Sunday 6 February 2011

ဘာသာပြန်မှားခြင်း၏ဆိုးကျိုးများ


အချို့ သူတို့သည် အချဉ်ကိုကြိုက်၏။ အချို့ သူတို့သည် အချိုကိုကြိုက်၏။ အချို့ တို့သည် အခါးကိုကြိုက်၏။ အချို့ သူတို့သည် အငံကိုကြိုက်၏။ ထို့အတူပင် အချို့ သူတို့သည် ခွေးအကျင့်ကို ကျင့်တတ်၏။ အချို့ သူတို့သည် လူအကျင့်ကို ကျင့်တတ်၏။ အချို့ သူတို့သည် မကောင်းသော အမြင်ရှိတတ်၏။ အချို့ သူတို့သည် ကောင်းသော အမြင်ရှိတတ်၏။ ကိုယ်လုပ်သည်မှကောင်းသည်ထင်၏။ ကိုယ်ပြောသည်မှ မှန်သည်ထင်၏။ ကိုယ်ကအမှန် အခြားသူတို့က အမှားဟူ၍ ထင်မြင်တတ်၏။ သူ့သဘော သူ့မနောနှင့် သူ့အကြိုက် သူ့စရိုက်တို့သည် သူ့သဘောသူဆောင်သည်ချည်းဖြစ်၏။ မည်သူမှ ကန့်ကွက်တားဆီးခြင်းငှါမတတ်ကောင်း။

ကျွန်ုပ်ကိုယ်တိုင်သည်ပင် ငယ်စဉ်ကာလက လှေနံဓါးထစ်မှတ်ယူတတ်သည့် အကျင့်ရှိခဲ့ပေ၏။ လူတစ်ယောက်ကို မကောင်းဘူးဟု မြင်မိလျှင် တစ်သက်စာ မကောင်းမြင်တတ်ခဲ့၏။ ထို့နည်းတူစွာပင် လူတစ်ယောက်ကို လူကောင်းဟု မြင်မိပါကလည်း တစ်သက်စာပင် လူကောင်းဟူ၍ မှတ်ယူတတ်၏။ ထိုအယူအဆသည် ကျွန်ုပ်၏ မဟာအမှားပင် ဖြစ်ချေတော့သည်လား မသိ။ ပို၍ဆိုးသည်မှာ လူတစ်ယောက်ကို အထင်ကြီးမိလျှင် သူလုပ်သမျှအရာအားလုံး အကောင်းချည်းဟု ထင်တတ်ခဲ့၏။ မင်းတို့ပုဆိုး ပိုးချည်းဘဲ ဟု အထင်ရှိခဲ့၏။ တစ်ဘက်က ပြန်ကြည့်ပြန်ပါကလည်း လူတစ်ယောက်ကို မကောင်းမြင်မိပြီဆိုလျှင် သူဘာလုပ်လုပ် ဘာပြောပြော မကောင်းချည်းမြင်မိခဲ့၏။ အထင်မကြီးဘဲ အထင်ပင်သေးတတ်ခဲ့သေး၏။ ပုထုဇဉ်လူသားပီပီ ကျွန်ုပ်၏ အမြင်တို့သည် အရိယာပုဂ္ဂိုလ်များကဲ့သို့ အဆင့်အတန်းမြင့်မြင့် မမြင်တတ်ခဲ့ချေ။

