ဒီနေ့
သင်္ကြန်အကြိုနေ့ကို ရောက်ရှိခဲ့ပြန်ပြီ။ ဘလော့ဂ်ပေါ် အွန်လိုင်းပေါ် အင်တာနက်ပေါ်မှာ အ၀ါရောင်တွေ သန်းနေပြီလေ။ ပန်းပိတောက်တွေရဲ့  ကြီးစိုးနေရာယူမှုကြောင့်ပေါ့။ ရာသီစက်ရဟတ်တစ်ပတ်လည်တာ အရမ်းမြန်နေသလိုပါဘဲ။ ဘာမှမယ်မယ်ရရ လက်ဆုပ်လက်ကိုင်မပြနိုင်ပေမဲ့ သေချာတာတစ်ခုကတော့ ကျနော်တိတိကျကျပြောရဲတယ်။ အဲဒါကတော့ အသက်တစ်နှစ်ကြီးသွားခြင်းပါဘဲ။
ညီငယ် ညီမငယ် အမများ တစ်ဗွမ်းဗွမ်းရေလောင်းသံတွေက ကျနော့်ကို မြန်မာသင်္ကြန်ကို ပိုအမှတ်ရစေပါတယ်။ ဒါကြောင့်မို့ အွန်လိုင်းပေါ်က သင်္ကြန်သီချင်းလေးတွေကို ဖွင့်ပြီးနားထောင်ဖြစ်တယ်။ အထူးသဖြင့်တော့ ၀ါဝါရဲ့  ဘလော့ဂ်လေးကို လည်ဖြစ်ခြင်းပါဘဲ။ သူက ရာသီအလိုက် သီချင်းလေးတွေ ခူးပြီးသား ခပ်ပြီးသား စီစဉ်ထားတတ်တယ်လေ။ ကျနော်ထင်ထားတဲ့အတိုင်းပါဘဲ။ သူက သင်္ကြန်သီချင်းလေးတွေ အဆင်သင့်နားထောင်နိုင်အောင်လုပ်ထားပေးတယ်။ ကျနော် သင်္ကြန်သီချင်းလေးတွေ အကြာကြီးနားထောင်ရင်း စိတ်အစဉ်လေးဟာ မြန်မာနိုင်ငံကို ရောက်နေလေရဲ့ ။
အခုရာသီက လန်ဒန်မှာ နွေဦးပေါက်ရာသီလေ။ နွေဦးပေါက်ဆိုပေမဲ့လဲ ရန်ကုန်ဆောင်းထက် အဆများစွာ အေးပါတယ်။ အနွေးထည်တွေကို ကိုယ်ပေါ်က မချရသေးပါဘူး။ တစ်ဗွမ်းဗွမ်းအသံကို ကြားရုံနဲ့တင် ကျနော် ရင်တုန်ပန်းတုန်ဖြစ်လှပါပြီ။ ချမ်းလွန်းလို့ပါ။ ဒါပေမဲ့ ကျနော် အရမ်းကျေနပ်ပါတယ်။ တစ်နယ်တစ်ကျေးမှာ အထီးကျန်စွာ နေထိုင်နေရတဲ့ ကျနော့်ကို အသိအမှတ်ပြုပြီး ရေလောင်းပေးလို့။
ယူကေတစ်ခွင်လုံးနေထိုင်ကြသူတွေအားလုံး ရေအေးအေးလေးနဲ့ တစ်ခါမှ ရေချိုးဖူးကြမယ်မထင်ပါဘူး။ အမြဲတမ်း ရေနွေးနဲ့ချိုးနေကြတာကိုး။ ကျနော်တောင်မှ လန်ဒန်ရောက်ပြီးချိန်ကစပြီး တစ်ခါမှ ရေအေးနဲ့ ရေမချိုးဖူးတော့ဘူး။ မတော်လို့များ မြန်မာက သင်္ကြန်သာ လန်ဒန်မှာ လာကျရင် သင်္ကြန်အတွင်း လူဦးရေ အတော်လေးလျော့သွားမှာ သေချာတယ်။
အခုရာသီက နွေဦးပေါက်ဆိုတော့ လန်ဒန်မှာ ပန်းပေါင်းစုံခတဲ့ ရာသီပေါ့ဗျာ။ တကယ့်နတ်ဥယျာဉ်ထဲ ရောက်သွားရသလိုပါဘဲ။ နေရာတိုင်းမှာ သစ်ပင်ပန်းပင်တွေရှိနေတယ်။ အပင်တိုင်းနီးပါး အပွင့်တွေ ငွါးငွါးစွင့်လို့။ တစ်ချို့  အပင်တွေဆို အရွက်မထွက်ခင် အဖူးအပွင့်တွေ အရင်ထွက်လာကြတယ်။ ပန်းတွေ အလှချင်းပြိုင်ကြတဲ့ ရာသီပေါ့။ ဆောင်းရဲ့  အအေးဒဏ်ကြောင့် ခြောက်ကပ်ကပ်ဖြစ်နေခဲ့တဲ့ လန်ဒန်မြို့ကြီးဟာလဲ ပန်းပေါင်းစုံပွင့်ပြီး လှပစိုပြေလျက်ရှိနေပါပြီ။ ဥယျာဉ်တွေ အရမ်းပေါတဲ့ လန်ဒန်မှာ ပန်းတွေကလဲ စုံလင်ပါဘိ။ မြေပေါ်က ပန်းပင်ပိစိလေးတွေကအစ သစ်ပင်ကြီးကြီးမားမားအထိ အပွင့်တွေဝေနေတာကို ဆွေမျိုးဥာတိ မိတ်သင်္ဂဟတို့ကိုသာ ပြလိုက်ချင်ပါဘိတော့တယ်။ အရှင်ကာဠုဒါယီများ သက်တော်ထင်ရှားရှိဦးမယ်ဆိုရင် ဂါထာ ခြောက်ဆယ်ပျို့  မဟုတ်ဘဲ ဂါထာခြောက်ထောင်ပျို့  ရေးဖွဲ့  သီကျူးမှာ မြင်ယောင်နေမိသေးတယ်။
ဒါပေမဲ့.. ဒါပေမဲ့.. ကျနော်က မြန်မာလူမျိုးလေ။ ဘယ်နိုင်ငံမှာ ဘယ်လောက်ဘဲ လှပနေပစေ ရွှေမြန်မာက ပန်းပိတောက် ငုဝါ ပျဉ်းမပန်းတွေ လှိုင်လှိုင်ပွင့်နေတဲ့ မြင်ကွင်းလောက် မမက်မောပါဘူးဗျာ။ မြန်မာစစ်စစ်မိဘနှစ်ပါးက မွေးထုတ်ပေးခဲ့တဲ့ ကျနော့်တစ်ကိုယ်လုံးမှာ ဗမာသွေးတွေ စီးဆင်းနေတယ်။ ဒါကြောင့် ကျနော် မြန်မာကိုဘဲ ချစ်တယ်။ မြန်မာကိုဘဲ မြတ်နိုးတယ်။ ဖြစ်နိုင်ရင် အခုချက်ချင်း မြန်မာကိုတောင် ပြန်ချင်နေမိတယ်ဗျာ။
*ပန်းပေါင်းစုံတဲ့ စုံနံ့သာမြိုင်ထဲကိုရောက်နေပေမဲ့ မြန်မာက ရွှေဝါရောင်ပန်းပိတောက်ကိုဘဲ တမ်းတနေမိတယ်။
*ခေတ်ပေါ်အဆင့်မြင့်တေးဂီတတွေယစ်မူးလောက်ပေမဲ့ မြန်မာက တူးပို့တူးပို့သင်္ကြန်သံစဉ်လေးကိုဘဲ နှစ်သက်မြတ်နိုးနေမိတယ်။
*နေ့စဉ်ရေနွေးနွေးလေးကို စိမ်ချိုးနေရပေမဲ့ မြန်မာက မေတ္တာသင်္ကြန်ရေစင်အေးလေးကိုဘဲ လွမ်းမောနေမိတယ်။
*ဥမ္မာ ဒန္တီဆန်ဆန်လှပနေကြတဲ့ အနောက်တိုင်းသူ လှပျိုဖြူလေးတွေ အရမ်းပေါပေမဲ့ မြန်မာက သနပ်ခါးပါးကွက်ကြားနဲ့ ချစ်သူလေးဆီကိုဘဲ စိတ်ကရောက်နေတယ်။
*မြေပေါ်မြေအောက်ပြေးဆွဲနေတဲ့ အဆင့်မြင့်ရထား ဘတ်စ်ကားတွေ စီးနေရပေမဲ့ မြန်မာက သင်္ကြန်အငှားကားလေးကိုဘဲ လွမ်းလျနေမိတယ်။
....
ကဲ.. ကဲ
ဘာဘဲပြောပြောဗျာ.. ရေနွေးနွေးလေးထဲ စိမ်ပြီး သင်္ကြန်သီချင်းကို နားထောင်ရင်း ရွှေမြန်မာက သင်္ကြန်မြင်ကွင်းလေးကို ပုံဖော်လိုက်ပါဦးမယ်။
ပျော်ရွှင်ကြည်နူးနိုင်ကြပါစေ။
....
2 comments:
အဟင့်.. သနားတောင် သနားလာပြီ.. ရေလောင်းလိုက်အုံးမယ် (ရေခဲရေနဲ့..) ဟဲ.. ဟဲ.. ဗွမ်း.. ဗွမ်း..
သူငယ်ချင်းလေး သနားပါတယ် ရေနည်း၂ပက်ချင်တယ် အကြိုမှာ ဒါပေမယ့် နောက်ကျသွားပြီ :P
Post a Comment