Sunday 24 May 2009

ထားခဲ့ဖူးသော ရည်းစားများ (၃)

တစ်လခန့်အကြာမှာ မြေသာရွာသို့ ကျနော် ခရီးပြန်ဆန့်လိုက်သည်။ ကျနော့်သူငယ်ချင်းတွေနှင့်တွေ့ဖို့ဖြစ်သည်။ ယုယလေးက မချစ်နိုင်ဘူးဆိုသည့်အတွက် သူ့ကို ကျနော့် ခေါင်းထဲက ထုတ်ပြီးဖြစ်လေသည်။ သူငယ်ချင်းတွေရှိနေသည့်အတွက် မြေသာရွာကိုတော့ ကျနော် မကြာမကြာ အလည်သွားဖြစ်သည်။

"ကိုကိုမောင်... မင်း ငါတို့ကို ၀မ်းတေဘယ်လ်ပေးရမယ်"

"ဟာ.. ဘာဖြစ်လို့လဲ ဖေငယ်ရ"

"ယုယက ငါ့ကို စာတစ်စောင်လာပေးသွားတယ်။ မင်းအလည်လာတဲ့အခါ ပေးလိုက်ပါတဲ့။ ရော့.. ဖတ်ကြည့်"

စာအိပ်ကို ဆတ်ကနဲယူပြီး ကျနော် ဖောက်ဖတ်ကြည့်လိုက်သည်။ လား..လား .. မရည်ရွယ်ဘဲ စော်ကဲ မင်းဖြစ်ကိန်းပါလား။

"အကို...
အကိုက မာနကြီးပုံရတယ်နော်။ ယုယက မိန်းခလေးဆိုတော့ နဲနဲတော့ မူချင်သေးတာပေါ့။ အကို ထပ်ကြိုးစားမှ ချစ်တယ်လို့အဖြေပေးမလို့ဘဲ။ အခု အကိုက မိန်းမမိန်းမာယာကိုလဲ မသိဘူး။ နဲနဲလေးမှလဲ မူလို့မရဘူး။ မုန်းစရာကြီး။
ယုယ အကို့ကို ချစ်ပါသတဲ့ရှင်။ ကဲ ကျေနပ်ပြီလား။
ထာဝရချစ်နေမဲ့
ယုယ"

အချစ်စစ်ပွဲသည်ကား မာယာများလှချေ၏။ မြစ်တို့၏သဘောကား ကွေ့ကောက်၏။ မိန်းမတို့၏မာယာကား သိနိုင်ခဲလှ၏။ တိုက်စစ်ဆင်ပြီး အပြင်းအထန်တိုက်ခိုက်ခဲ့စဉ်က စစ်ဦးမှာ အထိနာပြီး ပြန်လာခဲ့ရ၏။ ယခု ကျနော် တိုက်ပွဲဆင်နွဲဖို့ လာခဲ့သည်မဟုတ်။ သို့သော် ယုယလေးက လက်နက်ချ အရှုံးပေးလေပြီတည်း။ အံသြဖွယ်ရှိလေစွ။

ကျနော့်စိတ်သည် ဆန်းကြယ်၏။ အံ့သြဖွယ်ဖြစ်၏။ ယုယကို ချစ်ရေးဆိုခဲ့၏။ ချစ်ခွင့်မရခဲ့။ သို့ပေမဲ့ ကျနော် စိတ်မဆင်းရဲခဲ့ပေ။ နဲနဲရှက်ရုံမျှသာဖြစ်ခဲ့၏။ ယခု ယုယအချစ်ကို ကျွန်ုပ်ရရှိခဲ့လေပြီ။ သို့သော် ကျနော် အရမ်းမပျော်ခဲ့ပေ။ သူငယ်ချင်းများနှင့်သာ အချိန်ကုန်လွန်ခဲ့၏။ ယုယနှင့်တစ်ကြိမ်တစ်ခါမျှ ချိန်းတွေ့ဖူးခြင်းမရှိ။
ကျနော်တို့ရပ်ရွာဘက်မှ လူတွေကလည်း ခက်သည်။ သမီးရည်းစားစုံတွဲကို တစ်နေရာမှာ နှစ်ယောက်ထဲတွေ့လျှင် ပုံကြီးချဲ့  ပြောတတ်ကြလေသည်။ ချိန်းမတွေ့ဖြစ်ခဲ့သည်မှာ ထိုအချက်ကြောင့်လည်းပါသည်။

တစ်နေ့၌
သူငယ်ချင်းတွေ မြှောက်ပင့်ပေးသည့်အတွက် ယုယနှင့်ချိန်းတွေ့ဖို့စီစဉ်လိုက်သည်။ လကွယ်ည ၈ နာရီတိတိအချိန်၊ ရွာထိပ် ဘုရားကုန်းပေါ်။

