Friday, 9 September 2011

သူကြီးမင်းရဲ့ လက်ထပ်မင်္ဂလာပုံပြင်


"မောင်ပေါက်ကျော်ရေ.."

"ခင်ဗျား သူကြီးမင်း"

"မင်း ဟိုဘက်ရွာက မင်္ဂလာဆောင် သတင်း ကြားပြီးပြီလား"

"မကြားသေးဘူး သူကြီးမင်း။ ဘယ်ရွာမှာလဲ"

"ဟို ထမ်ဝိုင်ရွာမှာလေ"

"ဟာ ဟုတ်လား။ သူကြီးမင်းကို ဖိတ်ထားတယ် ဆိုပါတော့"

"မဖိတ်ထားပါဘူးကွာ။ ဖိတ်ရင်လဲ ငါက မသွားပါဘူး"

"ဘာဖြစ်လို့လဲ သူကြီးမင်း"

"နဲနဲ စိုးရိမ်စရာ ရှိနေလို့"

"ဘာတွေများ စိုးရိမ်နေတာလဲ သူကြီးမင်းရယ်။ အသဲငယ်လိုက်ပါဘိ"

"တစ်ခြားတော့ မဟုတ်ဘူးကွ။ မတော်သကာ သတို့သမီးက မျက်စိကျပြီး ငါ့ကို သတို့သားနေရာ ဆွဲထည့်လိုက်ရင် ငါ့လူပျိုဂုဏ်လေး ပျက်ရချည်သေးရဲ့"

"သူကြီးမင်းက သူများ ဇနီးလောင်းကို စိတ်နဲ့ ပစ်မှားနေပြန်ပါပြီ။ ဒု သ န သော ကျရောက်တော့မှာဘဲ"

"ဟာ... ဘယ်ကလာ သူများ ဇနီးလောင်းလဲကွ။ ဒီမင်္ဂလာပွဲမှာ သတို့သားမပါဘူး"

"ဘာ.. ဘယ်လို..... ဘယ်လိုဖြစ်တာလဲ သူကြီးမင်း။ သတို့သားက မင်္ဂလာဆောင်ခါနီး ပိုးထိပြီး ဆုံးသွားလို့လား"

"မဟုတ်တာ။ စတင် ကျင်းပကထဲက သတို့သမီးတစ်ယောက်ထဲ မင်္ဂလာပွဲကျင်းပတာ။ သတို့သား မပါဘူး"

"ဒါဖြင့် သတို့သမီးက မင်္ဂလာပွဲတက်ရောက်လာကြတဲ့ သူတွေထဲက ကြိုက်တဲ့သူကို သတို့သားအဖြစ် ပန်းကုံးစွပ် ရွေးချယ်မတဲ့လား"

"အဲဒီလိုလဲ မဟုတ်ဘူးကွ"

"ဒါဖြင့် ဘယ်လိုက ဟုတ်တာလဲ သူကြီးမင်းရ။ လင်းစမ်းပါဦး"

"ဒီလိုကွ။ သူတို့ရွာရဲ့ ရွာလူကြီးကို ရွဲ့ပြီး တစ်ယောက်ထဲ အဲဒီမင်္ဂလာဆောင်ပွဲ ကျင်းပလိုက်တာတဲ့"

"ရွာလူကြီးက ဘာဖြစ်လို့လဲ သူကြီးမင်း"

