ရှေ့ တန်းစစ်မြေပြင်ကို သယ်ဆောင်သွားရတဲ့ အလေးချိန်က မနည်းဘူး။ ရေနှင့်အစားအစာ၊ လက်နက်ခဲယမ်း၊ ဓါး၊ ကျည်ဆန်စတဲ့ လိုအပ်တဲ့ ပစ္စည်းတွေကိုတစ်ပါတည်း ယူဆောင်သွားကြရတယ်။
အဲဒီအလေးချိန်တွေအပြင် ကျည်ကာအင်္ကျီကိုပါဝတ်ဆင်ထားရတော့ ပိုပြီးဝန်ပိသွားတာပေါ့။
ကျည်ကာအင်္ကျီသာ မ၀တ်ရရင် သွားရလာရတာလဲ လွတ်လပ်မယ်။ ၀န်လဲပေါ့သွားမယ်။ ပြေးရလွှားရတာလဲ လွယ်ကူသွားမယ်။ အဲဒါဆို ပိုမကောင်းဘူးလား။ သိပ်ကောင်းတာပေါ့။ ဒါပေမဲ့ တစ်ဘက်ရန်သူက ပစ်ခတ်လာတဲ့ ကျည်ဆန်တွေကို ဘယ်လိုကာကွယ်မလဲ။ လွယ်လွယ်လေးပါ။ နည်းစနစ်ရှိတယ်။
ကျည်ကာအင်္ကျီအစားအင်္ကျီခပ်ပါးပါးလေး တစ်ထည်ဝတ်လိုက်ရုံပါဘဲ။ ဒါပေမဲ့ အဲဒီအင်္ကျီက ရှပ်အင်္ကျီ တော့မဟုတ်ဘူးနော်။ သေချာမှတ်ထားလိုက်ဦး။ အမျိုးသမီးတွေဝတ်တဲ့ အတွင်းခံဘရာစီယာ တဲ့။
မနေ့တုန်းက အမေရိကန်နိုင်ငံ မာချိဂန်ပြည်နယ် ဒက်ထရိုက်တ်မြို့မှာ ထူးဆန်းတဲ့ အဖြစ်အပျက်တစ်ခုဖြစ်ခဲ့တယ်။ အိမ်တစ်အိမ်ကို ဖောက်ထွင်းသူတစ်ချို့  ထိုးဖောက်ဝင်ရောက်ဖို့ကြိုးစားတယ်။ ဒါပေမဲ့ အိမ်မှာ အချက်ပေးကိရိယာတပ်ဆင်ထားတဲ့အတွက် အချက်ပေးသံပေါ်ထွက်လာတယ်။ ဒါပေမဲ့ အိမ်ရှင်က အိမ်မှာ မရှိဘူး။
အသက် ၅၇နှစ်ရှိ တစ်ဘက်အိမ်က အိမ်ချင်းအမျိုးသမီးတစ်ယောက်က အချက်ပေးသံကြားလို့ ပြတင်းပေါက်ဖွင့်ကြည့်လိုက်တယ်။ အဲဒီအမျိုးသမီးကို ဖောက်ထွင်းသူတစ်ယောက်က မြင်ပြီး အသင့်ယူလာတဲ့ သေနတ်နဲ့ ဒိုင်းကနဲ ပစ်ထည့်လိုက်တယ်။ ကျည်ဆံက ပြတင်းပေါက်ကို ဖြတ်သန်းကို
အဲဒီအမျိုးသမီးရဲ့  ရင်ဘတ်တည့်တည့်ကို လာထိတယ်။ ပွဲချင်းပြီးသေရမဲ့အနေအထားပါ။
ဒါပေမဲ့ သူမဟာ အသေးစားဒဏ်ရာလေးဘဲ ရသွားတယ်။ နီးစပ်ရာဆေးရုံကို တင်ပို့ထားပေမဲ့လဲ အသက်သေစေနိုင်လောက်တဲ့ ဒဏ်ရာမဟုတ်ပါဘူး။ သူမကို ကယ်တင်လိုက်တဲ့အရာကတော့ စစ်သားတွေ ၀တ်ဆင်လေ့ရှိတဲ့ ကျည်ကာအင်္ကျီတော့ မဟုတ်ပါဘူး။ သူမ၀တ်ဆင်ထားတဲ့ အတွင်းခံဘရာစီယာလေးပါဘဲ။ ဘရာစီယာလေးက ခိုင်ခန့်ကျစ်လစ်တဲ့အတွက် ကျည်ဆန်က ဖောက်ထွင်းနိုင်စွမ်းမရှိခဲ့လို့ပါ။
အဲဒီအမျိုးသမီးဝတ်ဆင်ထားခဲ့ ဘရာစီယာတံဆိပ်ကတော့ နာမည်ကြီးပြီး အရောင်းတက်သွားမှာ သေချာတယ်။ အနောက်တိုင်းသားတွေရဲ့  ရူးသွပ်မှုကို အခွင့်ကောင်းယူပြီး သူမရဲ့  ဘရာစီယာကို လေလံတင်ရောင်းချရင် အမြတ်အစွန်းရရှိဦးမှာ မြင်ယောင်နေမိသေးတယ်။
ဒီအဖြစ်အပျက်ကို တွေ့မြင်ပြီးနောက် ဒက်ထရိုက်တ် ရဲအရာရှိ Sgt. Eren Stephens Bell ကတော့ အခုလိုပြောလေရဲ့ ။ ဒီလိုဘရာစီယာကနေပြုလုပ်တဲ့ ကျည်ကာအင်္ကျီမျိုး ကျနော်တို့ လိုအပ်နေပြီ တဲ့။
ဒါကြောင့်မို့
ခပ်ထူထူ ခပ်လေးလေး ကျည်ကာအင်္ကျီကို ၀တ်ဆင်နေမဲ့အစား အဲဒီအမျိုးသမီးဝတ်တဲ့ ဘရာစီယာမျိုး ရှေ့ တန်းထွက်စစ်သားတွေ ၀တ်ဆင်ခွင့်ရမယ်ဆိုရင် ပိုပြီးအဆင်ပြေမယ်။ အလေးချိန်လဲ သက်သာမယ်မဟုတ်လား။ ဒါပေမဲ့ မျက်နှာမှာ သနပ်ခါး သို့မဟုတ် မိတ်ကပ်တွေ မလိမ်းကြဖို့တော့ ဥပဒေထုတ်ပြန်ထားသင့်တယ်လို့ ကျနော်စဉ်းစားမိကြောင်းပါခင်မျာ။ ။
မှတ်ချက်။
http://uk.reuters.com/article/oddlyEnoughNews/idUKTRE53L4Z920090422ကို ကိုးကားဖော်ပြပါတယ်။
..
1 comment:
အဲလိုကြီးလား တကယ်ဆိုရင်တော့ စစ်သားတွေအတွက်ကောင်းပါတယ် ဒါပေမယ့် သိပ်မဖြစ်နိုင်ဘူးနဲ့တယ် သယ်ရင်းရဲ့ (ဟဲဟဲ)
Post a Comment