လူသားအတော်များများ၌လည်း ထိုကဲ့သို့ အမြင်မျိုး ရှိတတ်ကြသည်ကို ကျွန်ုပ်ကိုယ်တိုင်တွေ့ရှိနေရ၏။ ထိုအမြင်မျိုး ရှိနေသမျှကာလပတ်လုံး ဘာလုပ်လုပ်ဘာပြောပြော အမှန်ကို မမြင်ကြတော့ပေ။ ကောင်းမကောင်း ဝေခွဲမမြင်တတ်ကြတော့ပေ။ ကိုယ်က အကောင်းမြင်ခံရသူတို့ ဘာမကောင်းမှုလုပ်လုပ် မကောင်းမှုဟူ၍ မမြင်ကြတော့။ လုံးဝခွင့်လွတ်၍မရနိုင်သည့် မဟာအမှားကြီးကိုပင် ဒါကတော့ ဖြစ်လေ့ဖြစ်ထရှိတတ်ကြပါတယ်၊ လူတိုင်း အမှားမကင်းနိုင်ပါဘူးဟု နားလည်ခွင့်လွတ်ပေးတတ်ကြ၏။ သို့သော် ကိုယ်က မကောင်းမြင်ခံရသူတို့ ကုသိုလ်ကောင်းမှုလုပ်နေသည်ကိုမူ အကောင်းဟူ၍ မမြင်တတ်ကြတော့ပေ။ ကုသိုလ်လုပ်နေသည်ဟူ၍ မမြင်တတ်ကြတော့ပေ။ အကောင်းမြင်ခြင်း မကောင်းမြင်ခြင်းသည် လူတို့အား ဒုက္ခပေးသော မကောင်းသော အကျင့်တစ်ခုဖြစ်နေသည်ကို လူအတော်များများ မမြင်တတ်ကြပေ။ ထိုသည်ပင်လျှင် ဘာသာပြန်မှားခြင်း၏ သဘောသဘာဝ ဖြစ်ချေတော့၏။

ဘာသာပြန်မှားခြင်းသည် ဒီဂရီမြင့်လေ ပိုပြီး ဆုံးရှုံးမှုများလေ ဖြစ်၏။ ဒီဂရီမြင့်ခြင်းဆိုသည်မှာ လူတစ်ယောက်၏ ရပ်တည်မှု အဆင့်အတန်း ဂုဏ်ထူးဌာနန္တရကို ဆိုလို၏။ ရာထူးမြင့်သူတစ်ယောက်၏ ဘာသာပြန်မှားခြင်းသည် အများသူငါတို့အတွက် ဆုံးရှုံးနစ်နာမှု ပိုမိုဖြစ်စေတတ်၏။

"စည်းရုံးခြင်းကို မည်သည့်အရာကမှ ယှဉ်ပြိုင်အနိုင်မယူနိုင်။ စည်းရုံးခြင်းကို သင်းခွဲခြင်းဖြင့်သာ အနိုင်ယူရာ၏"
ဗုဒ္ဓ၏ ဥပဒေသတစ်ခုဖြစ်၏။ ဗုဒ္ဓ၏ရည်ရွယ်ချက်မှာ စည်းရုံးခြင်းကိုသင်းခွဲဖို့မဟုတ်။ စည်းလုံးနေသည့်သူများကို သင်းခွဲမှု မခံရလေအောင် သတိပေးချင်သည့် ရည်ရွယ်ချက်ဖြစ်၏။ ဗုဒ္ဓသည် အမှန်ကိုသာ ဟောတတ်၏။ လူတစ်ဘက်သား စိတ်ချမ်းသာမှုရရင် ပြီးရော သဘောဖြင့် တရားတော်ကို လူ့အကြိုက်လိုက်၍မဟောတတ်ပေ။ ရှင်းရှင်းဆိုရသော် ဗုဒ္ဓသည် လူမှန်စကားမှန် ပုဂ္ဂိုလ်မြတ်ကြီးပင်ဖြစ်၏။ အထက်ပါ ဥပဒေသကို ဘာသာပြန်မှားသူ တစ်ဦးရှိခဲ့၏။ ထိုသူသည် မင်းအမတ်တစ်ဦးဖြစ်၏။ ရာထူးဌာနန္တရခပ်ကြီးကြီးထဲကဖြစ်၏။ ၀ဿာကာရအမည်ရှိ၏။ ရာဇဂြိုဟ်ပြည်သားဖြစ်၏။ ထို့ကြောင့် ထိုဝဿာကာရအမတ်၏ ဘာသာပြန်မှားခြင်းသည် လိစ္ဆ၀ီမင်းမျိုးတို့ ပျက်စီးရခြင်း အကြောင်းဖြစ်လေတော့၏။