"ပြောချင်ပါဘူးကွာ။ သူ့ရွာထဲက မိန်းခလေးတွေကို အရွယ်ရောက်ရင် အိမ်ထောင်ပြုကြဖို့ ဖိအားပေးလို့တဲ့။ ဘာဖြစ်လို့လဲဆိုရင် သူတို့ရွာမှာ လူဦးရေ နည်းနေလို့တဲ့ကွ။ မိန်းခလေးတွေက ပညာဆက်သင်ချင်၊ ရွာလူကြီးက သူတို့ကို အိမ်ထောင်ပြုပြီး ကလေးတွေ တဇွတ်ဇွတ်မွေးစေချင်။ အဲဒီလို ဖြစ်နေတာ။ အဲဒါ အဲဒီ ရွာလူကြီးရဲ့ အမိန့်ကို ဆန့်ကျင်တဲ့ အနေနဲ့ ရွဲ့ပြီး အဲဒီ မိန်းခလေးက တစ်ယောက်ထဲ မင်္ဂလာပွဲကျင်းပလိုက်တာတဲ့။ အကုန်အကျတော့ မနည်းဘူးပေါ့ကွာ။ သတို့သား မပါတာက လွဲပြီး ကျန်တာ အကုန်လုံး တကယ့်လက်ထပ်မင်္ဂလာပွဲလို ကျင်းပလိုက်တာတဲ့"

"အော်.. ဂလိုလား။ သူကြီးမင်းက အဲဒီ မင်္ဂလာပွဲအကြောင်းကို ဘယ်လို သိတာတုန်း။ ပြောပါဦး သူကြီးမင်းရဲ့"

"မင်း အဲဒီ ထမ်ဝိုင်ရွာက မိမဲလေးကို သိတယ် မဟုတ်လား။ ငါ့အိမ်ကို မကြာမကြာ အလည်လာနေကျလေ"

"အင်း သိတယ် သူကြီးမင်း"

"ငါ ဟိုတလောတုန်းက သူဖိတ်ခေါ်လို့ သူ့အိမ်ကို ခဏ အလည်လိုက်သွားခဲ့သေးတယ်။ အဲဒါ သူ့အိမ်က အပြန်မှာ ဘေဘီစိန် လဘက်ရည်ဆိုင် ၀င်ထိုင်ရင်း ဒီသတင်းကို ကြားခဲ့ရတာ"

"ယောက်ျားတွေ ရှားပါးလာတဲ့ လက္ခဏာပေါ့နော် သူကြီးမင်း။ ဘယ့်နှယ် မိန်းခလေး တစ်ယောက်ထဲ လက်ထပ်မင်္ဂလာပွဲ ကျင်းပရတယ်လို့"

"အဲလိုလားတော့ မသိပါဘူးကွာ။ နောက်ပြီး အဲဒီရွာ သတင်းကလဲ ကြားရတာ သိပ်မကောင်းပါဘူး"

"ဘာသတင်းတွေလဲ သူကြီးမင်း"

"အမ္ဗပါလီလက်သစ် မွေးမြူရေး လုပ်ငန်းကို တစ်နိုင်ငံလုံးမှာရှိတဲ့ လူဦးရေ ၇၀ ရာခိုင်နှုန်းကျော်ကျော်လောက်က ထောက်ခံကြသတဲ့လေ"

"သူကြီးမင်းက သတင်းစုံသားဘဲ။ ဘယ်ကကြားခဲ့ပြန်တာလဲ သူကြီးမင်း"

"ဒေါက်တာဟင်းရဲ့ အိမ်ကို ၀င်လည်ရင်း သူတို့ပြောတာ ကြားခဲ့တာပါ"

"အင်းနော်... ရွာလေးက သာသာယာယာရှိရဲ့သားနဲ့။ လေးဘက်လေးတန်လဲ ရေတွေနဲ့ ကာရံထားတယ်။ အတော်လှပတဲ့ ရွာလေးပါ။ နာမည်ကလဲ ထမ်ဝိုင်ရွာတဲ့။ ချစ်စရာလေး။ ဒါနဲ့များ အမ္ဗပါလီလက်သစ် လုပ်ချင်နေကြသေးတယ်။ ပြီးတော့ တစ်ယောက်ထဲ လက်ထပ်မင်္ဂလာဆောင်ပွဲတဲ့။ ကြား ကြားဖူးပေါင်"

