ကာလံဒေသံ နားလည်တတ်ဖို့လိုတယ်

ဒီနေ့ညနေတုန်းကပေါ့။ သူငယ်ချင်းတစ်ယောက် မြန်မာနိုင်ငံက ပြန်ရောက်လာလို့ Heathrow လေဆိပ်ကို သွားကြိုဖို့ ကျနော်တို့ ပြင်ဆင်ကြတယ်။ ကျနော်တို့က လေဆိပ်ကို သွားဖို့ မြေအောက်ရထားဘူတာရုံကို သွားတယ်။ ကျနော်တို့ ဘူတာရုံမရောက်ခင် သူစီးလာတဲ့ လေယာဉ်က ဆင်းလာပြီ။
သူ့ဆီက ဖုန်းလာတယ်။ လေဆိပ်ကို မလာခဲ့နဲ့တော့တဲ့။ Check in ၀င်ရမှာလဲ ကြာမှာမဟုတ်တဲ့အတွက် ကားမှတ်တိုင်ကဘဲ စောင့်နေပါတော့တဲ့။

လန်ဒန်လေဆိပ်ကနေ ပြေးဆွဲတဲ့ ဘတ်စ်ကားတွေရှိတယ်။ ဘတ်စ်ကားဆိုပေမဲ့ အငှားကားတွေထက်တောင် ပိုအဆင်ပြေပါသေးတယ်။ ကားအစီးရေများတဲ့အတွက် ထိုင်ခုံတွေ အများကြီးလွတ်နေလေ့ရှိတယ်။ ပြီးတော့ ချောင်ချောင်ချိချိ ကျယ်ကျယ်ဝန်းဝန်းစီးရတယ်။ တစ်ထပ်ဘတ်စ်ကားရော နှစ်ထပ်ဘတ်စ်ကားရောရှိတယ်။ အငှားကားသွားစီးရင် အနည်းဆုံး ၁၀ ပေါင်လောက်ကုန်ဦးမယ်။ ဘတ်စ်ကားစီးတော့ တစ်ပေါင်ဘဲကုန်တယ်။ ဒါကြောင့်မို့ လေဆိပ်ကနေ ဘတ်စ်ကားနဲ့ ပြန်မယ်ဆိုရင်လဲ အစစအရာရာအဆင်ပြေပါတယ်။

ပြီးတော့ မြို့ထဲကနေပြီး လေဆိပ်ထဲအထိ မြေအောက်ရထားလမ်းရှိသေးတယ်။ အဲဒီမြေအောက်ရထားနဲ့စီးပြီး ပြန်လာခဲ့ရင်လဲရတယ်။ သက်သက်သာသာပါဘဲ။ ဈေးနှုန်းကတော့ ဇုန်ကွားခြားမှုပေါ်မှာဘဲ မူတည်တယ်။ အနည်းဆုံး ၁ ပေါင်ကနေ အများဆုံး ၇ ပေါင်ပေါ့။
နောက်ပြီးတော့ အထူးExpress ဆိုလား ဘာဆိုလား အမြန်ရထားရှိသေးတယ်။ လေဆိပ်ကို ခပ်မြန်မြန်ရောက်ချင်တဲ့သူတွေအတွက် အထူးရထားပါ။ ဈေးအရမ်းကြီးတယ်တဲ့။ ကျနော်ကတော့ တစ်ခါမှ မစီးဖူးသေးပါဘူး။ (နောက်လဲ စီးဖြစ်မယ်မထင်ပါဘူး)။

ကျနော်နှင့်သူငယ်ချင်းတစ်ယောက် မြန်မာနိုင်ငံက ပြန်လာတဲ့ သူငယ်ချင်းကို ကားမှတ်တိုင်ကနေပြီး ထိုင်စောင့်နေကြတယ်။ နာရီဝက်ကျော်ကျော်လောက် ထိုင်စောင့်တယ်။
လေဆိပ်ကထွက်လာတဲ့ ဘတ်စ်ကားတွေကလဲ တစ်စင်းပြီးတစ်စင်းရောက်လာပြီးပြီ။ သူငယ်ချင်းက ရောက်မလာသေးဘူး။ သူ့ဆီက ဖုန်းထပ်လာတယ်။ လေဆိပ်ထဲမှာ ထွက်ပေါက်ပျောက်နေလို့ နဲနဲနောက်ကျမယ်တဲ့။ ဟုတ်တယ် လေဆိပ်က လမ်းညွန်တွေတိကျပေမဲ့ မျက်စိလည်ဖို့ ကောင်းပါတယ်။
ကျနော်တို့လဲ ထပ်စောင့်နေလိုက်တယ်။

လူတစ်စု ကားမှတ်တိုင်ကိုရောက်လာကြတယ်။ လေးငါးခြောက်နှစ်အရွယ် ကလေးနှစ်ယောက်နဲ့ အမျိုးသမီးနှစ်ယောက်ပါ။ မျက်နှာတွေက ကုလားဆင်တွေပါဘဲ။ ဒါပေမဲ့ ကလေးတစ်ယောက်ကတော့ အဖြူလေးပါ။ ဥရောပလူမျိုးဖြစ်ဖို့များပါတယ်။

