ရောပြွမ်းကမ္ဘာ

နေသည် ပူပြင်း၏။ လောင်ကျွမ်း၏။ တောက်ပ၏။ ပြင်းထန်၏။ တက်ကြွ၏။
စမ်းရေသည် အေးမြ၏။ အေးချမ်း၏။ ကြည်လင်၏။ ပြတ်သား၏။ တည်ငြိမ်၏။

ဒေါသသည် နေနှင့်တူ၏။ မေတ္တာသည် စမ်းရေနှင့်တူ၏။
ဒေါသ၏ သဘောသည် ပူပြင်းလောင်ကျွမ်း၏။ မေတ္တာ၏ သဘောသည် ကြည်လင်အေးမြသော သဘောရှိ၏။ ဒေါသသည် ပြုလုပ်ကျူးလွန်ပြီးသောအခါ၌ နောင်တဖန်ပူလောင်စေ၏။ အရှက်ကို ဖြစ်ပေါ်စေတတ်၏။ ထို့အတူ မေတ္တာသည် ဖြစ်ဆဲကာလ၌လည်းကောင်း ဖြစ်ပြီးကာလ၌လည်းကောင်း အေးမြသောအသွင်ကိုဆောင်၏။ စိတ်ကို ငြိမ်းချမ်းစေ၏။

သဲကန္တာရခရီးကြမ်းသည် နေ့အခါ၌ တရှိန်းရှိန်းပူလောင်၏။ သံလျပ်တို့ဖြင့်အတိပြီး၏။ သဲမှုန်တို့ဖြင့် ပြည့်နှက်နေ၏။
အိုအေစစ်သည် တမြမြအေးချမ်း၏။ တစိမ့်စိမ့်ငြိမ်းအေး၏။ အမောကို ပြေပျောက်စေ၏။

ဒေါသသည် နေ့အခါ၌ဖြစ်ပေါ်သည့် သဲကန္တာရခရီးကြမ်းနှင့်တူ၏။
မေတ္တာသည် အိုအေစစ်စိမ့်စမ်းနှင့်တူ၏။
ဒေါသဖြစ်နေသောသူ၏စိတ်သည် ကြမ်းတမ်းနေတတ်၏။ ယောက်ယက်ခတ်နေတတ်၏။ ဗျာများနေတတ်၏။ လှုပ်ရှားနေတတ်၏။ အမှားအမှန်ကို မစဉ်းစားတတ်။
မေတ္တာတရားလက်ကိုင်ထားသူ၏စိတ်သည် ပျော့ပျောင်း၏။ တည်ငြိမ်၏။ အေးဆေး၏။ တည်ကြည်၏။ အမှားအမှန်ကို ကောင်းကောင်းခွဲခြားသိနိုင်၏။

လူတိုင်း ဒေါသ၏ ဆိုးပြစ်ကိုလည်းကောင်း မေတ္တာ၏ ကောင်းကျိုးကိုလည်းကောင်း ကျကျနနသိရှိကြ၏
ပူလောင်ခြင်း အေးမြခြင်းသဘောတရားတို့ကို သီအိုရီအနေဖြင့် နားလည်ကြ၏။ ဒေါသနှင့် မေတ္တာတို့၏ လုပ်ဆောင်မှုသဘောကိုလည်း သဘောပေါက်ကြ၏။ ထို့ကြောင့် ဒေါသကို ပယ်သတ်ပြီး မေတ္တာကို မွေးမြူချင်ကြ၏။

သို့သော် ဒေါသသည် မာယာအရမ်းများ၏။ တခါတရံ ကောဓ(အမျက်ထွက်ခြင်း)အနေနဲ့ အလည်လာ၏။ တခါတခါ ပဋိဃ(ကြမ်းကြုတ်ခြင်း)အဖြစ်ဖြင့် ချဉ်းကပ်လာတတ်၏။ တခါတခါ၌မူ ဘယ(ကြောက်ခြင်း)ပုံစံဖြင့် ၀င်ရောက်လာတတ်၏။ ဘယ်ပုံဘယ်နည်းနှင့်လာသည်ဖြစ်စေ ဒေါသသည် ဒေါသပင်ဖြစ်၏။ မေတ္တာမဖြစ်နိုင်။ ဒေါသကို ရှောင်ရှားရင်း ဒေါသနှင့်ချည်း ရင်ဆိုင်နေရတတ်၏။ မတွေ့ချင်သော သူကိုမှ တိုက်တိုက်ဆိုင်ဆိုင် ဒဲ့ဒိုး တွေ့ရတတ်သကဲ့သို့ဖြစ်၏။

ကျွန်ုပ်တို့ သာမန်ပုထုဇဉ်လူသားကို မဆိုထားဘိ လေးသင်္ချေနှင့်ကမ္ဘာတစ်သိန်းပါရမီဖြည့်ခဲ့သော ဂေါတမဘုရားအလောင်းသည် ပါရမီပြည့်သော ဝေဿန္တာမင်းလက်ထက်၌ပင် ဒေါသကို ရှောင်ကွင်းရင်း ဒေါသနှင့်ပက်ပင်းတွေ့ခဲ့ရပေသေး၏။ သားသမီးကို အလှူခံလာသော ဇူဇကာပုဏ္ဏားသည် ရေစက်ခံယူပြီး အလှူခံပြီးသောအခါ မင်းကြီးရှေ့ ၌ပင် မင်းကြီး၏ သားသမီးများကို ကြိုးဖြင့်တုတ်၏။ တုတ်ဖြင့်ရိုက်၏။ ပါးစပ်ဖြင့် ဆဲဆို၏။ ကြိမ်းမောင်း၏။

ရေစက်ချလှူပြီးသော အလှူပစ္စည်းသည် ထွေးပြီးသော တံတွေးနှင့် ဥပမာတူ၏။ ဝေဿန္တရာမင်းကြီးသည် သူ၏သားသမီးများဖြစ်သော ဇာလီနှင့်ကဏှာဇိန်တို့ကို ဇူဇကာပုဏ္ဏားကြီးအား ရေစက်ချလှူဒါန်းခဲ့ပြီးဖြစ်၏။ ထို့ကြောင့် သူ၏သားသမီးများသည် ထွေးပြီးသား တံတွေးနှင့်တူ၏။ အနည်းငယ်မျှ တွယ်ငြိစရာမလို။
သို့သော်... သားသမီးသည် သားသမီးပင်ဖြစ်၏။ မိဘသည် မိဘပင်ဖြစ်၏။ မိဘသည် သားသမီးများအား ကိုယ့်အသက်လောက် ချစ်ခင်တတ်ကြ၏။ သားသမီးနေမကောင်းဖြစ်လျင် မိဘနေမကောင်းသကဲ့သို့ ဖြစ်၏။ သားသမီးနာကျင်နေလျင် မိဘများ နာကျင်နေတတ်၏။ ဓမ္မတာပင်တည်း။

ဝေဿန္တရာမင်းကြီးသည် သူ၏သားသမီးများအား နှိပ်စက်နေသည်ကို မြင်သည့်အခါ နှလုံးသည်းပွတ်ထဲထိ နာကျင်၏။ အသဲကွဲလုမတတ် ကြေကွဲရ၏။ အရှင်လတ်လတ် တံကျင်လျှိုခံရသကဲ့သို့ ပူလောင်၏။ ထို့ကြောင့် လက်စွဲတော် သန်လျက်ကို သန်လျက်အိမ်အတွင်းမှ ဆွဲထုတ်လိုက်၏။ ဇူဇကာပုဏ္ဏားအား အပိုင်းပိုင်း ပိုင်းသတ်ရန် ကြံစည်၏။ စဉ်းစား၏။ တွေးတော၏။ ထိုနည်းအားဖြင့် ဒေါသ၏ အနုသယအဆင့်နှင့် ပရိယုဋ္ဌာနအဆင့်ကို မင်းကြီးကိုယ်တိုင် ကျူးလွန်ခဲ့၏။ သို့သော် နောက်ဆုံးဖြစ်သော ၀ီတိက္ကမအဆင့်သို့ မရောက်ခဲ့။ သတိချွန်းဖြင့် သူ၏ဒေါသကို ပိုင်ပိုင်နိုင်နိုင်ကြီး အုပ်နိုင်ခဲ့၏။