ဘုရားရှင်လက်ထက်က လိစ္ဆ၀ီအမည်ရှိမင်းမျိုးတို့ရှိကြလေ၏။ ထိုမင်းမျိုးတို့သည် အချင်းချင်းစည်းလုံးညီညွတ်မှု အပြည့်အ၀ရှိကြ၏။ မည်သည့်ကိစ္စမဆို စုရုံးတိုင်ပင်ပြီး ဆုံးဖြတ်လေ့ရှိကြ၏။ လုပ်ငန်းကိုင်ငန်းတို့၌လည်း စိတ်တူသဘောတူ ညီညီညွတ်ညွတ် ပြုလုပ်လေ့ရှိကြ၏။ ထို့ကြောင့် ထိုလိစ္ဆ၀ီမင်းတို့၏ နိုင်ငံကို မည်သည့် နိုင်ငံကမှ စစ်မက်ပြု အနိုင်မရခဲ့ကြပေ။ ထိုမင်းတို့ကသာ အနိုင်ရကြလေ၏။ စည်းရုံးခြင်း၏ အင်အားပင်တည်း။

"ဗုဒ္ဓက ဟောတယ်။ ညီညွတ်တဲ့သူတွေကို ကွဲပြားအောင်လုပ်ပြီးမှ အနိုင်ယူလို့ ရနိုင်မယ်တဲ့။ ဒါကြောင့် ဗုဒ္ဓရဲ့စကားနဲ့အညီ ငါတို့အားလုံး လိစ္ဆ၀ီတို့ကို အချင်းချင်းကွဲပြားအောင်အရင်လုပ်ကြရမယ်"

မင်းရင်ပြင်၌ ထိုကဲ့သို့ ပြောဆိုပြီး အားလုံး၏ သဘောတူညီချက်အရ ထိုအမတ်သည် လိစ္ဆ၀ီတို့၏ နိုင်ငံတွင်းသို့ သူလျှိုအဖြစ်ဝင်ရောက်ကာ ရာဇဂြိုဟ်မင်းတို့ နှင်နှယ်ဒဏ်ခတ်ခဲ့သည့်အတွက် နိုင်ငံရေးခိုလှုံခွင့်ပြုပါရန် တောင်းဆိုလေတော့၏။ လိစ္ဆ၀ီတို့က လက်ခံပြီး လူယုံကြည်တစ်ယောက်အနေနဲ့ ဆက်ဆံလေ၏။ ချုံး၍ဆိုရသော် ထိုအမတ်သည် ယုံကြည်မှု အပြည့်အ၀ရရှိသည့်အခါ လိစ္ဆ၀ီတို့အား အချင်းချင်းဂုံးတိုက်ပြီး ကွဲပြားအောင်ပြုလုပ်လေတော့၏။ လိစ္ဆ၀ီတို့ အချင်းချင်း မညီညွတ်ဘဲ တစ်ကွဲတစ်ပြားစီရှိသောအခါရောက်မှ ရာဇဂြိုဟ်မင်းအား စက်မက်လာပြုပါတော့ဟူ၍ အကြောင်းကြားပြီး လွယ်ကူစွာပင် လိစ္ဆ၀ီတို့အား အနိုင်ယူလေတော့၏။ ထိုလိစ္ဆ၀ီတို့ ပျက်စီးရခြင်းသည် ၀ဿာကာရအမတ်၏ ဗုဒ္ဓစကားတော်ကို ဘာသာပြန်မှားမှုကြောင့်ပင်ဖြစ်၏။
....

နောက်ထပ် ဘာသာပြန်အမှားတစ်ခုရှိသေး၏။ အသောကမင်းလက်ထက်အခါက ဖြစ်၏။ အသောကမင်းလက်ထက်၌ သာသနာသည် နေလိုလလို ထွန်းလင်းတောက်ပ၏။ သာသနာတော်ကိုလည်း လိုလေသေးမရှိထောက်ပံ့ကြ၏။ သာသနာ့လောက၌ ပြည့်စုံလုံလောက်မှု များစွာရှိ၏။ ထိုသည်ကို အကြောင်းပြုပြီး အချောင်သမားတို့ သာသနာ့ဘောင်ဝင်ပြီး အချောင်စားသောက်နေထိုင်ကြလေတော့၏။ ထို့ကြောင့် သာသနာသည် ကျောက်ရောရော သဲရောရော ဖြစ်လာ၏။ ရဟန်းတုရဟန်းယောင်များလာ၏။ အညစ်အကြေးတို့ဖြင့် ရောပြွမ်းလာ၏။ စင်ကြယ်မှုတို့ အားလျော့စ ပြုလာ၏။

