဟ အတုံးအခဲတွေစီတန်း
အာသာငမ်းငမ်း
အရသာခံကိုက်ဝါးချင်နေခဲ့သူလေ။

တကယ်တော့
အတ္တ အပြည့်နဲ့ ငါကလေ
အလိုရမ္မက်နောက်တကောက်ကောက်လိုက်
မောဟတွေစားသုံးရင်း
လောဘစားပိုးနင့်နေခဲ့သူလေ။

တကယ်တော့
ကြွင်းရုပ်စုနဲ့ ငါကလေ
အစစ်မဟုတ်မာနရုပ်ကို
တကိုယ်ကောင်းဆန်
အကာသက်သက်
မျက်နှာဖုံးတပ်
သောကအိမ်ထဲအဖြေမရ
လက်မှိုင်ကျခဲ့ရသူလေ။

တကယ်တော့
ဘ၀ခရီးသွား ငါကလေ
ကောင်းကင်မြေကြီး
တိမ်စိုင်တိမ်ခဲကြယ်လေးတွေထဲ
အချစ်ရဲ့ လမင်းရိပ်အောက်
စိတ်ကူးယဉ်အိပ်မက်လေး
ကဗျာပန်းကုံးဖွဲ့ဆိုရင်း
အလွမ်းရုပ်လုံးဖုဆစ်ခဲ့ရသူလေ။

တကယ်တော.
နောင်တတွေသီကုံးရင်း
အာဟာရချို့  နေတဲ့
တွေဝေခြင်း မှိုင်ငေးခြင်း
ညံ့ဖျင်းခြင်းတွေနဲ့ကခုန်
နပန်းလုံးနေခဲ့ရသူလေ။

ဒါကြောင့်လေ
ဘယ်သူမှမသိ
တိတ်တိတ်ကလေး
ငါပျောက်ဆုံးသွားခဲ့ရင်လည်း
ကျေးဇူးပြု၍
လောကကြီးရယ်
မငိုကြွေးလိုက်ပါနဲ့။

အပြုံးနဲ့နှုတ်ဆက်ချိန်

ကြယ်လေးရေ
အီဖဲလ် ပီဆာ
မင်းမော့ကြည့်နေစဉ်
ငါ့မှာတော့
အတိုင်းမသိတဲ့ အဖြစ်။

ဖာရိုးလ် လူဝီ
သခင်နှစ်ပါး
ပိရမစ် နန်းတွေကြား
မင်းရောက်နေချိန်
ငါ့မှာတော့
အထုမသိတဲ့အဖြစ်။

နပို ဟစ်တလာ
စစ်သံနှစ်သံ
မင်းညံနေချိန်
ငါ့မှာတော့
အန်ကောဝပ်ကျောင်းနား
အောင်းနေရတဲ့အဖြစ်။

ဝိုင်ချိုချိုနှင့်အချစ်
ပန်းမွေ့ယာနှင့်ချောကလက်
မင်းရှိုက်နေချိန်
ငါ့မှာတော့
တမ်းတခြင်းနဲ့ဖျားနေရတဲ့အဖြစ်။

ရောင်ဝါထိန်ညီး
ဘဂ၀ါထံပါး
သစ္စာခွန်းတွေဆင့်ခြွေရင်း
ညီမျှခြင်းတူ ချစ်ခြင်း
ရည်ရွယ်ချက်ချင်းတူ
မလွမ်းဘယ်သူရှိမလဲ။

လဲပြိုတိုင်းမှာ
အနားဖေးမ
အားပေးခဲ့တဲ့
သည်မှာဘက်ရဲ့ 
ငါ့ကြယ်လေးလဲ
အဝေးရောက်သွားပြီ။

အော်
ကြယ်လေး
ထားခဲ့တဲ့ အလင်းတန်းလေးတစ်ခု
ငါ့မျက်လုံးအိမ်ထဲ
မသိမသာကျန်ခဲ့ပါလား။

ငါ့ဆည်းဆာချိန်လဲ
ကမ္ဘာတစ်ခြား
တိုးတက်မှုတွေကြားထဲ
အ၀င်အထွက်အလွဲလွဲ
ပျောက်ဆုံးလျှက်။

