သူကြီးမင်း (တုံးဖလား)

Friday, 18 January 2013

ကျွန်ုပ်နှင့် အဘိုးအို ( သို့မဟုတ်) ဗျုတ်စဗျင်းတောင်း (ဇာတ်သိမ်း)

ထိုကဲ့သို့ စကားပြော ကောင်းနေခိုက် နှာခေါင်းတွင်းသို့ တူးခါးစွာသော မီးလောင်နံ့တစ်ခု ၀င်ရောက်လာလေ၏။ စမုတ်(က်) အလန်း(မ်)မှလည်း တီ တီ တီ တီ အသံများ အဆက်မပြတ် ထွက်ပေါ်လာ၏။ ဒါဆို မီးဖိုချောင်ထဲမှာ တစ်ခုခု မီးတူးနေတာ သေချာပြီ။

"အဘိုး.. ဘာချက်ပြုတ်ထားသေးလဲ"

"ဟာ... အဲဒါမှ သောက်ကျိုးနဲ။ ငါ ၀က်သား သုံးထပ်သားအိုး ခဏလေးဆိုပြီး နွေးထားခဲ့တာ။ မောင်ရင်ရောက်လာလို့ စကားကောင်းပြီး မေ့သွားတာ။ သွားပါပြီ"

နှစ်ယောက်သား ကပျာကယာ မီးဖိုချောင်ထဲ ပြေးကြည့်လိုက်တော့ မီးဖိုခန်းအတွင်း မီးခိုးများ လှိုင်နေသည်ကို တွေ့ရလေ၏။ ထို့အတူ အနံ့အသက်ကလဲ တူးတူးခါးခါး နံစော်လှ၏။ ၀က်သားအိုးကို ဖွင့်ကြည့်လိုက်တော့ တစ်ဝက်လောက်က မီးတူးသွားပြီး အိုးဖင်၌ ကပ်နေသည် တွေ့ရလေ၏။ ကပ်လိုက်သမှ ဆင်ကော်နဲ့ကပ်ထားသလား အောက်မေ့ရ၏။ ဆိုရလျှင် ထိုကဲ့သို့ ဟင်းအိုး မီးတူးခြင်းသည် ကျွန်ုပ်တို့အိမ်၌ အထူးအဆန်းမဟုတ်တော့ချေ။ နေ့စဉ် အနည်းဆုံး တစ်နေ့ကို တစ်ခါလောက်တော့ မီးတူး၏။ အဘိုးအိုက အသက် ရှစ်ဆယ်ကျော်ပေမဲ့ အချက်အပြုတ် အလွန်ဝါသနာပါ၏။ ၀ါသနာပါသည့်အတိုင်း နေ့စဉ်ချက်ပြုတ်၏။ ချက်ပြုတ်တိုင်းလဲ မီးတူး၏။ မီးဖိုချောင်ထဲ၌ ဟင်းအိုးကို ဂက်စ်မီးဖိုပေါ်တည်ထားပြီး ခဏလေးဆိုကာ သူ့အခန်းထဲဝင်သွားရင်လဲ ဟင်းအိုးကို မေ့သွားလေ့ရှိ၏။ အသက်ကြီးပြီကိုး။

ဟင်းတစ်ပိဿာဝယ်လျှင် ငါးဆယ်သားလောက်တော့ အသာလေး မီးတူး၏။ အဘိုးအို ဟင်းချက်ပါသနာ ပါပုံကလဲ ကြောက်ဖို့ပင် ကောင်း၏။ ခရီးထွက်ပြီး ပြန်ရောက်လာတိုင်း သူ့အခန်းကို အရင်မ၀င်ဘဲ မီးဖိုခန်းထဲ အရင်ဝင်ကာ အိုးတွေထုတ်ပြီး မီးဖိုပေါ်တင်၏။ ဂက်စ်မီးကို ဖွင့်၏။ အိုးထဲ၌ ဟင်းမရှိက ရေထည့်ပြီး မီးဖိုပေါ်တည်ထား၏။ အိုးထဲ၌ ဟင်းရှိရင်လည်း တစ်ရက်ကို အနည်းဆုံး သုံးခါလောက် အဲဒီဟင်းအိုးကို မီးဖိုပေါ်တင်ပြီး နွေး၏။ ၀ါသနာက ၀ါသနာဘဲ။ တားမြစ်လို့ မရစကောင်း။

ဟင်းမချက်ပါနဲ့တော့ အဘိုးရယ် ကျွန်တော် ချက်ကျွေးပါ့မယ်ဟု သွားပြောလျှင် ပြောတဲ့သူ သူ့ရန်သူ ဖြစ်သွား၏။ အရက်ကြိုက်သူကို အရက်မသောက်နဲ့လို့ ပြောတာကမှ နဲနဲအဆင်ပြေဦးမည် ထင်၏။ အဘိုးအိုကို ဟင်းမချက်နဲ့ဟု ပြောဖို့ရန်မှာ အလွန်ခက်ခဲဖွယ်ရှိ၏။

ဟိုအရင်တစ်ခါကလဲ ၀က်စတူးချက်မည်ဆိုပြီး ပရက်ရှာကွတ်ကာနဲ့ ၀က်သားတုံးတွေထည့်ပြီး မီးဖိုပေါ်တင်ထား၏။ ထို့နောက် ကြက်သွန် ခဏထွက်ဝယ်ဦးမည်ဆိုပြီး အနီးနားက ဆိုင်ကို ခဏထွက်သွား၏။ အပြင်ရောက်သောအခါ အသိတစ်ယောက်နဲ့တွေ့ပြီး စကားပွါးနေ၏။ ဟင်းအိုးကို လုံးလုံး သတိမရတော့။ အဘိုးအို ပြန်မရောက်ခင် မီးတူး၍ စမုတ်(က်) အလန်း(မ်) မြည်သောကြောင့် ကျွန်ုပ်ဆင်းကြည့်သောအခါ ပရက်ရှာကွတ်ကာထဲက ဟင်းငွေ့မထွက်ဘဲ မီးခိုးငွေ့တွေ ထွက်နေသည်ကို တွေ့ရလေ၏။ ဂက်စ် မီးဖိုခလုပ်ကို ပိတ်ပြီး အဘိုးအို ပြန်အလာကို စောင့်မျှော်နေမိ၏။ အဘိုး အပြင်က ပြန်ရောက်လာသောအခါ "အဘိုးဝက်သားတွေကတော့ လူတွေမစားခင် မီးက ဦးဦးဖျားဖျား စားသွားပြီ" ဟု လှမ်း ပြောလိုက်သည့်အခါ ဘာမှမထူးဆန်းသည့် မျက်နှာမျိုးဖြင့် ဟဲဟဲဟဲ ဟု ရယ်ပြလေ၏။ ပုံမှန်ဖြစ်နေကျကိုး။ ထို့နောက် မီးတူးထားတဲ့ ဟင်းအိုးကို အဖုံးဖွင့်ပြီး မီးမတူးသေးသည့် အပေါ်ပိုင်း အသားတို့ကို ရွေးထုတ်ကာ မီးတူးသွားသည့် ဟင်းတစ်ဝက်ကို လွှင့်ပစ်လိုက်ရလေ၏။ ထိုကိစ္စက မပြီးသေး။ ထိုမီးတူးသွားသည့်အိုးကို ရေထည့်ပြီး မီးဖိုပေါ်ပြန်တည်ပြန်၏။ "အဘိုး ဘာလုပ်ဖို့ အိုးကို မီးဖိုပေါ် ထပ်တည်ရတာလဲ"လို့ မေးသောအခါ "မီးတူးသွားတဲ့ ဂျိုးတွေကို ကွာအောင်လုပ်တာလေ။ ရေပွက်လာရင် ဂျိုးတွေ သူတို့ဖာသာ ကွာလာလိမ့်မယ်"ဆိုပြီး မီးဖိုပေါ်တင်ကာ သူ့အခန်းထဲ ၀င်သွားလေ၏။ ထို့နောက် "ခဏလှဲလိုက်ဦးမယ်"ဆိုပြီး အိပ်ယာပေါ် လှဲလိုက်ရာ အဘိုးအိုတစ်ယောက် နှစ်နှစ်ခြိုက်ခြိုက် အိပ်ပျော်သွားလေတော့၏။ ကျွန်ုပ်လဲ အပေါ်ထပ်သို့ တက်ကာ စာဖတ်ခြင်းအလုပ်ကို လုပ်နေလေတော့၏။ ထို မီးဖိုပေါ်က ဂျိုးကွာအောင် တည်ထားသည့်အိုးသည်လည်း မီးအရှိန်ကြောင့် ရေခမ်းသွားပြီး တူးပြီးသားဂျိုးတို့ ထပ်ခါ တူးပြန်ရလေတော့၏။ ဤကဲ့သို့ မီးတူးသည်မှာ နေ့စဉ်အလုပ်ဖြစ်သောကြောင့် အထူးအဆန်း မဟုတ်တော့ချေ။ ဒီနေ့လဲ တောင်ရောက်မြောက်ရောက် ငရဲလားတဲ့အကြောင်း စကားပြောရင်း အဘိုးအိုရဲ့ ၀က်သုံးထပ်သားဟင်းအိုး မီးတူးပြန်လေပြီ။

"ဟာ.. ငါ့ဝက်သား သုံးထပ်သားလေးတွေ တစ်ဝက်လောက်ကတော့ မီးဝါးတဲ့ အထဲ ပါသွားရှာပြီ"

"အဘိုးရေ... ၀က်သားတွေ မီးဝါးသွားတာက သိပ်ကိစ္စမရှိပါဘူး။ တော်ကြာ တစ်အိမ်လုံး မီးဝါးသွားဖြင့် မဟာ့မဟာဒုက္ခ။ ဟိုမိသားစုကို ကြည့်ပါလား။ မီးပေါ့ဆလို့ အိမ်မီးလောင်ပြီး မိခင်နဲ့ ကလေးငါးယောက် မီးဝါးပြီး အသက်ဆုံးရှုံးသွားရတာလေ။ ဖခင်လုပ်တဲ့သူတောင် ဆေးရုံတက်ပြီး ကုသခံနေရတယ်။ မိသားစု အားလုံးမှာ ဖခင်တစ်ယောက်ဘဲ အသက်ရှင်ကျန်ရစ်တယ်"

"အေးပါကွာ။ နောက်ဆိုရင်တော့ သတိထားပြီး ချက်ပြုတ်ပါ့မယ်။ ဒီနေ့တော့ ရှိပစေပေါ့။ ဟုတ်ဖူးလား"

အဘိုးအိုသည် ပါးစပ်ကလဲပြောရင်း အိုးထဲက မီးမကျွမ်းသေးသည့် ၀က်သားတုံးတို့ကိုလဲ ဇွန်းခက်ရင်းဖြင့် ခြစ်ကုတ်ယူ လုပ်နေလေ၏။ ထို့နောက် မီးတူးအိုးကို ဘေဇင်ရှိရာသွားပြီး စတီးဖတ်ဖြင့် တဂျစ်ဂျစ် ပွတ်၍ တိုက်ချွတ်နေလေတော့၏။

"အဘိုး အခုလို အိုးပွတ်နေတာ မြင်တော့ ကျနော် ဟို သင်္ကြန်းသီချင်းလေးကို ပြေးအမှတ်ရမိတယ်"

"ဘယ်သီချင်းတုန်းကွ"

"ဟို.. တူးပွတ် တူးပွတ် ဆိုတဲ့ သီချင်းလေ"

"ခွီးးးးး တူးပို့ တူးပို့ လုပ်စမ်းပါ မောင်ရင်ရာ"

"အာ... အဘိုးဟာက တူးလိုက် ပွတ်လိုက် လုပ်နေမှတော့ ဘယ်ကလာ တူးပို့တူးပို့ ဖြစ်လာနိုင်တော့မှာလဲ။ တူးပွတ်တူးပွတ်ဘဲပေါ့"

"မင်းကတော့လေ ကလီကမာ စကား အတော်ရတတ်တယ်။ ကဲ... စကားများမနေနဲ့... အဲဒီမှာ မီးမတူးသေးတဲ့ ၀က်သားတုံးလေး မြည်းကြည့်စမ်းပါဦး။ မီးခိုးရနံ့သင်းသင်းလေးနဲ့ တစ်မျိုး အရသာထူးတယ်"

"ဟာ.... အဘိုးပြောမှ သတိရတယ်။ ကျနော်က စာဖတ်ရင်း စိတ်နဲနဲ နှောက်ကျူလာလို့ စိတ်ကြည်လင်အောင် ကော်ဖီသောက်ဖို့ ဆင်းလာတာ။ အဘိုးရဲ့ လေ မိနေတာနဲ့ ကော်ဖီသောက်ဖို့ကို မေ့သွားရောဘဲ။ ကြုံတုန်း ၀က်သားမီးတူးလေးနဲ့ ကော်ဖီလေးနဲ့ ရောကြိတ်လိုက်ဦးမယ်။ ဟန်ကျလိုက်တာ"

"ဒါနဲ့.. နေစမ်းပါဦး။ မောင်ရင်က ဘာတွေ စိတ်နောက်ကျူစရာရှိလို့လဲ။ ကျောင်းသားဘဲ။ လွတ်လွတ်လပ်လပ် ပျော်ပျော်ပါးပါးပေါ့။ ဟုတ်ဖူးလား"

"အဘိုးကလဲ တစ်ခြားအကြောင်းတွေကြောင့် စိတ်နောက်ကျူတာ မဟုတ်ပါဘူး။ စာဖတ်ရင်းနဲ့ ဟိုစဉ်းစား ဒီစဉ်းစားပြီး စိတ်နောက်ကျူလာတာပါ"

"မောင်ရင်က ဘာစာတွေ ဖတ်ခဲ့လို့လဲ"

"ဟို သီဟိုဠ်က မင်းဆိုးတစ်ပါး အကြောင်းနှင့် မိဖုရားနှာဗူးမ အကြောင်း ဖတ်မိရာကနေ စိတ်နောက်ကျူလာတာဘဲ အဘိုး။ အဘိုးဘဲ စဉ်းစားကြည့်လေ။ အဲဒီ စောရနာဂဆိုတဲ့ မင်းက သူ မင်းမဖြစ်ခင် ပုန်ကန်ထကြွစဉ်တုန်းက ဘုန်းကြီးကျောင်းတွေက သူ့ကို ညအိပ်တည်းခွင့်မပေးတာကို ရန်ငြိုးဖွဲ့ပြီး သူလဲ မင်းဖြစ်လာရော ဘုန်းကြီးကျောင်းတိုက်ကြီးတွေ အတော်များများကို မီးတိုက်ရှို့ ပစ်လိုက်တယ်လေ။ သူအုပ်ချုပ်စဉ်ကာလတွေမှာဆို လူတွေ ငတ်ပြတ်လွန်းလို့ ဘုန်းတော်ကြီးတွေရဲ့ ၀မ်းဗိုက်တွေကိုတောင် ဖောက်ပြီး အထဲက ထမင်းအစာတွေကို ထုတ်ယူစားကြသတဲ့။ တကယ်စိတ်မကောင်းစရာဘဲ"

"အင်း... နန်းညွန့်နန်းလျာတွေဟာ အတော် ကြောက်ဖို့ ကောင်းတာကလား။ သူတို့ကို ဝေးဝေးက ရှောင်နေတာ အကောင်းဆုံးပါဘဲ"

"နောက် ဟို အနုဠာဒေ၀ီဆိုတဲ့ နှာဗူးမိဖုရားမ။ ဘယ့်နှယ် သူ လင်တော်ချင်တဲ့ သူတွေကို နန်းတင်ပြီး ပျော်ပါး။ ပျော်ပါးလို့ အားရပြီဆိုရင် အဆိပ်ခပ်သတ်။ သူ့လက်ချက်နဲ့ သူ့လင် မင်းဆက် ၆ ဆက်တိတိ ၆ နှစ်အတွင်းမှာ အဆိပ်ခတ် သတ်ခံရတယ်။ သူ လင်လုပ်ပြီး နန်းတင်တဲ့ သူတွေကိုလဲ ကြည့်ဦး။ တံခါးစောင့်တဲ့။ တစည်းသမားတဲ့။ ထင်းထမ်းသမားတဲ့။ ကြားလို့မှ မကောင်း။ နောက်ပြီးတော့ ကန်တော့ပါသေးရဲ့။ ဆင်မှူးသား ၃၂ ယောက်ကိုလဲ တပြိုင်နက် လင်လုပ်ခိုင်းပြီး တစ်လှည့်စီ တစ်ဗိုလ်ဆင်းတစ်ဗိုလ်တက် ပျော်ပါးခိုင်းသတဲ့။ ရိုင်းလိုက်လေ အဘိုးရာ။ အနုဠာဒေ၀ီလို့ မှည့်ခေါ်မဲ့အစား အနူလာ ဒေ၀ီလို့ ခေါ်ဖို့တောင် ကောင်းနေပြီ။ ဒါမှ သူရှုပ်ပွေတဲ့ အတွက် အနူရောဂါတွေ လာရောက်စွဲကပ်မှာ။ သူ့ကြည့်ရတာ တမလွန်ပြောင်းရင်တောင် ယမမင်းကို ပါးလျက်နားလျက် လုပ်ပြီး လင်လုပ်ခိုင်းဦးမဲ့ ပုံမျိုးနဲ့"

"ကဲ. မောင်ရင်ရေ... စိတ်မကြည်သာတွေကို အသာလေးထား။ သူများ အကုသိုလ်ကို ကိုယ့်အကုသိုလ် မဖြစ်စေနဲ့။ ဟုတ်ပြီလား"

"အဘိုးကလဲ ပြောရတာသာ လွယ်တာ။ အကုသိုလ်မဖြစ်အောင် နေဖို့က အခက်သား မဟုတ်လား"

"အင်း.. ဒါလဲ ဟုတ်ပြန်တာဘဲ။ အဲ......ဒါနဲ့... ငါလဲ မိန်းမတွေအကြောင်းကို ပြောရေးရှိလို့ ပြောတော့ ပြောရဦးမယ်ကွ"

"ဟာ.. ဆိုစမ်းပါဦးအဘိုးရာ။ ကြားချင်ပါဘိတောင်း"

ထိုအခါ အဘိုးအိုသည် မီးတူးထားတဲ့ ၀က်သားအိုးကိုလဲ စတီးဖတ်ဖြင့် ပွတ်တိုက်ဆေးကြော၊ ပါးစပ်ကလဲ မိန်းမတွေ မကောင်းကြောင်း တစ်စီတစ်သန်းကြီး ပြောလေတော့၏။

"မောင်ရင်... သေချာမှတ်ထား။ မိန်းမ မှန်လို့ရှိရင် ဘယ်မိန်းမမှ (ဘယ်မိန်းမမှ) မကောင်းဘူး။ ငါ့ မိန်းမလဲ မိန်းမဘဲ။ ငါ့သမီးလဲ မိန်းမဘဲ။ ငါ့သမီးရဲ့ သမီးလဲ မိန်းမဘဲ။ သူတို့အပါအ၀င် ဘယ်မိန်းမမှ မကောင်းဘူး"

"အာ.. အဘိုးကလဲ အဲဒီလိုကြီးတော့ ၀ါးလုံးသိမ်းမပြောပါနဲ့။ ကောင်းတဲ့ မိန်းမတွေ အများကြီးပါ"

"မဟုတ်ဘူး မောင်ရင်။ ကောင်းတယ်ဆိုတာ အခိုက်အတန့်လေး ကောင်းကြတာ။ ရေရှည်မှာ မကောင်းကြဘူး။ အနီးကပ်နေလေလေ ကြောက်စရာ ကောင်းလေလေရယ်။ ဒါကြောင့် အနီးကပ်ဆုံး ရန်သူဆိုတာ ချစ်လှပါတယ်ဆိုတဲ့ အိမ်က ဇနီးမယားဘဲဆိုပြီး ပညာရှိတွေ ဆိုထားခဲ့တာ။ မောင်ရင်ဘဲ စဉ်းစားကြည့်လေ။ မိန်းမမှန်ရင် မနက်အိပ်ရာထတဲ့အခါ ဣဿာနဲ့ နိုးထပြီး နေ့လည်ဘက်ပိုင်းကို မစ္ဆရိယနဲ့ ရှင်သန်တယ်။ ညဘက် ရောက်တဲ့အခါကျတော့ ခုနက အနုဠာဒေ၀ီလိုမျိုး စိတ်နဲ့ အိပ်စက်လေ့ရှိကြတယ်တဲ့"