ရဟန်းကောင်းတို့သည် ရဟန်းတုရဟန်းယောင်တို့နှင့် ကံကြီးကံငယ် အတူမပြုကြတော့ပေ။ ထို့ကြောင့် သာသနာ့လောကသည် အပိုင်းပိုင်းပြတ်ကာ သံဃာ့ဂိုဏ်း ကွဲပြားသွားကြလေတော့၏။ ထိုသည်ကို အသောကမင်းကြီးသိတော်မူလျှင် စိတ်နှလုံး မသာမယာ လွန်စွာဖြစ်တော်မူလေ၏။ ထို့ကြောင့် သံဃာညီညွတ်ရေးကို အသောကမင်းကြီး အချိန်တိုင်း စဉ်းစားတွေးတောနေလေတော့၏။ နောက်ဆုံးအကြံရသည်မှာ သံဃာမညီညွတ်ခြင်းသည် သံဃာအားလုံး ကံကြီးကံငယ် အတူမပြုကြခြင်းကြောင့်ဖြစ်၏။ ထို့ကြောင့် သံဃာအားလုံး ဥပုသ်ပြုခြင်းမှ စပြီး ကံကြီးကံငယ်အားလုံး အတူတူ ပြုကြစေရန် မင်းကြီးစီမံလေ၏။ သူ၏ စစ်သူကြီးကို ခေါ်ယူပြီး သံဃာတော်တွေ အားလုံး ဥပုသ်ကံမှစပြီး ကံကြီးကံငယ်အတူပြုကြရန် ပြုလုပ်ဆောင်ရွက်ချေလော့ဟု အမိန့်ပေးလေ၏။

စစ်သူကြီးသည် အသောကမင်းကြီး၏ အမိန့်ကို ဘာသာပြန်မှားလေတော့၏။ ထိုဘာသာပြန်မှားခြင်းကြောင့် ရဟန်းစစ်ရဟန်းမှန်တို့များစွာ သေကြေပျက်စီးရလေတော့၏။ အဘယ့်ကြောင့်ဆိုသော် ရဟန်းတုရဟန်းယောင်တို့၏ ဥပုသ်ကံဆောင်ပွဲသို့ ရဟန်းစစ်ရဟန်းမှန်တို့ မတက်ရောက်ဘဲ နေကြသောကြောင့် ထိုဥပုသ်ကံဆောင်ပွဲသို့ မတက်ရောက်ကြည့် ရဟန်းမှန်သမျှကို စစ်သူကြီးက မင်းအမိန့်ဖြင့် သတ်ဖြတ်ပစ်လိုက်သောကြောင့်ဖြစ်၏။ အမှန်မှာ မင်းအမိန့်သည် ရဟန်းတို့အား သတ်ပစ်ရန်မဟုတ်၊ ညီညွတ်အောင်ပြုလုပ်ခိုင်းခြင်းမျှသာ ဖြစ်လေ၏။ သို့သော် အမှန်အကောင်အထည်သွားဖော်သူမှာ စစ်သူကြီးဖြစ်၏။ ထိုစစ်သူကြီးက အဓိကဖြစ်၏။ ထိုအဓိကကြသည့် စစ်သူကြီးက ဘာသာပြန်မှားသွားသည့်အခါ ရဟန်းကောင်းရဟန်းစစ်များ သေကြေပျက်စီးရလေတော့၏။
....