ကုလားဆင်နဲ့ ကလေးတစ်ယောက်က ကျနော်တို့ကို ခဏခဏခိုးကြည့်နေတာ တွေ့ရတယ်။ ကျနော်တို့က မျက်နှာစိမ်းတွေကိုး။ အာရှရုပ်ဆိုတော့ သူတို့နှင့်မတူလို့ ထူးဆန်းနေပုံရတယ်။ ဒီအုပ်စု ကျနော်တို့ကို စိတ်ဝင်စားနေတယ်ဆိုတာ ကျနော်သိနေတယ်။

သူတို့ကို ဂရုမစိုက်ဘဲ ခပ်တည်တည်နဲ့ ကျနော်တို့ စကားပြောနေဖြစ်ကြတယ်။ သူတို့က ကျနော်တို့ရဲ့  ဘေးတိုက်အနေအထားမှာရှိတယ်။ ခဏအကြာမှာတော့ သူတို့ထဲက အဖြူကောင်လေးတစ်ယောက်က ကျနော့်အနားကပ်ပြီး မေးခွန်းတစ်ခုလာမေးတယ်။

"How long have you been here?"
ဒီရောက်တာ ဘယ်လောက်ကြာပြီလဲ။

ကျနော်ကလဲ ခေသူမှမဟုတ်ဘဲ။ ဒီကောင် ငါတို့ကို စိတ်ဝင်စားလို့ တကူးတကူ လာမေးတာဘဲ၊ မှင်သေသေနဲ့ဖြေမှ တော်ရာကျမယ် လို့ စိတ်ကြီးဝင်ပြီး--

"One year" (တစ်နှစ်) လို့ တိုတိုတုတ်တုတ်ဘဲ ဖြေလိုက်တယ်။ ဟုတ်တယ်လေ။ ကျနော်တို့ လန်ဒန်ရောက်နေတာ တစ်နှစ်ကျော်ကျော်လေးဘဲ ရှိသေးတဲ့ ဥစ္စာ။

"No".. "no"... "no"

သူတို့ အားလုံး တစ်နိုးထဲ နိုးနေကြတယ်။ ဘာများအမှားလုပ်မိလို့ပါလိမ့်။ သေချာမေးကြည့်လိုက်တော့မှ ဒီဘတ်စ်ကားမှတ်တိုင်မှာ စောင့်နေတာ ဘယ်လောက်ကြာသွားပြီလဲလို့မေးတာပါတဲ့။ ညနေပိုင်းမှာ တစ်ချို့  ဘတ်စ်ကားတွေ ဖျက်သိမ်းတယ်ကြားလို့ ဒီဘတ်စ်ကားလိုင်းရော ဖျက်သိမ်းတဲ့အထဲ ပါမလားလို့ပါ။ ဒီမှာ စောင့်နေတာ အရမ်းကြာပြီး ဘတ်စ်ကားတစ်စီးမှ မလာရင် ဖျက်သိမ်းတာ သေချာပါတယ် တဲ့။

"သူတို့ဆိုလိုတာက ဂလိုကိုး"

အော်... ကာလံ ဒေသံကြည့်ပြီး နားမလည်လိုက်တာကိုက ကျနော့်အပြစ်ရယ်ပါ။ ဘတ်စ်ကားမှတ်တိုင်မှာ ထိုင်နေတဲ့သူကို ဘာမပြောညာမပြော လန်ဒန်ရောက်တာ ဘယ်လောက်ကြာပြီလဲလို့ ဘယ်သူမေးပါ့မလဲ။
ရှက်စရာကြီးဗျာ။ အင်္ဂလိပ်စကားနှင့်ပတ်သက်လို့ အခုထက်ထိခံနေရတုန်းပါဘဲလား။

ဘတ်စ်ကား တော်တော်နဲ့ ရောက်မလာလို့ အဲဒီအုပ်စု လမ်းလျောက်ထွက်သွားကြတယ်။ ကျနော်တို့ကတော့ လေဆိပ်က လာမဲ့သူငယ်ချင်းကို ဆက်စောင့်ရင်း တစ်ယောက်မျက်နှာ တစ်ယောက်ကြည့်ပြီး တစ်ဝါးဝါး ရယ်လို့ မဆုံးတော့ပါဘူးဗျာ။

အင်္ဂလိပ်စာ သင်ယူလာခဲ့တဲ့ သက်တမ်းလဲ မနည်းတော့ပါဘူး။ ဆယ်စုနှစ်ကျော်နေပြီ။ တွေ့ကြုံခဲ့ဖူးတဲ့ နိုင်ငံခြားသားတွေလဲ ရာဂဏန်းနီးနီးရှိပြီ။ ဒါပေမဲ့.. အင်္ဂလိပ်စာ အင်္ဂလိပ်စကားနဲ့ ပတ်သက်လာရင် အခုထက်ထိ အရှက်ကွဲရကိန်းရှိနေတုန်းပါဘဲ။ ဘယ်တော့များမှ အင်္ဂလိပ်စာကို ကျကျနနတတ်မြောက်ပါ့မလဲ မသိတော့ပါဘူး။ သိပြီးသားစကားလုံးလေးတွေတောင်မှ ကာလဒေသ မခွဲခြားတတ်လို့ အခုလိုလေး အောင့်သက်သက်နဲ့ ခံလိုက်ရတာ မဟုတ်ပါလား။ ။

...