Sunday 28 February 2010

အဆင်ပြေပါစေ


အလုပ်တစ်ခု၊ အကြောင်းပြု၍
တစ်ခုခရီး၊ သွားပြီးဖြေရှင်း၊
သူ့ရည်ချင်းကို၊ ရှင်းရှင်းယုံငြား
ငါ့စိတ်အားမူ၊ သနားငဲ့ညှာ
ကိုယ်ချင်းစာသည်၊ ချမ်းသာအပြည့်ရှိပါစေ။

မိုးကအေးအေး၊ ဟိုဒီတွေး၍
လွမ်းရေးဆင့်ကဲ၊ ဗျာပါကဲသည်
ချစ်သဲအဆင်ပြေပါစေ။

တိမ်တောင်ညိုမဲ၊ မိုးရွာသဲလည်း
ရင်ထဲဆူလောင်၊ စိတ်ဘောင်ဘင်ခတ်
တစ်ခြားရပ်မှာ၊ တတ်သည့်ပညာ
မနေသာ၍၊ သွားကာလုပ်နေ
သူ့အခြေသည်၊ အောင်မြေအတိပြီးပါစေ။

...

Wednesday 24 February 2010

ဘယ်လိုပြောရပါ့မလဲ ???


ချစ်သူစိတ်ဓါတ်၊ လွန်လွတ်လပ်ဖို့
သင့်အပ်နေရာ၊ သူသွားတာကို
ဣဿာ မစ္ဆေ၊ မဖြစ်ပေဘူး
"သွားလေ သွားလေ"၊ ငါဆိုချေသော်
"ချစ်တွေယိုယွင်း၊ လျော့ပြိုဆင်းလို့
လင်းတ ထိုးပြီး၊ ကျီးချီယူစား

ပစ်ရက်အားတယ်၊ သနားမညှာ
ညှာတာမထောက်၊ ပေါက်လွတ် ပဲစား
သဘောထားတယ်"
တဲ့။


ဟိုနား ဒီနား၊ ဆင်ခြင်သွားဖို့
သနားညှာတာ၊ စိုးရိမ်စွာဖြင့်
စဉ်လာအရ၊ တင်ကာပြသော်၊
သူ့အာဘော်ကား၊ "ပျိုဖော်အရွယ်
သက်ငယ်မဟုတ်၊ မရှုပ်မလည်

မချုပ်ခြယ်နဲ့၊ ကျုပ်မငယ်တော့ဘူး

နားထားဦး"
တဲ့။


ကဲဗျာ..
အထားစကာ၊ အထာစကား
ငါနားမလည်ဘူး၊ ဘယ်ဝယ် ဘယ်သို့
ဘယ်သို့ ဘယ်ပုံ၊ ဘယ်ပုံ ဘယ်နည်း
ဘယ်နည်း ဘယ်ဆီ၊ ဘယ်ဆီ ဘယ်သွား
စကားကြီးဆယ်ခွန်း၊ ငါ့မှာထွန်းလဲ
ဆယ်ခွန်းလုံးပယ်၊ ရောင်လယ်လယ်ဖြစ်
ငါ စိတ်ညစ်တယ်၊ ချစ်သူတွေကြား
ပြောစကားကို၊ သိထားသူတွေ
ကူညီစေလို၊ တောင်းကာဆိုသည်
ငါ့ကို နည်းပေးကြပါလှည့်။ ။


အမှာစာ။
ကဗျာထဲမှာ ငါ ဆိုတဲ့ ဝေါဟာရကို သုံးစွဲလိုက်တဲ့အတွက် ရိုင်းသွားသလိုဖြစ်ရင် စာဖတ်သူအားလုံးကို တောင်းပန်ပါတယ်။ ကာရန်ဦးစားပေးပြီးရေးရလို့ ပါ။ နဲနဲတော့ ရိုင်းနေသလိုဘဲးဝ( ။


...

Monday 22 February 2010

ချစ်မှတ်တိုင် (ယိုင်မှာစိုး)

ချစ်မှတ်တိုင်
သူ စိုက်ခဲ့တဲ့ ချစ်မှတ်တိုင်
ငါ စိုက်ခဲ့တဲ့ ချစ်မှတ်တိုင်။

တူကိုင်ကာ တူပြိုင်စိုက်ပါတဲ့
ချစ်မှတ်တိုင် ပြိုင်စံရှားရယ်က
ကြွားကြွားဝံ့ဆိုင်။

လေ အသော့မှာလ
သွေတော့မကွဲ့ဟန်ကိုပြင်
သူမြင်ချက်က ဆန်း။

တစ်လွဲဓိပ္ပါယ်
မကွဲ ကွဲအောင်ဖန်ပြီထင့်
သူ့ထံမှာ သူ့မာန်ဟပ်ပါလို့
ချစ်မေတ္တာ ပစ်ခွါရက်ဝံ့အောင်
မှတ်တိုင်ကို ဆွဲကိုင်လှဲချတယ်
သဲနင့်အောင်လွမ်း။ ။

မှတ်ချက်။
ချစ်သူလေးအတွက် ချစ်မျက်ပြေစေဖို့ (ဆရာမင်းသုဝဏ်ရဲ့ သပြေညို အလိုက်ဖြင့်) ခံစားရေးဖွဲ့ထားခြင်းရယ်ပါ။

...