"အဘိုး... ဒါကတော့ အတော်လေး ပြင်းထန်သွားပြီ။ မိန်းမသားတွေမှာလဲ သူတော်ကောင်းတွေ အများကြီးပါ။ ဒါကြောင့်လဲ ကောင်းရာသုဂတိ နတ်ပြည်တွေမှာ မိန်းမသား(နတ်သမီး)တွေ ပိုများနေတာပါ။ ယောက်ျားတွေကျတော့ နတ်ပြည်မှာ နဲလွန်းလို့ နတ်သမီးတွေအတွက်တောင် အခက်ကြုံနေရတယ်တဲ့။ ဒါကြောင့် နတ်သားတစ်ယောက်မှာ နတ်သမီးထောင်ချီပြီး ရှိနေရတာပေါ့။ အဲဒါတွေဟာ အမျိုးသမီး သူတော်ကောင်းတွေရှိတယ်ဆိုတာ သက်သေဘဲလေ။ တော်လေးဝ မ၀င်ပေမဲ့ တကယ်ဖြူစင်တဲ့ အမျိုးသမီးတွေ အများကြီးရှိပါတယ် အဘိုးရာ။ အမျိုးသမီးတိုင်းကို အဘိုးပြောတဲ့ ပေတံနဲ့ တိုင်းလို့တော့ ဘယ်ရမလဲ"

"မောင့်ရင့်ဟာ မောင်ရင်.. ရချင်ရ မရချင်နေ။ ငါ့အဖို့ကတော့ မိန်းမမှန်ရင် ငါ့မိသားစုတွေ အပါအ၀င် ဘယ်မိန်းမမှ မကောင်းဘူး"

"အဘိုးကလဲ မိန်းမ မကောင်းဘူး မကောင်းဘူးနဲ့ အဘိုးမှာ သားသမီး ရှစ်ယောက်ကြီးတောင် ရှိခဲ့တာ မဟုတ်လား။ မိန်းမတွေ မကောင်းဘူးလို့ အဘိုးသာ အမှန်တကယ် ယုံကြည်ခဲ့ရင် သားသမီးတွေ အဲဒီလောက် များစရာ အကြောင်းမရှိဘူး။ မိန်းမတွေ ကောင်းလွန်းလို့ အဘိုး အဲဒီလောက် ကလေးတွေ ရခဲ့တာပေါ့"

"ဒါက ဒီလို ရှိတယ်ကွ။ အဲဒီအချိန်တုန်းက ငါလဲ မိန်းမတွေ အရမ်းကောင်းတယ်လို့ ထင်ခဲ့တဲ့ အချိန်ပေါ့။ ဒါပေမဲ့ အချိန်ကြာလာတာနဲ့အမျှ သူတို့ ဇာတိက ပြလာတာပါဘဲ"

"အဘိုးဟာကလဲ ဟို ပုံပြင်လို ဖြစ်နေပြီ။ ဒီကောင် ငါ့ကို အ တယ်ထင်ပြီး ချေးတုံးကို မုန့်ဆိုပြီး လိမ်ညာကျွေးတာ။ ဘယ်ရမလဲ တစ်တုံးလဲ စားပြီးရော ချေးတုံးမှန်း တန်းသိတာဘဲ ဆိုတဲ့ ပုံပြင်လေ"

"မောင်ရင်.. မင်းကတော့လေ။ စကားအစပေါ်တာနဲ့ ပုံပြင်တွေ စကားပုံတွေနဲ့ လှမ်းကစ်တော့မယ် ဆိုတာချည်းဘဲ။ ငါ့စကားကို ယုံစမ်းပါကွ။ ငါက နှစ်ပေါင်းများစွာ အဲဒီဝန်ထုပ်ဝန်ပိုးတွေ ထမ်းလာခဲ့တာ။ မိန်းမတွေ မကောင်းတာ ငါအသိဆုံးပေါ့။ မင်း အတွေးမမှားနဲ့ မောင်ရင်"

"အဘိုးဟာက မိန်းခလေးတွေ မကောင်းဘူး မကောင်းဘူးနဲ့ တော်ကြာ တုံးဖလားရွာတောင်ပိုင်းက တိုးအောင်ကြီးလို ဖြစ်နေဦးမယ်။ တိုးအောင်ကြီးက ဘုရားတရား အလွန်ဝါသနာပါတော့ နေ့စဉ် ဘုန်းတော်ကြီးကျောင်းကိုဘဲ သွားနေတာပေါ့။ ဘုန်းတော်ကြီးကလဲ တိုးအောင်ကြီးကို "တရားနဲ့ဘဲ မွေ့လျော်၊ မယားနဲ့ မမွေ့လျော်နဲ့၊ မိန်းမဆိုတာ ကောင်းတာ မဟုတ်ဘူး" ဆိုပြီး ဘရိန်းဝှပ်ရှ် လုပ်ထားတာလေ

မိန်းမဟူသည်၊ ထိုမျိုးမည်ကား

လူရည်ဖွံ့ထွား၊ ဖိုယောက်ျားထက်

အစားနှစ်ပြန်၊ ဥာဏ်မှာလေးဆ

လုံ့လခြောက်ပုံ၊ ကာမဂုဏ်ရှစ်

လွန်၍ဖြစ်၏။ အနှစ်ပညာ

ရှေ့သွားကာဖြင့်၊ လူ့ရွာလောက

ဆက်ဆံကြလော့..

အစရှိတဲ့ မဃဒေ၀လင်္ကာတွေကို ဆရာတော်က မကြာမကြာ ရွတ်ဆိုပြပြီး မိန်းတွေရဲ့ မကောင်းကြောင်းချည်း ပြောနေတော့ မောင်တိုးအောင်ကြီးလဲ မိန်းမတွေကို ဝေးဝေးရှောင်ရင်း အသက် ၃၀ ကျော် လူပျိုကြီး ဖြစ်လာတော့တာပေါ့။ ဒီလိုနဲ့ တစ်နေ့ကျတော့ သူ့မိဘတွေက တိုးအောင်ကြီးကို ဒီအတိုင်းထားလို့ မဖြစ်ချေဖူး။ ကြီးလာရင် အခက်ကြုံလိမ့်မယ်ဆိုပြီး သူ့အသက် ၃၆ နှစ်လောက်မှာ ၁၈နှစ်အရွယ်သာ ရှိသေးတဲ့ ရွာမြောက်ပိုင်းက အေးဘုံလေးနဲ့ နှစ်ဖက်မိဘတွေ ညှိနှိုင်းစေ့စပ်ပြီး အတင်းပေးစားလိုက်ကြတယ်။ အဲဒီလိုနဲ့ မင်္ဂလာဦးညအပြီး နောက်တစ်နေ့ မနက်စောစောရောက်တော့ မောင်တိုးအောင်ကြီး တအီးအီးနဲ့ ရှိုက်ကြီးတငင်ငိုကြွေးနေသတဲ့။ ဒါနဲ့ မိဘတွေက မေးကြတာပေါ့။ ဘာဖြစ်လို့လဲ အေးဘုံလေးနဲ့ အဆင်မပြေဘူးလား၊ ရန်ဖြစ်ကြတာလား၊ စကားများကြတာလား စသဖြင့်မေးကြတော့ ရန်မဖြစ်ပါဘူး စကားလဲ မများပါဘူး အဆင်ပြေတာမှ လွန်ရောဘဲ ဆိုပြီး ပြန်ဖြေသတဲ့။ ဒါဖြင့် ဘာဖြစ်လို့ အခုလို ၀မ်းနည်းပက်လက် ရှိုက်ကြီးတငင်ငိုကြွေးနေရတာတုန်းလို့ မေးကြည့်တော့ ရွာဦးကျောင်းဆရာတော်က မိန်းမတွေ မကောင်းဘူး မကောင်းဘူးနဲ့ ဆရာတော် ညာပြောခဲ့တာကို ယုံခဲ့မိတယ်။ အဲဒါကြောင့် ကျနော် နှစ်ပေါင်းများစွာ နစ်နာခဲ့ရတယ်။ အဲဒီနစ်နာခဲ့တဲ့ အချိန်တွေကို စဉ်းစားရင်း နှမြောပြီး ၀မ်းနည်းလွန်းလို့ ငိုကြွေးနေတာပါ။ အခု အေးဘုံလေးက တကယ့် မိန်းမကောင်းလေးပါလို့ ပြန်ဖြေသတဲ့။ ကဲ. အဘိုး.. အဘိုးလဲ ဆရာတော့်လေသံအတိုင်း မိန်းမတွေ မကောင်းဘူးလို့ ပြောဦးမလား၊ ဒါဆို ကျနော်လဲ တိုးအောင်ကြီးလို ပြန်ဖြေရမဲ့ ပုံဘဲ။ ဟဲ ဟဲ ဟဲ"

"အော်.... ဒုက္ခ ဒုက္ခ.... ဒုက္ခသစ္စာကို ဝေေ၀၀ါးဝါး ဖြစ်နေကြရှာတာ။ ဒါကြောင့်မို့ အကောင်းလို့ ထင်နေကြတာ ကလား"

"အဘိုးက ရှစ်ယောက်ကြီးတောင် မွေးထုတ်ခဲ့ပြီးပြီဆိုတော့ အတွေ့အကြုံမရှိသေးတဲ့ လူငယ်တွေကို ဘယ်ကိုယ်ချင်းစာနိုင်ပါတော့မလဲ။ ဗိုက်ပြည့်ပြီ ၀ပြီ အီပြီကိုး။..... ဒါနဲ့ အဘိုးကိုယ်တိုင်ကကော ဝေေ၀၀ါးဝါးနဲ့ ရှစ်ယောက်တိတိတောင် ရခဲ့တယ်ဆိုပါတော့"

"မောင်ရင် ကြုံဖူးမှ သိမှာပါ။ အခုတော့ မင်းရဲ့ အဲဒီအသိဥာဏ်တွေ နုနယ်နေသေးတယ်။ ဒါကြောင့် အမှန်ကို မမြင်နိုင်သေးတာ"

"မိန်းခလေးတွေရှိလို့ ကမ္ဘာကြီး လှပနေတာပါ အဘိုးရာ။ သူတို့မရှိရင် ကမ္ဘာကြီးလဲ ခြောက်ကပ်သွားပြီး တစ်စတစ်စ ပျက်စီးပျောက်ကွယ်သွားမှာ သေချာပါတယ်။ အခုတောင်ကြည့်လေ ကုသိုလ်ရေးဆို သူတို့ချည်းဘဲ။ ဘယ်မှာလဲ ပညာရှိလှတော်လှကောင်းလှပါတယ်ဆိုတဲ့ ယောက်ျားတွေ။ တရားရိပ်သာတွေကို သွားကြည့် မိန်းခလေးရာခိုင်နှုန်းက ၉၀ ကျော်တယ်။ ပြီးတော့ တရားပွဲတွေ၊ ပရဟိတ လုပ်ငန်းတွေမှာ ကြည့်ဦးမလား မိန်းခလေးတွေ အများကြီးဘဲ။ ဒါမှမဟုတ် နိုင်ငံရေးဘက် လှည့်ကြည့်ဦးမလား။ မိန်းမသားတွေ ခေါင်းဆောင်လှုပ်ရှားနေကြတယ်။ ယုတ်စွအဆုံး ဘုရားဖူး ခရီးသည်တွေကို ကြည့်ဦးမလား သူတို့တစ်တွေရဲ့ ကုသိုလ်ကောင်းမှုလုပ်ငန်းတွေက ယောက်ျားတွေထက် အများကြီး အားသာနေတာကို တွေ့နေမြင်နေရတယ် မဟုတ်လား အဘိုး"

"ကဲကွာ... ဒါတွေ ထားလိုက်ပါတော့ မင်း ကော်ဖီသောက်ဖို့ ဆင်းလာတာ မဟုတ်လား။ ကော်ဖီသောက်မယ်ဆိုလဲ ဖျော်သောက်တော့။ ငါလဲ မင်းနဲ့ စကားပြောရင်း နဲနဲ ခေါင်းနှောက်လာသလိုလို ခံစားလာရတယ်။ ဒါကြောင့် ငါလဲ ကော်ဖီတစ်ခွက်လောက်တော့ ဆွဲလိုက်ဦးမယ်"

ဟု ပြောပြီး အဘိုးအိုတစ်ယောက် မီးတူးတဲ့ အိုးအား ပွတ်တိုက်ဆေးကြောခြင်းအလုပ်ကို အဆုံးသတ်လိုက်လေ၏။

"ဒီလိုမှပေါ့ အဘိုးရာ။ အတူတူ တစ်ခွက် တစ်ဖလား နွှဲကြတာပေါ့။ ဟား ဟား ဟား"

"ဟာ.. မေ့နေလို့... နေဦး နေဦး။ ကော်ဖီမဖျော်နဲ့ဦး။ ငါ မြင်းခွါရွက်ရည် ကျိုချက်ထားတာ ရှိတယ်။ အိုးထဲမှာ ပူပူလေးရှိတုန်း။ ကော်ဖီအစား အဲဒါလေး သောက်လိုက်ကြရအောင်"

အဘိုးအိုနဲ့အတူ မြင်းခွါရည်ရည်ပူပူလေးကို (ကော်ဖီအနေနဲ့) သောက်ကာ တစ်ပိုင်းမီးတူးနေတဲ့ ၀က်သား သုံးထပ်သားလေးကို အမြည်းလုပ်ရင်း အဘိုးအို ဖွင့်ထားသည့် ဘီဘီစီရုပ်မြင်သံကြား သတင်းကို ကြည့်နေကြလေတော့၏။ မြင်းခွါရည်ပူပူလေးက ချွဲစိစိ ခါးသက်သက်တော့ နိုင်သား။

....

နောက်တစ်နေ့သို့ ရောက်သောအခါ ကျွန်ုပ်သည် နေ့လည်စာ စားရန် အောက်ထပ်သို့ ဆင်းပြီး မီးဖိုချောင်ထဲ ၀င်ကြည့်လေ၏။ အဘိုးအို ဘယ်အချိန်ကထဲက ချက်ပြုတ်ထားမှန်းမသိတဲ့ ခပ်ပြစ်ပြစ် ညစ်တေတေ ဟင်းတစ်မျိုးကို အိုးထဲ၌ တွေ့ရလေ၏။ ငါးပိရည် ပုံစံဖြစ်၏။ သို့သော် အနံ့ ခံကြည့်သောအခါ ငါးပိနံ့ အနည်းငယ်မျှ မရချေ။ ထို့ကြောင့် အဘိုးအိုကို လှမ်းအော်မေးလိုက်ရလေ၏။

"အဘိုး.. အိုးထဲက ဘာဟင်းတုန်းဗျ။ ခပ်ပြစ်ပြစ်နဲ့"

"ဟ.. မောင်ရင်.. အဲဒါ ဟင်း မဟုတ်ဘူး။ မစားလိုက်နဲ့။ အဲဒါ ငါ ၀မ်းနှုတ်ဆေးဖော်မလို့ ကျိုထားတာ။ မန်ကျည်းသီးမှည့် အနှစ်နဲ့ သျှားစောင်းလက်ပတ် ရောကျိုထားတာလေ"

"အော်... သိပါဘူး။ ငါးပိရည်များ ကျိုထားတာလားလို့"

ထို မန်ကျည်းမှည့်အနှစ်တွေကို မြင်မှ ထိုအနှစ်တွေနဲ့ ဆင်တူသည့် ပုန်းရည်ကြီးကို ကျွန်ုပ် သွားသတိရမိလေ၏။ လွန်ခဲ့သည့် လေးလကျော်ကျော်က အသိမိတ်ဆွေတစ်ယောက် မြန်မာနိုင်ငံမှ ပြန်ရောက်လာ၏။ နေရာချင်း ဝေးကွာတဲ့အတွက် လူချင်းမတွေ့ဖြစ်သည့်တိုင် ပုန်းရည်ကြီးနှင့် တစ်ခြားအစားအသောက်တို့ကို လက်ဆောင်အဖြစ် စာတိုက်ကတစ်ဆင့် ပို့ပေးခဲ့၏။ မပို့ပေးခဲ့ပါနဲ့၊ ဒီမှာ အားလုံးအဆင်ပြေပါတယ်လို့ အတင်းတားပေမဲ့ မရ။ ပိုက်ဆံအကုန်ခံပြီး စာတိုက်က တစ်ဆင့် ပို့ပေးခဲ့၏။ ထိုအတွက် ကျေးဇူးအထူးတင်ရပါ၏။

ပုန်းရည်ကြီး အထုပ်ငယ် ငါးထုပ်တိတိ ပို့ခဲ့၏။ ထိုငါးထုပ်ထဲမှ လေးထုပ်ကို ကြက်သွန်ဖြူနီ ပုဇွန်ခြောက် ငရုပ်သီးစိမ်း အချိုမှုန့်စသည်တို့နဲ့ ဆီနိုင်နိုင် သုပ်စားခဲ့ပြီးဖြစ်၏။ ထို့နောက် လက်ကျန်တစ်ထုပ်ကိုလဲ ထိုနည်းအတိုင်း လွန်ခဲ့တဲ့ သုံးလလောက်က သုပ်ထားပြီး စားမယ်ကြံခါမှ သူငယ်ချင်းတစ်စုနဲ့ နန်ဒို့(ဇ်)ဆိုတဲ့ ကြက်မီးဖုတ်ဆိုင်ကို သွားဖို့ အကြောင်းဖန်လာ၏။ ထိုပုန်းရည်ကြီးသုပ်ကို ရေခဲသေတ္တာထဲ သိမ်းထားပြီး ထိုနေ့ကစ ဒီနေ့ထိ မေ့မေ့လျော့လျော့ နေခဲ့မိလေတော့၏။ အချိန်ကြာလာတာနဲ့အမျှ ပုန်းရည်ကြီးသုပ် ခွက်ကလေးဟာ ရေခဲသေတ္တာ နောက်ပိုင်းနံရံနဲ့ ကပ်ရက်နေရာမှာ နေရာယူရလေတော့၏။ သူ့ထက် လတ်ဆတ်ပြီး သူ့ထက် ပိုအရသာရှိတဲ့ အစားအစာဟင်းတွေ ချက်စားဖြစ်တော့လဲ သူ့ခမျာ မျက်နှာငယ်စွာ နောက်ဖေးအဖီလေးနား ကပ်နေရရှာလေရဲ့။ ရေခဲသေတ္တာ ရှေ့ဖက်အပိုင်းမှာက ဟင်းလတ်လတ်ဆတ်ဆတ်တွေ နေရာယူထားကြတာကိုး။ အမှန်ဆို ကျွန်ုပ်သည် ပုန်းရည်ကြီးကို အလွန်ကြိုက်၏။ အလွန်လဲ နှစ်သက်၏။ ပုန်းရည်ကြီးပါလျှင် ထမင်းစားလဲ အလွန်မြိန်လေ၏။ သို့သော် ခဏခဏ စားရဖန်များသောအခါ မသိလိုက်မသိဖာသာ စိတ်က ပုန်းရည်ကြီးကို မေ့သယောင်ယောင် မစားချင်တော့သယောင်ယောင် ဖြစ်လာလေတော့၏။ ထိုသည်ပင် လူ့သဘော လူ့မနော ဖြစ်လေရော့သလား မသိတော့။

ဒီနေ့တော့ မန်းကျည်းမှည့်အနှစ်ရည် ကျေးဇူးကြောင့် ပုန်းရည်ကြီးကို သတိရပြီး ရေခဲသေတ္တာထဲ ရှာဖွေကြည့်ရာ အပေါ်ဆုံးအဆင့် နောက်ဘေးနားမှာ ပုန်းရည်ကြီး ပန်းကန်လေးကို တွေ့ရလေ၏။ ကောင်းလိုကောင်းညား အပြင်ကို ထုတ်ယူပြီး အနံ့ခံကြည့်လိုက်ရာ ပုံမှန်မဟုတ်တဲ့ အနံ့မျိုး ရလေ၏။ အရောင်အဆင်းကလဲ ခပ်ညစ်ညစ်ဖြစ်လာလေ၏။ အေးလေ။ သူလဲ ရုပ်တရားဘဲဆိုတော့ ဖောက်ပြန်ပေမပေါ့။ သို့သော် ကျွန်ုပ်သည် ထိုပုန်းရည်ကြီးကို စားချင်နေဆဲ ဖြစ်၏။ အစားမှားလို့ ဒုက္ခရောက်မှာလဲ ကြောက်၊ မစားဘဲ လွှင့်ပစ်လိုက်ရမှာလဲ နှမြောတသသ။ အဲဒီလိုနဲ့ ပုန်းရည်ကြီး ပန်းကန်လေးကို ကိုင်ကာကိုင်ကာနဲ့ အဘိုးအို အခန်းထဲ သွားပြီး အဆုံးအဖြတ် သွားခံရလေတော့၏။

