NEWS ဆိုတာ ဒီလိုတဲ့

အခုတလောလောဆယ် မေဒီယာလောကထဲမှာ ရေပန်းစားနေတာတစ်ခုရှိတယ်။ အဲဒါက အမေရိကန်သမ္မတအကြောင်းလဲ မဟုတ်ဘူး။ အီရတ်စစ်ပွဲအကြောင်းလဲ မဟုတ်ဘူး။ အစ္စရေးနှင့်ဂါဇာကမ်းမြောင်ဒေသအကြောင်းလဲမဟုတ်သလို အာဖဂန်က တာလီဘန်တွေ အကြောင်းလဲ မဟုတ်ဘူး။

သတင်းစာ စာစောင် ဂျာနယ် မဂ္ဂဇင်း အားလုံးဖတ်ကြည့်။ အဲဒီအကြောင်းပါတယ်။ အင်တာနက်ပေါ်တက်ကြည့်ဦးမလား။ ဘလော့ဂ် ၀က်ဘ်ဆိုက် အတော်များများမှာ အဲဒီအကြောင်းကို ဖတ်ရတယ်။ အဲဒီအကြောင်းဆိုတာက လူအကြောင်းမဟုတ်ဘူးဗျ။ ၀က်တွေ ၀က်တွေအကြောင်း။

နာမည်ကြီး အားကစားသမားများ၊ ထင်ပေါ်ကျော်ကြားတဲ့ ရုပ်ရှင် မင်းသမီး မင်းသားများ၊ ကမ္ဘာ့နာမည်ကြီး သမ္မတများ၊ ၀န်ကြီးချုပ်များ နေရာယူထားခဲ့ကြတဲ့ သတင်းစာ ခေါင်းကြီးပိုင်းတွေပေါ်မှာ၊ အင်တာနက် စာမျက်နှာတွေပေါ်မှာ အခုဆိုရင် ၀က်တွေလွဲပြောင်း နေရာယူနေကြပြီလေ။ ဒီ ၂၀၀၉ ခုနှစ်ကို ၀က်နှစ်လို့ ခေါ်ရမလိုတောင် ဖြစ်နေပြီ။

အနောက်တိုင်းရဲ့  သတင်းတွေက လွတ်လပ်၊ တစ်ခါဖြစ်ပြီးသတင်းကိုလဲ ထပ်ခါတလဲလဲ ဖော်ပြ၊ ဝေဖန်ရေးတွေကလဲများ ဆိုတော့ ကမ္ဘာကြီးကို ၀က်တွေအုပ်စိုးတော့မလိုလိုဖြစ်နေလေရဲ့ ။ ၀က်တွေနာမည်ကြီးလာရတာက ကောင်းတဲ့ဘက်က နာမည်ကြီးလာတာမဟုတ်ပါဘူး။ လူတွေကို ခဏအတွင်း သတ်ပစ်နိုင်လောက်တဲ့ ၀က်တုပ်ကွေးရောဂါကြောင့် နာမည်ကြီးလာရတာပါ။ ကူးစက်ပုံကိုလဲ ကြည့်လိုက်ဦး ရောဂါရှိတဲ့သူနှင့်ဘတ်စ်ကားအတူစီးရင် ရထားအတူစီးရင် လေယာဉ်အတူစီးရင် ယုတ်စွအဆုံး လမ်းသွားရင်း ဆုံမိရင်တောင် ကူးစက်နိုင်ပါသတဲ့။ ရောဂါရှိတဲ့သူက နှာချီမယ်။ ကျန်တဲ့သူက ရှူရှိုက်မိမယ်။ ဒါဆို သေချာပြီ။ ရောဂါကူးစက်ပြီပေါ့။

ကြက်ငှက်တုပ်ကွေးတုန်းကလဲ တစ်ကမ္ဘာလုံး သတ်ပစ်လိုက်ရတဲ့ကြက်တွေ မနည်းဘူး။ ကြက်ဥစားချင်လို့ ဈေးထဲလိုက်ရှာရတာတောင် ရွှေထက်ခပ်ရှားရှားဖြစ်ခဲ့တယ်။ အခုလဲ ၀က်တွေကို အစုလိုက်အပြုံလိုက် သတ်ဖြစ်ပစ်ဖို့ စီရင်နေကြလေပြီ။ နောက်တစ်ခါများ မတော်လို့ ကျွဲနွားတုပ်ကွေးပါ ထပ်ပေါ်လာရင်တော့ ကျနော်တို့ ရွှေမြန်မာတွေ တော်တော် ဒုက္ခရောက်ကြမှာ သေချာတယ်။ ကျွဲနွားတွေကို ထွန်ယက်ပြုစုဖို့အတွက် မွေးမြူထားကြတာမဟုတ်လား။ ဒုက္ခ ဒုက္ခ။

