သင်္ကြန်အတက်နေ့မှာ တက်ကြတဲ့သူတွေ..

ဘာမှမကြာလိုက်ဖူးထင်ရပေမဲ့ နာရီ မိနစ် စက္ကန့်တွေ အလီလီပြောင်းလို့ ဒီနေ့ဆို သင်္ကြန်အတက်နေ့ကို ရောက်ရှိခဲ့ပြီပေါ့။ သိကြာမင်းလဲ လူ့ပြည်ခဏအလည်အပတ်လာရောက်ရာကနေ သင်္ကြန်ယိမ်းမယ်လေးတွေကို မခွဲခွါချင်ပေမဲ့ နှုတ်ခွန်းဆက်သင်္ကြန်သီချင်းလေးတွေနားထောင်ရင်း ခွဲခွါရတော့မယ်။ သိကြားမင်းရဲ့  လူ့ပြည်Visit Visaက ဒီနေ့မှာ Expire ဖြစ်သွားပြီလေ။

သူပြန်သွားပေမဲ့ သူလက်ထဲက ခပ်ထူထူမှတ်တမ်းတွေထဲ ဘယ်သူတွေရဲ့  နာမည်စာရင်းတွေပါသွားသလဲဆိုတာကတော့ ဘယ်သူမှ မသိနိုင်ပါဘူး။ တမလွန်အကူးမှာ ယမင်းမင်းကြီးက စာအုပ်လှန်ပြတဲ့အခါမှ... အော်... အော်.. ငါ့နာမည်လဲ ဒီမှတ်တမ်းကြီးထဲမှာ ရှိပါလား..ဆိုပြီး သိရမဲ့ကိစ္စတွေ မဟုတ်လား။ ဟဲ ဟဲ။ ကလေးဘ၀တုန်းက အတွေးလေးတွေက အခုထိစွဲနေတုန်းလေ။ ပြီးတော့ သင်္ကြန်သီချင်းကလဲ ရှိသေးတယ်မဟုတ်လား။ သိကြားမင်းသာ...... သိသွားရင်...... မှတ်ချက်ယူသွားမှာ...... သတိထားပါ... တဲ့။

သိကြာမင်းကြီးနတ်ပြည်ပြန်တက်သွားသလား မသွားဘူးလားဆိုတာကတော့ မမြင်ရတဲ့အခြင်းအရာ ဖြစ်လေတော့ လက်တွေ့ မဆန်ပါဘူး။ တကယ်တမ်း အတက်နေ့မှာ တက်ကြရတဲ့သူတွေကတော့ မြေကြီးလက်ခတ်မလွဲရှိနေကြမှာ သေချာပါတယ်။

သူတို့တက်တာက ဒီလိုမျိုးတက်ကြမှာပါ။
၁။သင်္ကြန်မှာ အပျော်ကျူးပြီး မတော်တဆမှုတွေကြောင့် ဆေးရုံတက်ကြရခြင်း
၂။ရေအကြာကြီးကစားလို့ အအေးမိပြီး အဖျားတက်နေကြခြင်း
၃။မတော်တဆမှုကြောင့် အသက်ဆုံးရှုံးသွားကြရတဲ့ သူတွေရဲ့  ကျန်ရစ်သူမိသားစုတွေလဲ ၀မ်းနည်းပက်လက်နဲ့ (နှလုံးရောဂါအခံရှိရင် ပိုဆိုး) ဂစ်.. ဂစ်.. ဂစ် ဆိုပြီး တက်ကြခြင်း
၎။တစ်နှစ်လုံးမစားရက်မသောက်ရက်စုဆောင်းထားခဲ့တဲ့ ပိုက်ဆံလေးတွေနဲ့ သင်္ကြန်မှာ အကောင်းစားတွေချည်း ၀ယ်စားပြီး ဇက်ကြောတက်ကြခြင်း
၅။အငှားကားမစီးနိုင်လို့ ဘတ်စ်ကားကို အလုအယက်တက်စီးကြခြင်း
၆။ဘတ်စ်ကားခတွေနှင့်အတူ ကုန်ပစ္စည်းတွေအားလုံးလဲ သင်္ကြန်အတွင်း အဆများစွာ ထိုးတက်သွားခြင်း
၇။သင်္ကြန်အတွင်းအဆင်ပြေသွားကြတဲ့စုံတွဲတွေဟာ ဟိုတယ်တွေ တည်းခိုခန်းတွေ ကေတီဗီတွေ ကာရာအိုကေခန်းမတွေမှာ တက်ရောက် အနားယူကြခြင်း။