"အဘိုး... ဒီပုန်းရည်ကြီး ပန်းကန်လေး နဲနဲ နမ်းပေးစမ်းပါဦး။ အဘိုးက နှာခေါင်း ပိုကောင်းလောက်တယ်။ ပုပ်သိုးနေပြီလားဆိုတာ သိချင်လို့"

"ဟ... ခွေးကောင် ငါ့ကို အနံ့ခံကောင်းသလေးဘာလေးနဲ့။ လူစင်စစ်က အမြီးပေါက်ရတော့မလိုလို"

"မဟုတ်ပါဘူး အဘိုးရာ။ ကျနော် ရေခဲသေတ္တာထဲ သိမ်းထားတာ အတော်လေး ကြာသွားတဲ့အတွက် စားလို့ရသေးလားဆိုတာ သိချင်လို့ပါ"

ထိုအခါ အဘိုးက ပန်းကန်ကို နမ်းကြည့်ပြီး နှာခေါင်း ရှုံ့လေ၏။ ထို့နောက် အဘိုးအိုသည် လူနာအခြေမဟန်တော့တဲ့အခါ လူနာရှင်ကို ဆရာဝန်က ခေါင်းခါပြတဲ့ ပုံစံမျိုးဖြင့် ခေါင်းခါပြလေ၏။

"နိုး.... မကောင်းတော့ဘူး။ မစားနဲ့တော့။ ရုပ်ဆိုးပြီး ပုပ်သိုးနေပြီ"

"ကျနော်ကတော့ နှာခေါင်း မကောင်းလို့လားတော့မသိဘူး အဘိုး။ မွှေးနေတုန်းလို့ ထင်နေတာ"

"အေး အကြိုက်တရားက မကောင်းတဲ့ အရာကို ကောင်းတယ်လို့ ထင်စေတတ်တာ သဘာဝပါဘဲ။ မောင်ရင်လဲ ကြိုက်နေတုန်းတော့ အကောင်းအဆိုး မခွဲတတ်ဘူးပေါ့။ ဒါပေမဲ့ တကယ့် ပရမတ္ထကျကျ ဆန်းစစ်ကြည့်ရင်တော့ အရှိအတိုင်း ထွက်လာပါလိမ့်မယ်။ အခု ငါ ဒီပုန်းရည်ကြီးကို ကြိုက်တယ် မကြိုက်ဖူးဆိုတဲ့ ကိုယ်ပိုင်ခံစားချက်မပါဘဲ နမ်းရှိုက်ကြည့်တယ်။ ဒီတော့ မကောင်းတော့ဘူး ပုပ်သိုးနေပြီဆိုတာ တန်းသိတယ်။ ဒီတော့ သံယောဇဉ် တွယ်မနေနဲ့တော့ တစ်ခါထဲသာ အမှိုက်ပုံးထဲ ၀ှဲလိုက်ပေတော့"

"ဟာ.. အဘိုးကလဲ နှမြောစရာကြီး"

"မောင်ရင်.. မင်း သေချာမှတ်ထား။ လောကမှာ နှမြောစာရယ်၊ အားနာစာရယ်၊ မသထာရည်စာရယ် လုံးဝ မစားအပ်ဘူး။ မစားကောင်းဘူး။ အဲဒါတွေ စားမိရင် ဒုက္ခ ကောင်းကောင်း ရောက်လိမ့်မယ်။ ပုပ်တတ်တဲ့ သဘောရှိတဲ့ အရာ ပုပ်သိုးသွားတာ အဆန်းမဟုတ်ပါဘူး မောင်ရာ။ အခုလဲ ကြည့်။ ဒီပုန်းရည်ကြီးဟာ ပုပ်သိုးနေပြီ။ မင်း စားလိုက်ရင် မကြာခင် ဗိုက်နာလာလိမ့်မယ်။ အခန့်မသင့်ရင် နှလုံးကိုပါ လာထိနိုင်တယ်"

"အဲဒီလောက်တောင်ဘဲလား အဘိုး"

"အေး.. ဒါတောင် လျော့ပြောထားတာ။ မင်း မှတ်လိုက်ပြန်ဦး။ ငါးပိတို့ ပုန်းရည်ကြီးတို့ဆိုတာ မာယာ အတော်များတာကလား"

"စိတ်ဝင်စားစရာဘဲ အဘိုး။ ဆက် ပြောပါဦး"

"အေး... ငါးပိတို့ ပုန်းရည်ကြီးတို့ဆိုတာ နဂိုကထဲက ပုပ်သိုးနေတဲ့ အရာတွေနဲ့ လုပ်ထားတာမဟုတ်လား။ ပထမ အကောင်းလို့ ထင်နေစဉ်ကထဲက သူတို့မူလက ပုပ်သိုးနေပြီလေ။ ဒါပေမဲ့ အဲဒီ ပုပ်သိုးနေတဲ့ အနံ့ကိုဘဲ လူတွေက နှစ်သက်နေကြတာလေ။ ငါးပိနံ့လေးဆိုလဲ မွှေးနေတာဘဲ။ ပုန်းရည်ကြီးနံ့ဆိုလဲ သင်းနေတာဘဲ ဆိုပြီး အမြင်တွေ မှားနေကြတာလေ။ အမှန်က သူတို့ ပုပ်နေကြပြီ။ ဒါပေမဲ့ ဒီဂရီလွန်အောင် မပုပ်သေးလို့သာ အာဟာရဖြစ်နေကြတာ။ အဲဒီ မူလကထဲက ပုပ်သိုးနေတဲ့ အရာဟာ ပိုပိုပြီး ပုပ်သိုးလာရင် သွားပြီ။ ဘာအာနိသင်မှ မရှိတော့ဘူး။ စားသုံးသူတွေကို ဒုက္ခပေးစေတတ်တဲ့ သတ္တိတွေဘဲ သူတို့ဆီမှာ ကျန်တော့တာ။ ဒီတော့ မောင်ရင်လဲ နောက်ဆို ငါးပိတို့ ပုန်းရည်ကြီးတို့ဆို အထုပ်ဖောက်ပြီး အချိန်ကာလ ကြာမြှင့်လာပြီဆိုရင် လုံးဝ (လုံးဝ) မစားသုံးပါနဲ့တော့။ ဟုတ်ပြီလား"

"ဒါပေမဲ့.. အဘိုးကသာ နှာခေါင်းကောင်းလို့ ပုပ်သိုးတာ မသိုးတာကို သိနိုင်တာလေ။ ကျနော်က ဘယ်လိုလုပ် သိနိုင်မှာလဲ"

"ဒါကတော့ လွယ်ပါတယ်။ ခုနက ပြောခဲ့သလိုပေါ့။ ကြိုက်တယ် မကြိုက်ဖူးဆိုတဲ့ ခံစားချက်မျိုး မထားဘဲ အဲဒီ ကြိုက်တယ် မကြိုက်ဖူးဆိုတဲ့ အရာနှစ်ခုကြားထဲက ပင်ကိုခံစားချက်ကလေးနဲ့ဘဲ နမ်းရှိုက်ကြည့်ပေါ့။ ရှင်းရှင်းပြောရရင်တော့ ချစ်စိတ် မုန်းစိတ် နှစ်ခုကြားထဲက မူမှန်စိတ်ကလေးနဲ့ဘဲ နမ်းရှိုက် သုံးသပ်ကြည့်ပေါ့။ ဒါဆို မင်း အဖြေရလာလိမ့်မယ်"

"ကျေးဇူးတင်ပါတယ် အဘိုးရယ်။ ဒါဆို အခု ကျနော် ဒီ ပုပ်သိုးနေတဲ့ ပုန်းရည်ကြီးကို မစားတော့ဘူး။ သူ့ထိုက်နဲ့ သူ့ကံဘဲ ရှိပါစေတော့။ ကျနော် အမှိုက်ပုံးထဲ ၀ှဲပစ်လိုက်တော့မယ်"

"အေး အေး ... မင်း အမြင်မှန်ရသွားပြီ။ ကောင်းတယ် ကောင်းတယ်။ သာဓု သာဓု သာဓု"

ကျွန်ုပ်သည် အဘိုးအို၏ စကားကို နားထောင်ပြီး ထို ပုပ်သိုးနေသော ပုန်းရည်ကြီးကို ချစ်သော်လည်း အောင့်ကာ နမ်းမနေတော့ဘဲ သဗ္ဗေသတ္တာ ကမ္မဿကာ ဟု နှလုံးသွင်းပြီး အမှိုက်ပုံးထဲသို့ စတီးဇွန်းဖြင့် ခြစ်ချကာ ကိစ္စတုံးပစ်လိုက်လေတော့၏။ (လက်ဆောင်ပို့ပေးခဲ့သူကိုတော့ အလွန်အားနာမိပါ၏) ။ သို့သော်လည်း ကျွန်ုပ်သည် အမှိုက်ပုံးထဲ ၀ှဲပစ်ပြီးသော ပုန်းရည်ကြီးသုပ်ကို သံယောဇဉ်မကုန်သေးဖြင့် ငုံ၍ ကြည့်နေမိပြန်၏။ ထိုသည်ကို အဘိုးအိုက မြင်ဖြစ်အောင် မြင်သွားပြီး "မောင်ရင်.. ဒီပုန်းရည်ကြီး အပုပ်အသိုးကို သံယောဇဉ် ဖြစ်မနေပါနဲ့တော့။ မင်း စားချင်တဲ့ဆန္ဒတွေ ပြင်းပြနေတယ်ဆိုရင်လဲ ငါ ပုန်းရည်ကြီးလတ်လတ်ဆတ်ဆတ်လေးတွေ မြန်မာနိုင်ငံကို မှာပေးပါ့မယ်" ဟု နှစ်သိမ့်ပေးခြင်းကို ပြုလေတော့၏။ ထို့နောက်တွင်တော့ ကျွန်ုပ်သည်လည်း ပုပ်သိုးပြီး ဖြစ်သည့် ထိုပုန်းရည်ကြီးသုပ်ကို မေ့ပစ်လိုက်ကာ လတ်လတ်ဆတ်ဆတ် ရှိသည့် ဟင်းသီးဟင်းရွက်ဟင်းတစ်ခွက်၊ အသားဟင်းတစ်ခွက်၊ ပဲပြုတ်သုပ်တစ်ခွက်၊ ရေနွေးကြမ်းတစ်ခွက်တို့ဖြင့် နေ့လည်စာကို မြိန်ယှက်စွာ စားသုံးနေလေတော့သတည်း။ ။

P/S.. (အဘိုးအို၏ အဆိုအမိန့်အရ) ပုန်းရည်ကြီး ချစ်သူများ၊ ပုန်းရည်ကြီးကို နှစ်နှစ်ခြိုက်ခြိုက် သုံးဆောင်တတ်သူများ သတိပြုရန်မှာ အထုပ်ဖြေပြီးသော ပုန်းရည်ကြီးများကို သေချာဂရုစိုက်ပေးရန် ဖြစ်၏။ တစ်လနှစ်လခန့် ထိုပုန်းရည်ကြီးအား မေ့မေ့လျော့လျော့ ပစ်ထားပြီး သတိရသောအခါမှသာ ကောက်ယူသုံးစွဲလေ့ ရှိပါက ပုန်းရည်ကြီး အပုပ်အသိုးကိုသာ စားရမည်ဖြစ်ပါ၏။ ထို့အတူ ထို ပုပ်သိုးနေသည့် ပုန်းရည်ကြီး၏ ဒဏ်ခတ်ခြင်းကိုလည်း ခံရတတ်ပေ၏။ ကျွန်ုပ်၏ ပုန်းရည်ကြီးသုပ်ကိုပင် ကြည့်လော့။ နှစ်လသုံးလလောက် သူနဲ့ ကင်းကွာပြီး ပစ်ထားမိသည်နဲ့ ရုပ်ဆိုးပုပ်သိုးခြင်းသို့ ရောက်သော ဟူ၏။ ဗျုတ်စဗျင်းတောင်း ဤတွင် ပြီးပြီ။ ဒါဘဲ။ ။

သဗ္ဗေသတ္တာ အဝေရာ ဟောန္တု။

ကိုကိုမောင်(ပန်းရနံ့)

.

Saturday, 12 January 2013

ကျွန်ုပ်နှင့် အဘိုးအို ( သို့မဟုတ်) ဗျုတ်စဗျင်းတောင်း

"သီဟိုဠ်ပြည်တွင် စောရနာဂမင်းသည် သူ မင်းမဖြစ်မီ သူပုန်ခိုးမှူးအဖြစ်ဖြင့် ၁၄ နှစ်လုံးလုံး တောတွင်း၌နေ၍ ပုန်ကန်လေ၏။ ထိုရောအခါ ရဟန်းသံဃာတို့သို့ ချဉ်းကပ်၍ တည်းခိုအိပ်မည်ကို သံဃာတော်များက နှင်လေသောကြောင့် ရန်ငြိုးဖွဲ့လေ၏။ အခါသင့်သော် သူသည် မင်းအဖြစ်သို့ ရောက်လေ၏။ မင်းအဖြစ်သို့ရောက်လတ်သော် ရန်ငြိုးရှိခဲ့သည့်အတိုင်း သံဃာတော်များ၏ ကျောင်းပေါင်း ၁၈ ကျောင်းကို ဖျက်ဆီးပစ်လေ၏။ သံဃာတော်များနှင့် တိုင်းသူပြည်သားများလည်း အတိဒုက္ခရောက်ကြရ၏။ ၄င်းမင်းလက်ထက် သီဟိုဠ်ပြည်၌ ၁၂ နှစ်ပတ်လုံး ငတ်မွတ်ခေါင်းပါးသောကြောင့် လင်နှင့်မယားပင်ဖြစ်သော်လည်း ခဏလေးမျှ ချစ်ခြင်းမရှိကြ။ လူမိုက် လူရမ်းကားတို့သည် အရိယာအရှင်မြတ်တို့၏ ၀မ်းဗိုက်ကိုဖောက်၍ ၀မ်းတွင်းရှိ ထမင်းကို ဆေး၍ စားကြကုန်၏။

ထိုစောရနာဂမင်းသည် ရက်စက်စွာ မင်းမူ၍ နန်းစည်းစိမ် ၁၂ နှစ်၊ သာသနာနှစ် ၄၈၄ ခုနှစ်တွင် အနုဠာဒေ၀ီက သေဆေးဖြင့်သတ်သဖြင့် အနိစ္စရောက်လေ၏။ ထိုအနုဠာဒေ၀ီသည် ရာဇတိဿမင်းသားကို နန်းတင်၍ လင်ပြုလေ၏။ ထိုမင်းသည်လည်း နန်းစည်းစိမ် ၂ နှစ်၊ သာသနာနှစ် ၄၈၇ ခုနှစ်တွင် အနုဠာဒေ၀ီကပင် သေဆေးဖြင့်သတ်၍ အနိစ္စရောက်လေ၏။ ၄င်းနှစ်အတွင်း ထိုအနုဠာဒေ၀ီသည် တံခါးမှူးသီဝလုလင်ကို နန်းတင်၍ လင်ပြုပြန်လေ၏။ ထိုမင်းသည်လည်း နန်းစည်းစိမ် ၁ နှစ်၊ သာသနာနှစ် ၄၈၈ ခုနှစ်တွင် အနုဠာဒေ၀ီကပင် သေဆေးဖြင့် သတ်၍ အနိစ္စရောက်လေ၏။ ၄င်းနှစ်အတွင်း ထိုအနုဠာဒေ၀ီသည် တစည်းသမားလုလင်ကို နန်းတင်၍ လင်ပြုပြန်လေ၏။ ထိုမင်းသည်လည်း နန်းစည်းစိမ် ၁ နှစ်၊ သာသနာနှစ် ၄၈၉ ခုနှစ်တွင် အနုဠာဒေ၀ီကပင် သေဆေးဖြင့်သတ်၍ အနိစ္စရောက်လေ၏။ ၄င်းနှစ်အတွင်း အနုဠာဒေ၀ီသည် ထင်းထမ်းသမား ဒါရုဘာတိကကို နန်းတင်၍ လင်ပြုပြန်လေ၏။ ထိုမင်းသည်လည်း နန်းစည်းစိမ် ၁ နှစ်၊ သာသနာ ၄၉၀ ခုနှစ်တွင် ထိုအနုဠာဒေ၀ီကပင် သေဆေးဖြင့်သတ်၍ အနိစ္စရောက်လေ၏။ ၄င်းနှစ်အတွင်း အနုဠာဒေ၀ီသည် နိလိယပုရောဟိတ်ကို နန်းတင်၍ လင်ပြုပြန်လေ၏။ ထိုမင်းသည်လည်း နန်းစည်းစိမ် ၆ လ၊ သာသနာနှစ် ၄၉၀ နှစ်တွင်ပင် ထိုအနုဠာဒေ၀ီ သေဆေးဖြင့်သတ်၍ အနိစ္စရောက်လေ၏။ ၄င်းနှစ်အတွင်း အနုဠာဒေ၀ီသည် ဆင်မှူး ၃၂ ယောက်သားတို့နှင့် အလှည့်အလည် တပြိုင်နက် ရာဂစည်းစိမ်ကို ခံ၍ ၆ လ ရှိသောအခါ သာသနာနှစ် ၅၀၀ ပြည့်နှစ်တွင် ထိုအနုဠာဒေ၀ီ၏ တူတော် ကုဋကဏ္ဏတိဿမင်းသားသည် လင်များသော အနုဠာဒေ၀ီမိန်းမကို သတ်၍ မင်းပြုလေ၏။

ထို ကုဋကဏ္ဏတိဿမင်း လက်ထက်ရောက်မှပင် သာသနာ စည်ပင်ပြန့်ပြောခြင်းသို့ ရောက်လေ၏။ "

......

ကျွန်ုပ်သည် မဲထီးဆရာတော်၏ ၀ံသဒီပနီစာအုပ် စာမျက်နှာ ၅၅-၅၆ တို့မှ အထက်ပါ အကြောင်းအရာတို့ကို ဖတ်ကြည့်မိကာ အကြီးအကျယ် စိတ် နှောက်ကျုခြင်းကို ခံစားရလေ၏။ စာ ဆက်ဖတ်ချင်စိတ်လဲ ကုန်သွားလေ၏။ မျက်စိထဲမှာလဲ စာအုပ်ထဲက ဇာတ်ကောင်တို့ နေရာယူပြီး ကြီးစိုးနေကြလေ၏။ စိတ်ထဲမှာတော့ တကယ့်ကို မခံချိမခံသာ။ ထို့ကြောင့်...

"တောက်... အတော်ဆိုးတဲ့ မင်း... အတော်လူမဆန်တဲ့ မင်း..

အတော်ဆိုးတဲ့ မိန်းမ...၊ အတော်သရမ်းတဲ့ မိန်းမ...၊ အတော်ရက်စက်တဲ့ မိန်းမ...၊ အတော် သောင်းကျန်းတဲ့ မိန်းမ...၊ အတော်ဖောက်ပြန်တဲ့ မိန်းမ...."

