"အထူးအောင်ပန်းဆင်" တေးထပ်

ပွဲသင်္ကြန် နွှဲပြန်ကြ

ဇွဲသန်ပြ ခါခါ။

ကဲသံက ဆူဆူညံတယ်
တူတူကြံ ပျော်ပွဲ။

နိုင်ငံသစ် တည်လစ်စဉ်လျှင်
ပြည်ရှစ်ခွင် မြူးလို့ဆင်နွှဲ။

ပိတောက်ခက်နဲ့ ရေပက်ပါကွယ်
ဆွေသက်လျာ စုိုရွှဲ။

နွေရက်ကြာ ပျိုအသဲမှာဖြင့်
ငုိုမစဲ ရင်မှာ။

လောင်းကွဲ့လေ စမ်းရေစက်တွေနဲ့
မှန်းနေလျက် လွမ်းတော့သည်သာ။

ရှေ့တလျောက် ပြည်သာယာကုို
ဆွေသဟာ လက်တွဲလို့။

ခက်ခဲစွာ့ ထုိုဌာနေ၊ သွားကြစို့လေ။

အတာကြူးတဲ့ တန်ခူးမြေမှာ
အထူးသေချာ အောင်ပန်းဆင်ကြလေး။

(သူကြီးမင်း ၁၂ အေပရယ် ၂၀၁၆)

တုံးဖလားဖိတ်ခေါ်သံ

လလိတစေတီ ထူးမြတ်သည်
ရှိခုိုးဦးချမည်။
ကုသိုလ်စည်ဖုို့ တည်ကာထား
ရွာနာမည်က တုံးဖလား။
.
တုံးဖလားသို့ လာစေချင်
လက်လှမ်းကြိုမှာပင်။
ပြုံးရွှင်ကြည်သာ ဖော်ရွေခြင်း
ရိုးသားပါလုို့ မာန်တွေကင်း။
.
မာန်တွေကင်းပ ထုိုရပ်ရွာ
ထက်ဖျားပြည်မြန်မာ။
မြို့နာမည်ဟာ ပင်လည်ဘူး
စစ်ကိုင်းတုိုင်းရဲ့ ဒေသထူး။
.
ဒေသထူးသို့ ရောက်ဖုို့ဆို
ရထားကားနဲ့ သွားဖုို့လုို။
ခရီးတိုတုို မှန်မယွင်း
ရောက်နိုင်ပါပေါ့ ခုချက်ချင်း။
.
ခုချက်ချင်းတော့ ဆုိုင်းငံ့ပါ
သူကြီးပြန်လာမှာ။
ရပ်ရွာသာဖုို့ မြတ်ပဋ္ဌာန်း
ရွတ်ဆုိုမှာကွဲ့ ဆုန်လဆန်း။
.
ဆုန်လဆန်းရက် ဆယ့်ငါးဟာ
ဗုဒ္ဓနေ့ထူးပါ။
ထုိုရက်မှာကွယ် ထီးတင်ပွဲ
ပုညရှင်တုို့ မှန်ဆင်နွှဲ။
.
မှန်ဆင်နွှဲဖုို့ ဗျာဒိတ်ခံ
ဗုဒ္ဓဖွားပွင့်စံ။
ကိလေရန်ကုို တွန်းလှန်ရှင်း
လောကအားလုံး ဥာဏ်ရောင်လင်း။
.
ဥာဏ်ရောင်လင်းတဲ့ မြန်မာပြည်
ထင်ရှားရှေ့နောက်ဆီ။
တုိုင်းတိ်ုင်းပြည်ပြည် လာလည်ကြ
ကျင့်ကြံအားထုတ် မြတ်ဓမ္မ။
.
မြတ်ဓမ္မတုို့ ထွန်းကားအောင်
နေ့ညအာဂုံဆောင်။
ထွန်းတောက်ပြောင်ဖုို့ လွန်ကြိုးစား
အားထုတ်ပါတဲ့ သံဃာများ။
.
သံဃာများနှင့် မြတ်ဆရာ
မိဘပေါင်းလုို့ သင်ကြားတာ။
မြန်ပြည်သာဖုို့ စုကာပေါင်း
သင်ကြားပါကွဲ့ အေးစေကြောင်း။
.
အေးစေကြောင်းတုို့ စုဝေးရာ
တုံးဖလားတဲ့ ထုိုရပ်ရွာ။
မပြတ်ခါခါ ဖိတ်ခေါ်ခြင်း
ကြိုဆုိုပါတဲ့ သူကြီးမင်း။
.
သူကြီးမင်းက လက်ကမ်းကြို
လာကြပါကွဲ့ ပျိုပျိုအုို။
မျက်နှာချိုချို လူအများ
နေကြပါတဲ့ တုံးဖလား။
.
မျက်နှာချိုချို လူအများ
နေကြပါတဲ့ တုံးဖလား။
.
မျက်နှာချိုချို လူအများ
နေကြပါတဲ့ တုံးဖလား။
.
မျက်နှာချိုချို လူအများ
နေကြပါတဲ့ တုံးဖလား။