"အင်းကွာ... ငါလဲ တစ်သက်နဲ့ တစ်ကိုယ် အခုလို တစ်ယောက်ထဲ လက်ထပ်မင်္ဂလာပွဲ ကျင်းပတာ တစ်ခါမှ မကြုံခဲ့ဖူး မကြားခဲ့ဖူးပါဘူး။ ငါကြားဖူးတာကတော့ လက်ထပ်မင်္ဂလာပွဲမှန်ရင် နှစ်မျိုးဘဲ ရှိပါတယ်။ အာဝါဟမင်္ဂလာ(သတို့သားမိဘတွေက သတို့သမီးကို တောင်းယူပြီး အိမ်ကို ခေါ်လာရတဲ့ မင်္ဂလာ) နှင့် ၀ိဝါဟမင်္ဂလာ ( သတို့သမီးမိဘတွေက သတို့သမီးကို သတို့သားအိမ်ကို ထည့်ပေးရတဲ့ မင်္ဂလာ) ဆိုပြီးတော့ပေါ့။ အခုဟာကျတော့ တစ်ယောက်ထဲတဲ့။ အာဝါဟလဲ မဟုတ်၊ ၀ိဝါဟလဲ မဟုတ်နဲ့။ ငါ ဒီသတင်းကြားကြားချင်း ဟို ပုံပြင်တစ်ပုဒ်ကို ပြေးအမှတ်ရမိတယ်"

"ဘယ်ပုံပြင်လဲ သူကြီးမင်း"

"တစ်ခါတုန်းက ကျောင်းတစ်ကျောင်းမှာ အလွန်တရာ ကပ်စေးနှဲတဲ့ ဘုန်းကြီးတစ်ပါး ရှိခဲ့တယ်တဲ့။ ဘယ်လောက်တောင် ကပ်စေးနှဲသလဲဆိုရင် ခရီးသွားရင်း ဆွမ်းချိန်မှာ ဗိုက်ဆာတာတောင် အဆာခံပြီး ၀ယ်မစားဘူးတဲ့။ အငတ်ခံပြီး ပေနေတယ်တဲ့။ ဒါနဲ့ တစ်နေ့မှာ အဲဒီဘုန်းကြီးက မနက်ပိုင်းမှာ ရထားနဲ့ ခရီးတစ်ခုသွားတယ်တဲ့။ ညနေဘက်ရောက်တော့ ရထားစီးပြီး ကျောင်းကို ပြန်လာတယ်တဲ့။ ပြန်ရောက်ရောက်ချင်းဘဲ ကျောင်းမှာ ကျန်ရစ်ခဲ့တဲ့ သီတင်းသုံးဖော် ဘုန်းကြီးတွေကို ၀မ်းသာအားရ စကားဆိုသတဲ့။ အရှင်ဘုရားတို့ တပည့်တော် ဒီနေ့ သံဃာတစ်ပါးကို နေ့ဆွမ်းကပ်ခွင့် ရခဲ့တယ်။ ၀မ်းသာကြည်နူးလိုက်တာလို့ ဆိုသတဲ့"

"သူကြီးမင်း... အဲဒီဘုန်းကြီးက ခရီးသွားရင်း ဖြုန်းကနဲ သဒ္ဓါတရားပေါက်ပြီး ဘုန်းကြီးတစ်ပါးကို ဆွမ်းကပ်ခဲ့တာ ရှိမယ်နော်"

"အဲဒီလို မဟုတ်ဘူး မောင်ပေါက်ကျော်"

"ဒါဖြင့် ဘယ်လိုလဲ သူကြီးမင်း"