စသဖြင့် ဝေါဟာရပေါင်းစုံကို စိတ်တွင်းမှ ရေရွတ်ပြီး ဖတ်လက်စ စာအုပ်ကို ပစ်ထားချထားခဲ့ကာ အနှောက်အကျူ ပြေလိုပြေညား ကော်ဖီပူပူလေး ဖျော်သောက်ရန် အောက်ထပ်သို့ ဆင်းခဲ့လေ၏။ မီးဖိုချောင်ထဲ ၀င်ကာနီးဆဲဆဲတွင် အောက်ထပ်၌ နေထိုင်သည့် အိမ်ရှင်အဘိုးအိုက.. " မောင်ရင်... ခဏလေး လာပါဦးကွ.." ဟု လှမ်းခေါ်သဖြင့် ကော်ဖီဖျော်မသောက်ခင် အဘိုးအို အခန်းထဲ ၀င်ရောက်ပြီး စိတ်မရွှင်ပြစွာဖြင့် ထိုင်စကားပြောခြင်းကို အလုပ်ကို လုပ်ရလေတော့၏။

အဘိုးအိုအခန်းက ဆယ်ပေပတ်လည် အကျော် ရှိပေမဲ့ ရှေးလူကြီးပီပီ ထိုလီမိုလီ စုဆောင်းထားသည့် ပစ္စည်းပစ္စယများဖြင့် ခြေချစရာ မရှိလောက်အောင် ရှုပ်ပွနေလေရကား အသက်ရှူရ အလွန်ကြပ်လေတော့၏။ အဘိုးအိုထံ ရောက်လာသမျှ ပစ္စည်းတို့မှာ အ၀င်လမ်းသာရှိ၍ အထွက်လမ်း မရှိတတ်ချေ။ ဘိလပ်ထုံးစံအရ ဘိလပ်သူဘိလပ်သားတို့သည် အသုံးမလိုတော့သည့် ပစ္စည်းများကို (ရီဆိုင်ကယ်လ် လုပ်ဖို့နှင့် အသုံးတည့်သူများ ယူဆောင်အသုံးပြုနိုင်ဖို့) အိမ်ခြံဝင်းအပြင်ဘက် လူသွားလမ်းဘေးသို့ စွန့်ပစ်ချထားလေ့ရှိရာ လမ်းလျှောက်သွားရင်း အခြားအိမ်တို့မှ စွန့်ပစ်ပစ္စည်းများကို အလတ်ကြီးဘဲ ရှိသေးတယ်ဟူ၍ ကောက်ကောက်ယူလာတတ်သည့် အကျင့်လည်း အဘိုးအိုထံ ရှိလေ၏။ မှတ်မှတ်ရရ အလျားလေးပေ အနံနှစ်ပေခန့်ရှိသည့် ရှေးဟောင်းသေတ္တာစုပ်ကြီး တစ်လုံး၊ ၂၁ လက်မ ရောင်စုံတီဗီ အကြီးကြီးတစ်လုံး၊ လက်ရမ်းတန်း စုပ်ပြဲနေသည့် လှည့်ကုလားထိုင် တစ်လုံး... စသဖြင့် စသဖြင့် များစွာ များစွာ ရှိလေ၏။

ထို့အတူ ကားဘု(တ်)ဈေးဟု ခေါ်တွင်သည့် စနေ တနင်္ဂနွေနေ့များ၌ ချခင်းရောင်းချလေ့ရှိသော ပစ္စည်းအဟောင်းများကိုလည်း ဈေးအလွန်သက်သာသည်ဟု ဆိုကာ တွေ့သမျှ ၀ယ်ယူလာတတ်လေ၏။ ဥပမာ... စတာလင်ဆယ်ပေါင်ဖြင့် ၀ယ်ယူခဲ့သည့် ဧရာမ သံစုံ ဆိုနီကက်ဆက်ဟောင်းကြီးတစ်လုံး၊ လေးငါးပေါင်ဖြင့် ရခဲ့သည့် ဒီဗီဒီပလေယာ နှစ်လုံး၊ တစ်ပေါင် နှစ်ချောင်းရသည့် လမ်းလျှောက်တောင်ဝှေး နှစ်ချောင်း။ ထိုနည်းတူ ဈေးပေါပေါဖြင့် ရလာသည့် ဖိနပ်၊ လက်သည်းညှပ်၊ စကရူဒရိုင်ဘာအုပ်စုံ၊ ကုတ်အကျီ င်္စသည်တို့သည်လည်း အဘိုးအို အခန်းတွင်း သက်ဆင်းရရှာလေ၏။

လွန်ခဲ့သည့် နှစ်ပတ်ခန့်ကလည်း အဘိုးအိုတစ်ယောက် ဘာမင်ဂမ်အလည်အပတ်သွားလေ၏။ ဘာမင်ဂမ်က အပြန်တွင် ပစ္စည်းတွေ အများကြီးပါလာသည်ဟုဆိုကာ ကျွန်ုပ်အား ဖုန်းဆက်၍ ကားဂိတ်၌ စောင့်ကြိုခိုင်းလေ၏။ ဘတ်စ်ကားကြီး ဆိုက်လာသောအခါ အဘိုးအိုလက်နှစ်ဖက်နှင့် ဘယ်ညာ ဆွဲယူလာသည့် ပစ္စည်းအပြင် ကျောတွင် ပိုးထားသည့် ကျောင်းပိုးအိတ်တစ်ခုပါ ပါလာလေ၏။ ကျွန်ုပ်လဲ ပစ္စည်းတစ်ချို့ကို လှမ်းယူကာ... "အဘိုး.. အကုန်လုံးပေးခဲ့လိုက်.... ကျွန်တော် သယ်ယူသွားမယ်။ အဘိုးက သက်တောင့်သက်သာ နောက်ကနေ အေးအေးဆေးဆေးလိုက်ခဲ့"ဟု ဆိုသော်လည်း အထုပ်နှစ်ခုကိုသာ ကျွန်ုပ်အား ပေးခဲ့၍ "ဒါကတော့ မင်းကို သယ်ခိုင်းလို့ မဖြစ်ဘူး.. ငါ ဘိုးတော် တစ်ပါး ပင့်လာတာ" ဟု ဆိုကာ ဂျွတ်ဂျွတ်အိတ်ဖြင့် ဆွဲယူလာသည့် ပစ္စည်းတစ်ထုပ်ကိုမူ သူကိုယ်တိုင် သယ်ယူလာ၏။

အိမ်ရောက်၍ အထုပ်တွေ အပ်ပြီး အဘိုးအို သယ်ယူလာသည့် ကျွတ်ကျွတ်အိတ်ကို စပ်စုလို၍ ဖွင့်ကြည့်လိုက်ရာ အ၀တ်စတစ်ခုဖြင့် ထုပ်ပိုးထားသည့် အရာဝတ္ထုတစ်ခုကို တွေ့ရလေ၏။ ထို အ၀တ်ထုပ်ကို ဖြေကြည့်ုလိုက်ရာ ပြုံးဖြီးဖြီးမျက်နှာကြီးဖြင့် တစ်တောင်ခန့်ရှိသည့် တရုတ်ဥတည်ဘွားရုပ်ထုကြီး ဘွားကနဲ ပေါ်လာလေတော့၏။

"ဟာ အဘိုး... ဥတည်ဘွား ရုပ်ကြီးပါလား... ဧကန္တတော့ ဘာမင်ဂမ် အဟောင်းဆိုင် ဈေးတန်းကနေ ဈေးချိုလို့ ဆွဲယူလာတာရှိမယ်.. . "

"မဟုတ်ဘူးကွ... အလကား ရလာတာ"

"ဒါဖြင့် အလစ်သုတ်လာတာ ဖြစ်မယ်.. အဟီးဟီး"

"ထွီးမှဘဲ။ အလစ်သုတ်စရာလား"

"ဒါဖြင့် ဘယ်လို ရလာတာလဲ"

"ဒီလိုကွ။ ငါ အညောင်းပြေ လမ်းလျှောက်ထွက်ရင်း တံတွေးထွေးချင်စိတ်ပေါက်လာတာနဲ့ လမ်းဘေး တစ်နေရာက ခြုံပုတ်နားသွားပြီး တံတွေးထွေးမယ်လဲ လုပ်ရော ခြံဖုတ်ထဲက အသံတစ်ခုခု ကြားသလိုလို ခံစားမိတာနဲ့ တံတွေးကို ခြုံဖုတ်ဘေးထွေးပြီး ခြုံဖုတ်ကို ဖြဲကြည့်လိုက်တော့ ခပ်ပြုံးပြုံးနဲ့ ငါ့ကို လက်ယပ်ခေါ်နေသလိုလိုပုံနဲ့ ဒီဥတည်ဘွားရုပ်ကြီးကို တွေ့လိုက်ရတာဘဲ။ ငါလဲ ငါနဲ့ထိုက်လို့ အခုလို တွေ့ခွင့်ရတာဘဲ ဆိုပြီး တစ်ခါထဲ ငါတည်းခိုနေတဲ့ အိမ်ကို ယူလာတယ်။ ပြီးတော့ ရေနဲ့ ဆပ်ပြာနဲ့ စင်အောင် ဆေးကြောပြီး အခုလို ယူလာတာလေ"

ဤသို့ဤနှယ် ၀ယ်ယူလာ ကောက်ယူလာသည့် ပစ္စည်းများဖြင့် အဘိုးအို၏ အခန်းအတွင်းဝယ် အထုပ်ကြီး အထုပ်ငယ် အသွယ်သွယ်တို့ တို့လို့တွဲလောင်း ပြန့်ပြန့်ကြဲကြဲ ဖရိုဖရဲ နေရာအနှံ့ တည်ရှိနေကြလေ၏။ ထိုမှတစ်ပါး အခန်းထောင့်များတွင် နဂါးခေါင်းရုပ်ထု မြွေခေါင်းရုပ်ထု မြင်းခေါင်းရုပ်ထု မြေခွေးခေါင်းရုပ်ထု စသည့် ရုပ်ထုများကိုလည်း နေရာချထားလေ၏။ အခန်းတွင်းရှိ နံရံများ၌လည်း ဘုရားရုပ်ပုံ ပန်းချီကားချပ်၊ အဘိုးအို မိသားစု ဓါတ်ပုံကြီး၊ ပဋိစ္စသမုပ္ပါဒ်စက်ဝိုင်းပုံ စသဖြင့် ပုံများစွာ ကပ်ထားလေ၏။ ပို၍များပြားသောပုံများမှာ လက်ရှိထင်ပေါ်ကျော်ကြားနေသည့် လူထုခေါင်းဆောင် ဒေါ်အောင်ဆန်းစုကြည်၏ ပုံတို့ပင်ဖြစ်လေ၏။ ထိုပုံများကို မှန်ဘောင်ဖြင့်တစ်မျိုး၊ ရိုးရိုး ပန်းချီကားမျိုးဖြင့်တစ်ဖုံ နံရံ၌ ချိတ်ဆွဲထားလေ၏။ "ဒါမှ ငါတို့ ဗိုလ်ချုပ်ရဲ့ သမီး" ဟူ၍ မကြာခဏပြောကာ ဂုဏ်ယူတတ်လေ၏။ အမှန်ဆိုရသော် အဘိုးအိုကိုယ်တိုင် လွတ်လပ်ရေးကာလတုန်းက ဗိုလ်ချုပ်တို့နဲ့အတူ တိုက်ပွဲဝင်လာခဲ့ရလေ၏။ ထို့ကြောင့်လည်း ဗိုလ်ချုပ်သမီးကို အလေးအမြတ်ထားဟန် ရှိလေ၏။ ထိုသို့သော ပစ္စည်းပစ္စယတွေကြားထဲ အခုဆို ဥတည်ဘွားရုပ်ထုကြီး ပြုံးဖြီးဖြီးကြီး နေရာယူနေပြန်လေပြီတည်း။

အဘိုးအိုသည် တစ်ခါတစ်ရံ အခန်းတွင်း၌ တရားစီဒီဖွင့်ပြီး နားထောင်၏။ တစ်ခါတစ်ရံ မေဆွိ စိုင်းထီးဆိုင် ခင်မောင်တိုးစတဲ့ မြန်မာသီချင်းကို နားထောင်၏။ တစ်ခါတစ်ရံ တရားထိုင်ခြင်းကို ပြုလုပ်လေ၏။ တစ်ခါတစ်ရံ ဘုရားစာ ရွတ်ဖတ်ခြင်းကို ပြုလုပ်လေ၏။ ပို၍ ထူးဆန်းသည်မှာ အဘိုးအိုသည် မြန်မာအစီအစဉ်ပိုင်းဖြစ်သော ဘီဘီစီ ဗီအိုအေ အာအက်ဖ်အေ တို့ကို နေ့စဉ်နားထောင်ခြင်းပင် ဖြစ်၏။ တစ်ခါတစ်ရံ၌မူ ဘီဘီစီစသည့်သတင်းကိုလည်း အင်တာနက်ကတစ်ဆင့်ဖွင့်ထား၏။ အင်္ဂလိပ်အစီအစဉ်ဖြစ်သည့် ဘီဘီစီကိုလည်း တီဗီကနေ ဖွင့်ထား၏။ ရေဒီယိုမှလာသည့် သီချင်းတို့ကိုလည်း ကက်ဆက်အိုကြီးမှတစ်ဆင့် ဖွင့်ထား၏။ တစ်ချိန်ထဲ၌ သုံးမျိုးလုံး ဖွင့်ထားသည့်အတွက် မြန်မာသတင်းတွေကိုဘဲ နားထောင်ရတော့မလိုလို အင်္ဂလိပ်သတင်းကိုဘဲ ကြည့်ရတော့မလိုလို ရေဒီယိုသီချင်းတို့ကိုဘဲ နားထောင်ရတော့မလိုလိုဖြင့် အာရုံအလွန်နှောက်ဖို့ကောင်းလေ၏။

ဘုရားရုပ်ထုများ ဥတည်ဘွားရုပ်ထုများ အနေဖြင့် မျက်စိနှောက် နားနှောက် ဖြစ်မဖြစ်တော့ မသိ။ ကျွန်ုပ်ကိုယ်တိုင်ကမူ အနုဠာဒေ၀ီအကြောင်း ဖတ်ပြီး ခေါင်းအလွန်နှောက်နေသည်က တစ်ကြောင်း၊ အဘိုးအို အခန်းတွင်းက ရာစုနှစ်မျိုးစုံက ပစ္စည်းပစ္စယများကို မြင်ရကြည့်ရ နားထောင်ရသည်က တစ်ကြောင်းတို့ကြောင့် တစ်ပူပေါ်နှစ်ပူဆင့်ကာ လွန်စွာမှ ခေါင်းနှောက်ကျုခြင်း ဖြစ်လေတော့၏။ ထို့ကြောင့် အဘိုးအို၏ အခန်းတွင်းမှ ထွက်ဖို့ ဟန်ပြင်လိုက်ရာဝယ် အကင်းပါးသော အဘိုးအိုက ကျွန်ုပ်အကြိုက်ဖြစ်သည့် မန်ယူဘောလုံး အကြောင်းဖြင့် ထိန်းချုပ်ထားပြန်လေ၏။

"မောင်ရင်... လွန်ခဲ့တဲ့ သုံးပတ်လောက်က မန်ယူကစားသွားတာ အရမ်းမိုက်တာကလား။ ဘောလုံး ပိုင်ဆိုင်မှုအနေနဲ့ မန်ယူက ကိုးဆယ်ရာခိုင်နှုန်းနီးနီးမှာ ရှိမယ်။ အဲဒီပွဲမှာ ရွန်နေးက နှစ်လုံးတိတိကို သွင်းသွားတယ်။ ပွဲအပြီးမှာတော့ ငါးဂိုး ဂိုးမရှိနဲ့ မန်ယူ ပွဲသိမ်းသွာပါရောလား။ ကောင်းမှကောင်းဘဲ"

အဘိုးအိုပြောသည့် ငါးဂိုး ဂိုးမရှိနဲ့ မန်ယူနိုင်သည့် ပွဲကို အနုလုံပဋိလုံ စဉ်းစားသော်လည်း မပေါ်လာဘဲ ရှိနေ၏။ ဘယ်တုန်းကများ မန်ယူက ဒီနှစ်အတွင်း ဘယ်ပွဲမှာ ငါးဂိုး ဂိုးမရှိဖြင့် နိုင်ခဲ့ပါလိမ့်။ စေ့စေ့စဉ်းစားမှ တိတိကျကျ ပေါ်လာတော့၏။ အမှန်ဆို မန်ယူပွဲလဲ မဟုတ်။ လွန်ခဲ့တဲ့ သုံးပတ်လောက်က ကစားခဲ့တဲ့ ပွဲလဲမဟုတ်။ လွန်ခဲ့တဲ့ သုံးလလောက်က ကစားခဲ့တဲ့ အင်္ဂလန်လက်ရွေးစင် ပွဲတစ်ခုပင် ဖြစ်လေ၏။ အဘိုးအို အမှတ်မှားနေခြင်းသာ။

"ဟာ... အဘိုးကတော့ လုပ်ပြီ။ အဲဒါ မန်ယူပွဲမဟုတ်ဘူးလေ။ အင်္ဂလန်ပွဲကြီး။ ၂၀၁၄ ခုနှစ် ကမ္ဘာ့ဖလားပြိုင်ပွဲအတွက် အင်္ဂလန်နှင့်ဆန်မာရီနိုအသင်း ခြေစစ်ပွဲ ယှဉ်ပြိုင်ကြတာလေ။ ရွန်နေးက အင်္ဂလန်အသင်းကလေ။ သူက မန်ယူမှာလဲ ကစားသလို သူ့ နိုင်ငံအသင်းဖြစ်တဲ့ အင်္ဂလန်အသင်းမှာလဲ ကစားတယ်လေ။ အဲဒီပွဲမှာ အင်္ဂလန်က ငါးဂိုး ဂိုးမရှိနဲ့ နိုင်ခဲ့တာ။ ရွန်နေးက နှစ်လုံး သွင်းလိုက်တယ်။ အဲဒီပွဲကို အဘိုးဆိုလိုတာ မဟုတ်လား"

"သိပါဘူးကွာ။ ငါက ရွန်နေးကို မြင်ရင် မန်ယူ အသင်းဘဲလို့ ထင်လိုက်တော့တာ"

အဘိုးအိုသည် ထိုကဲ့သို့သော အမှားမျိုး မကြာမကြာ မှားတတ်လေ၏။ ဟိုတစ်ခါတုန်းကလဲ "ဒီသတင်းစာထဲမှာ ရေးထားတယ်၊ ကော်ဖီသောက်ရင် စိတ်ဓါတ်ကျတတ်တယ်တဲ့၊ အဲဒါကြောင့် မောင်ရင် ကော်ဖီမသောက်တော့နဲ့" ဆိုပြီး တားမြစ်လို့ သူယူလာတဲ့ သတင်းစာထဲ သေချာဖတ်ကြည့်လိုက်တော့မှ "ကော်ဖီသောက်ရင် စိတ်ဓါတ်ကျ ရောဂါကို လျော့ပါးစေတယ်" ဆိုပြီး အဖြေမှန်ရခဲ့တာကလား။ နောက်တစ်ခု။ ဂရင်းတီး သောက်ရင် ကင်ဆာ ဖြစ်တတ်တယ် ဆိုပြီး အဆိုတင်သွင်းလာပြန်၏။ ဒီတစ်ခါလဲ သေချာ အင်တာနက်ထဲ ရှာကြည့်လိုက်တော့မှ "ဂရင်းတီးသောက်ရင် ကင်ဆာရောဂါကို ပယ်သတ်နိုင်၏" တဲ့။ အဲဒီလို အဲဒီလို အလွဲတွေကို အဘိုးအို ကျူးလွန်နေကျ ဖြစ်၏။ အခုလဲ လာပြန်လေပြီ။ ရွန်နေးပါတဲ့ အသင်းတိုင်း မန်ယူအသင်းတဲ့။ ခက်ခက်ချေပြီ။ ဒီတော့ ကျွန်ုပ်လဲ မဆီမဆိုင် စကားတစ်ခွန်း ပြောဖြစ်လေတော့၏။

"အဘိုးကလဲ ရှဲ ရှဲ အသံမြည်တိုင်း ငရဲလားတယ်လို့ ထင်နေတော့တာဘဲ"

အဘိုးအိုတစ်ယောက် မျက်မှောင်ကြုတ်ပြီး စဉ်းစားဟန်ပြုလေ၏။ ထို့နောက် နားလည်ပုံ မရလေဟန်ဖြင့် ကျွန်ုပ်အား မေးမြန်းလေ၏။

"ဘာတုန်းကွ ရှဲ ရှဲ အသံမြည်တိုင်း ငရဲလားတယ် ဆိုတာ"

"အာ... ဟုတ်ပါရဲ့။ အဘိုးက အသက်ကြီးပြီဆိုတော့ အဲဒီပုံပြင်ကို ဘယ်သိပါ့မလဲ။ အခုခေတ်ကလေးတွေကတော့ အကုန်လုံး သိကြတယ်"

"ဆိုစမ်းပါဦးကွ"