(၁၀ အေပရယ် ၂၀၁၆)
.

လန်ဒန်မြန်မာသင်္ကြန်

မြန်မာ့ရိုးရာ သင်္ကြန်ပွဲကို
ဆင်နွှဲပါတဲ့ လန်ဒန်မြေ။

ရဟန်းရှင်လူ ပြည်သူများနဲ့ 
စည်ကားပါလို့  သိုက်မြိုက်နေ။

အပူများကို စွန့် ကာပစ်လို့ 
အသစ်များနဲ့  အေးချမ်းဝေ။

လာကြပါကွယ် ကုသိုလ်ထူးဖို့ 
နှစ်သစ်ကူးမှာ ဆုံကြမယ်။

ဆုံမယ် ဆုံမယ်။

(၉  အေပရယ် ၂၀၁၆)

သိမ်းပတ်ဝေ့လည် ထုိုနဒီ

လန်ဒန်မြို့ကုို ကွေ့ဖြတ်စီးတဲ့
သိမ်းမြစ်ကြီးပေါ့ ထုိုနဒီ။

လျှောက်သွားမိလျှင် လွန်ကြည်နူးပေါ့
သိပ်ရွှင်မြူးဖုို့ ကောင်းလှသည်။

မြစ်ကမ်းဝဲယာ ဟုိုတယ်များနဲ့
ဆောက်ဦများလဲ လွန်ခန့်ထည်။

ရေထဲဖြတ်လာ လေညှင်းလေးကုို
သူကြီးထွေးပွေ့ လွန်စိတ်ကြည်။

မြစ်ကမ်းတလျှောက်၊ သွားလမ်းပေါက်၊ လမ်းလျှောက်လူတွေစည်။

အဲဒါကြောင့် မကြာခဏ အထာကျ ခြေကြွသိမ်းမြစ်ဆီ။

(၈ အေပရယ် ၂၀၁၆)

ကမ်းနားလမ်း

ကမ်းနားလမ်းကုို ဖြတ်ကာသွားတော့
ဘတ်စ်ကားကြီးက ပြေးနေတယ်။

မီးပွိုင့်နီနီ ပြောင်းကာပြလို့
အရှိန်ချပြီး ရပ်ကြမယ်။

ရုံးတော်ကြီးရယ် အလွန်လှပေါ့
မကြာခဏ ငေးမိတယ်။ 

မိုးနတ်ဒေ၀ါ အငြိုးများနဲ့
တအားတုိုးပြီး သွန်းလုိုက်တယ်။

မုိုက်တယ် မုိုက်တယ်။

(၈ အေပရယ် ၂၀၁၆)