လူတိုင်း၌ရှိသော စိတ်သည် ပကတိအားဖြင့် ဖြူစင်၏။ စင်ကြယ်၏။ သန့်ရှင်း၏။
သို့သော် စိတ်သည် အမြဲတမ်းအရောင်ဆိုးခံရ၏။ စေတသိက်တို့၏ ခြယ်လှယ်မှုနောက် တကောက်ကောက် လိုက်ပါရရှာ၏။ စေတသိက်က မဲသွားလျင် သူပါလိုက်ပြီး အမဲဖြစ်ရ၏။ စေတသိက်က ဖြူပြန်လျင် သူပါလိုက်ပြီး အဖြူဖြစ်ရပြန်၏။ ဖြူစင်သန့်ရှင်းသည့် ပိတ်စပေါ်၌ ရောင်စုံဆေးရေးပန်းချီကား တစ်ချပ် ရေးဆွဲထားသကဲ့သို့ပေတည်း။

ဒေါသသည် အမဲဖြစ်၏။ မေတ္တာသည် အဖြူဖြစ်၏။
အမဲရှိမှ အဖြူသည် ပိုထင်ပေါ်၏။ အဖြူနှင့်ယှဉ်မှ အမဲသည် ပိုသိသာ၏။ အမြဲတမ်းဖြူနေလျင် အမဲ၏ သဘောကို မသိနိုင်။ အမြဲတမ်း မဲနေပြန်လျင်လည်း အဖြူ၏ အဆင်းကို နားမလည်နိုင်။ မွေးရာပါ မျက်စိကန်းနေသော လူတစ်ယောက်ကဲ့သို့ဖြစ်ပေ၏။

အချုပ်ဆိုရသော်
ဒေါသသည် ပူလောင်သော သဘောကို ဆောင်၏။ မေတ္တာသည် အေးမြသော အသွင်ကို ယူ၏။ အပူနှင့်ယှဉ်မှ အအေးသဘောကို ပိုသိနိုင်၏။ အအေးနှင့်တိုင်းတာမှ အပူ၏ သဘာဝကို ပိုသဘောပေါက်နိုင်၏။ ဒေါသအားကြီးသောသူသည် အပူကန္တာရခရီးခဲကို ဖြစ်သန်းလာ၍ မောပန်းနေခိုက် ရင်ဘတ်ကို ဆောင့်အကန်ခံရသကဲ့သို့ ပူလောင်နာကျင်တတ်၏။ မေတ္တာဓါတ်အားများသူသည် အိုအေစစ်မှ အပြန် မဒီကညာအချောအလှလေးက အောင်သပြေပန်းနှင့် လက်ကမ်းကြိုသကဲ့သို့ အေးမြကြည်နူးရတတ်၏။
သို့သော် ကျွန်ုပ်တို့ ပုထုဇဉ်လူသားတိုင်းသည် အပူချည်းသက်သက်လည်း မဖြစ်နိုင်။ ထို့အတူ အအေးချည်းသက်သက်လည်း မဖြစ်နိုင်ပေ။ အပူအအေး ရောနှောနေသော ရောပြွမ်းကမ္ဘာထဲမှာ ကျင်လည်ကျက်စားနေကြခြင်းပင်ဖြစ်၏။ ထို့ကြောင့် ဤကမ္ဘာကို ရောပြွမ်းကမ္ဘာဟု ကျွန်ုပ်ကိုယ်တိုင် ကဗျည်းတပ်လိုက်ခြင်းပင်ဖြစ်ပေတော့၏။

..............

အင်္ဂလန်နိုင်ငံလုံးဆိုင်ရာ ဗုဒ္ဓနေ့မှတ်တမ်းအချို့ 

အင်္ဂလန်နိုင်ငံဆိုင်ရာ ဗုဒ္ဓနေ့ပူဇော်ပွဲကို ဒီနေ့ (၃၊၅၊၀၉ တနင်္ဂနွေ့)မှာ အင်္ဂလန်နိုင်ငံရှိ မြန်မာရဟန်းသံဃာတော်များနှင့် လူပုဂ္ဂိုလ်များ ပူးပေါင်းကာ စည်ကားသိုက်မြိုက်စွာ ကျင်းပခဲ့ကြပါတယ်။
ကျင်းပခဲ့တဲ့နေရာကတော့ လန်ဒန်မြို့ အီးလင်းခန်းမမှာ ဖြစ်ပါတယ်။

မနက် ၁၁ နာရီမှာ ရဟန်းသံဃာတော်များအား အီးလင်းခန်းမမှာဘဲ နေ့ဆွမ်းဆက်ကပ်လှူဒါန်းပါတယ်။
နေ့လည် ၁၂ နာရီခွဲမှာ ဗုဒ္ဓနေ့အခန်းအနားကို နမောတဿ သံပြိုင်ရွတ်ဆိုပြီး ဖွင့်လှစ်ပါတယ်။
အဲဒီနောက်မှာတော့ ရဟန်းသံဃာတော်များက ဘုရားအနေကဇာတင်တော်မူကြပါတယ်။
ဆက်လက်ပြီးတော့ ငါးပါးသီလခံကြတယ်။ လူငယ်မောင်မယ်များက ကဗျာရွတ်ဆိုကြတယ်။ ပါဝါပွိုင့်သုံးပြီး ဗုဒ္ဓနေ့အကြောင်းရှင်းပြတယ်။ ရှစ်ဆယ်ပေါ်တေးထပ်နဲ့ပူဇော်တယ်။

လန်ဒန်ဝိဟာရဆရာတော်ကဗုဒ္ဓနေ့အကြောင်းရှင်းပြပြီး ၀တ်အသင်းသားများက ရှစ်လုံးဘွဲ့ကဗျာရွတ်ဆိုပူဇော်ကြပါတယ်။ သာသနရံသီဆရာတော်က ကျေးဇူးတင်စကားနှင့်မြန်မာနိုင်ငံနာဂစ်နှစ်ပတ်လည် ဆုတောင်းပွဲအကြောင်းဟောပြောပြီး ၃ မိနစ်ခန့် တိတ်ဆိတ်စွာ မေတ္တာပို့သကြပါတယ်။ မင်းကွန်းဆရာတော်ဘုရားကြီးအရပ် ၁၀ မျက်နှာမေတ္တာပို့လင်္ကာများကို စုပေါင်းညီညာ ရွတ်ဆိုပူဇော်ကြပါတယ်။ အဲဒီနောက် ရေစက်ချ အမျှပေးဝေကြပါတယ်။

လန်ဒန်မောင်မယ်များက ဗုဒ္ဓ၀င်ဖွားတော်မူခန်းဇာတ်ထုတ်ကို ကပြအသုံးတော်ခံအပြီးမှာ သံဃဒါနဆွမ်းဆန်လောင်းလှူကြပါတယ်။ နောက်ဆုံးမှာ စုပေါင်းဓါတ်ပုံရိုက်ကြပြီး အင်္ဂလန်ဆိုင်ရာဗုဒ္ဓနေ့ကို အဆုံးသတ်လိုက်ကြပါတယ်။ ညနေ လေးနာရီခွဲခန့် အခန်းအနားအစီအစဉ်အားလုံးပြီးဆုံးပါတယ်။
...........................



