Tuesday 5 May 2009

ကျွန်ုပ်၌ မိဘနှစ်ပါးရှိခဲ့သည် (၁)

ကျွန်ုပ်၌ မိဘနှစ်ပါးရှိခဲ့သည်။
မိဘနှစ်ပါး၏ ကျေးဇူးကြောင့် ဖြစ်ခဲရခဲလှသော လူ့ဘ၀ကို ကျွန်ုပ်တို့ငါးဦး ထိုက်ထိုက်တန်တန် ရရှိခဲ့ကြသည်။
ကျွန်ုပ်တို့ငါးဦးထဲ၌ မိန်းခလေးမပါ။ ယောက်ျားလျာမပါ။ ထို့အတူ မိန်းမလျာလည်း မပါပါ။ ယောက်ျားစစ်စစ် ငါးဦးတိတိကို ကျွန်ုပ်တို့၏ မိဘနှစ်ပါးက မွေးဖွားပေးခဲ့ခြင်းပင်ဖြစ်သည်။

အဖေသည် သွက်လက်သည်။ ချက်ချာသည်။ စီးပွါးရေးအမြင်ရှိသည်။ လူမှုဆက်ဆံရေးကောင်းသည်။ ထို့ကြောင့် ကျွန်ုပ်တို့ ညီအကို ငါးယောက် ထမင်းနှပ်မှန်အောင် စားခဲ့ရသည်။ ကျွန်ုပ်တို့ မိသားစုအားလုံး အဖေ့အိမ်မှာ နေခဲ့ကြသည်။ အဖေ့အိမ်သည် အဖေ့မိဘနှစ်ပါး၏ အိမ်ဖြစ်သည်။ အဖေ့မိဘနှစ်ပါးသည်လည်း ၄င်းအချိန်၌ သက်ရှိထင်ရှားရှိခဲ့သည်။ အဖေ့မိဘနှစ်ပါး၏ သားထွေးလေးသည်လည်း သူ၏ဇနီးမယား သမီးသားများနှင့် ထိုအိမ်၌ပင် အတူတူနေကြသည်။ ထို့ကြောင့် ၄င်းအိမ်၌ မိသားစုအားဖြင့် သုံးစုတိတိရှိခဲ့သည်။

အမေသည် အေးအေးဆေးဆေးနေတတ်သည်။ စကားနည်းသည်။ အသွားအလာနည်းသည်။ လူတောထဲသို့ သိပ်မတိုး။ အလွန်သွက်လက်သော အဖေနှင့် လွန်စွာမှ အေးဆေးတည်ငြိမ်သော အမေသည် အမေ့အသက် ၁၆နှစ်အရွယ်မှာ အိမ်ထောင်ကျခဲ့သည်။ ထိုအချိန်က အမေ့မိဘနှစ်ပါးလည်း သက်ရှိထင်ရှားရှိဆဲဖြစ်သည်။ ညီအကို မောင်နှမတွေ ရှိခဲ့သည်။ သို့သော် သျှောင်နောက် ဆံထုံးပါ ဆိုသကဲ့သို့ အိမ်ထောင်ကျပြီးသောအခါ အမေသည် အဖေ့အိမ်သို့ လိုက်ပါခဲ့သည်။

ကျွန်ုပ်၏ မိဘနှစ်ပါးက မွေးခဲ့သော သားယောက်ျား ငါးယောက်အနက် ကျွန်ုပ်က အလယ်အလတ်ဖြစ်သည်။ အထက်မှာ နှစ်ယောက် အောက်မှာ နှစ်ယောက်ဖြစ်သည်။ သဒ္ဓါ ၀ီရိယ သတိ သမာဓိ ပညာ ဆိုသည့် ဗိုလ်ငါးပါးနှင့်တင်စားလျင် ကျွန်ုပ်သည် သတိဗိုလ်နေရာ၌ရှိသည်။ သတိသည် သဒ္ဓါနှင့်ပညာ ၀ီရိယနှင့်သမာဓိတို့ကို ညှိပေးရသော ချိန်ခွင်လျာဖြစ်သည်။ တရားသူကြီးလည်းဖြစ်သည်။ ထို့ကြောင့် ကျွန်ုပ် ဂုဏ်ယူသည်။ မိဘနှစ်ပါးကို ပိုကျေးဇူးတင်သည်။