မျက်စိတဆုံး ကြည့်ပေဦး

အို သူကြီး
အို သူကြီး။

ဘယ်သွားသနည်း
အုို သူကြီး။

သိမ်းမြစ်တလွှား
ခြေလျင်သွား။

ဘာတွေ့ခဲ့နည်း
အုို သူကြီး။

လန်ဒန်အုိုင်းကို
မြင်ခဲ့ဆို။

ဘယ်ရောက်သေးနည်း
အုို သူကြီး။

ပါလီမန်နား
ဘစ်ဘင်သွား။

ဘာလုပ်သနည်း
အုို သူကြီး။

စိတ်ပြေလက်ပျောက်
လမ်းတွေလျှောက်။

ဘာသွားလုပ်နည်း
အုို သူကြီး။

ကောလိပ်ကျောင်းတွင်း
ခက်ခဲရှင်း။

ဘာလုပ်ခဲ့နည်း
အို သူကြီး။

ဓါတ်ပုံများစွာ
ရိုက်လုို့လာ။

ဘာဓါတ်ပုံနည်း
အို သူကြီး။

မျက်စိတဆုံး
ကြည့်ပေဦး။း)

(၃၀ မတ်ခ်ျ ၂၀၁၆)

ပြုံးအားရွှင်ကြည်ကြည်

ပန်းရံဆရာ လက်ရာကောင်းတဲ့
တုို့ရွာကျောင်းက ထုိုစေတီ။

မြင်သူတကာ လွန်လှပလုို့
လလိတတဲ့ ထုိုနာမည်။

လပြည့်ကဆုန် ထီးတင်ပွဲမုို့
သူကြီးအမြဲ ဖိတ်ခေါ်သည်။

ဆွေမျိုးဥာတကာ မိတ်ဆွေပေါင်းတုို့
အိတ်တွေဖောင်းဖုို့ ဆုတောင်းမည်။

ထီးတော်တင်ပွဲ၊ ဆင်ကာနွှဲ၊ သင်လဲ ကုသုိုလ်စည်။
ကဆုန်လပြည့်၊ ဗုဒ္ဓနေ့၊ ပျော်မွေ့နေကြမည်။

အဲဒါမှ အမုန်းမပွါး တုံးဖလား ပြုံးအားရွှင်ကြည်ကြည်။

(၂၆ မတ်ခ်ျ ၂၀၁၆)

ပျော်ကြမယ်

ကြည့်မြင်သူတွေ ကုသုိုလ်ပွါးအောင်
လှူရှင်များကုို ဖော်ပြမယ်။

စေတီရှစ်ခွင် တံခွန်တုိုင်ကြီးနဲ့
ခေါင်းလောင်းကြီးလဲ နှစ်လုံးကွယ်။

ကျောက်ပြားပေါ်မှာ ကဗျည်းထုိုးလုို့
တစ်မျိုးလေးမုို့ ကြည့်ကောင်းတယ်။

လာကြလေကွယ် ဘုရားပွဲကုို
တအားနွှဲပြီး ပျော်ကြမယ်။

ပျော်မယ် ပျော်မယ်။

(၂၃ မတ်ခ်ျ ၂၀၁၆)

ထီးဟင်္သာ

ဘုရားထီးတော် ပင့်ဆောင်ပြီးလုို့
ဘုန်းတော်ကြီးက သိမ်းထားတယ်။

တံခွန်တုိုင်ပေါ် တင်ကာထားဖုို့
ဟင်္သာများက လှပတယ်။

ကုသုိုလ်ရှင်တွေ ၀မ်းသာကြကွဲ့
ချမ်းသာရဖုို့ သေချာတယ်။

တုံးဖလားရွာ ဒေသခရီးကုို
မေလအပြီး သွားကြမယ်။

သွားမယ် သွားမယ်။

(၂၁ မတ်ခ်ျ ၂၀၁၆)