ပရိတ်တနားနာယူနေကြသည့် ပရိသတ်များ။ (အပြင်ဘက်၌လည်း လူများစွာရှိသေး၏)

အလောင်းတော်သိဒ္ဓတ္ထမင်းသားဖွားမြင်တော်မူခန်း (ဇာတ်ထုတ်)
***********

မယ်တော်မာယာမိဖုရားကြီး ပဋိသန္ဓေရှိကြောင်းဖွင့်ပြောနေပုံ။


သုဒ္ဓေါဒနမင်းကြီးသည် မဟာမာယာဒေ၀ီမိဖုရားကြီးထံမှ ပဋိသန္ဓေရှိနေကြောင်းကြားရ၍ မယုံနိုင်အောင်ဖြစ်နေပုံ။


မဟာမာယာဒေ၀ီဝမ်းကြာတိုက်က ကလေးလေးအား ပုဏ္ဏားများကို ဖိတ်ကြားကာ ဗေဒင်ဟောကြားတော်မူစေပုံ။


သုဒ္ဓေါဒနမင်းကြီး၏ ဗကဘိုးဘိုးကြီးသည် ဒေ၀ဒဟပြည်သို့ သွားရောက်ကာ ဒေ၀ဒဟပြည့်ရှင် ဘုရင်သုပ္ပဗုဒ္ဓအား သူ၏နှမတော် မဟာမာယာဒေ၀ီ၌ ကိုယ်ဝန်ရှိနေကြောင်းလျောက်ကြားနေပုံ။ သို့သော် သုပ္ပဗုဒ္ဓဘုရင်က သူ့နှမ သက်တော်ကြီးပြီဖြစ်၍ လုံးဝယုံကြည်မှု မရှိနေပုံ။


ဗကဘိုးတော်အား ဘုရင်သုပ္ပဗုဒ္ဓက အကြံအဖန်ထင်မှတ်၍ မောင်းထုတ်အပြီးမှာ သုပ္ပဗုဒ္ဓဘုရင်၏ ၀န်ကြီးများက ဗကဘိုးဘိုးကြီးအား နှစ်သိမ့်နေပုံ။


မဟာမာယာဒေ၀ီမိဖုရားကြီး ဒေ၀ဒဟပြည်သို့သွားချင်သည့် ချင်ခြင်းတပ်ကြောင်း ဘုရင်သုဒ္ဓေါဒနမင်းကြီးအား သံတော်ဦးတင်ပုံ။


နှမတော်ပဇာပတိဂေါတမီနှင့်အတူ မင်းခန်းမင်းနားဖြင့် မဟာမာယာဒေ၀ီ ဒေ၀ဒဟသို့ သွားနေပုံ။


ကပိလ၀တ်ပြည်နှင့်ဒေ၀ဒဟပြည်အကြားရှိ လုမ္ဗိနီအင်ကြင်းတော၌ အင်ကြင်းကိုင်းကိုင်ပြီး မဟာမာယာဒေ၀ီသည် အလောင်းတော်သိဒ္ဓတ္ထမင်းသားလေးအား ဖွားမြင်နေပုံ။
(အင်ကြင်းကိုင်းမရှိ၍ နှင်းဆီပန်းကို အသုံးပြုထားသည်)


မင်းသားကလေးသည် ဖွားမြင်ချင်းချင်း ခုနစ်ဖ၀ါးကြွလှမ်းကာ ငါသည် လောက၌ အမြတ်ဆုံး အသာဆုံး အကြီးဆုံးဟု စကားသုံးခွန်းကြွေးကြော်နေပုံ။


အလောင်းတော်မင်းသားလေးအားကြည့်ရှုပြီး အရိုအသေပြုနေကြပုံ။ (ဤနေရာ၌ ဖွားတော်မူခြင်း ဇာတ်ထုတ် အပြီးရောက်သည်။ နောက်နှစ်၌ ကျန်ရှိနေသော အပိုင်းကို ဆက်ကမည်ဟု မျှော်လင့်ရ၏)


ဤကဲ့သို့ ဇာတ်ထုတ်၌ပါဝင်သရုပ်ဆောင်သူများ အားလုံး ပရိသတ်ရှေ့ ထွက်ပြပြီး နှုတ်ဆက်စကားဆိုကြ၏။


လန်ဒန်မြို့ အီးလင်းခန်းမမှာ ကျင်းပတဲ့ အင်္ဂလန်နိုင်ငံလုံးဆိုင်ရာ ဗုဒ္ဓနေ့ဟာ ရွှင်လန်းကြည်နူး နှစ်သက်ဝမ်းမြောက်စရာ အပြည့်ဖြစ်ခဲ့ပါတယ်။ ရာသီဥတုကလဲ သာသာယာယာ အခန်းအနားကို တက်ရောက်လာကြတဲ့ ရဟန်းရှင်လူအားလုံးတို့ရဲ့  စိတ်အစဉ်တွေကလဲ အေးအေးချမ်းချမ်းရှိခဲ့ကြပါတယ်။
ရေမြေခြားပေမဲ့ မြန်မာတို့ရဲ့  စိတ်ဓါတ်အစစ်အမှန်ဟာ မြန်မာ့ယဉ်ကျေးမှု မြန်မာတို့ရဲ့  ဗုဒ္ဓသာသနာကို ဘယ်လောက်ထိ ချစ်မြတ်နိုးနေကြတယ်ဆိုတာ ဒီအင်္ဂလန်နိုင်ငံလုံးဆိုင်ရာ ဗုဒ္ဓနေ့က သက်သေပြလို့ နေပါတော့တယ်ခင်များ။

ဗုဒ္ဓဘာသာ သာသနာ ရောင်ဝါနေထက် လင်းစေသော်။ ။

......

ဗုဒ္ဓနေ့ဆုတောင်း

ဒုက္ခတွေ့မှ ဗုဒ္ဓနေ့ကို သတိရတယ်ဘဲပြောပြော
ကျုပ်က
ရုပ်ဝါဒသမားမဟုတ်ဘူးလေ။


နှုတ်ကနေ ဒုက္ခလို့ ရေရွတ်ပြီး
လုပ်သမျှတွေ
အပုပ်ချစရာချည်း မဖြစ်စေချင်ပါဘူး။


မကြည်လင်တာတွေ ကြည်လင်လာအောင်
မပီပြင်တာတွေ ပီပြင်လာအောင်
မမှီနိုင်တာတွေ မှီလာအောင်
ဒီဗုဒ္ဓနေ့က
ကျုပ်တို့ကို လမ်းပြနေမှာပါ။


ဖွားမြင် ဖြစ် စံ ဗျာဒိတ်ခံ တဲ့
အမှန်အဟုတ် သန္တာန်သရုပ်
အကြံအဖန်မဟုတ်ပါဘူး
အမှန်အကန် ဗုဒ္ဓနေ့ပါ။


အလုပ်ရှုပ်ကြပေမဲ့
ဗုဒ္ဓနေ့ကိုတော့ မမေ့ကြပါဘူး
အဲဒါ
ကျုပ်တုိ့ (ချစ်စရာ့) မြန်မာ့ဓလေ့လေ။


လပြည့်ကဆုန်ဟာ ဗုဒ္ဓနေ့
ကျုပ်တို့ မမေ့ကြပေမဲ့
အလုပ်တွေ ရွှေ့ ဆိုင်းလို့မရတာကြောင့်
လ၀ိုင်းဝိုင်းပြည့်တဲ့နေ့မှာ မကျင်းပနိုင်ကြဘူး။


သို့သော်ငြားလည်း
နိုးနိုးကြားကြား ကြိုးကြိုးစားစား
ရိုးရိုးသားသား မြန်မာ့တိုင်းရင်းသားတွေ
လန်ဒန်မြေမှာ
ဒီနေ့ ကြိုတင်ကျင်းပပြီး
ဝင်းပပ မျက်နှာတွေနဲ့
နှလုံးသားလေးတွေ အဆင်းလှနေကြလေရဲ့ ။


ဗုဒ္ဓနေ့ကို ဦးတည်ပြီး
မျက်ရည်ပြည့်နှက်နေသူများ
အခက်ပွေမှုမှ လွတ်မြောက်နိုင်ကြပါစေကြောင်း
ဒုက္ခဝေဒနာ လွှမ်းခြုံခံရသူများ
သုခမင်္ဂလာ လွှမ်းရုံနိုင်ကြပါစေကြောင်း
အယူသည်းသူများရဲ့  အပူမီးများ
ယူပြီး လွင့်ပစ်လိုက်သလို ကင်းပျောက်အေးငြိမ်းနိုင်ကြပါစေကြောင်း
ထို့ပြင်တစ်ဝ
ဗုဒ္ဓဘာသာ သာသနာ့အရောင်သည်
ကမ္ဘာတည်သရွေ့  အပီအပြင် တည်ရှိနိုင်ပါစေကြောင်း
ထပ်လောင်းမေတ္တာ စေတနာဖြင့်
အသေအချာ တောင်းဆုပြုလိုက်ရပါ၏။ ။

....