Wednesday 17 February 2010

ပိုးကောင်

အချစ်က ဝေကျလာတဲ့
သောက ပိုးကောင်တွေ
ရေပွက်ပမာလေးအတွက်
အချစ်နောက် လိုက်နေကြဆဲ။

ရိုးအီမသွားတဲ့
ဆားငံရည်ကို ကျေးဇူးတင်တယ်
မနက်ဖန်တွေရဲ့  မာယာတစ်သိန်းကို
ရူးမိုက်စွာ နမ်းရှိုက်ချင်သေးလို့။

အမှန်ဆို
ရေငတ်နေတုန်း
ရေတွင်းထဲ ကျခဲ့တာမဟုတ်ဘူး
ရေတွင်းထဲကျနေရင်းက
ရေငတ်နေတာ။

ဝင်သက်ထွက်သက်နဲ့အမျှ
ပိုး တစ်ကောင်ရဲ့  ညှင်းပန်းမှုကို
သာယာစွာ မိန်းမူးနေတဲ့ ငါဟာလဲ
မနက်ဖန်တွေရဲ့ 
ပိုးတစ်ကောင်ပါဘဲ။

...

Monday 15 February 2010

ဒီလိုနေ

ဝတ်ရုံနေကျ Hounslow ရယ်
သောက်သုံးနေကျ Piccadilly line ရယ်
ခါးသက်သက်ဝါးမျိုနေရတဲ့
Soas ဂိုထောင်ထဲမှာ
ငါ့အတ္တတွေ သွေးဖို့
အနတ္တတွေ ချောင်ထိုးထားဖြစ်တယ်။

မြင်နေတဲ့ မမြင်သင့်တဲ့အရာရယ်
မြင်ချင်တဲ့ မမြင်ရတဲ့အရာရယ်
မြင်သင့်တဲ့ မမြင်နိုင်တဲ့အရာရယ်
ငါ့စိတ်တွေကို
လဟာပြင်ထဲ ပို့နေကြလေရဲ့ ။

ဒီနှစ်ဟာ
မနှစ်ကဖြစ်ခဲ့ရင်
လာမဲ့နှစ်မတိုင်ခင်
ငါသွေးထားတဲ့
ငါ့အတ္တတွေ
အရောင်တောက်နေလောက်ပြီ။

ဒါပေမဲ့လဲလေ...
လာမဲ့နှစ်ဆိုတဲ့အရာဟာလဲ
ဒီနှစ်အဖြစ်
လာမဲ့နှစ်မှာ
က ပြ အသုံးတော်ခံဦးမှာပါ။ ။

ဒီနှစ်တွေ
လာမဲ့နှစ်မဖြစ်သေးသမျှတော့
အညမညအလယ်မှာ
သဟဇာတဖြစ်ဖို့
တစ်ခါတစ်လေ
သစ္စာတရားတွေကို
ဒွါရနှင့်မုခအနားယူထားသင့်တယ်။


...

Sunday 14 February 2010

ချစ်သူ့အာရုံ


စက္ကန့်ပိုင်းအတွင်း
ကမ္ဘာအနှံ့
ခြေဆန့်နေတဲ့
ဒီစိတ်။

မျက်စိတစ်မှိတ်အတွင်း
ကုဋေချီပြီး
ဖြစ်ပျက်နေတဲ့
ဒီစိတ်။

လျပ်တစ်ပြက်အတွင်း
ကောင်းခြင်းမကောင်းခြင်းကို
စုဆောင်းတတ်တဲ့
ဒီစိတ်။

လက်ဖျစ်တစ်သွက်အတွင်း
ပလီပလာနဲ့
လိုချင်တာများလှတဲ့
ဒီစိတ်။

ဒီနေ့မှာတော့
အဲဒီစိတ်ကို
အာရုံတစ်ခုထဲပေါ်
တစ်နေ့လုံး တင်ထားလိုက်တယ်။

ချစ်သူ..
မပူပန်လေနဲ့
အဲဒီအာရုံဟာ
မင်းလေး ကိုယ်တိုင်ပါဘဲ။ ။


....

Saturday 13 February 2010

အားနာမိခြင်း

ပါးစပ်ထဲက
လျှံကျလာတဲ့
ဇာတိမာန်။

လက်ပေါ်က
ခုန်ထွက်လာတဲ့
ဇာတိမာန်။

နှလုံးသားထဲ
ကဗျည်းမတင်သမျှ
မွေးနေ့ရှင်ကို
အားနာမိတယ်။

...

Friday 12 February 2010

အတွေ့အကြုံတမ်းချင်း


ရေထဲက ငါး
ကုန်းပေါ်ထားတော့
ဖလပ် ဖလပ်။

ကုန်းပေါ်က ၀က်
ရေထဲ သက်တော့
ဘယ်ယက် ညာယက်။

နေ့မမြင်တဲ့ ဇီးကွက်
ညမထင်တဲ့ တောကြက်
သူတို့ထက် ငါဆိုးမယ်။

တစ်နေ့..
မကြုံးဖူးသေးတဲ့
လှေအလူးမှာ
ငါ.. ရူးများနေလိမ့်မလား။

....