ကြယ်လေးရေ
ငါ့အတွက်ချစ်ခြင်းနှင့်အတူ
ပြောင်းလဲမဲ့အရာအားလုံး
နေလာသမျှဖြေရှာမရတော့လဲ
ခွင့်လွတ်ခြင်းရဲ့  အခြားတစ်ဘက်
ပေးဆက်ခဲ့ရတဲ့ချစ်ခြင်း
နင့်သီးမှုတွေနဲ့အတူ
မြိုသိပ်ရင်း
ငါနေခဲ့ပါ့မယ်။

ရိပ်နားခို

သည်မှာဘက်ရဲ့ လပြည့်ည
ကြယ်တွေစုံသောကောင်းကင်
အိပ်မက်တစ်ဝက်နဲ့
စမ်းတ၀ါးဝါးမျှော်လင့်ချက်။

တစ်ဖက်ခြမ်းရဲ့ နေတစ်စင်း
နှင်းပွင့်ဆန်းနှင့်နိုးတစ်ဝက်
ဝိုးတ၀ါးခြေရာတစ်စုံ။

ကမ်းနှစ်ဖက်ရဲ့ 
အချစ်လျို့ ဝှက်ချက်
တစ်ချက်တည်းနဲ့ဘ၀တစ်ခုသယ်ဆောင်ညင်းရင်း
ရထားဆန်းလေးတစ်တွဲ
ဘယ်ဘူတာမှာ နားခိုရမလဲ။

သို့တည်းမဟုတ်
ဘယ်ဘူတာမှမသိ
မရပ်မနားအချစ်တေးလေး
နှစ်ကိုယ်ညည်းရင်း
သံသရာခရီးဆုံးအထိ
မောင်းနှင်သွားပါရစေ။

နိယာမတရားတွေ
ပညတ်ချက်တွေ
တားမြစ်ချက်ဥပဒေသတွေ
သောကရင်မှာ
မအေးချမ်းလဲ
ခွင့်ပြုပါလောကကြီးရယ်။

ဘ၀ရဲ့ အရိပ်လှိုင်း

သက္ကရာဇ်တွေရဲ့ ခက်ဆစ်ကို မရခဲ့ဘူး။
ချည့်နဲ့နဲ့ရာဇ၀င်တွေကို ငါပိုင်တယ်။
ငါက
ငွေရဖို့ဆိုရင်
ငါ့လက်ဖ၀ါးပေါ်က
ဆော်လမွန်လက်စွပ်တောင်ရောင်းလိုက်ချင်တာ။ (ပွဲစားမလို)

အမှတ်တရဖွင့်ရလောက်တဲ့
အလွမ်းသီချင်းမရှိပါဘူး
အော်
ငါ့နှလုံးသားဟာ
ပျားသလက်မဟုတ်ဘူးလို့ ယုံကြည်တယ်။

နေကမြင့်ပြီး
လူတွေက ရင့်လာပေမဲ့
ငါ့အတွက် သင်္ချိုင်းမတွေ့သေးဘူး။

အထီးကျန်ခြင်း
နွမ်းပါးခြင်း
လမ်းသလားခြင်း
ငါ့ကိုမွမ်းမံတဲ့
စိတ္တဇနာမ်တွေလေ။

သဲကန္တာရမှာ ရေကြီးပြီး
ပင်လယ်ရေငတ်တဲ့နေ့က
ငါနိဗ္ဗာန်ရောက်ကြောင်း
အိပ်မက်မက်တယ်။

ပစ္စလက်ခတ် ဘ၀တစ်ခုကို
သေသေသပ်သပ်ဖန်တီးရင်း
အတ္တတွေနဲ့ဘောင်ခတ်ခဲ့တော့
သံသရာဝဲဂယက်ထဲက
ငါ့ရဲ့ တယောအိုလေးကလဲ
အဖျားမကျ
သေရာပါဗလပွဘဲ။