ဧရာဝတီ ရန်ကုန် အာဇာနည်နေ့

မနှစ်က ဒီအချိန်၌ ကမ္ဘာပျက်၏။ ကြယ်တွေကြွေ၏။ ပန်းပွင့်များ ကြွေမွပျက်စီး၏။ ကိန္နရီကိန္နရာ ချောင်းခြား၏။
ထိုကမ္ဘာသည်ကား သာရကမ္ဘာလည်းမဟုတ်။ မဏ္ဍကမ္ဘာလည်းမဟုတ်။ သာရမဏ္ဍကမ္ဘာလည်းမဟုတ်။ သုညကမ္ဘာလည်းမဟုတ်။ ထို့အတူ ဘဒ္ဒကမ္ဘာလည်းမဟုတ်။

ထိုကမ္ဘာသည် အမေရိကတိုက်မှာလည်းမဟုတ်။ ဥရောပတိုက်မှာလည်းမဟုတ်။ အာဖရိကတိုက်မှာလည်းမဟုတ်။ သြစတေးလျတိုက်မှာလည်းမဟုတ်။ ထိုကမ္ဘာသည် အာရှတိုက်က ကမ္ဘာဖြစ်၏။ အာရှတိုက်က ကမ္ဘာဖြစ်သည့်တိုင် ဂျပန်နိုင်ငံမှာ မဟုတ်။ အိန္ဒိယနိုင်ငံမှာလည်းမဟုတ်။ ကိုရီးယားနိုင်ငံမှာလည်းမဟုတ်။ မြန်မာနိုင်ငံမှာဖြစ်၏။

မြန်မာနိုင်ငံမှာမှ အထူးအားဖြင့် ဧရာဝတီကမ္ဘာဖြစ်၏။ ရန်ကုန်ကမ္ဘာဖြစ်၏။ ကမ္ဘာပျက်သောကြောင့် မိသားစုကြယ်စင်အုပ်များ မကြွေချင်ဘဲ ကြွေချိန်မတန်ဘဲ ကြွေကြရ၏။ အနာဂါတ်သားကောင်းသမီးကောင်း ပန်းရတနာလေးများ ကြွေချိန်မရောက်သေးခင် ကြွေကျကြွေမွပျက်စီးကြရ၏။ ကြင်နာမှုအပြည့် တွယ်တာမှုအပြည့်ရှိကြသည့် ဇနီးခင်ပွန်းများ မခွဲချင်ဘဲ မကွဲချင်ဘဲ သေကွဲကွဲကြရ၏။

ထိုကမ္ဘာသည် ဗုဒ္ဓစာပေ၌လာသော မီးခုနစ်ကြိမ် ရေတစ်ကြိမ်အားဖြင့် ခုနှစ်ကြိမ်တိတိပြည့်သောအခါ နောက်ဆုံး လေဖျက်၍ ပျက်ရခြင်းမျိုးမဟုတ်။ တစ်ညတည်း၌ နာဂစ်မုန်တိုင်းမွှေနှောက်လိုက်သည့်အတွက် ပျက်ရခြင်းဖြစ်၏။ နာဂစ်ကြောင့် ဧရာဝတီကမ္ဘာပျက်၏။ ရန်ကုန်ကမ္ဘာပျက်၏။ အခြားကမ္ဘာများလည်း အနည်းငယ်ပျက်စီး၏။ ထိခိုက်ဒဏ်ရာရပြီး ကြယ်များကြွေကြရ၏။ ရေနစ်ပြီး အနာဂါတ်ပန်းကောင်းလေးများ ပျက်စီးကြရရှာ၏။

လောကကြီးကား တရားမျှတမှုကို လုံးဝမပေး။ မြန်မာပြည်၌ ကမ္ဘာပျက်နေစဉ် ကျွန်ုပ်တို့သည် အင်္ဂလန်၌ နှစ်ခြိုက်စွာ နှစ်သက်စွာ အိပ်မောကျနေကြ၏။ မြန်မာပြည်၌ နာဂစ်ဓါးစာခံများ အမှောင်ထုတွင်း ဟိုဟိုဒီဒီ ကြိုးစားပြေးလွှားရင်း အသက်လုပွဲဆင်နွှဲနေခိုက် ကျွန်ုပ်တို့သည် လန်ဒန်၌ စိတ်ကူးယဉ် အိပ်မက်ကောင်းကောင်းလေးများကို ရှယ်မက်နေကြ၏။ မြန်မာပြည်၌ နာဂစ်ဒုက္ခသည်များ ရွှံ့ နွံတွေကြား ခြုံဖုတ်တွေကြား ဒိုက်တွေကြား ဆင်းဆင်းရဲရဲ လဲလျောင်းနေကြခိုက် ကျွန်ုပ်တို့သည် ယူကေ၌ မွေ့ယာထက်မှာ ဇိမ်ကျကျ အိပ်စက်အနားယူနေကြ၏။

သမိုင်း၌ ကျဆုံးမှုပေါင်းများစွာရှိခဲ့ဖူး၏။ လူအများ အုပ်စုလိုက်သေကျေကြသည်များရှိခဲ့ဖူး၏။
စစ်ပွဲရှေ့ စစ်မျက်နှာပြင်၌ အသေခံဗုန်းဒဏ်ကြောင့် အများအပြား သေကြေပျက်စီးခဲ့ကြသည်များရှိခဲ့၏။ ထိုသတင်းများကို ကြားခဲ့မှတ်ခဲ့ ဖတ်ခဲ့ကြည့်ခဲ့ရသည့်အတွက် ကျွန်ုပ်တုန်လှုပ်ခြောက်ခြားခဲ့ဖူး၏။ သို့သော် နာဂစ်မုန်တိုင်းကြောင့် နာရီပိုင်းအတွင်း လူများ ထောင် သောင်း သိန်း သေဆုံးရသည့် သတင်းကို ကြားလိုက်ရသည့်အခါ၌မူ ကျွန်ုပ်၏ တုန်လှုပ်ခြောက်ခြားမှုသည် အမြင့်ဆုံးအဆင့်သို့ရောက်သွား၏။ အထွတ်အထိပ်သို့ ရောက်ရှိသွား၏။

စစ်ပွဲ၌ အသက်စွန့်လွတ်ရခြင်းသည် အဓိပ္ပါယ်ရှိ၏။ အငြိုးအတေးကြောင့် ရန်တုန့်ပြန်လိုက်သည့်အတွက် သေကြကျေကြမှုသည် အဓိပ္ပါယ်ပြည့်ဝ၏။ သို့သော် ယခုနာဂစ်သည် တမင်သက်သက် ရက်စက်ခြင်းမျှသာ ဖြစ်၏။ အပြစ်မဲ့သူတို့ကို မတရားအနိုင်ယူသတ်ဖြတ်၏။ ထို့ကြောင့် နာဂစ်ကို ကျွန်ုပ်မုန်း၏။ နာဂစ်ဆိုသည့် အသံကိုမျှ ကျွန်ုပ်မကြားလို။ နာဂစ်ကို မေ့အောင်ကြိုးစား၏။ ပစ်ပယ်ထားလိုက်၏။ ကြဉ်ဖယ်ထားလိုက်၏။ သို့သော် နာဂစ်ဆိုသည့် ဝေါဟာရသည် ကျွန်ုပ်ဦးဏှောက်ထဲက ထွက်မသွား။ နမောတဿ ဘုရားရှိခိုး ရသကဲ့သို့ အလွတ်ရနေ၏။ ဒါသည်ပင်လျင် ပဋိဃသံယောဇဉ်မည်ပေ၏။ မုန်းတီးခြင်းကြောင့်ဖြစ်သည့် သံယောဇဉ်ဟု ခေါ်တွင်၏။

ရဖို့လွယ်၏။ မေ့ပစ်ဖို့ခက်၏။ နမောတဿ ဆိုသည့်စာကြောင်းလေးကို ဘယ်တော့မှ မမေ့နိုင်ဟု ပြောခဲ့သော ဆရာသမားတစ်ယောက်၏စကားကို အမှတ်ရမိ၏။ နာဂစ်အကြောင်းကို လုံးဝမကြားချင်။ သို့သော် ကြားနေရ၏။ နာဂစ်ကို မေ့ပစ်ချင်၏။ သို့သော် အမြဲတမ်းသတိရနေ၏။ သတိရတိုင်း ကြွေကွဲရ၏။ ၀မ်းနည်းရ၏။ ပူဆွေးရ၏။ သောက ပရိဒေ၀တို့ဖြင့် ပြည့်နှက်နေရ၏။