အိပ်မက်ရိုင်း


ခြေမကို ရှပ်တိုက်သွားတဲ့
ထောင်ချောက်တစ်ခုရဲ့ 
ကျီစယ်မှုအောက်မှာ
ငါ သာယာခဲ့ဖူးတယ်။

ဗဟိုရပ်ဝန်း အလယ်တည့်တည့်
ထိမှန်ခံရတဲ့
သားကောင်အဖြစ်
ပျော်ရွှင်စွာ
ငါ ကြည်နူးခဲ့ဖူးတယ်။

မြှားတစ်စင်းရဲ့ ထိတွေ့မှုကြောင့်
တိမ်ဆိုင်တွေ ကြယ်တွေ လတွေ ပြည်နှက်နေတဲ့
အာကာသကမ္ဘာထဲမှာ ရောက်ရှိနေရသလိုမျိုး
ငါ ရန်ခုန်ခဲ့ဖူးတယ်။

နှုတ်ခမ်းတစ်စုံရဲ့ 
မာန်ဟုန်တွေက
တိုက်ပွဲခေါ်သံဟစ်ကြွေးနေသယောင်ယောင်။


အိပ်မက်ရိုင်းရယ်...
မရပ်တန့်လိုက်ပါနဲ့
မင့်ရဲ့ နှိပ်စက်မှုကို
ငါတမ်းတနေဆဲပါဘဲ။


....

Thursday 11 February 2010

ကြိုးစားပါ


ရေရှိရင် ကမ်းရှိရမယ်ဆိုပြီး
သမုဒ္ဒရာထဲ လက်ပစ်ကူးခဲ့တဲ့
မဟာဇနကမင်းသား။

သေခြင်းရှိရင် မသေခြင်း ရှိရမယ်ဆိုပြီး
မိဂဒါဝုန်ထဲ မသေခြင်းကို အရှာထွက်ခဲ့တဲ့
သိဒ္ဓတ္ထမင်းသား။

ချုပ်နှောင်မှုရှိရင် လွတ်လပ်မှုရှိရမယ်ဆိုပြီး
ဆင်းရဲဒုက္ခမျိုးစုံခံကာ လွတ်လပ်မှုအတွက် ကြိုးပမ်းခဲ့တဲ့
ဗိုလ်ချုပ်အောင်ဆန်း။

သူတို့ အရမ်းပင်ပန်းခဲ့ကြတယ်။

မင့်မှာ....
လက်ရှိတယ်
တက်ရှိတယ်
လှေရှိတယ်
ဒီတော့
ဘာလိုသေးလဲ။

ပန်းတိုင်အရောက်
ဖြေးဖြေးမှန်မှန် လှော်ခတ်စမ်းပါလေ။

...

Sunday 7 February 2010

အတူတူနေကြတဲ့အခါ....


လူဖြစ်စေ တိရစ္ဆာန်ဖြစ်စေ ငှက်ဖြစ်စေ နာနာဘာဝတွေဖြစ်စေ များသောအားဖြင့် အုပ်စုလိုက် အသင်းဖွဲ့လိုက် နေထိုင်ကြရပါတယ်။
အသင်းအဖွဲ့ဆိုတဲ့နေရာမှာ မိသားစု မျိုးတူစု ဆွေမျိုး မိတ်ဆွေ လုပ်ငန်းတူ ဋ္ဌာနတူစတဲ့ အစုအစုလေးတွေအားလုံးပါဝင်ပါတယ်။ ဒီလိုနေထိုင်ကြတဲ့အခါမှာ ဘာတွေဖြစ်ပေါ်လာတတ်ကြသလဲဆိုတော့ ရှောင်လွဲမရနိုင်တဲ့ ချစ်ခြင်းမုန်းခြင်းတွေပါဘဲ။

အိုးချင်းထား အိုးချင်းထိ ကြိုးချင်းထား ကြိုးချင်းညှိဆိုသလို မြင်ပါများတော့ ချစ်ကျွမ်းဝင်တတ်ကြတာဟာ ဓမ္မတာတစ်ခုပါ။ ဒါပေမဲ့ နီးစပ်မှုကြောင့် ချစ်မေတ္တာတွေသာ ပေါက်ဖွားလာတတ်ကြတာ မဟုတ်ပါဘူး။
မြင်ပါများတော့ ပြယ်ဆိုသလို ချစ်ခြင်းတွေပြယ်ပျောက်ပြီး မုန်းတီးမှုတွေလဲ ဖြစ်တတ်ကြပါတယ်။ ကိုယ့်ရဲ့  အချစ်ဆုံးဇနီးမယားကိုတောင်မှ အနီးကပ်ဆုံးအကြီးမားဆုံးရန်သူတဲ့။ ဇာတ်တော်နိပါတ်တော်တွေမှာ အဲဒီလို ဆိုထားတယ်။ ပြီးတော့ နီးလွန်းတော့ ရန်တွေဖြစ် ဝေးသွားတော့ လွမ်းကျန်ရစ်ဆိုတာလဲ ရှိသေးတယ်။
ဘာကိုမှ ကြည့်မနေပါနဲ့။ အိမ်နီးချင်းနိုင်ငံတွေကိုဘဲ ကြည့်ပါ။ တစ်ခါတစ်ခါ အဆင်ပြေလိုက်။ တစ်ခါတစ်ခါ တိုက်မယ်ခိုက်မယ်လုပ်လိုက်နဲ့။ ပြောင်းလဲမှုတွေလေ။ အဲဒါ နီးစပ်မှုကြောင့်ဖြစ်ပေါ်လာတဲ့ အကျိုးသက်ရောက်မှုတွေပေါ့။

