ဥယျာဉ်မှူး အဆိပ်သင့်တဲ့ နေ့

သောကြာကြယ်လေးရေ

မင်း မြေခတဲ့ ညမှာ
ငါသာ ဥယျာဉ်မှူးဆိုရင်
ရင်တွင်း ဆူနာမီ ဖြစ်ရောပေါ့။

တစ်ပင်ချင်း ပေါင်းတင်
တစ်ရစ်ချင်း မောင်းတင်
အမြစ်ကလေး ထွက်လာရင်တောင်
ဥယျာဉ်မှူး ရင်ထဲ ပန်းပွင့်ပြီလေ။

မင်းအပေါ် ပက်ဖျန်းပေးတဲ့
ပွင့်လှ သတ္တိကြွဆေးတွေ
မင်းအခြေမှာ ရစ်ခွေပေးတဲ့
မြေလွှာ အားတိုးဆေးတွေ
အဲဒါ..
ဥယျာဉ်မှူးရဲ့ သွေးတွေပေါ့။

ပန်းတိုင်းလှဖို့
သူ့ရဲ့ ခြေဖ၀ါးပြင်ကြီးနဲ့
ငြောင့် ခလုပ် သစ်ငုတ်ပေါ်
ပျော်ပျော်ကြီး တက်ခဲ့ဖူးတယ်။

ပန်းတိုင်း ၀င့်ကြွားဖို့
သူရဲ့ လက်ဖ၀ါး နုနုလေးနဲ့
ဆူးကြမ်းကြမ်းကြီးကို
ကျေကျေနပ်နပ်ကြီး ဆုပ်ကိုင်ခဲ့ဖူးတယ်။

သူ့ရဲ့ စိတ်ကူးထဲမှာ
ပန်းတွေ ပွင့်ခဲ့ဖူးမယ်
ပန်းတွေ ၀င့်ခဲ့ဖူးမယ်
လောကကြီးကို
ပန်းနှင့်အလှဆင်
သူ့အမြင်မှာ ပန်းပင်တွေကို အားရခဲ့ဖူးမယ်။

ခုအခါ
သူပေးအပ်ခဲ့တဲ့ ဆေး
သူပေးဆပ်ခဲ့တဲ့ သွေး
သူတေးမှတ်ခဲ့တဲ့ အတွေးတွေက
သူကိုယ်တိုင် မျက်စိ ခဏ အမှိတ်မှာ
အဆိပ်သင့် ခံခဲ့ရပြီကော။

.....