လကွယ်ည ဖြစ်သည့်အတွက် လမသာ။ လျပ်စစ်မီး မရှိသည့်အတွက် မှောင်မိုက်နေသည်။ ရွာထဲရှိ ဗီဒီယိုရုံ၌ ကျော်ဟိန်းကားတင်ထား၍ လူအများစု ဗီဒီယိုကြည့်သွားကြမည်။ ယုယလည်း ဗီဒီယိုသွားကြည့်မည်ဟု အိမ်ကို အကြောင်းပြမည်။ ဘုရားကုန်းပေါ်၌ တစ္ဆေသရဲခြောက်သည်ဟု နာမည်ကြီးသည့်အတွက် အချိန်မတော်ကြီး မည်သူမှ ဘုရားကုန်းပေါ်သို့ တက်လာလိမ့်မည် မဟုတ်။ ဗီဒီယိုပြီးချိန် ၉နာရီခွဲခန့်၌ ယုယကို အိမ်ပြန်ပို့မည်။ ကျနော်တို့အကြံ ပိပိရိရိရှိသည်။

ည ၈ နာရီထိုးပြီ။
မောင်ဖေငယ်နှင့်အခြားသူငယ်ချင်းများလည်း ကျော်ဟိန်းကားကြည့်ဖို့ ထွက်ခွါသွားကြလေပြီ။ ကျနော်လဲ ဘုရားကုန်းခြေရင်းသို့ တစ်ယောက်ထဲ ချီတက်လာသည်။ ပတ်ဝန်းကျင်တစ်ခုလုံး တိတ်ဆိတ်နေသည်။ ပုရစ်အော်သံနှင့် ညဥ့်ငှက်အော်သံ အချို့ က ကြီးစိုးနေသည်။ လူသံဟူ၍ အနည်းငယ်မျှ မကြားရ။ ကျနော် ကျောချမ်းလာသည်။ ကြက်သီးမွေးညှင်းထလာသည်။ ဦးခေါင်းကြီးလာသည်။ သေချာပြီ။ ကျနော် ကြောက်ရွံ့ နေပြီ။ ယုယကို တွေ့ဖို့ကြောက်သည်မဟုတ်။ နာနာဘာဝ တစ္ဆေသရဲကို ကြောက်ခြင်းဖြစ်၏။

ဘုရားကုန်းပေါ်က တစ္ဆေသရဲဇာတ်လမ်းမျိုးစုံကို ကျနော်ကြားဖူးခဲ့ပြီးဖြစ်သည်။ သုသာန်ထက် ပိုကြောက်စရာကောင်းသည်တဲ့။ ခက်ချေပြီ။ ကျနော်တစ်ယောက်ထဲ တောင်ကုန်းထိပ်ရောက်အောင် မသွားရဲတော့ပေ။ မောင်ဖေငယ်ကို ပြေးသတိရမိ၏။ ဒီကောင်ပါလာခဲ့ရင် အကောင်းသား။ အခုတော့ ဒီကောင်လဲ ကျော်ဟိန်းကားထဲ ဈာန်ဝင်စားနေလောက်ပြီ။

ယုယလေးများ တစ်ယောက်ထဲ တောင်ကုန်းပေါ်ရောက်နေမလားမသိဘူးဆိုပြီး တောင်ခြေကနေ အချက်ပေး လက်နှိပ်ဓါတ်မီး ထိုးကြည့်၏။ ပြန်လည်အချက်ပေးမီးကို လုံးလုံးမမြင်ရ။ ဒါဆို ယုယလေးလဲ တောင်ကုန်းပေါ်မှာ ရှိမည်မဟုတ်။ ဒီကောင်မလေး ချိန်းထားတဲ့နေရာကို မလာတာသေချာပြီ။ ယုယ ရက်စက်ပြီဟု ကျနော် တွေးနေသည်။ တောင်ပေါ်ကို လက်နှိပ်ဓါတ်မီးနှင့်ထိုးလိုက် ကြောက်စိတ်ကြောင့်ထွက်လာသည့် ချွေးစေးများကို သုတ်လိုက်နှင့် အချိန် ဘယ်လောက်ကြာသွားသည်မသိ။ ရွာထဲက ကျော်ဟိန်းကား ဗီဒီယိုက ပြီးလေပြီတည်း။
ကျနော့်အတွက် အချိန်ကုန်သွားလေပြီ။ သူငယ်ချင်းအိမ်သို့ ပြန်ရုံသာရှိတော့သည်။ ထို့ကြောင့် ပြန်လာခဲ့သည်။ ချိန်းသောညမှာ မိုးများ မရွာခဲ့ပါ။