ကျနော်အပါအ၀င် မြန်မာလူမျိုးတွေရဲ့ အားနည်းချက်တစ်ခုက အစမှာ အရမ်းကောင်းတတ်ပြီး ကြာလာရင်အချင်းချင်း အပြစ်မြင်လာကြပြီး စည်းလုံးမှု မရှိကြတော့တာပါဘဲ။ စည်းလုံးမှုမရှိတာထက် ဆရာအတင်မခံချင်ကြတာက ပိုများမယ်ထင်တယ်။ မရှိသင့်တဲ့မာနတွေရှိတတ်ကြပြီး မယောင်ရာဆီလူးတတ်ကြပါတယ်။ အလုပ်ကို တကယ်လုပ်တာထက် လူကြီးရောက်လာမှ မျက်နှာသာရအောင် လုပ်ပြတတ်တာ များပါတယ်။ စေတနာနှင့်လုပ်ရမဲ့အလုပ်ကို မာနတွေတစ်သီကြီးနဲ့ ဟန်ပါပါ မာန်ပါပါ မဏ္ဍပ်တိုင်တက်ပြပြီး ငါတကောလုပ်ပြတတ်ကြတာလဲ ဒုနဲ့ဒေးပါဘဲ။ ပြီးတော့ အလုပ်လုပ်တာထက် နာမည်ရချင်တာက ပိုများတတ်ပါတယ်။ တာဝန်ကို ခေါင်းရှောင်တတ်ပြီး အခွင့်အရေးကို လုယူတတ်ကြသူတွေလဲ မမြင်ချင်အဆုံးမဟုတ်လား။

လူမှန်ရင် အရည်အချင်းတစ်ခုစီလောက်တော့ အနည်းဆုံးပိုင်ဆိုင်ထားတတ်ကြပါတယ်။ တစ်ခုခုဘက်မှာ အားနည်းနေတဲ့အတွက် အထင်သေးစရာမလိုသလို တစ်ဘက်ဘက်မှာ အားသာနေသူကိုလဲ အရမ်းကြီး အထင်ကြီးစရာမလိုပါဘူး။ ကျနော်ကိုယ်တိုင်က ကိုယ့်ထက်(ပညာရေးဘက်မှာ)သာလွန်တဲ့သူတွေကို အရမ်းအထင်ကြီးတတ်တဲ့ရောဂါရှိနေသူ တစ်ယောက်ပါ။ ဒါပေမဲ့လဲ.. အချိန်ရဲ့  စေ့ဆော်မှုကြောင့် အဲဒီရောဂါကတော့ မှုန်ဝါးသွားသလောက်ဖြစ်နေပါပြီ။ ဆိုလိုတာကတော့ အထင်ကြီးရုံအဆင့်လောက်ဘဲ ရှိပါတော့တယ်။ အရမ်းကြီး အထင်ကြီးတတ်တဲ့အဆင့်မှာ မရှိတော့ပါဘူး။

အဲဒီလိုဆိုတော့...
အတူတူနေထိုင်ကြတဲ့အခါ ဘာတွေလိုအပ်သလဲ။
အထူးသဖြင့် အခြေအနေအရ နိုင်ငံရပ်ခြားမှာ၊ မိဘနှင့်ဝေးတဲ့နေရာတွေမှာ နေထိုင်ကြတဲ့သူတွေအဖို့ ပိုအရေးပါပါတယ်။ အခြားသူတွေနဲ့ အတူနေရတဲ့အခါမှာ အပြုသဘောဆောင်တဲ့ ဆက်ဆံပေါင်းသင်းမှုအတွက် ဘာတွေလိုအပ်ပါသလဲ။ ကျနော့်အတွေ့အကြုံအရရော သီအိုရီအရပါ ကောက်ချက်ကလေးတွေ ဆွဲကြည့်မိတယ်။


၁။ကိုယ်ဘာကြိုက်တတ်သလဲဆိုတာထက် သူများတွေ ဘာမကြိုက်တတ်ဘူးလဲဆိုတာကို စဉ်းစားပါ။

၂။ကိုယ်ဘာမကြိုက်တတ်ဘူးလဲဆိုတာထက် သူများတွေဘာကြိုက်တတ်သလဲဆိုတာကို တွေးခေါ်ပါ။

၃။ကိုယ်လုပ်တဲ့အလုပ်မှအကောင်းထင်ပြီး သူများလုပ်တဲ့အလုပ်ကို မကောင်းမမြင်ပါနဲ့။

၎။ကိုယ်တိုင်ကောင်းမှုမလုပ်နိုင်ရင်နေပါစေ။ သူများတွေကောင်းမှုလုပ်နေတာကို မကောင်းမထင်ပါနဲ့။

၅။ကိုယ့်ရဲ့ အပြုအမူဟာ တစ်ဖက်လူအပေါ်ကြောသလိုဖြစ်နေသလားဆိုတာကို ဆင်ခြင်ပါ။

၆။တစ်ဘက်လူရဲ့ အပြုအမူဟာ ကိုယ့်အပေါ်ကြောသလိုဖြစ်နေရင် တစ်ဖက်လူနားလည်အောင် ယဉ်ယဉ်ကျေးကျေး ညှိနှိုင်းပြောဆိုပါ။