"ဒီလို အဘိုးရ။ တစ်ခါတုန်းက ကလေးတစ်ယောက် လေးခွတစ်လက်နဲ့ ငှက်ပစ်နေတာကို လူကြီးတစ်ယောက်က မြင်တွေ့ပြီး ဟေ့ကောင်လေး သူ့အသက်တွေ မသတ်နဲ့ ငရဲလားတတ်တယ်လို့ ပြောသတဲ့။ အဲဒါနဲ့ ကောင်လေးက ငရဲလားတယ်ဆိုတဲ့ ဝေါဟာရကို မသိတဲ့အတွက် ဦးလေး ငရဲလားတယ်ဆိုတာ ဘာလဲဟင်လို့ မေးသတဲ့။ ငရဲလားတယ်ဆိုတာ လူ့ဘ၀တုန်းက သူတစ်ပါးအသက်ကိုသတ်ခြင်းစတဲ့ ငါးပါးသီလကျူးလွန်တဲ့ သူတွေကို သေပြီးတဲ့အခါမှာ ငရဲသားတွေက ဒယ်အိုးထဲထည့်ပြီး ရှဲရှဲ ရှဲရှဲနဲ့ ကြော်လှော်ပစ်လိုက်တာကို ပြောတာကွဲ့လို့ ပြောပြသတဲ့။ ကလေးကလဲ အဲဒါဖြင့် ရှဲရှဲ ရှဲရှဲ ဆိုတာ ငရဲလားတဲ့ အသံပေါ့နော်လို့ ပြန်မေးသတဲ့။ အဲဒီလူကြီးကလဲ ကလေး ခေါင်းရှုပ်သွားမှာ စိုးတဲ့အတွက် ထပ်မရှင်းပြတော့ဘဲ အင်း ဟုတ်တယ်လို့ လွယ်လင့်တကူ ဖြေလိုက်သတဲ့။ ဒါနဲ့ ကောင်လေးက ဒါဆိုရင် သားတို့ အဒေါ်တစ်ယောက် မနက်တိုင်း အိမ်နောက်ဖေးသွားပြီး လုံချည်လေးမကာ မကာနဲ့ နေ့တိုင်း ငရဲလား နေတယ်လို့ ပြန်ပြောသတဲ့ အဘိုးရဲ့။ အဘိုးဟာက အဲဒီပုံပြင်လို ဖြစ်နေပြီ။ ရွန်နေးကစားနေတဲ့ အသင်းကို မြင်တိုင်း မန်ယူအသင်းလို့ ထင်နေတော့တာကိုး"

"ဟား ဟား ဟား။ မင်းကတော့ လုပ်ပြီ။ အဲဒါက ငရဲလားတာမှ မဟုတ်တာ။ ရှူးရှူးပေါက်တာကြီးကို။ မင်းဆိုတဲ့ကောင် မဟုတ်က ဟုတ်ကဆို တော်တော်သိ"

"အာ... အဘိုးကလဲ ဒီပုံပြင်က ကလေးအစ ခွေးအဆုံး အကုန်သိနေတဲ့ဟာ။ အဘိုးသာ ခေတ်ကို မျက်ခြေပြတ်နေလို့ ဒီပုံပြင်ကို မသိတာ"

"ကဲပါ.. ဟုတ်ပါပြီ။ ထားပါတော့ ထားပါတော့"

ထိုကဲ့သို့ စကားပြော ကောင်းနေခိုက် နှာခေါင်းတွင်းသို့ တူးခါးလှစွာသော မီးလောင်နံ့တစ်ခု ၀င်ရောက်လာလေ၏။ စမုတ်(က်) အလန်း(မ်)မှလည်း တီ တီ တီ တီ အသံများ အဆက်မပြတ် ထွက်ပေါ်လာ၏။ ဒါဆို မီးဖိုချောင်ထဲမှာ တစ်ခုခု မီးတူးနေတာ သေချာပြီ။ (မပြီးသေးဘူးနော်)။း)

.

Friday, 28 December 2012

၂၀၁၂ အိပ်မက် ဂယောက်ဂယက်

စပ်မိလို့ ပြောရဦးမယ်။ တူမလေးတစ်ယောက်က ဘလော့တစ်ခု တည်ဆောက်ချင်တယ်တဲ့။ ဟ.. နင် ဘလော့ဆောက်ချင်တာနဲ့ ငါနဲ့ ဘာဆိုင်တုန်းဆိုတော့ ဦးလေးဘဲ ဆောက်လုပ်ပေးရမယ်လေတဲ့။ အမယ် အမယ် အပေါ်စီးကလေသံနဲ့။ သူ့ဦးလေးကို သူ့တပည့်များ မှတ်နေရော့သလား မသိ။ ဒါနဲ့.. ဟို နည်းပညာကြမ်းပိုးလေး မောင် (စွယ်စုံကြမ်း):D နဲ့ ဆက်သွယ်ပါလားဆိုတော့ ဟင့်အင်း ဥလေးဘဲ လုပ်ပေးပါနော်..နော်တဲ့။ အင်းး ဒီထက် မဆိုးလာခင် လုပ်ပေးပါ့မယ်လို့ ၀န်ခံထားလိုက်မှ။ နို့မဟုတ်ရင် ဦးလေးကနေ ဥလေး။ ဥလေးကနေ ဘယ်တွေ ရောက်ဦးမယ် မသိဘူး။ ခေတ်ကာလသမီးတွေက ယုံရတာ မဟုတ်ဘူး။ တစ်ရက်ငယ်ရင် တစ်ရက်လည်တယ်တဲ့။

ဒါနဲ့.. ဒီမယ် တူမတော် ဘလော့လုပ်မယ်ဆိုတဲ့ ဆုံးဖြတ်ချက်က သေချာသွားပြီလား ဆိုတော့။ ဦးလေးတူမ မသေချာရင် ဘာမှ ဖွင့်မပြောဘူး။ အာညောင်းတယ်တဲ့။ ဒါဖြင့်ရင် ဘလော့ ဥပဒေသတွေကို ပြောပြမယ်။ သေချာနားစွင့်ဆိုတော့ နားရွက်တစ်ဘက် အပေါ်ထောင်ပြီး နားစွင့်နေပါတယ်တဲ့။ တကယ့် ကန့်လန့်မလေး။ လူ့လောကမှာ လောကဓံဆိုတာ ရှိသလို ဘလော့လောကမှာလဲ ဘလောဂဒဏ်ဆိုတာ ရှိတယ်ကွဲ့ တူမရဲ့။ အဲဒီ ဒဏ်တွေကို ခံနိုင်ရည်ရှိတယ်ဆိုရင်တော့ ဆက်ဒိုးပေတော့ ဆိုတော့။ ပြောပြလေတဲ့။ (၁) ချီးမွမ်းခံရမယ်။ (၂) ကဲ့ရဲ့ ခံရမယ်။ (၃) အဆဲခံရမယ်။ (၄) ဆရာလုပ်တာ ခံရမယ်။ (၅) အထွေထွေ လုပ်တာ ခံရမယ်ဆိုတော့။ တစ်ကနေ လေးအထိတော့ ဟုတ်ပါပြီ။ ငါးနံပါတ်က အထွေထွေလုပ်တာ ခံရမယ်ဆိုတာက ဘာတုန်း ဦးလေးရဲ့တဲ့။ တူမကြီး မှတ်ထား။ အထွေထွေဆိုတာ အကုန်ပါတယ်။ အီစီကလီ အာပလာ လောကွတ် သူ့ဆိုက်ဒ်ဖိတ်ခေါ် ညစ်ညမ်းလင့်ခ်ချပေး စသဖြင့် စသဖြင့်ပေါ့ ဆိုတော့။ ဦးလေးကလဲ ဒါမျိုးမကြောက်လို့ ရွာရိုးလျှောက်နေတာလေ။ စိမ်တာ စိမ်လိုက်တဲ့။ ဒါနဲ့ သူ့ကို www.big-niece.blogspot.com ဆိုတဲ့ ဘလော့ဂ်လေး ဖွင့်ပေးလိုက်တယ်။ ပို့စ်တင်ပုံတင်နည်းက စလို့ပေါ့။

အဲဒီလိုနဲ့ သူ့ဘလော့လေးမှာ နေ့စဉ် သူ့စိတ်ထဲရှိတာတွေရေးလိုက် တင်လိုက်နဲ့ အစားပျက် အအိပ်ပျက်တောင် ဖြစ်လို့။ ဘလော့လေးကို ချစ်လိုက်တာလဲ မပြောနဲ့တော့။ သူ့ချစ်သူထက်တောင် ပိုချစ်သေးတယ်ဆိုလားဘဲ။ သူ့ရဲ့ ဆိုဒ်ဘားမှာတောင် သူ့ချစ်သူကို "ချစ်သူသို့"ဆိုပြီး အခုလိုလေး သတိပေးထားလေရဲ့။

ချစ်သူသို့...

ဒီမယ်ချစ်သူ...

အလျော့ပေးသလိုလို အထာပိုစွာနဲ့

ဘလော့လေးကိုတော့ မနာလို မဖြစ်လိုက်ပါနဲ့

ညှို့ ဓါတ်ပြင်းတဲ့ မင်းရဲ့ အချစ်က

ဒီက ပို့စ်တက်ခြင်းရဲ့ ဟိုဘက် အဝေးမှာ

မိုင်ပေါင်း ကုဋေကုဋာ။
....

သူ ပို့စ်တွေ အလီလီ တင်ပေမဲ့ သူ့စာဖတ်ပရိသတ်က နှစ်ယောက်ထဲရယ်။ အဲဒါကတော့ သူကိုယ်တိုင်ရယ် သူ့ဦးလေးဖြစ်တဲ့ ကျနော်ရယ်ပါဘဲ။ သူက ပြောတယ်။ ဦးလေး သမီးစာကို ဘယ်သူမှလဲ လာမဖတ်ကြဘူး။ သမီးစာရေးတာ အရမ်းညံ့ဖျင်းနေလို့လားဟင်။ သမီး စာတွေက အဆင်းသာရှိပြီး အနံ့မရှိတဲ့ မိုးစွေပန်းလို ဘာမှ အနှစ်သာရမရှိလို့ လာမဖတ်ကြတာထင်တယ်နော်တဲ့။ ဒါနဲ့ ဖရက်ရှာတူမကြီးကို ဘလော့ ကျင့်ထုံးလေးတွေကို အခုလို ပြောပြပြန်ရတယ်။ ဒီလို ရှိတယ် တူမကြီးရဲ့။ လူတိုင်းက ကိုယ်ရေးတဲ့ စာကို လူတိုင်းကို ဖတ်စေချင်ကြတာပါဘဲ။ ဒါပေမဲ့ ကိုယ့်စာကို သူများဖတ်တာထက် ကိုယ်ကိုယ်တိုင် ဖတ်နေရတဲ့ အကြိမ်တွေက ပိုများနေတတ်တယ်။ ဒီတော့ ဒီလိုလုပ်။ ကိုယ့်ဘလော့ကို လာဖတ်စေချင်ရင်။ (၁) သူများဘလော့တွေ အရင်သွားဖတ်ရမယ်။ (၂) ဖတ်ပြီးရင် ကွန်မင့် ပေးထားခဲ့ရမယ်။ (၃) ကွန်မင့်ပေးတဲ့အခါမှာ ကိုယ့်ရဲ့ ဘလော့လင့်ခ်ကို တစ်ခါထဲ ချပေးထားခဲ့ရတယ်။ (၄) မကြာမကြာ နေ့စဉ် ဘလော့ပေါင်းများစွာကို သွားလည်ပြီး အဲဒီလို လုပ်နေရမယ်။ အဲဒီလို လုပ်တာကို ဘလော့ ပရိုမိုရှင်းလုပ်တာ၊ ဘလော့ မားကက်တင်း ဆင်းတာလို့ ခေါ်သကွဲ့။ ဒီလိုလုပ်မှ ကိုယ့်ဘလော့ကို အားနာပါးနာနဲ့ လာဖတ်ကြမှာ။ ဦးလေး ဘလော့စရေးခါစတုန်းကလဲ ဒီလိုဘဲ လုပ်ခဲ့ရတာဘဲလေ။

ဒီလိုနဲ့ သူ့ခမျာ နေ့မအား ညမနား တစ်ဘလော့ဝင် တစ်ဘလော့ထွက်နဲ့ မိုးစင်စင်လင်းခဲ့ပေါင်း မနည်းခဲ့ဘူး။ ပထမတစ်ပတ် ဘလော့ပေါင်း တစ်ရာကျော်ကို ၀င်လည်ပြီး ကွန်မင့်ပေး၊ လင့်ခ်ကလေးတွေ ချထားခဲ့ပေမဲ့ ပြန်လိုက်လာတဲ့သူ မရှိခဲ့ဘူး။ ဒါပေမဲ့ စိတ်ဓါတ်မကျဘဲ နေ့စဉ် ဘလော့မားကက်တင်း ဆင်းလိုက်တာ တစ်လလောက်လဲ ရှိလာရော။ အားနာလို့လား သနားသွားလို့လား မသိ။ ပြန်လိုက်လာပြီး ကွန်မင့်တွေ ပြန်ပေးထားခဲ့ကြတာ မနည်းပေဘူး။ သူ့ပို့စ်တစ်ခုမှာဆို ကွန်မင့်ပေါင်း နှစ်ဆယ်ကျော် ရလိုက်တယ်။ လာလည်တဲ့သူတွေကလဲ ၀တ်ကျေတန်းကျေအနေနဲ့ စာရေးကောင်းလိုက်တာ။ နောက် ထပ်လာဖတ်ဦးမယ်။ ကဗျာလေးတွေကလဲ ဂွတ်ရှယ်ဘဲ။ စသဖြင့် ချီးကျူးစကား ဆိုထားခဲ့ကြလေရဲ့။ တူမကြီးခမျာမှာလဲ ပီတိတွေ တရွှမ်းရွှမ်းနဲ့ပေါ့။ အဲဒီလိုနဲ့ မျက်တွင်းတွေ ဟောက်တဲ့အထိ အအိပ်ပျက်ခံပြီး ပို့စ်တွေ တစ်ခုပြီး တစ်ခု တင်နေလေတော့ရဲ့။

သူက ဆောင်းပါးတွေ ၀တ္ထုတိုတွေ ရေးတာထက် ကဗျာတွေ ရေးရတာကို ပိုအားသန်တယ်ထင်ပါရဲ့။ ကဗျာတွေဘဲ လိမ့်ရေးနေလေရဲ့။ ကဗျာလို့တာ ပြောရတယ်။ ကာရန်မရှိ ဘာမရှိနဲ့။ စာကြောင်းတိုတိုလေးတွေ ရေးပြီး စင်တာမှာ ထားလိုက်ရင် ကဗျာဖြစ်သွားရောဆိုပြီး သတ်မှတ်ထားပုံရတယ်။ အဲဒီနည်းနဲ့ချည်း ကဗျာတွေ တင်နေတော့တာပါဘဲ။ သူရေးခဲ့တဲ့ ကဗျာတွေကိုလဲ ကြည့်ဦး။ ကာရန်မိတစ်ချက် လွတ်တစ်ချက်နဲ့။ ပြီးတော့ အဓိပ္ပါယ်ကလဲ တောင်ရောက်မြောက်ရောက်။ သူ့ရဲ့ "နင့်မျက်လုံး" ဆိုတဲ့ ကဗျာလေးကို ကြည့်လိုက်ဦး။

နင့်မျက်လုံး

ဝါဆိုပန်းခူးတုန်းက
နင့်မျက်လုံးစူးစူးကြီးတွေရယ်
ငါ့ကို ရူးမူးစေခဲ့တယ်။

အိမ်အလည်လာတိုင်း
နင့်ကို အိမ်ကခွေးဟောင်တာ
နင်ညံ့လို့ပေါ့ဟဲ့။

ဖေဖေမေမေက ပြောတယ်
ခွေးဟောင်ခံရသူကို
ဝေးဝေးရှောင်တဲ့။
....

ပြီးတော့လဲ နေ့စဉ် သူစိတ်ကူးပေါက်ရာတွေကို ကဗျာသီကုံးပြီး တဒိုင်းဒိုင်းနဲ့ ဘလော့ပေါ် ပစ်တင်နေတော့တာပါဘဲ။ ဖတ်ရတဲ့သူတွေကတော့ အတော်လေး ညစ်နေလောက်ပါတယ်။ ဒါပေမဲ့လဲ လူ့ကျင့်ဝတ် လူ့ယဉ်ကျေးမှုက ရှိနေလေသေးတော့ ဘာရေးရေး ကောင်းပါတယ်ဘဲပေါ့။ ဒီလိုမျိုး ကွန်မင့်ရေးတာက အန္တရာယ်ကင်းတယ်လေ။ မဟုတ်လား။ ဒီမှာလဲ ကြည့်ဦး။ သူ့ငယ်ရည်းစားက သူ့ကို ရည်းစားစာ စပေးခါစတုန်းက အဖြစ်အပျက်တဲ့။ ကဗျာနာမည်လေးက "နင့်စာ" ဆိုဘဲ။

နင့်စာ

နင်ပေးတဲ့ စာ
ငါက ဖျာအောက်ထိုး
မောင်လေးက ကြမ်းပိုးရှာတော့
နင့်စာကိုတွေ့
တခွေ့ခွေ့ ရီနေလေရဲ့။
....

မှတ်မှတ်ရရ သူ့ကဗျာတစ်ပုဒ်မှာ ကွန်မင့်ပေါင်း ၃၀ ကျော် ရလိုက်တယ်။ အရမ်းကောင်းတာဘဲ၊ ဒီလို ကဗျာမျိုးဖတ်ချင်နေတာ၊ ကဗျာဥာဏ်အရမ်းရှိတာဘဲနော်၊ တော်လိုက်တာ၊ ကဗျာကောင်းလေးတွေကို မလွတ်တမ်း အားပေးနေပါတယ်၊ ကဗျာဆရာမလေးကို အားကျလိုက်တာ၊ ပို့စ်တင်တိုင်း ပြေးပြေးလာဖတ်ပါတယ်၊ ကဗျာတွေကတော့ ကောင်းမှကောင်း။ စတဲ့ စတဲ့ ကွန်မင့်တွေ များမှများဘဲ။ ပြီးတော့ လာဖတ်တဲ့ ဦးရေကလဲ ထူးထူးဆန်းဆန်း တစ်ရက်ထဲနဲ့ ငါးရာကျော် ရောက်သွားတယ်။ အဲဒီကဗျာလေးက ဟိုလိုလို ဒီလိုလိုနဲ့ ဘာကို ဆိုလိုချင်တာမှန်း မသိပေမဲ့ တနည်းနည်းနဲ့တော့ သသံသယဒေါသ သင့်နေသလိုလို။ အဲဒီကဗျာလေးကို လူတွေကလဲ အကြိုက်များကြဟန် တူပါရဲ့။ စာဖတ်သူဆိုတာကလဲ နဲနဲလေး ဆန်းပေးမှ လန်းကြတာ မဟုတ်လား။ ကဗျာနာမည်လေးက "ချစ်ရွှမ်းစို" တဲ့။

ချစ်ရွှမ်းစို

နိမ့်တုံမြင့်တုံ ခြေလှမ်းတွေရယ်

သိမ့်တုန် ခြိမ့်တုန် ရွှေနန်းတမျှပါဘဲ။

မင်းလေးက တိမ်စားချင်တယ်ဆိုရင်

ကိုယ်က တိမ်မျှားပေးမဲ့သူပါကွယ်

ဒါပေမဲ့

အနမ်းမိုးတွေတော့ မသဲလိုက်ပါနဲ့

ငါ့ရဲ့ အလွမ်းပျိုးခင်းလေး ရွှဲကုန်မှာ ကြောက်လို့။
....