ဘာမင်ဂမ်သုို့

လန်ဒန်မှာကွယ် အနေများသမုို့
သွားကြပါစုို့ ဘာမင်ဂမ်။

ဘုရားကျောင်းကန် သံဃာများနှင့်
ထင်ရှားပါတဲ့ နေရာမှန်။

ဖိတ်ခေါ်ပါတယ် လူအများကုို
ရထား ကားနဲ့ လေယာဉ်ပျံ။

ယူကေပုဂံ ထုိုအရပ်သုို့
မပြတ်လာဖုို့ ဖိတ်ခေါ်သံ။

ဘုရားလဲဖူး၊ လိပ်ဥတူး၊ ပျော်မြူးထုိုနိဗ္ဗာန်။

အဲဒါကြောင့် ခဏခဏ ၀ိဟာရ လာကြ အေးရိပ်ထံ။

(၂၀ မတ်ခ်ျ ၂၀၁၆)

တုိုင်စေသား

ရာသီနွေဦး
သွန်းလေဖြူးသုို့
ရွှင်မြူးစိတ်ရွှင်
ရွာထိပ်ပြင်ဝယ်
ဦးတင်ဗုဒ္ဓ
ဖော်ဆောင်ကြသည်
လလိတကြီးပါတကား။

ထုိုလလိတ
စေတီလှကုို
ကင်းပရန်စွယ်
မှန်ပျောက်ကွယ်ဖုို့
ကာကွယ်ရံထား
ဗောဓိများနှင့်
စုိုက်ထားလင်းလွန်း
ကံ့ကော်သွန်း၍
အောင်ရွှန်းစည်တော်
တီးရုိုက်ဆော်သည်
မုိုးပေါ်ဘ၀ဂ်တုိုင်စေသား။

(၁၅ မတ်ခ်ျ ၂၀၁၆)

သွားကြမည်

လေးမျက်နှာမှာ တည်ကာထားတဲ့
မုခ်ဦးများနှင့် ထုိုစေတီ။

အရပ်ရှစ်ခွင် စေတီများက
ဝန်းရံထားတော့ လွန်ခန့်ထည်။

တံတိုင်းများကုို စတီးရုိုးနဲ့
ကာရံထုိုးဖုို့ တုို့ကြံစည်။

စေတီတော်ကုို ရွှေသင်္ကန်းနဲ့
ကပ်လှူဒါန်းဖို့ သွားကြမည်။

သွားမည် သွားမည်။

(၁၃ မတ်ခ်ျ ၂၀၁၆)

ရွက်သယ်ပိုး

အောင်မြင်ပါစေ
ဆုတောင်းချွေရင်း
စေတီတည်မှု
လုံ့လပြုသည်
ကုသိုလ်အကျိုး 
ရွက်သယ်ပိုးစို့။

(၁၀ မတ်ခ်ျ ၂၀၁၆)

တနေ့တလံ

တနေ့တနေ့
တရွေ့ ရွေ့ ဖြင့်
ရွေ့ ၍သွားသော်
မှန်းရည်မျှော်သည့်
ပူဇော်အပ်ရာ
စေတီသာသည်
ရွာတုံးဖလား
ထက်ခေါင်ဖျား၌
ငွါးငွါးစွင့်စွင့်
ကြွားကြွားဝင့်ပြီး
ပွင့်ပေါ်မည်မှာ
လွန်သေချာတည်း။

(၇ မတ်ခ်ျ ၂၀၁၆)

စေတီတည်ထား ကုသုိုလ်ပွါး

တောင်ယံကမ်းပါး၊ တည်ထားစေတီ
ရင်ပြင်ကိုလဲ၊ အားခဲဆောက်မည်
ကြာရှည်ခိုင်ကြောင်း၊ စုပေါင်းကာညီ
ကျောက်ထုပ်ရုိုက်၊ စိုက်စုိုက်လုပ်တော့သည်။

ရပ်သူရွာသား၊ လုပ်အားညီညီ
ပျော်ပျော်ပါးပါး၊ ပြုံးထားကုိုယ်စီ
ကိုယ်စိတ်ရွှင်လန်း၊ အေးချမ်းနေသည်။
တုံးဖလား၊ ဘုရားဝုိုင်းလုို့တည်။ 

ကုသုိုလ်ရှင်များ၊ စိတ်ထားရွှင်ကြည်
တည်ဆောက်ပုံများ၊ မြင်ထားစေမည်
ကုသိုလ်ဆင့်ဆင့်၊ တင့်တင့်ဂုဏ်ရည်
မြတ်ဒါန၊ ပြုကြဝေေ၀စီ။