"ကိုကိုမောင်... ဘယ်လိုလဲ.. အဆင်ပြေခဲ့တယ်မဟုတ်လား"

"မပြေပါဘူး ဖေငယ်ရာ.. ချိန်းတဲ့နေရာကို သူမလာခဲ့ဘူး"

"ဟုတ်ရဲ့ လားကွာ"

"အသေအချာပေါ့"

မနက်မိုးလင်းတော့ ကျနော် မြေသာရွာက ပြန်လာခဲ့သည်။ နောက်ပိုင်း အလုပ်ကိစ္စအတွက် မြို့တက်ပြီး အလုပ်လုပ်သည်။ ပညာသင်သည်။ ထို့ကြောင့် မြေသာရွာလေးသို့ မရောက်ဖြစ်တော့ပေ။ ယုယလေးကိုလဲ မေ့မေ့ပျောက်ပျောက်ဖြစ်သွားသည်။ ကျနော်မှ မချစ်ခဲ့ဘဲကိုး။ လူငယ်သဘာဝ အပျော်သဘောဆန်ဆန် အဆင့်သာရှိခဲ့သည်။ စဉ်းစားရင်း သူ့ကို သနားမိသည်။ ကျနော် လူမဆန်ခဲ့ဘူး။

ကျနော်မြို့ရောက်ပြီး သုံးလေးလခန့်အကြာမှာ မောင်ဖေငယ်ဆီက စာတစ်စောင်ရောက်လာသည်။

"ကိုကိုမောင်ရေ
မင်းတို့ချိန်းတွေ့ခဲ့ကြတဲ့ညအကြောင်းကို ယုယက ငါ့ကို ပြောပြတယ်။ သူတစ်ယောက်ထဲ ဘုရားကုန်းပေါ်ကို အရဲစွန့်ပြီး ၈ နာရီတိတိအရောက်သွားခဲ့တယ်တဲ့။ တစ္ဆေသရဲကြောက်ပေမဲ့ မင့်ကို တွေ့ချင်စိတ်က များနေလို့ အရဲစွန့်လိုက်တာတဲ့။ ဒါပေမဲ့ မင်းက ၉ နာရီခွဲအထိ တောင်ပေါ်ကို မရောက်လာဘူးတဲ့။ သရဲကကြောက် ခြင်ကကိုက်နဲ့ တောင်ပေါ်မှာ အတော်လေးဆင်းရဲခဲ့တယ်တဲ့။ ဗီဒီယိုပြီးတဲ့အချိန်ရောက်မှ သူ့အိမ်ကို ပြန်သွားခဲ့တယ်တဲ့။ ဗီဒီယိုလဲ မကြည့်ရ မင်းနဲ့လဲ မတွေ့ရဆိုတော့ စိတ်အရမ်းတိုတယ်တဲ့။ ချိန်းထားပြီး ကတိမတည်တဲ့ ယောက်ျားတစ်ယောက်အတွက် သူ့ရင်ထဲမှာ နေရာ မရှိတော့ပါဘူးတဲ့။

အဲဒါပါဘဲကွာ။ နောက်တွေ့မှ အေးအေးဆေးဆေးပြောကြတာပေါ့။
သတိရလျက်
ဖေငယ်"

ကျနော်နှင့်ယုယ၏ဇာတ်လမ်းကား အထက်ပါကဲ့သို့အဆုံးသတ်သွားခဲ့လေသည်။ ယုယကို အပျော်သဘောထားခဲ့သည်။ ကျနော်သရဲကြောက်ခဲ့သည်။(ငယ်သေးလို့ကြောက်ခြင်းဖြစ်သည်။ အခု မကြောက်တော့ပါ)။ ထို့ကြောင့် ကျနော် အိမ်ထောင်မကျခဲ့ခြင်းဖြစ်သည်။ ကံကောင်းလေစွ။
အခုဆိုရင် ယုယလဲ သူငယ်ချင်းတစ်ယောက်နဲ့ အိမ်ထောင်ကျသွားလေပြီ။
.........