တစ်ရက်မှာတော့ ဦးလေးရေ.. ဦးလေးထက် သမီးသာသွားပြီတဲ့။ ဘာကိုတုန်းဆိုတော့။ စာလာဖတ်တဲ့သူတွေလေ။ ဦးလေးရဲ့ဟာက ဒိတ်အောက်သွားပြီ။ မလန်းတော့ဘူး။ သမီးတို့လို အရွယ်မှ တကယ့် ကိတ်တာ။ ဦးလေးရဲ့စာတွေက ခေတ်မမီတော့ဘူး။ မီးတို့လို စာရေးဆရာလေးတွေကမှ ခေတ်ကို ထင်ဟပ်စေတာတဲ့။ ဖုလိုက်တာဗျာ။ ဘယ့်နှယ် မနေ့တနေ့ကမှ ဘလော့လေး တည်ဆောက်ပေးလိုက်ပါတယ်။ အခု ဘ၀င်မြင့်နေပြီရော။ နောက်ရှိသေးတယ်။ သူ့ရဲ့ ကဗျာတွေကို ဖေ့စ်ဘုတ်တွေမှာ တွေ့တွေ့နေရတယ်တဲ့။ သူ့ဆီကလဲ ခွင့်မတောင်းဘူးတဲ့။ ဒါဟာ ခိုးယူခြင်းတစ်မျိုးဘဲတဲ့။ ဒီလိုခိုးယူလို့ ရကြစတမ်းလားတဲ့။ အချိန်တွေ အင်အားတွေ ဥာဏ်ရည်ဥာဏ်သွေးတွေ ပေးဆပ်ပြီး ရေးထားရတာတဲ့။ နဲနဲလေး လူသိများလာတော့ မာနက ပူးတွဲပါလာချေပြီကော။ ဒါကြောင့် ထင်ပါရဲ့ သူ့ဘလော့ဆိုက်ဒ်ဘားမှာ "သတိ" ဆိုပြီးတော့ ဆိုင်းဘုတ်ချိတ်ထားလေရဲ့။

သတိ

ဖြူဖြူမဲမဲ
စာရေးသူဟာ စာရေးသူဘဲ
စကားလုံးတွေ
ယူသုံးချင်တယ်ဆိုရင်
စာနဲ့စာရေးသူ
တူတူ ဖော်ပြပေးပါ
ဒါဘဲ။
....

ဒါနဲ့ မဖြစ်ချေဘူး။ တူမကြီးရဲ့ တစ်လွဲမာနတွေကို ခ၀ါချဖို့ အချိန်တန်ပြီ။ ဒီလိုမှ မဟုတ်ရင် ဘ၀င်ရူး ရူးသွားနိုင်တယ်ဆိုပြီး စဉ်းစားခန်းထုတ်နေမိခဲ့တယ်။ သူ့ကဗျာတွေဆိုတာကလဲ ကဗျာအဆင့် ရောက်ဖို့ နေနေသာသာ သူ့ကဗျာနဲ့ သူတောင် ဘယ်အမျိုးအစားထဲ ပါဝင်မှန်း သိမဲ့ပုံမပေါ်ဘူး။ ပြီးတော့ စိတ်ထဲရှိတာကို ရောက်တတ်ရာရာ ရေးထားလေတော့ ကဗျာရဲ့ရသတွေက မပေါ်လွင်ဘူး။ သူ့ကဗျာနဲ့ ပတ်သက်ပြီး မလေးရှားက ဂေါပကကြီး တစ်ယောက်ကတောင် သရော်ထားသေးလေရဲ့။ ဘာတဲ့။ "တစ်ထောင်တန်လား အမ်းစရာ အကြွေမရှိဘူး။ ဟိုနားက တူမကြီး ကဗျာတစ်ပုဒ် ယူသွား" တဲ့။ (ဂေါပကကြီးက ကိုးရာကျော်တန် ပစ္စည်းတစ်ခုခု ရောင်းလိုက်ဟန်တူပါရဲ့။) သူ့ကဗျာက အဲဒီလောက်ထိ သိန်းတန် သန်းတန် တန်ဖိုး ရှိတာကလား။း) အင်း အခု သူ့ကို ဆုံးမဖို့ အချိန် ရောက်ပြီ။

တူမကြီး လာအုံးဆိုတော့ ဘာတုန်းတဲ့။ အသံက ခပ်မာမာရယ်။ သူ့ဦးလေးကိုတောင် အထင်သေး အမြင်သေးပုံစံမျိုး။ တူမကြီး သိပ်ဘ၀င်မြင့်မနေနဲ့။ စာဖတ်သူတွေ ချီးကျူးတိုင်းလဲ အဟုတ်မထင်နဲ့။ ဘလော့ ရေးကာစမို့ အားမငယ်အောင် အားပေးတဲ့အနေနဲ့ ကွန်မင့်မှာ ချီးကျူးခန်းဖွင့်ကြတာ။ အမှန်က တူမကြီးရဲ့ ကဗျာတွေဟာ ကဗျာ့ရေစီးကြောင်းထဲ မရောက်သေးဘူး။ အများကြီး လိုသေးတယ်။ ပြီးတော့ စာဖတ်သူကို ဘယ်လိုရသမျိုး ပေးမလဲဆိုတဲ့ တာ့ဂက်လဲ ပျောက်နေတယ်။ ဒီတော့ ကဗျာတွေ စာတွေကို သေချာပြန်လေ့လာဦး။ လူအဖတ်များလာလေလေ ကဗျာကောင်းလေးတွေ ပေါ်သင့်လာလေ မဟုတ်လား။ အဲဒီလို ပြောလိုက်တော့။ ဦးလေးက လာညှိနေသေးတယ်။ သမီးကဗျာတွေကို လူတွေ ကြိုက်ကြလို့ တစ်နေ့တစ်နေ့ လူဦးရေ ရာချီထောင်ချီ ဖတ်ကြတာပေါ့။ အခုဆို ကောင်တာမှာ စာလာဖတ်သူပေါင်း နှစ်သိန်းကျော်သွားပြီတဲ့။ (ကျော်မှာပေါ့ ကောင်တာ စလုပ်ကထဲက နှစ်သိန်းကျော်ဂဏန်း တစ်ခါထဲ ရိုက်ထည့်ထားတာကိုများ၊ မသိရင် ခက်မယ်)။ ဦးလေးရဲ့ ဘလော့ဆို တစ်ရက်နေလို့မှ အယောက်တစ်ရာ မပြည့်ချင်ဘူး။ အဲဒါနဲ့များ သမီးကို လာရစ်နေသေးတယ်။ နားစမ်းပါ ဦးလေးရာတဲ့။

ကဲ ဒါဖြင့် ငါ့တူမ။ ဒီလိုလုပ်။ တစ်လလောက်တိတိ ဘယ်ဘလော့ကိုမှ သွားမလည်နဲ့။ ကွန်မင့်လဲ သွားမပေးနဲ့။ တူမကြီးကတော့ ကဗျာတွေကို ရေးမြဲမပြတ် နေ့စဉ်ရေးပြီးတင်။ ဘယ်သူတွေ ဘယ်လောက် လာဖတ်ကြမလဲဆိုတဲ့ ပြဿနာကို တစ်လပြည့်တဲ့နေ့မှာ အဖြေသိရမယ်။ တကယ်လို့ တစ်လပြည့်တဲ့နေ့အထိ စာဖတ်သူတွေ ရှိနေသေးတယ်ဆိုရင် တူမကြီးရဲ့ ကဗျာတွေက တကယ် တန်းဝင်သွားလို့ စာဖတ်သူတွေ မပြတ်ရှိနေတာလို့ ဦးလေး ယုံပေးလိုက်မယ်ဆိုတော့။ စိမ်လိုက်လေ ကြာသလားလို့တဲ့။

ဒါနဲ့...သူလဲ သူ့ကိုယ်သူ ယုံကြည်စွာနဲ့ဘဲ ကဗျာတွေ အရေးမပျက်၊ အတင်မပျက်ခဲ့ဘူး။ ဘယ်ဘလော့ကိုမှလဲ သူသွားမလည်တော့ဘူး။ အခြေအနေကိုသာ စောင့်ကြည့်နေလေရဲ့။ ပထမ တစ်ပတ်လောက်ထိတော့ လာဖတ်တဲ့သူတွေ လာမြဲလာနေကြတုန်းရှိသေးတယ်။ ဒုတိယပတ်ကျတော့ နဲနဲ ကျဲသွားပြီ။ ရက်ပေါင်း ၂၀ ကျော်လာတဲ့အခါမှာတော့ လာဖတ်သူ ဦးရေက ဆယ်ယောက်လောက်သာ ရှိတော့တယ်။ ကိုယ်ကသာ ကဗျာရေးပြီး ပို့စ်ကို နေ့တိုင်း တစ်ပုဒ်စီတင်နေပေမဲ့ ဘယ်ဘလော့ကိုမှ လိုက်မလည်တဲ့အတွက် စာဖတ်သူ ဘလော့ဂါတွေလဲ ငါ့ဘလော့မှ လာမဖတ်တာ ငါက သူ့ဘလော့ သွားဖတ်စရာလား လို့များ တေးထားကြသလား မသိ။ တစ်လမပြည့်ခင် ၂၈ ရက်မြောက်တဲ့ နေ့ကစပြီး တူမကြီးရဲ့ ဘလော့ကို လာလည်သူ တစ်ယောက်မှ မရှိတော့ဘူး။ တူမကြီး မျက်နှာ ရဲတက်လာပြီး ရှက်နေလိုက်တာများ သနားတောင် သနားမိသွားရဲ့။ သူ အရှုံးကြီး ရှုံးသွားပြီကိုး။ ပိုဆိုးတာက သူ့မာနကို ထက်ပိုင်း ချိုးပစ်လိုက်သလို သူ ခံစားသွားရရှာတာပါဘဲ။

နောက်တစ်နေ့ရောက်တော့။

ကဲ.. ဦးလေးရေ.. ကဗျာကောင်းတွေကို မခံစားတတ်တဲ့ သူတွေအတွက် ကဗျာရေးလဲ အကျိုး မရှိတော့ပါဘူး။ ကဗျာဥာဏ်တွေ ကွန့်မြူးနေတုန်း ပရိသတ်ကို ကဗျာကောင်းလေးတွေရေးပြီး ပညာပေးနေတာကို သူတို့ကမှ လက်မခံတတ်တာ။ ဘာမှ မတတ်နိုင်တော့ဘူး။ ဒီတော့ သမီး ဒီနေ့ကစပြီး ဘလော့လောကထဲက လုံးဝ ရာသက်ပန်ထွက်ခွါတယ်။ ဘယ်တော့မှ ဘလော့မရေးတော့ဘူး။ ဘလော့လောကကြီးလဲ ဥာဏ်ရည်ဥာဏ်သွေး ပြည့်မီတဲ့သူတွေ တစ်ယောက်မှ မရှိကြတော့ဘူးထင်ပါရဲ့။ စာကောင်းကဗျာကောင်းဆို ဘယ်သူမှ အရေးတယူ မရှိကြတော့ဘူး။ ဒါဟာ မြန်မာ့ဂုဏ်ကို ထိခိုက်စေတာဘဲ။ သမီး..စိတ်သစ်ကိုယ်သစ်မွေးပြီး ပုံနှိပ်လိုင်းဘက်ဘဲ သွားတော့မယ်။ အဲဒါကမှ ပို စတန်းဒါ့ဒ် ကျတာ။ ဒီတော့ ... ရော့.. ဒီမှာ.... ဦးလေး... ကြိုက်သလိုသာ ယူသုံးပေတော့။ အဲဒါတွေဟာ သမီး အကြမ်းရေးထားတဲ့ စာအုပ်ထူကြီးဘဲ။ ကဗျာပုဒ်ရေပေါင်း တစ်ထောင်ကျော် ရှိတယ်။ ဦးလေး အတုခိုးချင် ခိုးလို့ ရတာပေါ့။ ရော့... ဒီမှာ.....

ဝုန်းးးး

သူက စာအုပ်ကြီးကို လှမ်းပစ်ပေးလိုက်ပေမဲ့ ကျနော် ဖမ်းမယူလိုက်မိဘူး။ ဒါကြောင့် သူ့ စာအုပ်ကြီးက ကြမ်းပြင်ပေါ် ၀ုန်းကနဲ ကျသွားတယ်။ အဲဒီ ၀ုန်းကနဲ ဆိုတဲ့ အသံကြားလိုက်မှ ကျနော် အိပ်ပျော်နေရာက လန့်နိုးလာတယ်။ စာကြည့်ရင်း ဘယ်လိုက ဘယ်လို အိပ်ပျော်သွားပြီး ကြည့်နေတဲ့ စာအုပ် ကြမ်းပြင်ပေါ် ပြုတ်ကျသွားမှန်း မသိလိုက်ဘူး။ စာအုပ်ကို ပြန်ကောက်ကိုင်ရင်း ခဏလေးအတွင်း မက်ခဲ့တဲ့ အိပ်မက်ရှည်ကြီးကို ပြန်စဉ်းစားပြီး ပြုံးစိစိ ဖြစ်နေမိလေရဲ့။ ဘယ်လိုလုပ်ပြီး တုံးဖလားရွာက ဆယ်ဝမ်းကွဲ တူမတစ်ယောက် အိပ်မက်ထဲ ရောက်လာပြီး ဘလော့လာရေးရတာပါလိမ့်။ အမှန်ဆို သူ့ခမျာ ဘလော့ ရေးဖို့ နေနေသာသာ အင်တာနက်နဲ့ အိမ်သာတက် ဆိုတဲ့ ဝေါဟာရတွေကိုတောင် ကွဲသေးတာမှ မဟုတ်တာ။ အော်.. ဒါပေမဲ့... အိပ်မက်က အိပ်မက်ပါဘဲလေ။ မမက်နဲ့လို့ ပြောလို့ရတာမှ မဟုတ်တာ။ မက်ပစေပေါ့။ ဟုတ်ဖူးလား။

ကဲ... ၀က်မလေး ပစ်ပစ်ရေ...

ဦးလေးရဲ့... အဲလေ.. သူကြီးမင်းရဲ့ ၂၀၁၂ ခုနှစ်ရဲ့ အိပ်မက်တွေက ရေရေရာရာ မရှိခဲ့လေတော့ မကြာသေးခင်ကမှ မက်ခဲ့တဲ့ အိပ်မက်ကလေးကိုဘဲ ၂၀၁၂ ခုနှစ်ရဲ့ သမင်လည်ပြန်အနေနဲ့ ၀က်မလေး တဂ်ခဲ့တဲ့ တဂ်စာကို ဖြေရှင်းပေးလိုက်ပါတယ်။ (တဂ်ထားတာနဲ့ ဆိုင်ဆိုင်မဆိုင်ဆိုင် တဂ်ပို့စ်လို့ဘဲ မှတ်ပေးကြပါကုန်း)။ တစ်ခု ပြောလို့ရတာကတော့ ၂၀၁၂ ခုနှစ်ဟာ သူကြီးမင်းအတွက် အတော်လေး အပျင်းထူခဲ့တဲ့ နှစ်တစ်နှစ်လို့ ပြောလို့ရတယ်။ ပျင်းလိုက်သမှ လွန်ရောဘဲ။ ဘာမှ ဟုတ်တိပတ်တိ မလုပ်ခဲ့မိဘူး။ နောက် သူကြီးမင်းရဲ့ ဟို..အခြေအနေကလဲ ကမောင်လေး (ကညိမ်း) ပြောသလိုပါဘဲ။ ခါတိုင်းနှစ်တွေ နည်းတူ နဲနဲလေးမှ ဆတ်ဆတ်ထိမခံ အပွန်းအပဲ့မခံ လူပျိုကြီးစစ်စစ်ဘ၀နဲ့ဘဲ ၂၀၁၂ ကို ကျော်ဖြတ်ခဲ့ပါကြောင်း။ ပြီးပြီ။ ဒါဘဲ။ ။

သဗ္ဗေသတ္တာ အဝေရာ ဟောန္တု။
ကိုကိုမောင် (ပန်းရနံ့)

.

Friday, 21 December 2012

သူမကို နှာလေးတောင် မစေးစေချင်...

ဒီနေ့မှာ (ဒီပို့စ်လေး ရေးနေရင်း တန်းလန်း) ကမ္ဘာမပျက်ခဲ့ဖူးဆိုရင်တော့ ဒီပို့စ်လေးကို ဖတ်ခွင့်ရကြဦးမှာပါ။ ယူကေမှာတော့ ကမ္ဘာပျက်ဖို့ အစပျိုးနေပြီ။ ဗြိတိန်ဝန်ကြီးချုပ်လဲ ကမ္ဘာပျက်မှာတော့ ကြောက်လန့်ဟန်တူပါရဲ့။ ဟိမ၀န္တာနဲ့ သိပ်မဝေးတဲ့ အာဖဂန်နစ္စတန်မှာ စတေးသွားရှောင်နေလေရဲ့ဗျာ။း)

ဒီနေ့ (၂၁.၁၂.၂၀၁၂)ဟာဆိုရင်ဖြင့် လွန်ခဲ့တဲ့ သုံးနှစ်ကျော်ကျော်လောက်က အင်တာနက်ပေါ် ရည်ပန်းစားခဲ့ဖူးတဲ့ ကမ္ဘာပျက်မဲ့နေ့ပေါ့။ မာယာပြက္ခဒိန်အရ ခုနှစ်သက္ကရာဇ်တွေက ဒီနေ့မှာတင် ကုန်ဆုံးသွားတာမို့ ဒီနေ့သည်ပင်လျှင် ကမ္ဘာ့သက်တမ်း ကုန်ဆုံးတဲ့နေ့ရယ်လို့ ကောလာဟလ ဖြစ်ခဲ့ကြတယ်။ နာဆာအာကာသသိပ္ပံဋ္ဌာနကလဲ ဘယ်ဂြိုလ်က ကမ္ဘာရဲ့ ဘယ်နားထိ ရောက်လာပြီး ကမ္ဘာကို ဘယ်လို အန္တရာယ်ပြုနိုင်တယ်၊ ဗေဒင်ဆရာတွေကလဲ တွက်ကိန်းအရ ကမ္ဘာမြေကြီးရဲ့ လက္ခဏာဟာ ပျက်စီးကိန်းရှိတယ် စသဖြင့် သောသောညံလို့ပေါ့။ ဒီကြားထဲ ၂၀၁၂ ဆိုတဲ့ ကမ္ဘာပျက်ရုပ်ရှင်ဇာတ်ကားကြီးကလဲ ကမ္ဘာအနှံ့ ရုံတင်ပြသနေပြန်တော့ ကမ္ဘာပျက်ဖို့ အတော်လေး အင်အားကောင်းခဲ့တယ်။

၂၀၁၂ ကမ္ဘာပျက်ဇာတ်ကားကြီး

အဲဒီအချိန်တုန်းက မြန်မာဘလော့ဂါတွေလဲ ရာသီစာ တဂ်စာတွေ ခေတ်စားနေချိန်ဆိုတော့ ကမ္ဘာကြီးပျက်ရင် မပျက်ခင် ဘာတွေလုပ်ကြမလဲ ဆိုတဲ့ တဂ်ပို့စ်တွေ ပလူပျံနေခဲ့ကြတယ်။ ဘယ်နေရာကမှ ကမ္ဘာမပျက်သေးခင် ဘလော့စာမျက်နှာတွေပေါ်မှာတော့ ကမ္ဘာကြီးခမျာ ပျက်စီးခြင်းမက ပျက်စီးခဲ့ရရှာတယ်။ ဘလော့ဂါတွေကလဲ အဲဒီအခါကျမှ မသေခင် ဘာတွေ လုပ်သွားချင်တယ်၊ ဘယ်သူနဲ့ အတူရှိနေချင်တယ်၊ ဘယ်နိုင်ငံမှာ သွားနေချင်တယ် စသဖြင့် မသေခင်လေး ချင်ခြင်းတွေ တပ်လိုက်ကြသမှ ဘလော့ရွာလေး တစ်လျှောက် မျက်ရည်ပေါက်ပေါက် ကျခဲ့ရတဲ့အထိပါဘဲ။ တဂ်ပို့စ်ဆိုပြန်တော့ ကျနော်လဲ ဘလော့ဂါပီပီ တဂ်စာ စားခဲ့ရပြန်သပေါ့။ ဒါပေမဲ့ ကျနော်က တခြားသူတွေလို ကမ္ဘာအပျက်ဖက်က မရေးခဲ့ပါဘူး။ ဖတ်ဖူးမှတ်ဖူးခဲ့တဲ့ စာအုပ်လေးတွေကို ကိုးကားပြီး ကမ္ဘာကြီး ကျန်းမာလျှက်ရှိနေဦးမှာဖြစ်တဲ့အကြောင်း ဒီနေရာမှာ ကမ္ဘာအပျက် ထည့်မတွက်နဲ့ ဆိုပြီး ကမ္ဘာစောင့်မောင်းကြီး တီးပြခဲ့ဖူးသေးတယ်။