မကောင်းတာတွေချည်းရေးပြနေရတာလဲ သိပ်တော့ မနှိပ်လှဘူး။ ကောင်းကွက်ကလေးတွေ ရှာဖွေကြည့်ဦးမှဘဲ။ ကျနော်ကလဲ မြန်မာလူမျိုးဆိုတော့ ကောင်းကွက်တွေ အနန္တရှိနေတယ်ဆိုတာ သိပါတယ်။
မြန်မာလူမျိုးတွေရဲ့  ချစ်စရာဓလေ့လေးတွေက ဘုရား ကျောင်း တက်ပြီး ကုသိုလ်ကောင်းမှုပြုကြခြင်းပါဘဲ။ ဘုရား (သို့)မဟုတ် ဘုန်းတော်ကြီးကျောင်းကို သွားရောက်ကြမဲ့ သူတွေရဲ့  မျက်နှာဟာ အရမ်းကို ကြည်လင်နေတတ်ကြပါတယ်။ အပြုံးကိုယ်စီနဲ့ပေါ့။ ဒါပေမဲ့ အဲဒီအပြုံးက ချစ်သူနှင့်တွေ့ရတဲ့ အပြုံး အရက်ဘားတွေကို ချီတက်ကြတဲ့အပြုံး အပျော်အကြူးသွားကြတဲ့အပြုံးတွေနဲ့ ဘာမှ မဆိုင်ပါဘူး။ တကယ်ကို အေးချမ်းမှုဆောင်တဲ့ အပြုံးလေးတွေပါ။

ဒါကြောင့်မို့ သင်္ကြန်အတက်နေ့မှာ ဘုရား ကျောင်း တက်ကြသူတွေလဲ အများကြီးရှိမှာပါ။ ပြီးတော့ သင်္ကြန်အတွင်း ဥပုသ်သီလဆောက်တည်ပြီး တရားအားထုတ်နေကြတဲ့သူတွေလဲ ဥာဏ်စဉ်တွေတက်မှာ သေချာပါတယ်။ ကုသိုလ်ကောင်းမှုတွေ တစ်ရှိန်ထိုး တိုးတက်မဲ့ကာလလေးတွေပေါ့။

သင်္ကြန်အတက်နေ့ဟာ ရေကစားခွင့်ရတဲ့ နောက်ဆုံးရက်ပါဘဲ။ မြန်မာပြည်အနှံ့အပြား မီးကုန်ယမ်းကုန် ပျော်ကြမဲ့ရက်ဆိုလဲ မမှားပါဘူး။ အစည်ကားဆုံးနေ့ဖြစ်မှာ သေချာပါတယ်။ ဒီလိုအပျော်မျိုး ထပ်ရဖို့ တစ်နှစ်ထပ်စောင့်ရဦးမှာ မဟုတ်လား။ ဒီတော့ ရတဲ့ အခွင့်အရေးလေးတွေကို နောက်ဆုံးစက္ကန့်ထိ ရယူတတ်ကြတာ ဓမ္မတာပါဘဲလေ။

အားလုံး ဘေးကင်းတဲ့ ပျော်ရွှင်မှုမျိုး ဖြစ်ကြပါစေ။

....