ထိုသာဓကတို့သည် အချင်းချင်း ဆက်ဆံနေထိုင်ကြသည့်အခါ တစ်ယောက်နှင့်တစ်ယောက် ဘာသာပြန်မမှားစေဖို့ သင်ခန်းစာကိုပေးလေ၏။ ထိုသင်ခန်းစာကို မှတ်ယူပြီး အချင်းချင်း ဘာသာပြန်မမှားဖို့ လိုအပ်လှပေ၏။ လူတစ်ယောက်၏ စိတ်ကို မည်သူက တပ်အပ်သိနိုင်မည်တည်း။ ကိုယ်လိုရာ ဆွဲပြီး ဘာသာပြန်၍ မည်ကဲ့သို့ ရနိုင်မည်နည်း။ ပါးစပ်ပါတိုင်း ဘာသာပြန်ဖောက်သည်ချလျှင်၊ ထိုဘာသာပြန်သည်လည်း အမှားသက်သက်ဖြစ်နေလေလျှင် တစ်ဘက်သားလူ မည်ကဲ့သို့ နစ်နာသွားမည်ကို စဉ်းစားတတ်ဖို့ လိုအပ်လှပေ၏။ ဘယ်သူသေသေ ငတေမာရင် ပြီးရော ဟူသော အတ္တအလွန်ကြီးမားသူများသာ တစ်ဘက်သားလူ နစ်နာဆုံးရှုံးသည်ကို ကြည်နူးဝမ်းမြောက်တတ်ကြလေ၏။ ကိုယ်ချင်းစာတရား ကင်းမဲ့တတ်ကြလေ၏။

ချုပ်၍ဆိုရလျှင် ဘာသာပြန်မှားခြင်းမှတစ်ဆင့် ကိုယ်လုပ်တာမှန်သမျှ၊ ကိုယ်ပြောတာမှန်သမျှ တစ်ဘက်သားလူအပေါ် မည်မျှလောက် သက်ရောက်မှုရှိနိုင်ပြီး အကျိုးကျေးဇူးမည်မျှပျက်စီး ဆုံးရှုံးသွားမည်ကို အရင်စဉ်းစားသင့်၏။ တစ်ဘက်သားပျက်စီးဆုံးရှုံးနေသည်ကို သူ့နေရာမှာ ကိုယ်တိုင်ဝင်ရောက်ခံစားပြီး စာနာနားလည်ပေးသင့်၏။ ကံတရားတို့မည်သည် အတုံ့အလှည့်ရှိတတ်၏။ ကောင်းခြင်းမကောင်းခြင်းသည် လူတစ်ယောက်ထဲအတွက် မဟုတ်။ ကိုယ်ပြုလုပ်သမျှ ကာယကံ၊ ပြောဆိုသမျှ ၀စီကံ၊ ကြံစည်သမျှ မနောကံတို့သည် ကိုယ့်ဆီ ပြန်လာကြမည်ဖြစ်၏။ ထို့ကြောင့် ဘာသာပြန်မှားခြင်းကို အတတ်နိုင်ဆုံး မပြုလုပ်မိကြစေရန် လိုအပ်လှပေတော့၏။

မှတ်ချက်
ပုံကို ဤနေရာမှ ယူထားပါသည်။

...

2 comments:

Anonymous said...

13 comments:

Kokogyi21 said...

Thanks for your precious post.
Sunday, 6 February 2011 02:47:00 GMT


ရွှေရတုမှတ်တမ်း said...

သဂျီး.....ဘယ်သူ့ကို ဘာသာပြန်ငှားထားလဲ..
အဖြူမလေးလား..
သာသနာပြုမင်း Asoka လက်ထက်ကတောင် ရဟန်းစစ်တွေ စစ်သူကြီးသတ်တာခံရသေးတာ..
ခုခေတ် စစ်ဘိုတွေကသတ်တာကတော့ မထူးဆန်းဘူးလို့ ဘာသာပြန်လိုက်ပါသည်..
Sunday, 6 February 2011 02:49:00 GMT


ကောင်းမွန်ဝင်း said...

