အစာမျှော် ငါးပိရည်ဖွဲ့ ကဗျာ

သိပံ္ပမောင်ဝတို့ ခေတ်က အင်္ဂလန်နှင့်မြန်မာဆိုတာ အတော်လေး အလှမ်းကွာဝေးတာကလား။ မြန်မာနိုင်ငံကနေ ဘိလပ်ခေါ် အင်္ဂလန်နိုင်ငံသို့ ပင်လယ်ကူးသင်္ဘောကြီးဖြင့် လာရောက်ရသတတ်။ ပင်လယ်ပြင်ထဲမှာ တစ်လတိတိ မောင်းနင်ပြီးမှ အင်္ဂလန်သို့ ရောက်သတတ်။ ထို့အတူ အင်္ဂလန်မှ မြန်မာသို့ သွားရာတွင်လည်း လမ်းခရီးမှာ တစ်လတိတိ ကြာလေသတတ်။ ထိုသို့ဆိုလျှင် ထိုစဉ်အခါက အင်္ဂလန်မှ မြန်မာသို့ စာတစ်စောင်ပို့လျှင် တစ်လတိတိ၊ မြန်မာမှ အင်္ဂလန်သို့ စာပို့ရာတွင်လည်း တစ်လတိတိ။ ဆိုရသော် တစ်နိုင်ငံမှ တစ်နိုင်ငံ စာတစ်စောင်ရောက်ရောက်ချင်း စာပြန်လျှင်တောင်မှ စာထွက်သွားတာက တစ်လ၊ စာပြန်လာတာက တစ်လ။ နှစ်လတိတိနေမှ စာတစ်စောင် ဖတ်ရလေသတတ်။ သိပံ္ပမောင်ဝ အင်္ဂလန်မှာ ရှိနေစဉ် မြန်မာနိုင်ငံက စာတစ်စောင် ရရှိပါက နှစ်ရက်သုံးရက်လောက် ပျော်နေပြီး ထိုစာကို အထပ်ထပ် အခါခါ နေ့စဉ်ဖတ်ရှုပြီး ၀မ်းသာပီတိ ဖြစ်လေ့ရှိသတတ်။

ထိုအကြောင်းအရာတို့ကို ဖတ်ရှုပြီး သိပံ္ပမောင်ဝကို တွေးတွေး သနားမိလေ၏။ ယခုအခါမူ အင်တာနက် ကျေးဇူးကြောင့် ဂျီတော့ခ်ဂျီမေးလ်ဖြင့်လည်းကောင်း ရာဟုဖြင့်လည်းကောင်း ဗီဇက်အိုဖြင့်လည်းကောင်း စကိုက်ပ်ဖြင့်လည်းကောင်း စက္ကန့်အတွင်း ရုပ်ကော အသံပါ တစ်ပြိုင်နက် ကြားခွင့်မြင်ခွင့်ရလေ၏။ လိုအပ်လျှင် တစ်ချိန်တည်း လူများစွာနဲ့ တော်ကီပွါးနိုင်လေ၏။ ချတ်တင်ထိုင်နိုင်လေ၏။ တယ်လီဖုန်းဖြင့်လည်း အချိန်မရွေး စကားပြောနိုင်၏။ သိပံ္ပမာင်ဝတစ်ယောက် ထိုအကြောင်းအရာတို့ကို တမလွန်က သိရှိနေလျှင် စုပ်တသပ်သပ် ဖြစ်နေမည်မှာ သေချာလှပေတော့၏။

ထိုအချိန်က အင်္ဂလန်တွင် ရွှေမြန်မာလူမျိုးများ ရှားပါးမှုကြောင့် ရုံးပိတ်ရက် ကျောင်းပိတ်ရက်တို၌ မရှိမဲ့ရှိမဲ့ မြန်မာလူမျိုးများကို စုရုံးကာ မြန်မာစကားပြောကြလေ့ရှိသတတ်။ ထို့မှတစ်ပါး မြန်မာနိုင်ငံမှ လူကြုံဖြင့်သော်လည်းကောင်း သင်္ဘောဖြင့်သော်လည်းကောင်း ဘာလချောင်စသည့် မြန်မာအစားအစာများ ရောက်ရှိလာပါက အင်္ဂလန်နိုင်ငံတွင်းရှိ မြန်မာအချင်းချင်း စာရေးအကြောင်းကြားပြီး နေအိမ်တစ်ခုကို စုရပ်လုပ်ကာ ရှားရှားပါးပါး မြန်မာ အစားအစာများကို အတူတူ ပျော်ပျော်ပါးပါး စုဖွဲ့ စားသောက်လေ့ရှိကြသတတ်။