၇။အချင်းချင်းအရွဲ့မတိုက်ပါနဲ့။

၈။အချင်းချင်းအထင်မသေးပါနဲ့။

၉။အချင်းချင်းပိုင်နက်(ပိုင်နက်အမျိုးမျိုးရှိသည်)ကို မကျူးကျော်ပါနဲ့။

၁၀။အချင်းချင်းရဲ့ အသေးအဖွားအပြစ်များကို ဥပေက္ခာပြုပေးလိုက်ပါ။

၁၁။ကိုယ့်ဗီဇကို နှလုံးသွင်းပါ။

၁၂။သူ့ဗီဇကို နားလည်ပေးပါ။

၁၃။ပတ်ဝန်းကျင်နှင့်အညီ Common sense ကို ပြုစုပျိုးထောင်ပေးပါ။

၁၄။လူတိုင်း မာနကိုယ်စီရှိတယ်ဆိုတာကို မမေ့ပါနဲ့။

၁၅။ဖြစ်နိုင်ရင် အချင်းချင်းကြိုတင်ပြီး နားလည်မှုယူထားကြရင် အကောင်းဆုံးပါဘဲ။


ဘုတ်ကျီးရိုသေ၊ ကျီးဘုတ်ရိုသေသဘောမျိုးထွေးပိုက်ပြီး တစ်လှေထဲစီး တစ်ခရီးထဲသွားသူချင်းအတူတူ အထက်က အချက်အလက်တွေကို နှလုံးသွင်းပြီး အပြန်အလှန်နားလည်ခွင့်လွတ်ပေးကြရင် အတူတူနေထိုင်တဲ့အခါ ပိုအဆင်ပြေမှာသေချာပါတယ်။ အစကောင်းမှ အနှောင်းသေချာ လို့စကားပုံရှိပေမဲ့ အခုရှုပ်မှ နောင်ရှင်း ဆိုတဲ့စကားပုံက ပိုသက်ရောက်မှုရှိပါတယ်။ ဒါပေမဲ့ စစချင်း ဆောက်နဲ့ထွင်းတော့ မလုပ်သင့်ဘူးပေါ့လေ။ အစမှာ ညှိညှိနှိုင်းနှိုင်းကြိုလုပ်ထားကြဖို့ဆိုလိုတာပါ။ အဲဒီအတိုင်းပြုလုပ်ရင် အချင်းချင်းပဋိပက္ခတွေနည်းပါးသွားပါလိမ့်မယ်။ ပြီးတော့ ဘယ်အရာကိုဘဲ လုပ်လုပ် ညီညွတ်စွာလုပ်ဆောင်နိုင်ပြီး အောင်မြင်မှုတွေ ရရှိလာမှာ သေချာပါတယ်။

ဥာဏ်မှီသလောက်စိတ်ကူးတင်ပြပေးလိုက်ခြင်းရယ်ပါ။ ။ မိတ်ဆွေတို့ တွေ့ကြုံတာလေးတွေ၊ တွေးခေါ်မှုလေးတွေ၊ သင်ခန်းစားလေးတွေ ဒီထက်ပိုရှိခဲ့ရင်လဲ ထပ်ဖြည့်ပေးကြစေလိုပါတယ်။

အားလုံး ညီညီညွတ်ညွတ် ချစ်ချစ်ခင်ခင် ပျော်ပျော်ပါးပါး အတူတူနေထိုင်နိုင်ကြပါစေ။


..........

Friday 5 February 2010

ကျနော်တို့ ရပ်ကွက်ထဲမှာ........


ဒီနေ့..
တစ်ယောက်က တစ်ယောက်ကို အဆင့်တစ်ခုမှ အဆင့်တစ်ခုသို့ ချလိုက်၏။

ထိုတွင်..

တစ်ယောက်ကား ခေါင်းခဲနေ၏။
ပြီးတော့ "အင်္ဂလန်အသင်းအတွက် အကောင်းဆုံးဖြစ်အောင်လုပ်လိုက်ရတာပါ" ဟု ပြော၏။

တစ်ယောက်ကား စိတ်လှုပ်ရှားတုန်လှုပ်နေ၏။
ပြီးတော့ "အဆင့်ချလိုက်ပေမဲ့ ချလိုက်သူကို အကြည်ညိုမပျက်ပါဘူး"ဟု ပြော၏။

တစ်ယောက်ကား (ကျနော့်အထင်) ကျိတ်ပျော်နေ၏။
(.............................)

တစ်ယောက်ကား စိတ်မကောင်းဖြစ်နေ၏။
ပြီးတော့ "မီးတောက်ထဲကို လောင်စာထပ်မတည့်ချင်ဘူး" ဟုပြော၏။

တစ်ယောက်ကား ဒေါသအိုးပေါက်ကွဲနေ၏။
ပြီးတော့ "သူနှင့်အတူတူ အလုပ်မလုပ်ချင်ဘူး"ဟုပြော၏။

တစ်ယောက်ကား ကြေကွဲဝမ်းနည်းနေ၏
ပြီးတော့ "သူနှင့်မပတ်သက်ချင်တော့ဘူး" ဟု ပြော၏။

သူတို့ ဘယ်သူတွေလဲ????
တကယ်ဘဲ အနာဂါတ်မှာ သူတို့ အချင်းချင်း မပတ်သက်ကြတော့ဘူးလား????



.......

Monday 1 February 2010

အမေ့အချစ် (ပို့စ် ၅၀၀ ပြည့် အမှတ်တရ)


ကျနော် ငယ်ငယ်တုန်းက အတိုဆုံးဝတ္ထုတစ်ပုဒ်ဖတ်ခဲ့ဖူးတယ်။ အခုထက်ထိ မှတ်မိနေတုန်းပါဘဲ။ ဘယ်သူရေးမှန်းတော့ မသိတော့ပါဘူး။ တိုတိုလေးနဲ့ ထိမိလှပါတယ်။
...

ကျောင်းသွားခါနီး သမီးလေးဖို့ ကြက်သားကြော်လေး ချိုင့်ထဲထည့်ပြီး......