ကိုကိုမောင်ရေ
မင်္ဂလာပါ။

ခေါင်းစဉ်ကိုကြည့်ပြီး ကိုယ့်ကိုပြောသလားလို့
ဆိုပြီး လန့်သွားတယ်။
တခါတလေ ကျွန်မကဘာသာပြန်အလုပ်ကို အပိုဝင်ငွေရတဲ့ အလုပ်အဖြစ်လုပ်တယ်လေ။

ကိုယ်ဘာသာပြန်တာကို မမှားရအောင် ဆိုပြီး အရမ်းသတိထားရတာရယ် ကြေးစားအဆင့်ပိုက်ဆံယူထားတဲ့အလုပ်ဆိုတော့ သေချာအောင်လုပ်ရတာရယ်နဲ့ တာဝန်ကြီးလှပါတယ်။

ကျောင်းတက်တုန်းက ဘာသာပြန်တဲ့ ဘာသာရပ်အတွက် သင်ခန်းစာ စာသင်ချိန် ၂ခုလောက်ယူခဲ့ရတယ်။
စာတစ်ပိုဒ် စကားတစ်ခွန်းကို အခန်းထဲ အတူတက်သူ၆ယောက်လောက်ကပြန်လိုက် ကြတာအမျိုးမျိုးပေါ့ ဆရာတွေ ၊ ဆရာမတွေက အမျိုးမျိုးဝေဖန် အနီးစပ်ဆုံးကို ရွေးပေးတာမျိုးလေ။
အဲဒီ၆ယောက် ဘာသာပြန်တာ တူတာရှိသလို မတူတာလည်းရှိ၊ ကျွန်မက အဲလိုအချိန်မျိုး သတိရမိတာ ငယ်ငယ်က သင်ခဲ့ရတဲ့ မျက်မမြင်ပုဏ္ဍား ၆ယောက်က ဆင်ကို ကိုင်တွယ်ပြီး ဘာသာပြန်အဓိပ္ပါယ်ဖွင့်တာကိုပေါ့။

decode/translate/ interpret/ definite လုပ်ရတာတွေက တကယ်ကို ခက်ပါတယ်နော်။

ဆရာ ဆရာမတွေက ဆုံးမတယ်လေ၊ သိပ်မတတ်တဲ့သူတွေက မသိတော့ ဘာသာပြန်ရင်လုံးလုံးမှားတာသိသာပေမယ့်
မတတ်တတတ်တွေ ဘာသာပြန်ရင် အန္တရာယ်ရှိတယ်တဲ့။

စကားမစပ် အပေါ်က ရွှေရတုမှတ်တမ်းရဲ့ဘာသာပြန်ထားတာက တော့ အန္တရယ်မရှိနိုင်ဘူးလို့ထင်ပါတယ်။း)
ခင်မင်လေးစားစွာဖြင့်
Sunday, 6 February 2011 03:40:00 GMT


ခွန် said...

အစ်မကောင်းမွန်ဝင်းပြောသလိုဘဲ သူကြီး ခွန့်များ စောင်းရေးတာလားလို့...
ရေးနေရင်းမို့ လက်တောင်တုန်သွားတယ်...:D

ဟုတ်ကဲ့ အတက်နိုင်ဆုံး ဂရုစိုက်ပါတယ်။
အခန့်မသင့်ရင် ကိုယ့်ကြောင့် နှစ်နိုင်ငံ စစ်ထဖြစ်ရင်
ဖြစ်နိုင်တယ်... (ဟဲ...နောက်တာ:P)
Sunday, 6 February 2011 06:49:00 GMT

Anonymous said...

မေဓာဝီ said...

အဲဒီလိုဘာသာပြန်မှားတာတွေ ခဏခဏကြုံဖူးတယ်။ တချို့ကလဲ တကယ့်မူရင်း အနက်ကို သိပေမဲ့ ကိုယ်လိုရာဆွဲယူပြီး တမင်အမှား ပြောကြတာပါ။ ရလာမယ့် အကျိုးဆက်ကိုလဲ မသိမှာ မဟုတ်ဘူး၊ သိမှာပါပဲ။ အဲလို တမင်မှားတွေက မတော်တဆ မှားတွေထက် ပိုဆိုးတယ် သူဂျီးရေ ... ။
ငယ်ငယ်တုန်းက လူကြီးတွေကို ကုန်းသွားသွားချောပြီး သွေးခွဲတတ်တဲ့ အကိုဝမ်းကွဲ တယောက်ကို ၀ဿကာရလို့ နာမည်ပေးထားဖူးတယ်။ အဲလိုလူတွေကို ၀ဿကာရလို့ခေါ်ရင် မကောင်းဘူးလား။ :))
Sunday, 6 February 2011 11:33:00 GMT


အင်္ဂါဟူး said...