ယခုအခါ၌မူ အင်္ဂလန်မြေတွင် ရွှေမြန်မာလူမျိုးမှာ နေရာမလပ် လက်ညှိုးမလောက် ပေါများနေသည့်အတွက် မြန်မာလူမျိုးအချင်းချင်း မတွေ့ရလေအောင် ရှောင်ရှားနေကြရလေ၏။ မြန်မာအချင်းချင်း သူ့အုပ်စု ကိုယ့်အုပ်စု တူရာတူရာ စုပြီး နေထိုင်ကြတာများသောကြောင့် လုပ်ငန်းအတွင်းရောက်မှသော်လည်းကောင်း ကျောင်းတော်ကြီးသို့ ရောက်မှသော်လည်းကောင်း အင်္ဂလိပ်စကားကို ပြောခွင့်ရကြလေ၏။ မြန်မာအစားအစာများမှာလည်း တ၀ီဝီ ပျံသန်းနေသည့် လေယာဉ်များစွာ၏ ကျေးဇူးတို့ကြောင့် ငါးပိမှစပြီး မုန့်ဟင်းခါးအထိ လှိုင်လှိုင်ပေါများလေ၏။ မြန်မာအစားအစာရောင်းသည့် အရောင်းဆိုင်သည်ပင် လန်ဒန်မြို့တွင်း၌ ရှိလေ၏။ သိပံ္ပမောင်ဝ ခေတ်နဲ့ ကွာခြားလှသည့် ဖြစ်ခြင်း။

ဒီနေ့ တိုင်ပင်မထားဘဲ အသိမိတ်ဆွေ သုံးယောက် ပေါက်ချလာ၏။ တိုင်ပင်မထားပါဘဲ သုံးယောက်လုံး လက်ဆောင်ပါလာ၏။ ထူးဆန်းပေစွ။ မြန်မာပြည်က ပို့ခဲ့တဲ့ အစားအစာတဲ့။ ထို့ထက် ပိုထူးဆန်းသည်မှာ တိုင်ပင်မထားပါဘဲ သူတို့ ယူဆောင်လာသည့် လက်ဆောင်တို့မှာ ငါးပိထွက်ပစ္စည်းချည်း ဖြစ်နေလေ၏။ တစ်ယောက်က ငါးပိထောင်း၊ တစ်ယောက်က ဘာလချောင်ကြော်၊ နောက်တစ်ယောက်က ငါးပိကြော်။ ဒီနေ့ကတော့ ငါးပိရနံ့တို့ဖြင့် လွှမ်းခြုံမွမ်းထုံသော နေ့တစ်နေ့ပင်။

အသိမိတ်ဆွေများ ပြန်သွားပြီး နေ့လည်ပိုင်းကျတော့ အိမ်ရှင်အဘိုးကြီးမြို့ထဲမှ ပြန်လာလေ၏။ အဘိုးအိုသည် ချက်ရေးပြုတ်ရေး ၀ါသနာအထုံပါသောကြောင့် ရောက်ရောက်ချင်း မီးဖိုခန်း တန်းဝင်ပြီး ချက်ပြုတ် ကြော်လှော်နေ၏။ ကျွန်ုပ်သည် အိမ်အပေါ်ထပ်၌ နေ၏။ အပေါ်ထပ်သို့ ပျံ့တက်လာသည့် အနံ့တို့ကြောင့် မီးဖိုခန်းရှိရာ အောက်ထပ်သို့ ဆင်းပြီး...

"အဘိုး ဘာတွေ ချက်ပြုတ်နေတာလဲဗျ"

ဟု မေးလိုက်သောအခါ...

"ငါးပိရည်ကျိုနေတာလေ။  မိတ်ဆွေတစ်ယောက် လက်ဆောင်ပေးခဲ့လို့။ ဘာဖြစ်လို့လဲ မောင်ရင်ရ"

"ဟာ.. အဘိုးရာ.. ရေခဲသေတ္တာကိုလဲ ဖွင့်ကြည့်လိုက်ပါဦး။ ဒီနေ့ မနက်ကမှ မိတ်ဆွေ သုံးယောက်လာပြီး ငါးပိအစားအစာ သုံးမျိုးတိတိ ပေးသွားခဲ့လေရဲ့။ အခု အဘိုးကပါ ငါးပိရည်ကျိုနေပြီဆိုတော့ ကျန်တော်တို့ အိမ်ကတော့ ငါးပိနံ့ တလူလူ ဖြစ်နေတော့မှာဘဲ"

"ဟား ဟား ဟား။ ဒါဆိုလဲ ငါးပိနံ့သင်းသော ဘိလပ်ပြည် ဖြစ်သွားတာပေါ့ကွာ... ဟား ဟား ဟား"