"အင်း... ဒီလိုကွ။ ကျန်တဲ့ ဘုန်းကြီးတွေလဲ ဒီဘုန်းကြီး ဒီလောက် ကပ်စေးနှဲတာ ဘုန်းကြီးတစ်ပါးကို ဆွမ်းကပ်ခဲ့တယ်ဆိုတော့ ထူးဆန်းတယ်ပေါ့။ ဒါနဲ့ အဲဒီ ခရီးသွားတဲ့ ဘုန်းကြီးကို ၀ိုင်းမေးကြတာပေါ့။ ဘယ်အရပ် ဘယ်ကျောင်းက ဘုန်းကြီးကို ဆွမ်းကပ်ခဲ့တာလဲပေါ့။ မကပ်စဖူး အကပ်ထူး နေတာကိုး။ အဲဒါနဲ့.. အဲဒီ ခရီးသွားတဲ့ ဘုန်းကြီးက ဘယ်လို ပြန်ဖြေတယ် မှတ်လဲ"

"ဘယ်လို ဖြေလိုက်တာတဲ့လဲ သူကြီးမင်း"

"ငါ့ကိုယ်ငါ ၀ယ်ကပ်ခဲ့တာလေ လို့ ဖြေလိုက်သတဲ့"

"အမ်..."

"အမ် မနေနဲ့ မောင်ပေါက်ကျော်။ သူက အတည်ပြောနေတာ။ သူကလဲ သံဃာတော် တစ်ပါး မဟုတ်လား။ အဲဒါ သူ့ပိုက်ဆံနဲ့ ဆွမ်းဝယ်ပြီး သူ့ဖာသာသူ ကပ်လှူပြီး သူ့ဖာသာသူ စားခဲ့တာလေ။ အဲဒါကို သံဃာတော်တစ်ပါးကို ဆွမ်းလှူခွင့်ရခဲ့တာလို့ ပြောနေတာ။ တကယ့်ကို လွတ်လွတ်စွန့်ကြဲလိုက်တာဘဲ။း))။ အခု မင်္ဂလာဆောင်ပွဲလဲ အဲဒီလိုဘဲကွ။ သူ့ဖာသာသူ တစ်ယောက်ထဲ မင်္ဂလာဆောင်နေတာလေ။ အင်းလေ... ပွဲဖြစ်ဖို့က အဓိက မဟုတ်လား"

"သူကြီးမင်းပြောတော့လဲ ဟုတ်တုတ်တုတ်ဘဲ"

"ဟုတ်တုတ်တုတ် လုပ်မနေနဲ့ မောင်ပေါက်ကျော်။ ငါလဲ သိပ်မရှင်းလို့ တူနှစ်ဖြာ ဂဟေဆက်တဲ့ အာဝါဟ ၀ိဝါဟ မင်္ဂလာ အရာမှာ ပါရဂူအဆင့် ရှိနေတဲ့ ဂုရုကြီး တစ်ယောက်ဆီ သွားမေးကြည့်ဖြစ်တယ်။ တစ်ယောက်ထဲ သူ့ဖာသာသူ လက်ထပ်ပြီးနေထိုင်ရင် ဘယ်လို အကျိုးကျေးဇူးတွေ ရှိသလဲပေါ့"

"အဲဒီ ဂုရုကြီးက သူကြီးမင်းကို ဘယ်လို ဖြေလိုက်တာလဲ သူကြီးမင်း"

"သူဖြေလိုက်တာကတော့ ရှင်းရှင်းလေးဘဲ။ တစ်ယောက်ထဲ သူ့ဖာသာသူ လက်ထပ်ပြီးနေထိုင်ရင် ထမင်းထဲ ထမင်းမြှုပ်စားရသလို ပေါ့ပျက်ပျက်ကြီးဘဲတဲ့"

"အမ်.. ဘယ်လိုကြီးလဲ သူကြီးမင်း"

"ဘယ်လိုမှ မလဲဘူး မောင်ပေါက်ကျော်။ ထမင်းဆိုတာ ဟင်းနှင့်နှယ်ဖတ်ပြီး စားရတဲ့အရာ ဒါမှမဟုတ် ဟင်းနဲ့ အလုပ်အလွေးပြုလုပ်ပြီး စားရတဲ့ အရာမျိုး မဟုတ်လား"

"ဟီး ဟီး ပေါက်ပြီ သူကြီးမင်း ပေါက်ပြီ။ ဟုတ်ပ ဟုတ်ပ ထမင်းကို ထမင်းထဲ မြှုပ်စားရသလိုကြီးးးးးးး ဟီး ဟီး ဟီး ဟီး"

..