သတိထားရမယ် သဂျီးရေ။ ကျေးဇူးတင်တယ်. စစ်သူကြီးလောက်ပဲသိတယ်။ ကျန်တာတော့ လုံးစေ့ပတ်စေ့ မသိသေးဘူး
Sunday, 6 February 2011 19:51:00 GMT


နေ၀သန် said...

အင်း.. အဲဒါပါပဲ.. တစ်ခါတစ်ခါ ရေးသူ (ပြောသူ) က ဘာကိုဆိုလိုတယ်မှန်းမသိ... ရမ်းသမ်းဖတ်(နားထောင်)ပြီး ရမ်းသမ်းစော်သွားတာ ဒုနဲ့ဒေးပဲ.... ပြောရင်တောင် ရေးသူ(ပြောသူ)ကပဲ ရှင်းရှင်းလင်းလင်းမရေးသလိုလိုက ပြန်လုပ်သေး.....

ခင်မင်တဲ့
နေ၀သန်
Monday, 7 February 2011 02:57:00 GMT


သဒ္ဓါလှိုင်း said...

ဖတ်သွား မှတ်သွားပါတယ် သူကြီးရေ..
အဆင်ပြေပျော်ရွှင်ပါစေ..
ခင်မင်တဲ့
သဒ္ဓါ
Monday, 7 February 2011 10:17:00 GMT


noblemoe said...

ဒီပိုစ့်လေးအတော်ဖတ်လို့ ကောင်းပါတယ်။
ဟုတ်တယ် အထင်ကြီးခြင်းသေးခြင်းမထားတာကောင်းဆုံးနော် အိမ်မှာတော့ဦးလေးတွေက အမြဲဆုံးမတဲ့စကားတစ်ခွန်းနဲ့တိုက်ဆိုင်နေလို့ပါ။

သာယာချမ်းမြေ့ပါစေရှင်း
မိုး
Tuesday, 8 February 2011 01:48:00 GMT


ကြည်ကြည် said...

နောက်ဆုံးအချုပ်ကိုအပြည့်အ၀လက်ခံပါသည်။
တရား၇ှာ ပန်းရနံ့မှာတွေ့ ......
ရေးတာနဲ့တင်မရဘူးနော် ကိုယ်တိုင်လည်း အဲ့လိုကျင့်သုံးနိုင်အောင်အမြဲကြိုးစား..(သတိပေးတာ)

အင်း တို့ တွေ လည်းကိုယ့်ဘာသာကိုယ်ပြန်ပြန်သတိပေးရမယ်......
Wednesday, 9 February 2011 03:46:00 GMT


An Asian Tour Operator said...

အသေအချာ သတိထား ဆင်ခြင် ပါ့မယ်ဗျာ..။ :-)
Wednesday, 9 February 2011 05:52:00 GMT


ဂျစ်တူး ( မုံရွာ ) said...

ကျန်းမာပါစေမင်္ဂလာပါခင်ဗျာ-
သူကြီးရေ---ဘာသာမပြန်ဘူးဖူးဗျ-
သူကြီးကိုဘဲအားကိုးရမှာဘဲဗျ-
ထိုးခိုင်းထားတဲ့ဂဏန်းကတော့လုံးဝမပါသေးဘူးဗျို့ 
ဒါပေမဲ့ကျေးဇူးပါခင်ဗျာ-
Thursday, 10 February 2011 10:21:00 GMT


ကိုဇော် said...

ဘာသာပြန်သူတွေမှာ သူတို့ရဲ့ အစွဲတွေ ပါလာတတ်တယ်။ အဲဒီလို အစွဲတွေ မပါဘဲ အရှိကို အရှိအတိုင်း ဖော်ညွှန်းတတ်သူကိုပဲ ဘာသာပြန်ကောင်းသူ တစ်ယောက်လို့ ကျနော်ကတော့ ယူဆမိတာပါပဲ။ ဒါပေမဲ့ လွယ်တော့ မလွယ်ဘူးပေါ့လေ။
Friday, 11 February 2011 14:59:00 GMT