အဲဒီလို လူတွေ အမှတ်တရ ရှိခဲ့ဖူးတဲ့နေ့လေး အခု ရောက်လာပါပြီ။ ဒီလို နေ့မျိုးမှာ ပို့စ်တစ်ခုခုတော့ ရေးတင်ဦးမှဘဲလို့ စဉ်းစားနေရင်း အမေရိကားမှာ ဖြစ်ပျက်ခဲ့တဲ့ (အားလုံးသိပြီးကြတဲ့) သေနတ်ပစ်ခတ်မှု နှစ်ခု အကြောင်း ခေါင်းထဲ ရောက်လာတယ်။ တစ်ခုက လွန်ခဲ့တဲ့ လအနည်းငယ်က ဖြစ်ပျက်ခဲ့တဲ့ ရုပ်ရှင်ရုံတစ်ခုထဲမှာ လင်းနို့လူသားဇာတ်ကား ပြသရင်း လူသတ်သမားက ဇာတ်ဝင်ခန်းဆန်ဆန် ပရိသတ်ရှေ့ ထွက်ပေါ်လာပြီး သေနတ်နဲ့ ပရိသတ်ထဲ အတွဲလိုက်အတွဲလိုက် ဆွဲပစ်ခဲ့တဲ့အမှုပါ။ နောက်တစ်ခုက မကြာသေးခင် ရက်ပိုင်းလေးကမှ ဖြစ်ပျက်ခဲ့တဲ့ မူလတန်းကျောင်းထဲ ၀င်ရောက်ပြီး ကလေးတွေစာသင်နေတဲ့ အခန်းထဲ ၀င်ကာ ခြောက်နှစ် ခုနှစ်နှစ် အရွယ်ရှိတဲ့ ကလေးတွေအများအပြားကို သေနတ်နဲ့ အချက်ပေါင်းများစွာ ပတ်ခတ် သတ်ဖြတ်ခဲ့တဲ့ အမှုပါ။

ဒီနေရာမှာ ကျနော်ပြောချင်တာက အမေရိကန်ပြည်ရဲ့ လွတ်လပ်စွာ လက်နက်ရောင်းဝယ်ခွင့် ဥပဒေအကြောင်း မဟုတ်သလို လက်နက်ရောင်းဝယ်ခွင့်ဥပေဒေကို ရုပ်သိမ်းပေးသင့်တဲ့ အကြောင်းလဲ မဟုတ်ပါဘူး။ ဒါဖြင့် ဘာအကြောင်း ပြောချင်တာလဲ ဆိုတော့။ တခြားအကြောင်းမဟုတ်ပါဘူး။ အဲဒီ သေနတ်ပစ်မှုတွေမှာ ဓါးစာခံ ဖြစ်ခဲ့ကြရတဲ့ သူတွေရဲ့ တာဝန်သိတတ်မှု၊ တာဝန်ယူတတ်မှုနှင့် အားနွဲ့သူကို မေးဖကူညီကာကွယ်ပေးမှု အကြောင်းတွေကို ပြောပြချင်တာပါ။

ရုပ်ရှင်ရုံထဲက သေနတ်ပစ်ခတ်မှုကိုဘဲ ကြည့်။ ရုပ်ရှင်ဆိုတာ များသောအားဖြင့် လူငယ်လူရွယ်တွေ စုံတွဲတွေ သွားလေ့ရှိကြတဲ့ နေရာ မဟုတ်လား။ အဲဒီ ရုပ်ရှင်ရုံထဲ သေနတ်ပစ်ခတ်မှုလဲ ဖြစ်ရော မိန်းခလေး အချို့က အကြောက်လွန်ပြီး ငူတူတူကြီးတွေ ဖြစ်နေကြလေရဲ့။ အဲဒီအခါမှာ ယောက်ျားလေးတွေက အသက်နဲ့ရင်းပြီး အတင်းဆွဲလဲ အားလျားမှောက်စေခဲ့ကြတယ်။ ပြီးတော့ စုံတွဲတစ်တွဲဆို လူသတ်သမားရဲ့ သေနတ်ပြောင်းဝက သူ့ချစ်သူ ကောင်မလေးဆီ တည့်တည့်ထိုးချိန်လိုက်ချိန်မှာ သူ့ရဲ့ ခန္ဓာကိုယ်ကို သူ့ချစ်သူအတွက် ကျည်ကာလုပ်ပေးပြီး အသက်စတေး အသေခံလိုက်တယ်။ ၀ီရရသနှင့် ဘယာနကရသဆန်တဲ့ ကြေကွဲစရာ မြင်ကွင်းလေးတွေပေါ့။

နောက်ပြီး မူလတန်းကျောင်း စာသင်ခန်းတစ်ခုထဲက သေနတ်ပစ်ခတ်မှုကို ကြည့်။ စာသင်ခန်းထဲ သေနတ်သမားဝင်ပြီး ခြောက်နှစ် ခုနစ်နှစ်မျှသာ အရွယ်ရှိသေးတဲ့ ကျောင်းသူကျောင်းသား ကလေးသူငယ်များကို သေနတ်နဲ့ အချက်ပေါင်းများစွာ တဒိုင်းဒိုင်း ပစ်သတ်နေတဲ့အခါ တာဝန်ကျနေတဲ့ ဆရာမတွေ ထွက်မပြေးခဲ့ကြဘူး။ အကြောက်လွန်ပြီး တွေဝေ မနေခဲ့ကြဘူး။ ကလေးတွေကို အတတ်နိုင်ဆုံး ကာကွယ်ပေးရင်း ဆရာမခြောက်ယောက် သူတို့အသက်ကို ပေးဆပ်လိုက်ကြတယ်။ အမှန်ဆို ကလေးတွေကို ပစ်ထားပြီး ကိုယ်လွတ်ရုန်းလို့ ရကောင်းရနိုင်တယ်။ ဒါပေမဲ့ သူတို့ မလုပ်ခဲ့ကြဘူး။ တကယ်လို့ ကြောက်အားလန့်အားနဲ့ အဲဒီလို ထွက်ပြေးလွတ်မြောက် အသက်ရှင် ကျန်ရစ်ခဲ့မယ်ဆိုရင်လဲ ကလေးတွေကို လျစ်လျူရှုခဲ့မိတဲ့အတွက် သေရတာထက်ပိုဆိုးတဲ့ စိတ်ဒဏ်ရာ သူတို့ ရရှိမှာ သေချာတယ်။

ဒီအဖြစ်အပျက်တွေဟာ သူတို့တစ်တွေရဲ့ အသက်နဲ့ရင်းပြီး တာဝန်သိတတ်မှု၊ တာဝန်ယူတတ်မှု၊ အားငယ်သူကို ဖေးမကူညီကာကွယ်ပေးမှုတွေဘဲပေါ့။ ဒါဖြင့်ရင် အဲဒီ ရုပ်ရှင်ရုံထဲက မိမိနဲ့ နီးစပ်ရာသူတွေကို အသက်စွန့်ပြီး ကယ်တင်လိုက်တဲ့ ယောက်ျားလေးတွေ၊ ပြီးတော့ မူလတန်းကျောင်းထဲက တပည့်တွေအတွက် ကာကွယ်ပေးရင်း အသက်စွန့်ခဲ့ကြရရှာတဲ့ ဆရာမလေးတွေ။ တကယ်လို့ သူတို့နေရာမှာ ကျနော်တို့သာဆို ဘယ်လို စိတ်ထားမျိုးနဲ့ ဘယ်လို လှုပ်ရှားမှု ပြုလုပ်ခဲ့ကြမှာပါလဲ။ အသက်စတေးကြမှာလား ဒါမှမဟုတ် ထွက်ပြေးကြမှာလား။

စပ်မိလို့ ပြောရဦးမယ်။ ကျနော်တို့ တုံးဖလားရွာရဲ့ အရှေ့ဘက်မှာ ရွာသာယာရွာဆိုတဲ့ ရွာကြီး တစ်ရွာရှိတယ်။ ရွာကြီးဆိုပေမဲ့ အိမ်ခြေ ၂၀၀ လောက်သာ ရှိတဲ့ ရွာတစ်ရွာပါ။ ကျနော်တို့ တုံးဖလားရွာက အိမ်ခြေ ၃၀ လောက်ဘဲ ရှိတဲ့ ရွာမို့လို့ အဲဒီရွာသာယာရွာကို ရွာကြီးအနေနဲ့ဘဲ အသိအမှတ်ပြုခဲ့ကြတာပါ။ အဲဒီရွာမှာ စုစုပေါင်း သုဿာန်သင်္ချိုင်း ၅ ခုတိတိရှိတယ်။ သူကြီးသင်္ချိုင်း၊ လူကြီးသင်္ချိုင်း၊ ကလေးသင်္ချိုင်း၊ အစိမ်းသေသင်္ချိုင်း၊ အနာပေါက်(ရောဂါဆိုးနဲ့)သေသင်္ချိုင်း ဆိုပြီးတော့ပေါ့။ အဲဒီအထဲကမှ အနာပေါက်သေသင်္ချိုင်းက တုံးဖလားရွာနဲ့ အဲဒီရွာကြားထဲမှာ တည်ရှိတယ်။ တစ်ရွာနဲ့တစ်ရွာသွားရင် အဲဒီ သင်္ချိုင်းနဘေးနားကဘဲ ဖြတ်သွားရတယ်။ တစ်ရွာနဲ့ တစ်ရွာ ၆ ဖာလုံလောက်သာ ဝေးပေမဲ့ နှစ်ရွာကြားမှာ ရှိတဲ့ တောက အတော်လေး နက်တယ်။ ပြီးတော့ အဲဒီ သစ်ပင်အုံးဆိုင်းဆိုင်း တောနက်နက်ထဲမှာဘဲ သင်္ချိုင်းလုပ်ပြီး လူသေမြှုပ်ကြတာ။ ညဘက်ဆိုရင် အဲဒီတောထဲက ကလေးငိုသံကြားတာတို့ မီးလုံးထထတောက်တာတို့ ရယ်သံသဲ့သဲ့ ကြားတာတို့ စတဲ့စတဲ့ ပုံပြင်တွေကလဲ မကြားချင်အဆုံး။ ပြောရရင် တစ္ဆေသရဲ အလွန်ခြောက်တယ်လို့ နာမည်ကြီးတဲ့ သင်္ချိုင်းပေါ့။

အဲဒီလိုနဲ့ လမိုက်ညတစ်ညမှာ ကျနော်ရယ် ကျနော့်ညီတစ်ယောက်ရယ် ညီမ၀မ်းကွဲ သုံးယောက်ရယ် တုံးဖလားကနေပြီး အဲဒီ ရွာသာသာရွာကို အလည်သွားကြတယ်။ ဆွေမျိုးအိမ်တစ်အိမ်ကိုပေါ့။ အသွားတုန်းကတော့ ချောချောမောမောပါဘဲ။ အပြန်ကျတော့ ည ၁၁ နာရီလောက် ထိုးနေပြီ။ လမ်းတစ်လျှောက်မှာလဲ ဖားအော်သံ ပုရစ်အော်သံ သဲ့သဲ့မှအပ ဘာမှ မကြားရဘူး။ အဖွဲ့လိုက်ဆိုပြီး အားတင်းထားကြပေမဲ့ ကြောက်တော့ ခပ်ကြောက်ကြောက်ရယ်။ အဲဒီလို ညဘက် ခရီးသွားကြတဲ့အခါမှာ နောက်ဆုံးက ဘယ်သူမှ မလိုက်ချင်ကြဘူးမဟုတ်လား။ ကျောချမ်းတယ်လေ။ တော်ကြာ နောက်ကနေ ကုတ်ဆွဲထားလိုက်ရင် ရှေ့ကသူတွေ ဘယ်သူမှ သိတောင် သိလိုက်ကြမှာ မဟုတ်ဘူး။

ဒါပေမဲ့ အဲဒီ အုပ်စုထဲမှာ ကျနော်က အသက်အကြီးဆုံး။ ဆိုတော့ကာ သူရဲကောင်းလိုလို ဘာလိုလိုနဲ့ ညီကို ရှေ့ဆုံးမှာထား ညီမ၀မ်းကွဲသုံးယောက်ကို အလယ်မှာထားပြီး ကျနော်က နောက်ဆုံးက လိုက်လာခဲ့တယ်။ ညီက လက်နှိပ်ဓါတ်မီးတစ်လက်၊ ညီမသုံးယောက်က တစ်လက်၊ ပြီးတော့ ကျနော်က တစ်လက်။ စုစုပေါင်း သုံးလက်။ သင်္ချိုင်းနားနီးလာလေ ကြောက်စိတ်မ၀င်အောင် စကားကို ကြံဖန်ပြောလေပေါ့။ စကားတွေကလဲ စိတ်မပါဘဲ (ကြောက်စိတ်နဲ့) ပြောနေကြတာဆိုတော့ မေးတာတစ်ခြား ဖြေတာတစ်ခြား တောင်ရောက် မြောက်ရောက်နဲ့ နဲနဲလေးမှ အဆီအငေါ်မတည့်။ အဲဒီလိုနဲ့ဘဲ သင်္ချိုင်းကို ဖြတ်ကျော်ခဲ့ကြတယ်။ ကံအားလျော်စွာဘဲ ဘာသရဲမှ အခြောက်မခံခဲ့ရဘူး။

အဲဒီလိုနဲ့ လမ်းရဲ့ ဘယ်ညာမှာ အမြင့် ရင်စို့လောက်စီ ကမ်းပါးပြတ်ရှိတဲ့ လမ်းကြားလေးထဲ ရောက်လာတယ်။ လက်နှိပ်ဓါတ်မီးလေးတွေ ဟိုထိုးဒီထိုးနဲ့ပေါ့။ ကျနော်တို့ ငါးယောက်လုံး အဲဒီ လမ်းကြားလေးထဲလဲ ၀င်မိရော။ အမလေး.. မြွေ...မြွေ...မြွေ... မြွေကြီး ဆိုပြီး ညီမတွေဆီက အာခေါင်ခြစ်ပြီးအော်တဲ့ အသံတွေ တပြိုင်နက် ထွက်ပေါ်လာတယ်။ ကျနော့်ရှေ့က ညီမတွေ ဘယ်လို နေကြမှန်းတော့ မသိဘူး။ ကျနော်ဆို ဘယ်လိုက ဘယ်လို ရင်စို့လောက်ရှိတဲ့ ကမ်းပါးပြတ်ပေါ် လွှားကနဲ ခုန်တက်လိုက်မိမှန်းမသိဘူး။ ကမ်းပါးပေါ်မှာ မားမားကြီးကို ဖြစ်လို့။ မြွေက တစ်ခြားမြွေမဟုတ်ပါဘူး။ မြွေမင်းလို့ ခေါ်တဲ့ ငန်တော်ကြားမြွေပါ။ အဲဒီမြွေမင်းရှိတဲ့ နေရာမှာ မြွေပွေးတို့ မြွေဟောက်တို့ မရှိဘူးတဲ့။ မြွေကောင်းရှိတဲ့နေရာ မြွေဆိုးတွေကို လက်မခံတဲ့ သဘောပေါ့။ အဲဒီ ငန်တော်ကြားမြွေက လူတွေကို အန္တရာယ်မပြုပါဘူး။ အန္တရာယ်မပြုသလို ဘယ်သူ့ကိုမှလဲ မကြောက်တတ်ပါဘူး။ သူ့ကို ဘယ်လောက်ခြောက်ခြောက် သူ့ဖာသာသူ အေးအေးဆေးဆေးလေးဘဲ သွားတယ်။ မပြေးဘူး။ သူ့ကို မတော်တဆ တက်နင်းမိရင်တောင် လူတွေကို အန္တရာယ်မပြုတတ်ဖူးတဲ့။ ဒါပေမဲ့ သူ့ကို တမင်ရန်စပြီး စိတ်တိုလို့ ကိုက်ပြီဆိုရင်တော့ အဲဒီနေရာတင် ပွဲချင်းပြီးဘဲတဲ့။ အဲဒီလောက်ထိ အဆိပ်ပြင်းတာ။

ညီမတွေလဲ အဲဒီငန်တော်ကြားမြွေကြီး အေးအေးဆေးဆေး လမ်းဖြတ်ကူးနေတာကို လက်နှိပ်ဓါတ်မီးကတစ်ဆင့် တွေ့မြင်ပြီး ရုတ်တရက်ဆိုတော့ ကြောက်လန့်တကြား အော်လိုက်ကြတာပါ။ တကယ် တွေးတွေးပြီး ကြောက်လာခဲ့တာက တစ္ဆေသရဲပါ။ ဒါပေမဲ့ တကယ်တမ်း တွေ့မြင်လိုက်ရတာက ငန်တော်ကြားမြွေကြီးပါ။ အဲဒီမြွေလဲ သူ့လမ်းသူသွားပြီးရော ညီမတွေက နောက်ဖက်လှည့်ကြည့်ပြီး ကိုကြီး ဘယ်ရောက်သွားလဲ မသိဘူးတဲ့။ လက်နှိပ်ဓါတ်မီးနဲ့ ဟိုထိုးဒီထိုးလုပ်တော့ ကမ်းပါးပြတ်ပေါ် မားမားမတ်မတ်ကြီး ရောက်နေတဲ့ ကျနော့်ကို တွေ့သွားတယ်။ အဲဒီမှာ သူတို့ ရယ်လဲရယ် ပြောလဲ ပြောကြတော့တာဘဲ။ ဘာတဲ့။ အကိုကြီးဆိုပြီး အားကိုးရမယ်မှတ်တယ်။ တကယ့် အသက်အန္တရာယ်ဆိုရင် သူတို့ သေပြီးတာကြာပြီတဲ့။ ကိုကြီးက ကိုယ်လွတ်ရုန်းတယ်တဲ့။ ရှက်လိုက်တာဗျာ။ တကယ်ကို ရှက်တာ။ ကလေးဘ၀က အဖြစ်အပျက်ဆိုပေမဲ့ ပြန်စဉ်းစားမိရင်တောင် အခုထက်ထိ ရှက်နေတုန်း။ အဲဒီလောက်ထိ သူရဲဘော ကြောင်ရသလား။ အဲဒီလောက်ထိ တာဝန်မဲ့ရသလား။ အားနွဲ့တဲ့ သူတွေကို အဲဒီလောက်တဲ့ ကာကွယ်လိုစိတ် မရှိရသလား။ စတဲ့ စတဲ့ မေးခွန်းတွေ ကိုယ့်ကိုကိုယ် မေးခဲ့ပေါင်း မနည်းခဲ့ဘူး။ အမှန်ဆို ကျနော်လဲ အဲဒီလို သူရဲဘောင်ကြောင်လို့ မဟုတ်ခဲ့ပါဘူး။ ရုတ်တရက်ဆိုတော့ ဘယ်လိုက ဘယ်လို အဲဒီလို ဖြစ်သွားမှန်း မသိခဲ့ရရိုး အမှန်ရယ်။ အဲဒီ အချိန်ကစပြီး ကိုယ့်ကိုကိုယ် အမြဲတမ်း သတိထားနေမိခဲ့တယ်။ အဲဒီလို အဖြစ်အပျက်မျိုး ထပ်တူ ဖြစ်ပြန်မှာကို စိုးရိမ်လို့ပေါ့။