နာဂစ်ကြောင့် အမိမဲ့သားများ ပေါ်ပေါက်ခဲ့၏။ သားမဲ့အမိများ ကျန်ရစ်ခဲ့၏။ လင်မဲ့မိန်းမ မိန်းမမဲ့လင် များစွာ များစွာ ဖြစ်ပေါ်ခဲ့၏။ ခြေ လက် မျက်စိစသည့် ကိုယ်အင်္ဂါ အစိတ်အပိုင်းများ စွန့်လွတ်ခဲ့ကြရ၏။ အသားတွေ အသွေးတွေ ပေးဆပ်ခဲ့ကြရ၏။ အသက်အိုးအိမ်ပေါင်းများစွာ ၀ါးမျိုခံခဲ့ကြရ၏။ အိမ်မွေးတိရိစ္ဆာန် အမြားအပြား ပျောက်ပျက်ခဲ့ကြရ၏။

နာဂစ်၏ ပြင်းထန်လှသော လေလှိုင်းသည် နာဂစ်ဓါးစာခံများ၏ သောက ပရိဒေ၀လှိုင်းများနှင့်နှိုင်းစာလျင် သေးငယ်သွားမည်ဖြစ်၏။ ကြုံလှီသွားမည်ဖြစ်၏။ နာဂစ်နှင့်ရောပါလာသော မိုးရေပေါက်များစွာသည် နာဂစ်ဒုက္ခသည်များ၏ မျက်ရည်များနှင့်နှိုင်းယှဉ်လျင် တစ်ငုံစာလောက်သာဖြစ်သွားမည်ဖြစ်၏။ တစ်ခွက်စာလောက်ဘဲဖြစ်သွားမည်ဖြစ်၏။

သောက ပရိဒေ၀လှိုင်းများ၊ ဒုက္ခ္ခ ဒေါမနဿ ဥပါယာသ မျက်ရည်များ၊ သွေးများဖြင့် ပြည့်နှက်ခဲ့သော နာဂစ်သည် မြန်မာလူမျိုးတိုင်းအတွက် ရင်နာစရာဖြစ်ခဲ့၏။ မုန်းတီးစရာဖြစ်ခဲ့၏။ လက်တုန့်ပြန်ချင်စရာဖြစ်ခဲ့၏။ သို့သော် နာဂစ်သည် သက်မဲ့ဖြစ်၏။ သူကိုယ်တိုင် သက်မဲ့ဖြစ်နေသည့်အတွက် သက်ရှိများကို မနာလိုဝန်တို ဖြစ်သည့်ဟန်ဖြင့် သက်မဲ့နိုင်ငံသို့ ခေါ်ဆောင်သွား၏။

၂၀၀၈၊ မေလ ၂ ရက် (နံနက်စောစော အချိန်)။
ထိုရက်သည် ဧရာဝတီအာဇာနည်နေ့ဖြစ်၏။ ရန်ကုန်အာဇာနည်နေ့ဖြစ်၏။ ထိုနေ့သည် ယနေ့၌္ခ တစ်နှစ်တင်းတင်း ပြည့်သောနေ့ဖြစ်၏။ ကျန်ရစ်သူ မိသားစုနည်းတူ ကျွန်ုပ် ကြွေကွဲနေရ၏။ ၀မ်းနည်းနေရ၏။ မျက်ရည်လည်နေရ၏။

ကျွန်ုပ်အချိန်ရခိုက် စွမ်းနိုင်သလောက် ဘုရားစာရွတ်ဖတ်၏။ ဂုဏ်တော်ပွါးများ၏။ ဘုရားရှိခိုး၏။ ထိုကုသိုလ်ကို နာဂစ်မှာ ကြွေပျောက်သွားကြရှာသော အပြစ်မဲ့သေဆုံးသူများအားလုံးအတွက် အမျှပေးဝေလိုက်ပါ၏။ ရရာ ရောက်ရာ ကြားရာ အရပ်က သာဓု သုံးကြိမ် ခေါ်ဆိုနိုင်ကြပါစေသား။
အမျှ.. အမျှ... အမျှ။ ။

.......

နာဂစ်ငှက်ဆိုး

မနှစ်က မေဒေးရဲ့  နောက်တစ်ရက်
လူတွေအများ အုန်းအုန်းကျက်ကျက်
ဝရုန်းသုန်းကား ပြေးထွက်
ကစဥ့်ကလျား ပေးဆက်
အသက်တွေ.. အချစ်တွေ.. အနှစ်တွေ
နာဂစ်မွှေနှောက်မှုအတွက်
အလှကမ္ဘာလေး ပျက်သွားခဲ့ရပြီ။


အမေရေ.. အဖေရေ အော်ဟစ်
သား သမီးအဖြစ်က ရင်နင့်စရာ
ကြင်နာယုယမဲ့ မိဘများမှာ
သား သမီးရတနာများကို ပစ်
တမလွန်ကို လှစ်သွားကြပြီ
အဲဒါ.. နာဂစ်ရဲ့  ရိုက်ချက်တွေဘဲပေါ့။


အလောင်းတွေ အပုံပုံကြားမှာ
ငါတို့ သားသမီးများ အသက်ရှင်ကျန်ရစ်ဦးမလားဆိုတဲ့ အသိနဲ့
ချိနဲ့နဲ့ခြေလှမ်းတွေလှမ်းပြီး
တစ်လှမ်းပြီး တစ်လှမ်းလျောက်
သားသမီးပျောက်ကို ရှာဖွေထွက်ခဲ့တယ်
ဒါပေမဲ့
သားသမီးများမှာကား
မိဘတွေကို အပြီးထားရစ်ခဲ့ကြလေပြီ
အဲဒါလဲ.. နာဂစ်ရဲ့  ရက်စက်မှုတွေဘဲပေါ့။


ချန်ခဲ့သူတွေ အများအပြား
ဝေးရာ တမလွန်ကို ထွက်သွားတဲ့အတွက်
ကျန်ခဲ့သူတွေရဲ့  မျက်ရည်
ဘယ်သူ့ကို ရည်ရွယ်ရမှန်းမသိခဲ့နိုင်ဘူး။


ငိုရတာ များလာတဲ့အတွက်
ငိုချင်လျက်
ငိုမထွက်ခဲ့ပါဘူး။


ကျလာခဲ့တဲ့မျက်ရည်
သေသူတွေ များပြားလွန်းတဲ့အတွက်
ကျချင်လျက်နဲ့
ကျမထွက်တတ်တော့ပါဘူး။


မိဘများကို ပေးဆပ်
သားသမီးများကို ပေးဆပ်
အသွေးအသားတွေပေးဆပ်
အမျိုးများကို ပေးဆပ်
အကျိုးအမြတ်က နတ္ထိပါဘဲ။


အများကို ကျွေးမွေးခဲ့တဲ့ ဧရာဝတီ
နာဂစ်ဒဏ်ကြောင့်
ကျွေးမွေးမဲ့သူတွေကို မျှော်နေကြရရှာပြီ။


အများကို ပေးခဲ့တဲ့လက်
နာဂစ်မွှေနှောက်မှုကြောင့်
ပေးလက်များကို စောင့်နေကြရရှာလေပြီ။


အများကို နှစ်သိမ့်ပေးခဲ့တဲ့ ဧရာဝတီ
နာဂစ်ကြမ္မာကြောင့်
နှစ်သိမ့်ပေးမဲ့ သူများကို တမ်းတနေကြရရှာပြီ။


ဧရာဝတီနာဂစ်
ရန်ကုန်နာဂစ် မြန်မာနာဂစ်
ဖြစ်နိုင်ရင်
နာဂစ်ထက်အင်အားကြီးတဲ့ မဟာနာဂစ်နဲ့
နာဂစ်ရဲ့  အသဲနှလုံးကို
ကျနော်
ချေမှုန်းပစ်လိုက်ချင်ပါတော့တယ်။ ။

မှတ်ချက်။
ဤကဗျာလေးဖြင့် နာဂစ်၏ ရက်စက်မှု တစ်နှစ်ပြည့်မှာ ယူကြုံးမရ ၀မ်းနည်းရခြင်းကို ခံစားတင်ပြပါသည်။


.........