"သမီးရေ... ကြက်သားကြော်လေးကို ကျောင်းမှာ စားဖို့ယူသွားနော်"


"အမေ့ကကော ဘာဟင်းနဲ့စားမှာလဲ။ ခွဲချန်ထားတာလဲ မတွေ့ဘူး"


"အမေက ကြက်သားမကြိုက်ဘူးသမီးလေးရဲ့ ။ ထမင်းဖြူလေးနဲ့ငါးပိရည်နဲ့က အမေ့အကြိုက်ဆုံး"


အဲဒီသမီးလေးအရွယ်ရောက်ပြီး အိမ်ထောင်ကျတယ်။ သမီးတစ်ယောက်မွေးဖွားတယ်။
သူ့သမီးလေးကျောင်းသွားခါနီးမှာ ကြက်သားကြော်လေးကို ချိုင့်ထဲထည့်ပေးပြီး.....

"သမီး..... ကြက်သားကြော်လေးကို ကျောင်းမှာ စားဖို့ယူသွားနော်"


"အမေ့အတွက်ကော ချန်ထားသေးလို့လား"


ဒီအချိန်မှာ အဲဒီအမေဟာ သူ့အမေကို သတိရပြီး မျက်ရည်တွေကျလို့နေလေရဲ့ ။ ပြီးတော့ စကားတစ်ခွန်းကိုလဲ တိုးတိုးလေး ပြောလိုက်တယ်။

"အမေရယ်... သမီးလဲ အခုဆို ကြက်သားမကြိုက်တော့ပါဘူး
" တဲ့။
......


အမေအကြောင်းရေးမယ်ဆိုရင် ရေးလို့ ကုန်နိုင်အံ့မထင်ပါဘူး။ ဘာဖြစ်လို့လဲဆိုတော့ အမေ့မေတ္တာဟာ အရာအားလုံးတို့ထက် မွန်မြတ်နေလို့ပါဘဲ။ သားသမီးတွေအတွက် အငတ်ခံနိုင်သူဟာ အမေတစ်ယောက်ဘဲ ရှိပါတယ်။ သားသမီးတွေအတွက် အသက်စတေးနိုင်တဲ့သူဟာလဲ အမေတစ်ယောက်ဘဲရှိပါတယ်။

သားဇောနှင့်ကြမ်းတမ်းလှတဲ့ ရုရှားဇာဘုရင်ကို အံတုခဲ့တဲ့ အမေ၊ တိုးအေးသင်္ဘောပျက်ပြီး သေဆုံးကြတဲ့အထဲမှာ ရေထဲ ၁၅ရက်ကြာမှ တွေ့ရတဲ့ (သေဆုံးပြီးခန္ဓာကိုယ်ပုပ်ပွသည့်တိုင်) သားသေလေးကို ဖက်လျက်နဲ့ သေဆုံးနေတဲ့ အမေ။ "သားတို့ရဲ့ ပညာရေးကို အရှုံးမခံနိုင်ဘူး၊ အမေ့အသက် သေချင်သေပါစေ။ ကျောင်းစာတွေရပ်ထားပြီး ဘာဖြစ်လို့ ပြန်လာခဲ့ရတာလဲ"လို့ အမေသေဆုံးခါနီး (ကျောင်းစာခဏရပ်ထားကာ အမေ့ဆီအပြေးပြန်လာခဲ့တဲ့) ကျနော်တို့ကို တစ်ဖွဖွပြောသွားတဲ့ ကျနော်တို့အမေ။ အားလုံးဟာ အမေတွေ... အမေတွေ ပါဘဲလေ။

လူသားတိုင်းမှာ အမေရှိပါတယ်။ အမေနဲ့မကင်းနိုင်ပါဘူး။ သူ့အမေ ကိုယ့်အမေကွဲပေမဲ့ အမေအားလုံးကတော့ သားသမီးတွေရဲ့  မိခင်တွေပါဘဲ။
.....

မိခင်တွေအားလုံးထဲမှာမှ တရုတ်ပြည် စီချွန်းပြည်နယ် ငလျင်ဒဏ်ကြောင့် အိမ်ပြိုကျပြီး အုတ်ကျိုးအုတ်ပဲ့ဖိမိကာ သေဆုံးသွားတဲ့ မိခင်တစ်ယောက်ရဲ့ 
အဖြစ်ကတော့ ကျနော့်ရင်ကို အလှုပ်ခတ်စေဆုံးပါဘဲ။
*****

၂၀၀၈ခု၊ မေလ ၁၂ ရက်နေ့က တရုတ်ပြည် စီချွန်းပြည်နယ်မှာ ၈.၀ မတ်ဂနီကျုအင်အားရှိမြေငလျင်တစ်ခု ပြင်းထန်စွာလှုပ်ခတ်ပြီး လူပေါင်း ၈၀၀၀၀ ထက်မနည်းသေဆုံးကာ ၄၀၀၀၀၀ ခန့် ဒဏ်ရာရရှိကြပြီး သန်းပေါင်းများစွာ အိုးမဲ့အိမ်မဲ့ ဖြစ်ခဲ့ကြရပါတယ်။ ပြည်တွင်းပြည်ပရှိ ကယ်ဆယ်ရေးလုပ်သားတွေက အားတက်သရော အဆောက်အဦအပျက်တွေကို ဖယ်ရှားပြီး ကယ်ဆယ်ရေးလုပ်ငန်းတွေကို ပြုလုပ်ခဲ့ကြပါတယ်။