နှစ်အနည်းငယ်ကြာပြီးနောက်။

တစ်နှစ်မှာ ရန်ကုန်ကို ဘုရားဖူးသွားကြတယ်။ ကျနော်က တုံးဖလား တောရွာလေးက ဆိုပေမဲ့ ဘုရားဖူးခရီးသွားရင်းက ရန်ကုန် သန်လျင် ကျောက်တန်း စတဲ့ တန်ခိုးကြီးဘုရားတွေကို သွားတတ်လာတတ် ဖြစ်လာတယ်။ လိုင်းကားနဲ့ပေါ့။ တစ်နေ့မှာ အသိတစ်ယောက်က ၁၀ နှစ်လောက်သာ ရှိသေးတဲ့ သူ့တူမလေးနဲ့ သန်လျင်ကျောက်တန်းကို ဘုရားဖူး ထည့်ပေးလိုက်တယ်။ ဒီအခါမှာတော့ ကျနော် ကြိုတင် သန္နိဋ္ဌာန် ချထားလိုက်တယ်။ လမ်းမှာ ဘယ်လို အန္တရာယ်နဲ့ဘဲ ကြုံကြုံ အသက်နဲ့ လဲပြီး အဲဒီကလေးမလေးကို ကာကွယ်ပေးမယ် ဆိုပြီးတော့ပေါ့။ ကိုယ်က ဦးဆောင် သွားရမှာကိုး။ တာဝန် အပြည့်ရှိတာပေါ့။ အဲဒီလိုနဲ့ အသောကမှတ်တိုင်ကနေပြီး ရန်ကုန်-ကျောက်တန်း ဒိုင်နာလိုင်းကား စီးသွားလိုက်တယ်။ ကျနော်တို့ စီးလာတဲ့ လိုင်းကား သန်လျင်အလွန် ကျိုက်ခေါက် ဘုရားနားလဲ ရောက်ရော ကားတစ်စီးကို ကျော်တက်တဲ့ အခါမှာ ကားချင်း ပွတ်တိုက်မိပြီး ဘရိတ်ကို ဆောင့်အုတ်လိုက်တယ်။ ကားပေါ်က လူတွေလဲ စကောထဲက ခဲလုံးလေးတွေလို ရှေ့ထိုးနောက်ငင် ဖြစ်သွားကြတယ်။ အဲဒီ အချိန်မှာ အဲဒီကလေးမလေး ခန္ဓာကိုယ်နဲ့ ကားနံရံနဲ့ မထိခိုက်မိအောင် ကျနော့် ခန္ဓာကိုယ်ကို ထိုးခံပေးမိရက်သား ဖြစ်နေခဲ့တယ်။ ကျနော့်ခန္ဓာကိုယ်နဲ့ ကားနံရံနဲ့ နဲနဲ အဆောင့်ခံလိုက်ရပေမဲ့ ဘာမှ မဖြစ်ခဲ့ပါဘူး။ ခရီးသည်အားလုံးလဲ ဘာမှ ထိခိုက် ဒဏ်ရာရကြတာ မရှိခဲ့ပါဘူး။ အားလုံး အိုကေပါဘဲ။ အဲဒီအကြောင်းလေး ပြန်စဉ်းစားမိရင်တော့ ကျနော် အတော်လေး ကျေနပ်ပီတိ ဖြစ်နေမိတယ်။ အမြဲတမ်း အဲဒီလိုဘဲ ဖြစ်သင့်တယ် မဟုတ်လား။ တာဝန်ယူစိတ်လေ။ ကာကွယ်ပေးလိုစိတ်ရောပေါ့။

ကဲ.. ပို့စ်လဲ အတော်လေး ရှည်သွားပြီ။ ပထမကတော့ တိုတိုလေးရေးမလို့ဘဲ။ ရေးရင်းနဲ့ ရှည်သွားတာ။ အဲဒီတော့ အထက်က ပြောခဲ့သလိုဘဲပေါ့။ ကျနော်တို့ လူသားတွေ အချင်းချင်း တာဝန်သိစိတ်၊ တာဝန်ယူစိတ်၊ ကူညီကာကွယ်ပေးလိုစိတ်တွေ အသီးသီး ရှိနေကြမယ်ဆိုရင် ကမ္ဘာကြီးကလဲ ကျန်းမာရေး ကောင်းနေဦးမှာပါဘဲ။ အဲဒီလို အသိစိတ်ဓါတ်တွေ ကင်းမဲ့ပြီး အချင်းချင်း ပုတ်ခတ်တိုက်ခိုက် နစ်နာစေကြမယ်ဆိုရင်တော့ ကမ္ဘာ့သက်တမ်းလဲ တိုတိုသွားမှာ သေချာပါတယ်။ ကျနော်တို့ အသုံးပြုနေတဲ့ ကွန်ပျူတာတောင်မှ အသုံးပြုတာ များလာရင် စက်တွေကြောင်လာတဲ့အတွက် ဖော်မက်ချ ၀င်းဒိုးပြန်တင် ဆော့ဝဲတွေ အင်စတောလုပ်ပြီး တစ်ကနေ ပြန်စကြရသေးတာ မဟုတ်လား။ ကျနော်တို့ ကမ္ဘာကြီးလဲ လူတွေ ညစ်ပတ်ဆိုးသွမ်းကြမ်းတမ်းနေကြမယ်ဆိုရင်တော့ သူလဲ အသစ်ကနေ ပြန် စကောင်း စပါလိမ့်မယ်။ အထူးသဖြင့် ရုပ်ဝတ္ထုအညစ်အကြေးတွေကို ကမ္ဘာကြီးက ခံနိုင်တယ်ထားဦး၊ လူတွေရဲ့ ညစ်ပတ်ရက်စက်ယုတ်မာတဲ့ စိတ်ဓါတ်တွေကိုတော့ သူ ခံနိုင်ရည် ရှိမှာ မဟုတ်ဘူး။ လေးလံလာမှာ သေချာတယ်။ ဒီတော့ ကမ္ဘာကြီးလဲ ဖော်မက်ချကောင်း ချနိုင်တာပေါ့။

(အခုဆို ကမ္ဘာကြီးလဲ ဗီဇာသက်တမ်းကုန်ခါနီး ကပ်သီးကလေးမှာဘဲ ဒီနေရာမှာ အက်စ်တင်းရှင်း လုပ်လိုက်နိုင်ပါပြီ။ သူတို့ပြက္ခဒိန်ကြီး ငွါးငွါးစွင့်စွင့် သီးပွင့်ပြန်ဦးမှာပါ။ ဘာတဲ့။ တကယ့်ကမ္ဘာက အခုမှ စ တာ ဆိုပါလား။ ပြောသာ ပြောရတယ်။ လူမျိုးကကိုမှ မာယာလူမျိုးဆိုတော့ သူတို့ စတီထွင်ထားခဲ့တဲ့ ပြက္ခဒိန်ဟာလဲ အမှန်အကန်တွေ ဖြစ်နိုင်ပါဦးတော့မလား။ လိမ်ညာလှည့်ဖျား မာယာများထားခဲ့ကြမှာ သေချာပါတယ်။)

ဘယ်လိုဘဲ ဖြစ်ဖြစ် လောကလူသားတွေအားလုံး တာဝန်ရှိတဲ့သူတွေ တာဝန်သိတတ်၊ တာဝန်ယူတတ်ပြီး အချင်းချင်း မေတ္တာရှေ့ထားကာ ရိုင်းပင်းကူညီ ဖေးမကာကွယ် စောင့်ရှောက်နေကြမယ်ဆိုရင်ဖြင့် သူမ (ကမ္ဘာကြီး) သေချာပေါက် ကျန်းမာသန်စွမ်း နေဦးမှာ မလွဲပါဘူး။

ကျနော်တို့ အနေနဲ့ကတော့ သူမ ကျန်းမာရှင်သန်ပါစေလို့ ဆုတောင်းပေးနေရုံမှတစ်ပါး................။

.

Friday, 14 December 2012

မသီတာက စခဲ့တဲ့.............

(ဒီပို့စ်လေးဖတ်ဖို့ ဖွင့်လိုက်ပြီး စခရိုးလ် အပေါ်အောက် လုပ်ကြည့်လိုက်တော့မှ အတော်ရှည်လျားတဲ့ ပို့စ်ဖြစ်နေမှန်း သိရတဲ့အတွက် ဒီလောက် ရှည်တာကြီးကိုတော့ မဖတ်ချင်တော့ပါဘူးဆိုပြီး မဖတ်ဘဲ ပြန်ပြေးသွားမှာ မြင်ယောင်နေမိသေးး))။ ဒါပေမဲ့ တစ်ဝက်လောက် ဖတ်လိုက်ရင် မသီတာ ကိစ္စက ပြီးသွားမှာပါ။ ကျန်တာက မင်းသမီးကိတ် ကိုယ်ဝန်ရခြင်းရဲ့ နောက်ဆက်တွဲတွေပါ)
....

ဒီနှစ် ဗြိတိန်မှာ ဆောင်းအ၀င်ကြမ်းတယ်။ မိုးအချုပ်မြန်တယ်။ အေးလိုက်တာလဲ လွန်ရောဘဲ။ အနှုတ်ဒီဂရီ ၄ လောက် ရှိနေပြီ။ ဒါတောင် အနှုတ် ၂၀ လောက် ဖြစ်လာဦးမယ်ဆိုလား။ ကွေးရပြီသာ မှတ်ပေတော့။ မနက်ပိုင်းတုန်းက နေကလေးသာပါတယ်ဆိုပြီး အ၀တ်သွားလှန်းထားတာ နေ့လည်ပိုင်းကျတော့ ရေခဲရိုက်အ၀တ်ဖြစ်ပြီး သားရည်ချပ်ကြီးလို ဂျပ်ကော့ကော့ကြီး ဖြစ်သွားတယ်။ နောက်ပြီး ဆောင်းရောက်ရင် အအေးဓါတ်နဲ့အတူ မိုးအချုပ်မြန်လာတယ်။ ညနေ ၄ နာရီဆို မိုးက ချုပ်ချင်နေပြီ။ အပြင်ထွက်ရမှာ ပျင်းနေရတဲ့အထဲ ရာသီဥတုက အအေးဓါတ်လွန်ကဲလေတော့ အိမ်ထဲမှာဘဲ အေးအေးဆေးဆေး စာအုပ်လေးဖတ်လိုက် တီဗီလေးကြည့်လိုက် စာလေး တစ်ကြောင်းနှစ်ကြောင်းရေးလိုက်နဲ့ အချိန်ကို သက်တောင့်သက်သာလေးဘဲ ကုန်စေလိုက်တယ်။ ဒီလိုနဲ့......

ည ၁၀ နာရီ ခန့်လောက်အချိန်မှာတော့.........

"ကလင် ကလင် ကလင်"

လိုရမယ်ရ ဖုန်းနှစ်လုံး ယူထားပေမဲ့ တစ်ရက်နေလို့မှ တစ်ခါ မလာတတ်တဲ့ ဖုန်းကို ဘယ်ကနေ ဘယ်သူ ညကြီးမင်းကြီး လာဆက်နေမှန်းမသိ။ ကြည့်လိုက်တော့ Unknown call.

"ဟလို ပြောပါ"

"သူကြီးမင်းလား မသိဘူး"

"ဟုတ်ပါတယ်"

"သမီး မသီတာပါ"

"အမ်..."

"မသီတာလေ မမှတ်မိဘူးလား။ သမီး အခု လန်ဒန်ရောက်နေတယ်"

"အမ်"....အာမေဍိတ်နဲ့အတူ.စဉ်းစားရချေပြီ။ သီတာဆိုတဲ့ နာမည်က အများသားကလား။ ဟို ရွာမြောက်ပိုင်းက ကွမ်းယာရောင်းရင်း ကြီးပွါးသွားတဲ့ ဦးတင်ဖေ့သမီး သီတာများလား။ အင်းးး သူ လုံးဝ မဖြစ်နိုင်ဘူး။ လွန်ခဲ့တဲ့ တစ်ပတ်ကမှ ရထားတဲ့ သတင်းအရ လွန်ခဲ့တဲ့ တစ်နှစ်လောက်က ကာလသားခေါင်း ကိုဖိုးလုံးနဲ့ အိမ်ထောင်ကျပြီး အခု ကလေးမျက်နှာမြင်နေလို့ မီးတွင်းကြီး ရောက်နေတယ်တဲ့။ ဒါဖြင့် ဟို ကိုစိန်မောင့် သမီး သီတာလေးများလား။ ကိုစိန်မောင်ကြီး အရက်မူးလာတိုင်း ပြဿနာရှာရှာနေတတ်လုိ့ စိတ်အညစ်ကြီး ညစ်နေရရှာတဲ့ သီတာလေး။ အင်း... သူလဲ လုံးဝမဖြစ်နိုင်ဘူး။ လန်ဒန်ကို မပြောနဲ့။ ရန်ကုန် ရွှေတိဂုံဘုရားကိုတောင် တစ်ခေါက်ထဲ ရောက်ဖူးတယ်တဲ့။ သူတို့မိသားစုက သိပ်ပြေလည်ကြတာ မဟုတ်။ ဒါဖြင့် ဟိုတစ်ယောက်များလား။ ဟိုမြို့က စက်ပိုင်ရှင်ကြီး ဦးဖိုးနီရဲ့ မြေးမလေး သီတာ။ ငယ်ငယ်တုန်းက အဲဒီမြို့မှာ ကျောင်းတက်ရင်း သီတာလေးကို ရိသဲ့သဲ့ လုပ်ခဲ့ဖူးတာကို ပြေးမြင်ယောင်မိပါရဲ့။ အဲဒီခေတ်တုန်းက အဆိုတော်လွှမ်းမိုးရဲ့ "အချစ်ရှုံးသမား ဒဿဂီရိ" ဆိုတဲ့ သီချင်းက ခေတ်အစားသားကလား။

"သီတာ....မင်းသမီးလေးကို.... လိုချင်..... တပ်မက်မောသူ... ရာမ.... မင်းသားလေးနဲ့.. မယှဉ်နိုင်.... အချစ်ပြိုင်ပွဲမှာ...."

အဲဒီသီချင်းအပိုဒ်ကလေးကို သူတို့အိမ်နားက ဖြတ်သွားမိတိုင်း မူရင်းနာမည်တွေ ဖယ်ထုတ်ပြီး သီတာ့နာမည် သူ့အဖိုး ဦးဖိုးနီနာမည် ပြီးတော့ ကျနော့်နာမည် (ကိုမောင်)ကို အစားထိုးထည့်ကာ မတိုးမကျယ် အော်ဟစ်ခဲ့ဖူးတာကို မှတ်မိနေသေး။

"သီတာ... ဖိုးနီမြေးကို.. လိုချင်.. တပ်မက်မောသူ....ကိုမောင်...မင်းသားလေးနဲ့...မယှဉ်နိုင်...အချစ်ပြိုင်ပွဲမှာ.."

အဲဒီလို အတိတ်ကို စဉ်းစားလို့ ကောင်းနေတုန်း.....

"သူကြီးမင်း... သမီးကြောက်တယ်။ သမီးကို လာခေါ်ပါ"

"ဟေ...."

"အင့်.. ဟင့်.. ဟင့်.. ဟင့်.. သမီး အရမ်းကြောက်တယ်။ သမီးကို လာခေါ်ပါ။ သမီးကို လာခေါ်ပါ"

အဲဒီလို ငိုသံတွေကို ကျနော်အကြောက်ဆုံး။ အထူးသဖြင့် မိန်းခလေး ငိုသံ။ ခန္ဓာကိုယ်တစ်ခုလုံးလဲ ဟိုနားက ယားလာသလိုလို ဒီနားက စစ်စစ် ကိုက်လာသလို ဟိုလိုလို ဒီလိုလိုနဲ့ နေထိုင်ရ အတော်ခက်။ ဘယ့်နှယ် ဘယ်က သီတာမှန်းလဲ မသိ။ ဘယ်မှာ သွားခေါ်ရမှန်းလဲ မသိ။ ပြီးတော့ ညကြီးမင်းကြီး။ ဖုန်းလိုင်းထဲမှာလဲ တအင့်အင့် တဟင့်ဟင့်နဲ့ ဆိုတော့ ဖနောင့်နဲ့ ကြမ်းပြင်ကိုဘဲ အသားကုန် ဆောင့်ပစ်လိုက်ရတော့မလိုလို ခေါင်းနဲ့ နံရံနဲ့ဘဲ ပြေးတိုက်ရတော့မလိုလိုနဲ့ တို့လို့ တန်းလန်းကြီး။

"ဒါနဲ့.. နေပါဦး။ ဘယ်ကနေ ဆက်နေတာလဲ"

"သမီး လန်ဒန်မြို့ထဲက ဆက်နေတာပါ။ အင့်ဟင့်ဟင့်.. အရမ်းကြောက်တာဘဲ။ အနားမှာ ဘယ်သူမှလဲ မရှိကြဘူး။ သမီး ကြောက်လွန်းလို့ သေရတော့မယ်ထင်တယ်။ သမီးကို လာခေါ်ပါ သူကြီးမင်းရယ်... နော်"

"ဒါနဲ့.. ညည်းက ကျုပ်ကို သိလို့လား"

"သူကြီးမင်းကလဲ အရေးထဲ ပုလိပ်စစ် စစ်နေသေးတယ်။ သူကြီးမင်းကို မသိဘဲ နေပါ့မလား။ အသားဖြူဖြူ ရုပ်ချောချော ခန့်ခန့် မျက်နှာက မချိုမချဉ်နဲ့လေ"

ဖြူဖြူချောချောခန့်ခန့်ဆိုတော့ ဒီကောင်မလေး ငါ့ကို အမှန်အတိုင်းမြင်တတ်သားဘဲလို့ စိတ်ထဲတွေးပြီး ကျေနပ်မိလိုက်သေးတယ်။း) ပြီးတော့ မျက်နှာက မချိုမချဉ်နဲ့တဲ့။ မချိုမချဉ်ဆိုတာ ဘယ်လိုမျိုးမျက်နှာကို ဆိုလိုမှန်း မသိပေမဲ့ မစပ်မဆိုင် ဟို စလုံးက ဘလော့ဂါပိစိလေး ချိုချဉ့်မျက်နှာကိုတော့ ပြေးမြင်ယောင်မိလိုက်သေး။

"ဒါဖြင့်ပြော.. လန်ဒန် ဘယ်အနားမှာ ရောက်နေတာလဲ။ အခု လာခေါ်မယ်"

"အင့်.. ဟင့်.. ဟင့်... ဘယ်သိပါ့မလဲလို့..။ လာခေါ်ပါဆိုမှ လူကို မေးနေသေးတယ်။ နေရာသိရင် သူကြီးမင်းကိုတောင် ဖုန်းမဆက်ဘူး။ သမီးဖာသာ သွားချင်တဲ့နေရာကို သွားပြီးပြီ။ အမလေး ချမ်းလဲ အရမ်းချမ်းသာဘဲ။ သူကြီးမင်းရယ် ကယ်ပါဦး။ ဂတ် ဂတ် ဂတ် (မေးရိုက်သံ)"။ ( လွမ်းလဲ အရမ်း လွမ်းတာဘဲလားလို့ ဘာဖြစ်လို့ မမေးဖြစ်လိုက်မှန်းမသိ)။

သူ့ခမျာ မြို့ထဲမှာ တစ်ယောက်ထဲ။ ညကြီးမင်းကြီး။ ပြီးတော့ မိန်းခလေး။ အတော်လေး ချမ်းပြီး တော်တော်လေးလဲ ကြောက်နေလောက်ပြီ။ ငါ သွားကယ်မှ ဖြစ်မယ်။ နို့မဟုတ်ရင် " မြန်မာမလေး တစ်ယောက် လန်ဒန်မြို့ထဲ ပျောက်ဆုံးသွားခြင်း" ဆိုတဲ့ သတင်းခေါင်းကြီးပိုင်းပါလာမှ ယူကြုံးမရ ဖြစ်နေဦးမယ်။ နို့.. နေပါဦး။ သွားခေါ်တာတော့ ဟုတ်ပါပြီ။ ခေါ်ပြီး ဘယ်နား သွားထားမလဲ။ သူ့ဖာသာ လန်ဒန်ရောက်နေတာ ကြာနေပြီး အခုမှ မျက်စိလည်လမ်းမှားတာဆို သူ့အိမ် လိုက်ပို့ပေးလိုက် အဆင်ပြေသေးတယ်။ တော်ကြာ ဒီနေ့မှ လန်ဒန်ရောက်လာပြီး မြို့ထဲမှာ ခရီးသွားအိတ်တွေနဲ့အတူတူ ယောင်လည်လည် ဖြစ်နေတာဆို ဒုက္ခ။ အိမ်ကို ခေါ်လာရအောင်ဆိုလဲ အိမ်မှာက အခန်းပို မရှိ။ ရှိတဲ့ အခန်းပိုကလဲ ဧည့်သည်တစ်ယောက်က နေရာဦးထားပြီးပြီ။ ကျနော့်အခန်းထဲ အိပ်ခွင့်ပြုလိုက်ရင်လဲ မဖြစ်။ ညဉ့်နက်သန်းကောင် အိပ်မက်ယောင်ပြီး ကြောက်တယ် ကြောက်တယ် အော်နေမှဖြင့် သွားပြီ။ ကဲပါလေ။ သူ့ခမျာလဲ ဒုက္ခရောက်နေတာဆိုတော့ ကယ်တင်ကောင်းပါတယ်။ ခေါ်လာပြီး နီးစပ်ရာ ဟိုတယ်တစ်ခုခု ပို့ပေးလိုက်ရင် အဆင်ပြေသွားမှာပါ။

"ကဲ.. အခု လာခေါ်မယ်။ ဘယ်အနားမှာ ရှိနေသလဲဆိုတာကိုသာ ပြော"