ဒါပေမဲ့ ခွေးတုပ်ကွေးပေါ်လာရင်တော့ အင်္ဂလန်သူ အင်္ဂလန်သားတွေ ငိုချင်းရှည်ကြီးချမှာ မြင်ယောင်မိသေးတယ်။ သူတို့က ခွေးကို သူတို့ ဇနီး ခင်ပွန်း သားသမီးတွေထက် ပိုချစ်ကြတာကလား။ ကုန်ကုန်ပြောရရင် သူတို့ကိုးကွယ်နေတဲ့ ဘုရားသခင်ထက်တောင် ခွေးကို ပိုဂရုစိုက်ကြတယ်။ လွတ်လပ်တဲ့နိုင်ငံဆိုတော့ သားသမီးတွေက မိဘအနား သိပ်မကပ်ကြတော့ဘူးလေ။ အမြဲအတူနေရတာက သူတို့မွေးထားတဲ့ ခွေးကလေးတွေပါဘဲ။

အခု ၀က်တုပ်ကွေးတွေ ကမ္ဘာတစ်ဝှန်း ပျံ့ နှံ့နေလေပြီ။ ဒါကြောင့်မို့လဲ ၀က်တွေကို သုတ်သင်ပစ်လို့ တစ်ချို့ နိုင်ငံတွေ ပြင်ဆင်နေကြလေရဲ့ ။ ၀က်တွေကတော့ မျက်စိလည်ကုန်မှာ သေချာတယ်။ နေ့တိုင်း အသားအတွက် အသတ်ခံရပေမဲ့ အခုလို အစုလိုက် အပြုံလိုက် သတ်ပစ်တာကိုတော့ သူတို့ တွေ့ကြုံဖူးမှာ မဟုတ်ဘူး။
အခုတော့ သူတို့ဆွေမျိုးမိတ်ဆွေတွေနဲ့အတူ တစ်ချိန်ထဲ အသတ်ခံကြရတော့မယ်။

လန်ဒန်ရဲ့  ရာသီဥတုကလဲ အခက်သား။ အခု နေပူလိုက် အခု မိုးအုံ့လိုက်နဲ့။ အခန်းထဲ အမြဲတမ်းထိုင်နေရတော့လဲ ခါးတွေပူ ဇက်တွေလေးလာတယ်။ နေရောင်လေးမြင်တုန်း အမြင်ထွက်မယ်စိတ်ကူးပြန်တော့လဲ ၀က်တုပ်ကွေးက ကြောက်ရပြန်ရော။ ကျန်းမာရေးအတွက် လမ်းလျောက်သွားရင်း ၀က်တုပ်ကွေးမိလာရင် သွားပြီ။ လူဖြစ်ရှုံးပြီ။ အများတွေ တပ်ဆင်အသုံးပြုသလို မျက်နှာစွပ် ၀တ်ရမယ်ဆိုတော့လဲ ရှိုးတိုးရှန့်တန့်ရယ်။ ကျနော်က နေကာမျက်မှန်စွပ်ပြီး လူကြားထဲ သွားရတာတောင် ခပ်ရှက်ရှက်။

သတင်းတွေက ပျံ့ နှံ့နေပြီ။ ၀က်တုပ်ကွေးတွေအကြောင်းပေါ့။ ကမ္ဘာ့မြောက်ဘက်ခြမ်းကလာလဲ ဒီဝက်တုပ်ကွေးအကြောင်းဘဲ။ ကမ္ဘာရဲ့  အရှေ့ ဘက်ခြမ်း အနောက်ဘက်ခြမ်း တောင်ဘက်ခြမ်း ဘယ်ဘက်ခြမ်းကဘဲလာလာ ဒီဝက်တုပ်ကွေးအကြောင်းတွေချည်းဘဲ။ စိတ်ပိန်စရာကောင်းလိုက်တာ။

ဒီလို မြောက် အရှေ့  အနောက် တောင်အရပ်တွေဆီက လာတဲ့ အချက်အလက် စကားတွေကိုဘဲ သတင်းလို့ ခေါ်ကြဟန်တူပါရဲ့ ။ ဆရာသမားတစ်ယောက်ပြောပြတာကို အမှတ်ရမိတယ်။ NEWS ဆိုတာ မြောက် အရှေ့  အနောက် တောင် ဆိုတဲ့ အရပ်လေးမျက်နှာကို ရည်ညွန်းထားတဲ့ စကားလုံးလေးပါတဲ့။
N= North (မြောက်)
E= East (အရှေ့ )
W= West (အနောက်)
S= South (တောင်)
အဲဒါတွေ အားလုံးအတိုချုံးလိုက်ရင် NEWS ဖြစ်သွားရောတဲ့။ ရှင်းလိုက်တဲ့ စကားလုံးလေးပါဘဲ။

ကျနော်လဲ အဲဒီ NEWS ဆိုတဲ့ စာလုံးလေးကြောင့် အခန်းအတွင်းဘဲ အောင်းနေရပါတယ်ခင်များ။ ဟဲ ဟဲ သတ္တိမရှိလို့တော့မဟုတ်ဘူးနော်။ ဒါပေမဲ့ အခုရောဂါနာမည်က သိပ်ကြားလို့မကောင်းဘူး။ ၀က်ရောဂါကြီး။ လူရောဂါမဟုတ်ဘူး။ ဒါကြောင့် ခပ်ဝေးဝေးကနေ ရှောင်ပြေးတာဘဲ ကောင်းပါတယ်လေ။

လူတိုင်း ၀က်တုပ်ကွေး အန္တရာယ်မှ ကင်းဝေးနိုင်ကြပါစေ။

.....