သာဓု သာဓု သာဓု။

(၃ မတ်ခ်ျ ၂၀၁၆)

လန်ဒန်ဝိဟာ ဖိတ်ခေါ်လွှာ

လာကြလေကွယ် လုပ်အားပေးဖုို့
ကုသုိုလ်ရေးမုို့ ဖိတ်ခေါ်တယ်။

ထမနဲကုို ယောက်မကြီးနဲ့
ချွေးတွေသီးလုို့ ထုိုးကြတယ်။

ဆရာတော်ကုိုယ်တုိုင် နှမ်းတွေဖြူးလုို့
စိတ်ရွှင်မြူးဖုို့ ကောင်းလှတယ်။

စတုဒိသာ အလှူပွဲမုို့
ပါဆယ်ဆွဲလဲ ခွင့်ပြုတယ်။

မြည်းကာစမ်းကာ အ၀တီးလုို့
တ၀ကြီးပဲ စားပစ်တယ်။

လာကြလေကွယ် ကျွေးနေမြဲမုို့
ကလေးဆွဲလုို့ ပြေးခဲ့ကွယ်။

ကျွေးမယ် ကျွေးမယ်။

(၂၉  ဖေဖော်ဝါရီ ၂၀၁၆)

တပုိုတွဲ ထမနဲရယ်က စားချင်ပြီ

စောစောထကာ ကားပေါ်တက်လုို့
နက်ဖြန်မနက် မြန်းခဲ့ကွယ်။

ကျောင်းကြီးဝိဟာ ကုိုယ်တော်များက
မှာကြားကာတဲ့ ခေါ်ခဲ့တယ်။

တပုိုတွဲမှာကွယ် နွှဲတဲ့ပွဲမုို့
ထမနဲက ဇာတ်လုိုက်ကွယ်။

ပြင်ဆင်ထားပုံ မျိုးစုံလှသကွဲ့
သူကြီးကြွရောက် ချီးမျြင့်တယ်။

အနံ့ရသာ ပြည့်ကြွယ်ဖြိုးသမုို့
ထပ်တုိုးကာကွဲ့ စားဦးမယ်။

စားမယ် စားမယ်။း)

(၂၈ ဖေဖော်ဝါရီ ၂၀၁၆)

ပြုံးကာပျော်ရွှင် ကုသုိုလ်ရှင်

ရာသီပွင့်လင်း၊ ရှုခင်းမြူစင်
စေတီတည်ခြင်း၊ မယွင်းစတင်
ကိုယ်အားဥာဏ်အား၊ စိတ်အားရွှင်ရွှင်
တူတူပြု၊ ကောင်းမှုကုသုိုလ်ဆင်။

စေတီရှစ်ရပ်၊ ထုိုရပ်မှာပင်
စေတီရံများ၊ တည်ထားစတင်
တံတုိုင်းများလဲ၊ မလွှဲအစဉ်
ဖြစ်တည်ပြု၊ ကောင်းမှုကုသုိုလ်ဆင်။

အောင်မြင်ရာလမ်း၊ မျှော်မှန်းကာပင်
အောင်ြမင်ကာနီး၊ ပြုံြး့ပီးပျော်ရွှင်
အောင်မြင်စေခြင်း၊ စိတ်တွင်းကြည်လင်
အောင်မြင်မှု၊ ကောင်းမှုကုသိုလ်ဆင်။

ရပ်နီးရပ်ဝေး၊ ကူပေးလှူရှင်
ထုိုကုသိုလ်ထူး၊ ကျေးဇူးလွန်တင်
သူကြီးမင်းက၊ မှတ်ရအစဉ်
ပြုံးကာပြု၊ ကောင်းမှုကုသုိုလ်ဆင်။

သာဓု သာဓု သာဓု။

(၂၅ ဖေဖော်ဝါရီ ၂၀၁၆)