ကျွန်ုပ် ဆယ်နှစ်သားအရွယ်၌ ကျွန်ုပ်၏ အကိုနှစ်ယောက်နှင့်အတူ သင်္ကန်းစည်းသည်။ အသားဖြူဖြူ သင်္ကန်းနီနီဖြင့် ကျွန်ုပ်ကို ကြည့်ကောင်းသည်ဟု အမေကပြောသည်။ အဖေကား ဘာတစ်ခုမှ ၀င်မပြော။ ကျွန်ုပ်တို့အား သင်္ကန်းစည်းပေးသောပွဲ၌ အဖေသည် ဘာစကားတစ်လုံးမှ ပြောပိုင်ခွင့်မရှိ။ အဘယ့်ကြောင့်ဆိုသော် ကျွန်ုပ်တို့အား သင်္ကန်းမ၀တ်ပေးခင် နှစ်နှစ်ကျော်ကျော်လောက်က အဖေဆုံးပါးသွားခဲ့သောကြောင့်ပင်ဖြစ်သည်။

အဖေမပါသော ကျွန်ုပ်တို့၏ ရှင်ပြုပွဲသည် ပျော်ပွဲရွှင်ပွဲမဖြစ်ခဲ့။ ၀မ်းမြောက်ရွှင်လန်းစရာလည်း မဖြစ်ခဲ့။ ၀မ်းနည်းဝမ်းသာ မျက်ရည်များဖြင့် ဖုံးလွှမ်းခဲ့သော ငိုပွဲလေးသာ ဖြစ်ခဲ့သည်။ ခေါင်းတုံး (ကတုံးတုံး)ပြီး ပုဆိုးအင်္ကျီချွတ်ကာ ကျွန်ုပ်တို့အား ရွာဦးကျောင်းဆရာတော်ကိုယ်တိုင် သင်္ကန်းစည်းပေးသည်။ သင်္ကန်းရောင်များဖြင့် ၀င်းလက်နေသော ကျွန်ုပ်တို့ကို ကြည့်ပြီး အမေငိုကြွေးသည်။ တအင့်အင့်ရှိုက်သည်။ တရှုပ်ရှုပ်မျက်ရည်ကျသည်။ ရွာဦးကျောင်းဆရာတော်အား ရှိခိုးသည့်အခါ အသုံးပြုရန်ယူဆောင်လာခဲ့သည့် အမေ့ ယောဂီသဘက်ကလေးသည် အမေ့မျက်ရည်တို့နှင့် ရွှဲရွှဲစိုနေခဲ့သည်။

"ကိုကျော်လှိုင်ရေ... ရှင့်သားလေးတွေကို သင်္ကန်းစည်းပေးလိုက်ပြီ။ လာကြည့်လှည့်ပါ။ ရှင်သာ ရှိရင်လေ အခုထက် ပိုကြည်နူးစရာကောင်းမှာ..." ဟု (တမလွန်ဘ၀က ကျွန်ုပ်တို့အဖေကို) ပြောရင်း ငိုကြွေးနေသော အမေ့အသံသည် ယနေ့အထိ ကျွန်ုနားထဲ ပဲ့တင်ထပ်နေဆဲဖြစ်သည်။ ကျွန်ုပ်တို့ ရှင်ပြုပွဲ၌ အမေငိုသည်။ အမေငိုသောကြောင့် ကျွန်ုပ်တို့ ညီအကို သုံးပါးလုံး ငိုကြွေးခဲ့ကြသည်။ အမေလည်းငို သားကိုရင်တို့လည်း ငိုကြသောကြောင့် စိတ်မထိန်းနိုင်သော ပရိသတ်များ အားလုံး ငိုကြွေးခဲ့ကြသည်။ ထို့ကြောင့် ရွာဦးကျောင်းတစ်ကျောင်းလုံး ငိုသံများဖြင့် ကျွက်ကျွက်ညံခဲ့သည်။

အဖေသေစဉ်က ကျွန်ုပ် မငိုခဲ့ပါ။ ဘယ်လိုဘယ်ပုံ ငိုကြွေးရမည်ကို မသိခဲ့သောကြောင့်ဖြစ်သည်။ အဖေသည် ညဉ့်နက်သန်းခေါင်အချိန်၌ မိန်းမောခဲ့သည်။ လင်းအားကြီးအချိန်၌ လောကကြီးမှ အပြီးထွက်ခွါသွားခဲ့သည်။ ကျွန်ုပ်တို့ နှစ်သက်စွာ အိပ်မောကျနေခိုက် အဖေသည်လည်း ရာသက်ပန်အိပ်စက်သွားခဲ့သည်။ ထိုအချိန်က အမေပြောခဲ့သည့် စကားများကို ကျွန်ုပ်မှတ်မိနေသေးသည်။ "သားတို့ရေ... မင်းတို့အဖေ မရှိတော့ဘူး" တဲ့။