လက်ရှိချစ်သူအကြောင်း နဲနဲ ကျနော်ပြောပြပါ့မယ်။
ယခုလက်ရှိချစ်သူကို လွန်ခဲ့သည့် သုံးနှစ်ခန့်က စတွေ့ခဲ့သည်။ ကျနော်သူ့ကို မြင်မြင်ချင်း သဘောကျခဲ့သည်။ သူမသည် သွက်သည်။ ထက်သည်။ လုံးဝမကလက်။ သူမလဲ အမေချစ်ဖြစ်သည်။ ကျနော်လဲ အမေချစ်ဖြစ်သည်။ သူမ၏ အမူအယာအားလုံး ကျနော့်စိတ်ကို သိမ်းကျုံးနိုင်စွမ်းရှိသည်။ ကျနော် သူမကို အရမ်းချစ်သွားသည်။ သို့သော် ကျနော်ချစ်ကြောင်း သူမကို ဖွင့်မပြောခဲ့ပေ။

နှစ်အတော်ကြာမှ သူမကို ကျနော်ချစ်ကြောင်းပြောပြလိုက်သည်။ သူများဦးသွားမှာ စိုးရိမ်၍ဖြစ်သည်။ သူမသည် ဟန်မဆောင်တတ်ပေ။ ကျနော့်ကို ချက်ချင်းအဖြေပေးသည်။ သူမလဲ ကျနော့်ကို တွေ့တွေ့ချင်း ချစ်နေမိသည်တဲ့။ မိန်းခလေးက စရမှာမို့ သည်းခံပြီး စောင့်နေတာပါတဲ့။ ငယ်စဉ်ဘ၀ကတည်းက အလုပ်ကြိုးစားခဲ့သူမို့ သူမမှာ ငယ်ချစ်ဦးမရှိခဲ့ပေ။ ကျနော်သာလျှင် သူမ၏ တစ်ဦးတည်းသော မူပိုင်ချစ်သူ ဖြစ်ပေတော့၏။ ကျနော်လဲ သူမကို ခိုက်ခိုက်တုန်အောင်ချစ်သည်။ သူမလဲ ကျနော့်နည်းတူ ကျနော့်ကို ချစ်သည်။ ထို့ကြောင့် ကျနော်တို့၏ အချစ်သည် အများထက်သာသော အနှိုင်းမဲ့အချစ်များဖြစ်လေသည်။
......

ကဲ ကဲ... ညီလေး မိုးစက်အိမ်ရေ... ညီတဂ်ခဲ့တဲ့ ထားခဲ့ဖူးသော ရည်းစားများအကြောင်းပို့စ်ထ်ကို ဒီမှာတင်ရပ်လိုက်ပါပြီ။ အကိုကလဲ ရေးမိရင် မဆုံးတတ်တော့ဘူး။ အကို့ချစ်သူကတော့ အခုထက်ထိ အိုကေပြနေတုန်းပါဘဲ။ သူလဲ ပညာတတ်တစ်ယောက်ဆိုတော့ အကို့ကို နားလည်ပေးလောက်ပါတယ်။ အဲဒီလို နားလည်ပေးတာလေးတွေကြောင့်ဘဲ အကိုက သူ့ကို စွဲနေမိတာ။

ပျော်ရွှင်ကြည်နူးကြပါစေ။

........

4 comments:

Anonymous said...

ဒို့အကိုကြီးခုထိအိမ်ထောင်မကျသေးတာ သရဲကယ်သွားလို့ပေါ့နော် :P
နားလည်တဲ့အချစ်မျိုးရှိတာ အားကျမိပါတယ်
အဆင်ပြေပျော်ရွှင်ပါစေဗျာ

ကဗျာဦး said...

ရည်းစားအကြောင်းလာဖတ်ပါတယ်။

မိုးစက်အိမ် said...

အကိုရေ ညီနောက်ကျ ပြီးမှ လာသွားရလို.ဆောရီး
အကိုရေ ခြေစွမ်းတွေ ပြမိလို. ပတ်တီးနဲ. အိပ်ရာထဲ
ရောက်နေတာ မဖြစ်ချေဘူး အကိုကို အားနာဖို.ကောင်းတယ်
ဆိုပြီး ထလိုက်လာတာ...ဖတ်သွားတယ်ဗျာ အကိုအဖြစ်
ကလဲ ရီရသားဗျာ...ဟဲဟဲ ဒါပေမဲ. ဖြစ်တတ်ပါတယ်
ခုတော.လဲ ဖူးစာရှင် အမှန်လေးနဲ. တွေ.နေရပျြွပေါ.
နော်. ... ချစ်သူ နှစ်ယောက်ပျော်ရွှင်ကြပါစေလို.
ဆုတောင်းပေးပါတယ်အကို...အခုလို ရှည်လျားစွာ
နဲ.သေသေချာချာရေးပေးတဲ. အတွက်လည်း ကျေး
ဇူးအထူးတင်ပါတယ် အကိုရေ...

မိုးခါး said...

ချစ်သူနဲ့ ထာဝရလက်တွဲနိုင်ပါစေရှင် ..း)
စွံတယ်နော် .. ဟီး (နောက်တာ) :P