ပန်းများပွင့်လန်းစေသတည်း

ကျွန်ုပ်၏ ပရိုဖိုင်ထဲ၌ အကြံကောင်းများကို ကြိုဆိုလျက်ပါ ဟုရေးထား၏။ ၄င်းစာသားလေးကို ကိုင်စွဲပြီး အမျိုးသမီးဘလော့ဂါတစ်ယောက်က သူ၏ အကြံပေးမှုကို ကျွန်ုပ်၏ တုန့်ပြန်ရေးသားမှုအတွက် ပစ်ပစ်ခါခါ ဝေဖန်၏။ ရှေ့ စကားနှင့် နောက်စကားမညီဟုဆို၏။ သူ၏ အယူအဆသည် သူ့အတွက် အမှန်ဖြစ်ကောင်းဖြစ်နိုင်၏။ အမှားလည်းဖြစ်ကောင်းဖြစ်နိုင်၏။ အဘယ့်ကြောင့်ဆိုသော် ရေနစ်နေသည့်သူသည် တစ်စုံတစ်ခုဆွဲကိုင်စရာမရှိလျင် မြက်ပင်သေးသေးလေးကိုပင် အားမကိုးရမှန်းသိသည့်တိုင် ဆွဲကိုင်တတ်သောကြောင့်တည်း။

ကျွန်ုပ်၏ ပရိုင်ဖိုင်သည် ရှင်းလင်း၏။ သိသာထင်ရှား၏။ ရှုပ်ရှုပ်ထွေးထွေးမရှိ။ အကြံကောင်းများကို ကြိုဆိုလျက်ပါ ဟုသာ ရေးသားထား၏။ အကြံဆိုးများကို ကြိုဆိုပါသည်ဟု မရေးထား။ အဆိုးသည် အကောင်း၏ ဆန့်ကျင်ဘက်ဖြစ်၏။ အမဲသည် အဖြူ၏ ဆန့်ကျင်ဘက်ဖြစ်၏။ အဖြူလိုချင်သည့်သူသည် အမဲကို လုံးဝနှစ်သက်မည်မဟုတ်။

အကြံဆိုးများကိုပေးသာ ဒေ၀ဒတ်လောင်း လှည်းကုန်သည်ခေါင်းဆောင်ကြောင့် သူနှင့်တကွ နောက်လိုက် လှည်းသမား ငါးရာလုံး ဘီလူးစားခြင်းကို ခံခဲ့ရဖူးလေပြီ။ အကြံကောင်း ဥာဏ်ကောင်းများကို ပေးသနားသော ဘုရားအလောင်း လှည်းကုန်သည်ခေါင်းဆောင်၏ကျေးဇူးကြောင့် သူနှင့်တကွ နောက်လိုက် လှည်းသမားငါးရာ အသက်ချမ်းသာရာရခဲ့ကြပြီး စည်းစိမ်ဥစ္စာ များစွာ ရရှိခဲ့ကြဖူးလေပြီ။
..............

"ဘုရားတရားနဲ့နေပြီး တရားသဘောလေးတွေကို ပြောပြပေးခဲ့တဲ့အတွက် ကိုယ့်တူကိုယ့်သားလေးလို သဘောထားပြီး လေးစားကြည်ညိုခဲ့သမျှ အခုတော့ နောင်ကြဉ်သွားပါပြီ"
သူပြောခဲ့သည့် စကားအဓိပ္ပါယ်လေးပင် ဖြစ်၏။ သူ၏ကြည်ညိုလေးစားခြင်း အထင်သေးခြင်းသည် ကျွန်ုပ်၏စိတ်ကို အနည်းငယ်မျှ မတုန်လှုပ်စေနိုင်။ ကြည်ညိုခြင်းသည် သဒ္ဓါတရားဖြစ်၏။ အထင်သေးခြင်း အယုံအကြည်မဲ့ခြင်းသည် သဒ္ဓါတရား၏ ဆန့်ကျင်ဘက်ဖြစ်၏။ သဒ္ဓါတရားသည် ကုသိုလ်ဖြစ်၏။ သဒ္ဓါတရား၏ ဆန့်ကျင်ဘက်သည် အကုသိုလ်ဖြစ်၏။

အကုသိုလ်တရားများကို အခြေခံအားဖြင့် လောဘ ဒေါသ မောဟ တရားသုံးပါးဖြင့်ဖွဲ့တည်ထား၏။ ထို့အတူ ကုသိုလ်တရားများကို အလောဘ အဒေါသ အမောဟ တရားသုံးပါးဖြင့် စုစည်းတည်ဆောက်ထား၏။ အကုသိုလ်တရားဖြင့် သေသွားလျင် အပါယ်ဒုဂ္ဂတိသို့ သွားရမည်ဖြစ်၏။ ကုသိုလ်တရားဖြင့် သေဆုံးလျင် အထက်သုဂတိသို့ လားရမည်ဖြစ်၏။

ထို့ပြင် ဒေါရဲ၊ လောပြိတ်၊ မောတိရိစ် ဆိုသည့်အတိုင်း ဒေါသနဲ့သေလျင် ငရဲရွာသို့ ဧကန်သွားရမည်ဖြစ်၏။ လောဘအားကြီးလျက် သေသွားလျင် ပြိတ္တာဘုံဘ၀ ရောက်ရမည်ဖြစ်၏။ မောဟအားများပြီး သေဆုံးလျင် တိရစ္ဆာန်ဘ၀ ရောက်ရမည်ဖြစ်၏။ အကုသိုလ်သည် သူ့အလုပ် သူလုပ်၏။ ကုသိုလ်သည်လည်း သူ့လုပ်ငန်း သူလုပ်ကိုင်၏။

သူသည် အကြံပေးစာကို ဟိတ်ဟန်ထုတ် လူတတ်လုပ်ပြီး ရေးပေး၏။ ဟိတ်ဟန်လုပ်ခြင်းသည် သာဌေယျဖြစ်၏။ သာဌေယျသည် လောဘအုပ်စုဝင်ဖြစ်၏။ ထို့ကြောင့် ထိုသို့အမြဲတမ်း ဟိတ်ဟန်ထုတ်ပြီး သူသေဆုံးလျင် ပြိတ္တာဘုံဘ၀ ရောက်ရမည်ဖြစ်၏။ သူ၏ ဟိတ်ဟန်ထုတ်ပြီး အကြံပေးရေးသားချက်ကို ဖတ်ရှုပြီး ကျွန်ုပ် စိတ်ဆိုးအမျက်ထွက်၏။ စိတ်ဆိုးအမျက်ထွက်ခြင်းသည် ဒေါသဖြစ်၏။ ထိုကဲ့သို့ အမြဲတမ်း စိတ်ဆိုးအမျက်ထွက်ပြီး ကျွန်ုပ်သေဆုံးသွားလျင် ငရဲကြီးရှစ်ထပ်သို့ ကျွန်ုပ် စီတီဇင်အဖြစ် သွားရောက်ရမည်ဖြစ်၏။

သို့သော်.. စိတ်သည် မျက်စိတစ်မှိတ်၊ လက်ဖျစ်တစ်သွက်၊ လျက်တစ်ပြက်အတွင်း ကုဋေသန်းချီပြီး ဖြစ်ပျက်၏ဟု အဆိုရှိ၏။ ထို့ကြောင့် ကျွန်ုပ်တို့၏ စိတ်သည် တစ်ခဏအတွင်း ကုသိုလ်စိတ်လည်းဖြစ်နိုင်၏။ အကုသိုလ်စိတ်လည်း ဖြစ်နိုင်၏။ လောဘလည်းဖြစ်နိုင်၏။ ဒေါသလည်းဖြစ်နိုင်၏။ အလောဘလည်းဖြစ်နိုင်၏။ အဒေါသလည်းဖြစ်နိုင်၏။ ကျွန်ုပ်၏ စိတ်အစဉ်သည်လည်း ဒေါသ အမြဲတမ်းဖြစ်မနေနိုင်။ သူ၏ စိတ်အစဉ်၌လည်း သာဌေယျ အမြဲတမ်း ကိန်းဝပ်မနေနိုင်။

သူ၏စိတ်အစဉ်၌လည်းကောင်း ကျွန်ုပ်၏ စိတ်အစဉ်၌လည်းကောင်း အားလုံးတို့၏စိတ်အစဉ်၌လည်းကောင်း လောဘ မောဟ ဒေါသ အလိုဆိုးတရားများအားနည်းပြီး အလောဘ အဒေါသ အမောဟ တရားကောင်းများ ပွါးများစည်ပင်နေမည်ဆိုပါက လောကကြီးတစ်ခုလုံး သာယာလှပနေမည်မှာ အမှန်ပင်ဖြစ်၏။ လန်ဒန်နွေဦးပေါက်ရာသီမှာ ပန်းပေါင်းစုံ ငြိမ့်ငြောင်းသာယာစွာ ငွါးငွါးစွင့်စွင့် ကြွားကြွားဝင့်ဝင့် ပွင့်လန်းနေသကဲ့သို့တည်း။ ။

...........