24 comments:

blackroze said...

တဂျီးကထမင်းကိုဟင်းနဲ့မှစားချင်တာပေါ့လေ
ဟုတ်လား...

ခွန် said...

ဒီ သူကြီးကတော့လေ
ကျန်ကျန်ဖန်ဖန် တွေ့လည်းတွေ့တက်
ရေးလည်းရေးတက်တယ်။
ဘေဘီစိန် ဆိုင်မှာထိုင်တော့
အဲလို သတင်းတွေ သိရတယ်နော်....

MGTHANT said...

မပေါက်သေးဘူး သူကြီးမင်း ထပ်ရှင်းပေးပါ။ :D

mstint said...

ကပ်စေးနဲတယ်ဆိုတာ အတိုင်းအတာတစ်ခုတော့ ရှိတယ်နော်။ မင်္ဂလာပွဲကို သူကြီးမင်း မသွားပုံထောက်တော့ သတိုးသားအဖြစ် အဆွဲခံရမှာထက် ဖိတ်ချင်းဖိတ်ကိုယ့်အိတ်ထဲဖိတ်ဆိုပြီး အကြံများရှိနေသလားလို့း)))
စိတ်ဓါတ်အစဉ်ကြည်လင်အေးမြပါစေကွယ်။

မေတ္တာဖြင့်
အန်တီတင့်

နေ၀သန် said...

ကဲ.. သူများတွေတော့ တစ်ယောက်တည်းလုပ်သွားပြီ.. သူကြီးမင်းကော..... :P..

ခင်မင်လျက်
နေ၀သန်

ကိုဇော် said...

သူဂျီးက စားနေကျပဲ အရသာ သိတာ ဘာများထူးမလဲဗျာ။

SHWE ZIN U said...

သကြီး ရေ

ထမင်းထဲထမင်း မြုတ်စားသလို ဆိုတော့ နဲနဲ ထူးသွားအောင် ပေါ်ဆန်းမွှေးထဲ ငစိန်မြုတ်စား ရရင်ကောင်းမလား

ခင်မင်စွာဖြင့်

တောက်ပကြယ်စင် said...

ကပ်စေးနဲတယ်ဆိုတော့ ဘုန်းဘုန်းကိုများ ပြောနေသလားကွယ်။ (တိုက်ဆိုင်နေလို့၊ ဟီး) ကျန်းမာပျော်ရွှင်ပါစေ သူကြီးမင်းရေ။

ငွေလမင်း said...

တော်တော်လည်း ပြောတတ်တဲ့ သူကြီးမင်း

ချော(အစိမ်းရောင်လွင်ပြင်) said...

ထိုင်ဝမ်ရွာ အဲလေ ထမ်ဝိုင်ရွာက မိမဲလေး သနားပါတယ် ထမင်းထဲ ထမင်းမြုပ်စားရတယ်လို့..
ထမင်းထဲဆန်ပြုတ်မြုပ်စားရင်တော်သေး ဟိဟိ
သူဂျီးကတော့လေ.. ရှာရှာပေါက်ပေါက် တစ်ယောက်တည်း မင်္ဂလာဆောင်ခိုင်းနေပြန်ပြီ။
ဒါနဲ့ ခမဲပေးတဲ့ ဓလေ့ကိုလည်းသိတယ် မဟုတ်လား
ကြက်တို့ဘာတို့လို တိရိစ္ဆာန်နဲ့ မင်္ဂလာဆောင်တာလေ။
ငယ်တုန်းက နေမကောင်းရင် အဲလိုလုပ်ရတာ သတိရမိသေး

မဒမ်ကိုး said...