လူသေလျင် ငိုကြွေးကြသည်ကို ကျွန်ုပ်သိသည်။ ကျွန်ုပ်၏စိတ်ထဲ၌ လူသေရင် မငိုမနေရ ဟူသော စည်းကမ်းရှိသည်ဟု ထင်ခဲ့သည်။ ထို့ကြောင့် ငိုအောင်ကြိုစားခဲ့သည်။ သို့သော် ကျွန်ုပ်မျက်ရည် အနည်းငယ်မျှ မထွက်ခဲ့။ အဖေ့ကို မချစ်၍ မငိုခဲ့ခြင်းမဟုတ်။ ငိုနည်းစနစ်ကို မသိခဲ့သောကြောင့် မငိုခဲ့ခြင်းဖြစ်သည်။ ငိုနည်းစနစ်ကို သိသော ကျွန်ုပ်၏ အကိုနှစ်ယောက် ငိုကြွေးခဲ့ကြသည်။ ကျွန်ုပ်၏ ညီငယ်နှစ်ယောက်သည်ကား ကျွန်ုပ်ကဲ့သို့ပင် ယောင်တောင်တောင် ဖြစ်နေခဲ့သည်။

အဖေသေစဉ်က မငိုကြွေးခဲ့သော ကျွန်ုပ်သည် ကျွန်ုပ်တို့ကို ရှင်ပြုသင်္ကန်းဝတ်ပေးသည့်ပွဲ၌ အတိုးချပြီး ငိုကြွေးခဲ့သည်။ ဘာဖြစ်လို့ ငိုကြွေးသလဲ ဆိုသည်ကို သဘောပေါက်သွား၍ဖြစ်သည်။ ၀မ်းနည်းမှု စိတ်မကောင်းမှုသည် နှလုံးသားသို့ဝင်ရောက်သွားသည်၊ နှလုံးသားမှတစ်ဆင့် ဦးဏှောက်သို့ဝင်ရောက်လာပြီး ဦးဏှောက်ကတစ်ဆင့် မျက်လုံးအိမ်သို့ အပြေးဝင်ရောက်လာသည်။ ထို့ကြောင့် စိတ်မကောင်းမှုသည် မျက်ရည်အဖြစ်သို့ ပြောင်းလဲသွားသည်။ ထွက်ကျလာသည့် မျက်ရည်များကို ကျွန်ုပ်ကိုယ်၌ ဆင်မြန်းထားသော သင်္ကန်းများဖြင့် သုတ်သည်။ သို့အတွက် ၀တ်ရုံထားသော သင်္ကန်းများသည် ကျွန်ုပ်၏ မျက်ရည်ကြောင့် ရွှဲနစ်နေခဲ့သည်။

အမေ ငိုသည်။ ထို့ကြောင့် ကျွန်ုပ်ငိုခဲ့သည်။ အကို ကိုရင်နှစ်ပါးလည်း ငိုသည်။ ထို့ကြောင့် ကျွန်ုပ်ငိုခဲ့သည်။ ပရိသတ်များလည်း ငိုသည်။ ထို့ကြောင့် ကျွန်ုပ်ငိုခဲ့သည်။ ထိုအချိန်က ကျွန်ုပ်သည် အဖေ့ကို အရမ်းသတိရခဲ့သည်။ ထို့ကြောင့် ကျွန်ုပ် ရှိုက်ကြီးတငင် (ရှိုက်ကာ ရှိုက်ကာ) ငိုကြွေးခဲ့သည်။

ကျွန်ုပ်၌ မိဘနှစ်ပါးရှိခဲ့သည်။

.........

6 comments:

ဖြိုးဇာနည် said...

မျက်ရည်များနဲ့ခင်းထားတဲ့
ပီတိလမ်းပေါ်မှာလျှောက်လှမ်း
နေကြရတဲ့မိသားစုလေးတွေရဲ့
အပျော်တစ်ဝက်စိတ်မကောင်း
တစ်ဝက်နဲ့ကျလာတဲ့မျက်ရည်တွေဟာ
တကယ်တော့တန်ဖိုးမဖြတ်နိုင်တဲ့
နှလုံးသည်းခြေကနေယိုစီးကျလာတဲ့
သွေးစက်တွေပါဗျာ့

မိုးစက်အိမ် said...

ဒီလိုအဖြစ်မျိုး တွေကို နောင်သံသရာ
အဆက်ဆက် ကင်းလွတ်နိုင်ပြီး
အကိုဆန္ဒလေး တွေ ပြည်.၀နိုင်ပါစေဗျာ...

flowerpoem said...

ကိုကိုမောင်ရေ ပို့စ်လေးကို ဖတ်ပြီး စ်ိတ်မကောင်းဘူး သယ်ရင်း

Unknown said...

Ako

Goodluck.Like your post.

May You Be Happy.See You So Long.

Anonymous said...

:(
swe

Anonymous said...

မငိုပါနဲ့ ကိုရင်ရယ် ...