Good Friday= ဘုရားသခင်ရဲ့ သောကြာ

ဒီနေ့ ယူကေတစ်နိုင်ငံလုံး ဟောလီးဒေးရကြတယ်။ ဘာဟောလီးဒေးလဲလို့တော့ မမေးပါနဲ့။ အားလုံးသိပြီးသားဘဲ။ Good Friday တဲ့။ မြန်မာမှာ နေစဉ်တုန်းက တစ်ခါမှ မကြားဖူးတဲ့ ဟောလီးဒေးတစ်ခုပါဘဲ။ အစပထမကတော့ Good Friday ဆိုတာကို ကျနော်က တစ်မျိုးနားလည်ခဲ့မိတယ်။ စနေ တနင်္ဂနွေဆိုရင် ရုံးပိတ်ရက် ကျောင်းပိတ်ရက်တွေမဟုတ်လား။ ဒါကြောင့်မို့ အဲဒီ ရုံးပိတ်ရက်တွေ မရောက်ခင် သောကြာနေ့မှာ ကြိုတင်ပျော်စရာကောင်းလို့ Good Friday လို့ ခေါ်တယ်ထင်နေခဲ့တာ။
ဟဲ ဟဲ ကျနော်ထင်ရင် လွဲခဲတယ်... အဲ.. အဲ... မှန်ခဲတယ်လေ။

စုံထောက်ကျော် ဦးစံရှားစကားနဲ့ပြောရရင်တော့... မှားတဲ့အခါလဲ မှားပေမပေါ့။ ကိုယ့်အတွေးနဲ့ ကိုယ်ကိုး။
ကျနော်ထင်ခဲ့တာတွေအားလုံး ဘာမှ မဆိုင်ရေးချ မဆိုင်ပါဘဲ။ တကယ်အဖြစ်မှန်က ခရစ်ယာန်ဘာသာဝင်တွေရဲ့  အောက်မေ့ကြေကွဲဖွယ်နေ့တစ်နေ့လို့ ပြောရမှာပါ။ သူတို့ရဲ့ တမန်တော်ကြီး ဂျီးဇပ်စ်ခရိုက်ကို လက်ဝါးကပ်တိုင်တင်ပြီး ကွပ်မျက်တဲ့နေ့ကို အမှတ်ရအောက်မေ့ဖွယ်အထိမ်းအမှတ်အဖြစ် အလုပ်အားရက် ပေးနေတာကိုး။

ဒါကြောင့်မို့ Good Friday ဆိုတာ God's Friday ကဆင်းသက်လာတာပါတဲ့။ ဘုရားသခင်ရဲ့  သောကြာနေ့ပေါ့။
အလားတူပါဘဲ။ Goodbye ဆိုတာကလဲ God be with ye(you)!!! ဘုရားသခင်နှင့်အတူရှိပါစေ လို့ ဆုတောင်းပေးတာပါတဲ့။ ကျနော်တို့ကတော့ နှုတ်ဆက်စကားအနေနဲ့ဘဲ အသုံးပြုနေကြတာပါ။ Good morning, Good afternoon, Good evening, Good night စတဲ့ ဝေါဟာရတွေလဲ သူတို့ရဲ့  God ဆိုတဲ့ဝေါဟာရကနေ ဆင်းသက်လာပုံရတယ်။ ။ သူတို့ဘာသာ သူတို့စကားဆိုတော့လဲ သုံးရတာပေါ့ဗျာ။ အမှန်တကယ်ကတော့ ကျနော်တို့ဗုဒ္ဓဘာသာဝင်တွေအနေနဲ့ Goodbye အစား Budbye=Buddha be with you!!! မြတ်စွာဘုရားနှင့်အတူရှိပါစေ လို့ ပြောသင့်တာပေါ့။ မိတ်ဆွေ(ဗုဒ္ဓဘာသာဝင်)တို့လဲ ခွဲခွါခါနီးမှာ ဂွတ်ဘိုင်လို့ မပြောဘဲ ဘုတ်ဘိုင်လို့ ပြောကြည့်ကြပါလား။

Good Friday ဟာ ပုံမှန်ရက် သတ်မှတ်ချက်မရှိပါဘူး။ နှစ်စဉ်ရက်အပြောင်းအလဲရှိပါတယ်။ ပြီးတော့ ဘယ်ခုနှစ်ကစပြီး Good Friday ကို စတင်ကျင်းပခဲ့ကြတယ်ဆိုတဲ့ သမိုင်းအထောက်အထားလဲ သူတို့မရှိကြပါဘူး။ လေးရာစုနှစ်အထိ မကျင်းပခဲ့ကြပါဘူးတဲ့။

Good Friday မှာ အများပြည်သူအားလုံး ဟောလီးဒေးရကြတယ်။ အချို့ ခရစ်ယာန်တွေ အစာမစားဘဲ ဥပုသ်စောင့်ကြတယ်။ အချို့  ခရစ်ယာန်တွေ လက်ဝါးကပ်တိုင်ကိုင်ပြီး စီတန်းလမ်းလျောက်ကြတယ်။ အချို့ ဘုရားကျောင်းတွေမှာ ကျမ်းစာဖတ်ခြင်း ဓမ္မတေးသီဆိုပူဇော်ခြင်းစတဲ့ ပြုလုပ်ဆောင်ရွက်ဖွယ်ရာတွေကို သုံးနာရီတိတိပြုလုပ်ကြတယ်။ ဂျီးဇပ်စ်ခရိုက်ကို အောက်မေ့တမ်းတတဲ့အနေနဲ့ ဘုရားကျောင်းတွေကို အလှမဆင်ထားကြဘူး။ ပုံတော်တို့ ရုပ်တုတို့ကို ဖုံးအုပ်ထားကြတယ်။