တစ်နေ့။
ငလျင်ဒုက္ခသည် ကယ်ဆယ်ရေးအသင်းသားတွေ အဆောက်အဦးတစ်ခုကို အသွားမှာ အသင်းခေါင်းဆောင်က ရုတ်တရက် နောက်ပြန်လှည့်ကာသူ့အသင်းသားတွေကို "မြန်မြန်လာ" ဆိုပြီး အော်ဟစ်ကာပြိုကျနေတဲ့အိမ်တစ်ခုဆီ ပြေးသွားပါတယ်။ ၀န်ထမ်းတွေလဲ သူ့နောက်အပြေးလိုက်လာခဲ့ကြတယ်။ အဲဒီရောက်တော့ သူတို့ တွေ့လိုက်ရပါပြီ။
အိမ်ပျက်ကြားထဲမှာ ပိမိနေတဲ့ အမျိုးသမီးတစ်ဦး။

ဒါပေမဲ့ ကယ်ဆယ်ရေးဝန်ထမ်းတွေ သူမကို တွေ့လိုက်ရတဲ့အချိန်မှာ သူမဟာ သေဆုံးနေခဲ့ပါပြီ။ အိမ်ပြိုကျပြီးအုတ်အကျိုးအပဲ့ ကွန်ကရစ်အပဲ့တွေဖိမိလို့ သေဆုံးရတာပါ။ အုတ်ပုံတွေကြားထဲက သူမရဲ့ ခန္ဓာကိုယ်ပုံစံအနေအထားကို အထင်ရှားတွေ့မြင်နေရပါတယ်။ ဒူးနှစ်ဖက်လုံးမြေပေါ်ထောက်ထားပြီး (ခန္ဓာကိုယ်ပြိုလဲမကျသွားအောင်) လက်နှစ်နှစ်နဲ့လဲ မြေကြီးကိုကြံ့ကြံ့ခံထောက်ထားတဲ့အနေအထားပါ။ ရှေးရိုးရာ အခမ်းအနားတစ်ခုမှာ သစ္စာတိုင်တည်ဟန် (ဒူး လက် လေးဘက်ထောက်) အနေအထားအတိုင်းပါဘဲ။ ဒါပေမဲ့ သူမရဲ့ ကိုယ်ခန္ဓာအနေအထားဟာ ပုံမှန်မဟုတ်ဘဲ ထူးဆန်းနေသလို ဖြစ်နေပါတယ်။ ဘာဖြစ်လို့ ဒီလိုပုံစံဖြစ်နေရတာပါလိမ့်။

ကယ်ဆယ်ရေးတစ်ဦးက အုတ်ပုံကြားထဲကတစ်ဆင့် သူမ အသက်ရှင်သေးလားဆိုတာ အတည်ပြုဖို့ သူမကို အော်ခေါ်ပါတယ်။ ပြီးတော့ လက်နှိုက်ပြီး တူလက်ကိုင်ရိုးနဲ့ အုပ်ကျိုးလေးတွေကို အသာထုပြီး တုန့်ပြန်သံကို နားထောင်ပါတယ်။ ဒါပေမဲ့ ဘာတုန့်ပြန်သံမှ မကြားရပါဘူး။ ဒါဆို သေဆုံးနေတာ သေချာပါပြီ။

ကယ်ဆယ်ရေးလုပ်သားတွေ ကြိုးစားပြီး သတိထားကာ သူမအလောင်းပေါ်ဖုံးနေတဲ့ အကျိုးအပဲ့အစတွေကို ဖယ်ရှားပစ်ကြပါတယ်။ ကယ်ဆယ်ရေးအသင်းခေါင်းဆောင်က သူမအလောင်းရှိရာသို့လာပြီး ကျွမ်းကျင်ညှင်သာစွာ သူမအလောင်းအောက်ကို လက်နှိုက်ပြီး ရှာဖွေပါတယ်။ ပြီးတော့ ရုတ်တရက် သူ ထအော်လိုက်တယ်။
"ဒီထဲမှာ တစ်ယောက်ယောက်ရှိနေတယ်။ ဟာ...ကလေးလေးတစ်ယောက်ဘဲ။ အသက်မသေသေးဘူး"

သူမရင်ဘတ်အောက်တည့်တည့်မှာ ကလေးလေးတစ်ယောက်ကို တွေ့လိုက်ရပါတော့တယ်။ အော်.. ဒါကြောင့်မို့ ဒူးထောက် လက်ထောက်ပြီး ကလေးအသက်ကို ကာကွယ်ပေးဖို့ ကုန်းကွကွဖြစ်နေတာကိုး။ အဲဒီမြင်ကွင်းကြောင့် ကယ်ဆယ်ရေးဝန်ထမ်းတွေ ပါးစပ်အဟောင်းသား ဖြစ်ကြရပါတယ်။ ကလေးလေးကို အ၀ါရောင်ပန်းပွင့်နှင့်ခြယ်သထားတဲ့ စောင်အနီကလေးနဲ့ သေချာကျနစွာ ထုပ်ပိုးထားပါတယ်။ ကလေးအသက်ကတော့ ၃-၄လ အရွယ်လောက်ပါ။ ယောက်ျားလေးပါ။ အပျက်အစီး အသက်အန္တရာယ်တွေကြားထဲက လူမမယ် လသားအရွယ်သားလေးတစ်ယောက်ကို အသက်အသေခံပြီး ကာကွယ်စောင့်ရှောက်ခဲ့တဲ့ သူမရဲ့ မိခင်မေတ္တာကတော့ ရှာမှရှားပါဘဲ။