ကျွန်ုပ်သည် ပုထုဇဉ်လူသားတစ်ဦး

ပြဿနာတစ်ခုနှင့်ပတ်သက်ပြီး အမျိုးသမီးဘလော့ဂါတစ်ယောက်နှင့်သိကျွမ်းခင်မင်ခွင့်ရရှိခဲ့၏။ မိတ်ဆွေသစ်တစ်ယောက်တိုးလာ၍ ကျွန်ုပ်ဝမ်းမြောက်ခဲ့ရ၏။ သူ၏ ပြဿနာကို အားပေးနှစ်သိမ့်ပေးခဲ့ဖူး၏။ သူပြောချင်သည့်စကားများကို နားထောင်ပေးခဲ့ဖူး၏။ သူ၏ဘလော့ဂ်ထဲ မကြာမကြာအလည်ရောက်ခဲ့ဖူး၏။
နောက်ဆုံးတော့ ပြဿနာတစ်ခုနှင့်ဆက်နွယ်ပြီး သိကျွမ်းခဲ့ရသော ထိုမိတ်ဆွေသည် ပြဿနာတစ်ခုနှင့်ပင် ကျွန်ုပ်နှင့် မိတ်ဆွေအဖြစ်မှ ရပ်စဲသွားခဲ့၏။

ပထမပြဿနာသည် သူနှင့်အခြားတစ်ယောက်၏ပြဿနာဖြစ်၏။ ဒုတိယပြဿနာသည် သူနှင့် ကျွန်ုပ်ကိုယ်တိုင်ပင်ဖြစ်၏။ အချုပ်ပြောရလျင် သူသည် ပြဿနာနှစ်ခုပိုင်၏။ ကျွန်ုပ်သည် ပြဿနာတစ်ခုပိုင်၏။ သို့သော် သူပိုင်ဆိုင်သော ပြဿနာနှစ်ခုလုံး ကျွန်ုပ်အတွက် သက်ရောက်မှုဖြစ်စေ၏။ ပထမပြဿနာကြောင့် သူ့ကို ပိုမိုခင်တွယ်မိစေ၏။ လေးစားအားကျမိစေ၏။ ဒုတိယပြဿနာကြောင့် သူ့ကို တစ်မျိုးမြင်လာ၏။ ယုံကြည်မှုနည်းလာ၏။

တစ်နှင့်တစ်ပေါင်းလျင် နှစ်ဖြစ်၏။ သို့သော် ပြဿနာတစ်ခုနှင့်ပြဿနာတစ်ခုကို ထပ်ပေါင်းလိုက်သောအခါမူ သုညဖြစ်သွား၏။ ထူးဆန်းလှပေစွ။ ပထမပြဿနာမဖြစ်ခင် နှင့် ဒုတိယပြဿနာဖြစ်ပြီးအခါကာလသည် အတူတူပင်ဖြစ်သွား၏။ သို့ပေမဲ့ ပြဿနာနှစ်ခုကြားကာလထဲမှာ အချည်းနှီးတော့ မဖြစ်ခဲ့ကြ။ သူ့စာပေများကို ကျွန်ုပ်ဖတ်ဖြစ်ခဲ့သည်။ ကျွန်ုပ်ပို့စ်လေးတွေဆီ သူ အလည်လာဖြစ်ခဲ့သည်။

လူတစ်ယောက်သည် ရုပ်နာမ်နှစ်ပါးဖြစ်၏။ စိတ် စေတသိက် ရုပ်တရားတို့ဖြင့် ဖွဲ့စည်းထား၏။ ခန္ဓာငါးပါးဖြင့် တည်ဆောက်ထား၏။ ထို့ကြောင့် လူ့သန္တာန်အစဉ်မှာ လောဘရှိ၏။ ဒေါသရှိ၏။ မောဟရှိ၏။ မာနရှိ၏။ မာယာရှိ၏။ သာဌေယျရှိ၏။ ထို့ထက်များစွာ.. များစွာ ထပ်ရှိသေး၏။

ဆန့်ကျင်ဘက်အားဖြင့် လူ့ဖြစ်စဉ် အစဉ်အတန်း တစ်ခုမှာ မေတ္တာရှိ၏။ ကရုဏာရှိ၏။ မုဒိတာရှိ၏။ ဥပေက္ခာရှိ၏။ သဒ္ဓါရှိ၏။ သတိရှိ၏။ ပညာရှိ၏။ ထို့ပြင် များစွာ.. များစွာရှိပါသေး၏။

ရေကန်အတွင်းရှိရေသည် ပကတိတည်ငြိမ်၏။ တိတ်ဆိတ်၏။ အေးမြ၏။ သို့သော် လေပြင်းတစ်ချက်မွေနှောက်လိုက်လျင် လှိုင်းကြက်ခွပ်အသွင်သို့ကူးပြောင်းသွား၏။ ပြေးလွှားကြ၏။ လှုပ်ရှားကြရ၏။ ထို့အတူ ခဲတစ်လုံးနှင့်ပစ်ပေါက်လိုက်လျင်လည်း ၀ဲဂယက်ဖြစ်သွား၏။ လှိုင်းထသွား၏။ တစ်ချိန်တည်းမှာပင် တည်ငြိမ်မှုသည် ပျောက်ကွယ်သွား၏။ တိတ်ဆိတ်မှုသည် ဆူညံသံအဖြစ်သို့ ရောက်သွား၏။ သို့ပင်ဖြစ်လင့်ကစား ရေသည် ရေပင်ဖြစ်၏။ တိတ်ဆိတ်ငြိမ်သက်မှုနှင့်လှုပ်ရှားဆူညံမှုသာ ခြားနားသွား၏။

ကျွန်ုပ်သည် ပုတီးပန် ဈာန်ရရှိထားသည့် ရဟန္တာအရှင်မြတ်မဟုတ်။ တရားချည်းသက်သက်လိုက်စားနေသည့် တရားသမားလည်းမဟုတ်။ သူတော်စင်လည်းမဟုတ်။ သူမြတ်လည်းမဟုတ်။ ထို့အတူ သူယုတ်မာလည်းမဟုတ်။ သူမိုက်လည်းမဟုတ်။ သို့သော် အခြေအနေနှင့်အချိန်အခါအရ ကျွန်ုပ်သည်လည်း လူထဲက လူတစ်ယောက်ဖြစ်သည့်အားလျော်စွာ ရေကန်အတွင်းရှိရေကဲ့သို့ ဖြစ်၏။ လောဘရှိ၏။ ဒေါသရှိ၏။ မောဟရှိ၏။ မာန်မာနရှိ၏။ ထို့ကြောင့် ရံဖန် ပကတိတည်ငြိမ်၏။ တိတ်ဆိတ်ငြိမ်သက်၏။ ရံခါ၌ကား ၀ဲဂယက်ထန်၏။ ထကြွလှုပ်ရှား၏။ ရံခါ လူကောင်းဖြစ်၏။ ရံဖန် လူမိုက်ဖြစ်၏။

လောဘရှိသည့်ပုဂ္ဂိုလ် လောဘဖြစ်တတ်၏။ ဒေါသရှိသည့်သူ ဒေါသထွက်တတ်၏။ မာန်မာနရှိသည့်သူ မောက်မာခက်ထန်တတ်၏။ အားလုံးအဆန်းမဟုတ်။ သူ့သဘော သူဆောင်သည်ချည်းဖြစ်၏။ ကျွန်ုပ်၌ လောဘ ဒေါသ မာန်မာန အားလုံးရှိ၏။ ထို့ကြောင့် ကျွန်ုပ်စိတ်ဆိုးဒေါသထွက်၏။ ဒေါသသည် ကောင်းကျိုးကိုလုံးဝမပေးဆိုသည်ကိုလည်း ကျွန်ုပ်သိ၏။ သို့သော် သိသိချည်းနဲ့ ကျွန်ုပ်ဒေါသထွက်၏။