ဟာ သူကြီးတို့ကလုပ်ချလိုက်ပြန်ပြီ
ခုမှဖတ်ရတယ် ..ဟဟဟ

အာဝါဟလဲ မဟုတ်၊ ၀ိဝါဟလဲ မဟုတ်နဲ့။ဆိုတော့
အာဝါဟိပေါ့ဗျာ ...

မီးတို့ကငယ်သေးတယ် မဆွေးနွေးတတ်ပါဘူးရှင်
အနုပညာကိုပဲစိတ်ဝင်စားနေသေးလို့ပါနော်း)

စော(အဝါရောင်မြေ) said...

ကျန်တာတော့မသိဘူး၊ နောက်ဆုံးက ကိုယ်တော်ကတော့ သူကြီးနဲ့  ခပ်ဆင်ဆင်၊ အင်းတူတာထင်ပါရဲ့ ။
:D

Angelhlaing(May everybody be happy and healthy! said...

ဟား ... ဟား... အဲလိုပဲ ရီလိုက်တယ်အဟီးးးးးး အကိုကတော့လေ တွေးတက်ရေးတက်ပနော် ....အဟီးး ပေးလည်းပေးတက်တဲ့ ဥပမာ :):)

jasmine(တောင်ကြီး) said...

ထူးဆန်းတဲ့မင်္ဂလာပွဲနော်

သဒ္ဓါလှိုင်း said...

သူကြီးမင်းရဲ့ လက်ထပ်မင်္ဂလာပုံပြင်ဆိုလို့.. ဒီလိုကိုး
နတ်နဲ့မင်္ဂလာဆောင်မယ်ဆိုတာတော့ ဖတ်ဖူးတယ်။ တယောက်တည်းဆောင်တာတော့ ခုမှပဲသိတော့တယ်.။း)
ခင်မင်လျက်
သဒ္ဓါ

ဟန်ကြည် said...

ညှင်းညှင်းညှင်းညှင်း( သမိန်ပေါသွပ်ရယ်နည်းဖြင့် ရယ်သံ)...ထမင်းထဲ တမင်းမြှုပ်စားတော့ ဘာဖြစ်သတုံး သူကြီးရဲ့....

ဟာ...ဆရာဟန်နှယ်...အ.ရန်ကော...ထမင်းထဲ ထမင်းမြှုပ်စားတော့ ပေါ့ပျက်ပျက်ကြီးပေါ့...

အလို...ထောင်ဖောက်သလို တောင်လောက်ကြီးတဲ့အတွေးတွေနဲ့ ပြောင်မြောက်လိုက်တဲ့ တင်စားချက်ပါကလား သူကြီးမင်းရဲ့...ဘယ့်နှာဖြစ်လို့ ဒီလောက်တောင် ကြည်လင်ပြီး ပီပြင်တဲ့ အလင်္ကာဝစနကို ဖော်ထုတ်နိုင်ခဲ့တယ်ဆိုတာလေး လင်းစမ်းပါဦးတော့...

အဟက်( မခို့တရို့ရယ်သံ )...
အနှာက အနှီလိုရှိတယ် ဆရာဟန်...အဲဟိုတစ်နေ့ကပေါ့...အိမ်မှာ ရိက္ခာကလည်း ပြတ်သဟာမို့ အကြံကုန်ဂဠုန်ဆားချက်မဟဲ့ဆိုတဲ့ စိတ်ကူးနဲ့ ပေါင်စတာလင်ကုန် သူကြီးမင်း ထမင်းချက်ပြီးသကာလ ထမင်းပေါ်မှာ ထမင်းဆင့်လို့ စားကြည့်ရာက ထွက်ပေါ်လာတဲ့ မဟာ့မဟာ တင်စားချက်ကြီးပေါ့ဗျ...