အဲဒီ Good Friday နေ့မှာ ရိုးရာမုန့်ဖြစ်တဲ့ Hot cross buns လို့ခေါ်တဲ့ ပေါင်မုန့် (သို့) ကိတ်မုန့်ကို စားလေ့ရှိကြတယ်။
အဲဒီပေါင်မုန့် (သို့) ကိတ်မုန့်ရဲ့ အပေါ်မှာ လက်ဝါးကပ်တိုင်ပုံစံပြုလုပ်ထားတယ်။
အဲဒါက ဂျီးဇပ်စ်ခရိုက်ကို ကားစင်တင်သတ်ဖြတ်ခဲ့တဲ့ လက်ဝါးကပ်တိုင်ကို အမှတ်အသားပြုထားတာပါ။

ကျနော်လက်လှမ်းမီသလောက်တင်ပြရခြင်းဘဲဖြစ်ပါတယ်။ အကျယ်သိချင်ရင်တော့ ဒီမှာသာ ဆက်ရှုပေတော့။

လူတွေကတော့ ဂျီးဇပ်စ်ကို သတိရပြီး လွမ်းဆွတ်နေပုံမပေါ်ကြပါဘူး။ ဟောလီးဒေးရလို့ အရမ်းပျော်နေကြတာဘဲ တွေ့ရတယ်။ လျောက်လည်မယ်။ လျောက်စားမယ်။ လျောက်သွားမယ်။ ဂျီးဇပ်စ် ဘာဖြစ်ခဲ့ဖြစ်ခဲ့ သူတို့အရေးမဟုတ်သလိုလိုပါဘဲ။ ဒါကလဲ ဖြစ်တတ်ပါတယ်လေ။ ကျနော်တို့ ဗုဒ္ဓဘာသာမှာလဲ ဗုဒ္ဓပရိနိဗ္ဗာန်စံတဲ့နေ့မှာ အတီးအမှုတ်တွေနဲ့ ပျော်ပွဲရွှင်ပွဲကျင်းပနေကြဆဲဘဲ မဟုတ်လား။
ပြီးတော့ ဗိုလ်ချုပ်နှင့်သူရဲကောင်းတွေကျဆုံးခဲ့တဲ့ အာဇာနည်နေ့မှာလဲ ပန်းခြံထဲပြည့်ကြပ်နေလောက်အောင် ပျော်ရွှင်ကြည်နူးနေကြတယ်မဟုတ်ပါလား။

ဒါတွေထားလိုက်ပါတော့လေ။ အလုပ်တွေပိလို့ Stress တွေ အရမ်းများနေတဲ့သူတွေအဖို့ ဟောလီးဒေးက လိုအပ်တယ်မဟုတ်လား။ Good Friday ပြီးရင် စနေ၊ Easter Sunday နှင့် Easter Monday ဆက်တိုက် ဟောလီးဒေးရမှာမို့ အများပြည်သူတို့ ပျော်ရွှင်နေကြလေရဲ့ ။

ယူကေမှာ ဟောလီးဒေးလေး ၄ ရက်ရတာလောက်တော့ မြန်မာနိုင်ငံက ပျင်းတောင် ပျင်းသေးတယ်လို့ သီချင်းဟစ်ကြွေးရတော့မလိုလိုဖြစ်နေပြီ။ မြန်မာနိုင်ငံမှာ နှစ်သစ်ကူး ဟောလီးဒေး ၁၁ ရက်တိတိပေးထားလို့လေ။ အဲဒါမှ တကယ်ပျော်စရာကောင်းတာ။ နယ်မှာရှိတဲ့ မိဘ ဆွေမျိုး မိတ်ဆွေ ဆရာသမားတွေဆီ အလည်အပတ်သွားနိုင်တယ်လေ။

မြန်မာဟောလီးဒေးရက်အတွင်း အေးအေးဆေးဆေး ကမ္ဘာပတ်လို့ရတယ်။ ၁၁ ရက်ကြီးများတောင်မဟုတ်လား။ ဒါကြောင့်မို့ တစ်ချို့ ဘာသာခြားတွေ တီးတိုးပြောနေသံကြားရလေရဲ့ ။ ဘာတဲ့။ ဖြစ်နိုင်ရင် ဗုဒ္ဓဘာသာ မြန်မာလူမျိုးဘဲ ဖြစ်လိုက်ချင်တယ်။ ဟောလီးဒေးတွေ အများကြီးရလေ့ရှိလို့တဲ့။

Good Friday ဆိုပေမဲ့ ကျနော့်အတွက်တော့ မဂွတ်နိုင်ပါဘူးဗျာ။ ဒီနေ့ တစ်နေ့လုံး မိုးရွာနေတယ်။ အပြင်ကို နဲနဲလေးတောင်မှ မထွက်လိုက်ရဘူး။ အဆိုးဆုံးကတော့ အပတ်တိုင်းသောကြာနေ့မှာ အမှိုက်လာကောက်တဲ့ စည်ပင်သာယာတွေ ဒီနေ့ Good Friday ဖြစ်နေလို့ လာမယူကြဘူး။ အိမ်အတွင်း ကြိုတင်ထုပ်ပိုးထားတဲ့ အမှိုက်နံ့က ဆိုးလှပါဘိတော့တယ်။

ဘာဘဲဖြစ်ဖြစ်လေ အကျိုးအမြတ်ရတာတစ်ခုတော့ ရှိပါတယ်။ အဲဒါကတော့ Good Friday မှာ Good Friday အကြောင်း Post တစ်ခု တင်ဖြစ်လိုက်ခြင်းပါဘဲ။


...