သူ့အမေရဲ့ ခန္ဓာကိုယ်အကာအကွယ်နဲ့ ကလေးလေးဟာ ဘာမှ အနာတရမရှိခဲ့ပါဘူး။ လောကကြီးဘာတွေဖြစ်နေမှန်းလဲ သူနားလည်မှာ မဟုတ်ပါဘူး။ သူ့ကို အပြင်ထုတ်လာတဲ့အထိ နှစ်ခြိုက်စွာ အိပ်မောကျနေဆဲဘဲ ဖြစ်ပါတယ်။ သူ့ရဲ့  နှစ်ခြိုက်စွာ အိပ်ပျော်နေတဲ့ မျက်နှာလေးက အဲဒီမြင်ကွင်းမှာရှိကြတဲ့ ကယ်ဆယ်ရေးလုပ်သားတွေရဲ့ နှလုံးသားကို နွေးထွေးစေခဲ့ပါတယ်။

ကယ်ဆယ်ရေးအသင်းဒေါက်တာက ကလေးလေးကို စစ်ဆေးဖို့ ထုပ်ပိုးထားတဲ့စောင်ကို ဖြေလိုက်တဲ့အခါမှာ တွေ့လိုက်ရတာကတော့.....။ စောင်ထဲထည့်ထားတဲ့ မိုဘိုင်းဖုန်းလေးတစ်လုံး
သူက အမှတ်မထင် ဖုန်းလေးကို ဖွင့်ကြည့်လိုက်တဲ့အခါမှာ မက်ဆေ့ခ်ျ တစ်ခုကို တွေ့လိုက်ရတယ်။

"My Dear Baby, If you were to stay alive, you must remember that I love you"
"သားလေးရယ်၊ တကယ်လို့ သားလေးအသက်မသေဘဲ ရှင်ကျန်ရစ်မယ်ဆိုရင်လေ၊ အမေကလေ.. သားလေးကို အရမ်းချစ်တယ်ဆိုတာ သတိရပေးပါ သားလေးရယ်.. နော်"

ဒေါက်တာတစ်ယောက်အတွက် လူတွေသေလို့ နာကြင်စရာ ကြေကွဲစရာတွေဖြစ်ကြတာဟာ အထူးအဆန်းမဟုတ်ပေမဲ့ ဒီအချိန်မှာတော့ မက်ဆေ့ခ်ျကိုဖတ်ပြီး ဒေါက်တာလဲ စိတ်မထိန်းနိုင်ဘဲ ရှိုက်ကြီးတစ်ငင် ငိုကြွေးနေပါတော့တယ်။ အဲဒီ မိုဘိုင်းဖုန်းလေးကို ကယ်ဆယ်ရေးဝန်ထမ်းအားလုံး တစ်ယောက်စီ ကြည့်ကြပြီး မက်ဆေ့ခ်ျလေးကို ဖတ်ရင်း အားလုံးဘဲ ယူကြုံးမရစွာ ငိုကြွေးနေကြပါတော့တယ်။ အဲဒီအကြောင်းအရာလေးကို အင်တာနက်နှင့်အီးမေးလ်ဖော်ဝါ့ဒ်ကတစ်ဆင့် သိရှိကြရတဲ့ ကမ္ဘာအရပ်ရပ်ကလူအများစုဟာလဲ မျက်ရည်ဥလေးတွေ ခိုတွဲလို့ပေါ့။ လူမျိုး ဘာသာ သတ္တ၀ါကွဲပြားကြပေမဲ့ မိခင်မေတ္တာကတော့ အနစ်နာခံစွာ မကွဲမပြားတစ်သားထဲဘဲ ဖြစ်ပါတော့တယ်။
........

အဲဒီမှတ်တမ်းဖိုင်လေးကို ဖတ်ကြည့်ပြီး ကျနော်လဲ မျက်ရည်ကျမိပါတယ်။
ဒါပေမဲ့....
မိခင်မေတ္တာကြောင့် ကျခဲ့တဲ့ အဲဒီကျနော့်မျက်ရည်အတွက် ဘယ်တော့မှ နောင်တရမှာ မဟုတ်ပါဘူး။ ပြီးတော့ အဲဒီမျက်ရည်အတွက် ကျနော် ကျေနပ်စွာ(ကြည်နူးစွာ)ဂုဏ်ယူနေလျက်ပါဘဲ။


မှတ်ချက်။
ပို့စ် ၅၀၀ ပြည့်အမှတ်တရအနေနဲ့ ဒီအကြောင်းလေးကို ရေးချင်လို့ရေးလိုက်ခြင်းရယ်ပါ။ ဒီအဖြစ်အပျက်ကို လူတိုင်းနီးပါး သိပြီးသလောက်ဖြစ်နေပြီလို့ ယူဆပါတယ်။ ကျနော့် ဒီပို့စ်ဟာ မိခင်မေတ္တာကို လုံးဝ မပေါ်လွင်စေဘူး၊ မထင်ဟပ်စေဘူးဆိုရင် ကျနော့်ရဲ့  အရေးအသားအားနည်းချက်ကြောင့်ဘဲ ဖြစ်မှာပါ။ မိခင်မေတ္တာဟာ စကြာဝဠာပျက်သုဉ်းသည့်တိုင် ရှင်သန်နေလျက် ရှိနေမယ်ဆိုတာကတော့ မြေကြီးလက်ခတ် မလွဲပါဘဲခင်များ။ ။

ကြည့်ချင်ရင် ဒါလေးကို ကလစ်လိုက်ရုံပါဘဲ။

...