ဒေါသ၌အဆင့်သုံးဆင့်ရှိ၏။ အနုသယဟုခေါ်သည့် တိမ်မြှုပ်ကိန်းအောင်းနေသည့် ဒေါသသည် ပထမအဆင့်ဖြစ်၏။ တိမ်မြှုပ်နေသည့်အတွက် ဒေါသ၏အရိပ်အရောင်ကို မမြင်တွေ့နိုင်။ ဒေါသမရှိဟု ထင်မြင်တတ်ကြ၏။ အထူးသဖြင့် တရားဘာဝနာအလုပ်လုပ်နေကြသော ယောဂီများထံ၌ ထိုကဲ့သို့ အဖြစ်များ၏။

ပရိယုဋ္ဌာနဟုခေါ်သည့် ထကြွလှုပ်ရှားသည့် ဒေါသသည် ဒုတိယဆင့်ဖြစ်၏။ မနှစ်သက်သည့် အာရုံနှင့်ထိခိုက်တွေ့ဆုံသည့်အခါ ဒေါသသည် ထကြွလှုပ်ရှား နိုးထလာ၏။ အသွေးအသားတွေ နီးမြန်းလာ၏။ မျက်နှာပြင်ရဲတက်လာ၏။ အသားတွေ တစ်ဆတ်ဆတ်တုန်လာ၏။ တစ်ခုခုတုန့်ပြန်ချင်လာ၏။ စိတ်ဆောက်တည်ရာမရ ဖြစ်လာတတ်၏။

ဝီတိက္ကမဟုခေါ်သည့် ကျူးလွန်တုန့်ပြန်သည့် ဒေါသသည် တတိယအဆင့်ဖြစ်၏။ နောက်ဆုံးအဆင့်လည်းဖြစ်၏။
စိတ်မထိန်းနိုင်သည့်အတွက် လက်တုန့်ပြန်လိုက်၏။ ပါးစပ်ဖြင့် ဆဲဆို၏။ စာရေးပြီး ဆဲရေးတိုင်းထွာ၏။ ချိန်းခြောက်၏။ လက်ဖြင့် ပုတ်ခတ်ရိုက်နှက်၏။ ပစ်ခတ်သတ်ဖြတ်၏။

ဧပြီ ၂၈ ရက် ညဥ့်နက်သန်းခေါင်အချိန်၌ ကျွန်ုပ်သည် ထိုဒေါသသုံးပါးလုံး ဖြစ်ပျက်ခဲ့၏။ ကျွန်ုပ်၏ တိမ်မြှုပ်နေသော အနုသယဒေါသသည် ဝေဖန်အကြံပေးသလိုပုံစံမျိုးဖြင့် နှိမ်ချကဲ့ရဲ့ ထားသည့် အကြံပေးစာများနှင့်ထိခိုက်မိလိုက်သည့်အတွက် ပရိယုဋ္ဌာနအဆင့်သို့ ဒုန်းကနဲ ကူးပြောင်းသွား၏။ ကျွန်ုပ်သည် သည်းခံတတ်၏။ သို့သော် သည်းခံခြင်းသည် အရှုံးပေးခြင်းမဟုတ်။ မာနတရားကို ထိခိုက်လာလျင် ပြန်တွယ်တတ်သည့်အကျင့်က ကျွန်ုပ်ထံ ကိန်းအောင်းနေ၏။ ထို့ကြောင့် ၀ီတိက္ကမအဆင့်သို့ ရောက်သွား၏။ ချက်ချင်း လက်တုန့်ပြန်လိုက်၏။

သည်းခံပြီး ငြိမ်နေခြင်းသည် အကောင်းဆုံးလက်စားချေခြင်းပင်ဖြစ်၏ ဟူသော အဆိုကို ကျွန်ုပ်မထောက်ခံ။ ကျွန်ုပ်လက်ခံကျင့်သုံးနေသည်မှာ လက်တုန့်ပြန်လိုက်ခြင်းသည်သာလျင် အမြန်ဆုံး မေတ္တာတရားဘက်သို့ ရောက်စေ၏ ဟူသော ကျွန်ုပ်ကိုယ်တိုင်၏ အဘိဓမ္မာတရားပင်ဖြစ်၏။ သည်းခံကြိတ်မှိတ်ပြီး ခံစားနေခြင်းသည် မေတ္တာတရားနှင့် အဝေးဆုံးနေရာမှာ ရှိ၏။ ချက်ခြင်းတုန့်ပြန် ဖြေရှင်းပြီး ချက်ခြင်း စိတ်အေးချမ်းမှုရသွားခြင်းသည်သာလျင် မေတ္တာတရား၏ ရှေ့ ပြေးဖြစ်၏။ ထို့ကြောင့် ထိုနည်းကို ကျွန်ုပ် ကျင့်သုံးလိုက်၏။

အကြီးမားဆုံးရန်သူသည် အကောင်းဆုံးမိတ်ဆွေဖြစ်နိုင်သည် ဟူသော အဆိုကို ကျွန်ုပ်လက်ခံယုံကြည်၏။
အကြံပေးစာထဲက သူ၏ သာဌေယျ သဘောနွယ်သည့် ဟိတ်ဟန်လုပ်ခြင်း လူတတ်လုပ်ခြင်းသည် ကျွန်ုပ်၏ မာနအမှေးပါးပါးကို ပေါက်ကွဲခက်ထန်စေ၏။ သူ၏ သာဌေယျနှင့် ကျွန်ုပ်၏ မာနသည် အကြီးမားဆုံး ရန်သူများဖြစ်သွားကြ၏။ မာနသည် တစ်မဟုတ်တည်း ဒေါသဖက်သို့ တိုက်ခတ်မွှေနှောက်သွား၏။ ထို့ကြောင့် ဒေါသအဆင့် သုံးခုလုံး ကျွန်ုပ်ကျူးလွန်ခဲ့မိ၏။

သို့သော် ကျွန်ုပ်မုန်းသည်မှာ သူ့ကိုမဟုတ်။ သူ၏ စာပေကိုမဟုတ်။ သူ၏ ဘလော့ဂ်လေးကို မဟုတ်။ သူ၏ အတွေးအခေါ်ကို မဟုတ်။ သူ၏ အကြံပေးစာကို မဟုတ်။ သူ၏ ပညာကို မဟုတ်။ အမှန်မှာ သူ၏ စိတ်အစဉ်တွင် အခိုက်အတန့်မျှပေါ်ပေါက်လာသည့် ပလွှားမှု ဟိတ်ဟန်လုပ်မှု လူတတ်လုပ်မှုကိုသာ မုန်းတီးခြင်းဖြစ်၏။

သူက သူ့နာမည်နှင့်သူ့ဘလော့ဂ်လင့်ခ်ကို ကျွန်ုပ်၏ဘလော့ဂ်ထဲက ဖျက်သိမ်းပေးဖို့ပြော၏။ ထိုအဆိုကို ကျွန်ုပ်လက်မခံနိုင်။ သူ၏ ဘလော့ဂ်သည် လူသားများအတွက် တစ်နေရာရာ၌ အကျိုးဖြစ်ထွန်းနိုင်၏။ ပျော်ရွှင်မှုကို ပေးနိုင်၏။ သတင်းအချက်အလက်ကို ပေးနိုင်၏။ နှစ်သိမ့်မှုကို ပေးနိုင်၏။ ကျန်းမာရေး ပညာရေးအတွက် အထောက်အပံ့ဖြစ်နိုင်၏။ ထို့ကြောင့် ကျွန်ုပ်အိမ်ထဲ၌ သူ့ဘလော့ဂ်အတွက် အခန်းတစ်ခန်းပေးထား၏။ ကျွန်ုပ်ကိုယ်တိုင်လည်း သူ့ဘလော့ဂ်ကို ဖတ်ရှုလေ့လာ၏။

သို့သော်... သို့သော်
ကျွန်ုပ်သည် ရုပ်နာမ်နှစ်ပါး ခန္ဓာငါးပါးဖြင့် ဖွဲ့စည်းထားသော ပုထုဇဉ်ပုဂ္ဂိုလ် သက်သက်မျှသာ ဖြစ်ချေ၏။

...........