အိမ်း...ကောင်းလှောင့်တေး ကောင်းလှောင့်တေး သူကြီးမင်း...ဤမည်သော ဥာဏ်နီဥာဏ်နက် ဥာဏ်စိမ်းဥာဏ်ပြာများကြောင့် ဘလော့ရွာတစ်ခွင်မှာ လူပြိုကြီး သူကြီးမင်းရယ်လို့ ထင်ရှားပေတာကိုး...သွပ် သွပ် သွပ် ( အီကြာကွေးရယ်သံဖြင့် ရယ်လိုက်သံ...)

မင်းဧရာ said...

သူကြီးမင်း........
ပိုစ့်ကိုဖတ်ပြီးမှ တွေးတွေးပြီးရယ်လို့ကိုမပြီးတော့ဘူး
ရေးလည်းရေးတတ် ပေးလည်းပေးတတ်တဲ့ ဥပမာ တွေးလေရယ်ရလေပဲ။

ပေါ့ဆိမ့် said...

ဟား ဟား လို ရယ်လိုက်သည် ...
ကြံကြံဖန်ဖန် ရေးတတ် တွေးတတ်ပ ...
အရေးလေး တအားသွက်တယ် ...

မောင်မောင် said...

တွေးမှတွေးတတ်ပလေနော်။
သူကြီးမင်းရေးရမှာက
“ပေါင်မုန့်  ကို ပေါင်မုန့် ချင်း ထပ်စားရသလို”
အဲလို မှသင့်မှာပေါ့ လေ။
အင်္ဂလန် က သူကြီး ပေါင်မုန့် မစားလို့ များလားဗျ။
ဖတ်သွားပါ၏ သဂျီးမင်းရေ

ညိမ်းနိုင် said...

အဲ.....တဂျီးရော...ဘယ်တော့တုန်း......:)))
ကျွန်တော်တော့ ထမင်းထဲ ထမင်းပဲမြုပ်စားတော့မယ်...:)

san htun said...

ရေးလည်း ရေးတတ်ပါပေတယ်...တဂျီးမင်းရယ်..တဂျီးလည်း ထမင်းထဲ ထမင်းမြုပ်စား မလို့ လားဗျ...းD

An Asian Tour Operator said...

"ဟီး ဟီး ပေါက်ပြီ သူကြီးမင်း ပေါက်ပြီ။ ဟုတ်ပ ဟုတ်ပ ထမင်းကို ထမင်းထဲ မြှုပ်စားရသလိုကြီးးးးးးး ဟီး ဟီး ဟီး ဟီး"

မောင်ဘကြိုင် said...

သဂျီးပို့စ်ဖတ်ပြီးကာမှ
နှစ်ချောင်းပူးအီကြာကွေးစားဖူးတာရယ်
မုန့်လင်မယားစားတာရယ် သွားသတိရမိတယ်
ကြံကြံဖန်ဖန် သာချီးရေးတတ်တ့ သာချီး ဟိဟိ


း)
း)

noblemoe said...

တစ်ယောက်တည်းဆောင်တာမြင်ဖူးပါတယ်။ အထက်တန်းအရွယ်လောက်မြင်ဖူးတာ မှတ်မှတ်ရရ သတို့ သမီးကရန်ကုန်မှာသတို့သားကနိုင်ငံခြားမှာ ရောက်နေတာကြောင့် သဘောတူပါတယ် ဆိုပြီကတိပြုပြီးဆောင်ကြတာ။
စိတ်မကောင်းစရာကမေတ္တာအရင်းခံမဟုတ်တော့လည်း
ခုတော့ကွဲသွားကြပြီ။
သူကြီးမင်ထီထွင်တာအပြင်မှာတကယ်ရှိပါတယ်။

ကိုယ်ရောစိတ်ပါကျမ်းမာရွှင်လန်းပြီး
သာယာချမ်းမြေ့ပါစေရှင်း
မိုး