ဟူ၍ မျက်စိပေါက်ကျဉ်းသည်ထိ အဘိုးအိုတစ်ယောက် အားရအားရ ရယ်မောနေလေတော့၏။

ထိုစဉ် ကျွန်ုပ်သည် အမှတ်တရအနေနဲ့ ငါးပိစားသောက်ကုန်များ စုပြုံရောက်လာခြင်းကို မှတ်တမ်းတင်ချင်စိတ် ပေါ်ပေါက်လာလေ၏။ ငါးပိရည်ဖွဲ့တေးထပ် စပ်ရင် ကောင်းမလား ငါးပိရည်ပျို့ စပ်ရင်ကောင်းလား စဉ်းစားရင်း ဆရာမင်းသုဝဏ်၏ "သပြေညို" ကဗျာလေးကို အမှတ်ရသွားလေ၏။ ဆရာမင်းသုဝဏ်ကတော့ အင်္ဂလန်မှာ နေထိုင်စဉ်အတွင်း ၁၉၃၈ ခု ဇန်န၀ါရီလ ၄ ရက်နေ့၌ "လွတ်လပ်ရေးမျှော် သပြေညို"ကဗျာလေးကို ထိထိမိမိ စပ်ဆိုခဲ့လေ၏။ တိုက်ဆိုင်စွာပင် ၁၀ နှစ်တိတိပြည့်တဲ့နေ့ ၁၉၄၈ ခု ဇန်န၀ါရီလ ၄ ရက်နေ့၌ မြန်မာနိုင်ငံ လွတ်လပ်ရေး ရခဲ့လေ၏။ ဆရာမင်းသုဝဏ်ရဲ့ "သပြေညို"ကဗျာလေးကတော့ အောက်ပါအတိုင်းပင် ဖြစ်၏။

သပြေညို

သူ့ ခေါင်းမှာတဲ့ သပြေညို
ငါ့ ခေါင်းမှာတဲ့ သပြေညို။

တို့ပြေမှာ တို့မေ ကမ်းပါတဲ့
သပြေညို ရွှေဘိုပန်းဟာက
လန်းလျက်ပါကို။

ဘာမလျှော့လေနဲ့
လာတော့မကွဲ့ ရွှေပဟိုရ်
လေချိုက အသွေး။

လင်းကြက်အဆော်
ကွင်းထက်မှာ တူပျော်ပျော်နဲ့
စည်တော်ကို ရည်မျှော်မှန်းကာပ
ရောင်နီမှာ အောင်စည်ရွမ်းရအောင်
သပြေညို ရွှေဘိုပန်းရယ်နဲ့
လှမ်းကြစို့လေး။

မင်းသုဝဏ်

အင်္ဂလန် (၁၉၃၈) ဇန်န၀ါရီလ ၄ ရက်

.


ကျွန်ုပ်သည်လည်း အင်္ဂလန်၌ နေထိုင်စဉ် ဆရာမင်းသုဝဏ်ကို အားကျကာ "သပြေညို"အလိုက်ကို ယူပြီး ကျွန်ုပ်အိမ်သို့ ငါးပိအစားအစာ စုပြုံရောက်သောနေ့ကို မှတ်တမ်းတင်သည့် အနေဖြင့် "အစားအစာမျှော်" ကဗျာတစ်ပုဒ် မွေးထုတ်မိလိုက်လေ၏။ ကဗျာနာမည်လေးကတော့ "ငါးပိရည်"တဲ့။ ရှုစား အားပေးကြပါဦး။

ငါးပိရည်

ဟိုအိမ်မှာတဲ့ ငါးပိရည်

ဒီအိမ်မှာတဲ့ ငါးပိရည်။

တို့ပြည်က တို့အဆွေ ပို့ခဲ့ပါတဲ့

ငါးပိရည် အအီပြေလေးကိုလ

လွေးလျက်ကာနေ။

အငတ်မထားလေနဲ့

တတ်အားသမျှ အရည်ကျို

ရည်ချိုက အမွှေး။

ဟင်းချက်အဖျော်

ထမင်းထက်မှာ နံစော်စော်နဲ့

ငါးပိဖျော်ကို ငတိဆော်လိုက်တာက

အဆောင်မှာ ငမောင်ပျော်ရအောင်

ငါးပိရည် အသိဆွေများရယ်နဲ့

စားကြစို့လေး။

ကိုကိုမောင်(ပန်းရနံ့)

အင်္ဂလန်။ (၂၀၁၂) ဇန်န၀ါရီ ၄ ရက်၊ ဗုဒ္ဓဟူးနေ့။း)
{၆၄ နှစ်မြောက် မြန်မာ့လွတ်လပ်ရေးနေ့}

ဆုတောင်း။
ဒီနှစ် လွတ်လပ်ရေးနေ့ကစပြီး ဘာသာရေး နိုင်ငံရေး စီးပွါးရေး လူမှုရေး ပညာရေး ကျန်းမာရေး ပတ်ဝန်းကျင်ထိန်းသိမ်းရေးစသော အားလုံး (အားလုံး)သော အရေးတို့ကို ကောင်းမွန်စွာ လွတ်လပ်စွာ ပွင့်လင်းစွာ အပြစ်ကင်းစွာ ဘေးကင်းစွာ ကျန်းမာချမ်းသာစွာ တိုးတက်အောင်မြင်အောင် ဆောင်ရွက်နိုင်ကြပါစေ။ (ကိုကိုမောင်၊ ပန်းရနံ့)။

ပြီးတော့..

ဒီနေရာလေးကို သွားဖို့လဲ မမေ့ကြနဲ့ဦးနော။း)

.